فيلم عسل اسود.. و الواقع المصرى

[myusername]

فيلم عسل اسود لاحمد حلمى.. بيناقش قضية فى منتهى الخطورة... الا و هى البحث عن جنسية أخرى من أجل اكتساب احترام الاخرين... داخل مصر قبل خارجها!!!

الفيلم بيحكى عن قصة شاب مصرى اتولد فى امريكا... و معاه الجنسية الامريكية.. ولما بيرجع مصر.. عايز يفتخر بمصريته و بيستخدم الباسبور المصرى.. و مبيقولش انه امريكى اطلاقا..

طبعا الشاب بيشوف المعاناة الحقيقية اللى بيشوفها المصريين.. ابتداءا من الجوازات فى المطار و تفتيش الشنط.. و حتى فى المعيشة اليومية.. من اهدار للكرامة.. و بهدلة.

و فى الاخر لما بيقول انه امريكى.. الشرطة بتحميه.. و بيفضل انه يرجع امريكا... و بيحمد ربنا عالباسبور الامريكى.

اعلان الفيلم

هل المصريين بيبحثوا عن جنسية أخرى... ليستخدموها كحماية داخل مصر قبل خارجها؟

حاليا الطبقة الراقية بيبعتوا مراتتهم أمريكا علشان يولدوا هناك.. و حتى الطبقة المتوسطة بدأت تعمل كده.. علشان يضمنوا كرامة و مستقبل لاولادهم.

طيب ايه رأيكم فى اللى بيدور على جنسية/باسبور اجنبى.. سواء أمريكى او كندى او اوروبى... علشان يستخدمه لضمان كرامته.. و للتباهى بيه قدام الناس؟ حتى بعض الناس بتستخدمه "كمخرج استراتيجى" علشان لما الدنيا تضلم.. يروحوا لبلدهم التانى و يعيشوا فيها.

ليه بقى الاتجاه العام فى مصر هو الهجرة و التجنس بجنسية أخرى؟

انا شخصيا ابحث عن جنسية أخرى... و لكن علشان استخدمها فى الطوارىء بس ... يعنى هدفى مش انى اعيش برة مصر... و لكن الجنسية الاجنبية فى حد ذاتها هى الهدف.

و هل الحالة دى ممكن تنتهى قريبا؟ ولا هتبدأ تكون اكثر الحاحا على المصريين؟

[lovelyramy]

اخى الفاضل

فعلا الفيلم دا بيمس موضوع كبير ومهم وخطير جداا

فعلا النسبه الغالبه من الشعب المصري بيدور على انه يخرج بره البلد ولما بيخرج بيدور على جنسيه البلد اللى راحها

المصرى طول عمره كان عامل زى السمك لما بيطلع من البحر (مصر) ما بيقدرش يعيش كتير ولازم اما ان يعود للبحر (مصر) او انه يموت

لكن للأسف حكومتنا الموقره وريسنا العظيم اللى فى سنواته الاخيره ماشي باستيكه بيمسح كل حاجه حلوه هو ممكن يكون عملها كره المصريين فى مصر وفى نفسهم وفى الحياه كلها

عزيزي الفاضل اكاد اؤكد لك ان 99% من الشعب المصري مصاب بالاحباط والكئابه وفقدان الامل

[herohero]

الفيلم يعبر عن واقع كثيييييييييييير جدا من الشباب وانا عندي تجربة قريب الولده طلع امريكا سنة76 وبقى امريكي فعلا الجواز الامريكي معيشه ف مصر حاليا مللللللللللللك

وانا واحد من الناس مقتنع بده جدااااااااا

وارى ان معظم الشباب كده واللي غير كده يبقى فيه شيئ مش طبيعي عنده

واسالكم سؤال بسيط هو مش احنا البلد الوحيد الي الاجنبي بياخد اكتر من ابن البلد ف تقييمه وحقوقه هاتوا بلد زينا

مش اول ما بننزل من المطار مالناش شباك زينا زي غيرنا هاتوا بلد كده شوفوا الخليج عاملين قيمة لعيالهم شباك للمواطنين

وبتوعم مجلس التعاون الخليجي انما احنا لا ف مصر ولا كاننا اهل البلد يبقى اجيب جنسية تاني واجي

ياترى ايه شرط الحصول ع جنسية بلاد الواء واء

[اغابي]

هل المصريين بيبحثوا عن جنسية أخرى... ليستخدموها كحماية داخل مصر قبل خارجها؟

حاليا الطبقة الراقية بيبعتوا مراتتهم أمريكا علشان يولدوا هناك.. و حتى الطبقة المتوسطة بدأت تعمل كده.. علشان يضمنوا كرامة و مستقبل لاولادهم.

طيب ايه رأيكم فى اللى بيدور على جنسية/باسبور اجنبى.. سواء أمريكى او كندى او اوروبى... علشان يستخدمه لضمان كرامته.. و للتباهى بيه قدام الناس؟ حتى بعض الناس بتستخدمه "كمخرج استراتيجى" علشان لما الدنيا تضلم.. يروحوا لبلدهم التانى و يعيشوا فيها.

ليه بقى الاتجاه العام فى مصر هو الهجرة و التجنس بجنسية أخرى؟

انا شخصيا ابحث عن جنسية أخرى... و لكن علشان استخدمها فى الطوارىء بس ... يعنى هدفى مش انى اعيش برة مصر... و لكن الجنسية الاجنبية فى حد ذاتها هى الهدف.

و هل الحالة دى ممكن تنتهى قريبا؟ ولا هتبدأ تكون اكثر الحاحا على المصريين؟

اهم نقطة يا يوزر

- جواز السفر الاجنبي نوع من الامان - بالنسبة لكل العرب مش بس مصر

لكن خلينا نتكلم عن مصر - الناس فى مصر مش حاسة بالامان وحاسة ان المستقبل مجهول والشعب المصري بقى عنده حالة تشاؤم من المستقبل

- لو اتغير مستقبل مصر - يبقي حيرجع تانى عصر الخمسينيات والستينيات لما المصريين يسافرو يدرسوا يرجعو بشهاداتهم

يعيشوا فى مصر لكن مش يعيشوا بره مصر

انا حاتكلم عن الهدف الحقيقي لنفسي انا بادور على الامان .

الهجرة بالنسبالى هى الامان للاولادى - لانى مش حاسة بالامان فى مصر - للاسف كانو زمان يقولوا مصر بلد الامان وبلد الخير و .... و.... الخ >>>>

بس حاقول حاجة قبل ما اكمل كلامى - مصر فعلا جو قلبي ساكنة ومش حاستحمل اسمع كلمة تجرحها او تهينها

فى يوم من الايام حتى لو اخدت 100 جواز سفر لان فيها اجمل ايام حياتنا - واكيد كلنا زعلانين ونفسنا ان الامور تتحسن

-للاسف الوضع الحالى لمصر لا هو امان ولا خير .... بسبب الثروات المنهوبة والبلطجة والعنف اللى اتطبع بيه الفترة الاخيرة الشارع المصري وعندكم الاخبار اليومية

شوفوا كم الجرائم وبشاعتها ايه العنف داه .

اعتقد ان الاغلبية هو البحث عن الحياه الكريمة - لكن جملة للتباهى بيه قدام الناس - ناس مين اللى نتباهى بيه قدامهم

- لاء طبعا - اكيد كل اللى بيفكر فى الهجرة بيفكرة بعقل ناضج طبعا وبيفكر بطريقة عملية وما يختلفش كتير الهجرة لامريكا واروربا وكندا

عن اللى بيعيشوا فى الكويت والسعودية لمدة 30 سنة ويموتوا ويتدفنوا هناك كمان مش في مصر

ايه الفرق بين انه عاش طول حياته فى الكويت او السعودية عن انه عاش فى امريكا وكندا واوربا

- ما هو فى الحالتين عمره كله متغرب والسبب طبعا الحياه الافضل لاسرته .

مجرد الخروج بره مصر السبب هو الحياه الكريمة بغض النظر عن جواز السفر -

اغابي

:lol:

[myusername]

هل المصريين بيبحثوا عن جنسية أخرى... ليستخدموها كحماية داخل مصر قبل خارجها؟

حاليا الطبقة الراقية بيبعتوا مراتتهم أمريكا علشان يولدوا هناك.. و حتى الطبقة المتوسطة بدأت تعمل كده.. علشان يضمنوا كرامة و مستقبل لاولادهم.

طيب ايه رأيكم فى اللى بيدور على جنسية/باسبور اجنبى.. سواء أمريكى او كندى او اوروبى... علشان يستخدمه لضمان كرامته.. و للتباهى بيه قدام الناس؟ حتى بعض الناس بتستخدمه "كمخرج استراتيجى" علشان لما الدنيا تضلم.. يروحوا لبلدهم التانى و يعيشوا فيها.

ليه بقى الاتجاه العام فى مصر هو الهجرة و التجنس بجنسية أخرى؟

انا شخصيا ابحث عن جنسية أخرى... و لكن علشان استخدمها فى الطوارىء بس :blink: ... يعنى هدفى مش انى اعيش برة مصر... و لكن الجنسية الاجنبية فى حد ذاتها هى الهدف.

و هل الحالة دى ممكن تنتهى قريبا؟ ولا هتبدأ تكون اكثر الحاحا على المصريين؟

اهم نقطة يا يوزر

اعتقد ان الاغلبية هو البحث عن الحياه الكريمة - لكن جملة للتباهى بيه قدام الناس - ناس مين اللى نتباهى بيه قدامهم

- لاء طبعا - اكيد كل اللى بيفكر فى الهجرة بيفكرة بعقل ناضج طبعا وبيفكر بطريقة عملية وما يختلفش كتير الهجرة لامريكا واروربا وكندا

عن اللى بيعيشوا فى الكويت والسعودية لمدة 30 سنة ويموتوا ويتدفنوا هناك كمان مش في مصر

ايه الفرق بين انه عاش طول حياته فى الكويت او السعودية عن انه عاش فى امريكا وكندا واوربا

- ما هو فى الحالتين عمره كله متغرب والسبب طبعا الحياه الافضل لاسرته .

مجرد الخروج بره مصر السبب هو الحياه الكريمة بغض النظر عن جواز السفر -

اغابي

:happy:

ايون يا أغابى.. معظم المصريين اللى معاهم جنسية امريكية (اللى اعرفهم بشكل شخصى) بيستخدموا الباسبور للتباهى قدام الناس... و للاسف لما بمشى مع حد منهم... و يتصادف ان يستعملوا الباسبور لاى سبب.... الباسبور بتاعهم بيكون بمثابة مفتاح لاى مكان فى مصر...

ده حتى اللى معاهم جرين كارد مش مصدقين نفسهم :lol:

[myusername]

اكتر لقطة عجبانى.. لما احمد حلمى بيقول: انا مواطن مصرى و عندى حقوق مصرية :happy: بصراحة بفضل اعيد فيها كل شوية... امتى اروح كندا حبيبة قلبى بقى.. اهىء اهىء

[herohero]

ايه الفرق بين انه عاش طول حياته فى الكويت او السعودية عن انه عاش فى امريكا وكندا واوربا

- ما هو فى الحالتين عمره كله متغرب والسبب طبعا الحياه الافضل لاسرته .

مجرد الخروج بره مصر السبب هو الحياه الكريمة بغض النظر عن جواز السفر -

اغابي

:happy:

لا بتفرق يا اخت اغابي بجد غربة الخليج ولا لها لازمة مقارنة بغربة المهجر ف امريكا او كندا احناعندنا حالة اسرتنا وحالة قريبنا قضينا عمرنا كله ف الكويت وهو كمل سنة بالعافية ف السعوديه وع امريكا كان سنة 76 والنتيجه انا بقيت مهندس واستحملت 4 سنوات ف مصر وطفشت واخواتي شرحه يتمنوا ذلك اما قريبنا فبقى مواطن امريكي عياله اتعلموا احلى تعليم ولما اشتغلوا ف مصر اشتغلوا ف اماكن دولية والي رجع امريكا راح بلده واللي راح الامارات رح باضعاف اضعاف المرتب والتقييم لو كان مصري

وف الاخر ولاد اللي عاشوا ف الكويت بيحلموا بالهجرة لكندا يبقى من قصيرها اطلع ع هناك واريح دماغي كدراسةاوغيره

اظن ان المواطن مصري هو حال الكثير من المصريين بعد ما تم تضييق الخناق عليهم بفضل حكوماتهم المتعاقبة

امنية حياتي ان البيه ربنا يطول عمره يكون بيتفرج ع الافلام ده ويكون بيسمع ويعرف اد ايه احنا سعداء بفتره حكمه وسياساته العبقرية

[سكر]

نقطه اعتراضيه على الهامش

الجواز الامريكى والكندى والاوربى والاسترالى ليس هدف المصريين فقط ولكن هو هدف كل شعوب الدول النايمه

انت مشفت الهنود الى وخدين جنسات غير الهندى قد ايه فى الخليج والباكستانين والفلبينين

حتى العرب فى منهم كتير والمصريين حتى الوزراء منهم

دة سببه ان العالم بالذات بعد 11 سبتمبر اصبح مخنوق جدا وحريه الحركة مش متاحة لكل الناس

واهم اسباب الحصول على الباسبور هو البحث عن فرصه عمل تحت مسمى الباسبور لان الراتب بيتضاعف جدا لو الجنسيه غير

وعلى فكرة المواطن الامريكى باخد حقه فى كل حته مش فى مصر.............. بس عشان منظلمهاش

يعنى الامريكى دة استثناء كبير بعدة شويه استثناءات صغنونه

الامريكى لو فى مشكله فى اى حته فى العالم العالم كله بيساعده مش فى مصر بس

احنا مشكلتنا مش اننا ناخد الجنسيه الامريكيه

المشكله ان الجنسيه المصريه تعيش انها صاحبه بيت

[لماضة مصرية جدا]

السلام عليكم و رحمة الله و بركاته

استاذ يوزر....انا هعيط....لاني نفسي اشوف الفيلم ده اوي و عجبني اعلانه جدا بس اسمحلي افكر مع حضرتك في شوية افكار كده:

1- متهيالي الفيلم (اللي التريلر اللي احنا شفناه) بيحاول يقدم سلبيات كتير للواقع المصري بس بعين مش مصرية لانها مش عايشة في مصر...و الحقيقة ده موقف حقيقي جدا.... لانك لما بتعيش في بيئات مختلفة سوا افضل او اسوا عنك بيبقي عندها قدرة اكثر علي التقاط تفاصيل كانت بتعدي عليك كل يوم من غير ما تقف عندها

مثال: اول مرة نزلت مصر (مع اني مش سايباها من كتير) كان عندي مشكلة حقيقة اني اعدي الشارع....ايون... لاني فضلت مستنية المكان اللي ااعدي منه و مستنية الاشارة في حين ان الناس بتعمل شقلبظات عشان تعدي بين العربيات....(انا نفسي كنت بحب اعدي قدام العربيات من قبل بس بعد كده اتغيرت....نمط الحياة و التعود فرض علي عقلي حاجات تانية)

و دي الميزة اللي في الفيلم بيحطنا قدام تفاصيل صغيرة اوي لازم تتغير فينا كمصريين.....و متهيالي مش صعب انها تتغير بس لازم نبتدي.

2- فيه مشهد في الفيلم عاجبني اوي اللي هو لما احم راكب الموتوسيكل و بعدين بيقع و هو شايل طفل و الطفل بدل ما يعيط انه وقع...بيضحك.....انا ده بحسه تلخيص لحالتنا كمصريين....عندنا قدرة في عز الازمات و مهما كانت المواقف غريبة و غير متوقعة....عندنا القدرة علي التعايش بل و احيانا الضحك.

3- بالنسبة لسؤال حضرتك عن الباسبور و الجنسية....مش عايزة ااقول كلام مزايدة و شعارات....بس الباسبور بالنسبة ليا مش بس كراسة بلاستيك خضرا فيها صورتي.....دي تفاصيل صغيرة اوي من حياتي.....ابتداء من بيتنا...لشارعنا...للعجلة بتاعتي...لدكانة جنة الاطفال بتاع اللعب اللي عمري ما اشتريت منها لكوشك عبد الله حسين بتاع البلالين....لكليتي اللي كنتب بكرهها........لعربية بابا اللي محرمنا نركبها مع انها اصلا متتركبشي....لامي و حوارها مع ام عيد بتاعت الخضار و ازاي عايشين في الاسعار المولعة....لقعدة الميكروباص ع الكنبة الورانية و نظرة السواق لينا يتمم علينا قبل ما نطلع ان احنا راكبين فوق بعض....لسواق التاكسي اللي مشغل...انا مش عارفني....لعم موسي سواق الهيئة اللي بيفضل يحكيلي عن مراته و بعدين مامته و بعدين ازاي ان السكر هده.

لو لقيت بلد تاني هتديني تفاصيل خاصة بيا اوي كده ساعتها ناخد باسبور تاني.....بس عمري ما هتخلي عن الاخضرالبلاستيك ده.....

4- بقابل ناس كتير جدا بيدوروا علي فرصة شغل...و الحقيقة فرص الشغل في مجال عملي بتتطلب لازم الواحد يكون معاه جنسية كندية او امريكية.....حتي لو كان بيغسل صحون هناك.........بس المشكلة مش في اللي بيدور بالطريقة دي...المشكلة في عقدة الخواجة اللي سابهالنا الاستعمار.....افتكر واحد امريكي زمان قالي.... يا بنتي اللي بيجي يشتغل في الشرق الاوسط يبقي معناه معرفشي ينجح في بلده اصلا...(دي وجهة نظر).

5- بحترم جدا بعض البلدان العربية اللي عشان تاخد جنسيتها لازم تتنازل عن باسبورك.......ايوة بتحطك في خيار واضح و صادم في نفس الوقت....و كانها بتقولك اعتزازك بباسبورك مش لازم ينافسه اي باسبور تاني...(و لو اني شخصيا نفسي ولادي يبقي معاهم باسبورين مصري طبعا و اخر اجنبي بس عشان ظروف الشغل و بشرط انهم يكونا عاشوا فترة في الدولة التانية مش مجرد راحوا اتولدوا و جم)

6- لو عايز تحس بقيمة انك عندك اصلا جواز سفر مصري او غيره...اسال اي لاجيء فلسطيني ازاي بيتعب عشان يبقي عنده اوراق ثبوتية سواء من لبنان و لا الاردن

تحياتي استاذي

و مستنية اشوف الفيلم

[myusername]

السلام عليكم و رحمة الله و بركاته

تحياتي استاذي

و مستنية اشوف الفيلم

و عليكم السلام و رحمة الله و بركاته...

استاذ مين... ده انتا اللى استاذ :happy:

فعلا الفيلم بيبص على محورين... اللى جى من بره و بيبص على تصرفات المصريين... دى الفكرة الخارجية.. و لكن من تحت لتحت كده اعتقد ان برضه بيشرح المعاناة اللى عايشينها المصريين... سواء الاكل الغلط... او عدم وجود الامان... انتهاكات حقوق الانسان.. عدم المطالبة بحقك.. و حاجات تانية كتيــــر قوى...

و بالنسبة للفيلم... انا عمال ادور عليه... و اول ما الاقيه.. هنزله فورا... انا تحت امرك يا افندم. :blink: نورتى مصر :lol:

[عاشق الترحال]

لا أنكر أن نفسي آخد جنسيه جامده من الآخر وأستخدمها وقت اللزوم وإن لم يحالفني الحظ فأتمنى من كل قلبي أن أعمل كده لعيالي علشان مبحبش أحس أني ضعيف ولا أحب أن حد من عيالي يحس الإحساس ده وللأسف في مصر حكومتنا الرشيده بتحسسنا بالإحساس الغبي ده سواء بقصد أو بدون قصد .

إتفرجت مره في برنامج عالطيار الحقيقي اللي إتعملت قصته فيلم ( خلف خطوط العدو ) ( Behind Enemy Lines ) وشفت ازاي البني آدم هناك له قيمه وإزاي جازفوا علشان ينقذوه من أيدي الصرب وتحسرت على قيمة المصري في بلده وفي خارج بلده وتمنيت أعيش اليوم اللي أبقى فيه مصري معزز مكرم في الداخل والخارج.

وطبعا من غير ما أتنازل عن جنسيتي المصريه

لأني ببساطه لو وضعوا شرط لإكتساب أي جنسية أخرى أيا كانت أني أتنازل عن جنسيتي المصريه فلا وألف مليون لا .

[ابو حودة]

اعمل بالسعودية

واتصلت بي شركة امريكية تطلب مني العمل في السعودية ايضا

وقالوا انهم رأوا السيرة الذاتية الخاصة بي

وانها مناسبة ولكن لديهم سؤالين

الاول هل احمل جنسية غربية ( انجليزية - امريكية - كندية ) والسؤال الاخر

متعلق بالراتب المطلوب مع ان الراتب المبدئي يسيل له اللعاب

ورديت عليهم باني لا احمل الا الجنسية المصري

فلم يردوا ثانية

وعلى الرغم من ذلك لا ارغب في الهجرة على امل العودة الى مصر

اعرف ان هذا قد لا يناسب البعض ولكن للناس فيما يعشقون مذاهب

[التونسى]

انا بعتبر الحصول على باسبور اى دوله من دول العالم الاول ((اوربا أميركا كندا استراليا ))بمثابة الحصول على وثيقه او مستند بيسهل من حياة الواحد فى اى مكان ينتوى العيش فيه سواء داخل بلده الاصليه او فى اى بلد من بلدان العالم .. خاصة مع صعوبة التنقل من دوله لاخرى فى ظل الظروف المتعلقه بالارهاب..يمكن ده السبب الرئيسى اللى خلانى اسعى لجنسيه اخرى .. هو سهولة التنقل بين دول اوربا والعالم .. ومفكرتش فى الموضوع ده غير موخرا رغم انى من حقى الموضوع ده من سنين ليست بالقليله لكن مكنش فى دماغى اوى ...لكنى متحفظ جدا على موضوع التباهى بالجنسيه الاخرى.. خصوصا بالنسبه لنا كمصريين .. انا بالعكس معايا الجنسيه الاخرى لكن بذكر دايما وبكل فخر انى اصولى مصريه .. سواء فى الخارج او فى مصر نفسها ...مش عشان الكلام بتاع الحضاره والتاريخ وذكر مصر فى القران .. لا . انا بفخر بمصريتى كواحد من الشعب مصرى ... رغم كل سلبيته وسلبياته .. انما احسن عندى مليون مره من الشعوب الاخرى اللى عاشرتها والذى يقال عليها متقدمه .. كفايه ان بلدى على مدار تاريخها عمرها ما كانت مستعمره ..بل على العكس كانت مطمع لكل ذى طمع من الدول عديمة المبادئ والقيم .. وعمرها ما مصت دماء الشعوب .. وعمرها ما قامت بعمل اباده جماعيه لشعب اخر عشان تحل مكانه ... كفايه الروح الجميله اللى بتتميز بيها الشخصيه المصريه واللى تحدثت عنها الاخت الفاضله لماضه فى مداخلتها ... الروح اللى مستحيل مستحيل مستحيل تلاقيها فى جنسيه اخرى

كلمتين على هامش الموضوع

المشكله الازليه فى الحياة الدنيا ....ان اللى معاه القوه ...بيكون فى عيون البشر على حق .. وبيستقطب له الاغلبيه .. ويا يا سلام لما تبقى القوه دى قوه غاشمه

تم تعديل 22 مايو 2010 بواسطة التونسى

[Diab]

ايه رأيك في مشهد السوستة

هههههههه

جامد

[myusername]

انا بعتبر الحصول على باسبور اى دوله من دول العالم الاول ((اوربا أميركا كندا استراليا ))بمثابة الحصول على وثيقه او مستند بيسهل من حياة الواحد فى اى مكان ينتوى العيش فيه سواء داخل بلده الاصليه او فى اى بلد من بلدان العالم .. خاصة مع صعوبة التنقل من دوله لاخرى فى ظل الظروف المتعلقه بالارهاب..يمكن ده السبب الرئيسى اللى خلانى اسعى لجنسيه اخرى .. هو سهولة التنقل بين دول اوربا والعالم .. ومفكرتش فى الموضوع ده غير موخرا رغم انى من حقى الموضوع ده من سنين ليست بالقليله لكن مكنش فى دماغى اوى ...لكنى متحفظ جدا على موضوع التباهى بالجنسيه الاخرى.. خصوصا بالنسبه لنا كمصريين .. انا بالعكس معايا الجنسيه الاخرى لكن بذكر دايما وبكل فخر انى اصولى مصريه .. سواء فى الخارج او فى مصر نفسها ...مش عشان الكلام بتاع الحضاره والتاريخ وذكر مصر فى القران .. لا . انا بفخر بمصريتى كواحد من الشعب مصرى ... رغم كل سلبيته وسلبياته .. انما احسن عندى مليون مره من الشعوب الاخرى اللى عاشرتها والذى يقال عليها متقدمه .. كفايه ان بلدى على مدار تاريخها عمرها ما كانت مستعمره ..بل على العكس كانت مطمع لكل ذى طمع من الدول عديمة المبادئ والقيم .. وعمرها ما مصت دماء الشعوب .. وعمرها ما قامت بعمل اباده جماعيه لشعب اخر عشان تحل مكانه ... كفايه الروح الجميله اللى بتتميز بيها الشخصيه المصريه واللى تحدثت عنها الاخت الفاضله لماضه فى مداخلتها ... الروح اللى مستحيل مستحيل مستحيل تلاقيها فى جنسيه اخرى

كلمتين على هامش الموضوع

المشكله الازليه فى الحياة الدنيا ....ان اللى معاه القوه ...بيكون فى عيون البشر على حق .. وبيستقطب له الاغلبيه .. ويا يا سلام لما تبقى القوه دى قوه غاشمه

على الرغم من ان كلام حضرتك جميل.. و يلمس القلب... الا انه للاسف مؤلم... اكيد مفيش حد يتمنى الجنسية الاجنبية من الباب للطاق... و لكن الوضع الحالى فارض علينا كده... شئنا ام ابينا.. و الا مش هنعرف نعيش برة مصر ابدا.. زى بقية البنى آدمين.

كلام حضرتك فكرنى بحادثة مشهورة... الا و هى عبور 3 شباب امريكان (فى سن التلاتينات) من العراق الى ايران... و اوروبا و أمريكا شجبت احتجاز ايران للشباب الامريكى ده بحجة انه شباب "برىء" و رايح يتفسح فى العراق!! و عدوا الحدود بالغلط...

لو شاب مصرى او عربى عبر اى حدود... كانوا اكيد هيقولوا عنه ارهابى و بدون تفكير فى اى احتمالات اخرى....

لما واحد مصرى بيدخل السفارة الامريكية فى القاهرة علشان يقدم عالتأشيرة... بيتم افتراض انه ارهابى بشكل تلقائى... و يتم معاملته اسوأ معاملة و بيتم تفتيشه بطريقة مهينة و مبالغ فيها... مع التغاضى عن حقوق الانسان و الكرامة اللى الامريكان كل شوية قارفيننا بالكلام عنها.. و هما اول ناس بينتهكوها!!

[myusername]

ايه رأيك في مشهد السوستة

هههههههه

جامد

على فكرة المشهد ده متشال.. بس هما سربوه عندا فى الرقابة :happy:

هو لو كان طلع الباسبور الامريكانى من الاول... مكانش حصل كل ده و عدى زى صاحبه... :lol:

على فكرة اكتر حاجة عجبانى فى الباسبور الامريكى.. ان مكتوب عليه من جوه نفس البيان اللى مكتوب للدستور الامريكى... ساعة لما اجتمعوا علشان يكتبوا الدستور... و الباسبور ده بجد ليه رونق غريب. (خطيبتى السابقة كانت امريكية, و كنت بشيل باسبورها طوال فترة تواجدها فى مصر :blink: )

[kitkat]

ن

وبتوعم مجلس التعاون الخليجي انما احنا لا ف مصر ولا كاننا اهل البلد يبقى اجيب جنسية تاني واجي

ياترى ايه شرط الحصول ع جنسية بلاد الواء واء

يعني لو حصلتلك مشكلة في السعودية او اي بلد والكفيل طلع عينك وسقاك المر ولم يعطيك راتبك هاتروح السفارة هاتلاقي معاملة طيبة ؟

هتلاقي قمة السلبية !

يعني ولا ف مصر ولا بره مصر !

اسمعوا الحدوتة دي كده واحد جاري رجع من أمريكا وسايق عربيته بقا ومبسوط اوي انه ف بلده

واحد زنق عليه بالعربية وكان هايخبطه المهم صاحبنا بيعاتب الباشا بيقله يا اخي خلي بالك كنت هاتخبطني

الباشا طبعا (بالكبر المصري) الحاجة الوحيدة الي ورثناها من أعمامنا الفراعنة ! : انت مش عارف انت بتكلم مين ؟ انا مابغلطش يا شاطر :happy:

المهم مشادة بسيطة والتاني قاله طيب حصل خير احنا مصريين زي بعض يا اخي لكن الباشا ابي الا وان ياخده عالقسم (علشان يعرفه ازاي يكلم اسياده باشوات العصر الجديد والنقص والعقد النفسية )

المهم جوه قسم البوليس (حيث يكره الناس يوم ولدتهم امهاتهم) : الراجل عمال يشتم صاحبنا ابو جنسية امريكي ويقل ادبه ودلوقتي اربيك يا روح (...) وكلام جميل

صاحبنا قام مطلع الباسبور الأمريكي ورماه لضابط القسم علي المكتب وقاله اطلبلي السفارة حالا

اتفضل يا باشا واحنا اسفين وماحصلش حاجة يعني ولحظة غضب وعدت :blink:

[herohero]

ن

وبتوعم مجلس التعاون الخليجي انما احنا لا ف مصر ولا كاننا اهل البلد يبقى اجيب جنسية تاني واجي

ياترى ايه شرط الحصول ع جنسية بلاد الواء واء

يعني لو حصلتلك مشكلة في السعودية او اي بلد والكفيل طلع عينك وسقاك المر ولم يعطيك راتبك هاتروح السفارة هاتلاقي معاملة طيبة ؟

هتلاقي قمة السلبية !

يعني ولا ف مصر ولا بره مصر !

اسمعوا الحدوتة دي كده واحد جاري رجع من أمريكا وسايق عربيته بقا ومبسوط اوي انه ف بلده

واحد زنق عليه بالعربية وكان هايخبطه المهم صاحبنا بيعاتب الباشا بيقله يا اخي خلي بالك كنت هاتخبطني

الباشا طبعا (بالكبر المصري) الحاجة الوحيدة الي ورثناها من أعمامنا الفراعنة ! : انت مش عارف انت بتكلم مين ؟ انا مابغلطش يا شاطر :blink:

المهم مشادة بسيطة والتاني قاله طيب حصل خير احنا مصريين زي بعض يا اخي لكن الباشا ابي الا وان ياخده عالقسم (علشان يعرفه ازاي يكلم اسياده باشوات العصر الجديد والنقص والعقد النفسية )

المهم جوه قسم البوليس (حيث يكره الناس يوم ولدتهم امهاتهم) : الراجل عمال يشتم صاحبنا ابو جنسية امريكي ويقل ادبه ودلوقتي اربيك يا روح (...) وكلام جميل

صاحبنا قام مطلع الباسبور الأمريكي ورماه لضابط القسم علي المكتب وقاله اطلبلي السفارة حالا

اتفضل يا باشا واحنا اسفين وماحصلش حاجة يعني ولحظة غضب وعدت :lol:

باشمهندس كيت كات

ده قريبة قوي من قصه لقريبنا معاه برده الباسبور اللي بيعمل قيمه لحامله

المهم قريبنا كان طلعان عينه ف مصر راح السعوديه سنة 76 قرف اكتر ومكنش موفق من هناك طلع ع سفارة امريكا ف مصر وهاتك ي اطلبات تاشيرة لحد ماتوافق عليه ف الاخر

وعنها 5 سنوات اختفاء فجأة رجع ومعاه الجواز اياه وواخد عهد ع نفسه لازم يهزا حد من ابوحديد لانه كان متعقد منهم من ايام اجامعه وحرس الجامعه

وفعلا نزل بعربية 128 بتاعت واحد زميلي وتعمد يتجاوز نقطة التفتيش وهاتك يازماممير

جاله امين شرطة اصمله وصاحبنا هاتك تهزيق فيه الراجل استغرب وفضل يهزا فيه لحد مجه ضابط شرطة وقاله محدش عارف يلمك انتهى الموضوع راح القسم وهناك بامانه بيقولي كانوا زي ..... اول ماطلعت الباسبور الامريكي

هو كان بجد قرفان من الشرطة لانه اتبهدل زمان من الامن فحب يعوض

القصة التانيه المرتبطة بالجنسية المحترمة اللي بتجيبالخير لعيالها ، جيرانا ف الكويت فلسطينيين ايام الغزو السفارة الامريكية اتصلت بيهم لان حخفيدتهم امريكية كحال معظم الفلسطينيين بيخلفوا هناك

وادام اجدع شنب عراقي " والشنب العراقي شنب مش عاوز اقولكم " طلعوا من مطار الكويت والعراقيين زي ..........." اللي فوق برده "

الخلاصة هناك حالتين من البشر

1- بشر مهمين ينتموا لبلد غير مهمة وليس لها قيمة

2- بشر غير مهمين وينتموا لبلد لها قيمة وشأن

حبايبنا الحلوين ياترى احنا اي الخيارين " :happy:

[myusername]

القصص مفيش اكتر منها... و المواقف دى بتحصل طول الوقت...

لكن المؤلم فعليا فى الموضوع... اننا بننتصر و "بنتنطط" على بعض بجنسية اجنبية جوه بلدنا؟!!!

مش عارف... بس مش منطقى انى اروح اجيب باسبور اجنبى علشان اتعامل معاملة حسنة جوة بلدى... دى كارثة انسانية بكل المعايير!

و لكن ارجع و اقول.. يعنى هو ايه المنطقى فى بلدنا العزيز؟ ;)

[Mr MAGED]

موضوع الباسبور والقيمة اللي بيعملها ده مش في مصر بس

في كل حتة ... كان بيشتغل معايا مدير تشغيل مصري معاه جنسية أمريكية

حصلتله مشكلة مرة مع أميرة هنا في السعودية ومعاها الحرس بتاعها

لما كلمها بالمصري طبعا شتمته وكان ناقص عليها تضربه

طبها هو متحملش وراح قالب ع الوش التاني ... وبتليفون صغير للسفارة ( الأمريكية طبعا )

كان عنده تاني يوم ثلاثة موظفين من السفارة والاميرة والحرس بتاعها بيعتذروله

الجميل في الجواز الأمريكي انه مافيش فيه خانة للوظيفة ... يعني كل الناس سواسية

مفيش فرق بين الوزير وبين الغفير .. طالما كلع بيتمتع بحقوق المواطنة