العمر فرصة !!!

[حشيش]

هل تؤمن بالمقولة الشهيرة (العمر فرصة) او(العمر فرشة) بلغة الحلاقين مع الاعتذار لسى السيد:P ... بمعنى ان فى حياة كل انسان فرصة كبرى لا تاتى الا مرة واحدة فى العمر mfb: ...هذه الفرصة قد تغير مجرى حياته كلها الى الافضل ان احسن استغلالها والعكس صحيح ان تركها تمر stnd::...للاسف لقد اضعت فرصة العمر من يدى بغباء brd:: dct::

[linux]

حشيش يا مقلب المواجع

مش متأكد أن كانت فرصة واحدة و لا أكتر. أنا عن نفسي عديت أتنين و بحاول ما أفكرش فيهم و أقول "لو" لأنها من عمل الشيطان. أتصرفت فيهم بغباء لا أحسد عليه و كنت فاكر أني الواد الجن المخربش!

بيتهيألي لو جت التالتة يبقي لازم أعترف أنى عديم الأهلية!! (مع العلم أنى أهلاوي).

روح منك لله، أفلتها ف وشي ... أديني قايم أقفل الكشك و الم العده و اروح.

[arabawy]

المداخلة السابقة وضعت هنا بطريق الخطاء

وانا حذفتها لك

محمد أبوزيد

[SANAA]

حشيش كتب

للاسف لقد اضعت فرصة العمر من يدى بغباء

متزعلش خيرها في غيرها

ربنا كتبلك احسن منها في علمه

[moody00x]

...للاسف لقد اضعت فرصة العمر من يدى بغباء

شو حبيب قلبى لساك عم بتفكر بالماضى...هيك الزمنات راحت

وراحت ايامون

...

dct:: brd:: stnd::

[حشيش]

:angry: :angry: mc:

[Scorpion]

الفرصة مغامرة يا حشيش....

انا غامرت و سبت كل حاجة... عيلة .. اصحاب.. احلي الذكريات... شغل كويس.. و اخترت الحب و السفر.. مش علشان كنت عايز اسافر... بس علشان ماكنتش عايز اخسر الجزء مني اللي كنت بدور عليه...

و الفرصة مش فرصة... ده اختيار.. و اختياري كان صح...

عايش بمصر جوايا.... و بنت الحلال جنبي..

كان نفسي في شيش جهار... جبت دُش....

الحمدلله...

[عصام]

قد يكون كلامى كلام إنشا ولكنى مقتنع به تماما...

"نحن نصنع الفرص"

هذه الجملة يرددها "اللى ما يعرفوش حاجة"

الصح...

"نحن نستغل الفرص" أو

"نحن نسعى وراء الفرص" أو

"نحن نبنى أنفسنا ونؤهلها باستمرار .. حتى لو أتت فرصة ما .. كنت جاهزا"

الفرصة لا تأتى مرة واحدة فى العمر .. أبدا

قد تبدو لك فرصة لن تعوض... ولكن ما أدراك ماذا سيأتى بعد؟

الفكرة تكمن فى إيمانك بالله وبقدره ...

وأنا لا أقصد هنا الاستسلام ولكن ..

يجب ان تعلم .. انك طالما كنت تنوى خيرا .. فإن أيا ما سيحدث لك سيكون خيرا ..

ودعونا لا ننخدع بالمظهر الخارجى

حشيش .. ليونكس .. سكوب (إسمح لى أرفع التكليف clp:: ) كيف حكمتم على الفرص التى راحت منكم بانها "فرص عمر"؟

من ظاهرها ... صح؟

وما ادراكم ماذا كان يخبيء لكم القدر؟

هل لو عرفتم أن المخبأ سيء .. لرضيتم عن أنفسكم الآن .. ولحمدتم ربكم أنكم أضعتم تلك الفرص؟

هذا ما أعنيه عندما أقول "إيمان بالقدر"

صدقونى جميعا أنتم الآن أفضل

تم تعديل 11 مايو 2004 بواسطة esssothegreat

[se_ Elsyed]

كيف حكمتم على الفرص التى راحت منكم بانها "فرص عمر"؟

من ظاهرها ... صح؟

وما ادراكم ماذا كان يخبيء لكم القدر؟

هل لو عرفتم أن المخبأ سيء .. لرضيتم عن أنفسكم الآن .. ولحمدتم ربكم أنكم أضعتم تلك الفرص؟

قبل أحداث سبتمبر كنت بأحلم أهاجر أمريكا وأترستق بقى وتبقى راسي براس بيل كلينتون قبل ما يطلع معاش ..

وروحت قدمت أوراقي للسفارة وكل شيء كان ماشي تمام ... وعلى الأواخر إترفض الورق .. سألت ليه يا جدعان ( بالإنجليزي طبعاً ) قالولي إنت ذكرت في الاوراق إنك متجوز وعندك طفل كمان في حين إنك مقدم اوراق لنفسك بس - لأن زوجتي كانت لسه تلميذة وموجودة في مصر بتخلص تعليمها - فزعلت بصراحة عشان خسرت حوالي 100 دولار تكلفة الورق وقلت ضاعت مني فرصة العُمر...

ويشاء السميع العليم إن بعد شهر او شهر ونص تاكل امريكا على قفاها وتحصل أحداث سبتمبر ...

قولت قشطة يا س س شفت إنت زعلت على إيه ؟ كنت زمانك بتاكل ضرب دلوقت في جوانتانامو ما كلوش حرامي داخل يسرق شباشب في صلاة الجمعة .

فإذا أمن الإنسان بإن ما أصابه ما كان ليخطئه وما اخطئه ما كان ليصيبه و " وعسى أن تكرهوا شيئاً وهو خير لكم وعسى ان تحبوا شيئاً وهو شر لكم "

هايرتاح باله ويبقى متوافق مع نفسه ومش هايبقى عنده أي مشاكل نفسيه أو تطلعات زايدة عن الحد مع الوضع في الإعتبار عدم التواكل أو نام وإرتاح يأتيك النجاح .

[Salwa]

فعلا ...انا ايضا اؤمن بمقولة .

قدر الله وماشاء فعل ...

فى وقت من الأوقات ..كنت اسمع تأنيب من الجميع على فرص كثيرة راحت منى ............فى كل شئ ...

لكن انا لى منطق غريب فى هذا الشأن ولعلى متأثرة بالشيخ الغزالى..والشيخ الشعراوى ..رحمهما الله .

اللى مقسوم لك ..مقسوم لك فى كل شئ ..ونصيبك من الدنيا 24 قيراط ..متقسمة بطريقة مختلفة ..

اللى عنده ابناء ومال وصحة ..ممكن ميكونش عنده راحة بال ..او يطلع له ابن فاسد او اى شئ ..او عنده زوجة ..غير متوافق معها .

واللى عنده راحة بال ومال وابناء ...ممكن يكون معندهوش صحة .

واللى جاهل وعنده مال وابناء وصحة ..ممكن يكون بيتعذب انه مش فاهم اولاده او مش عارف يربى اولاده صح ..

يعنى الخلاصة ....محدش بياخد كل حاجة ..حتى اللى بيتهيأله انه عنده كل حاجة ...

ومفيش فرصة بتضيع من حد ...حتى لو خيل له ..انه ضاعت منه فرص كتير ....

يعنى نعيش بمبدأ ...اعقلها وتوكل ...

لكن البكاء على فرص ...// خيل لك واقتنعت //..انها راحت منك

ده غلط ..

وايه فايدة البكاء على الاطلال ؟؟ مش يمكن الفرصة دى كان من الممكن يكون فيها الهلاك ؟؟

الحمدلله على كل شئ ...

وزى ما بيقولوا ...اللى راح راح ...دايما بيجى احسن منه ..

تحياتى ..

[عصام]

فإذا أمن الإنسان بإن ما أصابه ما كان ليخطئه وما اخطئه ما كان ليصيبه

يا ابن الإيه....يا س س

بس تعرف؟.... حلوة!

دا انا نفسى ما خدتش بالى من توقيعى!! clp:: clp::

[ragab2]

فعلا

توجد فرص فى العمر

ومن الفرص التى ضاعت وخسرت بسببها كثيرا

أنه فى السبعينات وأثناء وجودى بالامارات أراد الشيخ سلطان حاكم الشارقة توسيع وتكبير ومد العمران بالامارة فبدأ فى تعمير أراضى صحراوية حول الامارة بعد مد الكهرباء والماء اليها ورصف الطرق اللازمة وتوزيع أراضى هذه المناطق مجانا فى شكل هبة على الوافدين العرب ممن خدموا الامارة أو يشغلوا مناصب بالدولة ومنهم سعيد عمارة وعبد الوهاب قتاية المذيعين المعروفين ويكن وأحمد رفعت كباتن الكورة

وكنت أحد المحظوظين بقطعة أرض مساحتها عشرة آلاف قدم أى مايقرب من ألف متر مربع فى منطقة راقية تسمى حى المنصورة

وخمسون ألف قدم أرض فى المنطقة الصناعية الجديدة بين دبى والشارقة وقمت ببناء فيلتين أنيقتين غربيتين الطراز وبحديقتين على الأرض السكنية وبمساعدة قرض من بنك عمان المحدود وقمت بتأجيرهم لمدة ثلاث سنوات لشركة ماكديرموت الأمريكية للبترول حيث دقعت لى مقدما ايجار ثلاث سنوات

بما يعادل قيمة القرض وتكلفة البناء يعنى غطوا تكاليفهم

وبعد اخلاء الشركة لهم بعد المدة المحددة قررت بيعهم وعرض على مبلغ كبير بواسطة أحد السماسرة ولكنى حقيقة طمعت وطلبت زيادة العرض

وبعدها باسبوعين عرض على فيهم مبلغ أقل من الأول فصممت على الرفض حيث أنى رفضت سابقا ثمنا أعلى من هذا السعر

وهكذا توالت العروض وكان كل عرض يقل عن سابقه حيث بدأت العقارات فى تلك الفترة تقل قيمتها الى أقل من نصف قيمتها لحالة الكساد التى بدأت تدب فى الامارات ونزوح الشركات الأجنبية وبالتالى تدهورت القيمة الاقتصادية للعقارات الى أن بعتها بثمن بخس وخسرت مايقرب من مليونين درهم حيث كان هذا البلغ يمثل ثروة قومية وقتها عندما كان متوسط مرتب الجامعى ألف درهم

وصبرت نفسى وواسيتها بأنه كان يمكن أن يربحنى الله ماديا ويبتلينى فى نفس الوقت بمرض عضال يجعلنى أنفق ماكسبته على العلاج

ومازالت الصحة والستر كنز والحمد لله

ومازال عدل الله وتعويضه لعباده باقى والحمد لله

[عصام]

فعلا

توجد فرص فى العمر

ومن الفرص التى ضاعت وخسرت بسببها كثيرا

أنه فى السبعينات..........

وصبرت نفسى وواسيتها بأنه كان يمكن أن يربحنى الله ماديا ويبتلينى فى نفس الوقت بمرض عضال يجعلنى أنفق ماكسبته على العلاج

ومازالت الصحة والستر كنز والحمد لله

ومازال عدل الله وتعويضه لعباده باقى والحمد لله

clp:: clp:: lo:: lo:: lo::

إذن يا أستاذ ربجب .. إنطلاقا من إيمانك بأن ما حدث كان قضاء الله .. فإنك لا يجب أن تعتبر ما حدث فرصة .. لجهلك بما كان مخبأً لك كنوابع لتلك "الفرصة الضائعة" ...صح؟

وبناءا على ما تقدم .. فما حدث "لم يكن فرصة عمر" لأنه لا يوجد شيء إسمه فرصة العمر من أساسه

والله الموفق

[بنت شعنونة]

مع اني مؤمنة ان الواحد لازم يستغل كل الفرص

لكن برضه كلامكم صح عن موضوع الأختيار دا

لآن ممكن الفرصة التحفة اللي ممكن الناس كلها تعاتبني على اني ضيعتها

ممكن يجي احسن منها او تكون هيا نفسها كارثا من منظوري الشخصي

مش عارفا ليه عاوزة اغير محور الكلام لسكة معينة كدا لو سمحتوا

سكة سمعتها كتيييييييييييير جدا اليومين دول

واحد حب واحدة بجنووووووون

وماحصلش نصيب انهم يرتبطوا

كل واحد شاف حياته وارتبط بانسان اخر واتجوزوا وخلفوا و "مستقريييييييييين" في حياتهم

مجرد ما ان البنت "الحبيبة القديمة" تظهر في حياة الراجل دا تاني

تلاقييه ساب مراته وعياله ويجرررررررري وراها تحت مسمى انها "فرصصصصصصة" ضاعت منه ومستحييييييييل يسمح انها تضيع منها تاني!!!!!!!!!!!!!!!!!!!

الا ليييييييه دا صحيح؟؟؟

clp::

[se_ Elsyed]

تلاقييه ساب مراته وعياله ويجرررررررري وراها تحت مسمى انها "فرصصصصصصة" ضاعت منه ومستحييييييييل يسمح انها تضيع منها تاني!!!!!!!!!!!!!!!!!!!

الا ليييييييه دا صحيح؟؟؟

clp::

وهكذا يلعب بريد الجمعة دوره في تشكيل أفكار المجتمع ..

هنا القاهرة ...

اللي بيعمل كده يا شنشن بيبقى راجل خايب وطفس بعيد عنك ولا يوجد لديه إيمان وبصراحة ما يزعلش على اللي هايجرى له من تخريب بيته بإيده وممكن يصل الأمر إلى أنه لا يطول بلح الشام ولا عنب اليمن .

[عصام]

اللي بيعمل كده يا شنشن بيبقى راجل خايب وطفس بعيد عنك ولا يوجد لديه إيمان وبصراحة ما يزعلش على اللي هايجرى له من تخريب بيته بإيده وممكن يصل الأمر إلى أنه لا يطول بلح الشام ولا عنب اليمن

قصدك إيه يا عم انت؟؟ clp:: lo::

مش تخلى بالك من كلامك؟؟ lo::

الله؟

دا انا نسيت ان المدام بتكتب هنا.. lo:: clp:: fsh::

صح يا بو السيد إنت صح يا باشا...

هو ده الكلام

رجالة "أى كلام" صحيح lo:: lo:: lo::

تم تغيير لفظ غير لائق بمعرفتى بعد تنبيهى إليه بواسطة أحد الزملاء .. شكرا له

تم تعديل 11 مايو 2004 بواسطة esssothegreat

[Lighthouse]

موضوع جميل

بصراحة انا شخصيا اتصور لو لي نصيب في حاجة ماكنتش راحت مني

بعني انها طالما راحت معناه انها ليست مقدرة لي . ولكن مايضايقني الحقيقة هو لوم وتأنيب المحيطين بي واتهامي باني ضيعت الفرصة الفلانية والفرصة العلانية :blink:

ومش عارفة ليه الناس احيانا يتناسوا ان لكل فرد في هذه الدنيا رزق معلوم ومحدد له سلفا ولاحيلة له فيه

يعني مهما عملت لن أخذ من الدنيا سوى المقدر لي

هذا باختصار مااراه دون الدخول في تفاصيل محددة B)

[عصام]

ممكن بقى بحكم ان حضرتك الوحيد اللى معاه أستيكة هنا تمسح الكلام الفاضى اللى فوق ده؟

تم إستخدام الأستيكة بمعرفتي ....

هذا وقد تم نقل المدعو إسو إلى أوضة الفئران وذلك لتظبيط الزوايا عنده ..... خد مفتاح عشرة أهو يا إبن مصر وخلي بالك من الصمولة اللي على الشمال

تم تعديل 11 مايو 2004 بواسطة se_ Elsyed

[إبن مصر]

اسووووووووووو

:blink: B) lo:: lo::

[عصام]

يا حلاوة .... f((: f((: fr1::

إبن مصر ... حبيبى...

إنت ساعات بتكتب بالأحمر ...

بس مش عارف ليه حاسس إن كمية اللون الاحمر اللى هنا تعادل كل اللى شوفته من يوم ما جيت .... :blink: B)

كانت فرصة سعيدة يا جماعة ...

هاتوحشونى والله ...

وصيتكم .... كيس اللب اللى فى درج مكتبى فى الشغل lo:: lo:: ty:)

hg):: hg)::