شمشون خلف.....باركولي!!!

[لماضة مصرية جدا]

السلام عليكم و رحمة الله و بركاته

في منعطف تاريخي في حياتي المهنية و الانسانية....قررت اربي "هامستر"

و اشتريت واحد لطيف جدا من شهر فات و اطلقت عليه اسم "شمشون"

حد شايفاه رافع ايده ورا و بيسالني يعني ايه "هامستر"

طبعا هو حضرتك ممكن تخش ع الجوجل و تحط اسم شمشمون قصدي هامستر و هتطلعلك ليه صور جميلة جدا

بس اوعي حد يقولي "فار"....احسن هعيط

لانه مش فار.....خاااااااااالص

هو فصيلة بين الارانب و بين السناجب (فاكرين تيك و تاك بتوع عم بطوط)....

طبعا انا مكنشي عندي ادني فكرة عن شمشون بيحب ياكل ايه...فهريته بسكوت

طبعا حصله حاجة مش لطيفة في معدته....اضطريت ارجعه للمحل عشان فترة نقاهة

المهم عشان مطولشي عليكم....حد يقولي طولي

روحت انبارح المحل.....لقيته خلف.....

روحت انا استغربت........

و ده مش عشان انه خلف 3 هامسترات....تووحفة......في ليلة ماتش الاهلي و الزمالك....؟؟

و لا عشان هو اصلا مكنشي متجوز و لا متكلم علي اي من الهامستيرات اللي حواليه؟؟؟

انا استغربت عشان لما سالت البياع...قالي ان فترة حمل الهامستراية هي 16- 18 يوم فقط.....شفته ازاي؟

دلوقتي بقي

بعد فترة النقاهة

شمشون ان شاء الله هيجي يعيش معايا...و بفكر اعمل عمل انساني....و اجيب المودام و الانجال

بس معنديش اي خبرة خااااااااااااااالص في الليلة دي....غير اني باكله بسكوت و بيعمله اسهال؟؟؟؟؟

بس دلوقتي بقي فيه اطفال؟؟؟

طب حد بيربي هامسترات لوسمحت؟؟؟؟

لو بتربي هامسترات....خش و قولنا خبرات...يا رب في الهنا تبات

فوتكم بعافية

[عماد حمدي]

هوه فعلا ً مش فار .. بس مش عارف ممكن دا يبقي الأرنب الجبلي ..

ويكون الهامستر دا إسم تاني لية مش عارف ..

بس عاما ً هوه شبه الأرانب الجبلي ويمكن يكون هوه فعلا ً ..

انا كنت مربي 2 منهم قبل كدا وانا في ثالثة إعدادي ..

وكنت بأكلهم خضرة خس جرجير قشر البطيخ جزر ياعني الحاجات العادية دي ..

بس هما بيحبوا الخضرة جااااااااااااااامد جدا ً .. انما بسكوت !! دا ناقص تجيبيلة شوية شاي بلبن كمان ويسقي وياكل

طيب بجد إشمعنة ياعني الحيوان دا بالذات لية مش القطط او الكلاب مثلا ً ..

يتربي في عزك يا لمضمض .. وتبقي تطمنينا عليه .. وبطلي تأكلية بسكوت ..

[jasmin hamed]

حلاوتك و انتى بتحاولى جاهده انك تقنعينا ان مش فار لا هوا فار بس ابن ناس شويه

عموما انا ماليش فى الشغلانه ديه بتاعت الحيوانات و لا اقدر اجى جنبهم بس نصيحه مدام خلف ماينفعش يفضل اسمه شمشون

مش كويس عشان نفسية الاطفال بعدين هينادوهم فى المدرسه يالى امك اسمها شمشون و بعدين يسقطوا فى المدارس و الذنب فى رقبتك

ممكن ماهيتاب

[عماد حمدي]

ممكن ماهيتاب

حلو الإسم دا ههههههه ضحكتيني والله ..

وبعدين شمشون دا راجل إزاي راجل خلف !!!!

[engmido]

شمشمون باع ارضه ...يا ولاد

شوفوا طوله وعرضه

[Damo]

اهلا اهلا بشمشون

مبروك الرجوع الى بي العيله

بوصي بقى يا ستي. انا عملت سيرش سريع و طلعت بالاتي:

اولا مهما اكلتيه من الاكل العادي مش هيكون مغذي كفايه لاحتياجاتو عشان كده لازم الاكل المخصوص بتاعو اللي بيتجاب من المحل. اعتقد في اليوم تديلو حبة اد اللي تقدري تشيليه في ايد واحدة. كل يوم بقى ممكن تنوعي اكلو...شوية بسكوت بس مش بتاعنا بتاع الكلاب (بس شوية صغيرين) ممكن ساعات تحطيلو خضار (بس نادر عشان الخضار فيه ميه و دي ممكن تجيبلو اسهال) ممكن تحطيلو عيش ناشف او كورن فليكس.

الحاجات الممنوعة منعا باتااااا:

المعلبات, ثوم, بصل, بطاطس و اهم حاااجة ممنووووع شوكولاته. في انواع شوكولاته مخصوصه للحيوانات دي بس اللي تنفعلو. لكن كادبوري و الحاجات بتعتنا دي لأ.

اللينك ده في حاجات كتير

http://petshub.com/hamster/hamsters-like-dislike-eat.php

[ساره احمد]

تصدقي شكلو جميل خالص اختي كانت بتقولي (زمان) هاتي هامستر بس انا مرضيتش علشان عامل زى الفار :D بس ممكن اسالك سؤال هو بيعض :blink: ؟

انا بحب اوى اربى حاجات كدة كانت عندى قطة بس هربت منى مش عارفة لية وبعدها جبت سمك بس انتقل للرفيق الاعلي وبعدهم جبت ترس تودى وبودى1 وماتو وتودى وبودى2 بودى ماتت بعد 3 ايام وتودى قعد معايا سنة بس مات وهو بيعمل بيات شتوى قعدت اعيط علية اسبوع وصورتة حطاها ع الموبايل خلفية وربيت حمام بس طارو منى ودلوقتى عندى 4 اولاد جداد لوزة وموزة ولولة وتوتة (حمام برضو)

[se_ Elsyed]

من افضل المأكولات اللي بيحبها الهامتارو هي " البيض بالبسطرمة "

جربي يا ريهام ومش هاتندمي

في انواع شوكولاته مخصوصه للحيوانات

ممكن تجيبي لي كرت توصية من حيوان من دول عشان عاوز اقدم على عدادا للشقة

[engmido]

ههههههههه

والله يا سى السيد انت اللى فاهمنى

[myusername]

لا حول ولا قوة الا بالله... شمشون خلف

فكرتينى باللى كان جايب جوز عصافير مربيهم علشان يولدوا... و فى الاخر الاتنين طلعوا زى بعض :ninja:

عموما الف مبروك.... و يتربوا فى عز شمشون و جوزه :lol:

[حمزه]

حقيقة امرك محير احيانا احس انك فيلسوفة واحيانا اخى احس انك طفلة صغيرة تمازج غريب وجميل في نفس الوقت

بالنسبة لمشكلة الفار بتاعك قصدي الهامستر اظنه غير متعود على المناخ في مصر لانه جيء به من بلده اين كان متصالح مع نفسه ويحس بهويته كهامستر فاذ به في بلاد يظنونه فارا واظن هذا ما سبب له ازمة نفسية وكما يعلم الجميع اصل الامراض العضوية اواغلبها يكون نفسيا + انن القطط المصرية ما عنهاش ثقافة الهامستر وبالتالي حيفتكروه فار فهو قال في نفسو المحل ائمن على الاقل صاحب المحل حيحط جنب اقرانه من الهماستيرات

فيا اخت لماضة عند حلين يا تقنعيه انو فار علشان يتافلم مع الجو المصري ويعرف يتعامل مع القطط المصرية يا ترجعيه للمحل وفي حل تاني بس لن استطيع ان اخبرك به لاني ساظطر لفتح باب لا اريد فتحه خلينا ناسيين احسن

سلام

[Scorpion]

من افضل المأكولات اللي بيحبها الهامتارو هي " البيض بالبسطرمة "

جربي يا ريهام ومش هاتندمي

في انواع شوكولاته مخصوصه للحيوانات

ممكن تجيبي لي كرت توصية من حيوان من دول عشان عاوز اقدم على عدادا للشقة

:ninja: :lol:

بتأكلي الفار يا آنسة لماضة ... بسكوت و شاكاليطا و فونضان ... ؟؟؟؟ :lol:

أرزااااق

ما أهه ... سي السيد أهه ... رجل عنده بكالريوس و بيحضر ماجستير و كل يوم رايح جاي علي معهد سنجر بشنطة مليانة كراريس و الوان رصاص و سندوتشات ...

تفتكري لو لقي فار حَيّأكِلو ... طبعآ لآ ... حياكله

و علي رأي سمير غانم ... هو احنا لاقيين ناكل !!!

جد شمشون كان صرصار

أرزااااق بجد ... جتنا نيلة في حظنا الهباب

[ابو محمد بن مصطفي]

مبروك للفاره شمشون

وايه يعني مش فيه سناء راجل وشيرين راجل وفيه دعاء راجل

يبقي اكيد فيه شمشون فاره

من تجربتي مع الهامستييير دول

في فترة من حياتي كنت شغال في مكان للابحاث العلمية وطبعا مدام فيه ابحاث يبقي فيه هامستر واخواتها

يعني فيران بيضا وجبلي وهامستر وعلي كل لون يابطسطا

المهم كان اكل الفيران دول عبارة عن خس و نوع من العلف ولبن بودره (نيدو)

ايوه لبن نيدو المهم كنا بندفع حوالي 500 جنية في الشهر لشراء نيدو لتغذية الفيران

بعد فترة شكينا في الامر قصدي في النيدو لانه بينسحب بكميات كبيرة

لقينا ان العمال بيضربوا النيدو والباقي بيصدروه لعامل البوفية يحطة علي النسكافية

وده كانت نهاية الهامستر

علي فكرة الباحثين كانوا بستهلكو حوالي 20 هامستر يوميا مش بيكلوهم لا بيشرحوهم

[زعلان]

الهامستر وعن خبرة بياكل جزر و كرفس وخس و بيموت في الاعشاب الطازجة الورقية بتبقى تسليته زي اوراق الخس او البقدونس وما شابهها

والمية مهمة بالنسبة له

بس لو جبتيه مع مراته و عياله توقعي ان يبقى عندك مزرعة همستر زي الارانب و ممكن تطروا ولا بلاش ربنا يستر

[زعلان]

ومتنسيش قشر البطيخ وخلي بالك ما تقطعيش الاكل صغير سبيهوله بحجم معقول زي عيدان الكرفس حتى قشر البطيخ بس بيعمله اسهال

[اغابي]

مبــــــــــــــــــــــروك -

كدا المسؤلية زادت عليكي - بس اوعى تموتيهم يا لماضة - وخلى بالك من نظام اكلهم ونومهم

دول لسة بوببا صوغنن - بجد - شكــــله كميـــلة اوى - هو شبه الارنب اكتر حسب الصورة

بس حجمه ايه صحيح - حجم الارنب ولا الفار ؟؟؟

عمــــوما مـــــبروك

اغابــــــــي

[اغابي]

الهامستر وعن خبرة بياكل جزر و كرفس وخس و بيموت في الاعشاب الطازجة الورقية بتبقى تسليته زي اوراق الخس او البقدونس وما شابهها

والمية مهمة بالنسبة له

بس لو جبتيه مع مراته و عياله توقعي ان يبقى عندك مزرعة همستر زي الارانب و ممكن تطروا ولا بلاش ربنا يستر

انتم ملاحظين - كدا اكله زى الزولحفة بالظبط

:blush2:

تم تعديل 30 مايو 2010 بواسطة اغابي

[عاشق الترحال]

بس اوعي حد يقولي "فار"....احسن هعيط

عيب يا لماضه تضحكي علينا دا فااااااااار إبن فااااااااار كمان بس مقطقط شويه

وبعدين فيران أيه دي يا أخويا اللي بتاكب شاكاليطه وبسكوت :sad:

فيران محظوظه صحيح .

نصيحه هاتيلك فرختين ربيهم أحسن يا لماضه عالأقل يبيضولك بيضتين تفطري بيهم كل يوم :blush2:

ويا سلام لو تجيبيلك معزتين تحلبيهم وتعملي منهم حليب وقشطه وخلافه

أقولك على حاجه أنا مليش في الليله دي بس يوم ما أحب أربي حيوان هاربي نمر :sad:

عالأقل الواحد كل يوم ينزل يتمشى بيه فى المنطقه ويثبت العيال السيس ويقلبهم ويطلع منهم بمصلحه :sad:

[اغابي]

أقولك على حاجه أنا مليش في الليله دي بس يوم ما أحب أربي حيوان هاربي نمر :sad:

عالأقل الواحد كل يوم ينزل يتمشى بيه فى المنطقه ويثبت العيال السيس ويقلبهم ويطلع منهم بمصلحه

ايه الحبتين دوول

طب بس علشان انا حاصدقك يا عاشق

اهو شايف وشى مصدقك ازاى ومتنحة اهو :blush2:

قال نمر قال :sad:

طب واحد غيرك يتكلم -

نسيت موضوع العفاريت - بخخخ :sad:

اغابي

[Diab]

عن النبي ص قال: «من مسح على رأس يتيم لم يمسحه إلا لله كان له في كل شعرة مرت عليها يده حسنات ومن أحسن إلى يتيمة أو يتيم عنده كنت أنا وهو في الجنة كهاتين» وفرق بين أصبعيه السبابة والوسطى.