أيام قليلة و أغادر مصر إلى السعودية

[hOuSsAm]

لا يا حسام اللى حصلك انت وصاحبك مش حادثه عاديه ده شروع فى قتل يمكن انت بس مخدتش بالك

لما تبقى ماشى فى طريقك وواحد مجنون يكسر عليك ويخبطك علشان مرضتش تعديه

ده شروع فى قتل يا راجل ياطيب مش حادثه عاديه وأسأل صاحبك وهو يقولك

ماشى يباشا شروع فى قتل بس فى النهاية اخدنا حقنا وده اللى بنتكلم عليه........ انك بتاخد حقك مهما كان مين قدامك سعودي ولا افغانى

وكان فى ايدينا اننا نحول القضية لمحكمة ونسجنه ويترفد من شغله كمان........... بس انت طلعت سليم والحمد لله اخدت حقك

انطباع وحش ايه بس يا راجل يا طيب ؟

العنصريه شىء موجود فى السعوديه ويثاب عليها كمان

ولو مش مصدق كلامى كنت تعالى معايا وانا بخلص ورق الحادثه وانت تشوف بيعنك

لو هنتكلم عن مصطلح العنصرية فهو موجود فى كل مكان فى الارض

حتى فى امريكا وكندا فيهم عنصرية واحنا رايحين وعارفين ان فيه عنصرية

حتى لو بلدك مصر وانت راجعها هتلاقى العنصرية بتاخدك بين احضانها (ولا نسيت..........)

من حق قارن بين اجراءات المرور اللى انت عملتها فى السعودية واجراءات المرور لنفس الحادث فى مصر (وابقى افتكر موضوع لو عربيتك اتشدشدت هتاخد حقك ازاى)

فى السعودية يا عنبى اللى انت معترض على مرورها انت اخدت حقك وعربيتك هترجعلك لاما فى صورتها لاما فى صورة تامين......... فى مصر عليك العوض يا معلم ده لو متحبستش

اه مصر احسن بلد فى الدنيا (بس عشان بلدنا) وده مش مبدا للمقارنة مميزات بلد بعيوب بلد تانية لان كل بلد ليها طعمها وليس ظروفها....... بس ده ميدناش الحق اننا نغتاب السعودية فى شعبها وقوانينها واللى ممكن نتخنق منها بعض الوقت او كله .......... كل واحد على حسب ظروفه.

[herohero]

ياجماعه انتوا ليه دخلتوها ف موضوع مقارنات اولا ماينفعشاقارن بلد انتمى اوع الاقل احمل جنسيتها واهلى منها وبلد تانيه

خلينا نتفق ع اننا بنتلكم عن سلبيات ف بلدنانتمنى عدم وجودها بغض النظر عن الدول الاخرى

واان عيشت بل نقول اتولدت ف الكويت واشتغلت ف السعوديه واتعلمت الجامعه ف مصر

محدش يقدر يقول ان الخليج مفيهوش تمييز

بالعكس الخليج قمة التمييز والواحد شاف مواقف كتير بس هقولكم ع شيئ

هنا لو ترعضنا لتمييز بنقدر نواسي نفسنا ونقول اننا مش ف بلدنا

انما ايه رايكم لما تعاني من التمييز وانت ف بلدك ومحدش مخه يروح لبعيد وتقولي تمييز ف مصر ع اساس الدين

لكن التمييز في مصر بالواسطة يعني مثلا لو واحد حاطط حديد ع كتفه اموره هتمشي

وغيره وغيره خلى حادثه تحصلك ف مصر الموقف بيتحدد بالاتي جسمك يعني قوتك الجسمانيه مين اقوى وبعدين هل انت نيابة اوقضاء او شرطة او جيش او بلطجي

اما لو كنت والعياذ بالله مهندس او حته دكتور او حته محاسب او حته شخص معاه حيا الله دكتوراه ومعندكش مجانص وعضلات يبقى خدها من قصيرها

يا جماعة الخير زمان ف مصر من كم سنة ميكروباص طير المرايه بتاعت العربية فوقف وقالي بسيطه فقولت له ماشي طبعا بصيت للموقف الحته كلها بلطجية ومش هسلك معاهم طبعا قولت المراية اخرها 200 جنيه طبعا فوجئت انها ب500 جنيه عند التوكيل و100 تترش باللون

اللي اقصده ان التمييز ف مصر موجود ومشكلته انك بتميز ليس ع اساس الجنس ع اساس النفوذ

اما الخليج فهو بيميز بماركات يعني شوف انت ماركتك ايه وساعتها هتلاقي السعودي يتغير 180 درجه

ولو حد بيكلم ع السعوديين روحوا شوفوا الكوايته يااااااااااااااااااالهوي ع التمييز والغرور

ابسط شيئ ف الكويت بيحطوا ع غطاء الكافر بتاع العربيات 4 x4

كلمة ( كيفي كويتي )

خلونا نتناقش ازاي نعالج السلبيات اللي طفشت كتير مننا ومالناش دعوة بالدول التانيه

احنا يهمنا اننا شغالين فيها وعايشين ومحدش بيجي ع كرامتنا ونحاول نحسن صورة بلدنا اللي الله يكرمهم مشوهينها اشي بالحاجه زهرة ولا مسلسل الحارة

[kitkat]

انت مسكين اوى واللهى صعبت عليا كمان اكتر لما عرفت انك رايح السعودية ربنا معاك ويقويك بكرة تحلف بمصر وتراب مصر والرياض كمان ربنا معاك انت رايح جهنم ومش حاسس

اسمها والله مش واللهي

واللهي دي بتقولها البنات دلع واعتقد انها لا تجوز شرعا

مسكين ليه يا اخي هو انا عامل موضوع طالب مساعدة مالية من جنابك ؟

:)

ان شاء الله الجنة ونعيمها

جهنم ليه يا اخي

وبتقول ليه اني مسكين لا مؤاخذة ؟ انا مبسوط يا اخي :)

انت ماعجبتكش السعودية او ماستريحتش فيها دي حاجة ترجعلك لكن انا الحمد لله شايفها جنة :)

انا حر يا اخي ولا لازم امشي برأيك واعيش تجربتك ولا ايه مش فاهم جنابك عايز توصل لايه ؟

سامحني يعني ف الكلمة انت اصلا من اي بلد في مصر او قرية علشان الرياض مش عاجباك اوي كده ؟

اصل فيه زميل مصري جه من الفلاحين علي الرياض قعد فيها 3 ايام كان عايز ينزل مصر نهائي تعب جدا

كل انسان وفيه مكان مناسب ليه يا استاذ كوميدي

رمضان كريم

السعودية ـ بلدي التاني ـ فيها كل حاجه حلوة ممكن تتخيلها .. الا دي ..

هنا البني ادم بني ادم

كده بس انا عرفت انت ليه متحمس اوي للعيشه في السعوديه .. شكلك كده لسه متعاملتش في موقف حقيقي مع حد سعودي .. لو انحطيت مكنتش قلت العباره دي بالتحديد ...

سيدي الفاضل عيب السعوديه الوحيد برغم طيبة اهلها الشديده وكرمهم ومميزات تانيه كتير الا انهم مش بيعتبروا المصريين بني آدمين من الاساس .. بالظبط زي البنجلاديشي او ( البنقالي ) او الاندونيسية او اي حد تاني ميكونش من حقه يرفع راسه لانه مش سعودي ..

في السعوديه البشر ( ماركات ) بيتصنفوا وفقا لبلد المنشأ وكل ماركه لها اسلوب معين في التعامل معاه وفي الافضلية على الماركات التانيه .. في السعوديه السعودي عمره مابيبيص لك على انك بني آدم زيه وانما ( حاجه ) موجوده في الدنيا بس مش زيه ابدا .. حتى لو كان بيعاملك بقمة الاحترام وحتى لو كان شايلك فوق راسه ظاهريا الا انه من داخله مقنتع قناعه ابدية انك صنف تاني اقل من صنف ( البشر ) الي ( هو ) بينتمي اليه ..

وبمناسبة حديثك عن المرور فاذكر مرة والدي عمل حادث مع سيارة سائقها سوداني.. الاثنين راحواالمرور والسوداني كان متكبر اوي وعمال يشخط وينطر مع ان الخطأ كان عليه .. الظابط حط الخطا على والدي بنسبة حاجه وتسعين في المية .. يعني تقريبا هو المسؤول الاول والاخير .. وبعد ماخلص تقريريه قال لوالدي اقامتك عشان اخذ بياناتها وقال للسوداني ( تبعيتك) او بطاقتك الشخصية يعني .. رد السوداني وقاله لاه معنديش تبعيه انا سوداني معايا اقامه .. وهنا الدنيا انقلبت.. والظابط غير رايه فجأه واكتشف ان الخطأ بنسبة حاجه وتسعين على السوداني الي فعلا كان هو من الاول الغلطان ..

ولا تعليق ..

بلد حلوة ايوه .. امن وامان اكيد مقلناش حاجه .. تعاملت فيها مع اطيب ناس واحسن ناس ده اكيد .. لكن حقوقك فيها وتصنيفك انك ( بني آدم ) زيك زيهم .. للاسف معامله واحده مع واحد سعودي او كلمه يقولها لك هتنسف شعورك ده من اساسه وهتكتشف ان الكمال لله وحده ..

وبكرا هتفتكر كلامي ..

يا اختي الغالية يعلم الله كم احترم ارائك برغم اختلافها التام معايا

لكن والله وقعت في مواقف نصرني فيها السعودي وخذلني المصري

وانا معاكي ان فيه تعالي لكن ده لان السعودية مجتمع قبلي وحتي بينهم وبين بعض بيتفاخروا بالانساب وده جهني وده مش عارف ايه

ودي عادة قديمة جداااااا في المجتمع البدوي

وزي ماقلت لحضرتك قبل كده : كل انسان وله مفتاح للتعامل معاه الا في مصر محتاجة 100 مفتاح

النقاش معاكي فعلا مفيد

بيض الله وجهك :)

ورمضان كريم

السلام عليكم جميعا طبعا انا مش كتير بدخل على المنتدى لكن قدرا وليس صدفة شفت الموضوع وحبيت اشارك فيه انا عندي وجهة نظر معينة في القصة من بدايتها ، انا شايف ان الشعور اللي كان ملازم لكيت كات طبيعي نتيجة الضغوط اللي بيشوفها والمعاناة اليومية الموجودة وكان فيه بعض الردود القاسية شوية في عدم تقديررامتك وحب بلدك

والله يا ليدو انا قريت كلامك كله كلام راجل عاقل ومتزن

اشكرك علي الكلام ده

انا شغال في مجالي بالفعل هندسة انشاءية والحمد لله ماشي الحال تمام ماديا ومعنويا

عايز اقلك اني باحب مصر مش باكرهها ولا باعتبرها جهنم بس انا انسان عملي شويتين مش عاطفي

ربنا يخليلك بنتك وتفرح بيها وهي في الكوشة يا باشا وتشيل ولادها كمان

كلامك فعلا ممتاز زي كلام ابو ريم تمام نقاش مفيد

رمضان كريم عليك :)

ما تزعلش مني يا كيت كات .. من الواضح إن المشكلة عندك إنت مش في مصر ولا في السعودية

والدليل على ذلك موضوعك بتاع " أستودعكم الله "

أستودعكم الله

فجأة من شهر ونص لقينا موضوعك اللي بتودعنا فيه .. رميته وجريت من غير لا تعقيب ولا توضيح ... لا عرفنا إنت بتودعنا عشان سايب مصر ولا سايب السعودية ولا سايب المنتدى ؟.. وكلمتنا عن إشارات المرور وكلية الهندسة والنضافة كله في نفس واحد زي أيس كريم كيت كات اللي بالعسلية أبو خلطه عجيبة ده !!! .. واتحدى إن حد يكون قرا الموضوع وفهم حاجه ..

وبعدين رجعت أمبارح بالسلامة ومش عارفين إنت رجعت منين .... وروحت عامل مداخلة " مشكور " في نفس الموضوع ... واحده تانيه في موضوع فاضل لي 12 يوم و4 ساعات و3 ثواني وأسيب مصر وروحت قايل رأيك الصريح في السعودية بعد 3 شهووووووووور فيها ...

طبعاً أهلاً بك في أي وقت وبيتك ومطرحك وإنت من الشخصيات الظريفة بجد ...

بس يا عم كيت كات الله يرضى عليك ...

ممكن تشوف إن السعودية هي جنة الله في الأرض ... حقك ومش عيب ولا حرام ... لكن مش شرط تقارن كل حاجه أو تهيل الطين على كل حاجه في مصر مقارنةً بالسعودية وتحشرها في كل جُملة في كلامك ..

لما مطعم في مصر يبيعلك طعام فاسد (وهل هناك طعام صحي في مصر؟) عادي كل يا عم انت متدلع كده ليه ؟ زيييييييييييح

أوك

كام مره يا كيت كات طلبت أكل من مطاعم في مصر وجالك فاسد ؟

وإذا لم يكن هناك طعام صحي في مصر ... فما اخبار الوالد والوالدة واخواتك وقرايبك وقرايبناوإنت شخصياً ياللي لسه سايب مصر من 3 شهور فقط ... هل جميع هؤلاء لقوا مصرعهم متسممين بالطعام الفاسد وغير الصحي بمصر ؟

سي السيد انت بتقول ان المشكلة فيا مش ف مصر ولا ف السعودية

هو انا قلت ان فيه مشكلة ف السعودية ؟!!!

وبعدين ايه العلاقة الي بتربط الموضوع (الي مش ذنبي انك مافهمتش اني كنت بالمح فيه للحاجات الي طفشتني من مصر وكنت باودعكم لاني سايب المنتدي ومش داخله تاني) وبين ما اقوله الان ؟؟؟!!!

اخويا الفاضل : من الواضح انك شخص عصبي جدا وكلامك جارح شويتين

وفيه عادة فينا كمصريين تلاقي واحد بيقطعك بسكاكين وبعدين يقلك ماتزعلش مني انا مش عايز اجرحك

يا اخي انصح ولا تفضح انصح ولا تذبح

انا مش باحشر ولا باهيل الطين علي مصر لكن سامحني اصلي مارحتش غير السعودية وباحب اقارن بين الوضع الي طفشت منه وحياتي الجديدة

قلت يمكن اكون غلط لكن طلعت صح 100 %

الحياة في السعودية افضل واكثر ادمية من الحياة في مصر بنسبة الضعف وفي كل المجالات

انا باحترك رايك احترم رايي

زي برده قبل كده باقول علشان انزل مصر مش هوافق براتب اقل من 45 الف جنيه

حسستني اني قلت شتيمة !!!

يا اخي احترم وجهات نظر الناس وعاداتهم وحياتهم

في الفلاحين في مصر الناس بتتجوز وتبني بيوت ب 50-60 الف جنيه

لكن عندنا في القاهرة الوضع مختلف

يمكن انت عايز تدخل ولادك مدارس حكومة او تجريبية في مصر انا مش كده يا اخي

هادخلهم اي جي !!!!

انا حر يا اخي !!!

شوف كلام ليدو و ضحي يا سي السيد شوف وحاول تقلدهم

شوف مختلفين معايا لكن اختلاف مثمر في وجهات النظر مش اختلاف (مخسر)

بالنسبة للطعام الفاسد كتييييييييير تعبوا منه وغسيل معدة ونزلة معوية ومن مطاعم المفروض انها نضيفة

وانا واحد منهم ومن مؤمن افندي المطعم العالمي

ماتعدش

والله يا سي السيد كتبت رد تاني ومسحته

رمضان كريم يا راجل يا طيب

[herohero]

ياباشمهندس كيت كات انت راجل عملي ومع كامل احترامي لاراء الكثير اللي على طول شغالين نقد ليا وف بعض الاحيان شتيمة وكل مشكلتي اني واضح يمكن لان للاسف راجل ديحجيتال يعني اللي نعرفه ف الاتصالات يا 0 او 1 ماعندناش بين البينين

عشان كده كلام العملي بيزعل الناس انا بحب مصر وعشان بحبها بنتقد السلبيات السعودية اوالكويت مجرد مكان صحيح لا انتمي اليه لكن زي ماتقول كده فندق مش من حقي اتملك فيه لكن فندق كويس بالنسبة ليا او ع الاقل قادر اتكيف فيه اما ف مصر كانت بتواجهني مشاكل كثيرة واعترف العيب مني عارف ليه

لان رفضت ادفع رشوة واتعين ف البترول او اني ادفع رشوة واتثبت ف الكهرباء

اللي بقت تقطع ف مصر ع طول سيدي احنا ناس عمليين مصر جميلة بس اللي بيتكلموا دول ليه سابوها

اكيد لانهم برده زي حالاتنا قليلي الحيلة او رافضين دفع رشاوي

انا ع فكرة كل اموري ف مصر بتمشي بعلاقات صحابي واسهل من مصر بس بكره نفسي لاني بضايق لما بلاقي نفسي مش بلتزم باللوائح اعمل ايه صحابي وانا وصلنا لقناعه ان ده النظام

ناس كتير بالنسبة لها غايه المراد ومستمتعه فالحكاية نسبية

اما لما تحب تتكلم بقى عن مستقبل علمي لاولاد وبلد بتخطط فعليك وعلى حبايبنا امريكا كندا استراليا

ده الدول اللي تحس ان لعيالك مستقبل فيها وانت تقدر تطور نفسك علميا اما الخليج فمازلت مصر انه كانك ساكن ف شقق فندقية

كم كنت اتمنى ان مستقبل اولادي يكون ف بلدهم لكن للاسف انا خايف عليهم لان اصلا ابوهم شاف مستقبله مرتبط برشاوي هيرد عليا حد ويقول مصر مش كل اللي ف مراكز كويسة بالكوسه هرد عليه وهقوله الغالبية اما الاستثناء فهو اللي وصل بمجهوده

للاسف ماتشرفتش بحد منهم

عيش يومك ياباشمهندس وياريت بجد كمصريين نحاول نتعلم فن الاختلاف ف الراي

ده فن وعلم لازم ننتقنه عشان نختلف برقي

[عنبو]

حووووووووووووووووووووس

ماشى يباشا شروع فى قتل بس فى النهاية اخدنا حقنا وده اللى بنتكلم عليه........ انك بتاخد حقك مهما كان مين قدامك سعودي ولا افغانى

وكان فى ايدينا اننا نحول القضية لمحكمة ونسجنه ويترفد من شغله كمان........... بس انت طلعت سليم والحمد لله اخدت حقك

يا حسام مينفعش تقف قدام المحيط الاطلنطى وتقول انا اقدر اعبر المحيط ده وبكده نحسب ليك الانجاز العظيم ده لازم تعبر الاول

المحيط علشان يتحسب ليك انجاز غير كده مينفعش يارب تكون فهمت قصدى

وبعدين انت شايف لما عربيتك تتصلح يبقى انت كده اخدت حقك !!!!!!!!!!!!!!!!!!!!!!

لو هنتكلم عن مصطلح العنصرية فهو موجود فى كل مكان فى الارض

حتى فى امريكا وكندا فيهم عنصرية واحنا رايحين وعارفين ان فيه عنصرية

حتى لو بلدك مصر وانت راجعها هتلاقى العنصرية بتاخدك بين احضانها (ولا نسيت..........)

ايه بس اللى جاب سيرة مصر ولا امريكا ولا كندا فى الموضوع

من حق قارن بين اجراءات المرور اللى انت عملتها فى السعودية واجراءات المرور لنفس الحادث فى مصر (وابقى افتكر موضوع لو عربيتك اتشدشدت هتاخد حقك ازاى)

فى السعودية يا عنبى اللى انت معترض على مرورها انت اخدت حقك وعربيتك هترجعلك لاما فى صورتها لاما فى صورة تامين......... فى مصر عليك العوض يا معلم ده لو متحبستش

يابنى تانى انا مش بقارن بين مصر والسعوديه ولا بقول مصر احسن من السعوديه ولا السعوديه احسن من مصر

يعنى انا شايف انى مخدتش حقى فى المرور لان حقى مش ان العربيه تتصلح لان اساسا انا التأمين بتاعى شامل يعنى سواء كنت غلطان او مش غلطان العربيه هتتصلح تصليح وكاله

حقى ان اللى اتسبب فى الحادث يتسجن وتتسحب منه الرخصه هو ده حقى

اه مصر احسن بلد فى الدنيا (بس عشان بلدنا) وده مش مبدا للمقارنة مميزات بلد بعيوب بلد تانية لان كل بلد ليها طعمها وليس ظروفها....... بس ده ميدناش الحق اننا نغتاب السعودية فى شعبها وقوانينها واللى ممكن نتخنق منها بعض الوقت او كله .......... كل واحد على حسب ظروفه.

لا انا مش شايف مصر احسن بلد فى الدنيا والا ابقى بصراحه نظرى ضعيف

انا شايف مصر بلدى وبس

الجمله اللى بالاحمر ده انا مش فاهم منها حاجه خاااااااالص وضحلى تقصد ايه ؟

[kitkat]

موقف حقيقي وليس رواية لأسامة أنور عكاشة

!!!!!

حدث هذا الموقف في ميناء احد الدول العربية

اذكر اسم الدولة وجنسية البشر الي اتشتموا واكسب معانا 5 كيتكات بمناسبة رمضان

ناس وصلت بلدهم بالسلامة بعد رحلة غربة الي سنة والي سنتين وراجعين بهدايا وفرحة لاهلهم واولادهم وبناتهم

الناس واقفة طابور اشي محاسب علي عامل علي مزارع علي سواق علي طبيب علي مهندس

مستنيين الفرج ومنتظرين البهوات لما يفرجوا عنهم ويوصلوا لذويهم

يقف عسكري لو شفته في الشارع شكله غريب يضطرك انك تطلع جنيه وتديهوله ده لو انت في قلبك رحمة اما لو مفيش في قلبك رحمة هاتبصله من فوق لتحت وتمشي

يقف هذا العسكري ساعة اذان الفجر ويقول :

كله يقف في الطابور مظبوط يا ولاد (تيييييييييييت) الكلب

ويخلع (القايش) من البنطلون مهددا لمن تسول له نفسه من هؤلاء (الاسري) او (العبيد) بان يعصي اوامر اسياده من العسكر التتار

اذكر مرادف لكلمة تيت بين القوسين وضاعف فرصة فوزك معنا

وسمعني سلام بأودعك للأدمية

لووووول

يا حوس رقمي سيم سيم زي ماهو يا حبي

كل سنة وانت طيب

ومنتظر اتصالك :)

تم تعديل 19 أغسطس 2010 بواسطة kitkat

[MaYousof]

موقف حقيقي وليس رواية لأسامة أنور عكاشة

!!!!!

حدث هذا الموقف في ميناء احد الدول العربية

اذكر اسم الدولة وجنسية البشر الي اتشتموا واكسب معانا 5 كيتكات بمناسبة رمضان

ناس وصلت بلدهم بالسلامة بعد رحلة غربة الي سنة والي سنتين وراجعين بهدايا وفرحة لاهلهم واولادهم وبناتهم

الناس واقفة طابور اشي محاسب علي عامل علي مزارع علي سواق علي طبيب علي مهندس

مستنيين الفرج ومنتظرين البهوات لما يفرجوا عنهم ويوصلوا لذويهم

يقف عسكري لو شفته في الشارع شكله غريب يضطرك انك تطلع جنيه وتديهوله ده لو انت في قلبك رحمة اما لو مفيش في قلبك رحمة هاتبصله من فوق لتحت وتمشي

يقف هذا العسكري ساعة اذان الفجر ويقول :

كله يقف في الطابور مظبوط يا ولاد (تيييييييييييت) الكلب

ويخلع (القايش) من البنطلون مهددا لمن تسول له نفسه من هؤلاء (الاسري) او (العبيد) بان يعصي اوامر اسياده من العسكر التتار

اذكر مرادف لكلمة تيت بين القوسين وضاعف فرصة فوزك معنا

وسمعني سلام بأودعك للأدمية

لووووول

يا حوس رقمي سيم سيم زي ماهو يا حبي

كل سنة وانت طيب

ومنتظر اتصالك :)

أنا عرفت الإجابة ..

أكيد البلد دي هي اللي البلد اللي المحاسب والعامل والمزارع والسواق والأهم من كده الطبيب والمهندس اللي فيها بجد ولاد تيييت عشان يبقوا كلهم واقفين زي التيت وهم خايفين زي التييت من القايش :closedeyes:

بصراحة فوازير رمضان السنادي سهلة جدا   :)

[عنبو]

موقف حقيقي وليس رواية لأسامة أنور عكاشة

!!!!!

حدث هذا الموقف في ميناء احد الدول العربية

اذكر اسم الدولة وجنسية البشر الي اتشتموا واكسب معانا 5 كيتكات بمناسبة رمضان

ناس وصلت بلدهم بالسلامة بعد رحلة غربة الي سنة والي سنتين وراجعين بهدايا وفرحة لاهلهم واولادهم وبناتهم

الناس واقفة طابور اشي محاسب علي عامل علي مزارع علي سواق علي طبيب علي مهندس

مستنيين الفرج ومنتظرين البهوات لما يفرجوا عنهم ويوصلوا لذويهم

يقف عسكري لو شفته في الشارع شكله غريب يضطرك انك تطلع جنيه وتديهوله ده لو انت في قلبك رحمة اما لو مفيش في قلبك رحمة هاتبصله من فوق لتحت وتمشي

يقف هذا العسكري ساعة اذان الفجر ويقول :

كله يقف في الطابور مظبوط يا ولاد (تيييييييييييت) الكلب

ويخلع (القايش) من البنطلون مهددا لمن تسول له نفسه من هؤلاء (الاسري) او (العبيد) بان يعصي اوامر اسياده من العسكر التتار

اذكر مرادف لكلمة تيت بين القوسين وضاعف فرصة فوزك معنا

وسمعني سلام بأودعك للأدمية

لووووول

يا حوس رقمي سيم سيم زي ماهو يا حبي

كل سنة وانت طيب

ومنتظر اتصالك :)

أنا عرفت الإجابة ..

أكيد البلد دي هي اللي البلد اللي المحاسب والعامل والمزارع والسواق والأهم من كده الطبيب والمهندس اللي فيها بجد ولاد تيييت عشان يبقوا كلهم واقفين زي التيت وهم خايفين زي التييت من القايش :closedeyes:

بصراحة فوازير رمضان السنادي سهلة جدا   :)

يسلم يا حاج محمد

ورمضان كريم