اذهب إلى المحتوى
محاورات المصريين

الرياض - تورونتو رايح جاى

Alrefaey
 مشاركة

Recommended Posts

Alrefaey عضو جديد

Alrefaey

بتاريخ:
  • كاتب الموضوع
بتاريخ:
السلام عليكم ورحمه الله وبركاته

اخى الفاضل دكتور الرفاعى

اولا الف مبروك على اللاندنج ولسه فيه كذا مبروك كمان ..مبروك على الاستقرار وعلى المعادله نقولهملك قريب ان شاء الله

جزاك الله كل خير على الصور ...وتسجيل متابعه

انتم السابقون يادكتور خالد

شد حيلك ودعوتنا لك بالتوفيق عايزينك فى يوليو ترفع راسنا ان شاء الله

الموضوع شدنى مع انى عمرى مادخلت باب كندا بصراحة

مدام فتفوتة فاكهة المحاورات

لنا الشرف يافندم ان الموضوع عجبك انتظرى مزيدا من الصور

اللى جاى احلا

تسجيل متابعة وتحية

مبروك عاللايندج يا دكتور

شكرا استاذ حسام ويارب نبارك لك قريبا ان شاء الله

وياريت رجاء حضرتك تواصل ومتزهقش من اسألتنا

شكرا hebapharm على المباركة

وانا تحت امركم فى اى استفسار

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
  • الردود 134
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

Alrefaey
Alrefaey

جنوب غرب اونتاريو

Alrefaey
Alrefaey

امس احتفل الكنديون باليوم الوطنى لكندا خرجت معظم العائلات والافراد الى الحدائق نهارا فى حفلات شواء وموسيقى ولعب ,كل يحتفل بطريقته وفى المساء العاب نارية ممتعة فى عدة اماكن داخل المدينة عندنا فى تور

Alrefaey عضو جديد

Alrefaey

بتاريخ:
  • كاتب الموضوع
بتاريخ:

صور من اعلى بورج CN TOWER

050621.jpg

050857.jpg

050907.jpg

الصورة دى للناس اللى قلبها جامد بس طبعا اللوح الزجاج اللى انا واقف عليه ده تحته الشارع

051756.jpg

053222.jpg

053459.jpg

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:

لما تزهق من صخب المدينة وعايز تريح اعصابك والاولاد يلعبوا براحتهم

اركب الساب واى لحد يونيون استاشن واتمشى شوية حتى شاطىء البحيرة احجز تذاكر

وانسى نفسك باقى اليوم على ثلاث جزر ممتعة

061900.jpg

051155.jpg

055151.jpg

055446.jpg

063701.jpg

فى احدى الجزر شوف كثير من الحيوان الجميل ده تقريبا اسمه سنجاب بس سريع جدا بس بردة لقطة بالصورة

070003.jpg

واخيرا منظر للداون تاون من البحيرة

082036.jpg

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Lendo عضو جديد

Lendo

بتاريخ:
بتاريخ:

موضوع حضرتك رائع يا دكتور الف مبروك علي الاندنج و الصور اكثر من رائعة حضرتك معيشنا معاك اللحظة -تمنياتنا لك بالتوفيق انشاء اللة و منتظرين المزيد من كتاباتك

الشيقة :lol: :roseop:

رابط هذا التعليق
شارك
medopharm عضو جديد

medopharm

بتاريخ:
بتاريخ:

ما اروعك يادكتور رفاعى

والف مليون مبروووووك ع اللاندينج

وترجع لنا بالسلامه ان شاء الله

الا قولى يادكتره

هى الميه بتاعة نياجرا دى عزبه ولا مالحه

معلش سامحنى على جهلى لأنى ماكانش ليا فى الجغرافيا

تقبل مرورى

مع خااالص تحياتى

رابط هذا التعليق
شارك
ramyfathalla عضو جديد

ramyfathalla

بتاريخ:
بتاريخ:

:blink: :blink: :lol: :wub: wst::

د/رفاعى تسمح لى أرفع لك القبعة

أنا قرأت الموضوع أكثر من مرة و كل مرة يعجبنى أكتر من اللى قبلها بصراحة أبدعت و أسلوبك مالوش حل

و من الأخر عظمة على عظمة على عظمة يا د/ رفاعى

حمد لله على سلامتك من الرحلة و ربنا يوفقك من كل قلبى فى رحلة الاستقرار القادمة ان شاء الله و توافينا بالتفاصيل

:lol: :blink:

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:
ما اروعك يادكتور رفاعى

والف مليون مبروووووك ع اللاندينج

وترجع لنا بالسلامه ان شاء الله

الا قولى يادكتره

هى الميه بتاعة نياجرا دى عزبه ولا مالحه

معلش سامحنى على جهلى لأنى ماكانش ليا فى الجغرافيا

تقبل مرورى

مع خااالص تحياتى

ياباشا جهل مين ياغالى دا موضوع هجرتى من اوله لأخرة انت لك نصيب الاسد فيه ولا نسيت

عقبال ما اسمع عنك انت وارورا ورامى وكل المنتظرين خبر حلو ان شاء الله

اما بخصوص الميه ياميدو ياخويا اعتقد والله اعلم انها عازبة وبنت ناس كمان ههه اصلا لما كنت تحت الشلال بالمركب بتتغرق مايه وطعمها كان حلو كمان

عقبال ماشاوفك هناك عن قريب ان شاء الله

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:
:lol: :wub: wst:: wst:: cl:

د/رفاعى تسمح لى أرفع لك القبعة

أنا قرأت الموضوع أكثر من مرة و كل مرة يعجبنى أكتر من اللى قبلها بصراحة أبدعت و أسلوبك مالوش حل

و من الأخر عظمة على عظمة على عظمة يا د/ رفاعى

حمد لله على سلامتك من الرحلة و ربنا يوفقك من كل قلبى فى رحلة الاستقرار القادمة ان شاء الله و توافينا بالتفاصيل

:blink: :blink:

عفوا عفوا يافندم اخجلتم تواضعنا :lol:

انا بس حاولت انى اعيشكم معايا اللحظه واتمنى انى اكون وفقت

الله يسلمك ياغالى بس انا لسه فى تورونتو دعواتك نرجع بالسلامة نهاية الاسبوع القادم ان شاء الله :blink:

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
arora عضو جديد

arora

بتاريخ:
بتاريخ:

مليووووووون مبرووووووك د.رفاعى على اللاندنج

وحقيقى موضوع جميل

ويا ترى الاستقرار نهائى ؟؟

اشكرك على الامنيات الطيبة

ليس ما يدخل الفم ينجس الانسان

بل

ما يخرج من الفم هذا ينجس الانسان

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:
مليووووووون مبرووووووك د.رفاعى على اللاندنج

وحقيقى موضوع جميل

ويا ترى الاستقرار نهائى ؟؟

اشكرك على الامنيات الطيبة

شكرا د ارورا على التهنئة الغاليه

لم اقرر بعد متى الاستقرار وان كان هربط الاستقرار بامتحان المعادلة الاول :roseop:

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:

تورونتو مدينة متعددة الثقافات بشكل كبير ولافت للنظر

تجد جميع اجناس وشعوب الارض فى الشارع وان كان للشعوب الاسيوية نصيب الاسد فيها بنظرتك مثلا فى المترو او فى اى تقاطع لشارع يانج وبنظرة عشوائية كدة تجد

ان شعوب جنوب شرق اسيا (الصين – الهنود – الفلبين ) يمثلو تقريبا 55 % من الناس اللى موجودة بينما ترى العرق الاوروبى تقريبا 35 % والباقى عرب على امريكا الجنوبية وافارقه ده يمكن لأن الدوان تاون فيه جامعة وطلاب اجانب الى جانب المكاتب الحكومية والمطاعم

هذه التركيبة المتعددة تراها ايضا فى المطاعم يعنى لو ذهبت لأى مجموعة مطاعم فى ميدان هتجد مطعمين ثلاثة صينى |يابانى على واحد هندى على يونانى وايطالى وتركى او عربى بالاضافة الى مطعمين امريكى زى ماك او كنتاكى على سبيل المثال .

الشوبينج والمولات مش هيكون مفاجئة للناس اللى عايشة فى الخليج هتجد نفس الماركات والمحلات وان كان المولات فى مدينة زى الرياض او دبى عددها اكثر واكبر من حيث المساحة

لم ارى فى منطقة الدوان تاون حتى الان مناظر مخله كثيرا كله فى حدود مانراة فى افلامنا العربية وان كان الصيف بدأ يهل والناس بدأت تزهق من ملابسها شوية وبالذات الاسيويات زهقانين ياعينى خالص :roseop:

الحرية هنا بشكل اساسى انت حر مالم تضر ولاتتعدى على القوانين تجد فنان فى تقاطع يانج مع دانداس شغال رسم على الرصيف بيرسم صورة رائعة لفتاه على الارض غاية فى الجمال

الاطفال هنا بمثابة جرين كارد فى اى شىء لهم كامل الدعم والتعاون من البلد ومن المواطنين وموظفى كافة المصالح

معظم المطاعم الوجبة فيها لاتتعدى 10 دولار للفرد ودى مطاعم الاكل السريع ولا تتعدى 20 دولار فى المطاعم الاعلى فى الدرجة على سبيل المثال اتغديت انا والمدام فى

مطعم red lobster ودفعت فى الوجبتين وملحقاتهم 50 دولار طبعا كنت بدفع اكثر من كدة لنفس الوجبتين دول فى الرياض فى النافورة او دارين او اى مطعم سى فود

دى صورة المطعم

093841.jpg

100130.jpg

لرواد السينما المبنى المقابل ده فيه سينما شاشتها ولا اروع سمعت فيها امس روبن هود (فينك يادك هشام )

104038.jpg

ودى صورة للوبى بتاع السينما من الداخل

121609.jpg

تقاطع شارع يانج مع دانداس اكثر مكان رأيته مزدحم زى ميدان التحرير عندنا فى مصر كدة فيه مول كبير اسمه ايتون ومقابله المبنى اللى بيوجد فيه السينما

وقريب منه على الناصية مطعم ريد لوبستر

انتظرو صوره لاحقا

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

عندك خصم مرتب أسبوع يا استاذ ..

زورتكم الأسبوع اللي فات في الشركة وقالوا لي إنك في إجازة ..

وجايلكم بكره تاني زيارة ودية كده

حمد الله عالسلامه ... والرياض نورت ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
055446.jpg

063701.jpg

بالنسبة للبط والوز ده يا دوك

هو م م ع ...

ملكية عامه يعني ؟

يعني من الأخر .. الواحد لو راح وقفش بطتين من رقبتهم ووداهم البيت للمدام تعمل لنا عليهم فته وشوربة ... كده القانون يعاقبني .. ولا شغال ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:
عندك خصم مرتب أسبوع يا استاذ ..

زورتكم الأسبوع اللي فات في الشركة وقالوا لي إنك في إجازة ..

وجايلكم بكره تاني زيارة ودية كده

حمد الله عالسلامه ... والرياض نورت ..

حبيب قلبى الغالى ابو عمر

شوفت بأءة الحظ يا عمى انا لسه فى كندا وهرجع السبت 28 ان شاء الله

كان نفسى اشوفك بس متعوضه ان شاء الله

اما بخصوص البط والوز فانت يا عم فكر بس وقدم على الهجرة وملكش دعوة هتاكل بط وز وحمام وعشان عيونك هجبلك فسيخ كمان فى تورنتو (بتوع فانكوفر يمتنعون )

الاصحيح المايسترو فين مش باين

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

ترجع بالسلامه يا دوك ... وعشان عيونك لك زيارة تاني مخصوص ....

كما أبلغك بإننا جميعاً بخير ولا ينقصنا إلا رؤياك الغالية .. ومن عندنا الدكتور الشامي يهديك السلام .. وهو ممكن يكون في الرياض على الأسبوع الجاي إن شاء الله ( صح يا دوك شامي ؟ ) .... والمايسترو راجع الرياض قريب .. هايروح فين يعني ما هو مالوش متوا غير هنا ... وبالتالي فيها طالعه رباعية للثمامة .... سهرا حمرا يعني .. بس تيجي بالسلامه ..

كمل بقى ونزل الصور التقيلة ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:

الصورة الجايه دى للعروس وعروسها واقفين فى الشارع بيصورا مع الناس

****

تم حذف الصور بناء على طلب صاحب الموضوع

الإدارة

سي السيد

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:

طبعا الناس اللى ناوية على استقرار لها حسابات اخرى من حيث السكن والمواصلات والاكل

فعلى سبيل المثال السكن بيبدأ من 850 دولار (اسكاريبروا ) الى 1500 دولار فى المتوسط لأسرة 4 افراد

المواصلات فيه اشتراك شهرى للساب واى بيكون ب 107 دولار تقريبا او بتشترى سيارة

الاكل الاخوة جزاهم الله خيرا قتلو الموضوع كتابه وبحثا وما قصروا

انطباعى الشخصى

- لازم تجهز نفسك كويس للاستقرار وتحسب كل شىء وكل نقطة , اساسى انه يكون معاك مبلغ يغطى مصاريفك من 6 شهور لسنة

- من معه اطفال ومعه مبلغ من المال يغطيه لمدة سنه مثلا يسافر ويستقر مباشرة ولاداعى لعمل رحلة لاندنج والعودة

- بخصوص الشغل طبعا كل شخص له ظروفه من حيث طبيعة العمل والمعادلة , لو تقدر تبدأ من الان فى المعادلة ابدأ ولا تتردد فمثلا الصيادلة يبدؤ فى مذاكرة الجزء الاول

من المعادلة قبل اللاندنج , المهن الاخرى التى تحتاج الى الزامية التواجد فى كندا يجب عليه ان يدبر نفسة كيف سيغطى تكاليف معيشته حتى يقوم بالمعادلة او الدراسه

- كى تبدأ فى السليم :-

الدراسة ثم الدراسة ثم الدراسة

سواء كانت معادلة وهتغطى مصاريفك من فلوس جايبها معاك او هتشتغل بارت تايم كاجوال

او انك تدرس فى احد المعاهد هنا دورة تؤهلك للعمل فى مهنه قريبة ليك او بتحبها

او انك تدرس ماستر وتعتمد على osap

- نظم امورك اول ما توصل من تدبير سكن مناسب مدارس الاولاد وفورا روح ymca ابدأ سجل فى دورات اللغة المجانية ولو تقدر تشتغل فولانتير فى مهنة تخدمك مستقبلا يكون افضل .

- كنت بعتقد زمان قبل اللاندنج ان الافضل ان الشخص يعمل لاندنج الاول قبل الاستقرار لكن انطباعى الان

انك لو مظبط امورك ماديا ولك حد ياخد بيدك فى اول ايامك فى كندا يبقى رحلة استقرار ولاداعى من تضيع الوقت سواء كان معك اطفال او كنت سنجل .

بالذات للأخوة اللى هيهاجرو من مصر , اما احنا بتوع الخليج فبنقع فى حيره احيانا ولابد من عمل موازنه جيدا بين المكاسب والتدابير والوقت المناسب .

كندا بلد جميله تشعر فيها ولأول مرة بالحريه ورفاهية الحياة وانك انسان تحترم ولكنها غاليه جدا على الشخص الغير مؤهل للعيش فيها , جهز نفسك سلح نفسك بالمال

والدراسه وعمل علاقات , ابدأ انخرط فى المجتمع وعيش .

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
دكتور هيما عضو جديد

دكتور هيما

بتاريخ:
بتاريخ:
ترجع بالسلامه يا دوك ... وعشان عيونك لك زيارة تاني مخصوص ....

كما أبلغك بإننا جميعاً بخير ولا ينقصنا إلا رؤياك الغالية .. ومن عندنا الدكتور الشامي يهديك السلام .. وهو ممكن يكون في الرياض على الأسبوع الجاي إن شاء الله ( صح يا دوك شامي ؟ ) .... والمايسترو راجع الرياض قريب .. هايروح فين يعني ما هو مالوش متوا غير هنا ... وبالتالي فيها طالعه رباعية للثمامة .... سهرا حمرا يعني .. بس تيجي بالسلامه ..

كمل بقى ونزل الصور التقيلة ...

مبروك يا د.رفاعي علي اللاندنج و ترجع بالسلامة بصراحة موضوعك اعاد الحياة للمحاورات وياريت تكمل جميلك و لما ترجع بالسلامة تنظم لقاء بالرياض يجمع المهاجرين بالمملكة للتعارف وتبادل الاراء و الخبرات كما في اللقاءات التي تتم بمصر و كندا................وارجو نشر الدعوة عبر منبرك لجميع المهاجرين و المطاريد

رابط هذا التعليق
شارك
dr abo samra عضو جديد

dr abo samra

بتاريخ:
بتاريخ:

مليونين مبروك يا دكتور رفاعى على رحله اللاندنج الرائعه

مع اطيب التمنيات بالعوده على خير باذن الله

بس برضه انا بحب اطقس شويه....هو مين قال ان العروسه القشطه دى مع العريس التمام ده تعدد ثقافات؟...مش ممكن مثلا ابوها يكون مديون فى قرشين للعريس

ده ودا اللى خلاه يوافق على الجوازه دى :roseop:

وبعدين كمان انا شايف ان البط ده نضيف جدا وشكله كده تقيل وبيوزن....يعنى ممكن مثلا البطه تعملها يجى 3 او 4 كيلو....يعنى 160 جنيه

يبقى ازاى سايبينه كده من غير غفير ولا عشه؟ :rolleyes: ....انا عن نفسى لو البط ده ملوش اصحاب وسايبينه كده يبقى مش هعمل حسابى على فلوس الاكل اثناء اللاندنج

ده بط يا عم الحاج...واكيد بياكل كويس ومتربى وخالى من الامراض :rolleyes: ....صح ولا انا غلطان يا دكتره؟

ربنا يوفقك يا كبير ...وانا بسجل اعجاب ومتابعه اذا كان لحديث سيادتكم بقيه

الجميل فى الحب هو ان نلتقى بمن نحب,ولكن الأجمل هو أن يبقى الحب وان لم يكن اللقاء

[وسط][/وسط]

رابط هذا التعليق
شارك
Pathfinder عضو جديد

Pathfinder

بتاريخ:
بتاريخ:

مبروك وحمدا لله عالسلامه يا دكتور Alrefaey ، ماشاء الله السرد منظم واسلوب السهل الممتنع اللي بتستخدمه رائع واحسن حاجه انك جبت المختصر المفيد دون اطالة او استعراض زي ما بيحصل في مواضيع ثانيه.

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...