تسجيل غياب عن المحاورات

[rewsha]

القاكم بعد رمضان ان شاء الله

كل عام وانتم بخير

وانت بالف خير يا نوران

روحي............... وماتنسيش تجيبي معاكي العيديه وانت جايه

[نوران]

حبايبي واسرتي التانيه

جزاكم الله خيرا وادام الخير بيننا جميعا

غاليتي وحبيبتي مدام هند

غاليتي احلي مصريه متغربه

اختي و حبيبتي رضوي

اخف دم في المحاورات كلها روشه ,ان شاء الله اجيب لك العيديه معايا

كل سنه وانتم طيبين

كل سنه وكل اعضاء وكل مشرفين المحاورات بألف خير

تم تعديل 28 يوليو 2011 بواسطة نوران

[لماضة مصرية جدا]

السلام عليكم و رحمة الله و بركاته

مبحبش اصلا كلمة غياب...(بحس كده انها بتوجع في القلب)

و مبحبش اصلا لا امضي حضور و لا انصراف....(بحس اني عسكري امن مركزي الصراحة)

بس حبيت آجي هنا علشان اعتذر لكل الناس اللي بتبعتلي علي الخاص او بتكتب تعليقات و مبقدرشي ارد عليهم في وقتها

مش تجاهل مني

و لا زعل

و لا اي حاجة

انا بس بضطر لظروف خاصة اني اتغيب فترات عن المكان اللي هو ونسي في الغربة و بيتي و شنطة سفري و حلي و ترحالي

حبيت اقولكم سامحوني علي "الغياب" في الرد غير مقصود التأخير

حبيت اطمع اوي انكم تدعولي....انا اسمي ريهام(اكتب بقي يا حسين...هههههههه)

حبيت اقولكم....خلوا بالكم من بعض اوي...سامحوا بعض اوي....فوتوا لبعض اوي....(وش اي ام ماسكة عيالها و قاعدة تديهم موعظة المساء)

عايزة اقولكم

اكتبوا عن حياتكم انتو

انا بتخنق الحقيقة لما بخش الاقي التوبيكات كلها..."متشبهناش"

بتتكلم عن ناس تانيين

بس مش بتتكلم عننا احنا

اكتبوا عن تفاصيل سعادة

اكتبوا عن تفاصيل حياة

ضيفوا من شخصياتكم علي المحاورات...صدقوني هو ده اللي بيعمل الفرق

و بيخلي الحياة هنا علي المحاورات....اقرب للحياة الانسانية

بايديكم انتم مش حد تاني

رغيت طبعا كالمعتاد

بس عشان ابقي محرمتكوش من حاجة :blink:

مساكم.....انساني جدا يشبهنا احنا بملامح قلوبنا

مساكم كل الرضا

أشوفكم بخير....

اشوفكم....بفرحة

أشوفكم بتفاصيل سعادة تملي حياتكم

ادعولي بقي

لسه قاعدين

متنسوش تبقوا تتوضوا قبل ما تدعوا...(وش عيل رخم حقيقي يعني :closedeyes: )

من القلب سلاما

[Diab]

BACK SOON AFTER RAMADAN " IN SHA ALLAH "

[عماد حمدي]

السلام عليكم و رحمة الله و بركاته

أشوفكم بخير....

اشوفكم....بفرحة

أشوفكم بتفاصيل سعادة تملي حياتكم

ادعولي بقي

لسه قاعدين

متنسوش تبقوا تتوضوا قبل ما تدعوا...(وش عيل رخم حقيقي يعني :closedeyes: )

من القلب سلاما

لسة حالاً خاتم القرآن كاملاً و علي وضوئي ;) أدعوا الله لك أن ييسر لك كل أمورك .

و يفك كربك ، و يفرج همك ..

و يصلح لك الحال ، و يرجعك لأهلك سالمة غانمة بأمر الله .

و يجعل حياتك كلها سعاده و راحة و إطمئنان و طاعة ..

و يتقبل الله صلاتك و قيامك و صيامك و يدخلك جنات نعيم ..

اللهم أرزقها الجنـــــــــــــــة ..

أي خدمه ;) حته بخمساية كدة من غير ما حد ياخد باله ..

و كل عام و حضرتك بخير ،،

[أبو يمنى]

تسجيل غياب ...

اقترب سباق العشر الأواخر من رمضان ...

وأحتاج إلى شئ من صفاء الذهن ...

أعاننا الله وإياكم على اغتنام الأيام الباقية من الشهر الفضيل

وتقبل الله منّا ومنكم صالح الأعمال ...