السلام عليكم( مشورة من اهل جدة)

[adelemam]

السلام عليكم ورحمه الله

المنتدى العزيز واهلي فى الغربة ارجو المشوره منكم لقد اتانى عرض senior accountant من مجموعة سكاب بجدة لمصنع يونيفود المنطقة الصناعية المرحلة الخامسه وانا بالدمام فاريد منكم المشورة هل هزه الشركة جيدة وهل السكن متاح وقريب لانى ساحصل على بدل سكن كزلك بدل انتقال وانا لا املك سيارة

المعزره للتطويل لكنى اعتمد على الله وعليكم

[adelemam]

يا شباب الموضوع هااااااااااااااااااااااااااااااااااااااااااااام جدا

[عماد حمدي]

السلام عليكم ورحمه الله

المنتدى العزيز واهلي فى الغربة ارجو المشوره منكم لقد اتانى عرض senior accountant من مجموعة سكاب بجدة لمصنع يونيفود المنطقة الصناعية المرحلة الخامسه وانا بالدمام فاريد منكم المشورة هل هزه الشركة جيدة وهل السكن متاح وقريب لانى ساحصل على بدل سكن كزلك بدل انتقال وانا لا املك سيارة

المعزره للتطويل لكنى اعتمد على الله وعليكم

انتظر ان شاء الله الأخوه هنا هيردوا عليك ... بس تلاقيهم مشغولين حبتين أو معنهمش معلومات كافية عن الشركة دي

اصبر بس وان شاء الله تلاقي حد أفادك ,,,

بس ليك تعليق صغنون وياريت تاخد بالك منه المرة الجاية وهوه :-

خطأ فادح أنك تكتب أعتمد ع الله و عليكم .. حرف الواو هنا خطر جدا ً لان بتشركنا مع الله سبحانه وتعالي ..

ولكن الصح انك تقول أعتمد ع الله ثم عليكم وليس و

كمثال مثلا نقول عشمي في الله ثم انت ..

متوكل ع الله ثم انت ..

أرجوا توخي الحذر .. وتقبل مروري

وإن شاء الله خير واتمني لك التوفيق ,,

أخوك

عماد

[adelemam]

جزاك الله خيرا اخى عماد انشاء الله حاخد بالي سامح تقصيري

[عماد حمدي]

جزاك الله خيرا اخى عماد انشاء الله حاخد بالي سامح تقصيري

ولا يهمك يا أستاذ عادل

بس عندك خطأ ديني تاني أهو :P أعمل معاك اية بقا :P

انشاء الله كدة كتابتها غلط .. لان إنشاء معناها ايجاد او خلق كمثال نقول انشاء مصنع انشاء مدرسة فغلط نقول انشاء الله

ولكن الصح إن شاء الله ..

معلش تقلت عليك .. بس دي أخطاء دينية قوية ولازم أنبهك ليها لان بالتبعية انته برده هتنبه غيرك والأجر والثواب عند الله

[adelemam]

ماشي يا نجم حاضر

بس ليا طلب واستحمل من اخوك انا بالرغم من خبرتى عام فى السعودية و2 فى مصر بس لسة معنديش خبرة المرتبات انا فاضلى بارت باذن الله فى cma ,,وايضا cia واخلص الجوز إن شاء الله .. طب اية يبقى النظام؟؟؟؟؟

[عماد حمدي]

ماشي يا نجم حاضر

بس ليا طلب واستحمل من اخوك انا بالرغم من خبرتى عام فى السعودية و2 فى مصر بس لسة معنديش خبرة المرتبات انا فاضلى بارت باذن الله فى cma ,,وايضا cia واخلص الجوز إن شاء الله .. طب اية يبقى النظام؟؟؟؟؟

روح لنا هناك علشان محدش من المشرفين ينقل الموضوع ..

[adelemam]

انا كتبتلك السؤال هناك يا نجم

[hOuSsAm]

السلام عليكم

انا موجود فى جدة بس بصراحةمعرفش الشركة دى

بالنسبة للمرحلة الخامسة فهى بعيدة اوى عن نص البلد ومفيش مساكن قريبة منها

اقرب حاجة ليها وبردوا بعيدة عنها هى جنوب جدة والسكن بردوا فيها مش كويس (المية بتقطع فيها عالطول)

المشوار من بيتى لحد المرحلة الخامسة بيتكلف حوالى من 15 لحد 20 ريال وانت وشطارتك

المشكلة الكبيرة وانت مروح بيتك فى الغالب مش هتلاقى مواصلات وهتضطر تركب مع حد زميلك من المصنع يوصلك لاقرب مكان او يوصلك بيتك (بس انت متضمنش الظروف)

انا شايف انك ضرورى هتحتاج عربية لان المرحلة الخامسة فعلا بعيدة

بالنسبة للسكن

لو عازب هتلاقى شقة معقولة حجرتين من 10 الاف حتى 14 الف

لو متزوج هتلاقى بردوا شقة معقولة حجرتين من 12 الف حتى 18 الف

لو ليك اسئلة تانية انا تحت امرك

بردوا خد فى الاعتبار ان فيه حالات شاذة لكل حاجة عشان لوحد تانى قالك معلومات تانية بس هى دى معلوماتى بالنسبة لجدة

[adelemam]

اشكرك والف الف الف شكر على معلوماتك المفيدة جدا ربنا يخليك يا ريس والله اخوك مش ناقص شحططه . انتا تعرف دول كانوا عايزين يدونى بدل مواصلات 500 ريال هاهاها

على العموم الف الف شكر

[hOuSsAm]

بص بردوا فيه حجات تانية بتتاخد فى الاعتبار

بمعنى ممكن يكون بدل المواصلا قليل بس المرتب كويس يعوض الليلة

ممكن تكون البوزيشن الجديد هتاخد منه خبرة تعتبر نقطة تحول فى حياتك

ممكن تكون الشركة كبيرة اوى وفرص الترقى فيها اعلى من اللى انت فيها دلوقتى

ممكن تاخد المعلومات دى وتكلمهم انهم يزودوا الراتب وبالتبعية بدل المواصلات يزيد معاك بالدرجة اللى ترضيك

ياريت متفكرش فى الموضوع من زاوية واحدة وفكر من زوايا كتيرة

وفيه حلول كتيرة انك ممكن تجيب سيارة بالتقسيط (نيسان عاملة عروض كويسة )

انا مش عايز اقنعك بالشغلانة او احبطك منها بس عايزك تفكر باساليب مختلفة بحيث تحدد هدفك من انك تشتغل فى مكان جديد

ممكن كمان تطلب منهم انك تزورهم على حسابهم يومين تشوف الوضع ايه هناك وهيبانلك كل حاجة اذا كانوا ناس محترمين ولا لاء

[adelemam]

والله باكبير مش عارف اشكر سيادتك ازاى

انت فتحتلى نقط اخوك ممنش مركز فيها الف الف شكر