ألف مبروك لهاندي كرافت ... أخيراً بقى مرخص

[se_ Elsyed]

بعد صراع مع المرض دام أكثر من 15 عاماً .. تمكن أخيراً أخونا هاندي كرافت من الحصول على رخصة قيادة سعودية ... وبالتالي يحق له شراء سيارة ..

وانا بيني وبينكم عايز اعملها له مفاجأة وأشتري له عربية محندقة على ما قسم كهدية يعني...

فقولولي رأيكم في العربية دي ؟

وأنهي أحسن لمناسبة مثل هذه .... عربية ولا دستة جاتوه ونعدي الليلة ؟

انا محتار بصراحة !!!!!!!!! mc: :angry: :angry:

[Handicraft]

اخويا وحبيبى وابن الحته الراجل العتره المجدع س س

شكرا على العربية بس انا نزلت اجربها ملقتش الفتيس فلو تكرمت تم جميلك وابعتلى الفتيس علشان من غير فتس حاضطر أءجر عربية وانيت تجرها .

ومافيش مانع تبعت مع الفتيس حتتين جاتوه وفوطه صافره اطوق بيها العربية.

[linux]

جرى أيه يا حج؟! أنت بسترخص و لا أيه؟ عمال تقول أن الراجل صاحبك و حبيبك و بعدين تجيبله تويوتا!! ده برضه مقام هاندي كرافت؟

ما تشوفله حاجه تليق بمقامة زي كده:

و آدي الفتيس كمان ... هديه من أخوك:

سيادتك نقي اللي على مزاجك و اللي يليق ع البدلة ومايهمكش ... الباقي دي حاجات بسيطه!

[se_ Elsyed]

والله عال يعني هاندي لما يركب الحاجات دي أروح انا بقى أسقع قلل وأقعد في البيت أكتب مذكراتي ...

إنت عايز تشجعه يا لينو انه يربط جحشه جنب حمار العمده ويرفع التكليف وتبقى العملية سان فا سو ؟...

خليه يا عم يبدأ بالتيوتا ولما رجله تاخد على الدواسات نبقى نرقيه ونجيبله حاجة ماكسوبيشي لانسم من عند أجنس " كليو وشركاءها "

[Handicraft]

حبيبى لينكس انا سعيد بمشاركتك احتفالات الوطن بمناسبة حصولى على الرخصة وانت من ساعت ساقية الصاوى لما كانوا بيوزعوك مجانا وانا قلت انك خلاص حتخلص ... بس الحمد لله انت لسه موجود اهوه لأ وايه فتحت اجنس عربيات مستعملة كمان الله ينور.

العربيات كلها كويسة وتقريبا ممكن اختار واحدة بس فيه سؤال صغير الصورة التانية العربية باب وباب يعنى واحد يفتح لفوق والتانى يفتح عادى ، ده عيب فى التصميم لن الراجل كان بيعمل طياره وقلبت معاه عربية ولا ايه الموضوع؟

الى س س القاطن فى دير النحاس روق يا زوووووووووووق انا رجلى واخده على الدوسات من ايام ما كنت باتدرب على الجحش بتاع شيخ الخفر وكمان كنت باأمرك بالجحش بس مره الجحش حدف منى يمين ورحت عملتله ترصيص فيريت متنقش على العربيات دى كلها بس منظر ومستعمله كمان ، وباب وباب وصغيره.

وشكرا يا لينكس باشا وما نجيلاكش فى بيرمشن ولا يوزر وحش.

[سقراط المصري]

الاخ الفاضل هاندكرافت

الف مبروك على الرخصة وبالتوفيق إن شاء الله.

بس سؤال بسيط اصل انا تهت وانا بقرأ المداخله ومافهمتش هي الرخصه اللي انت اخذتها كانت رخصه سواقة العربيه ولا رخصة سواقة الجحش.

لو كانت الاجابه بان الرخصه للعربيه ، فالف مبروك عليك.

ولو كانت خاصه بالجحش ، فامش هوصيك عليه ، اصله معرفه.

سقراط

[linux]

... بس فيه سؤال صغير الصورة التانية العربية باب وباب يعنى واحد يفتح لفوق والتانى يفتح عادى ، ده عيب فى التصميم لن الراجل كان بيعمل طياره وقلبت معاه عربية ولا ايه الموضوع؟

يا عزيزي و لو أن الموضوع واضح، أشرح لك:

باب السواق بيتفتح لفوق علشان:

1. تركب براحتك

2. تنط ع اليخت عدل

3. لما تتخن ما يحصلش مضايقات

مبروك عليك، الفلك كام واحده؟

[linux]

طبعا مش محتاج أوصيك لو أخترت البيمر أنك تخف رجلك ع البنزيم ... وألا:

[kfaya]

هاندى كرافت ......

أحذر هدايا س.س. المفخخة ......... انة السم فى العسل ...... دستة جاتوة .... ثم

سيارة ..... ثم ثم ثم .... لازم تدفع الثمن يا هاندى .... سلسلة طويلة لا تنتهى من

التنازلات ........

أرفض من البداية يا هاندى .... قاوم الاغراءات .... مالة الجحش ؟ ؟ ؟ ! ! !

ده حتا رمز أكبر حزب فى أمريكا ..... أياك و السقوط يا كرافت ....دى مصر يا

هاندى ..... حضارة سبعة الاف سنة تنظر ,,,,,, عووووود يا هاندى

قول ل س.س. لأ ...... قولة لأ ياهاندى ........ قول لة لأ ..........

[se_ Elsyed]

أنا طالب حكمكم يا كوبارات المنتدى ،

الأسبوع اللي فات خطفت رجلي وروحت لهاندي ومخبي مفاتيح العربية ورا ضهري قال إيه عشان اعملهاله سربريزو ، وأول ما دخل شقته ولسه بأقوله عقبال البكاري وألف مبروك عالرخصة يا هاندي ... لقيته لابس الوش الأبلكاش وحواجبه بقت شكل الثمانية المقلوبة وراح قايل لي : كده يا س س تعملي سياحة في المنتدى ؟ ، فقلت له وإيه يعني يابني الناس في المنتدى مننا وعلينا ، وبعدين هما عارفين إن لحم إكتافك من خيري ... عادي يعني إحنا بنتكلم ، فقالي طب قصر وهات من الاخر فين مفاتيح العربية ولسه بأديله المفاتيح لقيته راح فاتح حسه وفضل يرص في كلام مالوش معنى وقالي بص بقى ومن الأخر وسياحة بسياحه أنا حاطط عيني على حتة أستون مارتن زي دي

فقولت له من عيني يا هاندي يا حبيبي .. بس فيه سؤال بسيط هو أستون مارتن ده غير كونداليزا رايس ؟... فقضب حاجبية اللي إتكلمنا عليهم قبل كده وقال لي : يا عم فوق كوندليزا إيه وكولين باول إيه ... أنت شكلك كده فنجري بؤ وأخرك الكورولا ..

فقلت له بالراحه عليه شويه .. إيه رأيك في الحتة الفولكس دي

فأجاب غاضباً ... يا سلام يا خويا على اخر الزمن هاركب خنفسة !!!!

فقلت له بلاش دي .. إيه رأيك في حتة مكسوبيشي لانسم من عند كليو .. وأهي حاجة إستخدام خفيف وحنينة

فلمحت في عينية نظرات الطمع وقال محتداً يا سلام وإشمعنى انا اللي أركب مستعمل ..

فقولت له بقولك إيه من الاخر اللي بعد الاخر تعالى أفتح لك الجراج اللي تحت العمارة عندي واختار العربية اللي تحبها وانا مش هابخل عليك - كالعادة .. وبالفعل ذهبنا سرعين وما ان انفتح باب الجراج التوماتيكي ... حتى صرخ قائلاً .. وجدتها وجدتها .. فقلت له هي إيه يا عم أرشميدس .. قال لي : هي دي هي دي فرحة الدني

ولقيته بيشاور على الحتة الفيراري الحمرا اللي لسه جايبها من كام يوم للواد عمر بمناسبة إلتحاقه بـ ك جي 1 وماعملتش 50 كم ...

فقولت في نفسي فعلاً البني آدم مايملاش عينه غير التراب ....

بص يا هاندي إنت أخرك معايا الحتة المازدا اللي كنت جايبها للبواب في عيد ميلاد مراته الست أم عبدو

فأجاب والدمع في عينيه : كده برضوا يا س س بقى مقامي عندك من مقام أم عبدو مرات البواب ... فراجعت نفسي وقلت : لأ عيب اللي أنا باعمله ده الملافظ سعد برضوا يا عبعال.. وروحت دابب إيدي ( مش في عينه ) لأ في جيبي ومطلع 20 ريال وحاططهم في ظرف .. وقلت له متأثراً خد المبلغ البسيط ده يا هاندي أركب ليموزين بـ 10 ريال وإنت مروح .. والـ 10 التانية جيبلك بيهم شاندوشتين شاورما وحاجة ساقعة وماتوريناش طلعتك البهية تاني وأخر علاقتي بيك يابني هو باب الجراج ده .

[Handicraft]

سقراط باشا شكرا يا فندم على التهنئة والجحش فى عنيه الأتنين لأنه بصراحة مظلوم مع البشر حتى الفول بيقطعوا عليه فيه وبياكلوه منه والجحش كلمنى واترجانى لأنه خايف على البرسيم وكانت الدمعة حتفر من عينه وهو بيشتكى.

لينكس يا كبير استفسار صغير هى دى برضة سيارة كانت مخطوفه؟؟؟

ولا ديكور

كفاية (حرام)

اولا اهلا بيك يمكن الرد ده اول رد لى على احد رسائلك واحب ان ارحب بك فى الأجنس بتاع المنتدى وادخل برجلك اليمين وخللى بالك من اخوك س س صاحب الجراج، وبعدين عمال تقوللى اوعى يا هاندى اوعى يا كرافت مصر عيزاك واوعى المستنقع وانا لسه شايفك من كام يوم بتلف حولين الأجنس ونفسك فى حتة 128 وبعدين الجحش خلاص عايز عمرة ومش عارف اعمل ايه وانا بصراحة حاعمل نفسى مضطر واخد اى عربية والسلام ولو ان كل العربيات فى جراج س س البارومه وكلاها وزى ما انت شايف كده مش استايل بس الراجل شكله حيزعل كده وانا لسه ضاحك عليه ومقلبه فى 20 ريال وهو فاهم انى باتشحتف فانا اخد العربية وانزل بيها سوق الجمعة القط رزقى والسلام او اشتغل عليها بالنفن ... دو ريا دو ريا.

من هاندى كرافت الى س س صاحب الجراج الحق فيه كبسة والضرايب حتكبس على الجراج وابقى قابلنى بقى وانت راكب البسكلته ال 128 اللى كنت بتوزع عليها اللبن فالحق لم التعابين بسرعة وسيل الفيلا واليخت وكت على مدغشقر او نامبيا بجلدك

الإمضاء

فاعل خير ( مبلغ عنك يعنى ..... ها هاهاها - ضحكة شريرة- هاهاهاهاها)

[إبن مصر]

تحيه مردوده لهاندى العتره والف الف مبروك ولسى السيد اهديه تحياتى ومش عارف ليه متخيله

راكب عربيته B)

ومشغل الاغنيه دى بصوت عالى :blink:

وبيصقف وهو سايق ......!!!!!!..

..... lo:: lo::