اذهب إلى المحتوى
محاورات المصريين

الرياض - تورونتو رايح جاى

Alrefaey
 مشاركة

Recommended Posts

  • الردود 134
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

Alrefaey
Alrefaey

جنوب غرب اونتاريو

Alrefaey
Alrefaey

امس احتفل الكنديون باليوم الوطنى لكندا خرجت معظم العائلات والافراد الى الحدائق نهارا فى حفلات شواء وموسيقى ولعب ,كل يحتفل بطريقته وفى المساء العاب نارية ممتعة فى عدة اماكن داخل المدينة عندنا فى تور

mohamed allaam عضو جديد

mohamed allaam

بتاريخ:
بتاريخ:

السلام عليكم ورحمه الله وبركاته

اولا :

احب ابارك للدكتور الغالى على الللاندنج وعلى التوبك الجامد ده وترجع بالسلامه ان شاء الله :blink:

ثانيا :

الاخوه والاخوات ... بعد التحيه

ممكن يكون مش ده التوبك المناسب لطرح سؤالى ولكنى اخترته لانه احدث توبك فى المحاورات وطبيعى كل الاعضاء سيتابعونه

فمنذ اكثر من خمسه اشهر وانا اتابع المنتدى وبصراحه الاخوه والاخوات هنا مش مقصرين فى حاجه وده دليل على ان المصريين فعلا بيحبوا يخدموا ويقفوا جنب بعض مش زى مابيتقال عنهم ومش المصريين بس لاحظت هنا برده بعض الاخوه العرب اللى مش بيتاخروا على حد.....

ولكن طوال هذه المده وانا ابحث عن اجابه لسؤالى ولم استطع ان اجد اجابه واضحه كافيه له

كلنا عارفين ان كندا بلد الحريات وانت حر مالم تضر والحياه الكريمه والمستقبل المشرق ووووو ....وكل الكلام ده وانا طبعا موافق عليه جدا ومن اللى فهمته ان معظم فترات العمل غالبا بتكون ثمانيه ساعات وده يعنى انه اكيد اكيد بييجى وقت صلاه الظهر والعصر عليك وانت فى الدوام وهنا السؤال :

ياترى مع وجود الحريات دى بيسمح ليك كفرد مسلم انك تذهب لمده عشره او خمسه عشره دقيقه لاداء الفريضه فى المسجد او على الاقل فى مكان العمل فى وقتها ولا عند النقطه دى بتنهار الحريات والشعارات والكلام الكبير اللى بنسمعه ..؟

وخصوصا ان معظمنا هنا فى المحاورات موجود فى الخليج وعارفين ان وقت الصلاه مش فيه شغل وحتى اللى موجود فى مصر ممكن يسيب اللى فى ايده ويروح يصلى .

ممكن البعض مننا يتقاعص عن الصلاه فى بعض الايام ويؤخرها ولكنه ممكن جدا يؤديها كلها فى وقتها وجماعه فى ايام كتيييييييييييييييير

يعنى دى حاجه ترجع للشخص نفسه لكن لما تكون حاجه مفروضه عليك انك تسيب فرضك وتؤخره يبقى فى حاجه غلط

ياريت الاخوه والاخوات الموجودين فى كندا حاليا يفيدونا فى هذه النقطه باجابات واضحه لعلنا نفيد ونستفاد

ولكم منى خالص الامنيات بالتوفيق ......وشكرا

قالوا الشقیق بیمص دم الشقیق

والناس ما ھیاش ناس بحق وحقیق

قلبي رمیته وجبت غیرو حجر

داب الحجر ورجعت قلبي رقیق

...و عجبي!!!!!!!

رابط هذا التعليق
شارك
Pathfinder عضو جديد

Pathfinder

بتاريخ:
بتاريخ: (معدل)
ياترى مع وجود الحريات دى بيسمح ليك كفرد مسلم انك تذهب لمده عشره او خمسه عشره دقيقه لاداء الفريضه فى المسجد او على الاقل فى مكان العمل فى وقتها ولا عند النقطه دى بتنهار الحريات والشعارات والكلام الكبير اللى بنسمعه ..؟

أول مره اعرف إن من ضمن الحريات حرية ان الانسان يسيب مكان عمله أثناء الدوام ، احنا على كده أكثر شعوب في العالم تتمتع بالحرية :blink:

لكن حسب علمي القانون هناك بيلزم صاحب العمل بمنح العمال استراحة كل فترة معينة لشئونهم الخاصة (الذهاب لدورة المياه - تناول الطعام - الصلاة الخ) وبالتالي لن يمنعك أحد أن تؤدي الصلاة في وقت الاستراحة ، وممكن إذا كانت ظروف العمل تسمح تختار موعد استراحتك في وقت الصلاة باتفاق مع مديرك وزملائك، ومعظم أصحاب العمل متفهمين لهذه النقطة خصوصا في المدن الكبيرة التي يوجد بها عدد كبير من المهاجرين

أما أن هناك قانون يلزم صاحب العمل بمنحك ربع ساعة مثلا في أوقات الصلوات لتذهب الى المسجد فليس هناك مثل هذا القانون ولا أتوقع صدوره قريبا

تم تعديل بواسطة Pathfinder
رابط هذا التعليق
شارك
mohamed allaam عضو جديد

mohamed allaam

بتاريخ:
بتاريخ:

الاخ pathfinder

اشكرك على ردك وطبعا مافيش قانون يلزم بكده

اما موضوع الاستراحه ده فبدايه كويسه اوى للاجابه على سؤالى

طيب فتره الاستراحه دى ثابته ولا حسب ظروف العمل ومدتها اد ايه

نرجوا المزيد من الايضاح

معلش ياغالى غيرنا الموضوع الاساسى بتاعك عموما ظبط انت بس شويه صور تمام وكلمتين حلوين والقهوه ترجع تشتغل زى الفل

قالوا الشقیق بیمص دم الشقیق

والناس ما ھیاش ناس بحق وحقیق

قلبي رمیته وجبت غیرو حجر

داب الحجر ورجعت قلبي رقیق

...و عجبي!!!!!!!

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:
موضوع حضرتك جامد جدا انا بقراة كل يوم الجديد منة متاااااابع :roseop:

شكرا على المتابعة مع تمنياتى بالتوفيق الدائم

يا ريت تقلنا انطبعاتك الشخصيه عن الكنديين

والله يا اخ جبار مش هيكون فيه انصاف كتير لو تكلمت عن الكنديين من انطباع اسبوعين فقط

عارف لازم تكون المدة كافيه وتحتك بالناس دول عشان تكون فير لما تنقل الصورة

عموما انا هقولك على بعض الملاحظات البسيطة

الكندين شعب خليط كما بينت من قبل مختلف الجنسيات والاعراق ولكنهم بيعملوا فى اطار واحد منظم بترسمة وتقودة الدوله

من الصعب ان تتحدث عن الكنديين بوجه عام لانك ساعتها مطلوب ان تتحدث عن الصينى والاوروبى والهندى والعربى والافريقى والمكسيكى

ولى عودة فى هذا الموضوع لاحقا

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:
الاخ pathfinder

اشكرك على ردك وطبعا مافيش قانون يلزم بكده

اما موضوع الاستراحه ده فبدايه كويسه اوى للاجابه على سؤالى

طيب فتره الاستراحه دى ثابته ولا حسب ظروف العمل ومدتها اد ايه

نرجوا المزيد من الايضاح

معلش ياغالى غيرنا الموضوع الاساسى بتاعك عموما ظبط انت بس شويه صور تمام وكلمتين حلوين والقهوه ترجع تشتغل زى الفل

اذيك يادكتور محمد نورت التوبيك والمنتدى

شوف ياغالى لاتقلق بشأن الصلاة القصة هنا مختلفة نوعا ما

اولا انت عارف صلاة العصر هنا الناس بتصليها الساعة كم ...الساعة 7 مساء

الشمس بتغرب الساعة 8.4

الظهر قول 1.4

والعشاء الساعة 10 تقريبا

يعنى انت فى الشغل هتلحقك فقط صلاة الظهر وغالبا بتكون وقت بريك الغداء

هذا اولا

ثانيا قصة الاسلام والصلاة والصوم هنا ليست غريبة او غير معروفة على الكندييين

هنا مسلمين اكثر مما تتخيل والناس هنا بيحترموا الاديان وعارفين عنا معظم عبادتنا

هتجد معاك فى الشغل باكستانى وهندى مسلم واحيانا عربى ولما هتستأزن عشان خمس دقائق للصلاة هيكون امر غير مستهجن عند الكثير من الكنديين

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:

انتظرو الانطباعات حول ميسساجا

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
bent misr عضو جديد

bent misr

بتاريخ:
بتاريخ: (معدل)

د/رفاعي الف مبروك على اللاندينج

و ربنا يوفقكم في رحلتكم و تكون ايام سعيده ان شاء الله

و الله موضوعك ممتاز و طريقتك جديده و مشوقه

و شكرا لك على الصور الجديده ( أنا من عشاق الصور )

و طبعا في انتظار المزيد و خصوصا عن ميسيساجا wst::

تم تعديل بواسطة bent misr

"اللهم اياك نعبد واياك نستعين"

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:

مسيساجا مدينة راقية انيقة منظمة هادئة نوعا ما

الشوارع والطرق جديدة ,منظمة المساحات الخضراء على جانبى الشارع فى كل مكان واينما يقع نظرك

معظم المبانى فلل حديثة رائعة الجمال محاطة بالاشجار والخضرة كما يوجد بعض المبانى المرتفعة بالقرب من سكوير 1

المواصلات بالباص (اتوبيس ) ليس بها ساب واى :blink: لكن المواصلات العامة تغطى معظم الشوارع

اذا اردت الذهاب الى الداون تاون وليس معك سيارة بتركب الباص اللى بيذهب الى اقرب محطة ساب واى اللى بيمشى فى شارع بلوور

وبتنزل الداون تاون او تكمل الى الاخر فى اتجاه الشرق حتى تصل الى سكاربروه

زى ما عملت اليوم حينما ذهبت الى بيت العزيز الغالى الباشمهندس ياسر

تكلمت سابقا عن الباشمهندس من كرم وشهامة وحبه الشديد وحرصه على عمل لوبى مصرى قوى فى تورونتو

ولكنى اليوم اكتشفت صفه جديدة فيه لم اكن اعرفها الا وهى

انه استاذ شوى (باربييكيو ) :lol: والله ياجماعة عمل شوية كفته مالهمش حل بالاضافة الى نكهة الدجاج اللذيذة فى حديقة منزلة

فى جو مشمس رائع

نرجع تانى لمسيساجا وجمال مسيساجا

بنظرة عامة كدة فى مول اسكوير 1 والمقارنه بينه وبين الداون تاون وجدت عرب فى اسكوير 1 اكثر واسيويين اقل

فى ظل تشكيلة من المطاعم الغربية والاسيوية تجد مطعم مادينا الحلال وسط مطاعم المول (بس الشورمة بتاعته ماعجبتنيش ) وبالصراحة الاكل الصينى يكسب

مسيساجا احسها مدينة العائلات المستقرة بمعنى انك ممكن تسكن فى مسيساجا لو توفر لديك شراء منزل وسيارة ...الخ

فهى مدينة ليست مزدحمة واعتقد يتطلب العيش فيها وضع مادى معين الا فى حالة التوفيق فى مكان للسكن الايجارى يكون قريب من محطة الباص او الساب واى

ملحوظه سريعة فى الشوبينج تجد نفس البضاعة لنفس الماركة لنفس المحل عليها تخفيض فى سكوير ا بينما تباع فى الداون تاون بسعرها العادى

هناك ملحوظه هامة وهى انى ذكرت فى الاول بشأن الفندق اللى نزلت فيه وقربة من الداون تاون

قد تكون فنادق الداون تاون مكلفة بعد الشىء وبالذات الناس اللى هتعمل لاندنج فى الصيف

انصح بالحجز من موقع اكسبيديا لأنه حاليا بيقدم عرض فى حالة حجزك لثلاث ايام بيعمل خصم 20 % لبعض الفنادق

شىء اخر وهو انك لو اعجبك فندق ليس فى الداون تاون ومناسب لك من حيث السعر وامكانيته فلابأس المهم انه يكون قريب من محطة الساب واى

حتى لو فى مسيساجا او اسكاربروة (غرب -شرق ) او قريب من مواصلات توصلك للساب واى

طبعا كل مكان فيه البنوك وسريفس اونتاريو وممكن تخلص فيه امورك لكن هتحب انك تنزل الداون تاون مرات عديدة

دى بعض الصور ل سكوير 1 مسيساجا

104032.jpg

122651.jpg

104020.jpg

122700.jpg

ده صورة الباص الداخلى لنقل الركاب داخل مسيساجا

124447.jpg

لما تيجى تركب الباص تقف فى الطابور زى الحلوين دول ,كل حاجه هنا بنظام وودع الفهلوة وعدم النظام من مطار القاهرة وانت جاى

125953.jpg

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:
د/رفاعي الف مبروك على اللاندينج

و ربنا يوفقكم في رحلتكم و تكون ايام سعيده ان شاء الله

و الله موضوعك ممتاز و طريقتك جديده و مشوقه

و شكرا لك على الصور الجديده ( أنا من عشاق الصور )

و طبعا في انتظار المزيد و خصوصا عن ميسيساجا :blink:

الله يبارك فيكى يافندم وعقبال الاتدنج عن قريب ان شاء الله

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:
جميلة يا دكتور الصور وشرحك اجمل والله

فعلا الشاطر شاطر فى كل حاجة :P

ليس بالضرورة :P

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
mama nona عضو جديد

mama nona

بتاريخ:
بتاريخ:

الف مبروك دكتور رفاعى على الاندينج

وربنا يكمل مشوارك على خير ان شاء الله

والله يسامحك من يوم ما فتحت التوبيك ده والصراصير بتلعب فى راس زوجى علشان يقدم للهجرة .....عاجبك كده ؟؟؟

0329100703378vi4z91lu5pj76.gif
رابط هذا التعليق
شارك
bent misr عضو جديد

bent misr

بتاريخ:
بتاريخ:

ماشاء الله بجد كلامك حلو أوي عن كندا

و الصور أكثر من رائعه ربنا يكرمك و يوفقنا جميعا

ياترى حضرتك شايف من وجهة نظرك ان الاستقرار هناك سهل ام لا ؟؟؟

في انتظار المزيد قبل العوده ان شاء الله :P

"اللهم اياك نعبد واياك نستعين"

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:
الف مبروك دكتور رفاعى على الاندينج

وربنا يكمل مشوارك على خير ان شاء الله

والله يسامحك من يوم ما فتحت التوبيك ده والصراصير بتلعب فى راس زوجى علشان يقدم للهجرة .....عاجبك كده ؟؟؟

شوفى يادكتورة هو اوبشن سهل لشريحة كبيرة من المصريين اللى فى الخليج

الظروف فى مصر صعبة والايام الجاية ربنا اعلم بيها ومنطقة الشرق الاوسط عموما منطقة ملتهبة ومش مضمونه وكل شىء بيد الله

فكرة وجود حلول بديلة بمستقبل اكثر امانا فكرة جيدة ولكن

الحياة فى كندا ليست ابدا سهلة على الانسان الغير مؤهل للعيش فيها الغير مؤهل هنا اقصد بها ليس عندة خبرة كندية او دراسة كندية

لما بيكون فيه اولاد وفى اعمار مختلفة يجب ان نحسب حسبتنا صح من حيث الدراسة والميزانية وخلافة

اذا كان الهدف من العمل فى الخليج هو الحصول على اموال لتأمين مستقبل الاولاد فدة هتجدوة هنا بسهوله لكن قبل الاستقرار

لابد من تامين مصدر للدخل الا ان تتم المعادلة او الدراسة .

وبالتوفيق دائما

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:
ماشاء الله بجد كلامك حلو أوي عن كندا

و الصور أكثر من رائعه ربنا يكرمك و يوفقنا جميعا

ياترى حضرتك شايف من وجهة نظرك ان الاستقرار هناك سهل ام لا ؟؟؟

في انتظار المزيد قبل العوده ان شاء الله wst::

شوفى عزيزتى

هو زى ما قلت لماما نونا بالظبط سهولة الاستقرار وصعوبته تتعلق بأمرين

مدى تأهيل الشخص المهاجر لتأمين مصدر دخل فى اقصر مدة ممكنة والعمل والاندماج فى المناخ الكندى

عمل خطة يعنى مثلا احنا كم فرد 2 مثلا متوسط مصاريف الشهر كم نقول مثلا2000 دولار شهريا متوقع انى اجلس بدون عمل اد ايه

نقول سنة مثلا يبقى المفروض وانا جاى يكون معايا 25 الف دولار على الاقل

طبعا فى اعانة من الدولة للاطفال وفية اوساب لو هتدرسو لكن لا مانع من عمل جميع الاحطياطات ممكن تشترو سيارة ممكن يعجبكم بيت او شىء

كذلك من ضمن الخطة هندرس اول مانوصل ولا هنعمل معادلة

طب هندرس فى نفس الكارير بتاعنا ولا هنغير خالص

الشخص والاسرة اللى جايين عارفين هما هيعملوا ايه ومظبتين نفسهم ماديا مايخفوش والاستقرار هيكون بالنسبة لهم سهل جدااا

:roseop:

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Alrefaey عضو جديد

Alrefaey

بتاريخ:
  • كاتب الموضوع
بتاريخ:

حلقة خاصة بالكاس والثعبان :roseop:

الزملاء الصيادلة الحلوين

طبعا انتم سمعتم عن ان هناك مشكلة بين الصيادلة وبين الحكومة تلك الايام او شىء من هذا القبيل ..

واكيد صيادلة السعودية عارفين المشكلة اللى عملتها sfda مع اصحاب الصيدليات وهى انها منعت البونص ووضعت عقوبات مشددة على الطرفين لمن يخالف

وبالفعل التزمت الشركات العالمية بينما الشركات المحلية انتعشت وزادت مبيعاتها لأنها لم تطبق النظام واستخدمت طرق اخرى للتحايل

هذا بالظبط ما تنوى الحكومة الكندية عمله مع الشركات والصيدليات

حتى تقلل من سعر الدواء ومن الاموال التى تصرف على الضرائب

لكن اذا تم ذلك هامش ربح الصيدليات هيقل وبالتالى ممكن يفكر بعض اصحاب الصيدليات فى تقليل التكاليف عن طريق رواتب موظفين او تقليل الدوام

او اى طرق اخرى .

عموما لا تقلقو حدث هذا الموضوع من شهور بالسعودية وتأقلم اصحاب الصيدليات على الوضع .

الصيدليات فى كندا قريبة من الصيدليات فى الخليج المساحة كبيرة فوق 300 متر بعرض من 4 الى 6 فتحات على الشارع

تجد مثلا فى الصور ادناة شوبر مارت الشهير مقسم كلاتى

الجزء الاخير منطقة الوصفات prescription area المنطقة الخاصة بوقوف الصيدلى وخلفة الادوية فقط التى تصرف بواصفة طبية

امامه عدد من الكاونترات بها ادوية لاوصفية otc زى تايلينول والفيتامينات وادوية الحساسية

الباقى مقسم كالاتى منطقة العناية بالفم والاسنان (المعاجين والمضمضة )

منطقة العناية بالشعر

منطقة العناية بالجلد

وباقى اقسام الصيدلية من العناية بالطفل والمرأءة

منطقة حاصة بادوات التجميل

فين الكاشير بأءة

الكاشير فى مقدمة الصيدلية تقريبا لا يقل عن 4 كاشيرات

بالاضافة الى قسم خاص بالاطعمة والمشروبات ...الخ

بالطبع مش هنوصى الناس اللى جاية تعمل حسابها فى عدد كافى من ادوية الضغط والسكر والامراض المزمنة والمضادات الحيوية عشان دول استحالة الصيدلى هيصرفهم بدون وصفة طبية وانت فى الاول مش هيكون معاك كارت التأمين .

ده صورة للشوبر الى فى يانج

160810.jpg

تخيل ان الكوانترات اللى امامك دى كلها فيتامينات

161859.jpg

ده قسم العناية بالبشرة والتجميل

004020.jpg

162101.jpg

160639.jpg

حتى المشروبات هنا

160550.jpg

واخيرا صورة لصيدلية صغيرة لبووت بهيثرو

214845.jpg

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
bent misr عضو جديد

bent misr

بتاريخ:
بتاريخ: (معدل)

اييييييييييييييه يا د/ رفاعي ده :blink:

اييييييييه بقه الصيدليات دي :sad:

و بعدين كده الواحد هيبدأ يضايق :closedeyes:

و اييييه الجمال و النظام و النظافه الزياده عن الحد دي

طب أنا دلوقتي المفروض اني هنزل أروح الشغل بس بصراحه

بعد الي شوفته ده على الصبح مش عاوزه أروح wst::

صورك جميله أوي يا دكتور :happy:

طب و يا ترى سألت عن المعادله و كده يعني الحكايه

سهله و لا صعبه و ان شاء الله في شغل و لا لأ ؟؟؟

و يا ريت المزيد عن موضوع الصيدليات هناك B)

شكرا لك و لمجهودك

: [/size

تم تعديل بواسطة bent misr

"اللهم اياك نعبد واياك نستعين"

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...