ترشيح سوزان مبارك لجائزة نوبل للسلام

[Salwa]

أيد المجلس القومي للطفولة والأمومة ترشيح السيدة سوزان مبارك قرينة رئيس الجمهورية ... لنيل جائزة نوبل للسلام‏,‏ وذلك لجهودها المخلصة لتحقيق التنمية ..واعلاء حقوق الانسان ونشر ثقافة السلام..

هذا الخبر فى الأهرام وفى الصفحة الاولى ....

مجرد تعليق بسيط ..بدون التقليل من مجهود السيدة العظيمة ..

مش هنا برضه سبق لنا ووضعنا اكثر من مائة عنوان لجمعيات البر بالانسان والطفل وكنا نطلب لهم المساعدة المادية والمعنوية وقلنا اننا لن نضع ارقام حسابات وعلى من يريد المساعدة ان يذهب مباشرة الى هذه الجمعيات ؟؟؟

سبق لنا ايضا ان تحدثنا على ما يحدث بالنسبة لعمالة الأطفال وكيف تهان الطفولة فى بلادنا ...وسبق ايضا ان ذكرنا بالاسم والمستندات كيف ان طفلة جامعية تسول والدها المهندس حق علاجها الى ان باع كل ما يملك ...ولم يتحرك احد .....ومثل حالة هذه الطالبة ..آلاف...لاعلاقة لهم بالرقص ولا بالتهليب ..

هذا بالنسبة للاطفال .

اما الامومة فحدث ولا حرج .....

اين هى جمعيات الشئون الاجتماعية التى تدرس حالات الأسر المحتاجة ..بضمير حى ؟؟؟

انى اجد كل اسرة مات عائلها ...والزوجة لاتعمل ...وليست متعلمة ...

اجد الأم تربى وتعيش فى منتهى الضنك ولا تجد اى مساعدة من اى جهة كانت .........فأين هو مافعلته الدولة ولن اقول السيدة المرشحة ...لهذه الجائزة اى كان اسمها ..نوبل ..فرج ..اى حاجة .

اما عن اعلاء حقوق الانسان .......

الانسان اللى فين بالظبط ؟؟؟

اللى فى الكهوف فى مجاهل افريقيا ؟؟؟

لأن حق الانسان فى بلادى ....مازال ضائعا ...

واما ثقافة السلام .......دى صح ..

ثقافة ..السلام عليكم ...

[حشيش]

اقترح ان تكون الجائزة مرابعة بين شوزى وسفوت وفاروق حسنى وحسين بهاء الدين mfb:...عاملين شغل حلوالصراحة :blink:...الله ينور عليهم ويخرب بيتنا احنا

[se_ Elsyed]

أرى رؤساً قد أينعت واستوت وطلبت الأكيلة

بس ماتاخدوش في بالكم هما يشرحوا زي ماهما عايزين إنما الاختيار له إعتبارات تانية

بالمناسبة يا مدام

سلوى إبعتي لنا الله يكرمك الموقع بتاع الاهرام أحسن الموقع القديم مش عارف في أيه مابقاش يشتغل

[حشيش]

[Salwa]

http://www.ahram.org.eg

الأخ الفاضل سى السيد..

هذا هو موقع جريدة الأهرام .

وعلى فكرة اوقات كثيرة اجد صعوبة انا ايضا فى قراءة الجريدة ..

تحياتى .

[souda]

هى الكوسة وصلت لحد جايزة نوبل

طب انا بارشح سمير رجب اجايزة نوبل فى الادب او قلة الادب ...يعنى اللى موجود tth:

[souda]

هى الكوسة وصلت لحد جايزة نوبل

طب انا بارشح سمير رجب لجايزة نوبل فى الادب او قلة الادب ...يعنى اللى موجود tth:

[se_ Elsyed]

http://www.ahram.org.eg

الأخ الفاضل سى السيد..

هذا هو موقع جريدة الأهرام .

وعلى فكرة اوقات كثيرة اجد صعوبة انا ايضا فى قراءة الجريدة ..

تحياتى .

شكراً يا مدام سلوى

ما هو ده نفس العنوان اللي عندي بس يظهر الدنيا متلخبطة عندهم اليومين دول او ان هناك مؤامرة كئوس العذاب في قرأة الجمهورية والمساء فقط .

[Simba]

يا سلام لو كانت اخدت نوبل

كان زمان ابناء مبارك غير الشرعيين مرشحينها للرئاسة