فضــــفـــضـــــات ... من القـــلــــب للقـــلــــب ... جاكوزي المحاورات

[صافى]

مبروووك يا مكاوى على الافتتاح وياترى النهاردة حريم والا رجال ممكن تكتب الايام الخاصة بلحريم والاسعار كمان عشان نعمل حسابنا ومندبس وياريت جمب الجاكوزى تعمل جيم شامل بقا وسونا يلا خلينا نهيص ونقول وداعا للسمنة واهلا بلرشاقة وانت يا عمدة متزعلش عل فكرة انا ما شفتش الى انت كتبتة بس بقولك كلنا بنغلط والمهم نعرف غلطنا ونصلحة وربنا قال خير الخطائين التوابين وسلامى للجميع

[مغتربة]

سالخييير..

محتاسه محتاسه .. محتاسه

الشقة كلها بقت شنط وكراتين .. كل ماابص لها وابص لكم الامتعه الي مفروض احزمها في خلال فترة ضيقة جدا اكتئب واعمل اي حاجه الا التوضيب فيها ..

وكل ماانزنق واتعب اقول ادخل المحاورات شويه اغير جو .. بس للاسف التفت حوالي الاقي حاجات لسه عاوزه تتعبأ ولسه عاوزه تتوضب .. يادماغي ياني

محتاجه اجازه تفرغ من كل حاجه في الدنيا الا توضيب الحاجه عشان اخلص بقى ..

يلله كلمتين كاتمين على نفسي كان لازم ادخل عشان اقولهم ومش بس كده ..

داخله اقفل محبس المية عليكم في الجاكوزي اصلا ..

نياههااااااايييييي

نحن السابقون يا ضحى

لسه اخده علقه عزال من الى قلبك يحبها

بس الحمد لله عدت على خير بعد ما قصمت ظهرى :wub: wst:: wst::

المشكله بقى ان انا عارفه انها مش هتكون الاخيره

يعنى كام شهر كده و هتتجدد تانى

لو قولتلك انا عزلت خلال سنين زواجى اد ايه مش هتصدقى

يالله الحركه بركه برضه

ا

[mekkawy]

يلله كلمتين كاتمين على نفسي كان لازم ادخل عشان اقولهم ومش بس كده ..

داخله اقفل محبس المية عليكم في الجاكوزي اصلا ..

نياههااااااايييييي

الصراحة يا جماعة كل لما أدخل هنا و ألاقي حد رامي كلمتين كانوا خانقينه أو احساس مدوخه .. بأفرررررح جداً .. بأفرح لأني عارف أد ايه لما بنتكلم بنستريح .. أنا كدة و كلنا كدة .. نتكلم نفك شوية و بعدين نرجع نعيد الكرة

أنا متأكد انك دلوقتي يا مدام ضحى الأمور بقت أسهل و أنجزتِ و لو جزء من الحاجات المتلتلة اللي وراكي

يلا بالتوفيق يا رب

بس واضح ان الموقف صعب و غيرك لأن الضحكة الشريرة بعد قفل المحبس دي جديدة عليكي

عامة .. اجري يا أوسة افتحي المحبس الاحتياطي يا حبيبتي علشان عمتك ضحى قفلت المحبس الرئيسي و عمك أبو محمد سقع لما المية بردت

مكاوى ... محابس

[mekkawy]

لسه اخده علقه عزال من الى قلبك يحبها

لا لا بالله عليكم بلاش كلام على العزال و النقل

أحسن أم سلمى لو سمعتكم هتيجي تطلم جنبكم بحجارة .. ليه بأة

احنا لينا سنتين متجوزين .. عزلنا مرة بعد اربع شهور في شقة أكبر .. مع اننا ما كناش محتاجين شقة أكبر .. بس أهو اللي حصل ... لما سافرت أنا باة عزلنا من الشقة الأكبر لشقة أصغر .. مهو حرام بردو ندفع الايجار ده كله و احنا مش قاعدين فيها .. الحاج صاحب البيت الله يعمر بيته .. بعد 10 ايام قالنا ابني هيتجوز و العروسة مش راضية تسكن تحت معلش انزلوا انتوا تحت أحسن الجوازة هتتفشكل .. طبعاً أنا هنا و أم سلمى هي المظلومة في الموال ده .. الراجل بيتكلم على أساس إننا هنفك العفش الميكانو بتاعنا .. يا حج ده خشب و عفش عروسة لسة .. حاجة تفلق .. الواحد ميبعلوش وقتين مخدرات كدة في النظيم و ينزل يشتريله شقة

مش كان المفروض أول ما أنزل في المطار يدوني كبسة و فلوس ؟؟؟

أصل الناس في مصر أول ما تكلمهم يسألوك على حاجتين .. حاجة في وشك و حاجة في الخباثة ...

اللي في وشك يقولك ... كلت كبسة ؟؟؟

اللي في الخباثة ... مش هتبعتلنا حاجة حلوة بأة ؟؟ مش انت بتغرف فلوس من عندك يا عم المهراجا ؟

مكاوى

[mekkawy]

مبروووك يا مكاوى على الافتتاح وياترى النهاردة حريم والا رجال ممكن تكتب الايام الخاصة بلحريم والاسعار كمان عشان نعمل حسابنا ومندبس وياريت جمب الجاكوزى تعمل جيم شامل بقا وسونا يلا خلينا نهيص ونقول وداعا للسمنة واهلا بلرشاقة :wub: وانت يا عمدة متزعلش عل فكرة انا ما شفتش الى انت كتبتة بس بقولك كلنا بنغلط والمهم نعرف غلطنا ونصلحة وربنا قال خير الخطائين التوابين وسلامى للجميع

أخويا صافي

مرحباً بيك في جاكوزينا المحاوراتي

المشاركة دي فيها كل الخدمات الموجودة عندنا -----> افــــعـــص هـــــنــــا

الجاكوزي عادي كل يوم حريم و رجالة لأن فيه باب حريم و باب رجالة و في صالة حريم و صالة رجالة

في في الدور التاني صالة خاصة بالجماعة السيكيك و صالة تانية للحالات النادرة و دي بتديرها اختنا لماضة مصرية جداً

يلا هيص يا سيدي و قول وداعاً للسمنة و أهلاً بالزيت قصدي الرشاكة يا شيخ

مكاوى .. أهلاً بالعيد

[mekkawy]

دخل عليا واحد المكتب دلوقتي و معاه كيس لب مصري .. و قعد يكـــــــب في ايدي لحد اللب ما عمل فيضان في ايدي .. المشكلة باة اني عمال ألهط في اللب زي الموهوم المحروم .. و المشكلة التانية ان المدرب لما يعرف بالليل (منا هأخدله شوية) هيحط عليا لحد ما يبانلي صحاب .. و بم إن أقرب صحاب ليا استاذ مجدي في مخرج 11 و حوس في جدة .. فطبعاً هشيل كل اللي المدرب هيحطه عليا ... صحيح مش أنا بطلت ثردين المنفوحة .. جبت تونة من العثيم .. عرض بأة الاربعة باتناشر و نص .. حاسس ان هيطلعلي زعنفة عالاسبوع الجاي من كتر التونة و الزردين ... زي ما كان هيطلعلي جناحات و ريش من كتر الفراخ

مكاوى .. فيشر مان

[صافى]

[ :Pاللة عليك يا مكااااااااااااااااااااااااااااى لما انا اكون اخوك تبقى انت اية بقاوالا هما غيروو الاسامى اليومين دولاا لاخ يبقى صافى والاخت تبقى صفوت بقا مهى بقيت كوسة وعموما يا عم اختك اخوك مش هتفرق كتيرررر فى الاخر كلنا اخوات :P اما اسال جوزى بقا لو رضى يشترك لى ابقى اجيبة واجى بااااى بااااى

[hOuSsAm]

الحمدلله حجزت العمرة

هنشد الرحال على مكة

:P :P :P :110:

ما شاء الله لا قوة إلا بالله .. مبارك أخي الحبيب

يسعدني لو نتقابل إن شاء الله .. أنا في الرياض لكن ممكن أجيلك مكة طاير بس انت قشر بس .. في انتظارك ان شاء الله تعالى

عمرة مقبولة مقدماً

مكاوى

:P :P :P :lol:

متصدقوش ..... الكلمتين اللى فوق دول سمعتهم كتير وقالى انت تحلم بس يا حس وانا اجيلك طيارة

بس ده كلااااااااااااااااااااااااااااااااااام

ومش اى كلام ده كلام مبيعااااااااااااااااااااااااااااااات

يعنى تلاقيه باع شوية اللب بتوع الصبح ليك عشان تقشرهم انت واهوكله بثوابه

معلهش الطرطشة جت جامدة بس كنت عايز افضفض :wub:

شكلك كدة يا مكاوى هتيجى ترتب معايا الشنط واهو بدل الحديد اللى بتشيلوا محتاج حد يشيل معايا wst::

[hOuSsAm]

دخل عليا واحد المكتب دلوقتي و معاه كيس لب مصري .. و قعد يكـــــــب في ايدي لحد اللب ما عمل فيضان في ايدي .. المشكلة باة اني عمال ألهط في اللب زي الموهوم المحروم .. و المشكلة التانية ان المدرب لما يعرف بالليل (منا هأخدله شوية) هيحط عليا لحد ما يبانلي صحاب .. و بم إن أقرب صحاب ليا استاذ مجدي في مخرج 11 و حوس في جدة .. فطبعاً هشيل كل اللي المدرب هيحطه عليا ... صحيح مش أنا بطلت ثردين المنفوحة .. جبت تونة من العثيم .. عرض بأة الاربعة باتناشر و نص .. حاسس ان هيطلعلي زعنفة عالاسبوع الجاي من كتر التونة و الزردين ... زي ما كان هيطلعلي جناحات و ريش من كتر الفراخ

مكاوى .. فيشر مان

انت ملقتش الا حوس :P

انا بلعب فى الاوزان التقيلة

يعنى هتشيل لحد مينقطع نفسك :P

بالنسبة للتونة بتاعة العثيم طالما انت نويت انك تخس عشان سلمى جاية فى الطريق ومينفعش تشوفك كدة

فيه تونة من قودى (انا عن نفسى اشتريتها من سروات) مفهاش زيت وطعمها كويس ومكتوب عليها with brine water ودى السعرات الحرارية فيها قليلة اوى مقارنة بالانواع التانية وقودى ماركة عالمية معروفة والناس بتثق فيها

خلى بالك فيه انواع كتيرة من تونة قوودى دى هتلاقى فيها خطين ازرق ومكتوب عليها with brine water

وعايزك كمان يا عثل تبطل موضوع الفراخ ده عشان انا بتنرفز كل مبسمع سيرتها

انا استغنيت عن الريش وركبت دلوقتى زعانف :P

[shiko]

سمعت خرير المياه ...

قلت ادخل برجلى اليمين واسمى ...

سمعت هتافات ...مكاوى وحوس...

رحت مدارية ولابدة فى الدرا ....وقلت استغمالى يومين عقبال مايخلصوا ....

نفسى اتقطع من دخان المية المغلية فى الجاااا كوزك يا مكاوى ...وانت لا تبالى ..

طب حد فكر وشغل لامؤاخدة رجليه يعنى وفسر كلمة جااااااا كوزوه فى التيكشينرى ؟؟

انا اجولكوم ...جااااااا يعنى جردل ولامؤخذة فى الكلمة ...

وكوزوه .....طبعا معروفيه ...كوز المحبه اتخرم

العواف...

---------------------------------------------------

ندخل بقى على المهم ...انا بالصلاتو على النبى ...وبصراحة كتير اوى بحس انى موهوووووووبة ...

وناجحة بمعنى الكلمة ....بنى ادمة تحمل كل الخوارق الغير طبيعية

بس احيان اكتر من الاحيان اللى فوق بحس انى فاشلة بكل المقاييس ....

طب ازاى موش عارفة ....بس اللى حاصل انى دايما بيكون غلطى مع مرؤسينى ...

من الاخر ياشيكو انتى مديرة فاشلة ...موش عارفة اكون صارمة ولا حازمة ....

وبقضيها صحوبية للصبح ....وبلاقى نفسى فجأة وقعت من المفجأة ...

طب حد يدلنى اعمل ايه فى نفسى ...ايه البلل اللى النواحى دى ده؟؟

انتم موش قلتم الشاكوزك على الناشف ؟؟

تم تعديل 25 مايو 2010 بواسطة shiko

[the consultant]

انتو يا بتوع البنزيمة او الجاكوزي ، فين الريس ميكو .........ياااااه ....انا داخل على مرحلة جديدة ياولاد

الولاد جيين الاسبوع اللي جاي ان شاء الله و انهاردة نقلت حاجتي في الشقة الجديدة (اه ما هو انا عقبال عندكو اخدت شقة جديدة )

المهم بقى كمان جبت شركة رش عشان تولع في جميع كل الحشرات اللي ممكن تكون محتلة الشقة دي ( مش تحسوا ان في حشرات EXCLUSIVELY FOR KSA) wst:: معندناش منهم في مصر . يالا ربنا يستر علينا منهم عايزين نجيب الناس بتوع الرش في الجاكوزي يا ميكو انا بدأت اهرش و انا في المياه انت مربي تونا في مية الجاكوزي ولا ايه.

المرحلة الجديدة بأة هي اني حبدأ رحلة المدارس ( يييياااااه من طالب- لخاطب- لمتزوج-لاب- و كمان بنتي داخلة المدرسة) الوقت بيجريييييييييييييييييييييييييي.

عموما انا داخل على مصاريف يا ميكو فياريت تعلقلنا إعلانين تلاتة كدة في الدور التاني (بتاع البنات) يمكن ربنا يكرمنا بقضية نفقة-حضانة-خلع-وبرده لو حد عايز يرفع دعوى على ادارة الجاكوزي لاسترداد الاشتراك عشان سوء الخدمة و التونة و السردين اللي مكاوي مربيهم في المغطس العام بتاع الشاكوسي مفيش مشكلة .

مكااااااوي فين يا عم الحاج رحلة العمرة المجمعة مش حنشوفك في جدة ولا ايه.!!!!!!!!

[hOuSsAm]

ندخل بقى على المهم ...انا بالصلاتو على النبى ...وبصراحة كتير اوى بحس انى موهوووووووبة ...

وناجحة بمعنى الكلمة ....بنى ادمة تحمل كل الخوارق الغير طبيعية

بس احيان اكتر من الاحيان اللى فوق بحس انى فاشلة بكل المقاييس ....

طب ازاى موش عارفة ....بس اللى حاصل انى دايما بيكون غلطى مع مرؤسينى ...

من الاخر ياشيكو انتى مديرة فاشلة ...موش عارفة اكون صارمة ولا حازمة ....

وبقضيها صحوبية للصبح ....وبلاقى نفسى فجأة وقعت من المفجأة ...

طب حد يدلنى اعمل ايه فى نفسى ...ايه البلل اللى النواحى دى ده؟؟

انتم موش قلتم الشاكوزك على الناشف ؟؟

بصى يا ست الكل

اول حاجة تبداى انك تتعودى تفصلى بين جوه الشغل وبره الشغل

هما اصحابك اه بس بره الشغل

جوه الشغل لازم تقومى بكل مهام المديرة بجد (تكونى شريرة كدة بعض الوقت)

من تكشير لزعيق لابتسامة بسيطة لنصح لشد ودان لعزومة عمل لاجتماع فضفضة للمرؤسين يفكوا شوية لجواب شكر لتكشير تانى لانذار بالفصل (اعملى كوكتيل واستخدمى كل اسلوب على حسب الموقف بتاعه)

لازم يحسوا كدة انك السهل الممتنع وتكونى قدوة ليهم وتنمى عندهم روح الفريق والملكية والامانة والتطوير

اتعلمى ادارة لانها مش بالفطرة ولكن بالاكتساب والمعرفة

هقولك على حاجة بسيطة

مديرى يبقى صاحبى اوى واكتر اتنين قريبين لبعض فى الشغل

جوه المكتب بشوف كل اطوار الادارة معاه لدرجة ان سعات بتحصل مشدات كلامية يقول بعدها انت معتش هتنفع فى المكان ده انا هرفدك wst:: (وبصراحة بيبقى عنده حق على حسب الموقف)

وفى نفس اليوم بالليل كنا بنتعشى سوا واتمشينا عالكورنيش كمان ومتكلمناش فى الشغل

بنروح من الشغل مع بعض بنكون نسينا الشغل واى مشادة بينا

لعلمك هو صاحبى صحيح بس لو قصرت فى شغلى فعلا ممكن يرفدنى لانه مؤتمن على مسئولية ولازم يؤدى امانته (انتى بردوا مؤتمنة على مسئولية ولازم تاديها كما يجب ولعلمكممكن بسهولة حد من اللى تحتك يبقى مديرك :wub: )

تانى حاجة مش عارف انا فهمت صح ولا غلط فى موضوع انك بتحسى سعات انك فوق وسعات بتبقى فاشلة

رايي انك متحاوليش تقارنى نفسك بحد

انتى طول عمرك ناجحة لما تقارنى نفسك باهدافك

وممكن تبقى فاشلة لو قارنتى نفسك بحد

كونى انتى

اتمنى التوفيق للجميع

[mekkawy]

و الله يا جماعة انتوا زي العسل

هأجيلكم بكرة ان شاء الله واحد واحد و واحدة واحد

بس دلوقتي لازم أنام عشان أصلي الفجر .. لأن العقوبة ارتفعت ليومين خصام لو ما صلتش بكرة .. و غير إن أم سلمى رمت عليا اليمين مش هتيجي غير لما أنتظم في الفجر 100%

تصبحوا على خير و أشوفكم بكرة ان شاء الله

ع جنب

حوس و كونسالتانت .. هتتروقوا ان شاء الله بس اصبروا عليا

سلامات يا عمدة يا غالي

شيكو ويلكم باك ... انا هأبى مدير إن شاء الله كمان شوية كدة و هأحكيلك على يومياتي مع مرؤسيني .. لم أروح جدة (وش مطلع لساني لحوس)

حسام .. بأقولك ايه ... فراخ .. فراخ .. فراخ .. نص فحم .. نص شواية .. وجبة بروست .. ربع برياني .. نص مظبي .. ربع مخفي ... فراخ .. فرااااااااااااخ .. هههههه

سلاماتو

مكاوى .. مستبز

[عماد حمدي]

السلامو عليكو

حسيت اني تعبان ومخنوق قولت أجي أقعد هنا شوية .. لو أمكن ياعني حد يجيبلي شوية مية ساقعة ولو فيها رزالة فنجان فهوه تركي مظبوط ..

الشازلونجات فين ..؟؟

اه طيب كويس .. هاتلي بقا القهوه هناك ..

ياااااااااه الواحد تعبان أوي .. ( بنظر للسماء وتفكير عميق مع نفسي أسترجع سنوات عمري الماضية )

يقطع حبل أفكاري " عامل البوفية " ويدخل بالقهوه ..

اتفضل القهوه يا عماد بيه ..

شكرا ً يا حبيبي ..

خد خد ياد تعالي هنا ..

اية يا استاذ عماد خير فيه حاجة ..

انته ياد انته حد ينزل قهوه من غير مية ..

معلش أصلي لسة جديد في الكار دا .. مكاوي بيه عينّي هنا .. أصلة صاحب أخويا الروح بالروح ..

طيب يالا أجري هات المية ..

" جاب المية " وانا قاعد بشرب فنجان القهوه بتاعي وبفكر ..

وفجأه حسيت بحرارة شديدة في جسمي وصدري .. وظهر ع وجهي إحمرار شديد .. وعيني تدمع بشكل مخيف

وإنفطرت في البكاء بدون سبب ..

يمر أمام عيني الآن .. سنوات عمري وبها كل الأخطاء التي إرتكبتها .. وكانه شريط سينما

انظر لحالي وأبكي خشية من الله أن يغفر لي كل الذنوب التي إرتكبتها ..

مسحت عيني ووجهي بمنديلي ..

وأكملت شرب فنجان القهوه .. وإذا بي أفكر للمرة الثانية ..

وهذه المرة الفكرة خطيرة .. ولا أستطيع أن أهرب منها . في منامي .. وانا بالشارع .. وان وسط أصدقائي .. وانا وسط أهلي

فكرة مسيطرة عليا من فترة شهر ونصف تقريبا ً ..

إسترخيت ممدا ً ع الشازلونج .. ونظرت إلي السماء

والفكرة مازالت تهاجمني .. وهي أن الظروف التي أمر بها الآن من ضيق وكرب شديد وظروف سيئة لا يقدر أحد علي يتحملها ..

ما هي إلا عقاب وإبتلاء من الله .. لكي يخفف عني ذنوبي يوم الحساب .. وبعد تصفية حسابي في الدنيا

سأموت .. نعم سأموت .. سأموت وقد كفرت عن سيئاتي بالدنيا ..

ولكن يجب أن أستعد لمواجهة ربي يوم الحساب .. ويسألني عن كل ذنب قد فعلتة في دنيتي ..

ولكن أصابني إبتلاءات شديدة الفترة الماضية .. وأحمد لله أنه أعطاني الصبر لأتحملها ..

وسعيد لمواجهة ربي .. قريبا ً وسيئاتي قد تم تكفيرها بالدنيا ..

انا لم أرتكب ذنوب كبيرة .. لكن مجرد عملي قبل ذلك بشرم الشيخ .. وانا شاب في مقتبل العمر ..

جعلني مهووس لتجربة كل شيء .. مهووس لفعل أي شيء .. وقد كانت النتيجة ..

ففي اللحظة التي قررت فيها الخروج من هذه البلدة اللعينة والسفر الي السعودية .. إبتغاء مرضاه الله

فكل ما فعلتة بهذه البلدة " شرم الشيخ ".. جنيته بالسعودية ..

ونزلت مصر وأعتبرها رحلة تطهير من ذنوبي .. فهل هيا كذلك أم عقاب أم إبتلاء أم ماذا

ياربي أنا في حيرة شديدة .. هل انت راضي عني .. انا بار بوالدي وأحب كل الناس

أخدم وأساعد كل محتاج .. لكن هل إبتلائك هذا غضب منك عليا .. لا أعرف

أنا خائف من مواجهة ربي .. وسعيد أيضا ً بملاقاته .. لاني عملت أشياء جميلة كتير ..

هل سيغفر لي كل ذنوبي ....

هل نهاية هذه الظروف الصعبة التي أمر بها الآن .. هي الموت .. حتي أكون عبرة لمن يعتبر ..

وقصة تحكي لكل شاب في مقتبل عمرة كعظة ..

لا أعرف .. لكن هذه الفكرة تراودني ليلا ً ونهارا ً .. فكرت فعليا ً بإنهاء حياتي بيدي ..

ثم تراجعت عن هذه الفكرة .. أتمني الموت في اليوم الواحد أكثر من مائة مرة ..

وأدعوا الله أن يأمر ملكة بأن يأخذ روحي .. حتي أرتاح من هذه الدنيا ومن فيها ..

الآن أكتب أدق تفاصيل هذه الأحداث .. وكيف تعاملت معها .. وحياتي كاملة بورق ..

وقد أخبرت والدي بمكانه وان لا يفتحه إلأ إذا إلتقيت بربي .. وطلبت منه أن يسامحني ..

وأن يطلب من كل من ذكرت أسمه أن يسامحني ..

لي عوده بإذن الله ,,

اعذروني انا قولت أجي افكر هنا بصوت عالي وسطكم .. ويارب مكونش ضايقت حد

تم تعديل 25 مايو 2010 بواسطة omda2006

[لماضة مصرية جدا]

السلامو عليكو

حسيت اني تعبان ومخنوق قولت أجي أقعد هنا شوية .. لو أمكن ياعني حد يجيبلي شوية مية ساقعة ولو فيها رزالة فنجان فهوه تركي مظبوط ..

الشازلونجات فين ..؟؟

اه طيب كويس .. هاتلي بقا القهوه هناك ..

ياااااااااه الواحد تعبان أوي .. ( بنظر للسماء وتفكير عميق مع نفسي أسترجع سنوات عمري الماضية )

يقطع حبل أفكاري " عامل البوفية " ويدخل بالقهوه ..

اتفضل القهوه يا عماد بيه ..

شكرا ً يا حبيبي ..

خد خد ياد تعالي هنا ..

اية يا استاذ عماد خير فيه حاجة ..

انته ياد انته حد ينزل قهوه من غير مية ..

معلش أصلي لسة جديد في الكار دا .. مكاوي بيه عينّي هنا .. أصلة صاحب أخويا الروح بالروح ..

طيب يالا أجري هات المية ..

" جاب المية " وانا قاعد بشرب فنجان القهوه بتاعي وبفكر ..

وفجأه حسيت بحرارة شديدة في جسمي وصدري .. وظهر ع وجهي إحمرار شديد .. وعيني تدمع بشكل مخيف

وإنفطرت في البكاء بدون سبب ..

يمر أمام عيني الآن .. سنوات عمري وبها كل الأخطاء التي إرتكبتها .. وكانه شريط سينما

انظر لحالي وأبكي خشية من الله أن يغفر لي كل الذنوب التي إرتكبتها ..

مسحت عيني ووجهي بمنديلي ..

وأكملت شرب فنجان القهوه .. وإذا بي أفكر للمرة الثانية ..

وهذه المرة الفكرة خطيرة .. ولا أستطيع أن أهرب منها . في منامي .. وانا بالشارع .. وان وسط أصدقائي .. وانا وسط أهلي

فكرة مسيطرة عليا من فترة شهر ونصف تقريبا ً ..

إسترخيت ممدا ً ع الشازلونج .. ونظرت إلي السماء

والفكرة مازالت تهاجمني .. وهي أن الظروف التي أمر بها الآن من ضيق وكرب شديد وظروف سيئة لا يقدر أحد علي يتحملها ..

ما هي إلا عقاب وإبتلاء من الله .. لكي يخفف عني ذنوبي يوم الحساب .. وبعد تصفية حسابي في الدنيا

سأموت .. نعم سأموت .. سأموت وقد كفرت عن سيئاتي بالدنيا ..

ولكن يجب أن أستعد لمواجهة ربي يوم الحساب .. ويسألني عن كل ذنب قد فعلتة في دنيتي ..

ولكن أصابني إبتلاءات شديدة الفترة الماضية .. وأحمد لله أنه أعطاني الصبر لأتحملها ..

وسعيد لمواجهة ربي .. قريبا ً وسيئاتي قد تم تكفيرها بالدنيا ..

انا لم أرتكب ذنوب كبيرة .. لكن مجرد عملي قبل ذلك بشرم الشيخ .. وانا شاب في مقتبل العمر ..

جعلني مهووس لتجربة كل شيء .. مهووس لفعل أي شيء .. وقد كانت النتيجة ..

ففي اللحظة التي قررت فيها الخروج من هذه البلدة اللعينة والسفر الي السعودية .. إبتغاء مرضاه الله

فكل ما فعلتة بهذه البلدة " شرم الشيخ ".. جنيته بالسعودية ..

ونزلت مصر وأعتبرها رحلة تطهير من ذنوبي .. فهل هيا كذلك أم عقاب أم إبتلاء أم ماذا

ياربي أنا في حيرة شديدة .. هل انت راضي عني .. انا بار بوالدي وأحب كل الناس

أخدم وأساعد كل محتاج .. لكن هل إبتلائك هذا غضب منك عليا .. لا أعرف

أنا خائف من مواجهة ربي .. وسعيد أيضا ً بملاقاته .. لاني عملت أشياء جميلة كتير ..

هل سيغفر لي كل ذنوبي ....

هل نهاية هذه الظروف الصعبة التي أمر بها الآن .. هي الموت .. حتي أكون عبرة لمن يعتبر ..

وقصة تحكي لكل شاب في مقتبل عمرة كعظة ..

لا أعرف .. لكن هذه الفكرة تراودني ليلا ً ونهارا ً .. فكرت فعليا ً بإنهاء حياتي بيدي ..

ثم تراجعت عن هذه الفكرة .. أتمني الموت في اليوم الواحد أكثر من مائة مرة ..

وأدعوا الله أن يأمر ملكة بأن يأخذ روحي .. حتي أرتاح من هذه الدنيا ومن فيها ..

الآن أكتب أدق تفاصيل هذه الأحداث .. وكيف تعاملت معها .. وحياتي كاملة بورق ..

وقد أخبرت والدي بمكانه وان لا يفتحه إلأ إذا إلتقيت بربي .. وطلبت منه أن يسامحني ..

وأن يطلب من كل من ذكرت أسمه أن يسامحني ..

لي عوده بإذن الله ,,

اعذروني انا قولت أجي افكر هنا بصوت عالي وسطكم .. ويارب مكونش ضايقت حد

السلام عليكم و رحمة الله و بركاته

كده يا عماد هتخليني انزل من الدور التاني و ازق كتف مع الركن الرجالي....الله يسامحك...بس الحمد لله محدش موجود دلوقتي

قريت مداخلتك دي....و جبتها من فوق لتحت و من تحت لفوق

عارف يا عماد مش قولك ان كلنا بتمر بينا لحظات ضلمة اوي...بتخلي الواحد يتوحد اوي مع نفسه....و يعمل زووووم إن علي كل اللقطات اللي كان فاكر خلاص انه عداها....أو اتعلم منها حاجة

عارف يا عماد.....مش هقولك...ان كل خطوة في حياتنا....بتعلمنا حاجة......مش لازم في لحظتها ....ممكن الدرس يبان بعديها بشوية....ممكن ميبنشي خالص و نفضل نطلع من سؤال لسؤال تاني.....بس لسه جوانا ان كل خطوة ليست عبثية...هو قدر....إلهي محكم للغاية...و مش لازم في كل مرة نرتقي و نوصل لحقيقة الرسالة اللي مبعوتة لينا في الموقف ده

عارف يا عماد......مش هقولك ان في لحظات كتير ممكن الواحد يستعذب جلد ذاته......ع فكرة انا كده....

بس هقولك

لازم الواحد يقف.....في لحظة برضه تانية موازية.........عشان يرجع يكمل تاني

عشان يبطل يبص علي حاله......

او بمعني اصح لازم الواحد يلملم حاله و يقف علي رجليه عشان يرجع يكمل تاني...

و يكمل المرة دي في الاتجاه الصح

عارف يا عماد.... ان امنية الموت....(وأكيد طالما ذكرناها هنا يا هتبقي غرقا في الجاكوزي.... يا هتبقي تسمما من معلبات المنفوحة بتاعت عكاوي افندي)......حلها الضحك....اه و الله العظيم

اضحك يا عماااااااااااد لانها القوة الوحيدة اللي هتخليك تقاوم رغبة الموت

اضحك من قلبك

اضحك عليك....

ايوة اضحك علي عقلك......اللي سيطرت عليه فكرة واحدة و مش راضية تطلع منه

اغلب فكرتك اللي مستسلمة لقانون الجاذبية و بتشدك لتحت

ع فكرة يا عماد محدش....هياخد بايدك.....

انت اللي لازم تعافر لوحدك.....

افرد جناحاتك......

افرد دراعاتك علي مدد الموجة.....

خبط.....

ارزع....

اغضب.....

بس عووووووووووووم......

بس......خليك ع السطح

عارف يا عماد لما قريت كلامك لربنا.....حسيت ان ربنا بيجاوب كمان عليك و لله المثل الاعلي

عارف ليه

لانك لسه عايش لغاية دلوقتي

عايش

مفتح عينيك....

و الاهم مفتح بصيرتك.....انها تشوف اللي حصل زمان....و تعاهد ربنا في لحظة صدق اوي....انها مترجعشي للي خلاص بقي زمان

دايما بتقول ان السعودية....كانت خطا.....مش يمكن الخطا ده يتضح انه كان صوابا و لكنه بمذاق اخر

مش يمكن...كان لازم تعدي ع المحطة دي عشان تقدر تشوف المحطة اللي بعدها اوضح

السواد....بيخلي الابيض احلي.....و الابيض لوحده.....بيبهت لو اتحط جنبه ابيض تاني

ما تيجي ما نقفشي عند الكادر التاني.....تعالي نخلينا نحط كاميرتك بصريتنا.....في بقعة نور...خليها تقوينا...خليها تاخد بايدينا

خليها تحسسنا ان يقينا بيزيد......ان غدا طالما انا لازلت عايش.....يبقي لازم أعيش

فوتك بعافية

صبااااااااااااااااااااحك.....انا عايز اعيش..... يا ربي يا كريم أوي

[doha]

عماد ياحمدي ..

اطمن .. ولا اقولك .. انسى .. مش هتموت دلوقت خالص .. عارف ليه ؟

عمر الشقي بقي ..

الانواع ( الفايتر ) الي زيك طبيعي جدا تمر بمشاكل كتير في حياتها وطبيعي جدا تقابل اهوال وصعاب محدش تاني ممكن يقابلها ببساطه لانهم هم بيختاروا الطريق ده الي من صعوبته نادرا ماتلاقي حد بيختاره لكن هم بيعملوا كده لان عندهم الاستعداد للكفاح والاهم لان النتيجه فيما لو نجحوا في الوصول اكيد تستحق ..

الشعور المسيطر عليك بالموت والحساب والكلام ده وسواس قهري لااكثر ولا اقل ..

ربنا بيقبل التوبه ياسيدي الفاضل واي كان الي عملته ولو قاتل قتيل حتى طالما ندمت من قلبك وعاهدت ربنا انك مش هتعمل كده تاني ونويت على كده فعلا يبقى خلاص كأن لم يكن

واهم مافي الموضوع ان ربنا سبحانه بيقول .. لولا انكم تذنبون فتستغفرون فاغفر لكم لذهبت بكم واتيت باقوام يذنبون فيستغفرون فاغفر لهم ..

على فكره فكر في المعاصي الكتير الي عملتها واحمد ربنا ان هداك للتوبه عليها لان على قدر ماكانت كبيرة على قدر ماتحولت بحجمها ده لحسنات .. انت ناسي ان ربنا سبحانه بيستبدل الذنوب بالحسنات ؟ ابسط .. يعني لو بقالك عشرين سنة بتعصي ربنا اهو بتوبتك دي باذن الله هتبقى عشرين سنة في الطاعه .. وشوف انت بقى عملت ( وهببت ) ايه اهو كله باذن الله وبعد ندمك بقى في ميزان حسناتك ..

عماد ياحمدي .. موت وانت مطمن

بس متبقاش تقطع الجوابات ..

تم تعديل 26 مايو 2010 بواسطة doha

[mekkawy]

[ :blink:اللة عليك يا مكااااااااااااااااااااااااااااوى لما انا اكون اخوك تبقى انت اية بقاوالا هما غيروو الاسامى اليومين دولاا لاخ يبقى صافى والاخت تبقى صفوت بقا مهى بقيت كوسة وعموما يا عم اختك اخوك مش هتفرق كتيرررر فى الاخر كلنا اخوات :happy: اما اسال جوزى بقا لو رضى يشترك لى ابقى اجيبة واجى بااااى بااااى

خلاص باة معلش مكنش قصدي .. بردو الغريب أعمي و لو كان مكاوى.. و بعدين بردو كنتي خلتيها صافية :closedeyes: أهو متعملش لخفنة

و هاتلنا أبو العيال بس و أحنا نقطعله اشتراك سنوي و نديله أجازة 30 يوم حتة واحدة مش 21 زي الكوفلا الوحشين

في انتظاركم

مكاوى

[mekkawy]

:closedeyes: :happy: :blink: :sad:

متصدقوش ..... الكلمتين اللى فوق دول سمعتهم كتير وقالى انت تحلم بس يا حس وانا اجيلك طيارة

بس ده كلااااااااااااااااااااااااااااااااااام

ومش اى كلام ده كلام مبيعااااااااااااااااااااااااااااااات

يعنى تلاقيه باع شوية اللب بتوع الصبح ليك عشان تقشرهم انت واهوكله بثوابه

معلهش الطرطشة جت جامدة بس كنت عايز افضفض wst::

شكلك كدة يا مكاوى هتيجى ترتب معايا الشنط واهو بدل الحديد اللى بتشيلوا محتاج حد يشيل معايا B)

إنت يا واد بتلسن عليا في المحاورات .. نهارك مش فايت النهاردة .. بس أما أجيلك جدة بس .. هههااااااااى

و الله يا حوس أنا عاوز أجي النهاردة قبل بكرة بس كل شوية مديري يطوحني اسبوع في التاني في التالت .. ادعيلي أرسى على بر عشان اجيب سلمى و ام سلمى باة

أسكــــــــــــــت

مش أنا عملت الاستقدام ... بقاله بتاع أسبوع أهو و أنا ناسي و الله أقول

باركلي باة يلا و جهزلي علبة شكولاتة باتشي

مكاوى

[hOuSsAm]

أسكــــــــــــــت

مش أنا عملت الاستقدام ... بقاله بتاع أسبوع أهو و أنا ناسي و الله أقول

باركلي باة يلا و جهزلي علبة شكولاتة باتشي

مبروك يا عسل الاستقدام

ويجوا بالسلامة باذن الله عشان احجزلك فى الشقق الفندقية اللى قولتلك عليها وتدخل تلاقى البتاعة تحت البطانية وتبقى تحكيلى ياحلو حصلك ايه (ده لو كنت لسه عايش :rolleyes: )

يبنى الشوكلاتة دى من المنافسين ودى اعتبرها خيانة عظمى للوطن تستوجب الاعدام :rolleyes:

انت عايزنى اخون الشركة واتعامل مع الاعداء

لا والف لااااااااااااااااااااااااااااااااااا

كوكو على جنب كدة هى علبة الشوكلاتة دى تعملها كام اصل فيه واحد حبيبى موصينى عليها :rolleyes:

[mekkawy]

مبروك يا عسل الاستقدام

ويجوا بالسلامة باذن الله عشان احجزلك فى الشقق الفندقية اللى قولتلك عليها وتدخل تلاقى البتاعة تحت البطانية وتبقى تحكيلى ياحلو حصلك ايه (ده لو كنت لسه عايش :rolleyes: )

يبنى الشوكلاتة دى من المنافسين ودى اعتبرها خيانة عظمى للوطن تستوجب الاعدام :lol:

انت عايزنى اخون الشركة واتعامل مع الاعداء

لا والف لااااااااااااااااااااااااااااااااااا

كوكو على جنب كدة هى علبة الشوكلاتة دى تعملها كام اصل فيه واحد حبيبى موصينى عليها :rolleyes:

الله يبارك فيك يا حوس يا رب و يحفظك و عقبال ما أشيل عيالك على حجرى و أقوم بعديها أغير المنطلون :rolleyes:

ألا قولي يا حوس مش هنعمل بيزنس بأة .. ابعتلي ميلك في الخاص عشان قدومي لجدة مرهون بأول أوردر أعمله .. و أنا عاوز أخود أول أوردر من عندكو .. هارش ولا هتتعبني معاك ؟

و فكك بأة يا عم من الشقق الفندقية اللي هتحبسنا دي و الله :blink: .. ربنا يستر منك يا زعين .. يا خوفي من صحبتك و الشقق الفندقية و البطاطين اللي بنلاقي تحتها حاجات دي

مكاوى .. سكيرد