بكري يتحدى عز .. الأسبوع ضد روزا .. حتولع!

[Sherief AbdelWahab]

ليديز آند جينتلمين.. :closedeyes:

موعدكم يا سادة مع مسلسل جديد..مسلسل طوييييييييييييييييييييييييييييييل.. لمعركة وشيكة بين صحف وبرامج مصرية قادمة ستكون أقوى بالتأكيد من معركة شوبير- مرتضى.. وستكون أعنف..

بعد أن محا أحمد عز دائرة بكري بجرة قلم ...بدأ الأخير في شن حرب إعلامية عن طريق جريدته على عز:

http://www.elaosboa.com/elosboaonline/news...&vnum=fesal

ويبدو أن الحرب وصلت إلى ما أسماه بكري "منع توزيع الأسبوع في الدائرة":

في واقعة جديدة تؤكد هيمنته ونفوذه وانفراده بالقرار في تصفية معارضيه في ربوع مصر.. أصدر احمد عز امين التنظيم بالحزب الوطني "فرمانا" بمنع توزيع جريدة الأسبوع في دائرة منوف التي يمثلها بالبرلمان وتوجد بها مصانعه.. حيث اختفت نسخ جريدة الأسبوع في مركز منوف وعدد من المراكز القريبة منه في حين فسر البعض ان تهديدا صدر لموزعي الصحف بمنع توزيع نسخ الصحيفة التي شنت هجوما عليه وكشفت بعضا من تصرفاته في عددها الورقي بتاريخ 14 مايو 2010 ؛ الامر الذي اعتبرته بعض القوي السياسية تعديا سافرا علي حرية الراي والتعبير.. وكان قد تصدر الصفحة الاولي لجريدة الأسبوع مانشتا بعنوان"عزبة احمد عز.. مصر سابقا" كما تضمن العدد ايضا تغطية لثورة اهالي حلوان والتبين و15 مايو ضد احمد عز لقيامه بإلغاء دائرة النائب مصطفي بكري .

كما تضمن العدد مقالا لبكري كشف فيه عن ثروة احمد عز التي تضاعفت الي300 ضعفا في فترة وجيزة حتي بلغت 60 مليار جنيه وتسأل بكري في مقاله عن سر صمت النظام الحاكم علي تجاوزات عز وممارساته داخل وخارج الحزب.

الرابط السابق..

والمؤكد أن الصحف "القومية" مش حتسكت بعد الاتهامات والكلام العنيف اللي بكري قاله على أحمد عز ، خاصةً روزا اللي فيه شبه إجماع في الوسط الصحفي على إن عز ممولها الحقيقي (باعتراف حمدي رزق نفسه) ، يعني الموضوع حيتحول إلى حرب تكسير عظام إذا مشيت الأمور طبيعي..

خلص الكلام

[doha]

بعد أن محا أحمد عز دائرة بكري بجرة قلم ...بدأ الأخير في شن حرب إعلامية عن طريق جريدته على عز:

معليش لو مزيد من التوضيح حول العباره دي .. هو ايه الموضوع ؟؟

من فترة كده سمعت ( طراطيش كلام ) وانا كما العاده ( معدية جنب التلفزيون ) عن اعتصام لبكري او امتناع عن الطعام حاجه زي كده .. كنت فاكره اسأل والدي عن الحكايه وايه الموضوع بس نسيت .. هل للقصة دي علاقه بالخبر ده ؟

ياريت حد متابع القضية يشرح لي ولكل الي زي حالاتي ( بيعدوا ) جنب التلفزيون ( وميقعدوش ) ..

باختصار كده بعد اذنكم .. بكري ماله وايه اصل الحكايه ..

[زعلان]

احمد عز استطاع ان يصدر قرار بالغاء دائرة حلوان الي نائبها هو مصطفى بكري و توزيعها على 3 دوائر حولها

[doha]

احمد عز استطاع ان يصدر قرار بالغاء دائرة حلوان الي نائبها هو مصطفى بكري و توزيعها على 3 دوائر حولها

يانهار اخضر ..

طيب ماهي كده بجد تبقى عزبه عز ..

هو ده سبب امتناع بكري عن الطعام ؟ طيب وكل ولا لسه على لحم بطنه ؟؟

على فكره من كام سنة ايام مشكلة بكري مع ابراهيم نافع او بمعنى ادق ايام مالمع نجم مصطفى بكري بفضحه لابراهيم نافع كنت واخده قلم جامد في الراجل ده ـ بكري ـ وكنت فكراه صوت الفضيله والحق الي كاد ينخرس في مصر ..

قلت مبدهاش الواحد لازم يسمع الدرر الي بيقولها بكري واشتريت عدد او اثنين من جريدته ( اظن كان اسمها الاسبوع ) وقلت اشوف الدنيا والبلد فيها ايه ..

مكانش محتاج مني تقليب كتير او اعداد اكتر من الجريده عشان اكتشف الحقيقة المروعه ..

الجريده هي عزبه مصطفى بكري الخاصه ..

مفيش صفحه الا ومذكور فيها كلمه بكري .. سواء بقى خبر هو كاتبه او تهنئة من حد ليه او عزاء .. ده غير ان في كذا حد اسمهم بكري بيكتبوا في الجريده .. من الآخر حسيت اني بقرأ جريده إبو ابو .. مش بكري ..

قفلت الجريده وعرفت ان كلهم في الهم شرق وان مفيش حاجه اسمها شخص نزيه نزاهة مطلقه وانه وان كان بيتعامل مع الجريده على انها عزبه خاصه وهي يادوب الحاجه الي تحت ايده امال لو مسك بلد بقى زي الي غيره هيعمل فيها ايه ..

الي خلاني اكتب الكلام ده هو المفارقه مابين مصطلح عزبه الي اطلقته على جريده بكري من كذا سنة واستخدام بكري لنفس المصطلح النهرده عشان يوصف غريمه ..

اتوقع ان الوظيفة الي كان بيقوم بيها مصطفى بكري من فضح اذناب النظام الي تم استهلاكهم معادتش ملائمه دلوقت او هنالك من يقوم بها بشكل افضل وبناء عليه معادش في لزوم لوجوده كنائب في البرلمان ..

على كل حال وعشان مبقاش بزود على الراجل هموم فوق الهموم واتهمه بما ليس فيه فهو شخص محترم لا خلاف على هذا ولكن مهواش رسول العناية الالهية زي مالبعض بيعتقد ..

ربنا يعينه .. ويعينا . .

[Mr MAGED]

احمد عز استطاع ان يصدر قرار بالغاء دائرة حلوان الي نائبها هو مصطفى بكري و توزيعها على 3 دوائر حولها

يانهار اخضر ..

طيب ماهي كده بجد تبقى عزبه عز ..

هو ده سبب امتناع بكري عن الطعام ؟ طيب وكل ولا لسه على لحم بطنه ؟؟

على فكره من كام سنة ايام مشكلة بكري مع ابراهيم نافع او بمعنى ادق ايام مالمع نجم مصطفى بكري بفضحه لابراهيم نافع كنت واخده قلم جامد في الراجل ده ـ بكري ـ وكنت فكراه صوت الفضيله والحق الي كاد ينخرس في مصر ..

قلت مبدهاش الواحد لازم يسمع الدرر الي بيقولها بكري واشتريت عدد او اثنين من جريدته ( اظن كان اسمها الاسبوع ) وقلت اشوف الدنيا والبلد فيها ايه ..

مكانش محتاج مني تقليب كتير او اعداد اكتر من الجريده عشان اكتشف الحقيقة المروعه ..

الجريده هي عزبه مصطفى بكري الخاصه ..

مفيش صفحه الا ومذكور فيها كلمه بكري .. سواء بقى خبر هو كاتبه او تهنئة من حد ليه او عزاء .. ده غير ان في كذا حد اسمهم بكري بيكتبوا في الجريده .. من الآخر حسيت اني بقرأ جريده إبو ابو .. مش بكري ..

قفلت الجريده وعرفت ان كلهم في الهم شرق وان مفيش حاجه اسمها شخص نزيه نزاهة مطلقه وانه وان كان بيتعامل مع الجريده على انها عزبه خاصه وهي يادوب الحاجه الي تحت ايده امال لو مسك بلد بقى زي الي غيره هيعمل فيها ايه ..

الي خلاني اكتب الكلام ده هو المفارقه مابين مصطلح عزبه الي اطلقته على جريده بكري من كذا سنة واستخدام بكري لنفس المصطلح النهرده عشان يوصف غريمه ..

اتوقع ان الوظيفة الي كان بيقوم بيها مصطفى بكري من فضح اذناب النظام الي تم استهلاكهم معادتش ملائمه دلوقت او هنالك من يقوم بها بشكل افضل وبناء عليه معادش في لزوم لوجوده كنائب في البرلمان ..

على كل حال وعشان مبقاش بزود على الراجل هموم فوق الهموم واتهمه بما ليس فيه فهو شخص محترم لا خلاف على هذا ولكن مهواش رسول العناية الالهية زي مالبعض بيعتقد ..

ربنا يعينه .. ويعينا . .

العزيزة ضحي

انا ماعرفش انتي متابعة للامور السياسية في البلد ولا لأ

ولكن ما أشعر انه هجوم علي شخص محترم مثل مصطفي بكري أظن فيه نوع من التجني عليه

بالطبع هو ليس العناية الالهية ... فالعناية الالهية تأتي من الله وحده ... وتترجمها أعمال الشعب

ولكنه أحد القلائل المحترمين جدا ً في هذا الزمن ... الذي يمكنك من خلاله السماع لصوت الشعب وصوت الحق

هو أحد القلائل الذين لم يتم شرائهم بعد

وبالنسبة للجريدة .... فهو من أنشأها بنفسه وهو من يصرف عليها ... ولا يمكننا النظر في كم مرة يصدر اسمه في الجريدة

بقدر ما يهمنا ماذا يكتب فيها وماذا يكتبه هو

أتمني أن تعيدي النظر في هذه المسأله

تحياتي وتقديري

[شريف مان]

استاذة ضحى

طب جريدة الاسبوع ملك مصطفى بكرى واخوه كمان بيكتب فيها

اما الاخ عز بتاع الحديد اللى خد قرض من البنك بضمان مصنع الدخيلة عشان يشترى بيه مصنع الدخيلة

فحلوان مش ملكه

وعلى رأى مصطفى بكرى ..... مش هيجى واحد نص متر يحكم البلد ....

[زعلان]

مصطفى بكري حتى الان وعلى الاقل لأنه معارض للحزب الوطني فقط اهو ممكن نتعاطف معاه الا انه متعاطف ومدافع عن النظام ومبارك بكل ما اوتي من قوة هو ارزوقي ولا شك ولكن ما ينفعش نحاسبه على ما قد سيكون يكفينا ان نحاسبه على عوراته وهي كثيرة اسؤها انه تابع لنظام مبارك

اما وضعه لحالي فانا مش متعاطف معه لأنه مصطفى بكري ولكن لأني ارفض ان تكون مصر عزبة احمد عز

[ذهبية]

اللى محيرى بجد وقوف النظام موقف المتفرج من تصرفات عز ياترى السبب اية بالضبط

هل تصرفات عز بهذا الشكل مباركة من النظام ولا عز اداة اصلا فى يد النظام و ليس العكس

شىء محيرنى جدااا

زى بجد ما محيرنى جدا رحلان مبارك المكوكية بين بلاد العالم و هو تارك شعبة اللى يضرب يضرب واللى يعتصم يعتصم

نفسى اعرف هو بيعمل اية كل يوم برة البلد واية اللى عاد على البلد من جولاتة الخارجية دى اللى بيفسح نفسة بيها

انا بجد حاسة ان البلد مفيهاش ريس

واحد زى عز دةةة مين اصلا علشان يقسم و يشيل و يحط

بكرى اعتصم وشجب ولا حياة لمن تنادى ولا اى حد سامع حاجة

بلد بلا ريس هنتستنى اية تانى

[اكرام زعزوع]

المثل بيقول : اتقى شر من اقترب الى الارض

واحمد عز شره زى الحيه

لكن مصطفى بكرى صعيدى مثقف واخد على عض الثعابين والحيات

يربط دراعه ويشرطه ينزل السم ويخف ويضرب الحيه ولا التعبان على راسه

ربنا يقويك يامصطفى يابكرى