اذهب إلى المحتوى
محاورات المصريين

أيام قليلة و أغادر مصر إلى السعودية

kitkat

بواسطة kitkat
في موضوعات شخصية

 مشاركة

Recommended Posts

ساره احمد عضو جديد

ساره احمد

بتاريخ:
بتاريخ:

علبة بحالها عمان؟! لو كنت بعتلي اقل من كدة كنت خربتلك الدنيا هنا :rolleyes: دول يدوبك ييجو حق البؤقين اللي قلتهملك علي العموم حمدلله ع السلامة ربنا يسعدك ويهدى سرك ياكيت كات

sara_88

رابط هذا التعليق
شارك
  • الردود 127
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

president
president

طالما كل واحد حر يقول رأيه . ففى أوقات كتير كل ماشوف تعليقات معينه بفتكر مقولة سيدنا على اطلبوا الخير من بطون شبعت ثم جاعت فان الخير فيها باق ولا تطلبوا الخير من بطون جاعت ثم شبعت فان الشح فيها باق.

kitkat
kitkat

موقف حقيقي وليس رواية لأسامة أنور عكاشة !!!!! حدث هذا الموقف في ميناء احد الدول العربية اذكر اسم الدولة وجنسية البشر الي اتشتموا واكسب معانا 5 كيتكات بمناسبة رمضان ناس وصلت بلدهم بالسلامة

hOuSsAm عضو جديد

hOuSsAm

بتاريخ:
بتاريخ:

حمد لله عالسلامة يا كت كات

اتمنى لك التوفيق والنجاح فى شغلك الجديد

الغريب هيجى من الكويت يعمل عمرة

وميكاوى هيطلع من الرياض

وعنبو وحسام هيطلعوا من جدة

متركب العربية مع ميكاوى وتيجى تعملك عمرة واهو تقابل اخوانك فى المنتدى

متنساش ليك دعوة مستجابة اول متشوف الكعبة (ممكن تقول اللهم اجعلنى مستجاب الدعاء)

وباذن الله هتتبسط اوى فى الرحلة دى :rolleyes:

طول ما املى معايا معايا وفى ايدي سلاح

حافضل اجاهد وامشى وامشى من كفاح لكفاح

طول ما ايدي فى ايدك اقوم واقف واهتف واقول

حيّ حيّ على الفلاح

داري يا داري انا احميك بايمـــــانى

طول ماذراعى معايا ابني واعلي بنياني

حافضل عايش فيها بجهدي واملى ابنيها

انا روحى فداها وفدا اهلى واوطـــــاني

زاحف يا شعبي تمحي الماضي رياحك

عهــدك جوا ف قلبي والبطولة جراحك

أيامنـــــا اللي جاية وارادتنا القويـــــة

تنصرنا يا وطني ويملا الدنيا صباحك

نمشي ونمشي والعزة تعيــــــش ويانا

لأ احنا منرجعش ولاتتراجع فى خطانا

تهتف اراضينا لنا والنصر ينــــادينا

يلا بينا يلا وربــنا معانا

رابط هذا التعليق
شارك
kitkat عضو جديد

kitkat

بتاريخ:
  • كاتب الموضوع
بتاريخ: (معدل)

يا جماعة انا ممنون ممنووووووووووووووووووون لحضراتكم

الرياض جميلة

انا ماقدرش اطلع بره الاستراحة هههههههههههههههه انا مش معايا اقامة لسه يا باشا

ان شاء الله هنتقابل ونتجمع دايما في الخير

شباب الله يهديني واياكم

العيب مش في بلدنا العيب في تغير اخلاقيات الناس في مصر وكله بيستغل ويغش بعضه

المهم علشان نفضها سيرة باعملكم موضوع تاني عن الرحلة

خليكوا معنا سوا سوا سيم سيم ههههههههههههههههه

مش عارف ينفع اكتب رقمي المؤقت هنا ولا ممنوع ؟؟؟

شكرااااااااااااااااااااااا لكم والله يسلمكم من كل شر :happy: :happy: :blink: :wub: :roseop:

تم تعديل بواسطة kitkat

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
صافى عضو جديد

صافى

بتاريخ:
بتاريخ:

حمدللة على السلامة وربنا يكرمك وينور لك طريقك واتمنى ان يكون اختيارك موفق وعموما انا سبتلك حق الاربع كتكاتات فى بنك الرياض عشان متعبكش وتيجى تاخدهم من جدة يلا مهى جدة والرياض واحد اللة الموفق :happy: :happy:

عفا اللة عما سلف

رابط هذا التعليق
شارك
hosambob عضو جديد

hosambob

بتاريخ:
بتاريخ:

يا عم ربنا يكرمك

بس ممكن اسألك كام سؤال ؟

انت مسافر الرياض علي وظيفة اية ؟ هتشتغل اية يعني ؟

و التأشيرة بتاعتك مهنتك فيها اية ؟

و راتبك كام ؟

الشركة اللي انت هتشتغل فيها هتديك بدلات كام ؟

بعد كدة قدر اقلك انت هتفضل هنا و تحب الغربة و لا هترجع مصر و تقول اللي خرج من داره اتقل مقداره ؟

و ربنا يوفقك و يوفقنا كلنا و يسهل علينا ايام الغربة ( النفي الأختياري ) عن الأهل و الأصحاب و المة الحلوة .... الخ

و بعد شهر أو شهرين عاوزك ترد عليه و تقلي رأيك اية في السفر و في الغربة يا كيت كات

ربنا يوفقك و اتمني نبقي اصحاب

انا علي فكرة مقيم في مكة -- سكرتير بشركة مقاولات

مع تحياتي و تمنياتي لك بالتوفيق

رابط هذا التعليق
شارك
kitkat عضو جديد

kitkat

بتاريخ:
  • كاتب الموضوع
بتاريخ:
غريب هذا المنحى الذى جنح اليه موضوع اخ فاضل طرحه ببساطه وصدق وشاركنا لحظات مهمه من حياته وحتما كان ينتظر منا كلمات صادقه

ودعوات تُعينه على طريق قادم وتتمنى له كل خير .

الحقيقه لا اعرف ما سيكون احساس الفاضل "كيت كات " عندما يعود ليجد موضوعه قد تحول لهذا المنحى فى ساحه موضوعات شخصيه .

واتمنى ان يكون الفاضل كيت كات قد وصل بالسلامه ودعواتنا بالتوفيق ان شاء الله .

لولا

لولا ، ده فعلا كان هدفي من طرح الموضوع ولكن احساسي بعد مارجعت ولقيته كده : عادي يعني كنت اتمني النقاش يكون متحضر شوية لكن تغيير منحني الموضوع مابقاش يأثر فيا :roseop: اتعودت عليه خلاص مش بأزعل من الحاجات دي

أشكرك اختي العزيزة علي دعواتك وأمنياتك الجميلة لي وادعي لمصر كمان ربنا يصلح حالها

انا دايما كان رأيي أن اللي بيحب حاجة أوي هو اكتر واحد بيكون شايف ومدرك لعيوبها

وعامل زووم علي العيوب دي

ولديه غيره من ان يكون هناك ما هو افضل منها

ودايما اللي بيصارح نفسه بعيوبه هو الاسرع والاكثر حرصا علي معالجة هذه العيوب

كلام صحيح يا موريال

الي عايش ومش فارق معاه ده حد من 2 :

اما انه مبسوط بالي بيحصل ومستفيد منه

واما انه لا يملك الذكاء والعقلية الناضجة كفاية لان يدرك مايحدث من حوله !!!

وال 2 أسوأ من بعض !!!

علي فكرة من ال side effects للذكاء ان يصاب الانسان بالاكتئاب وذلك لشدة ادراكه لكل ما يحدث حوله

أهم شيء أن يكون النقد نابع من احساس بالغيرة كما ذكرتي حضرتك

يعني مثلا لما وصلت الرياض حسيت بالغيرة لان الشوارع هنا نظيفة والبالوعات مستوية مع الشارع بينما في بلدي البالوعات اما انها مسروقة ومش موجودة في مكانها او انها ظاهرة وبارزة علشان تقطم شاسيه السيارة ولو فيه ست حامل بين الركاب تسقط هي كمان بالمرة :o

مهزلة والله

يا عم ربنا يكرمك

بس ممكن اسألك كام سؤال ؟

ربنا يوفقك و اتمني نبقي اصحاب

الله يوفقك ويكرمك واحنا بقينا اصحاب فعلا

بس انت وكيل نيابة ولا ايه ؟ كل دي أسألة ؟ :happy:

الاخوة الأفاضل : أبو ريم وحسام ومكاوي وفتافت وصافي وسارة وسي السيد ووووووووو

أنا بأشكركم مرة تانية وتالتة علي مساندتكم ولو من خلال الرد في الموضوع

الاخوة الكرام : ضحي والأخ بتاع شوال الفلوس :

بعد وصولي الرياض أحب أقلكم وأنا مبتسم ومبسوط والحمد لله وشايف غيري كمان مبسوطين:

ولا بلاش

NO COMMENT

:D

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
Mr MAGED عضو جديد

Mr MAGED

بتاريخ:
بتاريخ: (معدل)

أولا ً حمدالله علي السلامة يا كيت ويا رب دايما ً موفق في تجربتك الجديدة

ويا ريت تطمنا عليك دايما

انا خدت نسخة من كل الصور اللي انت صورتها

علي فكرة يا سي السيد .... أنا باحب اكل من علي عربيات الفول اوي

ودايما ً كنت باهرب من ورا مراتي ... واكلها

بس الوقتي بقي البغل ربنا يعمر بيته ( ده أكيد يعرفوه اهل المنصورة والمحلة )

خلانا نستغني عن عربيات الفول .. وناكله من عنده

تحياتي لكل مصري ... لسة بيحب مصر

تم تعديل بواسطة INVESTOR

العقول الكبيرة تبحث عن الأفكار ..

والعقول المتفتحة تناقش الأحداث ...

والعقول الصغيرة تتطفل علي شؤون الناس ....

رابط هذا التعليق
شارك
doha عضو جديد

doha

بتاريخ:
بتاريخ:

الف حمد لله على السلامه ياكيت كات ويارب تفضل روحك المعدنية عاليه كده على طول

كل ماشوف تعليقاتك بجد مش بستغرب ابدا بالعكس هي صادقة جدا وواقعيه غايه ماهنالك لما بقراها اني ببتسم ابتسامه ذات مغزى وابص للي رأيهم من رايي واقول مقولة اعلان سفن اب الشهيرة .. اصله لسه جديد .. فيهز من اوجه له الحديث راسه مبتسما بدوره ..

على فكره محدش قال ابدا ان الرياض وحشه بالعكس هي ـ كمدينة ـ جميلة جدا ومبهرة جدا وفيها اماكن ذات معمار بفارق زمني لايقل عن عشر سنوات ما بينها وبين انظف حته في القاهرة .. دي حقيقة لا ينكرها الا جاحد ..

لكن مش عن كل ده كنا بنكلمك سيدي الفاضل او عن نفسي مكنتش ابدا بقولك هتروح الرياض تنصدم ببلاعات ولا شوارع مغبرة .. كنت بقول فقط ان مصر مش الجحيم الي هتطفيه في جنة السعوديه .. لااكثر ولا اقل ..

عن نفسي وانا بستعد للمغادرة مازلت بحب السعوديه ومازلت بحب الحياه فيها لكني برضه مش شيفاها جنة الله في الارض ولا شيفاها بديل لكل مشاكل مصر .. هي فقط بقعه من العالم حلو انك تكون موجود فيها بس بالتاكيد الاحلى لو قدرت تتواجد في بلدك ولو بميزات اقل من الموجوده خارجها ..

بس سيبك انت انا مش داخله اقولك كل ده .. داخله بس اوصيك تستمتع بشعور المهاجرين الجدد وبروده عصير المراعي وقرمشة التميس البسكوت ولذاذة الشاورما التركي واكيد تبهير الرز والكبسه والمثلوثه .. رجاء حار جرب كل ده الفترة دي وتلذذ بكل لقمه تاكلها اصلا الحاجات دي وهي لسه جديده على الواحد بيبقى لها وقع تاني خالص ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك
kitkat عضو جديد

kitkat

بتاريخ:
  • كاتب الموضوع
بتاريخ:
الف حمد لله على السلامه ياكيت كات ويارب تفضل روحك المعدنية عاليه كده على طول

بس سيبك انت انا مش داخله اقولك كل ده .. داخله بس اوصيك تستمتع بشعور المهاجرين الجدد وبروده عصير المراعي وقرمشة التميس البسكوت ولذاذة الشاورما التركي واكيد تبهير الرز والكبسه والمثلوثه .. رجاء حار جرب كل ده الفترة دي وتلذذ بكل لقمه تاكلها اصلا الحاجات دي وهي لسه جديده على الواحد بيبقى لها وقع تاني خالص ..

الله يسلمك يا أختي الصغننة

علي فكرة انا معاكي السعودية مش جنة الله في الأرض ولا حاجة

صدقيني انا نفسييييييييي ومني عيني اعيش في بلدي طول العمر بس هأقول ايه ، ضغوط ضغوط ضغوط

أمين الشرطة الي دخل معهد الأمناء وهو عارف انه هايطلع ياخد 400 جنيه وبيتخصم عليه يونيفورم كمان

تفتكري حضرتك ليه صمم يدخل المعهد ان لم يكن يعلم انه لو راح المرور ووقف في رمسيس ولا التحرير هايطلع يومية لا تقل عن 300 جنيه !!!!

أحب ألفت نظر حضرتك لحاجة :

الهروب بيكون قبل بداية المواجهة أو أثناء المواجهة مع الظروف الصعبة

انما بعد انتهاء المواجهة وفوز الشر ؟

انا مش باعتبره هروب انا باعتبره ايثار الكرامة بعد مواجهات شرسة مع الفساد

وعلي رأي دكتور صاحبي : الخير بينتصر في أفلام الكارتون بس :happy:

بس انتي نازلة خالص ولا ايه ؟

ربنا يسعدك انتي وجوزك وأولادك :roseop:

سؤال علي جنب ، ايه الحاجات الي ف الاخر دي التميس والمثلوثة دي

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
doha عضو جديد

doha

بتاريخ:
بتاريخ:
بس انتي نازلة خالص ولا ايه ؟

ربنا يسعدك انتي وجوزك وأولادك roseopen.gif

سؤال علي جنب ، ايه الحاجات الي ف الاخر دي التميس والمثلوثة دي

ايوه الحمد لله نازلة خالص

I am Freeeeeeeeeeeeeee

عقبال كل الي نفسهم بعد مايكونوا عملوا الي في نفسهم :roseop:

التميس والمثلوثه والمرقوق والجريش هي احد المسكنات الي ممكن تديلك دفعه قصيره للاستمرار .. حاجه كده تحسسك ان الدنيا حواليك حلوة .. هي صحيح مش هتجيب نتيجه بعد فترة بس ممكن وقتها تكون تأقلمت ولقيت مسكنات تانيه لغايه مايجي لك قرار الافراج او تطلع بنصف المده حسن سير وسلوك زي ماحصل معايا ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك
kitkat عضو جديد

kitkat

بتاريخ:
  • كاتب الموضوع
بتاريخ:
بس انتي نازلة خالص ولا ايه ؟

ايوه الحمد لله نازلة خالص

I am Freeeeeeeeeeeeeee

عقبال كل الي نفسهم بعد مايكونوا عملوا الي في نفسهم smk:

أختي الغالية ضحي ربنا يسعد قلبك انتي واسرتك الجميلة

بس انا برده مش فاهم الحاجات دي زي الممنوعات في مصر ؟ حشيش وبانجو وكده ولا ايه ؟ mfb:

الف مبروك انك نلتي مرادك وربنا يوفقك في وطننا مصر :closedeyes: :blink: :sad:

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
doha عضو جديد

doha

بتاريخ:
بتاريخ:
بس انا برده مش فاهم الحاجات دي زي الممنوعات في مصر ؟ حشيش وبانجو وكده ولا ايه ؟ blink.gif

الف مبروك انك نلتي مرادك وربنا يوفقك في وطننا مصر roseopen.gif roseopen.gif roseopen.gif

هي مش ممنوعات ولا حاجه بس على حد علمي هي مش موجوده في مصر .. يعني زي ماتقول اكلات شعبيه اوي وملهاش سوق في مصر وبما انك مصري وعلى مايبدوا لي مجيتش السعودية قبل كده فاعتقد هتعجبك الاشياء دي لانها هتكون جديده عليك ..

اما عن نيل المراد فهو مش مراد اوي يعني عادي بالنسبة لي لو كنت فضلت هنا وعادي عندي برضه لو رجعت مصر بس فعلا حاسه كأني حصان عمال يعافر من زمان عايش مبسوط مهو اكله وشربه حواليه .. وبالكوم .. بس برغم كل ده .. مخنوق .. وفجأه وبدون قصد اكتشف ان قيده انكسر .. وهو عمال يجري مش مصدق نفسه وخايف في اي لحظه حد ياخذ باله منه ومن هروبه خايف لحد يربطه تاني .. ده انا في اللحظه دي ومش مهم بقى اني ممكن بعد شويه كتير من الجري ابص حوالي واكتشف اني ضليت الطريق او وصلت بجريي لصحرا .. ايا كانت مشاعري لو ده حصل فمش مهمه المهم اني دلوقت فعلا .. طائر يستعد للتحليق بعيدا ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك
kitkat عضو جديد

kitkat

بتاريخ:
  • كاتب الموضوع
بتاريخ:

ربنا يسعدك كمان وكمان انا عارف الاحساس ده كنت حاسه في مطار القاهرة من 5 أيام

اتفضلي شايلك واحدة

a-6a4baacccd.jpgzomup.gif

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
  • بعد 2 شهور...
kitkat عضو جديد

kitkat

بتاريخ:
  • كاتب الموضوع
بتاريخ:

بعد حوالي 3 شهور في السعودية (بره مصر وخلاص) احب اقول رأيي زي ماوعدتكم

علشان الناس هنا بتتضايق من الي بيسأل : أسافر ولا لا

مع اني ماسألتش انا أخدت قرار :)

المهم

النتيجة طبعا اني هاكتفي بالزيارة العائلية 3 أشهر وهأحاول امدها شوية لكن عودة لمصر ده مستحيل

حتي الاجازات مش عايز انزلها

هنا البني ادم بني ادم

ودي مقارنة بسيطة بين البلدين

لما يجيلك عسكري الشرطة يسجلك مخالفة هنا بيعاملك بكل احترام وادب مع انك اجنبي مش من اصحاب البلد

لما يجيلك امين شرطة في مصر يسجلك مخالفة يبقي جاي يشحت منك شحاتة مقنعة يا الا يسجلك مخالفة

لما يحصل حادث مرور بين سيارتين هنا الناس بتنزل تقول سلامات عساك بخير وماحدش بيتحرك لغاية ماتيجي الشرطة وتقدر نسب الضرر

لما يحصل حادث مرور في مصر الناس بتنزل تضرب وتشتم في بعض لغاية ما الشرطة تيجي

لما مطعم هنا يبيعلك طعام لا يصلح تطلع بيه عالبلدية والمطعم ده كده شكرا يا دفع مخالفة 5-10 الاف ريال يا اما الاغلاق التام حسب حجم المخالفة

لما مطعم في مصر يبيعلك طعام فاسد (وهل هناك طعام صحي في مصر؟) عادي كل يا عم انت متدلع كده ليه ؟ زيييييييييييح

لما تروح تخلص ورق من اي مصلحة حكومية هنا الناس بتسهل الموضوع ولو فيه حاجة هاتتم مالكش حق اوي فيها بتتم من غير رشاوي ولا اتاوات وبهدوووووووء

لما تخلص ورق من مصر (انسي يا عمرو) يا الدفع يا الهم ادفع يا معلم

لما تروح مكتب العمل هنا تشتكي مديرك المصري المفتري او كفيلك السعودي بيجيلك حقك طالما انت ماشي في السليم

لما تروح مكتب العمل في مصر تشتكي مديرك المصري المفتري بتوع مكتب العمل بيشربوا الشاي بالياسمين وقضي الامر :)

خلاصة الكلام : طول مانت ماشي قانوني في السعودية (مش شاري فيزا او ضارب اقامة او او ) يبقي هاتعيش مبسوط

طول مانت تمتلك مقومات الاحترام هتلاقي السعودي بيعاملك ببشاشة وسعة صدر

السعوديين شعب هادئ الطباع ومسالم عادة حتي البدو منهم يمكن دماغهم انشف من صعايدة مصر لكن فيهم كرم غير عادي

هنا السعودي بتتفتش سيارته ادامي وانا بيتقالي اتفضل مع اني اجنبي لكن ولا فيه عنصرية ولا خرابيط

العيب الوحيد في هذا البلد هو البنجالية فعلا مشكلة ربنا يحفطنا من شرهم

وجهة نظر يمكن حد يختلف معايا فيها

يمكن حد غيري شاف مشاكل في السعودية

المشكلة الوحيدة التي واجهتها هنا هي مديري المصري

لم ينفذ بنود العقد ومتكبر وعصبي وقبل ماجي كلمني في الهاتف وقالي ماتخفش احنا هنا كلنا مصريين

طبعا انا سمعت كده وقلت ياااااااااااااارب سلم

وقد حدث

المصريين غالبا هنا كويسين مع بعض (طول ماهو مفيش شغل بينهم) لكن لو فيه شغل بينهم بتبقي حرب باردة

ربنا يتولانا برحمته

رمضان كريم

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
mogacomedy عضو جديد

mogacomedy

بتاريخ:
بتاريخ:

انت مسكين اوى واللهى صعبت عليا كمان اكتر لما عرفت انك رايح السعودية ربنا معاك ويقويك بكرة تحلف بمصر وتراب مصر والرياض كمان ربنا معاك انت رايح جهنم ومش حاسس

رابط هذا التعليق
شارك
doha عضو جديد

doha

بتاريخ:
بتاريخ:

السعودية ـ بلدي التاني ـ فيها كل حاجه حلوة ممكن تتخيلها .. الا دي ..

هنا البني ادم بني ادم

كده بس انا عرفت انت ليه متحمس اوي للعيشه في السعوديه .. شكلك كده لسه متعاملتش في موقف حقيقي مع حد سعودي .. لو انحطيت مكنتش قلت العباره دي بالتحديد ...

سيدي الفاضل عيب السعوديه الوحيد برغم طيبة اهلها الشديده وكرمهم ومميزات تانيه كتير الا انهم مش بيعتبروا المصريين بني آدمين من الاساس .. بالظبط زي البنجلاديشي او ( البنقالي ) او الاندونيسية او اي حد تاني ميكونش من حقه يرفع راسه لانه مش سعودي ..

في السعوديه البشر ( ماركات ) بيتصنفوا وفقا لبلد المنشأ وكل ماركه لها اسلوب معين في التعامل معاه وفي الافضلية على الماركات التانيه .. في السعوديه السعودي عمره مابيبيص لك على انك بني آدم زيه وانما ( حاجه ) موجوده في الدنيا بس مش زيه ابدا .. حتى لو كان بيعاملك بقمة الاحترام وحتى لو كان شايلك فوق راسه ظاهريا الا انه من داخله مقنتع قناعه ابدية انك صنف تاني اقل من صنف ( البشر ) الي ( هو ) بينتمي اليه ..

وبمناسبة حديثك عن المرور فاذكر مرة والدي عمل حادث مع سيارة سائقها سوداني.. الاثنين راحواالمرور والسوداني كان متكبر اوي وعمال يشخط وينطر مع ان الخطأ كان عليه .. الظابط حط الخطا على والدي بنسبة حاجه وتسعين في المية .. يعني تقريبا هو المسؤول الاول والاخير .. وبعد ماخلص تقريريه قال لوالدي اقامتك عشان اخذ بياناتها وقال للسوداني ( تبعيتك) او بطاقتك الشخصية يعني .. رد السوداني وقاله لاه معنديش تبعيه انا سوداني معايا اقامه .. وهنا الدنيا انقلبت.. والظابط غير رايه فجأه واكتشف ان الخطأ بنسبة حاجه وتسعين على السوداني الي فعلا كان هو من الاول الغلطان ..

ولا تعليق ..

بلد حلوة ايوه .. امن وامان اكيد مقلناش حاجه .. تعاملت فيها مع اطيب ناس واحسن ناس ده اكيد .. لكن حقوقك فيها وتصنيفك انك ( بني آدم ) زيك زيهم .. للاسف معامله واحده مع واحد سعودي او كلمه يقولها لك هتنسف شعورك ده من اساسه وهتكتشف ان الكمال لله وحده ..

وبكرا هتفتكر كلامي ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك
Leedo عضو جديد

Leedo

بتاريخ:
بتاريخ:

السلام عليكم جميعا طبعا انا مش كتير بدخل على المنتدى لكن قدرا وليس صدفة شفت الموضوع وحبيت اشارك فيه انا عندي وجهة نظر معينة في القصة من بدايتها ، انا شايف ان الشعور اللي كان ملازم لكيت كات طبيعي نتيجة الضغوط اللي بيشوفها والمعاناة اليومية الموجودة وكان فيه بعض الردود القاسية شوية في عدم تقدير النقطة دي.ده اولا

ثانيا بالنسبة لكيت كات نفسه انا عندي نصيحة له بصفتي احد الطيور المتغربة واللي ان شاء الله هترجع عشها الجميل وباكد على كلمة الجميل لان الموضوع نسبي بالضبط زي جمال المرأة ممكن انا اشوف سيدة جميلة وغيري يشوفها غير كده كل واحد بيشوف من جهة معينة ، شوف يا كيت كات طبيعي جدا انك تكون مبسوط وفرحان وكمان انا معاك انك تسافر لو لقيت نفسك مش قادر تاخد فرصتك بشكل عادل ومتساوي وطبعا نت خلاص سافرت يعني تجاوزنا مرحلة انك هتشوف لانك خلاص بتشوف دلوئتي وطبعا بعد فترة بيبدأ كل واحد فينا يسدد اقساط ضريبة الغربة بشكل مختلف لكن لكل شئ تمن فارجو انك تخلي لغربتك تمن وتخطط بشكل جيد لحياتك وما تنساش ان العمر مراحل في مرحلة اعداد اللي هي مرحلة الدراسة ودي انت تجاوزتها بكل نجاحاتها واخفاقاتها وفيه مرحلة تاسيس اللي هي بتكون من بعد الدراسة لحد اوائل التلاتينات وبعدين مرحلة البناء اللي هي بتكون لحد اوائل الاربعينات وبعدين بتبدأ مرحلة الاستقرار والتشطيبات ثم الهدوء والتامل والاستمتاع

فيا ريت تستغل زقتك وتحاول تتحسن في شغلك وحاول تركز في بناء مسار مهني جيد في مهنة معينة ما تخليش الفلوس اول اهتماماتك لانها هتيجي هتيجي باذن الله بمعنى لو عندك اختيارين واحد وظيفة جيدة في شركة محترمة هتاخد خبرة كويسة بس مرتبها قليل وفيه وظيفة تانية في شركة صغيرة بمرتب اعلى الافضل انك تختار الاختيار الاول لانه على المجى المتوسط والبعيد افضل بكتير ويا ريت تكون شغال في التخصص بتاعك او على الاقل لو مش تخصصك تحاول تؤهل نفسك فيه لان قدام شوية عند وقت تسليمك مناصب ادارية هيبدأ موضوع المؤهل الاصلي يظهر

اخيرا عشان حاسس اني رغيت كتير موضوع مصر حبية قلبي واعز البلاد علي انا بشتغل في الكويت من حوالي 12 سنة وخرجت من مصر بعد سنتين من انهاء دراستي بس طبعا مجاليش الاحساس اللي انت حسيت بيه وده طبيعي لان كل واحد مختلف عن االتاني لكن انا هقولك حاجة بسيطة خالص انا شايف ان مصر بلد جميل ورائع ممكن تعيش فيه بكل مشاكله لكن البلد محتاج توفير بعض المستلزمات المادية علشان تحاول تقلل جانب من المعاناة اللي موجودة في مصر والله يكون في عون الناس ، ممكن تقول لي الموضوع مش فلوس وبس صح لكن هنا هتلاقي كل بلد ليها مشاكلها يعني انا مثلا ممكن اسافر كندا لان الموضوع بسيط خالص وفي خلال سنة ممكن اكون اخدت موافقة واجراءاتي ماشية وبتكلفة مش كبيرة نسبيا ولي 5 اصدقاء هناك بس انا مش مستهويني الموضوع بردو لاني مش حابب القصة كلها ومش شايف اني هيجرالي حاجة لو ما رحتش كندا او امريكا او ان اولادي مش هيقدروا يمشوا في طريق تاني غير كده وبردو يمكن عشان عندي بنوتي حبيبتي ده مخليني مش حابب الموضوع لان عشان اقدر احافظ عليهم هيبقى مجهود كبير هو مش مستحيل بس فيه صعوبة كبيرة

انا عايزك تسال نفسك سؤال واحد ليه بنسبة 90%من الناس اللي مسافرة وبتقول ان مصر دي بلد كذا وكذا طبعا من الناحية المظلمة كلهم اول ما بيفكر يشتري ارض او شقة او شالية بيفكر في مصر برغم انه يمكن مش هيرجع يعيش في مصر بشكل دائم عارف ليه لان الاحساس اللي بيحس بيه تجاه البلد دي مش موجود عند اي بلد تاني لان دي بلده اللي مفيش حد هيقول له انت وافد او انت امريكي من اصل مصري الى اخره

الخلاصة انا عايزك تركز في شغلك وزي ما الجميع بيقولك حافظ على كرامتك وحب بلدك

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

ما تزعلش مني يا كيت كات .. من الواضح إن المشكلة عندك إنت مش في مصر ولا في السعودية

والدليل على ذلك موضوعك بتاع " أستودعكم الله "

أستودعكم الله

فجأة من شهر ونص لقينا موضوعك اللي بتودعنا فيه .. رميته وجريت من غير لا تعقيب ولا توضيح ... لا عرفنا إنت بتودعنا عشان سايب مصر ولا سايب السعودية ولا سايب المنتدى ؟.. وكلمتنا عن إشارات المرور وكلية الهندسة والنضافة كله في نفس واحد زي أيس كريم كيت كات اللي بالعسلية أبو خلطه عجيبة ده !!! .. واتحدى إن حد يكون قرا الموضوع وفهم حاجه ..

وبعدين رجعت أمبارح بالسلامة ومش عارفين إنت رجعت منين .... وروحت عامل مداخلة " مشكور " في نفس الموضوع ... واحده تانيه في موضوع فاضل لي 12 يوم و4 ساعات و3 ثواني وأسيب مصر وروحت قايل رأيك الصريح في السعودية بعد 3 شهووووووووور فيها ...

طبعاً أهلاً بك في أي وقت وبيتك ومطرحك وإنت من الشخصيات الظريفة بجد ...

بس يا عم كيت كات الله يرضى عليك ...

ممكن تشوف إن السعودية هي جنة الله في الأرض ... حقك ومش عيب ولا حرام ... لكن مش شرط تقارن كل حاجه أو تهيل الطين على كل حاجه في مصر مقارنةً بالسعودية وتحشرها في كل جُملة في كلامك ..

لما مطعم في مصر يبيعلك طعام فاسد (وهل هناك طعام صحي في مصر؟) عادي كل يا عم انت متدلع كده ليه ؟ زيييييييييييح

أوك

كام مره يا كيت كات طلبت أكل من مطاعم في مصر وجالك فاسد ؟

وإذا لم يكن هناك طعام صحي في مصر ... فما اخبار الوالد والوالدة واخواتك وقرايبك وقرايبناوإنت شخصياً ياللي لسه سايب مصر من 3 شهور فقط ... هل جميع هؤلاء لقوا مصرعهم متسممين بالطعام الفاسد وغير الصحي بمصر ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
hOuSsAm عضو جديد

hOuSsAm

بتاريخ:
بتاريخ:
سيدي الفاضل عيب السعوديه الوحيد برغم طيبة اهلها الشديده وكرمهم ومميزات تانيه كتير الا انهم مش بيعتبروا المصريين بني آدمين من الاساس .. بالظبط زي البنجلاديشي او ( البنقالي ) او الاندونيسية او اي حد تاني ميكونش من حقه يرفع راسه لانه مش سعودي ..

بلاش نعمم يمكن فيه نسبة لكن اظن مش النسبة الغالبة

الحمد لله بقالى هنا اكتر من سنتين ومحصليش الموقف ده مع ولاحد من جدة ولا الرياض ......... فالتعميم مش كويس عشان الناس مياخدوش انطباع وحش عن البلد وبالذات الجايين جداد

وبمناسبة حديثك عن المرور فاذكر مرة والدي عمل حادث مع سيارة سائقها سوداني.. الاثنين راحواالمرور والسوداني كان متكبر اوي وعمال يشخط وينطر مع ان الخطأ كان عليه .. الظابط حط الخطا على والدي بنسبة حاجه وتسعين في المية .. يعني تقريبا هو المسؤول الاول والاخير .. وبعد ماخلص تقريريه قال لوالدي اقامتك عشان اخذ بياناتها وقال للسوداني ( تبعيتك) او بطاقتك الشخصية يعني .. رد السوداني وقاله لاه معنديش تبعيه انا سوداني معايا اقامه .. وهنا الدنيا انقلبت.. والظابط غير رايه فجأه واكتشف ان الخطأ بنسبة حاجه وتسعين على السوداني الي فعلا كان هو من الاول الغلطان ..

بردوا مش هينفع نعمم لانى رمضان اللى فات عملت حادثة انا وصديق لى وعربيتنا اتقدرت total loss وكان الطرف التانى شرطى سعودى ومن اهل مكة

اتحملت 100% عليه........ واللى حملها زملاته فى الشغل لانه بصراحة كان غلطان وده تقديرهم ودفع المبلغ كله بعدها بيوم او اتنين لان العربية مكنش ينفع تتصلح

وجه لصديقى واعتذرله

فبردوا التعميم مش كويس

وحاول تركز في بناء مسار مهني جيد في مهنة معينة ما تخليش الفلوس اول اهتماماتك لانها هتيجي هتيجي باذن الله

الاخ ليدو بجد ارفعلك القبعة عالكلمة دى .......... جامدة جدا حتى انا سعات بعلقها شعار فى اوضتى وكل يوم اصبح وامسى عليها

-----------------------

على جنب بقى

كت كات انت غيرت رقمك ولا ايه..... ياريت تبعتلى رقمك فى رسالة

تحياتى

طول ما املى معايا معايا وفى ايدي سلاح

حافضل اجاهد وامشى وامشى من كفاح لكفاح

طول ما ايدي فى ايدك اقوم واقف واهتف واقول

حيّ حيّ على الفلاح

داري يا داري انا احميك بايمـــــانى

طول ماذراعى معايا ابني واعلي بنياني

حافضل عايش فيها بجهدي واملى ابنيها

انا روحى فداها وفدا اهلى واوطـــــاني

زاحف يا شعبي تمحي الماضي رياحك

عهــدك جوا ف قلبي والبطولة جراحك

أيامنـــــا اللي جاية وارادتنا القويـــــة

تنصرنا يا وطني ويملا الدنيا صباحك

نمشي ونمشي والعزة تعيــــــش ويانا

لأ احنا منرجعش ولاتتراجع فى خطانا

تهتف اراضينا لنا والنصر ينــــادينا

يلا بينا يلا وربــنا معانا

رابط هذا التعليق
شارك
عنبو عضو جديد

عنبو

بتاريخ:
بتاريخ:
سيدي الفاضل عيب السعوديه الوحيد برغم طيبة اهلها الشديده وكرمهم ومميزات تانيه كتير الا انهم مش بيعتبروا المصريين بني آدمين من الاساس .. بالظبط زي البنجلاديشي او ( البنقالي ) او الاندونيسية او اي حد تاني ميكونش من حقه يرفع راسه لانه مش سعودي ..

بلاش نعمم يمكن فيه نسبة لكن اظن مش النسبة الغالبة

الحمد لله بقالى هنا اكتر من سنتين ومحصليش الموقف ده مع ولاحد من جدة ولا الرياض ......... فالتعميم مش كويس عشان الناس مياخدوش انطباع وحش عن البلد وبالذات الجايين جداد

انطباع وحش ايه بس يا راجل يا طيب ؟

العنصريه شىء موجود فى السعوديه ويثاب عليها كمان

ولو مش مصدق كلامى كنت تعالى معايا وانا بخلص ورق الحادثه وانت تشوف بيعنك

وبمناسبة حديثك عن المرور فاذكر مرة والدي عمل حادث مع سيارة سائقها سوداني.. الاثنين راحواالمرور والسوداني كان متكبر اوي وعمال يشخط وينطر مع ان الخطأ كان عليه .. الظابط حط الخطا على والدي بنسبة حاجه وتسعين في المية .. يعني تقريبا هو المسؤول الاول والاخير .. وبعد ماخلص تقريريه قال لوالدي اقامتك عشان اخذ بياناتها وقال للسوداني ( تبعيتك) او بطاقتك الشخصية يعني .. رد السوداني وقاله لاه معنديش تبعيه انا سوداني معايا اقامه .. وهنا الدنيا انقلبت.. والظابط غير رايه فجأه واكتشف ان الخطأ بنسبة حاجه وتسعين على السوداني الي فعلا كان هو من الاول الغلطان ..

بردوا مش هينفع نعمم لانى رمضان اللى فات عملت حادثة انا وصديق لى وعربيتنا اتقدرت total loss وكان الطرف التانى شرطى سعودى ومن اهل مكة

اتحملت 100% عليه........ واللى حملها زملاته فى الشغل لانه بصراحة كان غلطان وده تقديرهم ودفع المبلغ كله بعدها بيوم او اتنين لان العربية مكنش ينفع تتصلح

وجه لصديقى واعتذرله

فبردوا التعميم مش كويس

لا يا حسام اللى حصلك انت وصاحبك مش حادثه عاديه ده شروع فى قتل يمكن انت بس مخدتش بالك

لما تبقى ماشى فى طريقك وواحد مجنون يكسر عليك ويخبطك علشان مرضتش تعديه

ده شروع فى قتل يا راجل ياطيب مش حادثه عاديه وأسأل صاحبك وهو يقولك

وفى الاخر احب اقول كلمه

لو عاوز تعيش مبسوط قوى فى السعوديه

خليك بعيد عن المشاكل سواء كنت غلطان او ليك حق لانك فى كلتا الحالتين هتتبهدل

تحياتى

عنبو

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...