شعنونة والحياة المجنونة

[بنت شعنونة]

ما عرفتش اكتب الموضوع دا فين فقلت اكتبه هنا وخلالالالالالاص بقىىى هتلاقوه جد على هزار :)

نبتدي الحكاية

كنت قاعدا لا بيه ولا عليه عندي نص نبطشية استقبال وكان قبلي زميله ليا

المهم انا رحت استلم النبطشية لفقيتها في منتهى السعادة وطلعت تجري؟! :blink:

قلت ماعلينا البنت فرحانا وخلاص بقى

اتاااري كان فيه جثة واحد مشنووووووووووووووق جايا وهيا لازم تعاينها وتقول انه ميت عشان يروح المشرحة

واذ بي فجأة الاقي الممرضات كلهم جايين عليا جري ويالله يا دكتورة الحالة جت؟؟

حالة ايه يا ولاد؟؟

المشنووووووق يا دكتورة؟!؟!؟

mf(

مشنوووووق؟؟؟ rs:

مشنووووووق مييييين يا سيييد؟؟؟

واتسحبت هيلا بيلا واتحدفت جوا عربية الأسعاف غصب عني والله وشفت الراجل المشنوق وطلعت جريييييي من العربية ومن كتر الرعب و الريحة البشعة لزقت في اول حيطة جت في وشي لآني بكل بساطة ما كنتش شايفا قداميييييي mf(

في نفس اليوم بالليل كنتت بمر في الأستقبال لقيت برضه الممرضات ساحبيني من ايديي ومعاهم الدكتور النبطشي!!

رايحيين بيا فين بس ياولالالاد؟؟

عشان نشوف الحالة

حالة ايييييه تاني الله يخرب بيوتككوووو mf(

الغرقاااااان يا دكتوووورة

يختيييييييي :o

غرقااااااان

انا نااااقصة

واتفتحت عربية الاسعاف قدامي وتهل الريحة عليا لدرجة اني طلعت اجري وانا لسا ما شفتش حاجا اصلالالا

والممرضات يزقوني يرجعوني

والظباط مسخسخيييين ضحك!!!!

وانا اقرب حبة وارجع اجري تاني

لالالاءءء ياعم لاء مش نافع والله يا جماعا

انا بخااااااف

والناس تسمع الكلمة دي من هنا وهاتك يا تريقه من هنا

المهم شفته طشاااااش كدا

ليلتها بقى

حطيت راسي وعاوزة انام بقى

اني انااااااام!!!!

ابدااا

المشنوق على يميني والغرقان على شمالي؟؟؟ :0

ياجدعان ابعدوا عاوزة اناااام

ابدااااا

نورت النور قلت يمكن يمشوا؟؟

مافيش فايدة

المشنوق على يميني والغرقان على شمالي لحد الصصصصصصصبح ونزلت يومها امضى اكني مضروبة ميييت قبقاااب من قلة النوم

[عادل أبوزيد]

الفاضلة شعنونة

كما ذكرت موضوعك هذا مزيج من المأساة و الملهاة و حقيقة كنت على وشك أن أمزج مداخلتى هذه برسالة لك أختزنها فى نفسى من مدة و اقول " أهو كله جد على ضحك" و لكنى آثرت أن آخذ هنا الجانب الضاحك منها.

يوم الأربعاء الماضى كنا فى إجتماع خاص بموضوع تفعيل النزاهة ... و عن لى "بمعنى وسوست لى نفسى" أن أشرب فنجان قهوة ... و قد كان ......

الفاضلة شعنونة ... أنا لم أخرج عن الموضوع .... و لمعلوماتك كنت دائما - فى الأيام الخوالى - شريب قهوة من الدرجة الأولى و لكنى الآن كالطفل الوديع بلعتين بيبسى أو كوكاكولا و إنسى النوم .... و قد كان

بت ليلة كما وصفتيها طوال الليل و صدى المناقشات تدوى فى رأسى ... أستذ هيثم من فضلك إبعت التقرير بالعربية ... يا جماعة الوقت دا كله نناقش مجرد المظلة القانونية .... أستاذ أمير ليتك تؤكد لى إمكانية العمل من باكر ... أستاذة مرفت يعنى إيه نستقر ست أشهر ... سادتى أنا يهمنى الشكل كثيرا يهمنى أن تتحول النزاهة لهدف قومى ...

حتى الصباح حيث وجدت نفسى أيضا "مضروب ميت قبقاب".

بالمناسبة من أين عرفت كلمة قبقاب أرجو أن تجيبينى بصراحة لأنى أعرف - من كتاباتك - أنك قضيت وقتا طويلا خارج مصر و أنا آخر مرة سمعت كلمة قبقاب فى أى منزل يمكن أواخر الخمسينات.

أرجوكى أن تقرى و تعترفى بمصدر هذا الإصطلاح

الفاضلة شعنونة لك رسالة سأكتبها فى موضوع مستقل موجه لأمل مصر ... الخريجين الجدد فى خطواتهم الأولى.

[بنت شعنونة]

عقلي الباطن بيقولي هوا انا كل ما اقول كلمة حد يشبط فيها

يعني قبقاب استاذ عادل يقولي جبتيها منييين

ومرة كلمة ابصر يقولي لينكس جايباها منيييين؟؟

والله يا استاذ عادل انا مش عارفا جبتها منيين؟؟ بس ها اعصر مخي وافتكر اول مرة سمعتها منيين rs:

نيجي بقى للحلقة الثانية من الموضوع

تدا دددااا دااااااا :blink:

[سقراط المصري]

بس ها اعصر مخي

mf( mf( rs:

تدا دددااا دااااااا

:blink: :)

[بنت شعنونة]

u] فتى الأحلام و الحمار الأبيض

كان عندي عيان بينقل دم عشان نسبة الهيموجلوبين عنده ناقصة جدا ولازم يقعد معايا يومين على الأقل

هوا كان مسافر من ليبيا لآسوان وراسه والف سيف ينقل كيس الدم ويسافر

المهم نزلت اتطمنت عليهه وهزرت معاه طمنته على نفسه وقلتله ها اكتبلك تاكل ايه والدوا اللي تاخده عشان تعيش لحد ما توصل اسوان وتدخل المستشفى هناك

ومشيت عشان اكتبلة الدوا لقيت واحد منهم جاي ورايا "من المرافقين اللي معاه" وهوا اشعث اغبر عريض المنكبين شلولخ وعنده حوالي 40 سنة

- ها نمشي يا دكتورة؟

-اه نخلص الدم بس وتمشوا.. حضرتك معاه؟

- لا انا سواق العربية اللي مسافر فيها.. حضرتك منين يا دكتورة

- من مصر

- نزلتي اسوان قبل كده؟

- لا والله

- انا ماسك خط ليبيا اسوان من 14 سنة

-؟؟ ياااه ماشاء الله ربنا يكون في عونك والله

- حضرتك متجوزة يا دكتورة؟

- لا الحمدلله "وحطيت راسي في الورقة اللي بكتبها"

- ليه؟؟ هوا الجواز بقى حرام دلوقتي؟

- لا يا سيدي بس مسؤولية الواحد مش قدها كفاية مسؤولية الشغل ال متلتلة اللي عندنا

- طب هوا انتي لازم تتجوزي دكتور؟

- لا يا سيدي مش لازم

- يعني ينفع واحد على قد حاله؟؟

-!!!!؟؟؟؟ على قد حاله؟؟ يعني يرضيك اقضي 8 سنين علام في الطب وفي الأخر اتجوز واحد على قد حاله؟؟ دا انت ما ترضهاليش!!!

- راح مقرب مني قوي كدا ومسبلي عينيه وقالي حتى لو كان مستعد لآي طلبات تطلبيها ومعاه فلوس تسعدك!!!

وانا تنحت rs: :)

واكنه نزل عليا قالب طوبب واحتست ومش عارفا اروح فين او اقول ايه

وفجاة لقيت مريض بيحولوه العناية

رحت مصوتة باعلى صوتي

استنوااا انا ها انزل المرض دا بنفسيي

استنوووونييييييي

وطلعت اكمل صووييييت في السكن فوووووق

اخرتها سواااق يا لينكس

الظاهر ان الراجل حس اني ميكروباصية قديمة

الدم بيحنننن :blink:

[Salwa]

ما هو مفيش فايدة ..

انا بعترف انى غلبت معاكى ....

يابنتى بطلى دبلوماسية .....

لما يسألك ...فارس الحمار الأبيض ...حضرتك متجوزة ؟؟؟ قولى له ..من فضلك ...//وانتى كدة فى حالة شبه غاضبة //..

وبصى له بصة واحدة بس ..من بتوعك ...حايسكت على طول..

روحك الحلوة دى بتطمع فيكى الناس ياشنشن ...

اما بقى حكاية الغرقان والمخنوق ............؟؟؟؟؟

الله يكون فى عونك .....وعرفتى تنامى بعد كام يوم ؟؟

على فكرة فيه نوع من البلاستر ممكن تستعمليه بيكون مخصوص علشان أطباء ...الفورنس ...اللى متخصصين فى تشريح الجثث.

يوضع تحت الأنف ..وكدة مش ممكن تستنشقى اى رائحة غريبة ..

ياترى فاضل كتير على الغربة دى ؟؟؟

والله ياشنشن انا لما أقرأ ما تعانيه بتعذب على هذا الوضع ..لكن حقولك ايه ؟؟ ربنا يكون فى عونك ...

احكى كمان حصل ايه ؟؟

[Sherief AbdelWahab]

عادت شعنونة..

محملة بأحداث ثقال و غرائب يشيب لهولها الكتكوت في قلب البيضة..كوميديا واقعية مصرية مئة بالمئة تدور أحداثها كل يوم و كل ليلة ، في السلوم أو الإسكندرية أو المنصورة أو القاهرة أو أي مكان في بلد العجائب السبعين..

عادت شعنونة و العود محمود.. clp::

خلص الكلام

[بنت شعنونة]

في يوم من ايام الأجازات اللي فاتت انا كنت مريحة وما عنديش نبطشية باطنة

واذ بي فجأة الاقي الساعا 11 الضهر حد بيخبط عليا وافتح الاقي ممرضة بتقولي معلش يا دكتورة تعالي معايا شوفي حالة الباطنة اللي تحت دي

!!

رحت مصوتة في وشها

حرام عليكي يا بنتي دا انا راحة النهاردا

اصل الدكتورة دودو النبطشية اتخانقت مع العيان وحلفت ما تكشف عليه

"في عقل بالي.. افففففففف يادي القرف دا بقى"

خرجت من الأوضة وانا بقولها حصل ايه بقى

لسا بقول الكلمة

لقيت دودو متكومة جنب الحيطة وعمالة بتعيط ووشها احمممممممممر زي الدم

انا شفت منظرها كدا واترعبببببببت

خير يا بنتي في ايه؟؟؟

ودي بتعيط وبسسسسسسس

المهم فهمت من الممرضة اللي معاها انه في عيان مات تحت وهيا حاولت معاه وماكنش ينفع لآنه قدر الله نفذ وهوا اصلا كان كركوووووووووب وعيان بمليون عيا من زمان

المهم لما ابن العيان سالها وقالتله البقاء لله

راح ماسكها ضاربها

!!!!!!!!!!!!!!!!

انا سمعت الكلمة دي واتجنننننننننت

ورحت لابسا البالطوا على البيجامة ولفيت الطرحة وانا عمالة ازعقلها لما عرفت انها مارضيتش تعمله محضر عشان خايفة منهم لآنهم بدو!!!!!!!!!!

- انتي اتهبلتي؟؟؟؟؟؟؟ لازم تنزلي تعملي محضر وفين البهواتتتتتتت الدكاترة الصبيان؟؟؟؟؟؟

- فين النايب الأدااااااااااري؟؟؟؟

المهم

نزلت واول دكتور لقيته مسكته مسحت بكرماته الأرض

والتاني والتالت وهكذا لما قلبت الدنيا فووووووووق دماغتهم كلهم

وكلهم يتحججوا انها ما رضيتش تعمل محضر

اقولهم طب هيا خااااااااااافت انتوا ما هدوتهاش ليييييييييه

بقولكم ايه

لو انتوا مش رجااااااااالة احنا بقى رجالة

قال وانا اللي كنت فكراكم اخواتنا

المهم الكلمة دي نرفزتهم جدا

فراحوا معانا القسم قعدوا 4 دقايق بالعدد واختفوا

وانا اللي فضلت معاها لآخر لحظة

عملنا المحضر

واحنا بنعمله جه اخوات اللي ضربوها يعتذروا

راحت دودو بصالي انهم اعتذروا ف خلاص بقى نتنازل

وانا ابدااااااااااااا

لما يجيلك اللي ضربك دا يبوس رجليكي تبقى تتنازلي

شوية وجابوا العمدة بتاعهم وكان يعرفني

ويقولي يا دكتورة انتي من عربنا

اقولوا عشان كدا بالذات دا حق عرب ومش ها ارتاح الا اما يجي الراجل دي يعتذر

- طب وشيبتي دي يا دكتورة دا انا جايلك بنفسي

- = لو اختك يا عمدة كان ها يبقى فيها دم واحنا مش اقل من اخواتكم

ورحت واتصلت بالمديرة وقلبت الدنيا فوقاني تحتاني

لحد ما نايب المديرة جالنا بنفسه

وكان ساعتها الراجل بقى جه وقال ايه بيزعقلها!!!!!!

رحت واكلااااااااه وقلتله بقولك ايه اتكلم كويييييييييس انت جاي تعتذر والا ايه بالضبط

من هنا لهنا اعتذر اخيرا واتنازلت عن المحضر وانا كنت في منتهى السعادة الصراحا

وقال ايييييييه بعد كدا نايب المديرة زعلان مني ليه انا رحت اتصلت بالمديرة!!!!!

حاجا تفرس

[Katamando]

رجالة وطول عمر ولادك يا بلدنا رجالة

ترتمم ترا لم لم ومش محتاجة قوالة

ما أعرفش ليه الأغنية اللي مش فاكرها كويس دي طنت في نافوخي بعد ما قريت الحادثة (قصدي الموقف)

بس انت عايزة الراجل يجي يعتذر وهو عمل اللي عمله في حالة هستيرية لفقده أبوه؟؟ طيب إديله فرصة يدفنه ويعيط عليه شويه وبعدين يفوق ويجي يعتذر

والله أنا شايف أن العفو عند المقدرة مقولة لازم نفتكرها وخصوصا في مثل هذه الحالات وانت يا دكتورة استقويتي على الراجل بكونك او بكون زميلتك بنت لكن لو كان الموقف ده حصل مع دكتور من الشباب يا ترى ايه ممكن يكون رد فعله؟

أنا عندي احاسيس متناقضة مبسوط لأانك ابتديتي ما تخافيش من الغربة بس برضه بالراحة شوي يا دكتور ومن ناحية تانية يعني شايف انك تماديتي شويه في التمسك بحق غيرك وليس حقك انت يا ريت تعملي ده في الدفاع عن حقك

ربنا يوفقك ويسهل عليكي متاعب الغربة

[بنت شعنونة]

يا وهويييييييييي

وانا اللي قلت انك يا ماندوا اول واحد ها تشجعني على اللي عملته

؟؟؟؟؟؟؟؟؟

يا كتاماندوا ضرب بنت مافيش حاااااااااااجا في الدنيا تبرره

والا اذا كنت قلت انه عمل كدا عشان ابوه اتوفى

يبقى لو حد قتل واحد قدامه عشان عنده حالة وفاة ها نصقفله ونقول معلش اصله كان في حالة هيستريا!!!!!!!!!

لا معلش با ماندوا انا مش متفقة معاك ابدا المرادى

انا صحيح متحيزة جدااااااا للبنات

لآننا هناك واقفين بطولنا بمعنى بكلمة بطولنا

يعني حتى احنا مع بعض ما بنقفش مع بعض!!!

بس الحق حق

واعتقد انه حقها انها كمان تضربه زي ما هوا ضربها

واذا انت بتقول العفو عند المقدرة

ماهوا دا اللي عملته!!

انها اكتفت بالأعتذار وخلاص

لو حد تاني والله ما كانوا سابوه الا في القسم

وعلى فكرة

الموقف دا حصل قبل كدا مع ولد

عارف عملوا ايه؟

عملوا محضر ولما الراجل اللي ابوه مات جه يعتذر في القسم اتلم عليه الدكاترة الصبيان ورنوه علقة سحنة وبعدها سابوه ومشيوا واتنازلوا تاني يوم عن المحضر

ايه رايك بقىىىىىىىى؟؟؟؟؟؟؟؟؟؟

[Katamando]

يا وهويييييييييي

وانا اللي قلت انك يا ماندوا اول واحد ها تشجعني على اللي عملته

؟؟؟؟؟؟؟؟؟

يا كتاماندوا ضرب بنت مافيش حاااااااااااجا في الدنيا تبرره

والا اذا كنت قلت انه عمل كدا عشان ابوه اتوفى

يبقى لو حد قتل واحد قدامه عشان عنده حالة وفاة ها نصقفله ونقول معلش اصله كان في حالة هيستريا!!!!!!!!!

لا معلش با ماندوا انا مش متفقة معاك ابدا المرادى

انا صحيح متحيزة جدااااااا للبنات

لآننا هناك واقفين بطولنا بمعنى بكلمة بطولنا

يعني حتى احنا مع بعض ما بنقفش مع بعض!!!

بس الحق حق

واعتقد انه حقها انها كمان تضربه زي ما هوا ضربها

واذا انت بتقول العفو عند المقدرة

ماهوا دا اللي عملته!!

انها اكتفت بالأعتذار وخلاص

لو حد تاني والله ما كانوا سابوه الا في القسم

وعلى فكرة

الموقف دا حصل قبل كدا مع ولد

عارف عملوا ايه؟

عملوا محضر ولما الراجل اللي ابوه مات جه يعتذر في القسم اتلم عليه الدكاترة الصبيان ورنوه علقة سحنة وبعدها سابوه ومشيوا واتنازلوا تاني يوم عن المحضر

ايه رايك بقىىىىىىىى؟؟؟؟؟؟؟؟؟؟

طي شوفي الجانب الإيجابي في الرسالة

هو كله ضرب ضرب مافيش شتيمه

أنا برضه قلت ان فيه جانب ايجابي

[إبن مصر]

انا فاكر زمااااااااااااااااااااااااان دكتوره صغيره وكانت يا اولاد لسه فى التكليف

شافت حاجه غلط

قوووووووووم قالت لاهل المريض ان الدكتور غلط....

قوم اهل المريض..

احمم

اممم

ما علينا

تصرفوا بهمجيه وغوغائيه وبدائيه...

قوم مستقبلها كان هايضيع

بس تعرفوا الحق.......

البنت المفعوصه دى وقتها كانت بميت راجل

ولسه الى الان بميت راجل

كانت صح زمان...

وصح الان.....

ليت كلنا مثلها.........اسما فقط..........نسوان

تعرفوا هى مين؟؟؟؟؟؟

[عادل أبوزيد]

الفضلة شعنونة

أقسم لك أنى فرحت جدا فرحت و سقطت دمعتان على خدى....

لقد راهنت عليك و راهنت على أولادى و أصدقائهم .... راهنت بالكثير

قلت هؤلاء سيستردون مصر ... هؤلاء هم القادرون على صناعة سنغافورة جديدة فى الوادى.

عن لى لى أن أحاول أن أدلى بنصيحة و لكنى آثرت أن أفرح

حضرتك صح و نحن بما فينا كاتاماندو غلط.

ىنستى الفاضلة .... إفردى صدرك إرفعى رأسك ... و تفانى فى العمل بصدق و شرف بذلك تنجحين فى فرض النزاهة و الشرف على الجميع بل أنك بذلك تكونين قادرة على نشر "عدوى" النزاهة و الشرف و الكبرياء فى الجميع.

الفاضل كاتاماندو .. ليتك تفتح موضوعا نناقش فيه معا أبعاد و تداعيات "العفو عند المقدرة" التى ذكرتها.

هناك موضوع عن شعنونة فى باب التعليم

و هذه هى الرابطة:

موضوع عن معركة شعنونة - و أمثالها - مع غول البيروقراطية و التواكل

[بنت شعنونة]

يا كزووووووووفي يا كزووووووفي

مش للدرجة دي يا جماحة

انا كمان بتعلم من اللي حواليا

مرة كنت في العيادة وانا متعودة زي كللللل الدكاترة

لما يجيلنا زميل او ممرضة او حد نعرفه ومعاه حد من قرايبة عيان ندخله الأول او على الاقل في غير دورة بدون ما ينتظر

لحد ما مرة الممرضة المسؤولة عن العيادة رفضت تدخل والدة ممرضة عندي انا بحبها جدا

وانا طبعا اتنرفزت عليها وسالتها ليه بقى ان شاء الله

ردت عليا بكلمتين

يا دكتورة العيانين بيكلوا وشي

عشان دا دورهم وحقهم

عاوزة تدخلي حد اتفضلي انتي اخرجي ودخليه بنفسك

بيني وبينكم اتكسفت جداااااااا من نفسي ومن يومها بطلت العادة دي

الناس زعلت شوية في الاول وبعدين اتعودوا

وعلى فكرة يا استاذ عادل

احنا هناك عملنا حاجا وجابت نتايج فعلا

المرضى اللي عندي راحوا جابوا نمرة فاكس الرياسة وفاكس ماما سوزان

وبقينا كل ما تحصل مشكلة نتلم كذااااااااااااا نفر نبعتلهم على الفاكس كذاااااااا فاكس ب كذا اسم وكلهم بيقولوا نفس المشكلة

وفوجئنا بوصول ردود علينا فعلا

وفوجئنا في مرة منهم بتدخل فعلا من ماما سوزان

يعني لسا فيه شوية امل

الكـــــــــتــــــــــــرة تغلب الشــــــجــــــــاعة

انا وصلت للجملة دي افضل من كلمة ديموقراطية او امل حتى

[lالمطحون]

فكرتينى بحادثه حصلت معى فى فترة النيابه فى المستشفى جاء مريض الظهر وكانت حادثة عربيه والراجل متبهدل كسور فى الفقرات القطنيه والصدريه والايدين والساقين وكانت حالته العامه سيئه جدا المهم كانت كمان فصيلة دمه ب- وكان يوم زى الزفت لفينا مصر كلها عشان نجيب له دم وبعدين بدانا تشتغل فيه باليل لغاية الساعه8 صباحا المهم اتى طبيب امتياز فى العياده وقال الحاله تعبانه وروحت كان هناك مرس جراحه عامه ومدرس مساعد وانا شويه ولقيت 3 حيطان بطورة بشر واقفين فوق دماغنا فى الطوارئ زعقت انا فيهم وطردتهم شويه والعيان جاله نزيف زائد فى صدره وثوانى نادوا بتوع جراحة الصدر والقلب وثوانى ولم اجد بجوارى كل الدكاتره كله خلع وانا اعنل ايه المريض فيص وتلاته مصارعين بره لوعرفوا هيموتونى وفعلا قلعت البالطو وجبت 3 عمال من الامن تيران واستخبيت فيهم وروحت غرفة رئيسة التمريض وقفلوا الباب عليا وكسروا الدنيا وكان فيلم رعب لغاية ممشيوا خرجت جرى على السكن ------المهم ياشنن الجرى فى الحاجات دى نص الجدعنه ان لم يكن كل الجدعنه وانسى اعتذار وغيره علشان كده كونى حريصه قوى فى التعامل مع الحلات الحرجه لان الواحد مش ضامن حياته والسلام

[بنت شعنونة]

كلامك صحيح يا دكتر مطحون

انما اوقات الكرامة تحكم

والحمدلله انهم ماكنوش مصارعين

كانوا من طولنا كدا

دا غير انه نص اهله كانوا متعاونين

ف انا استغليت الفرصة دي

وسبحان الله عمدتهم والدته كانت عندي وانا راعيتها كويس فكان شايلي الجميلة اوي وعشان كدا كان بيقولي يا دكتورة انتي من عربنا

بس بجد صعبت عليا نفسي بعدها

اصل انا عاملة شجيعة السيما كل ما تحصل مشكلة لبنت في السكن تجري عليا عشان اخدلها حقها

انما لو انا جرالي حاجا ها اقف بطولي

دا حتى يمكن انا ما اقفش جنبي

زي ما كتامندو قال بالضبط

دا عيبي

وعشان تصدقوا ها احكيلكم

قبل الموضوع دا ب 4 ايام

زميلة عزييييييزة على قلبي جدا اتصلت بيا وهيا هاتموت من العياط وقالتلي انزلها

نزلت جري ورحتلها

مالك يا بنتي

- كان فيه ولد صغير واقع على راسه من يجي اسبوع وعنده جرح صغير وهيا ما عرضتوش جراحة عشان يشوفوا عنده ارتجاج في المخ او لا؟

وقالت لوالده

لو رجع او اغمى عليه هاتوه جري

ومش الولد

وفي البيت رجع

جابوه تاني يوم عيادة الجراحة راح الجراح مشاه وقال انه كويس

3 يوم نفس الكلام

4 يوم الولد جه بنزيف في المخ !!!!!!!!

راحوا محولين زميلتنا للتحقيق

قال ايييييييييه

هيا اول واحدة شافته وهيا اللي تتحمل المسؤولية

وبرضه اتجننتتتتتتتت

قلتلها كان لازم تقولي للمحقق اه انا اول واحدا في اليوم الفلاني

انما معلش بقى لازم تحقق مع الدكتور فلان وعلان اللي شافوه اول ناس في اليوم اللي بعدي واللي بعده

ورحت برضه مسكت رئيس قسمها زعقتله

ومسكت رئيس الجراحين شهدته

وكلمت دكتور صديقي جراح انا بعزه اوي وهوا بيعتبرني زي بنته او اخته الصغيرة وقلتله يتدخل

المهم عملت دووووووووووشة معتبرة

المديرة لقت اكتر من 5 دكاترة عمالين يكلموها عشان الدكتورة دي

راحت محولة الجراحين للتحقيق

وقالت في النهاية التحقيق ها يحفظ بس دي قرصة ودن

:blink:

[kfaya]

انتى ابتديتى الحكاية بالغرقان و المشنوق ....

طب الغرقان دة أكيد غصب عنة ..... لكن بقى المشنوق ؟؟, مش معقول الفضول م اشتغلش معاكى عشان تعرفى هو شنق نفسة لييييييييييييةةةةةة ؟؟؟؟؟؟ مراتة مثلا مجنناة ؟؟؟ بيحب ولا طالش .. مش معقول معرفتيش و النبى قولى لو كنتى عارفة . :blink:

و كمان الفضول دة ممكن يكسر الملل فى الغربة دى ... يعنى مثلا لو دخلت عليكى واحدة وشها وارم و عينها زرقة , هتعالجيها و خلاص ولا هتسأليها دة من اية ؟؟؟؟ ومين اللى عمل فيكى كدا ؟؟؟ المنيل جوزك ؟؟ وتروحى مدياها رقم الفاكس بتاع ماما سوزان ....

[R.M.G.]

معك كل الحق يا دكتورة شعنونة في كل مافعلت وطبعا حكاية إن كل من هو حزين أو متوتر يطيح في مخاليق ربنا يلطش فيهم ويبهدلهم دي لزم تنتهي من حياتنا بعد أن أفسحنا لها المجال كثيرا حتى تضخمت إلى هذا الحد

بس كلمة في ودنك : مش بالذمة في دكاترة كتير – خاصة في المستشفيات الحكومية – يستاهلو ضرب النار مش مجرد الضرب العادي يعني لما دكتور يجريكي وراه ومش معبرك وهو أد ولادك ولسه متخرج مبقالوش 3 ساعات وراسم القرننة ع العيانين وكأنهم خدم في الأبعادية اللي أبوه سبهاله يبقى إيه اللي ممكن العيان البسيط الأعزل يعمله ؟ يشتكيه ؟ طب لمين ؟ ماهو المدير ونائب المدير كده برضو

أحكي لك حكاية : في صيف 91 مرضت أمي رحمها الله بمرض سرطان الرئه ( وللعلم أمي كانت ريفيه وحتى متعرفش شكل السيجارة) وأصابتها نوبة شديدة جدا فجر أحد الأيام فلم يكن أمامي سوى الذهاب لصيدلية الأسعاف لشراء أمبولات معينه ذكرها لنا طبيبها وهناك وجدت العجب السادة الصيادلة بيهرجو مع بعض وتقريبا واحد مخبي بالطو التاني ولا يعيروني أدنى اهتمام فطبعا وبعد انتظار كان كالجمر قلت لهم حرام عليكم أنا بقالي مده واقف في واحدة بتموت لو سمحتم فتمعر أحدهم قائلا واحنا مالنا ماللي يموت يموت واللي يعيش يعيش ..أقسم بالله العظيم هذا حدث فلو مسكت واحد منهم وضربته قلمين كنت ابقى غلطان؟

مرة كنت في زيارة لواحد صاحبي دكتور في معهد السكر ولقيت واحدة بتتخانق مع الدكاترة لإنها قعدت ساعتين تدور على دكتور يشوف الراجل جوزها لغاية ماالسر الإلهي طلع .....الأدهى من هذا إني سمعت أحد الأطباء بيشخط فيها – وهي في هذه الحالة من الحزن – ويقولها والله لو ماسكتي لنوديهولك المشرحة ونطلب احنا تشريح الجثه ( طبعا كان أكيد بيهجص) بس اللي آلمنى جدا إن الست خافت وقالت : لأ يابيه حاتسد واقفل بقى حاتسد يابهوات خلاص والنبي بلاش بهدلة

ياأخت شعنونه قبل أن نطالب الجهلة بالعقل والتروي والحكمة والأدب يجب أن نطالب بهم كثيرا من المتعلمين وخاصة الأطباء الذين هم في كل المجتمعات كريمة المجتمع والصفوة المنتقاه

ولا أنا غلطان ؟

[Sherief AbdelWahab]

حكاية حمار الأحلام أكتر حاجة ضحكتني ..بس إنتي اللي طيبة زيادة شوية ، أعرف واحد بتاع بغل الأحلام !..شخص مضحك جدا كان بييجي لمكتب لكتابة رسائل على الكمبيوتر ، رسائل حب!..رغم أن شكله و طريقة كلامه لا تشجع على ذلك بالمرة ، و كل خطاباته ملأى بأخطاء إملائية مخجلة لا تعرف معها إذا كان يكتب خطاباته تلك لحبيبته ليوصل لها مشاعره ، أم ليضحكها بكل الوسائل بعد أن اكتشف فيما يبدو أنها مدياه أكبر طناش!

أم حكاية جراحة المخ بتفكرني بفيلم "ماش" و اللي فيه أحد الممثلين عامل دور كولونيل في المستشفى الطبي و بيعمل جراحات مخ رغم إنه عسكري عادي جدا و لا يفقه في الطب أي شيء!

خلص الكلام

[بنت شعنونة]

استاذ R G

كلامك صححححححححححح جدااااااااا جدا للأسف

وعلى فكرة عندي من العينة دي كتيييييييييير جدا جدااااااااا

دكاترة و ممرضات

والممرضة اللي بشوفها بتعمل كدا بمسسسسسح بكرامتها الأرض فعلالالالالالا قدام العيان عشان تبطل تنطق

وكل ما يجوا يقولولي يا دكتورة ما هما اللي زعقولنا اقولهم اللي يتكلم معاكم ما تردووووووش وقلوله كلامك مع الدكتورة وهاتوني من تحت الأرض

اما الدكاترة ف والله مش عاوزة احكيلك على كمية الخناقات اللي بعملها عشان عواجانهم دي

دا انا نفسسسسسسسسسسي اوقات يكون عندي عيان تعبان بعد عملية جراحية

ومحتاج عناية الجراح لآني هنا بقى ما افهمش

والله والله

بانزل اوضة التلفزيون اشحتتتتتتهم شحااااااااتة عشان يجيوا معايا ويكونوا هما بيشوفوا ماتش او حاجا تافهة

وافضل اززززززززن ازززززززززن ولا مليون مرة

فيه ناس بتتكسف مني وبتيجي معايا على طول حتى لو مش نبطشية اكراما "لخاطري"!!

وناس تانية جبلااااااااات والله لو مت انا قدامهم ما ها تفرق معاهم

وناس بتيجي بالفلوس

اه والله العظيم

يعني لالالالالالالازم اعزمه على ايييييي حاجا عشان يجي

فبقيت امشيها جمايل في الخر

يعني اجامل كللللللللل الدكاترة باني اشيل شغل ليهم عشان لما احتاجه ويغلس اروح مطلعاله وصلة ذل معتبرة يقوم يسكتني ويجي

تصدق بالله

كنت نبطشية باطنة ونادوا عليا ونزلت بسرعة

لقيت واحد زميلي تطوع وشاف الحالة عشان الراجل كان عنده ذبحة صدرية ولازم نطيييييير بيه على العناية

وانا اول مرة اتعامل مع الذبحة اصلا؟؟؟

طب يا دكتر اديله ايه؟

- اديله كذا وكذا بسرعة دلوقتي

-طب تعالا معايا ارجوك انا ما اعرفش اتصرف في العناية!

- انا جاي وراكي

- وجريت بيه على هناك الاقيلك الممرضات تتلكع على ماجابوا الأكسجين و الابر والعلاج

- وانا عمالة اصوت فيهم اخلصوووووووووواا

- وفجاة العيان اتشنج قدامي

- ومات!!!!!!!!!!!!!!!!

- تلاتا بالله العظيم انا كنت بصرخ فيهم زي المجنونة وناديت على الدكتور زميلي زي المهابيل وجه وحاول ينقذه لكن كان خلاص الراجل راح

- ورحت ماسكا كلللللل الممرضات وقلتلهم ربنا ها يحاسبني ويحاسبكم معايا على الراجل دا احنا بجد رايحين جهنم اكيد

- وقعدت اعييييييييط لتاني يوم

- والصبح رحت قدمت مذكرة في نفسي وفيهم عشان نتعاقب

- راحت المديرة خدتها بضحك وطبطبت عليا وسابتني!!!!!!!!