مصر.. الحكم بسجن ثري 10 سنوات لزواجه من قاصر

[herohero]

قضت محكمة جنايات شمال الجيزة جنوب القاهرة الخميس 20-5-2010 بالسجن المشدد 10 سنوات غيابيًا وغرامة مالية قدرها 100 ألف جنيه مصري ضد سعودي (82 عاماً) لإدانته بالزواج من فتاة مصرية قاصر.

وأمرت المحكمة أيضاً بالسجن المشدد 10 سنوات وغرامة 100 ألف جنيه ضد السمسارة التي أشرفت على الزواج، وتعمل على تزويج القاصرات لأثرياء عرب.

وفى نفس القضية، قضت المحكمة بسجن والدي الطفلة التي تم تزويجها بالسجن عاماً مع إيقاف التنفيذ وتغريمهما 50 ألف جنيه. كما أقرت المحكمة سجن المحامي، الذي عقد قران السعودي على الفتاة القاصر عرفياً فى مكتبه، لمدة عامين مع الشغل.

ويعد هذا الحكم هو الأول من نوعه فى قضايا زواج القاصرات فى مصر، تنفيذاً لقانون الطفل الجديد

يارب دايما على طول

انا لا الوم غير المصري ولكن الوم الاهل بصراحه موضوع الواحد كان بيزهق منه وبيقرف محدش يتلام الا الاهل بصراحه الواحد مبسوط خلي الناس تحترم نفسها بقى زهقنا

معلش اخواتنا بتوع الجيزة هيزعلوا بس بجد سمعة البدرشين والحوامدية كانت مغطية من ايام السبعينات

بجد الحمد لله وياك نخلص بقى من القصة ده اللي عاوز يتجوز طفلة وعيله صغيرة روح ياسيدي بس بعد عن مصر متشكرين جدا

[ozoozo]

انا اللي هايجنني ان الراجل دفع في اليله دي لابو البنت 10 الاف جنيه

يعني 6500 ريال يعني تمن اكله تيس مع الرز ووراها ازازه لبن رايب

[زعلان]

مصدر الخبر لو سمحت وهل تم بالفعل محاكمة وهل تم تنفيذ الحكم اشك مش عارف ليه

[أسد]

مصدر الخبر لو سمحت وهل تم بالفعل محاكمة وهل تم تنفيذ الحكم اشك مش عارف ليه

الخبر صحيح

الحكم كان يوم الخميس الماضي . أصدرته محكمة جنايات الجيزة

ومنشور في كل مكان .. منهم هنا ..

http://www.almasry-alyoum.com/article2.asp...mp;IssueID=1777

بس الحكاية إن الراجل ده واللي زيه .. لا هو ثري ولا حاجة ..

ولا راجل أعمال ولا يحزنون .. حتلاقيه واحد من الشخصيات التعبانة الكثيرون الموجودين في السعودية ..

عايز يفرح بشبابه شوية بعد ماعدة الخمسين أو الستين .. يقوم يروح يشوفله عيلة صغيرة من هناك .. ويدفع أول عن آخر 10000 ريال .. وهو ونصيبه .. حسب ما تتحمل البنت .. يوم .. أسبوع .. شهر ... شهرين .. هو ونصيبه ..

هو حر .. يعمل إللي هو عايزه .. ربنا يحرقه بجاز ..

إنما الناس الجبلات إللي بيبيعوا بناتهم علشان فلوس .. وياريتها فوس عدلة .. دي كلام فارغ .. لو تقرأ التفاصيل والأرقام تذهل .. كلام فارغ حقيقي

أود التنويه إلى أن يبرنامج واحد من الناس كان له حلقة مميزة عن هذا المووضع .. واستضاف عدد من البنات الضحايا (ضحايا أسرهم طبعاً) .. وحكوا تفاصيل تشيب الولدان ..

وهذه الحلقة هي التي حركت المياه الراكده .. وخلت الوزيرة تعمل الشويتين دول ..

لكن الموضوع لازال ساري .. ورغم كل المخالفات القانونية والإنسانية والأخلاقية والدينية في هذا الموضوع إلا أن الدولة متراخية في مكافحته .. بشكل غريب

[زعلان]

المهم هل تم حبس الرجل ولا لأ

وطبعا زي ما قلت يا أسد لا اظن انه ثري ثري ايه وعشرة الاف جنيه ايه بس ده يدل على ايه عشرة الاف جنيه لا شيء بالمرة يعني ملهاش اي قيمة وما تعملش حاجة يعني يدوب 4 5ليال فل بورد في فندق محترم

يعني ليلة العاهرة اغلى من انه يشتري واحدة ويجوزها بعشرة الاف و ايه العشرة مش خالصين لأبو الضحية المجرم الديوث لأ السمسار القواد حيقاسمه فيها

[أسد]

الحكم غيابي

البتاع ده قاعد في بلده ..

السؤال ..

هل هناك آلية لمحاسبته أو الوصول إليه .. ومعاقبته أو حتى التشهير به في بلده

لا أعتقد

[زعلان]

هذا ما اردت ان اسمعه الحكم غيابي وهكذا دائما سيظل الحكم غيابي طالما ان المجتمع و النظام و القيم و الانسانية و الحضارة كلهم غائبون ولم ينجح احد

[herohero]

الكم غيابي فعلا وصعب تنفيذه حاليا لكنه يعني تجريم هذا الفعل يعني اي حد هيفكر تاني هيلاقي العقاب جاهز

واتمنى الاخوة الي بيبيعوا بناتهم يحترموا نفسهم شوية يعني حاجه تكسف مبالغ عبيطة عفوا يعني لو هيقضيها البيه الشباب ابو 65 سنة فنوادي ليلية هيصرف اكتر منها

يعني رغبتي من الاهالي اللي بتبيع عيالها كده يخلوا عندهم دم

وانا سعيد جدا رغم اعتراضي ع تصرفات للوزيرة مشيرة خطاب لكن موقفها هنا من هذه القضية موقف رائع ع الاقل يحد من تشويه صورة المصريين لان لا يخفى عليكم ما مدى الضرر اللي بيلحق بالمصريين تجاه هذه الافعال السيئة

ويارب ع طول كده 65 سنة ولسه بتفكر ف كده يا اخي اعمل لاخرتك واتلم ولا اقضيها مع وجبتين كبسة ونص تيس تطفحه

[زعلان]

انتوا جبتوا 65 سنة منين ده مكتوب سعودي عمره 82 سنة يعني حيجيب عيله قاصر يعمل بيها ايه

بس هو فعلا في ناس بتكبر وتخرف زي واحد عجوز كانوا جايبين وهو في مسجد وقاعد على كرسي وجنبيه طفل بيصلي و بيتحرش بيه بايده طول ما الواد واقف شيء مقزز الكلام ده في دولة عربية خليجية و المصيبة ان الي كان واقف يصوره طب ما تروح توقفه عند حده

[aimen]

ياربى

هى دفعه 82 دايما عامله لنا مشاكل كده ؟

سيد باشا سنطاوى - ودع خلاص

الزعيم وقائد الضربة الجوية - فى الطريق ان شاء الله

عبدالله فرغلى كمان من نفس الدفعه - ودع

وكمان الأخ ده

بالمناسبة حضراتكوا تعرفوا موضوع زواج سيناتور نيجيرى من قاصر مصرية عمرها 13 سنة

" الخبر موجود على مواقع كثيرة واتعمل عليه جدل

انا مش متاكد صراحة من صحة الخبر لأن الأخ السيناتور مش راضى يقول السن الحقيقيى للمدام

فعليا مش قادر أأكد صحة الخبر - الخارجية تنفى بس من امتى والخاريجة بتاعتنا بتصدق

اليوم الساقع

محيط

الوفد

سؤال اشمعنى عملوا اسود على الأخ ده وطنشوا الموضوع التانى

فوتكم بعافيه

تم تعديل 23 مايو 2010 بواسطة aimen

[شريف مان]

هيا القصص دى مبتحصلش غير مع مصريات ولا ايه :closedeyes:

[herohero]

هيا القصص دى مبتحصلش غير مع مصريات ولا ايه :closedeyes:

لاطبعا بتصل ف كل حته لكن احنا يهمنا المصريات عموما هناك ايضا سعي لتجريم هذا ف اليمن والمغرب وهذا مايعرف بالزواج السياحي

واتمنى ان تكون كافة العقوبات رادعه وشديدة لان القصه بقت مملة وبايخه عاوز تتجوز اتجوز ف بلدك وورينا ازاي هتعرف تبهدل بنت بلدك وعلى فكرة هناك ف بلادهم كمان فيه تجاوزات من تزويج قاصرات للرجال مسنين

ومازلت اصر على تحميل الاهل كافة المسئولية وتشديد العقاب عليهم

[jasmin hamed]

السلام عليكم

انا شايفه الحكم مخفف جدا على الاب و الام و لازم يكون حكم ذى التحرش بالقاصر او حتى تسهيل التحرش بالقاصر

حاجه كده تخلى الاب من دول يبص للموضوع ده ذى الدعاره و هو كده فعلا و ورقة الزواج من واحده اقل من 16 سنه فى نظرى حبر على ورق

كان فيه من حوالى 4 شهور خبر فى الجلف نيوز عن ام سعوديه رفعت قضيه على اب لانه جوز بنتهم 9 سنين من رجل تعدى الستين فى السعوديه

و الجميل ان الام خسرت القضيه و كلفت بالاتعاب و التعويض

حاجه تقرف و تقلب المعده على الصبح جتهم الاقرف الراجل و الاب و كل الى يشترك فى الجريمه ديه

تم تعديل 23 مايو 2010 بواسطة jasmin hamed

[doha]

هيا القصص دى مبتحصلش غير مع مصريات ولا ايه :D

لاطبعا بتصل ف كل حته لكن احنا يهمنا المصريات عموما هناك ايضا سعي لتجريم هذا ف اليمن والمغرب وهذا مايعرف بالزواج السياحي

واتمنى ان تكون كافة العقوبات رادعه وشديدة لان القصه بقت مملة وبايخه عاوز تتجوز اتجوز ف بلدك وورينا ازاي هتعرف تبهدل بنت بلدك وعلى فكرة هناك ف بلادهم كمان فيه تجاوزات من تزويج قاصرات للرجال مسنين

ومازلت اصر على تحميل الاهل كافة المسئولية وتشديد العقاب عليهم

بتحصل في كل حته في الدنيا يعني عندك سوريا مثلا ماركه مسجلة للي عاوز يجيب عروسه بيروح هناك يشيل بالقفص .. واندونيسيا بعض عائلاتها بتجوز بناتها للسياح العرب فترة الصيف بس ويطلقها قبل مايسافر .. عادي جدا

لكن احنا الي قدرنا ان عند البعض منا هواية جلد الذات وتعرية العورات ده غير الطابور الخامس الي نصه مصريين ونصه بيدعي المصرية ومتخصصين بس يعيدوا ويزيدوا في مشاكل مصر وكأنها البلد الوحيد في العالم الي فيه مشكلات ..

جتهم نيلة .. ملو البلد ..

[hanzalah]

لكن احنا الي قدرنا ان عند البعض منا هواية جلد الذات وتعرية العورات ده غير الطابور الخامس الي نصه مصريين ونصه بيدعي المصرية ومتخصصين بس يعيدوا ويزيدوا في مشاكل مصر وكأنها البلد الوحيد في العالم الي فيه مشكلات ..

جتهم نيلة .. ملو البلد ..

يا اخت ضحى

صباح الخير

الموضوع موجود في بلاد كتير - كما ذكرتي في كلامك - وايضا ستجدي في تلك الشعوب الكثير من لاشرفاء يرفضون هذا البيع

وهذه النخاسة التي تسمى - زواج - زوراً وبهتاناً

يهمني هنا ان اوضح ان ليس كل من يضع يده على سلبية ليوضحها ويحذر منها يعتبر من هواة جلد الذات

وليس كل من يتناول كارثة من الكوارث البشعة التي نعيشها في مصر يعتبر طابور خامس

بالتأكيد هناك آلاف يتحدثون عن الاخطاء والسلبيات ولديهم نية صادقة في البحث نحو الافضل

اليوم في جريدة الشروق

وجدت مقال بعنوان " بناتك يامصر " بقلم غادة عبدالعال في ص 14

المقال اكثر سوداوية مما نتخيل

يتحدث عن واقعة سفر اسرة مصرية مع بنتهم (16 عام) الى بلد افريقي - 50 عام- ليبيعوا بنتهم لبرلماني افريقي في هذا البلد

ويعودا بمائة الف دولار !!!

وبغض النظر عن حقيقة وتفاصيل الواقعة (حيث ذكرت ان المصدر مدونة افريقية وان العريس طلق زوجتة الرابع ليتمكن من زواج القاصر المصرية) !!

اقول ان الزواج السياحي واقع فعلا وموجود في قرى فقيرة كثيرة في مصر

ولك ان تتخيلي ان ما نسبته 74% من زيجات ثلاث مراكز بقرى محافظة اكتوبر هو زواج سياحي !!

اذن كشف الحقائق

وتعرية المذنب الآثم لينال عقاب رادع

او حتى لنسرع بسن تشريع يجرم الفعل

هو افضل الف مرة من مصمصة الشفايف و دفن الرؤوس في الرمال وكأن شيئا لم يكن !!

وليس بالامكان ابدع مما كان

ودي واحترامي

[زعلان]

غض النظر عن البلاوي الي بتحصل لن يحسن من الواقع بل سيتفاقم

اما الايجابيات فاهلا بها

و السلبيات سننتقدها ونسعى لتغيرها ما استطعنا كل بامكانياته ووفق الممكن المتاح

[herohero]

لا اعلم ه المطلوب مننا ان نذكر ان كل شيئ على مايرام وان نستمر ف دفن رؤسنا بالعكس انا والكثير نبارك خطوة الوزيرة مشيره خطاب رغم سلبياتها ف مواضيع اخرى

واعلم ان سوريا والمغرب واليمن وكثير من الاماكن فيها هذا الشيئ ولكن نحن مصريين ومن واجبنا ان نشد ع ازر كل من يحاولانيقضي على شيئ سلبي

انا لا استطيع ان انسى ما ذكر ف راديو لندن من سنوات من لقاء مع احد سماسرة التزويج من البدرشين كيف انه يعرض البنات ع الكويتي او السعودي او الاماراتي

ويقولها لفي يابت وكلام لا يصح ذكره

هل هذا يعني اننا نكون مبسوطين وسعداء وندفن رؤوسنا ف الرمال

هل من المقبول ان نسمع انه عندما يقال يا ابن المصرية والجميع يعلم هذا انها تعني سبة

ارى انه من غير المقبول لذا فيجب علينا ان ننتقد اي شئ يمس هذا الموضوع وان نبارك اي قرار او اي فعل يقضي ع مثل هذه الظواهر السلبية الموجوده ف مصر وغيرها لكن كما ذكرت يهمني مصر

واذا كان من يذكر هذا طابور خامس او سادس او عاشر مش مشكلة المهم ان لا ندفن رؤوسنا ف الرمال

[herohero]

السعودية تحذر مواطنيها في مصر من زواج القاصرات

حذرت السفارة السعودية مواطنيها القادمين إلى مصر من "استدراجهم" من قبل سماسرة الزواج العرفي في مصر والذين يعرضون عليهم الزواج من قاصرات.

وبحسب صحيفة "الرياض" اليوم الثلاثاء، أفادت السفارة أن الزواج من فتاة أقل من 18 سنة يعرض المتزوج للسجن حسب قانون حماية الطفل وقانون الاتجار بالبشر، والذي أقرته الحكومة المصرية يمنع بموجبه الزواج من قاصرة حتى بموافقة والديها.

هو ده الكلام وده اللي عاوزينه مرة ف التانية ف التالته هتختفي هذه الظاهرة الغبية والغريب لو جه مصري ابن حلال هيتشرطوا عليه اكتر من قال ايه ثري وب10000 والشاب المصري تطلعه عينه اه يانا

[zamakany]

القانون عشرة علي عشرة بس ناقص لازم يكمل بقانون يمنع سفر القاصرات حتي لو مع زوج طالما فارق السن فوق عشرين سنة تحت شرط إن البنت تحت الثلاثين لأنهم بيسافرو بالبنات الغلابة دول وبيسيبوهم يتمرمطو وأحيانا بيجبروهم يبقو أداة متعة للأصحاب والأبناء كملكة يمين وضد إرادتها فلابد من وقف هذا التهريج وبعدين شايف ناس مستغربة قبول الأهل بالمبالغ الهبلة دي يا صديقي فيه ناس دخلها اليومي ميأكلش أرنب والقلة بتخلق منظومة قيم موازي خارج ما يمكن تصوره

التشهير بمصر من ورا هذا الكلام حاصل وهناك تستمتع بالجلد عمال علي بطال في جسم المجتمع وكأنه الشذوذ عن المالوف حق حصري في مصر , أنا شخصيا شايف إن المجرم في الموضوع ده وما يشبهه ليس الفتناة ولا اهلها المجرم هو النظام الاقتصادي اللذي يسمح أن يبذر ثري علي محظية عشرات ملايين الدولارات بينما يضطر بشر إلي بيع أنفسهم مقابل ما لا يكفي لشراء موتوسيكل أو أن يكون الموت عند أحدهم اسهل من توفير خمسين جنيه مصروفات دراسية لطفله هذا لا يمكن السكوت عليه هذا هو الجرم الحقيقي

[وطني حر]

يا خبر . .

بعيدا عن جلد الذات .

هناك خلل ما في مش عايز اقول في المجتمع المصري . لكن مفروض العقوبه كل العقوبه تكون على الماذوووووون لو كان عارف انها قاصر

وثاني حاجه على الشهوووود . وثالث حاجه وهي الاهم الاب . او الولي .

وضروري يكون هناك تشريع نظامي يحظر زواج القاصرات ويحدد عقوبات نصيه بالعقوبه حتي يكون الجميع علي علم بذلك

وحبذا لو كان هناك مكافأه ماليه لمن يبلغ عن زواج قاصر بان يعطني نص المهر مثلا

اضن بعد كدا ما راح نشوف زواج قاصرات لخليجيين او عرب او مصريين كمان