اذهب إلى المحتوى
محاورات المصريين

أيام قليلة و أغادر مصر إلى السعودية

kitkat

بواسطة kitkat
في موضوعات شخصية

 مشاركة

Recommended Posts

kitkat عضو جديد

kitkat

بتاريخ:
بتاريخ:

السلام عليكم اعضاء المنتدي

احب ابشركم وأطلب دعواتكم ان الموضوع يتم علي خير

ان شاء الله الجمعة صباحا اكون علي متن الطائرة المتجهة للرياض

انا طالع بره مصر انا مش مصدق نفسي واتمني لو كنتوا معايا كنت اعزم المنتدي كله علي حاجة ساقعة :closedeyes:

بجد أنا مبسوط جدااااااااااااااااااااااااا طاير من الفرحة حاسس ان هيجرالي حاجة باتنطط من الفرحة

دعواتكم معايا يا شباب ان ربنا يوفقني في الوطن الجديد

ودعواتكم للوطن الأم ان ربنا يصلح حاله وينضف قريب

وانا طالع بره مصر تراباتيت تاااااااااااااارا تيرا را را هييييييييييييييييييييييييييييييييييييييييييييييييييييييه

طبعا كان نفسي الخروج بره مصر مايكنش عالسعودية لكن بأشكر ربنا أوي وكفاية الحج والعمرة والذي منه وان شاء الله الحلم الكبير يتحقق قريب

متوقع تعليقات كلها وطنية وتعليقات لاذعة لكن ولا يهمكم قولوا كل الي ف نفسكم

الي ايده في الميا مش زي الي ايده ف النار والي بيتابع الظلم عن طريق المصري اليوم ولا اليوتيوب يفرق كتير عن واحد زيي شافه رأي العين !!!!!

تيرارا را ري تااااااااااااااااتا انا طالع بره تاتا مش راجع تاني تارااااا لوووووووووووووووووووووووووووووووووووووووووووووولي

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
  • الردود 127
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

president
president

طالما كل واحد حر يقول رأيه . ففى أوقات كتير كل ماشوف تعليقات معينه بفتكر مقولة سيدنا على اطلبوا الخير من بطون شبعت ثم جاعت فان الخير فيها باق ولا تطلبوا الخير من بطون جاعت ثم شبعت فان الشح فيها باق.

kitkat
kitkat

موقف حقيقي وليس رواية لأسامة أنور عكاشة !!!!! حدث هذا الموقف في ميناء احد الدول العربية اذكر اسم الدولة وجنسية البشر الي اتشتموا واكسب معانا 5 كيتكات بمناسبة رمضان ناس وصلت بلدهم بالسلامة

عماد حمدي عضو جديد

عماد حمدي

بتاريخ:
بتاريخ:

هههههههههههههههههههههههه

ياعم ربنا يصلح حالك يارب .. ويوفقك دنيا وآخره يا كيت كات يابني :closedeyes:

رتب نفسك بقا وأنظر حولك أنظر للوشوش المصرية الجميلة أقعد مع والدتك كتيييييير الأيام دي

خليها تاخدك في حضنها من هنا لحد ما تسافر .. أقعد مع أصحابك .. قرايبك .. أهلك .. معارفك

اتمشي في الشوارع .. شوف الجدعنة والشهامة .. شوف المروءة والنخوه .. شوف الروح الموجوده في البلد

خليك مع دا كلة لحد ما تسافر لأن كل دا هيوحشك وهتحس بقيمة البلد دي بعد ما تسيبها ...

بالتوفيق يا حبيبي وربنا يسعد أيامك

اخوك

عماد

رابط هذا التعليق
شارك
kitkat عضو جديد

kitkat

بتاريخ:
  • كاتب الموضوع
بتاريخ: (معدل)

عمدة المصريين بدول مجلس التعاون

حبيبي من أيام الجيزة :unsure:

كل الكلام ده جميل أوي بس لما يضيع مستقبلك علشان أبوك راجل نضيف وأبي الا ان يحكم بين الناس بالعدل ،،،،،

هاتقول يلعن أبو المروة عالشهامة عالجدعنة وهاتحس بيا يا ساحبي :closedeyes:

وبالنسبة للحاج والحاجة هابعتلهم يجولي هناك 3 أشهر كل سنة ويحجوا تاني :closedeyes:

صباحك أبوظبي ان شاء الله وربنا يوفقك انت كمااااااااااااااااااااااااااااااااان :closedeyes: :closedeyes:

وتراباتاتيييييييييييييييييي :closedeyes: :rolleyes:

تم تعديل بواسطة kitkat

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
MZohairy عضو جديد

MZohairy

بتاريخ:
بتاريخ:

شوفتوا سياسة ابو جمال ...و احمد مش متوسخ ...عملت ايه في المصريين؟

لمجرد انهم سايبين بر المحروسه بقوا مزأططين طايرين هايمين

ربنا يوفقك فيما فيه الصلاح و يقسم لك الخير حيث كان يا كيتكات

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
kitkat عضو جديد

kitkat

بتاريخ:
  • كاتب الموضوع
بتاريخ:

زوهيري بيك

فعلا هي تراكمات ده بيخنق في ده وده بيبلطج علي ده وبتبتدي السلسلة من فوق وتوصل للي زيي

ربنا يوفقك يا باشا ويسعد أيامك :closedeyes:

فتافت نور الرياض :closedeyes:

انا فاكر كلامك كويس أوي المهم تبقي تفتكري كلامي انتي وحطي نفسك مكاني كان زمانك جرالك حاجة

سبحان من صبرني ، شكرا يا أووووووووووووخشي :closedeyes:

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
Salwa عضو جديد

Salwa

بتاريخ:
بتاريخ:
هههههههههههههههههههههههه

ياعم ربنا يصلح حالك يارب .. ويوفقك دنيا وآخره يا كيت كات يابني :closedeyes:

رتب نفسك بقا وأنظر حولك أنظر للوشوش المصرية الجميلة أقعد مع والدتك كتيييييير الأيام دي

خليها تاخدك في حضنها من هنا لحد ما تسافر .. أقعد مع أصحابك .. قرايبك .. أهلك .. معارفك

اتمشي في الشوارع .. شوف الجدعنة والشهامة .. شوف المروءة والنخوه .. شوف الروح الموجوده في البلد

خليك مع دا كلة لحد ما تسافر لأن كل دا هيوحشك وهتحس بقيمة البلد دي بعد ما تسيبها ...

بالتوفيق يا حبيبي وربنا يسعد أيامك

اخوك

عماد

الكلام ده صح جداااا ومش معنى كدة ان احساسك ده مش صح ؟؟

ياكيت كات اسمعنى كويس

انت دلوقت فرحان ولازم تكون فرحان وربنا ينور لك طريقك

وبكرة برضه حاتبقى فرحان

ويمكن بعده كمان

وبعده وبعده وبعده

وبعدين حاتبقى محتار

وبعدين حاتبقى قلقان

وبعدين حاتحس بالحنين

وبعدين لما الايام تمر وتلاقى ولادك جنبك بيكبروا حاتفرح وتنسى انك ف يوم حسيت بالحنين

وبعدين لما يكبروا شوية كمان

حاترجع تفكر وتندم انك مفكرتش كتيررر ف البلد اللى تركتها وراك

وسبحان الله

حاتكتشف حاجات كتيررر حلوة ف بلدك مكونتش بتشوفها

وحاتغفر

حاتغفر كل اللى اتعمل وحاتغفر للناس اللى مكانتش حتى بتخلص لك اى اوراق الا حسب مبدأ((ابجنى تجدنى )) او (( اذا اردت ان تنجز فعليك بالونجز ))

وحايصعب عليك الراجل الشيال وانت راجع ف المطار وحايصعب عليك الناس

حتى اللى بيمد ايده ويقولك تشترى مناديل ورق ؟؟ وانت عارف انه بيسرقك وبيبيع لك الباكو بتمن العشر علب وزيادة شوية (( حايصعب عليك برضه ))

حايصعب عليك قعدتك لوحدك ف بلد غريب وسماعك للهجة غريبة

حايصعب عليك ان الناس بتبص لك وكأنك جاى تاخد مكان بتاع حد فيهم هم

حاتبص لكل اراضيهم بشمسها وجوها وتحن للسحابة السودة اللى فوق القاهرة وتحن انك تشوف وشوش بتضحك وهى بائسة ويائسة

حاتتمنى تشوف الراجل اللى بس عنده سنة واحدة ف بقه وعمال يغنى وبيبيع ((ولا حاجة )) حبة تين شوكى والا شوية فراولة والا شوية تين ويقولك دول نقاوة وبلدى

حاتحلم

حاتحلم كتيررر

حاتحلم تنجح وتكبر و.......و.......و

ترجع بلدك وتغمض وتفتح وتلاقى معاك مال قارون وتفكر بس ازاى حاتصلح البلد

البلد اللى انت رحت وجيت وهى لسا زى ماهى

مستنياك تمد ايدك اللى انت سافرت مخصوص علشان تملاها

وساعتها

من غير ما تحس

حاترجع هنا

وتفتح موضوع

وتغنى وتقول

باركولى انا اسعد واحد ف الدنيا لانى قدرت اسعد ناس كتيرررر

دلوقت غربتى لها معنى وغير كدة لأ

وآهى هى دى الغربة وهى دى فوايدها

الغربة مش شوية فلوس وبيت وغسالة اطباق وغسالة ملابس وثلاجة احدث موديل وسيارة احدث موديل وفيللا ف الساحل الشمالى وبيت بدورين

مش هى فلوس لجواز الولد وفلوس لشوار البنت

الغربة وتمنها

انك تعرف انها مجرد وسيلة لاسعادك واسعاد اللى حواليك

بس

بس

اوعى تتغرب علشان حاجات مادية لك بسسسسسسسسسسسسس

يبقى حرام

لازم تمن الغربة يكون حب

حب لنفسك وللى حواليك

ربنا معاك :closedeyes: :closedeyes:

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
kitkat عضو جديد

kitkat

بتاريخ:
  • كاتب الموضوع
بتاريخ:

أختي الغالية سلوي

والله كلامك جمييييييييييييييل جدااااااااااااااااااااااااا ويأثر فيا وف اي حد ولكن،،،،،

الموضوع بالنسبالي كان أكبر بكتييييييييييييييير من واحد مش عايز يخلصلي الورق غير لما اديله الشاي بتاعه

الموضوع لو حكيته هاتقولوا ده قصة فيلم جديد لأحمد السقا !!!!!!!!!!!!!!!!!!!!!!!!!

ياسلام فعلا الجزء التاني من كلامك سليم الواحد لازم يكون لغربته تمن حلو

انا بالنسبالي طزززززززززز في الفلوس انا مش مسافر علشان الفلوس الهدف مش الفلوس

الواحد ربنا يقدره ويعمل حاجة كويسة او مشروع يفيد الشباب الي عالقهاوي ليل نهار

وتراباتي تيييييييييييييييييييي مساااااااااااااااااااااااااااااااااااااااااااااااااافر روووووووووووووووووووووووووووووووووووووووووووووري

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
Abu Reem عضو جديد

Abu Reem

بتاريخ:
بتاريخ: (معدل)
الغربة مش شوية فلوس وبيت وغسالة اطباق وغسالة ملابس وثلاجة احدث موديل وسيارة احدث موديل وفيللا ف الساحل الشمالى وبيت بدورين

مش هى فلوس لجواز الولد وفلوس لشوار البنت

الغربة وتمنها

انك تعرف انها مجرد وسيلة لاسعادك واسعاد اللى حواليك

بس

بس

اوعى تتغرب علشان حاجات مادية لك بسسسسسسسسسسسسس

يبقى حرام

لازم تمن الغربة يكون حب

حب لنفسك وللى حواليك

أخي كت كات

اولاً / حبيت فقط اقتبس الكلام اعلاه لأنه كلام عجبني جداً ،،، وفعلا هذا هو الهدف الأسمى والأعلى للانسان ،،، فشكرا لكاتبته ـــ

- نصيحتي لك تأتي من خبرتي للعمل في الرياض لسنين طويلة ، والان في بلد اخر وعاصمة اخرى خليجية جميلة وهي الدوحة،

وسأبداها لك ، كما ذكرت انت ، بمسألة العمرة والحج واحرص على ان تكون في سنتك الأولى وألا تؤجلها لكي تكون فاتحة خير عليك.

- البداية في عملك مهمة جدا فاحرص ان تكون بداية قوية تعطي انطباع جيد..وحافظ على عباداتك حيث ان الجو هناك مهيأ لأن تزيد في العبادات والنوافل.

- احرص في عملك وتعاملات مع الجنسيات المختلفة أن تحترم الجميع وتحبهم ولا تأخذ انطباعات مسبقة عن اي شخص ...وتعامل معه بشخصيتك انت واخلاقك انت لا بأخلاقه هو..واعرف انه كلما كنت محترما في تعاملات مع الجميع..وصادق وجاد.وهاديء الطباع غير متعصب تأكد ان ذلك سيشفع لك لاحقا في مواقف كثيرة...( بمعنى أنه أحيانا أدبك واحترامك..وحسن طباعك قد يكون عامل مساعد لك في استمرارك في عملك حتى لو كان هناك تقصير أو خطأ غير متعمد )

- تحمل في البداية أي سخافات تواجهها او صعوبات..فالبداية دائما تكون صعبة ...ولا تكثر الشكوى...واعلم انه مع مرور الوقت ستتحسن اوضاعك...المعيشية وأوضاعك في العمل...فلا..تنزعج من اي صعوبات في السنة الأولى ، واحرص على أن استمرارك ونجاحك في السنة الأولى..هو أول خطوات النجاح الهامة.

- اهتم باللغة الانجليزية واستخدامات الكمبيوتر جيدا واحرص على استخدام اللغة اذا كان مجال عملك يتطلب ذلك..وكلما اجدتها..كلما كان فرصتك كبيرة بعد ذلك في التدرج في العمل.

- إذا صادفت زميل لك في العمل أيا كان منصبه او وضعه وسمعته يتكلم معك عن شخص اخر بطريقة غير جيدة أو يشتم فيه من وراء ظهره فاحرص الا تؤيد كلامه..أو تردد وراؤه هذه الاساءات حتى لو كان هذا الشخص يستحق ذلك...فهناك اشخاص تكون مهمتهم انهم يجعلونك تخطيء في حق شخص اخر في العمل..وخاصة لو كان مدير متغطرس ...حتى...يأخذوا هذا الكلام عليك,,ويسارعوا بنقله...فخليك على الحياد...ولاتنطق باي كلمة اساءة في حق اي احد أمام زملائك.

- احرص على التوفير....ولا تمنع نفسك من الترفيه..وشراء ما تحبه ولكن بحدود...ولا تنسى اهلك ...بالمال..ولا تنسى تخصيص جزء لأعمال الخير بالطبع ،، وخاصة الذبح والتوزيع على الفقراء ...فهذه عن تجربة لها مفعول أكيد في البركة..

- نهاية اعلم ان السنة الأولى عادة لا يحدث منها عائد كبير....ولكن بالصبر وعدم الاستماع الى هواة تثبيط الهمم ستنجح لو أردت ذلك..والعمل في أي بلد ليس عيبا طالما تقوم بعمل شريف وكلها بلاد الله...واحرص أن تكون صورة مشرفة لبلدك..وذلك باحترام قوانين البلد الذي تعيش فيه ، ولا تنزعج من اختلاف الطباع في البداية..

أتمنى لك التوفيق ونتمنى أن تطمئنا عليك أول بأول ، عندما تستقر.....

تم تعديل بواسطة Abu Reem

7looo.comd8cb1a261f.gif

مشكلتهم ليست في الدستور اولا ..ولا في نسبة اعضاء اللجنة التأسيسية ولا في كفاءة المرشح الرئاسي.!!!! كل مشكلتهم هي لا...لكل ما هو اسلامي أولا ، وثانيا ، وثالثا ً، فهم لا يرضون الا بأن يروا كل الاحزاب الاسلامية خلف اسوار السجون..!!

رابط هذا التعليق
شارك
الدكتورة أم أحمد عضو جديد

الدكتورة أم أحمد

بتاريخ:
بتاريخ: (معدل)
السلام عليكم اعضاء المنتدي

احب ابشركم وأطلب دعواتكم ان الموضوع يتم علي خير

ان شاء الله الجمعة صباحا اكون علي متن الطائرة المتجهة للرياض

انا طالع بره مصر انا مش مصدق نفسي واتمني لو كنتوا معايا كنت اعزم المنتدي كله علي حاجة ساقعة :closedeyes:

بجد أنا مبسوط جدااااااااااااااااااااااااا طاير من الفرحة حاسس ان هيجرالي حاجة باتنطط من الفرحة

دعواتكم معايا يا شباب ان ربنا يوفقني في الوطن الجديد

ودعواتكم للوطن الأم ان ربنا يصلح حاله وينضف قريب

وانا طالع بره مصر تراباتيت تاااااااااااااارا تيرا را را هييييييييييييييييييييييييييييييييييييييييييييييييييييييه

طبعا كان نفسي الخروج بره مصر مايكنش عالسعودية لكن بأشكر ربنا أوي وكفاية الحج والعمرة والذي منه وان شاء الله الحلم الكبير يتحقق قريب

متوقع تعليقات كلها وطنية وتعليقات لاذعة لكن ولا يهمكم قولوا كل الي ف نفسكم

الي ايده في الميا مش زي الي ايده ف النار والي بيتابع الظلم عن طريق المصري اليوم ولا اليوتيوب يفرق كتير عن واحد زيي شافه رأي العين !!!!!

تيرارا را ري تااااااااااااااااتا انا طالع بره تاتا مش راجع تاني تارااااا لوووووووووووووووووووووووووووووووووووووووووووووولي

مبارك عليك يا أخي

وأسأل الله لك التوفيق والسداد

ونريد أن نعرف أحساسك بعد أربع أيام و14 ساعة من السفر

وياريت تسجله لنا في هذا الموضوع

مرة أخرى دعواتي لك بالتوفيق

تم تعديل بواسطة الدكتورة أم أحمد

هل ضاعت الفرصة لنحيا كراما في دولة محترمة وشعب مصون؟؟؟

انتبه مصر تعود إلى الخلف

رابط هذا التعليق
شارك
عبير يونس عضو مبتدئ

عبير يونس

بتاريخ:
بتاريخ:

أهم حاجة في الموضوع ان حضرتك سعيد

ربنا يسعدك يا رب

و يكتب لك الخير في السفرية دي

و يرزقك خير السعودية

و يكفيك شرها

و عقبال ما نبارك لحضرتك

على العمرة و الحج

ثم على الجواز

و نشوفك في كندا و الا استراليا

و نصيحة من أخت كبيرة

أي بلد عربي غير مصر

لازم ما يبقاش هو الهدف

لازم يبقى وسيلة لتحقيق هدف أكبر

يبقى لنا بلد

عن نفسي مفيش قدامي غير سكتين

إما الهجرة

و إما إن مصر حالها يتصلح و ارجع

أيهما أسبق

و التانية على فكرة مش بعيدة و لا حاجة

قادر ربنا يصلح الحال في يوم و ليلة

اما أي بلد عربي من المحيط للخليج

فمع كامل احترامي

و ده شيء ما يعيبهمش اطلاقا

فأقصى ما يمكنك أن تحلم به

هو أن يتم اعتبارك

المصري الشقيق

تحياتي

و تسافر بألف سلامة

:closedeyes:

أعد شحن طاقتك

حدد وجهتك

و اطلق قواك

رابط هذا التعليق
شارك
Mr MAGED عضو جديد

Mr MAGED

بتاريخ:
بتاريخ:
هههههههههههههههههههههههه

ياعم ربنا يصلح حالك يارب .. ويوفقك دنيا وآخره يا كيت كات يابني :closedeyes:

رتب نفسك بقا وأنظر حولك أنظر للوشوش المصرية الجميلة أقعد مع والدتك كتيييييير الأيام دي

خليها تاخدك في حضنها من هنا لحد ما تسافر .. أقعد مع أصحابك .. قرايبك .. أهلك .. معارفك

اتمشي في الشوارع .. شوف الجدعنة والشهامة .. شوف المروءة والنخوه .. شوف الروح الموجوده في البلد

خليك مع دا كلة لحد ما تسافر لأن كل دا هيوحشك وهتحس بقيمة البلد دي بعد ما تسيبها ...

بالتوفيق يا حبيبي وربنا يسعد أيامك

اخوك

عماد

الكلام ده صح جداااا ومش معنى كدة ان احساسك ده مش صح ؟؟

ياكيت كات اسمعنى كويس

انت دلوقت فرحان ولازم تكون فرحان وربنا ينور لك طريقك

وبكرة برضه حاتبقى فرحان

ويمكن بعده كمان

وبعده وبعده وبعده

وبعدين حاتبقى محتار

وبعدين حاتبقى قلقان

وبعدين حاتحس بالحنين

وبعدين لما الايام تمر وتلاقى ولادك جنبك بيكبروا حاتفرح وتنسى انك ف يوم حسيت بالحنين

وبعدين لما يكبروا شوية كمان

حاترجع تفكر وتندم انك مفكرتش كتيررر ف البلد اللى تركتها وراك

وسبحان الله

حاتكتشف حاجات كتيررر حلوة ف بلدك مكونتش بتشوفها

وحاتغفر

حاتغفر كل اللى اتعمل وحاتغفر للناس اللى مكانتش حتى بتخلص لك اى اوراق الا حسب مبدأ((ابجنى تجدنى )) او (( اذا اردت ان تنجز فعليك بالونجز ))

وحايصعب عليك الراجل الشيال وانت راجع ف المطار وحايصعب عليك الناس

حتى اللى بيمد ايده ويقولك تشترى مناديل ورق ؟؟ وانت عارف انه بيسرقك وبيبيع لك الباكو بتمن العشر علب وزيادة شوية (( حايصعب عليك برضه ))

حايصعب عليك قعدتك لوحدك ف بلد غريب وسماعك للهجة غريبة

حايصعب عليك ان الناس بتبص لك وكأنك جاى تاخد مكان بتاع حد فيهم هم

حاتبص لكل اراضيهم بشمسها وجوها وتحن للسحابة السودة اللى فوق القاهرة وتحن انك تشوف وشوش بتضحك وهى بائسة ويائسة

حاتتمنى تشوف الراجل اللى بس عنده سنة واحدة ف بقه وعمال يغنى وبيبيع ((ولا حاجة )) حبة تين شوكى والا شوية فراولة والا شوية تين ويقولك دول نقاوة وبلدى

حاتحلم

حاتحلم كتيررر

حاتحلم تنجح وتكبر و.......و.......و

ترجع بلدك وتغمض وتفتح وتلاقى معاك مال قارون وتفكر بس ازاى حاتصلح البلد

البلد اللى انت رحت وجيت وهى لسا زى ماهى

مستنياك تمد ايدك اللى انت سافرت مخصوص علشان تملاها

وساعتها

من غير ما تحس

حاترجع هنا

وتفتح موضوع

وتغنى وتقول

باركولى انا اسعد واحد ف الدنيا لانى قدرت اسعد ناس كتيرررر

دلوقت غربتى لها معنى وغير كدة لأ

وآهى هى دى الغربة وهى دى فوايدها

الغربة مش شوية فلوس وبيت وغسالة اطباق وغسالة ملابس وثلاجة احدث موديل وسيارة احدث موديل وفيللا ف الساحل الشمالى وبيت بدورين

مش هى فلوس لجواز الولد وفلوس لشوار البنت

الغربة وتمنها

انك تعرف انها مجرد وسيلة لاسعادك واسعاد اللى حواليك

بس

بس

اوعى تتغرب علشان حاجات مادية لك بسسسسسسسسسسسسس

يبقى حرام

لازم تمن الغربة يكون حب

حب لنفسك وللى حواليك

ربنا معاك :closedeyes: :closedeyes:

عزيزي كيت كات

الكلام اللي قاله عمده والعزيزة سلوي صح جدا

وهتحس بيه بجد ... انا حسيته بعد اول عشر شهور ليا في الغربة

لأني أول مرة نزلت أجازة كانت بعد عشر شهور

حسيت ان كل حاجة جوايا متغيرة ... كل مشاعر الاحباط واليأس بدأت تتغير لحاجات تانية

ربنا يوفقك ويكتبلك الخير دايما يا رب

وهنستني نعرف أخبارك بعد الوصول ان شاء الله

ولو احتجت أي شيء يا ريت تبلغنا

أنا فجدة صحيح بس متقلقش ... لسا جاي من 3 سنين رياض

تحياتي وتقديري

العقول الكبيرة تبحث عن الأفكار ..

والعقول المتفتحة تناقش الأحداث ...

والعقول الصغيرة تتطفل علي شؤون الناس ....

رابط هذا التعليق
شارك
fatfouta عضو جديد

fatfouta

بتاريخ:
بتاريخ:

ابو ريم كتب

- احرص في عملك وتعاملات مع الجنسيات المختلفة أن تحترم الجميع وتحبهم ولا تأخذ انطباعات مسبقة عن اي شخص ...وتعامل معه بشخصيتك انت واخلاقك انت لا بأخلاقه هو..واعرف انه كلما كنت محترما في تعاملات مع الجميع..وصادق وجاد.وهاديء الطباع غير متعصب تأكد ان ذلك سيشفع لك لاحقا في مواقف كثيرة...( بمعنى أنه أحيانا أدبك واحترامك..وحسن طباعك قد يكون عامل مساعد لك في استمرارك في عملك حتى لو كان هناك تقصير أو خطأ غير متعمد )

بصراحة مداخلتك يا بو ريم لازم نحطها فى مداخلة اليوم كلها نصائح جميلة وبإخلاص

فعلا يا كيت كيت يا خويا وانت بتتعامل مع الجنسيات التانية اوعى تتعامل بتعالى واوعى تكون (ودنى) يعنى تسمع ان ده وحش تقوم تعامله على اساس الكلام.......خد بالك اختلاف الجنسيات شئ على اد ماهو حلو برضو يخوف لانك فى الاول بتبقى جاى وفاكر كل الناس هتتعامل معاك بطريقتك انت

وبالضبط ذى ما ابو ريم قالك تعاملك مع الناس واحترامك ليهم واخلاقك العالية هما اللى هيجبروا الناس انهم يحترموك...

وكمان ماتتكلمش كتير فى الاول راقب بعنيك وبس واياااااااااك تتاطى لاى حد ولا اى حاجة طالما انت ماشى صح

خلى دايما مصر فى قلبك......افتكرها دايما لما تيجى تتعامل.....تتصرف...تتكلم....او حتى تاكل

مصر مش هى اللى عملت فيك الحاجات اللى انت اضايقت منها وخلتك تفكر فى السفر وتفرح بيه لاااااااااا ده ناس فى مصر مش عاوزة اقول ولادها لان ولاد مصر دايما هيبقوا بخير

افتخر انك مصرى واوعااااااااااااااك تتريق على مصر ادام اى جنسية تانية حتى لو بالهظار او على اى حال فيها

ونصيحة يا كيت كيت يا خويا اوعى وانت جاى فى المطار تجيب فسيخ ولا أرز مصرى ولا زيت تموين :closedeyes: كل حاجة موجودة هنا

وتيجى بالسلامة ان شاء الله.........ممكن تجيب لى معاك فسيخ؟؟؟ :closedeyes:

رابط هذا التعليق
شارك
hazemtara عضو جديد

hazemtara

بتاريخ:
بتاريخ:
شوفتوا سياسة ابو جمال ...و احمد مش متوسخ ...عملت ايه في المصريين؟

لمجرد انهم سايبين بر المحروسه بقوا مزأططين طايرين هايمين

ربنا يوفقك فيما فيه الصلاح و يقسم لك الخير حيث كان يا كيتكات

عندك حق يا م زهرى شيئ مُحزن فعلاً الشباب طاير من الفرح لأنة خارج من مصر & والى قاعد برة مصر بيحسب لليوم الى هيرجع فية مصر وكأن مصر أصبحت كالضيف ثقيل الدم على أهلها ومُحبيها .

للأسف.

تُريد معرفة كل شيئ عن العمل الحكومى كطبيب أو صيدلى أو تمريض فى السعودية

نتشرف بزيارتك لنا

http://www.egyptiantalks.org/invb/?showtop...075&st=1890

رابط هذا التعليق
شارك
myusername عضو جديد

myusername

بتاريخ:
بتاريخ:

الف مبروك... و ربنا ييسر لك امورك باذن الله.

احفظ الله يحفظك.

و اتمنى انك تفكر جديا فى الهجرة لكندا و تحاول تاخد خطوات فعلية فى هذا الامر فى اقرب فرصة.

بالتوفيق باذن الله.

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك
doha عضو جديد

doha

بتاريخ:
بتاريخ:

توصل بالسلامه ان شاء الله

انا مش عاوزه ابقى عجوزه فرح بس طالما انت من النوع الي بيحل مشاكلك بالهروب لمكان اكثر ( نظافة ) فجهز نفسك من دلوقت انك هتضطر للهروب ده برضه لما تصطدم بحقيقة الحياه في السعوديه وساعتها مش بعيد ابدا يكون المكان الي تقرر تهرب ليه هو مصر نفسها الي مش طايق (ريحتها) النهرده ..

على فكره انا مش بلومك على مشاعرك السلبية تجاه مصر بالعكس اهي دي يمكن الحسنة الوحيده الي ممكن ( تصبرك ) شويه على تحمل الغربة وتعينك على الانخراط في الحياه الجديده بدون تذمر حيث انك ( قاطع خط الرجعه ) ..

بس بقول انك متبالغش في الفرح اوي عشان متنصدمش

اعتبر الحكايه فسحه وتغيير جو وحج وعمره وشويه متع تانيه وبكده يبقى فرحك له مبرره .. لكن متعتبرش نفسك اخذت صك العتق خلاص من مصر لان الي اشتراك سيد اشد باسا واقل انسانية من الي كان بيبيع ويشتري فيك في مصر ..

الله يعينك ويعين كل من تضطره الظروف يسيب بلده لاي سبب ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك
زعلان عضو جديد

زعلان

بتاريخ:
بتاريخ:

:blink: الف الف مبروك وعقبال كل الشعب المصري

بس انا شوية مخضوض هو بجد كل ده علشان انت مهاجر فين بالضبط يعني انا الي فهمته كده ان الموضوع فيه السعودية ولا انا غلطان :blink:

رابط هذا التعليق
شارك
سكر عضو جديد

سكر

بتاريخ:
بتاريخ:

نصيحتى لك

ان تقراء كلام ابو ريم اكثر من مرة

احفظة عن ظهر قلب

بروزة فى غرفه نومك

ابو ريم تسلم ايدك على كلماتك والله من اجمل ما قرات من النصائح

رابط هذا التعليق
شارك
الغريب عضو جديد

الغريب

بتاريخ:
بتاريخ:

بالتوفيق يا كيت كات

بس رجاء خاص منتظرينك أنت اللي تنشط موضوعك ده بعد السفر والتفاعل مع حياة الغربة

حقيقي هتبقى تجربة جميلة ومقارنة ممتعة بين المشاعر قبل وبعد الغربة ، بمعنى أدق "كله هيبقى على ترابيزة واحدة"

لأن في ناس كانت متغربة وقالت هنرجع مصر وعملت مواضيع وجالها ردود كتيير وبعد ما نزلت مصر معرفناش عنها أي أخبار ، مع أننا بردو بنكون محتاجين أوي نقارن بين شغفه بالعودة للوطن وشعوره بعد العودة.

مستنينك :blink:

ehm448.gif

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...