أيام قليلة و أغادر مصر إلى السعودية

[عاشق]

صدقني

كل شيئ هيوحشك بمصر

احنا بنقعد نقول ونعيد ده وحش واتخنقت من كذا وكذا

بس لما تسافر هتوحشك كل حاجة بمصر

متصدقش الي يقولك غير كده

خلاص اتعودنا عليها كده وهي كده مش هتتغير

بحلوها بمرها بلدنا ومسرنا رجعين لها

--------------------------------

وحشاني يا bv:- مصــر bv:-

الضحكة واللمة الحلوه مع اهلى وناسي الطيبين

وصوت الكرته والخيل والاسطى أمين

والحارة والست ام بسينه وخنقها تملى مع الست ام حسين

ولعب الضمنه والطوله على القهوة مع الناس الحلوين

وبتاع العسلية والحرنكش ابو قرش وابو قرشين

وعيال المدارس واجراس الكنايس وصوت الاذان

ورنة خلخال الست الخطبة ام دلال

[hebapharm]

فعلا الف مبروك ..ليك كل الحق في فرحتك بصراحه ده اقل من اللازم ..وعندك حق فعلا مصر لم تعد بلدنا ابدا بل هي قمة الغربه ولولا الأهل مابكى احد عليها

وعقبال الحلم الكبير ..لأن الخليج مع كونه افضل من مصر بكتير الا انه اكيد لن يكون الوطن..ولكن هي خطوه تستحق الفرح والتهليل والف الف مبروك

[التونسى]

هييييييه دوووووووونيا .. فكرتنى بالذى مضى

تعليقى : وهل يوجد قول .. أكثر مما قيل ...((مع الاعتذار لعادل امام))

تحياتى للكثير من المداخلات هنا .. والتى ألجمتنى .. وكفيتنى القول .. وعلى رأسها مداخلة الاخت الفاضله سلوى

وفى النهايه اتمنى لك اخى الفاضل كيت كات أن يوفقك الله فيما يحبه ويرضاه .. وتذكر دائما انه هجرتك عن مصر... سواء كانت هجره مؤقته او دائمه . هى هجرة المضطر الذى تعرض للظلم ..حسبما فهمت من كلامك .. وتدخل فى دائرة الجهاد ..واى معاناة او مكابدة ستلاقاها ستثاب عنها خير ثواب

[herohero]

حسستوني ياجاعه ان الراجل رايح نيوزلندا وغربة بجد اولا موضع السفر للخليج لا يعتبر غربة مكانية او زمانية او غربة بشر لانك رايح بلد عربي تقريبا اختلاف فالمظهر فقط لكن انا لا اجد اغتراب ف التعامل مع اي مواطن عربي فنفس الافكار والخلفيات الثقافية تختلف قليلا

بجد الغربة الي تعتبر غربة هي اوروربا وامريكا يعني سيستم مختلف خالص اجازات مختلفه طبيعه بشر مختلفه يعني بجد بتحس باغتراب حقيقي

ولكن اللي اصعب منه غربة الوطن ده بقى حاجه صعبه جدا لما تبقى غريب وسط اهلك وناسك وف بلدك ده بقى شعور لايوصف

بيكون علاجه انك تبعد او تطفش او تهرب المهم تبعد

وبخصوص جرعات الحنيه اللي عمالين تدوها للاخ كيت كات

اديها بقى اغنية الاصدقاء بتاعت الحدود

ابقى شغلها وانت ف الطيارة "قبل مانسيبك وحشتينا يامصر يا امنا "

طبعا هي اغنيه جميلة وعمار الشريعي مبدع وفرقه الاصدقاء كانوا منى عبد الغني وحنان ومش فاكر مين تاني بس كانوا مجموعه ممتازة

بس مصر ساعتها كانت لسه فيها ريحة الاهل كانت مصر ف اوائل الثمانينات يعني مصر الحلوة مش مصر اللي طيور الظلام نهشتها

[عنبو]

ابو محمد بن مصطفي مشاركة بتاريخ اليوم, 10:11 AM

اعتزازك بمصريتك ده بداية طريق النجاح

دى يمكن اهم حاجه لازم تعرفها لانك لو محترمتش بلدك صدقنى عمر ما فيه حد هيحترمك

أسأل الله العظيم رب العرش العظيم ان يوفقك الى ما يحبه ويرضاه

تحياتى عنبو

[pocy]

كل اللى اقدر اقوله اخى الفاضل ربنا يوفقك ويسرلك امورك يارب

يالا بسرعه قول امين

[se_ Elsyed]

حسستوني ياجاعه ان الراجل رايح نيوزلندا

شي الله يا ست ... حد طايل نيوزلندا وحليب أنكور وزبده وجبنه قريش فلاحي

[se_ Elsyed]

هاخلي الموضوع ده مفتوح لحد ما توصل المنفوحه يا كيت كات ..

أو لما تستقر في الصناعية التالته وتدور على سايبر قريب .. لازم تدخل تطمنى ...

[عماد حمدي]

لكن أتذكر هنا عشرات الأمثلة اللي كانوا بيدخلوا المنتدى يطلبوا النصيحة قبل السفر .. ولما كنا ننصحهم ونقول له خلي بالك قبل ما تسافر اعمل كذا وكذا وناقش بنود في العقد كذا وكذا ..

كنا بنسمع كلام صريح من عينة " أه .. هو بيقول كده عشان مش عاوز الخير لحد ولا عاوز حد يسافر ويعبي فلوس زيه " ...

وكانت النتيجة الطبيعية لـ 1+1=2 ... هي إنهم أنفسهم رجعوا بعد أسابيع قليلة هنا وقالوا " يا ريتنا سمعنا الكلام "

وأنا بعترف يا سي السيد أني فعلاً مسمعتش كلامكم بس مقولتش "" هوه بيقول كدة عشان مش عاوز الخير لحد ولا عاوز ... الخ " :P لان دا مش من أخلاقي ولا من تربيتي أقول كدة أبدا ً .. واتعودت ان كل رأي يحتمل الصواب والخطأ ..

بس أنا فعلاً بعترف أني مسمعتش كلام الناس هنا وأخدت بنصايحها .. لان أيامها كانت ظروفي مش تمام .. وطقت في دماغي فكرة السفر دون الأخذ في الإعتبار أي نصيحة ولا حاجة .. وكان كل همي اني أسافر وأخلع برة البلد دي .. وكانت نتيجة تهوري دي جعلتني أقع مع كفيل ربنا ما يوريك ونزلت فعلاً مصر بعد 7 شهور بالظبط وخلال الفترة دي خسران ما لا يقل عن 30 ألف جنية .. ولحد اليوم بجني نتيجة هذا القرار الخاطيء ..

وكل دا سببة التسرع في أخذ القرار .. ومن يومها الناس هنا لو قالت ليا شيء يبقي لازم اقعد أفكر بدل المرة 1000 مرة لأنهم بكل بساطة هما اللي هناك ومجربين وشايفين ..

متجيش تسافر تسأل الناس هنا عن اوضاع السعودية لكن إسال الناس اللي هناك ..

وبجد أنا بنتهز الفرصة الجميلة دي أني بدين بالفضل لله سبحانه وتعالي ثم للمنتدي هنا واخص بالذكر أخونا سي السيد .. وأختنا ضحي وباقي الأعضاء اللي ساهمت وقالتلي نصائح كتير وانا اللي مسمعتش الكلام ..

موضوع بقا مصر هتوحشك ولا لا .. كل اللي هقولوا لية .. مثل شعبي :: متعرفش قيمة أمك غير اما تجرب مرات أبوك ::

خلص الكلام يا كيت كات .. وتبقي تفتكر كلامي دا كويس مصر اللي انته مش طايقها دي .. هتقعد تبكي علشان صباع محشي من ايد والدتك ولا قاعده حلوه مع أصحابك و ولا قاعده صداقة مع والدك ربنا يخليهولك وحاجات كتير ..

الملخص انك هتفتكر لمصر كل الحلو وهتنسي كل حاجة وحشة علمتها في حقك وحقنا وحق كل الشباب اللي اتبهدل واتمرمط ...

هتحس فعلاًَ بمعني كلمة آمان وانك تبقي نايم في غربتك عينيك في وسط راسك ..

هتحس بمعني كلمة صداقة فأصدقاء بلدك لا يكن بأي حال من الأحوال انك تعوضهم ..

وخدها نصيحة مني .. لا تثق بأي مخلوق في الغربة .. لا تثق بأي مخلوق في الغربة .. لا تثق بأي مخلوق في الغربة

بتمني لك التوفيق من كل قلبي انته اخ غالي عندي وانته عارف كدة

ومتنسناااااااااااااااااااااااااااش وتبقي تطمنا عليك

وإدعيلي أحصلك قريب :P

:P :P

عماد

تم تعديل 25 مايو 2010 بواسطة omda2006

[hazemtara]

الف الف مبروك يا كيت كات

والله فرحتلك من كل قلبي

ومتسمعش كلام اللي بيقولولك مصر هتوحشك

اللي هيوحشوك هما اهلك بس

وسبحان الله اللي بيقولولك بكرة تندم يا جميل هما نفسهم برة مصر بالذمة مش حاجة تغيظ

اتكل علي الله وشد الرحال وكلها بلاد ربنا

واللي انت هتعمله اسمه سعي في الارض

لأن بلدك مش عايزاك ولا مرحبة بوجودك ولا مقدراك

ولكل مجتهد نصيب

اطيب امنياتي بالتوفيق في بداية رحلة كفاحك

كلام قاسي قوي قوي ...

ولكن في الاخير كل واحد حُر .. يسمع النصيحة .. يرميها في البحر هو حُر ..

لكن أتذكر هنا عشرات الأمثلة اللي كانوا بيدخلوا المنتدى يطلبوا النصيحة قبل السفر .. ولما كنا ننصحهم ونقول له خلي بالك قبل ما تسافر اعمل كذا وكذا وناقش بنود في العقد كذا وكذا ..

كنا بنسمع كلام صريح من عينة " أه .. هو بيقول كده عشان مش عاوز الخير لحد ولا عاوز حد يسافر ويعبي فلوس زيه " ...

وكانت النتيجة الطبيعية لـ 1+1=2 ... هي إنهم أنفسهم رجعوا بعد أسابيع قليلة هنا وقالوا " يا ريتنا سمعنا الكلام "

كلمة أخيرة : اللي فاكر نفسه مسافر الخليج على أساس إنها دول هجرة وهايقطع جذورة بمصر الظالمة واللي فيها قوم جبارين ... وهنا هايلاقيهم منتظرينه في المطار بالورود والرياحين .... يبقى غلطان وهايتصدم بالواقع اللي احياناً بيصاحب ظروف عمل صعبه بدون الخوض في تفاصيل أخرى

لكن ربنا يعين كل من يسعى على رزقه بعقله وقلبه معاً

كلام سى السيد كلام راجل عاقل ومجرب وفاهم.

للأسف لما شوفت عُنوان التوبك عزت علىًَ نفسى وكذلك بلدى الغالية مصر.

رغم ما فى مصر من مساوئ وبلاوى وفقر إلا أنك بين ناسك وأهلك.

فى الخليج حضرتك بتحل مُشكلة واحدة فقط وهى الفلوس وبتخسر كل شيئ من الترابط والتواصل مع أهلك وأسرتك وأصحابك وحبايبك &إفتقاد الشعور بالأمان لأن فى الخليج الكفيل ممكن يشوطك فى أى لحظة برة البلد & لو لا قدر الله الواحد تعب ومرض مرض شديد فى الخليج أو إحتاج عملية خطيرة وكبيرة ،،مين راح يقف معاك هنا ،،تعرف تتسند على مين هنا؟؟؟؟!!!!

لو وقعت فى مشكلة هنا ووصلت الأمور للشرطة هنا مين راح يدافع عنك أو يُساعك؟؟؟؟؟

لو كفيلك كان رخم وزبالة ولم يعطيك حقك وطردك برة البلد أو لبسك تهمة ،،مين يساعدك هنا؟؟؟؟؟

على كل حال مُوفق إن شاء الله

أن شيل لك شوال مش محتاجة علشن تلم فية الفلوس & وأعرف محل بيعمل زكايب فى الرياض تلم فيها الفلوس على مزاجك :P :P .

[Morial]

الف الف مبروك يا كيت كات

والله فرحتلك من كل قلبي

ومتسمعش كلام اللي بيقولولك مصر هتوحشك

اللي هيوحشوك هما اهلك بس

وسبحان الله اللي بيقولولك بكرة تندم يا جميل هما نفسهم برة مصر بالذمة مش حاجة تغيظ

اتكل علي الله وشد الرحال وكلها بلاد ربنا

واللي انت هتعمله اسمه سعي في الارض

لأن بلدك مش عايزاك ولا مرحبة بوجودك ولا مقدراك

ولكل مجتهد نصيب

اطيب امنياتي بالتوفيق في بداية رحلة كفاحك

كلام قاسي قوي قوي ...

ولكن في الاخير كل واحد حُر .. يسمع النصيحة .. يرميها في البحر هو حُر ..

لكن أتذكر هنا عشرات الأمثلة اللي كانوا بيدخلوا المنتدى يطلبوا النصيحة قبل السفر .. ولما كنا ننصحهم ونقول له خلي بالك قبل ما تسافر اعمل كذا وكذا وناقش بنود في العقد كذا وكذا ..

كنا بنسمع كلام صريح من عينة " أه .. هو بيقول كده عشان مش عاوز الخير لحد ولا عاوز حد يسافر ويعبي فلوس زيه " ...

وكانت النتيجة الطبيعية لـ 1+1=2 ... هي إنهم أنفسهم رجعوا بعد أسابيع قليلة هنا وقالوا " يا ريتنا سمعنا الكلام "

كلمة أخيرة : اللي فاكر نفسه مسافر الخليج على أساس إنها دول هجرة وهايقطع جذورة بمصر الظالمة واللي فيها قوم جبارين ... وهنا هايلاقيهم منتظرينه في المطار بالورود والرياحين .... يبقى غلطان وهايتصدم بالواقع اللي احياناً بيصاحب ظروف عمل صعبه بدون الخوض في تفاصيل أخرى

لكن ربنا يعين كل من يسعى على رزقه بعقله وقلبه معاً

كلام سى السيد كلام راجل عاقل ومجرب وفاهم.

للأسف لما شوفت عُنوان التوبك عزت علىًَ نفسى وكذلك بلدى الغالية مصر.

رغم ما فى مصر من مساوئ وبلاوى وفقر إلا أنك بين ناسك وأهلك.

فى الخليج حضرتك بتحل مُشكلة واحدة فقط وهى الفلوس وبتخسر كل شيئ من الترابط والتواصل مع أهلك وأسرتك وأصحابك وحبايبك &إفتقاد الشعور بالأمان لأن فى الخليج الكفيل ممكن يشوطك فى أى لحظة برة البلد & لو لا قدر الله الواحد تعب ومرض مرض شديد فى الخليج أو إحتاج عملية خطيرة وكبيرة ،،مين راح يقف معاك هنا ،،تعرف تتسند على مين هنا؟؟؟؟!!!!

لو وقعت فى مشكلة هنا ووصلت الأمور للشرطة هنا مين راح يدافع عنك أو يُساعك؟؟؟؟؟

لو كفيلك كان رخم وزبالة ولم يعطيك حقك وطردك برة البلد أو لبسك تهمة ،،مين يساعدك هنا؟؟؟؟؟

على كل حال مُوفق إن شاء الله

أن شيل لك شوال مش محتاجة علشن تلم فية الفلوس & وأعرف محل بيعمل زكايب فى الرياض تلم فيها الفلوس على مزاجك :wub: wst:: .

كلام جميل ما اقدرش اقول حاجة عنه

لكن الله يرضي عليكم

ممكن حد يجاوبني علي سؤال واحد

لما السفر والعمل بره مصر مأسااااااااااااااة

وحاجة تقطع القلب كدة

ولا تطاق ولا تحتمل

طيب قاعدين عندكم بتعملوا ايه ?

ما في أيدكم ترجعوا لحلل المحشي ولمة الاصحاب وقاعدة القهوة

أنتم ليه محسسني انكم مربوطين هناك بسلاسل

او لا قدر الله عليكم حكم واجب النفاذ

ببساطة أرجعوا

بس عشان الكلام يبقي منطقي

انا مش بتكلم عن انكم تنصحوا غيركم وتفيدوه من خلال تجاربكم

فيما يخص بنود العقد وكل ما هو في صالحة

الكلام ده لا غبار عليه

لكن اللي يطلع يقول الغربة بشكل مطلق سيئة وبهدلة وحاجة كدة ذي الجحيم

وهو ذات نفسه عايش بره مصر بمزاجه

عمري ما هصدقه

واكيد هطرشأ وانا بقرأ مداخلته wst::

تم تعديل 25 مايو 2010 بواسطة Morial

[hOuSsAm]

اظن ان كت كات يكون وصل بقاله 4 ايام ولا حس ولا خبر

يا جماعة الرياض روحوا دوروا عالجدع يمكن يكون تاه ولا حد خطفه

حد بس يطمنا عليه

يا سين سين ................. مكااااااااااااااااااااوى .............. فتفوتة ................. سارمار ...........ياااااااااااااا................

اى حد يشوف الجدع فين

مبسوط ولا سعيد .................. حزين ولا زعلان ............. يكونش الجدع اتصدم وقالك يا فكيك

ربنا يجيبك بالسلامة يا كت كات وتكون بخير ويطمنا عليك

[عماد حمدي]

كلام جميل ما اقدرش اقول حاجة عنه

لكن الله يرضي عليكم

ممكن حد يجاوبني علي سؤال واحد

لما السفر والعمل بره مصر مأسااااااااااااااة

وحاجة تقطع القلب كدة

ولا تطاق ولا تحتمل

طيب قاعدين عندكم بتعملوا ايه ?

ما في أيدكم ترجعوا لحلل المحشي ولمة الاصحاب وقاعدة القهوة

أنتم ليه محسسني انكم مربوطين هناك بسلاسل

او لا قدر الله عليكم حكم واجب النفاذ

ببساطة أرجعوا

بس عشان الكلام يبقي منطقي

انا مش بتكلم عن انكم تنصحوا غيركم وتفيدوه من خلال تجاربكم

فيما يخص بنود العقد وكل ما هو في صالحة

الكلام ده لا غبار عليه

لكن اللي يطلع يقول الغربة بشكل مطلق سيئة وبهدلة وحاجة كدة ذي الجحيم

وهو ذات نفسه عايش بره مصر بمزاجه

عمري ما هصدقه

واكيد هطرشأ وانا بقرأ مداخلته wst::

السبب بسيط جدا ً وهو :

ع الأقل البهدلة والمرمطة برة مصر ليها مقابل مادي ... اما البهدل والمرمطة في مصر فليس لها أي مقابل

طالما هنا متبهدل وهناك متبهدل يبقي اشوف هكسب فين ومنين .. والإجابة السفر برة مصر ..

سبب تاني :-

فية ناس كتير جدا ً مبسوطة في الغربة وإحتياجتهم مش للفلوس بس أنما عيشة حلوة وحياه كريمة

بس ردا ً علي تساؤلل اللي طرحته فهقول الإجابة تاني ... في مصر بنشتغل ويطلع عينا من غير مقابل .. في الخليج نشتغل ويطلع عينا وفيه مقابل

شكرا ً

[ساره احمد]

السبب بسيط جدا ً وهو :

ع الأقل البهدلة والمرمطة برة مصر ليها مقابل مادي ... اما البهدل والمرمطة في مصر فليس لها أي مقابل

طالما هنا متبهدل وهناك متبهدل يبقي اشوف هكسب فين ومنين .. والإجابة السفر برة مصر ..

سبب تاني :-

فية ناس كتير جدا ً مبسوطة في الغربة وإحتياجتهم مش للفلوس بس أنما عيشة حلوة وحياه كريمة

بس ردا ً علي تساؤلل اللي طرحته فهقول الإجابة تاني ... في مصر بنشتغل ويطلع عينا من غير مقابل .. في الخليج نشتغل ويطلع عينا وفيه مقابل

شكرا ً

مع احترامى ليك بس بهدلة عن بهدلة تفرق وانت تفتكر ان ف الغربة اللي انت بتتكلم عنها هيديلك حقك؟ تبقي غلطااااااااااااااااااااااااااااااان المصرى هيشتغل بربع مرتب الخليجى دة وبطاقة تفوق اربعة مش واحد كمان مااهم لازم يريحوة ويدلعوة علي قفا المصري مع اننا متعلمين احسن من اي حد وتعبنا اوى ف تعليمنا وهما لومش محتاجين المصريين دول عمرهم ماهيطلبوهم وماشاء الله المصريين معظمهم تعليم جامعي

[لولا]

ربنا يوفقك ويكتبلك الخير فيما اخترت .

قد لا تشعر الآن بما ستفتقده لكن اجمل مافى التجربة انك ستعرف انك ستفتقد الكثير جدا

وان التفاصيل الصغيرة التى كنت تحياها كل يوم دون ان تتوقف عندها لحظة ستصبح بعد حين حنين كوخز الإبر.

رغم ذلك اشجع جدا ان يخوض الإنسان فى حياته كل التجارب الممكنه.. ان يتطلع بشبق للمجهول ويتجهز دوما لطريق قادم

وان لا يعبر حتى يعرف كل ما يمكنه معرفته ..

المعرفه حياة .. والحياة فكرة .. والفكرة تحتاج دوما لمن ينصرها .. ونحن من نتحمل نصرة مانؤمن به .

تمنياتى بالتوفيق .

لولا

[kitkat]

يا جماعة سامحوني اتأخرت عليكم

إستكمالا للمسرحية الهزلية التي نحياها في مصر والتي يندي لها الجبين ولا يصدقها عاقل

رحت اخد تصريح العمل ولقيت قال ايه عليا حكم ، هو فيه ضحكة ماينفعش أضحكها بحكم اني راجل مش رقاصة ممكن حد يضحكها نيابة عني ؟!

واحد اسمه الثلاثي مطابق لاسمي الثلاثي قوم ايه بقا ؟ يبقي أكيد انا مش انا الي مسافر بره مصر ؟ ههههههههههههههههههههههههههههه

ياعم الحاج هاتلي اسم رباعي ولا خماسي طيب ازاي انا عملت فيش وتشبيه طيب هاتلي تاريخ ميلاده طيب محل الاقامة مختلف طيب انا باجدد كارنيه نقابة المهندسين كل سنة ولازم بيتأكدوا ان مش عليا أحكام والحكم الي انت بتدعي انه يخصني ده من سنة 2005

أبداااااااااا الا والغباوة والتناحة اشتغلت مع بتاع المباحث هههههههههههههههههههههههههه

المهم علشان انا مش باحب الدكاترة وادوية الضغط ;)

lovelyramy

أخويا رامي ربنا يهدي الكفيل بتاعك ويهدي أهل السعودية عموما لان فكرة الكفيل دي من أيام حتشبسوت

ربنا معاك وتنهي عقدك علي خير ويرزقك بالسفر لمكان أفضل مع ناس أحسن :roseop

Morial

الله يبارك فيكي والله كلامك صح الصح

الي ليا في مصر أهلي و5-6 أصدقاء مقربين ودمتم ! وفعلا حاجة غريبة جدا الناس الي بره وبتقلي هاتندم وبتاع انا بانصحهم يرجعوا مصر علي أول طيارة

بس بعيدا عن السامعين : كل الي اعرفهم رجعوا مصر بعد سنين غربة اتقهروا وتعبوا جامد :P

فعلا انا باسعي في الارض وكلها أرض الله وان شاء الله ربنا يعوضني عن سنين عمري الي ضاعت ظلما وجورا جوه بلدي وعلي ايدين اولاد بلدي !

بأشكرك شكر خاص واتفضلي واحدة كيتكات من تلاجتي wst::

صافى

الف شكر يا اختي وربنا يكرمك انتي وزوجك وتفرحوا بأولادكم في أعلي المناصب وخديلك 4 كيتكات عالحساب :wub:

herohero

الشغل في مصر ماشي بنظام العصفرة زي مانت عارف

عايز أقلك ان ضياع حقوقنا خارج بلدنا سببه ان حكومتك الموكرة مش عاملالك قيمة ولا حد بيسأل فيك والكلام ده بيسمع جامد بره مصر بينما تلاقي الجنسيات الاخري لها سفارات محترمة بيجيبوا حقوق مواطنيهم !!!!!!!!!!!!!!!

بلا خييييييييييييييييييييييبة

شكرا يا استاذي وربنا معاك انت كمان فاضل 2 كيتكات خدلك واحدة :roseop

لماضة مصرية جدا

أختي الصغننة !

ياتي الفتيحة ! عايزاني اشيل محشي ؟! هههههههههه من عينيا والله بس خلي بالك انا بأساهم مساهمة فعالة في عمايل المحشي وهأستغل أزمة المحشي في الخليج والكيلو ب 100 جنيه : ))

علي فكرة انا قاعد تحت رجلين أمي والي مضايقني انها بتعيط بقا وبتقلي هاتسافر ليه مرتبك كويس والحمد لله مش ناقصك حاجة وعمالة تقلب عليا المواجع : )

ربنا يديها الصحة هي ووالدي ربونا ان الضمير والأخلاق شيء لا يباع ولا يشتري ولا بالملايين وانضرينا كتير والحمد لله ولكن يكفينا رفع راسنا لفوق وعزة النفس والسمعة الطيبة بين جيراننا ومعارفنا

جميلة اوي الأية ربنا يبارك فيكي ويسعد قلبك انتي وجوزك يارب وابقي افتركينا انتي بباسكيناية احسن اخوكي مدمني حلويات وأيس

أشكرك يا لماضماض خدي اخر بار كيتكات wst::

ويعافيكي يا أووووخشي : ))

ساره احمد

أكيد هادعيلك انتي وأختك ربنا يكرمكم ويسعد قلبكم والاسم ده غالي عليا جدااااا : ))

أشكرك علي كلماتك ، خدي الكيتكات من لماضة (وابقي قابليني لو عرفتي) : p

mekkawy

كيكو باشا بجد أحرجتني بكرم أخلاقك ده كله ، لا تقلق ان شاء الله هايستنوني في المطار أصدقائي في الرياض كثر وماستغناش عنك أبدااااااا

ألف شكر يا كبير وربنا يبارك فيك : )

se_ Elsyed

ألف مبروك الماجستير مقدما يا كبير : ) انت بقا الي ترميلي علبة كيتكات علشان مانخسرش بعض :)

ياباشا صدقني فيه ناس كتير بتنصح لوجه الله وفيه ناس نفوسها غريبة المهم الواحد بيفترض حسن النية في الي ادامه لانه مش خسران حاجة لو حط الكلام في ودنه وخاض التجربة بنفسه

كتر ألف خير الجميع أنا مقدر نصائحكم وعلي راسي من فوق وانت خصيصا يا سي السيد مرجع أساسي لكل واحد ناوي يطلع السعودية

أشكرك ::

ابو محمد بن مصطف...

فعلا والله يا أخي الناس مابقتش ناس ! أنا مصري وأبويا مصري وهأفضل طول عمري فخور اني مصري

wnam

شكرا وربنا يختارلك الخير حيث كان : )

اغابي

الله يرحمها ويابخت صاحباتك وعقبالك وعقبالي كده : )

مهما أوصفلك ماسمعته من أصدقائي المقربين عن تقدير العمل والمجتهد ونظام التعليم المحترم هناك مش هأقدر اوفي البلاد دي حقها !

ربنا يقربلك البعيد ويتلم الشمل مع أهلك وحبايبك عن قريب ويوفقك في كل خطوة

أخوكي كيت كات :wub:

عاشق

ماشي يا عاشق شكرا علي ردك

مسيرك انت ترجعلها ماتفولش ف وشي يا أخي ;)

hebapharm

الله يبارك فيكي يا دكتور ، انا ان شاء الله بمجرد قبولي في الجامعة في أمريكا أو انجلترا أيهما أقرب ، تقدري تقولي كده مواطن بينزل مصر سياحة بس (ده لو نزلت)

فعلا احساس الغربة بره البلد وحش اوي وانا جربته ولكن الأمر منه احساس الغربة جوا بلدك وياسلام لو حسيت انك بقيت ضيف وضيف تقيل وفيه أشكال ضالة مش عايزاك عايزين يتمتعوا بخير البلد من غير ماتبقي انت ولا انا فيها !

ان شاء الله تجمعنا الظروف الحلوة بره مصر كأساتذة مساعدين في جامعة لا تصل فيها بنت فلان الفلاني لمنصب معيدة بجيد جدا وفيه غيرها جايبين امتياز واخدوا صابونة :D

التونسى

أخويا وحبيبي التونسي أنا مقدر كلام الاخوة كلهم وكلام يلمس القلب حقيقة ولكن ،،،،،

كما قلت جنابك ، أحتسب أجري وثوابي عند الله كما قال نبينا محمد صلي الله عليه وسلم "والله لولا أن أهلك أخرجوني منك ماخرجت"

ربنا يطمني عليك دايما وتكون خطواتك واحدة تحط خطيئة وواحدة ترفعك درجة ::

herohero

صحيح يا اخي دي السعودية مش جنوب أفريقيا يعني : ))

هاجيب الاغنية دي واسمعها وفعلا مصر بتوحشني اوي حتي وانا جواها لاني مش لاقيها مش عارف راحت فين ؟ حد فاهم حاجة ؟

أشكرك يا باشا علي كلامك الجميل

عنبو

مصر جوه قلبي أنا مش ندل علشان أسب البلد الي خيرها عليا وعلي أصحاب المصالح الشخصية الي اذوني

ربنا يوفقك انت كمان وأسمع عنك كل خير : ) ـخوك كيتكات

pocy

الله يسعد قلبك ويحلي أيامك

شكرا يا بوسي ... أمييييين

se_ Elsyed

شي الله يا زيلاندا ههههههههه عندنا أنكور برده بس مش عارف المستورد مزود عليه ايه علشان الحسد تقريبا : ))

أول سايبر هادخل وأحجز فيفا وأطمنك فورا يا كبير ،، ألف شكر يا كبير : )

[عماد حمدي]

السبب بسيط جدا ً وهو :

ع الأقل البهدلة والمرمطة برة مصر ليها مقابل مادي ... اما البهدل والمرمطة في مصر فليس لها أي مقابل

طالما هنا متبهدل وهناك متبهدل يبقي اشوف هكسب فين ومنين .. والإجابة السفر برة مصر ..

سبب تاني :-

فية ناس كتير جدا ً مبسوطة في الغربة وإحتياجتهم مش للفلوس بس أنما عيشة حلوة وحياه كريمة

بس ردا ً علي تساؤلل اللي طرحته فهقول الإجابة تاني ... في مصر بنشتغل ويطلع عينا من غير مقابل .. في الخليج نشتغل ويطلع عينا وفيه مقابل

شكرا ً

مع احترامى ليك بس بهدلة عن بهدلة تفرق وانت تفتكر ان ف الغربة اللي انت بتتكلم عنها هيديلك حقك؟ تبقي غلطااااااااااااااااااااااااااااااان المصرى هيشتغل بربع مرتب الخليجى دة وبطاقة تفوق اربعة مش واحد كمان مااهم لازم يريحوة ويدلعوة علي قفا المصري مع اننا متعلمين احسن من اي حد وتعبنا اوى ف تعليمنا وهما لومش محتاجين المصريين دول عمرهم ماهيطلبوهم وماشاء الله المصريين معظمهم تعليم جامعي

خلينا نكون واقعيين يا سارة .. المحاسب مثلا ً اللي لسة متخرج

لو دور علي شغل لو إتشقلب كدا مش هيلاقي أكتر من 350 جنية وهيطلع عينه وشغل طحن 12 ساعة ..

المبلغ دا يدوب مواصلاته وسجايرة لو بيدخن ..

لو طلع السعودية ع راتب 1500 ريال اللي هوه راتب تعباااااااااااان جدا ً ..

هيصرف متوسط 500 ويحوش 1000 ريال ياعني 1450 جنية

يبقي أنهي أحسن لية بقا بهدلة في مصر ولا بهدلة السعودية .. ؟؟

وبعدين احنا منقارنش راتب المصري براتب الخليجي لكل منهم إعتبارات الخاصة ..

ياعني الكويت مثلا ً المحاسب الكويتي ( المواطن ) كمثال هتلاقيه بياخد مبلغ وقدرة المصري ( الوافد ) بياخد ما يتنساب مع فارق العملة ببلدة ياعني كمثال ياخد 250 او 300 دينار

علشان كدة الهنود بالذات مسيطرين ع وظائف كتير بالخليج لان رواتبهم قليلة جدا ً لكن فارق العملة في بلدهم كبير جدا ريال = 13 روبية !!!

فلا يوجد وجهة مقارنة بين راتب المواطن وراتب الوافد .. حتي ولو كان الأول لا يفقه اي شيء ..

بس بردة البهلدة اللي بتمن أفضل من البهدلة بغير تمن ..

انا معاكم ان الغربة = بهدلة وبعد إجتماعي وووو + فلوس

مصر = بهدلة بردة وقرب إجتماعي ووو + مفيش فلوس

شوفي اية المشترك من فوق وتحت هتلاقي ( البهدلة )

بس الغربة تتميز بفلوس + بعد إجتماعي عن الأهل

ومصر مفيش فلوس + قرب إجتماعي للأهل

وهنا الإختيار حسب بقا كل شخص فية واحد عايز فلوس وواحد عايز يكون بين اهلة وحبايبة ومش مهم عنده الفلوس

تم تعديل 25 مايو 2010 بواسطة omda2006

[myusername]

خلينا نكون واقعيين يا سارة .. المحاسب مثلا ً اللي لسة متخرج

لو دور علي شغل لو إتشقلب كدا مش هيلاقي أكتر من 350 جنية وهيطلع عينه وشغل طحن 12 ساعة ..

المبلغ دا يدوب مواصلاته وسجايرة لو بيدخن ..

انتو بتجيبوا المرتبات دى منين يا جماعة؟ wst::

معلش... بس ده لو اشتغل صبى فى محل فى العتبة... هياخد له الف جنيه عالاقل!!!

انا شغال مطور مواقع part time فى شركة صغيرة (3 ايام فى الاسبوع) ... و باخد الف جنيه..

متوسط المرتبات دلوقتى ارتفع... لان الاسعار ارتفعت. ماتبصوش على المرتبات فى الحكومة او الاماكن التعبانة...

اما عن المرتبات فى الخليج... اكيد طبعا الفارق رهيب جدا بين متوسط المرتبات فى مصر (مهما ارتفعت) و متوسط المرتبات فى الخليج...

تم تعديل 25 مايو 2010 بواسطة myusername

[عماد حمدي]

خلينا نكون واقعيين يا سارة .. المحاسب مثلا ً اللي لسة متخرج

لو دور علي شغل لو إتشقلب كدا مش هيلاقي أكتر من 350 جنية وهيطلع عينه وشغل طحن 12 ساعة ..

المبلغ دا يدوب مواصلاته وسجايرة لو بيدخن ..

انتو بتجيبوا المرتبات دى منين يا جماعة؟ wst::

معلش... بس ده لو اشتغل صبى فى محل فى العتبة... هياخد له الف جنيه عالاقل!!!

انا شغال مطور مواقع part time فى شركة صغيرة (3 ايام فى الاسبوع) ... و باخد الف جنيه..

متوسط المرتبات دلوقتى ارتفع... لان الاسعار ارتفعت. ماتبصوش على المرتبات فى الحكومة او الاماكن التعبانة...

اما عن المرتبات فى الخليج... اكيد طبعا الفارق رهيب جدا بين متوسط المرتبات فى مصر (مهما ارتفعت) و متوسط المرتبات فى الخليج...

يا يوزر .. انا بس بعطي مثال للشغل هنا والشغل في الخليج علشان اوضح اللي انتة قولتة ان الفارق رهيب جدا ً

شكرا ً ع مرورك ,,

[لماضة مصرية جدا]

الف الف مبروك يا كيت كات

والله فرحتلك من كل قلبي

ومتسمعش كلام اللي بيقولولك مصر هتوحشك

اللي هيوحشوك هما اهلك بس

وسبحان الله اللي بيقولولك بكرة تندم يا جميل هما نفسهم برة مصر بالذمة مش حاجة تغيظ

اتكل علي الله وشد الرحال وكلها بلاد ربنا

واللي انت هتعمله اسمه سعي في الارض

لأن بلدك مش عايزاك ولا مرحبة بوجودك ولا مقدراك

ولكل مجتهد نصيب

اطيب امنياتي بالتوفيق في بداية رحلة كفاحك

كلام قاسي قوي قوي ...

ولكن في الاخير كل واحد حُر .. يسمع النصيحة .. يرميها في البحر هو حُر ..

لكن أتذكر هنا عشرات الأمثلة اللي كانوا بيدخلوا المنتدى يطلبوا النصيحة قبل السفر .. ولما كنا ننصحهم ونقول له خلي بالك قبل ما تسافر اعمل كذا وكذا وناقش بنود في العقد كذا وكذا ..

كنا بنسمع كلام صريح من عينة " أه .. هو بيقول كده عشان مش عاوز الخير لحد ولا عاوز حد يسافر ويعبي فلوس زيه " ...

وكانت النتيجة الطبيعية لـ 1+1=2 ... هي إنهم أنفسهم رجعوا بعد أسابيع قليلة هنا وقالوا " يا ريتنا سمعنا الكلام "

كلمة أخيرة : اللي فاكر نفسه مسافر الخليج على أساس إنها دول هجرة وهايقطع جذورة بمصر الظالمة واللي فيها قوم جبارين ... وهنا هايلاقيهم منتظرينه في المطار بالورود والرياحين .... يبقى غلطان وهايتصدم بالواقع اللي احياناً بيصاحب ظروف عمل صعبه بدون الخوض في تفاصيل أخرى

لكن ربنا يعين كل من يسعى على رزقه بعقله وقلبه معاً

كلام سى السيد كلام راجل عاقل ومجرب وفاهم.

للأسف لما شوفت عُنوان التوبك عزت علىًَ نفسى وكذلك بلدى الغالية مصر.

رغم ما فى مصر من مساوئ وبلاوى وفقر إلا أنك بين ناسك وأهلك.

فى الخليج حضرتك بتحل مُشكلة واحدة فقط وهى الفلوس وبتخسر كل شيئ من الترابط والتواصل مع أهلك وأسرتك وأصحابك وحبايبك &إفتقاد الشعور بالأمان لأن فى الخليج الكفيل ممكن يشوطك فى أى لحظة برة البلد & لو لا قدر الله الواحد تعب ومرض مرض شديد فى الخليج أو إحتاج عملية خطيرة وكبيرة ،،مين راح يقف معاك هنا ،،تعرف تتسند على مين هنا؟؟؟؟!!!!

لو وقعت فى مشكلة هنا ووصلت الأمور للشرطة هنا مين راح يدافع عنك أو يُساعك؟؟؟؟؟

لو كفيلك كان رخم وزبالة ولم يعطيك حقك وطردك برة البلد أو لبسك تهمة ،،مين يساعدك هنا؟؟؟؟؟

على كل حال مُوفق إن شاء الله

أن شيل لك شوال مش محتاجة علشن تلم فية الفلوس & وأعرف محل بيعمل زكايب فى الرياض تلم فيها الفلوس على مزاجك :blink: :sad: .

كلام جميل ما اقدرش اقول حاجة عنه

لكن الله يرضي عليكم

ممكن حد يجاوبني علي سؤال واحد

لما السفر والعمل بره مصر مأسااااااااااااااة

وحاجة تقطع القلب كدة

ولا تطاق ولا تحتمل

طيب قاعدين عندكم بتعملوا ايه ?

ما في أيدكم ترجعوا لحلل المحشي ولمة الاصحاب وقاعدة القهوة

أنتم ليه محسسني انكم مربوطين هناك بسلاسلاو لا قدر الله عليكم حكم واجب النفاذ

ببساطة أرجعوا

بس عشان الكلام يبقي منطقي

انا مش بتكلم عن انكم تنصحوا غيركم وتفيدوه من خلال تجاربكم

فيما يخص بنود العقد وكل ما هو في صالحة

الكلام ده لا غبار عليه

لكن اللي يطلع يقول الغربة بشكل مطلق سيئة وبهدلة وحاجة كدة ذي الجحيم

وهو ذات نفسه عايش بره مصر بمزاجه

عمري ما هصدقه

واكيد هطرشأ وانا بقرأ مداخلته :closedeyes: :happy:

السلام عليكم و رحمة الله و بركاته

أختنا الفاضلة مونتريال

هو أنا قريت كل مداخلات اللي فاتوا....و ملقتشي اي حد قال احكام افتراضية عن الغربة بشكل مطلق

بالعكس

انا قريت...حميمية في المداخلات....اوجزت و عبرت عن كتير م اللي بيدور في عقل اي مغترب

حسيت انها مش مداخلات بس عشان نقول لاخونا صاحب التوبيك "مبروك" و لو انها صعبة تتقال و صدقيني صعبة جدا تتقال

بس عشان نقوله الصورة مش كلها هتقدر تشوفها من عندك دلوقتي...و لا هتشوفها في شهر العسل الاول للغربة

و مش معني كده برضه ان اي حد فينا عايز يثنيه عن قراره...بالعكس....هتصاحبه دعواتنا منين ما يكون....لأننا سبقناه

سبقناه......و روحنا هناك....ووقفنا في محطة الترانزيت دي و تاملنا مصر من بره....بعد ما كنا عايشين فيها جوه أوي

حضرتك بتقولي....نرجع....هو احنا مربوطين بسلاسل

السلاسل اللي احنا مربوطين بيها أختي الفاضلة.....مش مع اي وطن بديل....دي ربطانا ب"مصر".....كل ما بنروح في حتة لازم بنقارنها بطيف ذكريات لينا في مصر

حلوة ......مش حلوة.....مش قادرين نتخلص منها.....مش قادرين نحطها في صندوق كده و نقفل عليها و نرمي مفتاحها في البحر

بنشوف حاجات احلي كتير........اه استخدمي كل صفات التفضيل اللي انتي عايزاها......بس برضه بتفضل من غير طعم

زمان كان حد قالي......انا بتعمد اغرق الاكل توابل في البلد البعيد....عشان عايز اكسر طعم الغربة....

ساعتها ضحكت...من الفكرة.....

دلوقتي مبقتشي اضحك...دلوقتي اتعودت علي كل انواع التوابل...بس برضه بلا جدوي

المشكلة قطعا فيا

و هتقوليلي يا بنتي ارجعي...عليكي بايه من وجع القلب

مش عارفة هقولك......عارفة لما تحبي حد.......و انتي عارفة من جواكي انه مليان عيوب.....و عيوب قاتلة اوي

قربه دفا.....دفا أوي

لكن الاقتراب منه أكثر مما ينبغي....احتراق

فبتفضلي انك تبعدي.....عشان تعرفي و تقدري تحبيه زي ما هو

استاذي قبل ما اسافر

قالي يا ريهام

ابعدي......عشان تعرفي تحبيها.....تحبيها زي ما هي

يمكن استاذي و انا في التقينا في لحظة ما... في لحظة اختناق......لحظة يأس....لحظة تيه.....و بدا لينا ان الحل السحري هو الخروج.....فخرجت

بس لما وصلت البلد المرفه جدا......المتحضر جدا......المفتوح علي ذراعيه للعالم جدا

اكتشفت ان حقائبي مليانة بالسلاسل اللي انتي قولتي عليها

سلاسل...تربطني بالمكان البعيد الذي احب جدا جدا جدا

و صدقيني لولا السلاسل دي...كانت ضاعت مني ملامح حاجات كتير في الطريق

و ساعتها كانت خسارتي هتكون مضاعفة

مش عارفة هتقولي عليا رومانسية...و لا خيالية....و لا يا بنتي وفري الكلمتين دول لمناسبة وطنية.....

بس ده احساسي....و افتقادي....لوطني أوي...اوي

و حبيت أقولك عليه

تحياتي

صبااااااااااااااااااااااااااااااااااااحك............و.....ط......ن