فيلم عسل اسود.. و الواقع المصرى

[myusername]

اتفرجت عالفيلم النهاردة الصبح... و فيه حاجة غريبة حصلت لى..

فى اللقطة اللى قرر فيها يسيب مصر... و ساب لهم الجواب علشان يقروه... و هو راكب المكروباز و رايح المطار... انا عيطت.. مش عارف ليه؟

على الرغم من انى مخرجتش من مصر غير مرتين فقط... الا ان فى المرتين.. كل ما اعدى عالطريق و انا رايح المطار... او و انا راكب الشتل باص جوة المطار و رايح عالطيارة... لازم احس انى عايز اعيط... احساس غريب!!

تم تعديل 30 مايو 2010 بواسطة myusername

[عشق الكلمات]

اغنية اكترررررررررررررررررر من رائعه

والفيلم شكله جااااااااااااااااامد

شكرا ليك ع اللينكات

انا كنت هستنى سنه كاملة على ما اقدر اشوفه لما يجى فى التليفزيون

[Diab]

يا ناس

عاوز لحسه عسل .. الحديد قل في الدم عندي ..

فينك يا دياب يا ملك الترسو ؟

دياب مين

أنا :blush2:

أصل انا بتفرج علي شريط الموضوع رايح جاي واخيرا دخلت

أؤمر يا أبو عمر

طبعا انا منزل الفيلم امبارح

بس من موقعي المفضل

myegy

احسن موقع أفلام في مصر بجد حتي ترتيبه في اليكسا انه من احسن المواقع بتتشاف في مصر

http://www.alexa.com/topsites/countries/EG

لينكاته دايما شغالة

ودلوقتي عمله فكرة حلوة

لينك واحد للأفلام ويترف علي كذا موقع وانا بحمله من zshare

تم تعديل 1 يونيو 2010 بواسطة Diab

[herohero]

يا ناس

عاوز لحسه عسل .. الحديد قل في الدم عندي ..

فينك يا دياب يا ملك الترسو ؟

دياب مين

أنا :blush2:

أصل انا بتفرج علي شريط الموضوع رايح جاي واخيرا دخلت

أؤمر يا أبو عمر

طبعا انا منزل الفيلم امبارح

بس من موقعي المفضل

myegy

احسن موقع أفلام في مصر بجد حتي ترتيبه في اليكسا انه من احسن المواقع بتتشاف في مصر

http://www.alexa.com/topsites/countries/EG

لينكاته دايما شغالة

ودلوقتي عمله فكرة حلوة

لينك واحد للأفلام ويترف علي كذا موقع وانا بحمله من zshare

اتفرج وقولنا رايك وياسلام بقى لو تسمع كمان الاغنيه اللي فيه ركز فيه كده انا حطيت كلماتها فوقبس ياريت بص بنظرة تحليله للفيلم الفيلم بسيط مش مكلكع بس شوف فمرته وقولنا رايك

[se_ Elsyed]

فيلم حلو واداء عالي من احمد حلمي لكن بعد ما اتفرجت عالفيلم لقيتني باسأل نفسي سؤال : طب وبعدين ؟

ايوه ايه الفكره الجديدة الي المفروض مش عارفينها والفيلم قدمها ؟؟؟؟؟؟؟؟؟؟

[herohero]

فيلم حلو واداء عالي من احمد حلمي لكن بعد ما اتفرجت عالفيلم لقيتني باسأل نفسي سؤال : طب وبعدين ؟

ايوه ايه الفكره الجديدة الي المفروض مش عارفينها والفيلم قدمها ؟؟؟؟؟؟؟؟؟؟

يعني سمعتش الاغنيه اللي ف الفيلم ياسي السيد صحيح هي مقدمتش جديد ولا الفيلم عموما قدم فكرة جديده لكن كان بيتعرض لفكرة عند كثير مننا وهي اهمية الحصول ع جواز سفر اجنبي يسهل لك المهام ف مصر

ما لفتش نظرك خالص اي اسقاط ع كده موقف تاجير العربية لما قالوا مادام مصريامضي ع ايصال امانه ولا لفت نظرك موقف ضابط الشرطة لما شاف الباسبور الامريكي

ولا لفت نظرك موقف الطيار اللي رجع لماعرفان احمد حلمي امريكي وقبلهالما كان فاكره مصري قال للمضيفه اديله اي حاجه

محدش قال انها فكرة جديده لكنه طرح يحتوى جزء يجب النظر اليه خاصة لما يكون فكرة الفيلم قايمة عليه

الفكرة ده اتعرضت ف فيلم الاولة ف الغرام ف موقف البنت الامريكية اللي كانت مع هاني سلامة ف سفح الهرم وكانوا واخدين راحتهم

واتكررت ف افلام مصرية قبل كده لكن هذا الفيلم كان مبني ع فكرة صحيح هي مش قديمة لكن انا شايف ان الطرح كان جديد

ومرة تانيه ياريت تبص ع اغنيه نور عبدالله اللي ف الفيلم "عسل اسود"

واللي ع اساسها اتسمى الفيلم وع فكرة نور عبد الله هي برده اللي عملت اغنية ماشربتش من نيلها

[icehearted girl]

الفيلم دا كنت مستنياه علي أحر من الجمر

رحت أول يوم عرضه فلسينما كان زحام رهيب يعني الساعة 2 تقريبا كانت تزاكر حفلة 10 مساءا خلصانة

الفيلم صحيح مهواش بالبعد النفسي اللي ظهر في فيلم 1000 مبروك وآسف ع الازعاج لكنة فيلم كوميدي من طراز عالي جدا

بيعتمد علي كوميديا الموقف وليس الافيه والنكتة معتقدش اني من كذا سنة شفت فيلم كويميدي زي دا

القصة ملهاش ابعاد كتير غير انها بتعكس واقع ملموس يعني معظم المشاهد كان المتفرج بيتوقع اللي هيحصل لانه عاشه وشافه

ومتهيالي الفيلم محتاج جزء تاني وتالت وعاشر علشان يظهر الواقع كله...بس النهاية الغير واقعية كانت مأخذ علي الفيلم ومعجبتنيش

[المهندسه]

فعلا الفيلم بينقل الحقيقه ده يمكن كمان اتأخره سنين كتيره فى التعرض للموضوع ده

انتوا عارفيين انا عمتى بقالها قد ايه فى امريكا 60 سنه ايون 60 سافرت كان عمرها 20 سنه فى بعثه و اتعرفت على شاب (فى وقتها كان شاب)

و نزلوا مصر اتجوزوا و خلفوا وولادهم اتجوزوا مصريين بردوا هناك و خلفوا كمان وقالوا ينزلوا نهائى علشان الاحفاد يتجوزوا هنا هى ديتها 4

شهور زهقوا من الحكومه لان كان اوراق ليهم كتير ضاعت و عاوزين اشى بدل فاقد و اشى كنتوا فين السنين دى و قرف المصالح الحكوميه ناهيكم عن

الزحمه و عدم الادميه فى التعامل و بعد ال4 شهور قالوا مش لاعبين و رجعوا تانى بكرامتهم هناك

و عمتى مبسوطه جدا دى العمه الكبيره اكبر من ابى ب 15 سنه و بتقول ان العز وراحه البال بيطولوا العمر

اكيد صح راحه البال مش بتطول العمر لان لكل اجل كتاب بس اكيد العز و المال وراحه البال فى العيشه لها عامل فى تفادى كتير من الامراض و

العيشه فى هدوء و سلام