قمة جديدة بين الأهلى والزمالك

[fatfouta]

يوم الأربعاء إن شاء الله هيلعب الزمالك والأهلى مع بعض فى الدور ال16 لمباريات كأس مصر

ياللا عاوزة تشجيع من مشجعى الفريقين

ياترى المرة دى مين اللى هيكسب

الزمالك بيقول انها مسألة موت أو حياة

صلاح يتمنى احراز اول اهدافه فى مرمى الاهلى

علاء على: مباراة القمة حياة او موت للاعبى الزمالك

القاهرة - اخبار مصر

بدأ فريق الزمالك معسكره فى العين السخنة استعدادا لمواجهة الأهلي في دور الـ16 من كأس مصر الأربعاء المقبل.

وأوضح النادي عبر موقعه الرسمي أن اختيار العين السخنة لإقامة المعسكر جاء لإبعاد اللاعبين عن الشحن العصبي، وزيادة التركيز في مباراة الأهلي .

واستقر حسام حسن المدير الفني للفريق على 24 لاعبا للانضمام للمعسكر، من بينهم عمرو زكي الذي ينتظر بطاقته الدولية.

وتضم قائمة اللزمالك ففى حراسة المرمى : عبد الواحد السيد ـ محمد عبد المنصف ـ عماد السيد .

ويضم خط الدفاع : عمرو عادل ـ محمود فتح الله ـ عمرو الصفتي ـ أحمد مجدي ـ محمد عبد الشافي ـ أحمد غانم سلطان ـ صبري رحيل ـ عمر جابر

وفى خط الوسط: أحمد عبد الرؤوف ـ إبراهيم صلاح ـ حسن مصطفى ـ هاني سعيد ـ مارسل أديكو ـ محمود عبد الرازق (شيكابالا) ـ علاء علي ـ حسين ياسر ـ محمد رفاعي (ويا)

اما فى خط الهجوم: شريف أشرف ـ أحمد جعفر ـ عمرو زكي ـ حسام عرفات

يأتى هذا فيما تمنى إبراهيم صلاح لاعب وسط الزمالك أن يحرز هدفه الأول مع فريقه في مرمى الأهلي فى كأس مصر .

واشار صلاح في تصريحات له " أتمنى إحراز أول أهدافي مع الزمالك بهز شباك الأهلي في المباراة المقبلة".وأضاف صلاح "هدفنا واحد وهو الفوز بكأس مصر، وسنحاول الفوز في أي مباراة لتحقيق هذا الهدف".

على جانب اخر .. أكد علاء على نجم الزمالك أن جميع اللاعبين جاهزين لمباراة القمة وأن الجميع يبذل قصارى جهده بمعسكر الفريق من أجل المشاركة فى المباراة والمساهمة فى تحقيق الفوز والصعود لدور الثمانية بالبطولة .

وأضاف اللاعب فى تصريحات أن المباراة تمثل للاعبى الفريق بطولة خاصة يجب الفوز بها للعبور للدور التالى بالبطولة مؤكداً أن جميع لاعبى الفريق لديهم إصرار على تحقيق الفوز وأن الفريق يدخل المباراة بهدف واحد فقط وهو الفوز رافعين شعار " مباراة القمة .. حياة أو موت" .

وإعترف اللاعب بتراجع مستواه فى مباراة الفيوم معللاً ذلك بسوء أرضية الملعب والأجواء التى أحاطت بالمباراة وتعطل أوتوبيس اللاعبين فى الدخول لأرض الإستاد وهو ما أثر على تركيز اللاعبين فى اللقاء مشيراً إلى أن مستواه فى لقاء المنصورة السابق بالدورى الممتاز كان أفضل نسبياً ..

فى الوقت نفسه نفى إبراهيم حسن المنسق العام لفريق الزمالك أن يكون صبرى رحيل قد طلب زيادة فى تعاقده أو إجراء أى تعديل عليه مشيراً إلى أن كل ما يتردد بهذا الشأن أنباء لا أساس لها من الصحة .

الحمام الأبيض مافيش أجمل من شكله سبحان الله

[jasmin hamed]

بس الحمام ماعندوش خطين حمر

[the consultant]

الزمالك 4 : 0

[Mr MAGED]

الزمالك 4 : 0

هو ايه ده ... أربعة ايه يا سيدي .... واحدة واحدة بس علينا

والأخت فتفوتة بتقول ان الحمام الابيض مافيش أحلي منه

هو فعلا لأنه بيطير .. مبيثبتش فمكان

ع العموم الأهلي مش محتاج حد يتكلم عنه

هو هيتكلم في الملعب .... ويا خبر بفلوس

يوم الأربع يبقي ببلاش

فتفوتة ...... يا ريت تجهيزلنا الحمام عشان نتعشي بيه يوم الاربع ان شاء الله

تحياتي

[عنبو]

الفوز لنا ان شاء الله

[Mr MAGED]

الفوز لنا ان شاء الله

أيوا ... انتو مين يعني

اوع تطلع من بتوع الحمام الابيض يا عنبي

هازعل اوي

[fatfouta]

الفوز لنا ان شاء الله

أيوا ... انتو مين يعني

اوع تطلع من بتوع الحمام الابيض يا عنبي

هازعل اوي

اى نعم من بتوع الحمام الابيض يا انفيستور

[ozoozo]

ربنا يستر

الزمالك كان مستواه وحش اوي امام الفيوم ماكانش فيه اي خطه الكوره تجري ناحيه الفيوم كل العيبه تهاجم الكوره ترجع كله يهاجم

[ابو محمد بن مصطفي]

انا اهلاوي من زمان من ايام ماتش 4/2 :lol:

انا اللي فاكره ان الاهلي كان مغلوب 2/1 والتليفزيون ابيض واسود والاهلي حول الماتش للفوز 4/2

ومن سعتها بدأ الهوس الكروي :o

تعرفوا ليه بشجع الاهلي لانه نادي يعمل في صمت

نادي افعال

الزمالك معسكر في العين السخنة

الاهلي معسكر في 6 أكتوبر

اخبار لعيبة الزمالك في كل المواقع الرياضية

الاهلي لا احد يتكلم

من الناحية الفنية حسام حسن اللي عمله في الزمالك معجزة

حسام البدري معاه الاهلي قادر علي العودة في النتيجة راجع ماتش 3/3 وماتش الاتحاد الليبي

بس انا شايف ان الماتش اللي جاي له تكتيك مختلف يناسب طبيعة مباريات الكؤوس غير ماتش 3/3

نتمناها مباراة نظيفة ممتعة واللي يفوز مبروك والذي لم يوفيق هارد لك

[أسد]

إن شاء الله الأهلي حيكسب

[Simba]

انا قررت اكون زملكاوي علشان حسام حسن داخل مزاجي

[ozoozo]

علي العموم طول ما حسام البدري واحمد حسين موجودين فانا مطمن علي

الزمالك

[engmido]

الاهلى هيكسب ان شاء الله

Uploaded with ImageShack.us

Uploaded with ImageShack.us

[الغريب]

الأهلي والحمدلله شبعان من الكأس

بس الماتش ده ليه معزة خااصة عند الأهلوية

علشان كل ما الزمالك ياخد نفسه لازم الأهلي يطبق على أنفاسه تاني

الأهلي 2 - 0 الزمالك .. أن شاء الله

[عنبو]

ان لم اكن زملكاوياً لوودت ان اكون زملكاوياً

[matzakos]

أنا متهيألي من ناحية التكتيك .... حسام البدري هيلعب بنفس خطة مورينهو في ماتش الانتر وبايرن ميونخ ( دفاع منطقة وهجمات مرتدة) ......توقعي ده لأن الزمالك هيبدأ مهاجم .....و حسام البدري غاوي تقليد خطط من دوري أبطال أوربا لو حد متابع وواخد باله.

عموماً إن شاء الله الأهلي هيكسب (لأنه الفريق الأثقل)

على فكرة حسام حسن فنياً ضعيف جداً ...المسألة مسألة حماس وشخط ونطر عمال على بطال.

تم تعديل 25 مايو 2010 بواسطة matzakos

[ابو محمد بن مصطفي]

الاهلي طول ما التشكيل بتاعة اللعيبة ده

اكرامي (حراسة المرمي)

احمد علي - عبد الفضيل (احمد فتحي لو لعب)

وائل

احمد السيد

معوض

بركات

احمد حسن (احمد شكري)

حسام عاشور

شهاب

ابو تريكة

فضل

فاضل ايه علي التشكيل ده ويمثل منتخب مصر

انت عايز الزمالك يفوز علي المنتخب

اسجل اعتذاري للون الاخضر الذي اسجل مداخلاتي به

[mohamedhamdy]

الاهلي هيكسب ان شاء الله

[fatfouta]

ولا تزال الجماهير متحفزة

استعدادات امنية مكثفة لمباراة الكأس

ضبط 69 ألف صاروخ ناري قبل لقاء قمة الكرة المصرية

القاهرة -أ ش أ

نجحت الأجهزة الأمنية بمديرية أمن القاهرة فى ضبط نحو 69 ألف صاروخ ، و326 قلم ليزر قبل ترويجهم بمناسبة مباراة القمة بين فريقى الأهلى والزمالك فى إطار الدور الـ16 لبطولة كأس مصر، والتى ستقام مساء الأربعاء بإستاد القاهرة الدولى بمدينة نصر.

كان اللواء إسماعيل الشاعر مساعد أول وزير الداخلية مديرأمن القاهرة قد أصدر توجيهات بضرورة اتخاذ كافة الاستعدادات الأمنية اللازمة للمباراة المرتقبة وشن حملة على مصنعى الألعاب النارية المتنوعة , والذين يستغلون المباراة لترويج بضاعتهم غير المشروعة , والتى تعرض حياة المواطنين وممتلكاتهم للخطر.

[the consultant]

الزمالك 0:4