أيام قليلة و أغادر مصر إلى السعودية

[the consultant]

الف مبروك يا باشموهندس و ربنا يوفقك

[شريف مان]

بالتوفيق ان شاء الله

تم تعديل 24 مايو 2010 بواسطة شريف مان

[اغابي]

مــــبروك يا كـــت كـــات

بــس خلــــى بالك الغــــربة تمنهـــا غالــــى

ما تنساش تاخد معاك البوم الصــــور العائليـــة وصور المناسبـــات والذكريات لانك حتفتقــده جدا

وياريت تراجع كل الناس اللى موجودة صورهم فى الالبوم وتسلم عليهم لانك لما تنزل اول اجازة

حتلاقى ناس كتير منهم اختفوا . .

ربنا يوفقك ..... ويكتبلك الخير ..... وترجع لارض الوطن سالم غانم

اغابي

[kitkat]

أبو ريم :

الله يفتح عليك ويزيدك علما وحكما

أنا هاطبع كلامك ده وأحطه في عقلي وقلبي ،مهما شكرتك مش هأوفيك حقك عليا :lol: :o bv:-

الدكتورة أم أحمد الله يبارك فيكي ويوفقك وتفرحي بأولادك يارب

شكرا وأوعدك أبقي أتابع في الموضوع ده تفاصيل الحصول علي الحرية والاستقلال wst::

مصرية متغربة أولا بأغبطك علي الاسم وبلد الاقامة (اللهم لا حسد)

ثانيا أنا واخد السعودية كوبري علشان الهدف الأكبر ان شاء الله وهو الهجرة النهائية لأمريكا أو انجلترا ودي خطة موضوعة وانا باسعي لتحقيقها مستعينا بالله

الحمد لله ان ربنا استجاب دعائي ، والله يا جماعة قيام الليل ده حاجة جميلة جدا وكنت بأدعي وأقول ربنا أخرجني من هذه القرية الظالم أهلها والحمد لله ربنا استجاب دعائي !!

يا أختي ربنا يوفقك انا ليا 8 أصدقاء في كندا وبالرغم من اني مابحبهاش علشان اسباب منها ارتفاع الضرايب الا اني باقلك ربنا يوفقك فيه مجالات هناك مطلوبة جدا في العمل والناس هناك طايرة من السعادة

ولادهم بيتعلموا تعليم نضيف وهما بيتعالجوا وبياخدوا معونة من الحكومة لو عاطلين يعني حياة أدمية وزي الفل

ربنا يوفقك ويكتبلك الخروج من مصر يااااااااااااارب ولو حضرتك متجوزة ومعاكي اولادك كمان مش هاتحسي بأسي الغربة زي حد وحداني

INVESTOR باشاحبيبي من أيام الجيزة

الله يبارك فيك ويوسعها عليك ويسعد قلبك

انا باشكرك جداااااااااااااااا علي مشاعرك النبيلة دي وان شاء الله نكون علي اتصال دايما ، كان ليا صديق متربي في السعودية وهو حاليا شغال في الرياض

والحمد لله مبسوط وكل يوم يشغل أغنية شاطر شاطر ويرقص عليها 10 بلدي ;)

صباح العسل علي عيونك وربنا يرجعك سالم غانم لوطنك :ninja:

ozoozo الغاليكل ماشوف صورتك يبقي نفسي أقولك الله أكبر وربنا يخلي :blink:

انا فعلا كنت عايز اروح الخميس كمان مش الجمعة ، هاتقلي الخميس أجازة هأقلك انا شغال في المقاولات يعني لو يطولوا يشغلونا واحنا نايمين هايشغلونا :lol:

صباح العسل يا ساحبي

fatfouta انتي شغالة ف رويترز ؟ هو ايه الي ابو ريم كتب ؟!! :wub:

المهم لا تكلكي انا مصر جوه ف قلبي وانا باعتبرها خطيبتي وان شاء الله نتجوز بعد ماتنضف من الاشكال الضالة الي قرفتنا ف عيشتنا

لم ولن أسمح بأي تطاول علي اسم مصر

مصر ليس لها أبناء بهذه الحقارة والعيب مش في مصر العيب في الكلاب الي تستحق الاعدام في مصر !

[kitkat]

hazemtara

ربنا يرجعك بالسلامة يا برنس وتشبع منها خاااااااااااااااالص علي راحتك

myusername

الله يبارك فيك يا حبي وربنا يسعد قلبك زيي وأكتر

للاسف موضوع كندا راحت عليه لأكتر من سبب من ضمنهم ان كندا شالت الغلابة (مهندسين مدني ) من الليستة

عموما فيه خبر حلو في الطريق ان شاء الله بس اتقل عالررز :lol:

doha

الله يسلمك يا مدام ضحي

انتي فوق دماغ العريس والعروسة مين قال عواجيز الفرح ؟!

: ) )

يعني مفيش الرياض هاتنور يا كيتكات ولا حاجة ساقعة مشبرة كده ؟

يا أختي والله انا باتبسط لما بأقرا كلامك عن مصر بس زي ماقلت قبل كده : الي ايده في الميا ، مش زي الي ايده في تلاجة باندا :wub: :o

ربنا يسعد قلبك ويرجعك مصر انتي وجوزك وعيالك في أقرب وقت سالمين غانمين ان شاء الله ;)

زعلان

تعرف لو ماكنتش شفت ردك عليا كان جالي اكتئاب هههههههههههههههههههههههه

والله انت عسسسسسسسسسسل بس انا مش عامل فرح علشان طالع الرياض انا عامل فرح لاني طالع بره مصر

حتي لو كان طلوعي بره مصر علي دارفور كنت هاعمل نفس الفرح بس من غير سعد الصغير : ) ) )

تشكر يا كبير عالرد والتهاني

موعود

الله يبارك في عملك ومالك وأهلك

فعلا كلام أبو ريم ده مدرسة لكل مسافر مش الرياض بس لا ده للجميع !

اوعدك ان الكلام ده يفضل اصاد عيني في كل مكان bv:-

الغريب

من عيني يا باشا والله يبارك فيك

أوعدك ان شاء الله الموضوع ده يفضل يزغلل عيون الناس عالبانر :

the consultant

الله يبارك فيك وأذكرك ونفسي بقيام الليل لأن كان ليه أثر عظيم في حياتي :ninja:

شريف مان

بارك الله فيك يا باشا يا صاحب الموضوعات الرائعة :blink:

أغابي ، عصفورة المنتدي

الله يبارك فيكي ، صور العائلة معايا دايما عالفلاشة وعلي فيسبوكي أشكرك علي انك فكرتيني

انتي ف مصر ولا بره ؟ هو انتي في الكويت ولا انا غلطان ؟

ربنا يسعد قلبك انتي وجوزك وابنك ويكتب لكم الخير في كل خطوة

أخوكي كيتكات wst::

[lovelyramy]

اخويا كيت كات

انت رجعتنى سنه وتلات شهور لما جيت اسافر الى السعوديه انا كنت عامل افراح وعزايم وهوليله زيك كده

بس لما جيت وبدأت اكتشف الحقائق المره مع الكفيل الوضع اتقلب 180 درجه وبقيت باتمنى وبانتظر باشتياق انتهاء العقد والعوده لمصر

ربنا يارب يجعل حظك كويس ويكون الكفيل كويس وربنا يوفقك فى احلامك وان شاء الله تكبر وتفتح شركتك كده وتساهم فى حل مشاكل البلد.

[Morial]

الف الف مبروك يا كيت كات

والله فرحتلك من كل قلبي

ومتسمعش كلام اللي بيقولولك مصر هتوحشك

اللي هيوحشوك هما اهلك بس

وسبحان الله اللي بيقولولك بكرة تندم يا جميل هما نفسهم برة مصر بالذمة مش حاجة تغيظ

اتكل علي الله وشد الرحال وكلها بلاد ربنا

واللي انت هتعمله اسمه سعي في الارض

لأن بلدك مش عايزاك ولا مرحبة بوجودك ولا مقدراك

ولكل مجتهد نصيب

اطيب امنياتي بالتوفيق في بداية رحلة كفاحك

[زعلان]

اتمنى ان يكون العرض كويس و انك تتوفق هناك و الامور تكون سهلة بالنسبالك wst::

[myusername]

الف الف مبروك يا كيت كات

والله فرحتلك من كل قلبي

ومتسمعش كلام اللي بيقولولك مصر هتوحشك

اللي هيوحشوك هما اهلك بس

وسبحان الله اللي بيقولولك بكرة تندم يا جميل هما نفسهم برة مصر بالذمة مش حاجة تغيظ

اتوكل علي الله وشد الرحال وكلها بلاد ربنا

واللي انت هتعمله اسمه سعي في الارض

لأن بلدك مش عايزاك ولا مرحبة بوجودك ولا مقدراك

ولكل مجتهد نصيب

اطيب امنياتي بالتوفيق في بداية رحلة كفاحك

هو ده الكلام bv:-

دى كلها ارض الله الواسعة... و وطنك هو أهلك... و على رأى الشاعر.. يعنى ايه كلمة وطن؟ يعنى شاى بالحليب على قهوة فى الضاهر هناك

حتة ع جنب بقى لمنال : ارجعى لنا بقى بألف سلامة... مصر مضلمة من غيرك wst::

[صافى]

بالتوفيق ان شاء اللة المهم تحسبها صح وما ينضحكش عليك خليك مصحصح واعمل حاجة عشان لما ترجع بلدك تعرف ترفع راسك صح واللة المستعان والف مبررررررررررررررروك من اختك فى اللة صافى من شهر وانا فى جدة اللة يوفقك ويوفق زوجى قادر يا كريم wst::

[herohero]

بالتوفيق اخي العزيز ومن العجيب ان نشعر بالاغتراب والظلم في بلدنا للاسف هذا يحدث كثيرا عارف حتى لو بره مصر تعرضت لاي موقف بتقول عادي ماهي مش بلدك اما لما تلاقي ظبم ف بلدك وتشعر باغتراب لانك راجل صح ومحترم

لما تحس انك مع نفسك كده والكل بيبص لك باستغراب تحس انك جاي من عالم اخر يبقى غربة بغربة اتغرب وابعد بقى عشان اسيب لهم البلد تتقدم بيهم

بلدنا محتاجه وسايط وحركات وعلاقات وياسلام بقى لو معاك حد من ابوحديد

توكل ع الله وبالتوفيق ان شاء الله وللاسف ف حالات كتير قوووووي حقنا بيضيع ف بلدنا وبره بنكون واخدين حقنا كويس

ولا تشغل بالك بالسعودية او غير صدقني امشي صح وخليك محترم لنفسك وتعامل كده بثقه وعزة نفس وهتشوف الكل يرفع لك القبعه

فالتملق والنفاق التقليدي عندنا ف مصر ليس له قيمه عند الخليجيين عموما من الاخر بيتبسطوا قوي لما تتملق لهم لكن مش هتاخد حاجه بلوشي يعني

يبقى خليك جد ومحترم وانت هتلاقي الكل يبص لك صح ده اساس التعامل مع اي خليجي "بدو" تعامل بكل عزة وياريت كل المصريين يكونوا كده هتشوف

وربنا يوفقك ويكرمك بكل خير

[لماضة مصرية جدا]

السلام عليكم و رحمة الله و بركاته

يعني هو انا قريت التوبيك باقي من الزمن مش عارفة ايه...افتكرت المراقب اللي كان عليا النهاردة في الامتحان....و اصلا ساعته بايظة.....و انا قعدت اضحك لاني افتكرت مشهد من فيلم ليلة القبض علي بكيزة و زغلول و كل واحد من العوصابة بيبص للتاني و يقوله...."اظبطوا ساعاتكم"

هو حضرتك بتعيش طبعا لحظة تاريخية.....و دي اللحظة في قاموس المغتربين......اللي هي...اخيرا بقي هسمع اغاني وطنية من غير ما اتريق...اخيرا هعرف احب مصر بس لما ابقي براها....اصل ما ينفعشي تتحب و انت جواها ابتا ابتا ابتا

مش عايزة احرق علي حضرتك كل اللحظات التاريخية الجاية ان شاء الله....و ده مش انا اللي بقول...كل مكتوووووووووووب في قاموس الغربة

بص بقي....هو يا ريت اليويمن اللي جايين حضرتك تقعد كده تحت رجلين الوالدة...و تفضل تبوس فيهم و تخليها تدعيلك......عشان حضرتك هتمشي ببركة دعواتها مش بحاجة تانية

و يا سلام لو بعد الدعوات دي تعملك حلتين محشي....و اوعي تاخدك الجلالة و تقول انا اشيل الحاجات دي في المطار.......هعورك....قصدي....هبلغ عنك امن المطار.... يا سيدي الفاضل حلل المحشي....و الطيور.....و الملوخية الناشفة ثروة قومية محدش بيعرف قيمتها غير لما يعيش سنة علي منتجات الفراااااخ من برياني...طازج....و كنتاكي....انا خايفة اخش باسكن روبنز الاقي ايس كريم بنكهة الدجاج....او بالتوابل الهندية

ربنا ييسر لحضرتك الامور

فيه آية قرأنية دايما برددها و خاصة لما خرجت من مصر اول مرة....."و من يهاجر في سبيل الله يجد مراغما كثيرة و سعة"......درب نفسك انك ستجد مراغم (مشاق التي ترغم النفس علي تحملها و استعن بالله" و ان شاء الله ستجد سعة

و اجعل من سفرك...في حد ذاته عبادة

و افتكرنا من صالح الدعاء

و لو صباعين محشي...يبقي كده رضا اوي

فوتك بعافية

[ساره احمد]

اولا ربنا يوفقك وتلاقي كل اللي بتحلم بية انا لما قرات الموضوع دة افتكرت اختى هي برضو ف الكويت من سنتين تقريبا وكانت طايرة من الفرحة لما عرفت انها خلاص ماشىة وسايبة البلد نتيجة الظلم اللي شافتة هنا صحيح احنا بنتظلم اوى هنا بس لما بنسيبها بنفتكر كل لحظة حلوة وبنتمنى ترجع تانى ونبقي وسط اهلنا وبنقول ولا يوم من ايامها بنفتكر كل حاجة كويسة حتى واحنا قاعدين عاطلين وبندور ع شغل لحاد ما طلعت عنينا وبرضو مش لاقيين كل دى هتبقي بالنسبالك ايام وزكرايات حلوة

اهم حاجة تدعيلنا كلنا وانت بتحج وقدام بيت ربنا وبالتوفيق ان شاء الله

[doha]

الف الف مبروك يا كيت كات

والله فرحتلك من كل قلبي

ومتسمعش كلام اللي بيقولولك مصر هتوحشك

اللي هيوحشوك هما اهلك بس

وسبحان الله اللي بيقولولك بكرة تندم يا جميل هما نفسهم برة مصر بالذمة مش حاجة تغيظ

اتكل علي الله وشد الرحال وكلها بلاد ربنا

واللي انت هتعمله اسمه سعي في الارض

لأن بلدك مش عايزاك ولا مرحبة بوجودك ولا مقدراك

ولكل مجتهد نصيب

اطيب امنياتي بالتوفيق في بداية رحلة كفاحك

بالعكس تغيظ ليه .. ده هو ده الشيء الطبيعي ان اي بيقوله بكرا تندم يكون برا عشان يعرف ان الرأي ده متكون عن تجربة مش سماع ولا تكهنات ..

على كل حال مش هتندم ولا حاجه بس مهد لنفسك انك مش هتفضل فرحان وطاير بالسفر اوي كده وده شيء طبيعي فكل حاجه في الدنيا لها مميزات ولها عيوب وكل حاجه كويسه لازم يكون لها ثمن .. كل الي بقوله استعد بس من دلوقت لسداد الثمن .. لا اكثر .. ولا اقل ..

[mekkawy]

طب حد هياخدك من المطار ولا هتعمل ايه ؟

بالله يا شيخ تخليني أجيلك .. نفسي أشوف حد جاي من مصر طازة كدة ... شوف يا باشا أنا اجازة خميس و جمعة و صاااااايع تماماً .. هستناك تكونفيرم

مكاوى .. بيك اب

[se_ Elsyed]

الف الف مبروك يا كيت كات

والله فرحتلك من كل قلبي

ومتسمعش كلام اللي بيقولولك مصر هتوحشك

اللي هيوحشوك هما اهلك بس

وسبحان الله اللي بيقولولك بكرة تندم يا جميل هما نفسهم برة مصر بالذمة مش حاجة تغيظ

اتكل علي الله وشد الرحال وكلها بلاد ربنا

واللي انت هتعمله اسمه سعي في الارض

لأن بلدك مش عايزاك ولا مرحبة بوجودك ولا مقدراك

ولكل مجتهد نصيب

اطيب امنياتي بالتوفيق في بداية رحلة كفاحك

كلام قاسي قوي قوي ...

ولكن في الاخير كل واحد حُر .. يسمع النصيحة .. يرميها في البحر هو حُر ..

لكن أتذكر هنا عشرات الأمثلة اللي كانوا بيدخلوا المنتدى يطلبوا النصيحة قبل السفر .. ولما كنا ننصحهم ونقول له خلي بالك قبل ما تسافر اعمل كذا وكذا وناقش بنود في العقد كذا وكذا ..

كنا بنسمع كلام صريح من عينة " أه .. هو بيقول كده عشان مش عاوز الخير لحد ولا عاوز حد يسافر ويعبي فلوس زيه " ...

وكانت النتيجة الطبيعية لـ 1+1=2 ... هي إنهم أنفسهم رجعوا بعد أسابيع قليلة هنا وقالوا " يا ريتنا سمعنا الكلام "

كلمة أخيرة : اللي فاكر نفسه مسافر الخليج على أساس إنها دول هجرة وهايقطع جذورة بمصر الظالمة واللي فيها قوم جبارين ... وهنا هايلاقيهم منتظرينه في المطار بالورود والرياحين .... يبقى غلطان وهايتصدم بالواقع اللي احياناً بيصاحب ظروف عمل صعبه بدون الخوض في تفاصيل أخرى

لكن ربنا يعين كل من يسعى على رزقه بعقله وقلبه معاً

[mekkawy]

لكن أتذكر هنا عشرات الأمثلة اللي كانوا بيدخلوا المنتدى يطلبوا النصيحة قبل السفر .. ولما كنا ننصحهم ونقول له خلي بالك قبل ما تسافر اعمل كذا وكذا وناقش بنود في العقد كذا وكذا ..

كنا بنسمع كلام صريح من عينة " أه .. هو بيقول كده عشان مش عاوز الخير لحد ولا عاوز حد يسافر ويعبي فلوس زيه " ...

وكانت النتيجة الطبيعية لـ 1+1=2 ... هي إنهم أنفسهم رجعوا بعد أسابيع قليلة هنا وقالوا " يا ريتنا سمعنا الكلام "

لكن ربنا يعين كل من يسعى على رزقه بعقله وقلبه معاً

كلام سليم 100%

و أنا عن نفسي ما نفعنيش قد نصايح الناس هنا و شلت من دماغي فكرة الحسد و حب الذات المزعومة دي .. و بجد بجد ربناي يبارك فيكم نفعتوني نفعتوني نفعتوني

مكاوى ... منتفع bv:-

[ابو محمد بن مصطفي]

اخي كيت كات

وبالتوفيق انشاء الله

دائما تذكر انك مصري

وان مصر فوق الجميع

فعلا الاخلاق اختلفت واتبدلت بس مصر هي مصر

مهما حكمها ظالم او مفتري او عصابة او دكتاطور

اعتزازك بمصريتك ده بداية طريق النجاح

[wnam]

ربنا يعملك اللى فيه الخير

ويعطيك خير السفر ويبعد عنك شره

[اغابي]

أغابي ، عصفورة المنتدي

الله يبارك فيكي ، صور العائلة معايا دايما عالفلاشة وعلي فيسبوكي أشكرك علي انك فكرتيني

انتي ف مصر ولا بره ؟ هو انتي في الكويت ولا انا غلطان ؟

ربنا يسعد قلبك انتي وجوزك وابنك ويكتب لكم الخير في كل خطوة

أخوكي كيتكات bv:-

ميرسي يا كت كات انت زوق كتير

نصيحة البوم الصور عن تجربة بجد - لان اول اجازة نزلتها مصر

لاقيت تيتة اتوفيت من غير ما حتى يبلغونى بموتها وكانت اول صدمة ليا

وكمان اعز صديقتين كانو عندى وهما بنات خالتى - لاقيت الاتنين بالصدفة راحوا امريكا هجرة

ولغاية دلوقتى ما شفتهمش تانى - لينا 10 سنين اهو - لان لما نزلو مصر بعد 5 سنين انا طبعا كنت فى الكويت ومشفناش بعضنا وهكذا مواعيد نزولنا مختلفة ...

وحسيت ان الغربة بعدتنى عن ناس كنت بحبهم كتير فى العيلة -

وعلى فكرة كل مرة انزل يتكرر الموقف من جديد - اما حد مات او سافر او هاجر - ومبقاليش غير البوم صور ملكى وهو داه اللى كنا بنتجمع فيه

وانا مع منال فعلا اهلك حيوحشوك - عيلتك وقرايبك - و داه تمن الغربة يا كت كات

ربنـــا معــاك

اغابي

bv:-

تم تعديل 25 مايو 2010 بواسطة اغابي