فضــــفـــضـــــات ... من القـــلــــب للقـــلــــب ... جاكوزي المحاورات

[mekkawy]

دعواتكوا معايا يا شباب :blink:

رايح يوم التلات باذن الله اشيل كيس دهنى من عينى (آه يا عينى) زى اللى كان عند العنبى (ربنا يسامحك ...... انا شاكك انك السبب)

بجد مش بستحمل اى حاجة تلمس عينى مبالك بمشرط بقى وبنج والله اعلم ايه اللى هيحصل

ربنا يسترها من عنده وتعدى الامور على خير

يوم الاربع بقى رايح احشى درسى (آه يا درسى ) ( ربنا يسامحك يا مكاوى انت اللى عزمتنى علي الايس كريم....... انا شاكك انك عايز تنتقم)

حقنة البنج دى بتبقى طويلة والبتاع اللى بيحفروا بيه ده

ربنا يسترها من عنده وتعدى الامور على خير

يوم الخميس هركب الطيران السعودى وانا مش بتفائل بالطيارات دى ........... كل مرة بركبها بحس انه اخر يوم فى حياتى هما بصراحة مش بيعرفوا يسوقوا (ربنا يسامحك يا نفسى ............ انتى اللى شورتى عليا بالطيارات دى) :ربنا يسترها من عنده وتعدى الامور على خير

اى حد انا زعلته فى حاجة او كهربته فى يوم من الايام ياريت يسامحنى ماهو 3 خبطات فى الراس بتوجع اوى وممكن تموت

مكاوى

هى مية الجاكوزى سخنة اوى ليه كدة هى ماسورة المية جاية من الرياض ولا ايه؟

ولا تكون حالة نفساوية سيئة عندى

حوس عزيز قلبي الجواني

منا مكلمك إمبارح يا باشا و كنت زي الفل و مكنش فيه حاجة في عينك .. لا حول ولا قوة إلا بالله :lol:

شوف يا برنس العيون .. الكيس الدهني ده حاجة سهلة خالص .. أخوك عنده منه كتير .. زمان سيحت إتنين بحقن من غير عملية .. الصراحة كان دكتور أكثر من ممتاز عندنا في الزقازيق .. هو مركز شرف الطبي للعيون

و دلوقتي عندي ييجي شوية كدة بس مش عاملين حاجة .. متكبرش الموضوع على نفسك .. متخفش .. سهلة و الله

السنان بأة يا باشا الله يعينك .. أنا عندي ضرس من ثانوي و هو بيقع مع الأكل لكن لا أجرؤ ولا أستجرأ إني أروح لدكتور سنان .. خاف باة المرة دي :lol: .. أصلي لا بحب الدكاترة ولا بيحبوني .. هو لما بينقح عليا و ده بشكل يومي بأرزعه حبتين قرنفل طبيعي و خلصنا .. و لما يورم أو يزعل مني و يقلبني من الألم .. بأسكته بقرنفل مس (من الصيدلية) غير كدة يا عم لأ .. ايكش تولع .. إنما دكاترة سنان لأ.

نيجي بأة لوسيلة الموت التالتة .. الطيران السعودي .. بأقولك ايه يا حسام .. ما ترمي نفسك في البحر و خلاص يا عم وأهي موتة واحدة و السلام ولا عيون ولا سنان و لا طيران :lol:

الطيران السعودي الجميل فيه إن الطيارات كبيرة أوي و الوجبات حلوة و الدور التاني فيها بررررنس .. بتحس إنك قاعد في بيتكم و إنك من كبار القوم لأنه غالباً بيكون فاضي .. اطلب من البوردينك ليدي/مان يدوك كرسي فوق لو الطيارة فيها فوق .. و يكون إجزت ويندو .. ده برنس الكراسي يا باشا و ده هتلاقي مكتوب عليه اسم أخوك مكاوى في كل من الطيران السعودي و مصر للطيران و طيران الخليج و العمانية .. همن دول بس اللي سافرت عليهم.

و أي حد إنت زعلته يا حوس .. متقلقش .. كلنا إخواتك .. روح يا شيخ ... منك لله mfb: .. لا لا مسامحينك ما تعيطش .. بس متتأخرش عليا عشان إن شاء الله لما ترجع نعمل قلق في جدة و أجوارها

أخيراً بأة و ليس متأخراً

متنساش تجيب معاك حمام و بط صاحي قبل ما يمنعوه في مصر .. مش صاحي صاحي يعني .. قصدي مدبوح بيتي مش مجمد ... و سلملي على المترو بالله عليك

و السلام ختام

جندي مجند .. مكاوي أحمد مكاوى

[صافى]

رايح يوم التلات باذن الله اشيل كيس دهنى من عينى (آه يا عينى) :lol: زى اللى كان عند العنبى (ربنا يسامحك ...... انا شاكك انك السبب)

بجد مش بستحمل اى حاجة تلمس عينى مبالك بمشرط بقى وبنج والله اعلم ايه اللى هيحصل

ربنا يسترها من عنده وتعدى الامور على خير

يوم الاربع بقى رايح احشى درسى (آه يا درسى ) :lol:( ربنا يسامحك يا مكاوى انت اللى عزمتنى علي الايس كريم....... انا شاكك انك عايز تنتقم) :blink:

حقنة البنج دى بتبقى طويلة والبتاع اللى بيحفروا بيه ده

ربنا يسترها من عنده وتعدى الامور على خير

يوم الخميس هركب الطيران السعودى mfb: وانا مش بتفائل بالطيارات دى ........... كل مرة بركبها بحس انه اخر يوم فى حياتى

هما بصراحة مش بيعرفوا يسوقوا (ربنا يسامحك يا نفسى ............ انتى اللى شورتى عليا بالطيارات دى)

ربنا يسترها من عنده وتعدى الامور على خير

اى حد انا زعلته فى حاجة او كهربته فى يوم من الايام ياريت يسامحنى ماهو 3 خبطات فى الراس بتوجع اوى وممكن تموت

مكاوى

هى مية الجاكوزى سخنة اوى ليه كدة هى ماسورة المية جاية من الرياض ولا ايه؟ :lol:

ولا تكون حالة نفساوية سيئة عندى smk:

................................................................................

.................................................................................

.................................................................................

..........................................

يا عينى يا حسام انت اتشركت كدة لية يا بنى عموما ربنا معاك ويقومك من القلع والحشو بلا سلامة ان شاء اللة تبقى شكة دبوس وتروح وترجع بلسلامة ومتستعجلش الناس فى مصر

بردوة بيقولو الجو هناك حررر ودرجة الحرارة 40 باين الرياض اثرت على العالم كلة بمواسيرهاااااطمئن bv:-

تم تعديل 20 يونيو 2010 بواسطة صافى

[hOuSsAm]

ميكاوى

صافى

متشكر ليكوا اوى عالاهتمام والدعوات

متشكر يا مكاوى على اتصالك

ومتشكر للعنبى عشان قالى انى ممكن اعالجها بمية دافية كل يوم الصبح

بس فى الغالب هلجأ للتدخل الجراحى عشان الوقت ضيق بالنسبة لى

[mekkawy]

مش عارف ايه اللي خلاني أرفع الصورة دي دلوقتي .. بس هي دي فضفضتي دلوقتي .. صورتها و أنا في أول عمرة .. أسيبكم معاها

مكاوى

[قلب ابيض]

الوووووووووووووو اللووووووو

يا بندر ... حد سامعنى

انا هامووووت واضرب غطس فى جاكوزكوا ده ..بس انا محتاجه جاكاوييز مش جاكوزى واحد

متابعاكم على اد ما بقدر من حين الى حين ونفسى ارغى معاكم اوى جدا خالص

مكى الغالى الابن العزيز ... اهدى واتقل شويه كمان وحاول بسرعه ان امكن تستقدم ام سلومه وسلومه الموضوع هايفرق كتير اوى معاك

وان لم يكن اعقلها وتوكل .

على جنب : هاموووت واعمل عمره فضفضتك المصوره هزتنى

سلامتك يا حسحس الف سلامه :happy:

فتفت صافى اغاااااابى لمضمض ضحا ايه الحلاوه دى ؟؟؟ ربنا ما يفرقكم ابدا صحبه طيبه دايما يارب

كل الناس اللى فى الجاكوزى وحشتونى وانتظرووووونى كمنج سوووون smk: :P

[صافى]

مش عارف ايه اللي خلاني أرفع الصورة دي دلوقتي .. بس هي دي فضفضتي دلوقتي .. صورتها و أنا في أول عمرة .. أسيبكم معاها

مكاوى

اللة يامكاوى بجد بجد شوقتنى اروح بجد احلى فضفضة خليتنى بقول كلام كتير جواياا يارب نولهالى اللهم ما امين

شكرا ليك بجد :cry1:

تم تعديل 21 يونيو 2010 بواسطة صافى

[صافى]

ربنا يخليكىيا ام قلب ابيض ونورتى الجاكوزى وعلى فكرة مكاوى عامل ديسكوند جامد فوى يعنى مش هتغرمى كتيير يدوبك 500 ريال على الراس يعنى حواى 700 حاجة واربعين جنية كدة يعنى بسيطة كل الى حوشتية هتسرفية عندنا انا عن نفسى

نفسى اجيبك ببلاش خالص بس مش عارفة يمن مكاوى يخصم منى بس مش مشكلة المهم انك نورتيناااا :cry1:انا بس بهدى النفوس

على جمب دة ربنا ينولك العمرة والحج الى فى بالك انا وا نتى وامة المسلمين اللهم امين

تم تعديل 21 يونيو 2010 بواسطة صافى

[mekkawy]

الوووووووووووووو اللووووووو

يا بندر ... حد سامعنى

كل الناس اللى فى الجاكوزى وحشتونى وانتظرووووونى كمنج سوووون :cry1: :cry1:

الأم الفاضلة قلب أبيض

الجاكوزي النهاردة نور .. و عشان خاطركم الشريف اليوم مجاناً .. يلا يا عيال اتجكوزوا براحتكم على حس مامتكم قلب أبيض اللي مهنياكم و مستتاكم ... وي أر ويتند بأة

مكاوى

[mekkawy]

ربنا يخليكىيا ام قلب ابيض ونورتى الجاكوزى وعلى فكرة مكاوى عامل ديسكوند جامد فوى يعنى مش هتغرمى كتيير يدوبك 500 ريال على الراس يعنى حواى 700 حاجة واربعين جنية كدة يعنى بسيطة كل الى حوشتية هتسرفية عندنا انا عن نفسى

نفسى اجيبك ببلاش خالص بس مش عارفة يمن مكاوى يخصم منى بس مش مشكلة المهم انك نورتيناااا :cry1:انا بس بهدى النفوس

على جمب دة ربنا ينولك العمرة والحج الى فى بالك انا وا نتى وامة المسلمين اللهم امين

النهاردة فري يا صافي عشان خاطر قلب أبيض ... تقومي تقوليلي أعملها ديسكونت .. دي هي الديسكونت ذات نفسه :lol:

و بعدين لو قلب أبيض هتدفع بتدفع بالدينار مش بالريال .. يعني يا دوبن همن 40 دينار عمي :cry1: .. اللهم لا قر ولا نق ولا حسد

مكاوى

[رضوي]

يعني الجاكوزي النهاردة قور فري ؟؟؟؟؟

اوك

ربنا يخليكي لينا يابيضاء القلب ......... خليتي مكاوي يعملنا يوم فري

ومن موقعي هذا اطالب ان النهاردة يكون اليوم المجاني الاسبوعي

:cry1:

أيون ........... يعني انت هترحب بماما قلب ابيض بجست وان ديي ؟؟

لالالالالالالالالا

انت تخلي يوم الاثنين يبقي يوم مجاني اسبوعياً

:cry1:

( اوعي حد يضرب )

[رضوي]

طيب وبما ان النهاردة اليوم المجاني للجاكوزي

فأحب أفضفض ........ وبصراحة انا فعلاً محتاجة افضفض

لأني خلااااااااااااص تعبت

مش عارفة مالي ....... مش فاهمة ايه اللي بيحصل ؟؟؟

الدنيا زحمة اوي ......... حاجات كتير لازم تخلص ........ بس مش عارفة واقفة ليه

عاملة زي القاهرة وقت الزروة ........... كل الاشارات واقفة والعربيات عاملة دوشة وزحمة

استااااااااااااااااااااااااااذة ...... في اني اسمع الناس ....... اسمع مشاكلهم ......... اسمع فضفضتهم

وكمان اساعدهم علي حل مشاكلهم

دايماً عندي الصبر والمهارة في الاستماع لأصدقائي

ودي نعمة بحمد ربنا عليها اوي

كتير جداً من اصدقائي اللي مابيعرفوش ياخدو النصيحة الا من رضوي ....... بقول الحمد لله اني ممكن اقدر اكون في عون اخواتي

لكن

!!!!!!!!!!!!

أنا بقي .......... فين ؟؟

ماهي دي المشكلة .......... اني فعلاً ساعة لما بتضايق او بتخنق ......... مابلاقيش حد !!!!!!!!

كلهم بيختفوا .......... علي الرغم من وجودهم .... وكمان رغبتهم في سماعي

بيتهموني اني لما بكون زعلانة مابتكلمش وبفضل الصمت ؟؟؟؟؟؟

بس غلطانين .......... انا مش كدة ........ ببقي نفسي اتكلم واحكي

عايزة اللي يسمعني يسمع وبس .......... مش عايزة كلام الا بعد لما اخلص كلامي كله

ماينفعش افضفض مع واحدة صحبتي وف نص كلامي يحصل فاصل ........ أو الموضوع يتغير ....... او تتشغل بحاجة تانية .... او او او

ماهو انا لما بسمعهم ببقي كلي ليهم بس ........ مافيش حاجة تانية بتشغلني عنهم

دي مش انانية مني ......... بس انا مابتخنقش كل يوم ....... مابحتاجش افضفض كل يوم ........ فمن حقي لما احتاج افضفض الاقيهم جنبي وبيسمعوني وبس !!!!!!!!

والمشكلة بقي ............ اني ببقي عارفة الحل ........ ونادراً لما بلاقي حد يقولي حل جديد ......... بس انا مش محتاجة حل اد ماانا محتاجة الفضفة دي

انسانة كتووووووووووومة جداً

بس مع الناس اللي برتاحلهم مابعرفش اخبي اي حاجة

علي النقيض تماما

مع الناس بحب الخصوصية ....... بحب حياتي تبقي مقفولة ............. مع الناس اللي بحبهم حياتي كتاب مفتوووووووووووووووووح ع البحري

وبكتشف في النهاية

اني لازم أفضل زي ماانا ........

تم تعديل 21 يونيو 2010 بواسطة رضوي

[صافى]

:cry1:

النهاردة فري يا صافي عشان خاطر قلب أبيض ... تقومي تقوليلي أعملها ديسكونت .. دي هي الديسكونت ذات نفسه :lol:

و بعدين لو قلب أبيض هتدفع بتدفع بالدينار مش بالريال .. يعني يا دوبن همن 40 دينار عمي :lol: .. اللهم لا قر ولا نق ولا حسد

................................................................................

.................................................................................

.................................................................................

.................................................................................

.................................................................................

.................................................................................

.........................

هههههههههههههههههههههههههههه انا لا بعرف انق ولا احسد ولا اقر انا بس حبيت اهدى النفوس يا بو سلمى

خد بالك بقا وعلى جمب ال40 دينار دول طبعا بلنص منا الى قلت العرض والا ايةاوعاك تكلهم علية ] :cry1:

تم تعديل 21 يونيو 2010 بواسطة صافى

[صافى]

يعني الجاكوزي النهاردة قور فري ؟؟؟؟؟

اوك

ربنا يخليكي لينا يابيضاء القلب ......... خليتي مكاوي يعملنا يوم فري

ومن موقعي هذا اطالب ان النهاردة يكون اليوم المجاني الاسبوعي

:lol:

أيون ........... يعني انت هترحب بماما قلب ابيض بجست وان ديي ؟؟

لالالالالالالالالا

انت تخلي يوم الاثنين يبقي يوم مجاني اسبوعياً

:cry1:

( اوعي حد يضرب )

يضرب مين يا امى انا معاكى يا رضوى اللة عليكى وعلى افكارك احنا بقا محدش يجى غير يوم الاتنين بس عشان مجانى بقاااااا

بس صعبان علية عشان مكاوى هيخسر كدة بس ما يجراش حاجة هو هيتفهم الموقف

يلا بقا معدنا الاتنين الجاى :cry1:

[صافى]

طيب وبما ان النهاردة اليوم المجاني للجاكوزي

فأحب أفضفض ........ وبصراحة انا فعلاً محتاجة افضفض

لأني خلااااااااااااص تعبت

مش عارفة مالي ....... مش فاهمة ايه اللي بيحصل ؟؟؟

الدنيا زحمة اوي ......... حاجات كتير لازم تخلص ........ بس مش عارفة واقفة ليه

عاملة زي القاهرة وقت الزروة ........... كل الاشارات واقفة والعربيات عاملة دوشة وزحمة

استااااااااااااااااااااااااااذة ...... في اني اسمع الناس ....... اسمع مشاكلهم ......... اسمع فضفضتهم

وكمان اساعدهم علي حل مشاكلهم

دايماً عندي الصبر والمهارة في الاستماع لأصدقائي

ودي نعمة بحمد ربنا عليها اوي

كتير جداً من اصدقائي اللي مابيعرفوش ياخدو النصيحة الا من رضوي ....... بقول الحمد لله اني ممكن اقدر اكون في عون اخواتي

لكن

!!!!!!!!!!!!

أنا بقي .......... فين ؟؟

ماهي دي المشكلة .......... اني فعلاً ساعة لما بتضايق او بتخنق ......... مابلاقيش حد !!!!!!!!

كلهم بيختفوا .......... علي الرغم من وجودهم .... وكمان رغبتهم في سماعي

بيتهموني اني لما بكون زعلانة مابتكلمش وبفضل الصمت ؟؟؟؟؟؟

بس غلطانين .......... انا مش كدة ........ ببقي نفسي اتكلم واحكي

عايزة اللي يسمعني يسمع وبس .......... مش عايزة كلام الا بعد لما اخلص كلامي كله

ماينفعش افضفض مع واحدة صحبتي وف نص كلامي يحصل فاصل ........ أو الموضوع يتغير ....... او تتشغل بحاجة تانية .... او او او

ماهو انا لما بسمعهم ببقي كلي ليهم بس ........ مافيش حاجة تانية بتشغلني عنهم

دي مش انانية مني ......... بس انا مابتخنقش كل يوم ....... مابحتاجش افضفض كل يوم ........ فمن حقي لما احتاج افضفض الاقيهم جنبي وبيسمعوني وبس !!!!!!!!

والمشكلة بقي ............ اني ببقي عارفة الحل ........ ونادراً لما بلاقي حد يقولي حل جديد ......... بس انا مش محتاجة حل اد ماانا محتاجة الفضفة دي

انسانة كتووووووووووومة جداً

بس مع الناس اللي برتاحلهم مابعرفش اخبي اي حاجة

علي النقيض تماما

مع الناس بحب الخصوصية ....... بحب حياتي تبقي مقفولة ............. مع الناس اللي بحبهم حياتي كتاب مفتوووووووووووووووووح ع البحري

وبكتشف في النهاية

اني لازم أفضل زي ماانا ........[/fo

بما ان الناس دول مشغولين عنك وانتى بتحبى تفضفضى من غير حد ما يقطعك فمفيش احسن ولا افضل من انك تتجة للة وتشكيى لة وتدعى لة وتصلى لة هو بس الى هيقدر يريح قلبك وبالك وربنا معاكى ويكون فى عونك

[mekkawy]

يعني الجاكوزي النهاردة قور فري ؟؟؟؟؟

اوك

ربنا يخليكي لينا يابيضاء القلب ......... خليتي مكاوي يعملنا يوم فري

ومن موقعي هذا اطالب ان النهاردة يكون اليوم المجاني الاسبوعي

:lol:

أيون ........... يعني انت هترحب بماما قلب ابيض بجست وان ديي ؟؟

لالالالالالالالالا

انت تخلي يوم الاثنين يبقي يوم مجاني اسبوعياً

:cry1:

( اوعي حد يضرب )

سيادتك بتعملي انقلاب في الجاكوزي ؟ ها ؟ :lol:

ناقص تعملولي واقفة صامتة على أبواب الجاكوزكي و ترفعولي يوفط إحتجاج و شجب و تنديد و مطالبة بمحاسبة المسؤلين :cry1:

و الله عال أوي يا مس رضوى .. هنشوف التصرف المثالي معاكي

بس بردو فشقة بيكم جميعاً و علشان خاطر مامتنا قلب أبيض قررنا الآتي:

أن يكون يوم الإثنين الموافق اليوم الثالث من كل أسبوع ميلادي هو اليوم الوطني للجاكوزي .. على أن يكون الدخول مجاني ولا حساب على المشاريب.

كما قررنا صرف حوض و صاوبنة و فوطة لكل رائد من رواد الجاكوزي على غرار المعمول به مع رواد الفضاء في وكالة ناسا الأمريكية

و يجعله عامر

مكاوى

[صافى]

سيادتك بتعملي انقلاب في الجاكوزي ؟ ها ؟ :cry1:

ناقص تعملولي واقفة صامتة على أبواب الجاكوزكي و ترفعولي يوفط إحتجاج و شجب و تنديد و مطالبة بمحاسبة المسؤلين :cry1:

و الله عال أوي يا مس رضوى .. هنشوف التصرف المثالي معاكي

بس بردو فشقة بيكم جميعاً و علشان خاطر مامتنا قلب أبيض قررنا الآتي:

أن يكون يوم الإثنين الموافق اليوم الثالث من كل أسبوع ميلادي هو اليوم الوطني للجاكوزي .. على أن يكون الدخول مجاني ولا حساب على المشاريب.

كما قررنا صرف حوض و صاوبنة و فوطة لكل رائد من رواد الجاكوزي على غرار المعمول به مع رواد الفضاء في وكالة ناسا الأمريكية

شكرا ليك يا مكاوى يا حبيب الشعب بس متنساش الاربعين دينار بلنص

ياريت بقا تصرف كمان شاور جل لزوم الحموم الصابون بلاش منة بينشف البشرة

مساك صابون ما بيرغيش

تم تعديل 21 يونيو 2010 بواسطة صافى

[Howayda Ismail]

يعنى الجاكوزى مايبقاش فرى الا فى الوقت اللى انا مش محتاجة ادخل فيه ممكن ناخد الفرى باثر رجعى فى وقت تانى

[mekkawy]

ايه جو هنيكل اللي انتشر في الجاكوزي ده ؟ :cry1:

الفاضلة صافي .. امن الجاكوزي بلغنا إن حضرتك عاوزة تستغلي اليوم المجاني و متجيش غير فيه .. و تفلتي من الدفع باقي الأسبوع و بناء عليه .. قررنا الآتي:

1 - يتم حرمان الفاضلة صافي من اليوم المجاني الوطني للجاكوزي و لمدة أسبوعين.

2 - لدى الفاضلة صافي إختيار آخر و هو أن تأتي بزبونين جدد للجاكوزي و تحصل على أيامها المجانية

3 - في حالة تغيب العضو عن الجاكوزي أكثر من يومين خلاف اليوم المجاني يسقط عنه اليوم المجاني لمدة أسبوعين.

حد له شوق في حاجة ؟ :cry1:

مكاوى

[mekkawy]

يعنى الجاكوزى مايبقاش فرى الا فى الوقت اللى انا مش محتاجة ادخل فيه ممكن ناخد الفرى باثر رجعى فى وقت تانى

الفري شغال يا فندم إلى ما شاء الله .. عملنا يوم الإثنين من كل أسبوع يوم وطني مجاني للجاكوزي

و بعدين مفيش حاجة اسمها مش محتاجة الجاكوزي .. الجاكوزي بتاعي .. الجاكوزي بتاعك .. الجاكوزي بتاعنا كلنا .. لا غنى عن الجاكوزي في كل وقتن و حين :lol:

حلوة "وقتن " دي

مكاوى

[صافى]

حد له شوق في حاجة ؟ :lol:

مكاوى

مكاااااااااوى انا

مليش شوق فى حاجة وموافقة على الشروط بس متحرمنيش والنبى من البرنامج بتاعكم bsh:)