ومازال الاعتداء على المصريين فى الخارج يتوالى ..بالكويت !!

[osaimi]

نفسي اعرف اشمعني المصريين اللي بيحصل فيهم كده ؟

تم تعديل 19 مايو 2010 بواسطة osaimi

[doha]

مع إحترامي لكل ردود السادة الأعضاء ..

لفت إنتباهي هذه الجملة : الحادث هو فردي ولا جدال في ذلك ولا يجب أن يؤخذ الحادث كورقة للعب علي طاولة الأعتداء المصريين بالخارج : للأخونا الفاضل سمبــــا

مش ملاحظين حاجة اليومين اللي فاتم دول في أقل من شهر :

كل شوية توصلنا جثة مصري من الخارج ..

أولا ً المصريين باليونان

ثانيا ً المهندس المصري بنيجيريا

ثالثا ً المواطن المصري بكترمايا " لبنان "

رابعا ً المواطن المصري بالكويت

وقبلها الكثير والكثير ..

إشمعني المصري بيحصلة كدا .. هل لو كان مكان المصري مواطن امريكي او إنجليزي او أي جنسية آخري هل ستكون ردة الفعل كما هي الآن ..

يا أخوه الأحداث الصغيرة هذه بتراكمها تكبر وتكون حادثة كبيرة ومؤسفة وهي أن المصري في أي دولة حاسس انه مش مسنود وملهوش دهر وبقينا ملطشة ..ومعدتش لينا هيبة

حقوقنا بقت مهدورة في الداخل والخارج وبقي منظرنا .... !!

عارفين جه في بالي مثال بسيط أوي :

لو واحد يتيم ومقطوع من شجره مثلا ً والواحد دا صغير في السن وملوش ولا اب ولا ام ولا أهل .. محدش هيعمل لية إعتبار وهيبقي ملطشة للي هنا وهناك لانه هيروح يشتكي لمين وهوه أصلا ً يتيم .. فعدوه بيستغل النقطة دي فيه ويزله بقلب جامد لانه عارف نتيجة ذلّه ليه دي ونتائجها مستقبلا ً وهي التجاااااااااااااااااااااااهل التام ... فبيتمادي في ذلك

ياريت المرة دي تكون وجهة نظري وصلت ليكم واكون قدرت أعبر عن اللي عايز أقولة ..

وألفت إنتباه االسادة الأعضاء هنا ::

لمشاهده حلقة القاهره اليوم للإعلامي عمرو أديب اليوم 19/05/2010 في بداية الحلقة تكلم عن إشمعني المصري بالذات اللي بيحصلة كدا وكان تعليقة بجد روعة يستحق من وقتكم 15 دقيقة فقط للإستماع .. وسيقول ما لا أقدر أن أعبر به هنا .. وبذلك ستتضح الرؤية أكثر وأكثر ..

تحياتي وتقديري لكل الأعضاء الموقرين ,,

عماد

ياسيدي ا لفاضل السؤال ميبقاش كده . . السؤال اشمعنى دلوقت وسائل اعلامنا بقت بتنتفض وتسلط الضوء على اي حادث من النوع ده يكون طرفه المعتدى عليه مصري ..

طول عمرنا عايشين برا وطول عمرنا وكل كام سنة بنسمع ان في مصري او مصرية تعرض للاعتداء وبالمقابل برضه ومابين خبري اعتداء على مصريين بيكون في عشرات بل مئات وممكن الاف الاخبار عن الاعتداء على ناس من جنسيات تانيه او من سكان البلد الاصليين

كل بلد وفيها مشاكلها وفيها نسبه جرائم تعتبر في حدود الطبيعي .. وطبيعي برضه ان يكون من بين المعتدى عليهم مصريين .. الي مش طبيعي ابدا انه وبعد سنين الصمت دي كلها ايه طلع قنواتنا واعلامنا وفجأه كده انهم ( يحطوا خط ) تحت كل حادث من النوع ده ؟

ان بلدنا تهتم بينا في الخارج فده شيء كويس جدا بل هو احد حقوقنا الي مفروض كنا ننالها من زمان .. لكن ان الاعلام يكبر الامور كده ويصور الامر على انه ( حملة ) ضد المصريين في الخارج فده الي مش مقبول ابدا وده الي محتاج وقفه عشان نفكر ياترى ده بيحصل ليه ولمصلحه مين

مش مستغربة الي بيحصل في وسائل الاعلام فالناس دي عاوزه تاكل عيش لكن الي مستغربه له بجد ان مننا الي مصدق ومننا الي بيتاثر ومننا الي جاي يقول الحقوا المصريين بتتسحل في الشوارع ..

قليل من الانصاف ياجماعه .. مش كده

[وطني حر]

نفسي اعرف اشمعني المصريين اللي بيحصل فيهم كده ؟

اخي الفاضل osaimi كل المغتربين الغير مصريين والمصرين في مصر بتحصل هذه الجرائم . لكن كمغتربين لانهتم الا بقضايانا ومشاكلنا الخاصه كمغتربين مصريين

فاول مانسمع حادث عربيه مصري مع خليجي او عربي او اي جنسيه اخري . نهتم بخبر المصري وننسي جرى ايه للاخر .

فاظن هذا شي طبيعي واضنه جزء من الترابط وحب المصريين لبعضهم اكثر في الغربه . لكن مفروض اما نتناول خبر او حدث نكون واقعيين

في الطرح والنقاش .وان لا نحمل الامور اكثر من ما تحتمل . راي الخاص

[mekkawy]

السلام عليكم و رحمة الله و بركاته

واضح إن كلنا متفقين إن هناك تقصير آه من الجهات المسؤلة لكن مش دايماً .. و ممكن الحادث ده لا يخرج عن إطار العادي .. إنما في حوادث تانية .. تكسف ... ده اللي أنا فاهمه

بس أنا ليا في الموضوع ده منظور تاني خالص

منظوري هو إننا كأفراد .. كمواطنين مصريين ... إحنا اللي بنعمل لنفسنا الهيبة يا عمدة .. إحنا اللي بنعمل لنفسنا القيمة و الاحترام .. إنت كفرد اللي بتجبر اللي قدامك يحترمك و يتعامل معاك في إطار معين .. و بالتالي يتعامل مع جنسيتك و لكنه قبل ده بيتعامل مع شخصك !!

كلنا فاكرين موقف أخونا عماد في السعودية ... و كان موقف محترم من شاب محترم عبر عن شخصيته و عن بلده و عن جنسيته ... و فرض احترامه لنفسه و احترام الآخرين على المجتمع المحيط بيه.

أيوة هيبتنا ضايعة إلى حد ما .. لكن موجودة و الكل بيخاف منها و بيتعامل معاها الأول ... و لما مش بيلاقيها أصلاً جوانا .. خلاص .. بيسوق في العبط ... إذا كانت الهيبة بتاعتنا أصلاً مش جوانا .. إزاي هتوصل لغيرنا!!!

معظمنا لما بيجيله عرض سفر لبرة بيكون اللي جاي .. جاي يشتري مش جاي يوظف .. و إحنا بنبيع ... أو بعضنا و مش بأعمم طبعاً ... لكن لو إحنا فرضنا قيمتنا و هيبتنا على المجتمعات اللي بندخلها .. كان الكل عملنا حساب.

بسيطة و الله يا جماعة ... نشعر إحنا الأول بهيبتنا دي و بعدين من غير أدنى مجهود هي هتتنقل للغير تلقائياً

ده كان رأي بسيط يحتمل الصواب و الخطأ حبيت أشارككم فيه.

مكاوى

[عماد حمدي]

مدام ضحي :

بصرف النظر عن تضخيم الإعلام للمواقف اللي بتحصل ولا لأ .. دعونا بس ننظر لكل حادثة من دول حسب نظرتك الشخصية وحليليها بمزاجك ع الآخر من غير تهويل أو كدة وشوفي انتي مقتنعة بإية تمام كدة ..

النتيجة واحده وهي مصري أتقتل غدر .. او مصري إتهدر كرامتة ..

دور الإعلام انا معاكي بيهول الموقف ويكبرة .. بس نتيجته واحده وهي النهاية ( مقتل مصري ) دي بقا مربط الفرس زي ما بنقول ..

انا كان كلامي مقصدش بيه نهائي معاملة المصريين وانهم مضطهضين برة لان الموضوع دا اتكلمنا فيه عشرات المرات ..

لكن كان تعقيبي ع ردود فعل حكومتنا بالخارج ردود فعل سفارتنا وأخذها بموقف جد بعد كل حادثة من دول ..

دا خلا الناس من وجهة نظري تسمحولي أقولها انها تستهيفنا ومش عاملة لينا أي إعتبار ..

اما لو اي موقف كان بيحصل والحكومة بتاخد موقف محترم وتوريهم العين الحمرة بجد بعد كدة مفيش حد يقدر يتطاول ع المصري نهائيا ً

الإعلام انا معاكي أنه من أهم مساوئه نشر الغسيل اللي مش نضيف للعالم برة وخلاهم ياخدوا فكرة عن المصريين مش ولابد ..

المفروض بقا الحكومة تشد من الناحية التانية .. يبقي طرف بيرخي وطرف بيشد ..

مكاوي حبيبي :

انا معاك في كل اللي سيادتك قولتة .. بس يا أخي أنا أقصد ان لما تكون عارف ان ليك ضهر تتحمي فيه ومسنود عليه ع الأقل هتشعر

انك بأمان .. لما حقكك يتاكل هتكون متأكد انه هيجيلك .. مش هيضيع أونطه

[Simba]

من يقتل ومن تؤتيه الشجاعة إلي هذا الفعل هو قطعا ( بلطجي ) اي كانت جنسيته وكلنا يعلم أن البلطجي لا يهتم بقانون او انسانية أو دولة

أننا كما نرفض اي عمل أجرامي يقوم به مصري في الخليج ان يكون رمز لغالبية العمالة يجب ايضا رفض الحوادث الفردية علي اعتبار انها رمز مصري فالحوادث تقع هنا وهناك بين جنسيات مختلفة كأي مجتمع خلقه الله به الصالح والطالح

[عماد حمدي]

من يقتل ومن تؤتيه الشجاعة إلي هذا الفعل هو قطعا ( بلطجي ) اي كانت جنسيته وكلنا يعلم أن البلطجي لا يهتم بقانون او انسانية أو دولة

أننا كما نرفض اي عمل أجرامي يقوم به مصري في الخليج ان يكون رمز لغالبية العمالة يجب ايضا رفض الحوادث الفردية علي اعتبار انها رمز مصري فالحوادث تقع هنا وهناك بين جنسيات مختلفة كأي مجتمع خلقه الله به الصالح والطالح

اخي سامبا

احلفلك بإية اني مقصدتش كدة خالص ولا قصد إضطهاد المصريين بالخارج والمعاملة ليهم .. ولا التعميم ولا خصيت دولة معينة بالذكر

بص إقرأ مشاركتي الأخيرة وتعرف انا كنت أقصد إية .. من كل الموضوع والقصة دي ,,

تحياتي ,,

[hOuSsAm]

انا لله وانا اليه راجعون

ربنا يصبر اهله

الاخ عماد

انا متفق مع اراء

الاخوة اسد ومكاوى وسمبا وضحى

ومش هعرف اضيف كتير غير ملحوظة صغيرة

ان المصريين فى الخارج وكل دول العالم كتير اوى

فطبيعى يبقى ليهم نصيب ولو نسبة صغيرة من الجرايم

النسبة الصغيرة دى بتعمل عدد قدامك

كل الجنسيات بيحصل فيها كدة بس عشان انت مصرى ومهتم بشؤن بلدك وانطباعك زى الزفت عن وزير الخارجية

خلاص يبقى لما حسام يكح فى جدة فين وزير الخارجية

ولما مكاوى فى الرياض مديره يديله فوق دماغه يبقى الوزير مش مهتم

اقولك على حاجة من اسبوعين واحد صحبى بيحكيلى على زميله الهندى فى الشغل اللى مات فى السكن وعفن ومحدش حاسس بحاجة واهو اتدفن من سكات ولا حد اتكلم يمكن اخوه فى الرياض معرفش اللى بعد مخلصوا الاجراءات

هى ظروف مصر هتبقى اوحش من اليمن ......... وتلاقى اليمنين عايشين حياتهم وطبعا من نفسهم بلادهم تبقى حلوة عشان يرجعوا ليها بس مش واقفين للحياة عالواحدة

الرجاء الهدوء والانصاف

المصريين مش مهدور كرامتهم اوى ولا حاجة

فيه مصريين عايشين فى الخارج ملوك

بس الكلام كله على حالات فردية

[Simba]

اخي سامبا

احلفلك بإية اني مقصدتش كدة خالص ولا قصد إضطهاد المصريين بالخارج والمعاملة ليهم .. ولا التعميم ولا خصيت دولة معينة بالذكر

بص إقرأ مشاركتي الأخيرة وتعرف انا كنت أقصد إية .. من كل الموضوع والقصة دي ,,

تحياتي ,,

يا عمدة مش لازم بجد كل مرة تحاول تثبت لي حسن نواياك اللي انا والله متأكد منها جدا

ومعني كلامي يا عمدة مهما كانت السياسة المصرية في الخارج قوية اوي سلبية بتدافع عن حقوق عمالتها او نايمة علي ودانها

ما تقدرش تحمي حد ابدا من بلطجي مش همه حد

[عماد حمدي]

شكرا ً يا حسام .. وشكرا ً يا سمبا ع طرح أرائكم بخصوص الموضوع دا ..

وباقي الأعضاء طبعا ً ضحي و مكاوي و .... الخ

وكويس ان كل واحد قال وجهة نظره وانا إستفدت كتير منها ..

وكل شخص منا لية وجهة نظر ,, إحترامي وتقديري لكم جميعا ً ,,

عماد

تم تعديل 20 مايو 2010 بواسطة omda2006

[اغابي]

لاء . . - داه - حــــــــادث فــــــــردي

لان كان ممكن المشكلة تكون بين مصريين مع بعض .

لكن نرجع نقول ان السفارة لها دور - الرعايا - ومتابعة التحقيق - ونقل الجثمان - واعتقد ان كل داه قامت بيه السفارة - لكن اشك انها حتابع التحقيق بضمير .

كلها يومين ويتنسي الموضوع ويترك للقضاء الكويتى - والقضاء الكويتى نزيه تماما -

بس داه حادث عادى - وما ننساش ان المصريين عصبيين جدا جدا

من ضغوط الشغل اليومية فى الكويت - الناس عموما عصبية جدا جدا - ممكن داه سبب للمشاكل الكتير .

اغابي

:blush2:

تم تعديل 20 مايو 2010 بواسطة اغابي

[عنبو]

حدث فردى ولا يستخق كل هذه الضجه

واحد بلطجى موت واحد اين كانت جنسية كلاً منهم فده وارد يحصل فى كل مكان فى العالم

وياريت منقعدش بقى نقول المصرى متهان والمصرى معرفش ايه

لان الكلام ده بيأخر مش بيقدم

كثر كلامنا عن السلبيات خلت الناس تفتكر ان احنا عايشين فى مستنقع

وبالتالى فالقليل يكفى المصرى

ولا حول ولا قوة الا بالله

[أسد]

المصريين وضعهم في الخليج جيد ..

ولا أعتقد أن وجود مليون مصري في السعودية

و 400 الف في الكويت وحدها ..

هذا إضافة للعدد الكبير الموجود في باقي دول الخليج

وجود تلك الأعداد الكبيرة .. يعبر عن أن أوضاع المصريين في دول الخليج جيدة جداً .. و لا غبار عليها ..

اللهم إلا من قلة الرواتب .. وضعفها في أحيان كثيرة وذلك بسبب زيادة عدد المتقدمين للوظائف وقبول البعض برواتب قليلة مما يتسبب في تقليل الرواتب

وطبعاً وجود مثل تلك الأعداد الكبيرة .. ينتج عنه مشكلات متنوعة

منذ شهرين تقريباً .. في جده

مصريين إتخانقوا مع بعض .. وواحد منهم قتل إثنين ..

كانوا جوه البيت .. وقامت الخناقة جاب سكين وطعن واحد وقتل .. التاني كان جاي من الخارج .. شاف المنظر . طلع يجري .. صمميقتله هو الآخر وطلع يجري وراءه في الشارع وبيطعنه أمام المارة

ما القول في هذا ..

أما عن دور السفارة المصرية ..

أعتقد أنهم دلوقت أحسن بكثير من الأول ... لكن إحنا بنطلب طبعاً بالأفضل

حاحكيلكم حكاية بسيطة...

واحد أعرفه .. عمل مشكلة مع زوجته هنا في الرياض .. وحبسها في البيت .. وكان بيضربها ويبهدلها ..

مفتري .. مستفرد بيها وهي لوحدها بعيد عن أهلها ..

إتصلت بأهلها في مصر .. واتصلت بالسفارة المصرية ..

إتصلوا به في مكان عمله (أقصد السفارة) واستدعوه .. وقعد معاه القنصل .. وطلب منه أن يحضر زوجته إلى لاسفارة .. حاولوا إنهم يصالحوهم على بعض ..

تعثر الموضوع ورفضت الزوجة ..

الزموه بأن يحضر لها تذكرة ويصدر لها تأشيرة خروج لها ولأبناؤها ..

لما تململ ورفض .. هددوه بأنهم سيحولون الأمر للسلطات لاسعودية .. متهمينه بانتهاك حقوق زوجته والقسوة عليها وضربها وحبسها

إضطر أن يستجيب ..

وسافرت الزوجة مكرمة .. وأوصلها للطائرة مندوب من السفارة .. طبعاً في حضور زوجها ..

وللأسف تم طلاقهما

ما قصدته من تلك الرواية ..

أن الأمور ليست بكل هذا السوء ..

وتفرض علينا الموضوعية .. والأمانة والصدق مع النفس ..

ألا نتحامل على الحكومة المصرية .. سواء في الحق أو الباطل ..

حتى في نقدنا وإعتراضنا ومعارضتنا .. يجب أن نكون منصفين وموضوعيين .. وأن تحكمنا أمانة الكلمة دائماً ..

بكل تأكيد .. كلنا نحلم بالأفضل .. ونتمناه

وأنا معكم

[زعلان]

الموضوع حادث فردي لكنه مؤشر خطير على انسياب الامن و سيادة البلطجة في العالم العربي لبنان سوريا مصر السعودية الامارات الكويت اليمن ليبيا السودان الناس بتمارس البلطجة على بعض و اصبح سيادة الساطور هو القائم الساطور وليس القانون لو لم يكن هؤلاء يعلمون ان هناك تسيب وانه بامكانهم ارهاب الافراد و المجتمع دون ان يتم اياقفهم وتجريمهم افعالهم لما تمادوا ووصلوا الى حد القتل

كما ان سلبية المجتمع عليها دور لماذا لم يتم الابلاغ عن حالات التعادي و الترهيب بالاسلحة البيضاء ام انه تم الابلاغ ولم يتم اتخاذ اجراءات اين عيون الشرطة و المباحث و التحريات وامن الدولة مما يحدث في مناطقنا