طب والاطفال دول ذنبهم ايه بس؟؟!!!

[fatfouta]

اين انت يا وزير التعليم؟؟!!!!!!

الاطفال مالهومش ذنب فى اللى بيحصل ده.....صعب عليا جدااا منظر الاطفال وهما معلقين المشانق ولو حتى مش حقيقة

خرجوا الراجل عن شعوره ولا حياة لمن تنادى

وبس فالح يجرى وراء المدرسين بالقرارات الوزارية طب ماتاخد قرارك هنا بقى اهو موقف وادامك وجاى لغايت عندك وبيقولوك عاوزين حقنا........انت فين؟؟

أب وأطفاله الثلاثة يعتصمون (بالمشانق) أمام مجلس الشعب

5/18/2010 5:08:00 AM

32 هو عدد أيام احتجاجهم.. 42 هي درجة الحرارة التي وقفوا خلال وطأتها.. 4 هو عدد المعتصمين.. (أب وأطفاله) والقضية واحدة.. أحقية أبنته الصغيرة في الإلتحاق بالصف الأول الدراسي.

ابتكر رأفت مصطفى والد لثلاثة أطفال فكرة جديدة للتعبير عن احتجاجه وهي ارتداء اقنعة بلاستيكية حمراء مربوطة بمشانق " كالإعدام"، وذلك في اعتصامه هو وابناؤه أمام مجلس الشعب.

واوضح والد الأطفال لبرنامج 90 دقيقة على قناة المحور أن سبب اعتصامه يرجع إلى رفض مدرسة الجمهورية الابتدائية التحاق ابنته "فرح" بالصف الأول الابتدائي لعدم بلوغها السن القانوني، في الوقت الذي التحق بها طفلان آخران أقل من عمرها بشهرين بالمدرسة، مشيرًا إلى أنهما قد حصلا على واسطة مكنتهما من دخول المدرسة، مضيفًا أن وزير التعليم السابق قد أعلن أن من يبلغ خمس سنوات ونصف يستطيع الالتحاق بالصف الأول الدراسي.

اب واطفاله يعتصمون ب المشانق امام مجلس الشعب 1

وأوضح والد الأطفال أنه معتصم منذ 32 يوم على التوالي وتحت درجة حرارة عالية، مؤكدًا انه لا يهدف إلى " الشو الإعلامي"، مضيفًا أنه قد خاطب جميع الجهات والمستويات الرسمية لعرض مشكلته وحلها، ولكن دون استجابه.

وقال رأفت " إن مقابلة عزرائيل أسهل من مقابلة أي مسئول في مصر"، وأضاف أنه تعرض للعديد من أنواع الإهانة منها ما قاله مسئول في أمن وزارة التربية والتعليم عند مطالبته بمقابلة الوزير فقال له " هو كل زبال ييجي يقول أنا عايز أقابل الوزير" - على حد قول والد الأطفال-.

وقام الاطفال بترديد هتافاتهم التي يستخدمونها في اعتصامهم "بالروح بالدم.. التعليم أهم" و"بالطول بالعرض..هنجيب الواسطة الأرض".

المصدر

[Sherief AbdelWahab]

وأوضح والد الأطفال أنه معتصم منذ 32 يوم على التوالي وتحت درجة حرارة عالية، مؤكدًا انه لا يهدف إلى " الشو الإعلامي"

($#@#$@#$ @#$@#)..

خلص الكلام

[Mr MAGED]

انا شفت الحلقة ع المحور وتابعت حديثه مع الوزير

بس حتي لو كان الوالد شايف ان فيه ناس دخلوا بالواسطة وده شيء طبيعي في مصر

مش معني انه معرفش يعمل زيهم انه يضيع السنة علي بنته

النظام بيقول ( حتي لو مش بيطبق علي الكل) ان لو فيه مدرسة فيها كي جي

مينفعش الطفل يدخل سنة اولي بدون ما يمر علي الكي جي الأول

والوزير قاله انه كان ممكن يدخل بنته أي مدرسة تانية مافيهاش كي جي

والاوالد عارف كده ... لكنه مصمم انه يدخل بنته المدرسة اللي جنب البيت

حتي لو كان عنده حق ... كان لازم يكون فيه شوية تضحيات عشان مستقبل البنت

هو طالما معندوش واسطة من الأول ... لا اعتصام هيفيده ... ولا حتي تعليق مشانق لعياله

لازم يعرف انه في مصر .. مش فأوروبا

[عماد حمدي]

الإعتصامات بقت موضه العصر الحالي ..

والحكومة تعودت ع ذلك .. لذا أي حد هينظم إعتصام ليحتج عن شيء ما ..

فالحكومة لن تنظر إليه .. لماذا ؟؟

بالبلدي كدة بتقول :: هيخدولهم يومين وواحد يطلع يقولهم كلمتين وينفض المولد :: وبعدين اتنظم بدل الإعتصام 10 حاجة اتغيرت هوجة وهتعدي

حاجاة غريبة أوي فعلاً الإعتصامات دي إنتشرت أوي في الآونه الأخيرة والأدهي من كدة مفيش رد فعل من الحكومة

والشيء الغريب قيام المعتصمين بزراعة الأشجار مكان إعتصامهم !!

ياما هنشوف ,,

وزير التعليم بصراحة الراجل من يوم ما مسك الوزارة وهوه عامل شغل تمام شادد الناس أوي .. أي نعم في شوية سلبيات لكن مقارنة بالإيجابيات اللي عملها خلال الفترة اللي فاتت فالسلبيات لا تذكر ..

مرورا ً بقضية مرورة المفاجيء لمدرسة ورأي بها كم التسيب وأخد قرار فوري بنقل المدرسين

إنتهاءً بأخر قضية وهي تدخين الحشيش في المدرسة من قبل مدرسين المجال الصناعي

وأعتقد ان والد الطفلة دا لو فعلا ً معاه حق فهياخد حقة تالت ومتلت .. الوزير دا بوليسي ع فكرة

تحياتي ,,

عماد

تم تعديل 18 مايو 2010 بواسطة omda2006

[Sherief AbdelWahab]

لاهو علشان يعترض على ظلم يظلم هو ولاده؟

الراجل دة مبيعلمش ولاده الوقوف ضد الظلم ، الراجل دة بيعلمهم يقفوا في وش ظلم أي حد إلا ظلمه هو..

خلص الكلام

[fatfouta]

بعد ماشوفت الفيديو مش عارفة ليه مش مرتاحة للأب

وبرضو صعبان عليا انه يعمل فى ولاده كده مهما ان كان

[doha]

يعني هو لامؤاخذه الجحش ذنبه ايه ان ابوه حمار !!

ولا حاجه ..

[التونسى]

الاب مهما كان مظلوم .. فهو غلطان فى استخدام الاطفال بالشكل المشين ده

الاب لو كان عمل عملته دى فى دوله اوربيه كان اقل شئ اتعمل فيه انهم ياخدوا ولاده منه ويحطوهم فى مؤسسه ترعاهم .. لانه غير قيم عليهم .. لانه ببساطه عرض اطفاله ..واطفال الغير.. لمخاطر تكرار او تقليد هذا الفعل الشائن .. والاطفال بطبعهم يميلون لذلك

[ذهبية]

اقل ما يقال على الاب دة انة يتم الكشف على قواة العقلية

انا سمعت انة خلى فتحى سرور ماشى بعريبة و حراستة و راح رمى عيالة قدام العربية علشان يعرض نفس المشكلة

لالا الراجل دة بجد مش طبيعى خالص و بجد محتاج دكتور نفسى

و بعدين فين الام من القصة دى كلها

طيب الراجل عقلة مفوت طيب الام ازاى استحملت ولادها فى حرارة 42 و منظرهم و هما لابسين المشانق يقطع قلب اى ام

اية الى احنا فية دةةةة

بيتهايلى الراجل دة لو امريكا مثلا كان اتخدت منة حضانة اولادة و تم تسليم الاولاد لدور خاص لرعاية الاولاد

وكان هيتعمل للاولاد جلسات نفسية علشان يمسحو من عقلهم المشهد دة

[عماد حمدي]

يعني هو لامؤاخذه الجحش ذنبه ايه ان ابوه حمار !!

ولا حاجه ..

هههههههههههههههههههههههههههههههههه

تسجيل إعجاب للجملة دي

ههههههههههههه مش قادر أمسك نفسي من الضخك فعلا ً

[Simba]

يعني هو لامؤاخذه الجحش ذنبه ايه ان ابوه حمار !!

ولا حاجه ..

ههههههههههههههههههههه

جااامدة جااامدة والله الكلمة دي وفيها البهاريز

مع موافقتي للمضمون بس تحفظ صغنون ان الاطفال ابرياء لا حول ولا قوة ما ينفعش نشبهم بالجحش

[fatfouta]

و بعدين فين الام من القصة دى كلها

طيب الراجل عقلة مفوت طيب الام ازاى استحملت ولادها فى حرارة 42 و منظرهم و هما لابسين المشانق يقطع قلب اى ام

تصدقى انا كمان اول ما شوفت منظر الاطفال قولت فين مامتهم واذاى ساكتة على كده

العيال يا عينى شكلهم مفرهدين من الحر والله ولو تشوفى وشهم تقولى زهقانين ذى مايكونوا بيقولوا لابوهم حرام عليك اللى بتعمله فينا

طبب وشوفى المنظر اللى فى الصورة دى كإن البنت فعلا مشنوقة........يعنى هو كده ماتكلفش فلوس عشان يعمل المناظر دى كلها؟

لا شئ فعلا صعب على نفسية أطفال فى السن ده

[ابو محمد بن مصطفي]

الاب ده لو في دولة محترمة كان سحبوا منه الاولاد لانه غير امين عليهم

ثم ان اساس المشكلة انه عايز ابنه يدخل المدرسة وهو عنده خمس سنين ونص

ولو ابنه استني السنة اللي جاية هيدخل وهو عنده ستة ونص

ايه المشكلة مفيش مشكلة

بس هنعمل ايه في التخلف و التقليد في كل حاجة

ثم ايه ذنب الطفلين التنين

المنظر غير ادمي

ثم ان اينشتين اتعلم انه يتكلم وهو عنده ست سنين

ثم هو مستعجل علي ايه ابنه بعد عمر طويل انشاء الله هيتخرج وهيقعد معاه في البيت يخرطو بصل

ميستعجلش ويخليه كوووووووول

[om marawan]

أحييكى يافتفوتة على طرح الموضوع ده

المنظر استفزنى من ساعة ماشفته فى 90 دقيقة

لا واللى غايظنى بيقول محمود سعد مارضيش يقابلنى عشان بس الناس المسنودة اللى بتطلع تعرض مشكلتها مش عارفة ازاى وهو قاعد فى 90 دقيقة واخد من وقت الناس اللى عندها مشاكل حقيقية

وساب شغله ومصدر رزقه ومتفرغ للموضوع من سنتين

اقل ما يقال على الاب دة انة يتم الكشف على قواة العقلية

انا سمعت انة خلى فتحى سرور ماشى بعريبة و حراستة و راح رمى عيالة قدام العربية علشان يعرض نفس المشكلة

لالا الراجل دة بجد مش طبيعى خالص و بجد محتاج دكتور نفسى

و بعدين فين الام من القصة دى كلها

طيب الراجل عقلة مفوت طيب الام ازاى استحملت ولادها فى حرارة 42 و منظرهم و هما لابسين المشانق يقطع قلب اى ام

اية الى احنا فية دةةةة

بيتهايلى الراجل دة لو امريكا مثلا كان اتخدت منة حضانة اولادة و تم تسليم الاولاد لدور خاص لرعاية الاولاد

وكان هيتعمل للاولاد جلسات نفسية علشان يمسحو من عقلهم المشهد دة

انا معاكى 100 % ياذهبية انه فعلا مش طبيعى

الولد امبارح ابنه جاله ضربة شمس

انا أشفقت على ولادى انهم يشوفوا المنظر المتطرف ده اللى عمله فى ولاده مابالك الأطفال اللى عايشين التجربة

على فكرة امبارح لما عرف ان الوزيرة قدمت فيه بلاغ عشان الاطفال قال فى وسط الكلام كده ما معناه الأم قدمت فيه بلاغ واشتكته فى خط نجدة الطفل

[sarmar]

ولسة هنشوف من عقولنا اللى هيا تعكس عقلية فئة معينة مننا اب متعلم تعليم جامعى ومارس العمل كمدرس ثم استقال ليعمل فى عمل اخر يعنى حتى اتخاذ قرارة فى استقالتة من عملة يعتريها المجازفة الغير محسوبة العواقب مهما كانت خسارتة من عملة على ان راتبة 70 جنية ويصرف انتقالات ومواصلات 90 جنية هناك امور كثيرة حتى يتم نقلة ولا انة يترك عملة

واضح من كلامة انة بيتفرج على المسلسلات التليفزيونية كثير وخاصة الكرتون لاحول ولا قوة الا بالله

يعنى انت ياخينا واخد كل حقوقك فى الدنيا وباقى فقط حق بنتك انك لازم تعلمها ولازم تدخل السلك التعليمى قبل سنها ب6 شهور

بصراحة اشعر انة عندنا ملايين المتناقضات وكل واحد فينا سواء كان مواطن عدى او اكبر مسؤول ان الحق وان القانون هو اللى فى عقلة هو فقط وعدنا قدرة غريبة بالصراخ والزعيق والنعيق على قلب حقائق الاوضاع بما يراة عقل كل واحد وتفكيرة لايوجد لنا اتفاق او وفهم معين تجاة الظلم او الحق فالحق يعتبر ظلما اذا تجاوزنى والعدل يعتبر حقا اذا اخطأ واعطانى وفى الاخر كلة ماشى فى مصر من شارع مجلس الشعب