موقع المحاورات لا يفتح معي إلا بصعوبة

[abofasad]

أحبائي وأصدقائي

أجد صعوبة كبيرة في فتح الموقع

فبمجرد الضغط على الموقع تفتح أمامي نافذة مدون فيها " انه لا يمكن فتح الصفحة"

ولا أعرف السبب لذلك

اقوم بالضغط على F5 ولكن بلا فائدة

وقد تلقيت العديد من الرسائل على الميل بتاعي من مشرفي الموقع يسألون عن سبب احتجابي

وكنت ارد عليهم بأني لا أستطيع فتح الصفحة

واليوم بالصدفة كنت أحاول وفتح الموقع معي

وكم كنت سعيد أن التقي معكم من جديد

أرجو من مهندسي الموقع الإفادة عن السبب وهل هناك عنوان آخر للموقع يمكن بواسطته فتح الموقع في حالة عطل العنوان الأول

رجاء الإفادة

تحياتي لكم جميعا

جدو ابوفصاد

[عادل أبوزيد]

هل ما زلت تجد صعوبة فى فتح صفحة محاورات المصريين ؟

ليتك تقول لنا بعض التفاصيل هل الصعوبة فى فتح الصفحة نفس الشئ لو إستخدمت جهازا آخر أو من مكان آخر ؟

[reemragab]

هل ما زلت تجد صعوبة فى فتح صفحة محاورات المصريين ؟

ليتك تقول لنا بعض التفاصيل هل الصعوبة فى فتح الصفحة نفس الشئ لو إستخدمت جهازا آخر أو من مكان آخر ؟

كل سنة وحضرتك طيب يا استاذ عادل

الموقع فعلا بقى بيفتح بصعوبة شديدة ده ان فتح اصلا وانا كنت فكرت من فترة ابعت للادارة عشان الموضوع ده بس فعلا النهاردة بس هو اللى عرفت ادخل

[mezo]

نفس الى بيحصل معايا بالظبط

[لونا]

الموقع يفتح معي بصعوبة شديدة و كثيرا مايغلق عند التنقل من صفحة لاخرى وجربت فتحه من كومبيوتر آخر نفس المشكلة

[mohamed ib]

انا بيحصلى معايا نفس الحوار دا و بفتحوا بتاع عشرين مرة و يفتح او لا بمزاجوا و المنتدى كلة مش الحوارات بس افيدونى فعلا لانى نفسى اشارك و اسمع نصايحكم

[لولا]

عيد سعيد على الجميع

انا كمان الموقع بيفتح معايا بصعوبه .. فى فتره طويلة مكنتش عارفه اصلا ادخل ومشغوله جدا انى ادور على حل

دلوقتى قدرت ادخل الحمد الله بس الإنتقال بين الأبواب والصفحات صعب وبطيء ومش ديما بتفتح معايا صفحات او اقدر

اخرج من موضوع عشان اتصفح موضوع تانى..

انا متاكده جدا ان فى اعضاء وقراء كتييييييييييير جدااااااااا بتعانى من المشكله دى وان فى ناس مش عارفه تدخل

وناس مش عارفه تشارك بسبب صعوبه التصفح ..

تحياتى

لولا

[Advisor]

أحد إحتمالات بطء فتح الموقع - و هو مجرد إحتمال - حجم اللوجو و قد تم تغييره اليوم إلى حجم بسيط أقل من 7K

أرجو المتابعة هنا و إعطائنا مزيد من المعلومات عن صعوبة فتح محاورات المصريين كما نرجو منكم تكرار التجربة على جهاز آخر و فى مكان آخر

[خالد شحاته]

وانا عندي نفس المشكله لدرجو اني نزلت موضوع ان الموقع اتعمل عليه حزر في السعوديه بس طبعا الموضوع اتحزف واكتر من شهر ونصف مكنتش عارف ادخل الموقع لحين نزلت البرنامج ده وبدا يفتح مع HOTSPOT SHIEIDومن ساعة ما نزلته الموقع بيفتح بس بطي جدااااااا

[jamalpody]

السلام عليكم ورحمة الله وبركاته

كل عام وانتم بخير ...............هذه اول مشاركة لي علي الشكل الجديد للموقع والذي لا اشعر بالارتياح معه بالمره

الحق يقال الشكل القديم كان اسهل واجمل واسرع وبدون تعقيد

والله اصبح الدخول علي الموقع يوميا عذاب بمعني الكلمة ... الموقع من المنزل لا يفتح معي علي الاطلاق ومن

العمل يفتح ببطيء شديد جدا

شوفولي حل الله يبارك فيكم علشان خلاص جالي كساح

[nightmare]

أحبائي الأفاضل

كانت نفس المشكلة تحدث معي منذ فترة , الموقع لا يفتح على الإطلاق وكنت أضطر لإستخدام برنامج Hotspot shield لفتحه , وكان بطيء وقمت بتجربة الحل التالي فأرجو منكم تجربته

أذهبوا الي المجلد

c:\winnt\system32\drivers\etc\hosts

ستجدوا ملف باسم HOSTS .. قوموا بفتحه باستخدام برنامج NotePad

ثم قوموا بإضافة السطر التالي .. بإستخدام النسخ واللصق او بكتابته

66.63.184.220 www.egyptiantalks.org

ثم احفظوا الملف وأغلقوه ..

وإن شاء الله ستجدوا الموقع يفتح بدون أي برامج وسيعمل بكفاءة.

نرجوا التجربة والإفادة. ولكم خالص تحياتي

[عادل أبوزيد]

من كل هذه الشكاوى حاولت اليوم مقارنة سرعة الدخول بين متصفح IE و متصفح chrome الخاص ب جوجول و كانت مفاجءة أن هناك فارق كبير فى سرعة التحميل لصالح chrome و إعلاناته كثيرة هنا أو على الأقل أراها أنا بكثرة بعنوان " المتصفح السريع من google.

أنصح الآن بتجربة هذا المتصفح.

[reemragab]

هو اتحسن شوية يا استاذ عادل ولكن برضه مش بنفس الاداء بتاع الاول

على فكرة انا سرعة التصفح من جهازى للمنتديات التانية كويسة جدا ما فيهاش اى مشكلة

ليا كومنت بخصوص الشكل الجديد-ده لو كان مسموح ليا- هو فيه حاجة عايزة تتظبط نصه عربى والباقى انجليزى

حاسه انه التنسيق العام فيه حاجة عايزة تتصلح

يا ريت لو حضرتك تعمل استطلاع بخصوص الموضوع ده ويمكن يكون انا احساسى اللى خاننى

خالص تحياتى

[akramgroup]

بصراحه الموضوع بقى مرهق زيادة عن اللزوم

وكل يوم نفس المشكله انا نزلت اوبرا وفعلا اشتغل كويس كام يوم وبعدين بدأ تانى الموقع ميفتح غير بصعوبه جدا جدا

وساعات بقفل من كتر المحاولات

وبردوا جربت كل الطرق اللى قالها الزملاء ومش كلهم بينفعوا

اما الطريقه اللى تشتغل وتبقى زى الفل كام يوم وترجع ريمه لعادتها القديمة

اكيد اكيد فى مشكلة من الموقع نفسه ولازم ليها حل

بجد الموضوع اعتقد انه مهم ولازم يكون له حل

والقصه دى مش من عند كل الناس اكيد من الموقع لان فى البيت نفس المشكله والشغل نفس المشكله

تحياتى للجميع

أكرم,,

[joo]

صفحة المحاورات فقط هى اللى بطيئة جدا جدا جدا لدرجة انى بكسل ادخل المحاورات او اكتب فيها بالرغم من ان كل المواقع الاخرى سريعة وبتفتح عادى جدا

وانا علشان اكتب الكلمتين دول اخذت حوالى نصف ساعة علشان اكتب رد

[Howayda Ismail]

صفحة المحاورات فقط هى اللى بطيئة جدا جدا جدا لدرجة انى بكسل ادخل المحاورات او اكتب فيها بالرغم من ان كل المواقع الاخرى سريعة وبتفتح عادى جدا

وانا علشان اكتب الكلمتين دول اخذت حوالى نصف ساعة علشان اكتب رد

وانا اللى كنت فاكرة انه عيب فى سرعة النت واتصلت بيهم وبعدين افتكرت العيال

السبب بيحملوا حاجات كتيرة عليه اتاريها شكوى عامة

طيب ايه الحل فعلا الصفحات بطيئة جدا

[خالد شحاته]

السلام عليكم ورحمة الله وبركاته

الاخواه الكرام انا مش بيفتح عندي لا من البيت ولا من المكتب وبروح لما احب ادخل المحاورات والله بروح استراحه للاخوه السعودين منزلين برنامج بيفتح المواقع علشان ادخل المحاورات رجاء من الاداره عمل اللازم حتي نتمكن من دخول المحاورات مثل الاول

[Mohamed Badry]

السلام عليكم

انا فعلا كان عندى نفس المشكلة

بس بقالى كام يوم زى الفل

و من نفس الجهاز ولم يحدث اى تعديل عندى

[ozoozo]

من الكومبيوتر مفيش مشكله الامور اتحلت

لكن من الموبايل بيفتح بصعوبه

[hazemtara]

هل ما زلت تجد صعوبة فى فتح صفحة محاورات المصريين ؟

ليتك تقول لنا بعض التفاصيل هل الصعوبة فى فتح الصفحة نفس الشئ لو إستخدمت جهازا آخر أو من مكان آخر ؟

للأسف يا أستاذ عادل من بعد ما حضراتكم عملت التعديل الجديد فى شكل المنتدى وهو حقيقى جميل ولكن المنتدى أصبح صعب جداً الدخول لة أو المشاركة فية،،،، أنا عن نفسى لفترة كبيرة لم أكن أستطيع الدخول للمنتدى يمكن من فترة بسيطة أصبح الدخول ممكن ولكن بصعوبة.

وبصراحة كدة الدخول للمنتديات الأخرى أصبح أسهل بكثير من المحاورات؟؟؟؟!!!!