سؤال ..... اطرحه الى كل أب و أم فلا تبخلوا علي بالرد.........!!!

[pocy]

اخوانى واخواتى الافاضل

أنا أم مثل اى أم تهتم بابنائها وتريد ان يكون ابنها هو عالم من الاعلام الموجوده احب ان يكون ابنى هو رمز من رموز دينه احب ان يكون علم من اعلام وطنه اريد ان يكون تاجا يوضع فوق رؤؤس البشر اريد له كل ما هو جميل وثمين وقيم اريد ان افتخر بيه فماذا افعل لاجعله كذلك .................................!!!!!!

وجدت ان السبب فى انحراف الابناء هم الاباء والامهات

وجدت ان السبب فى علو الابناء هم الاباء والامهات

فما هو دورك كأب او كأم ؟؟؟؟؟؟؟؟؟؟؟؟؟؟؟؟؟؟ ماهو مقومات شخصيه الاب فى تربيه الابن والابنه ؟؟؟؟؟؟؟؟؟؟؟؟؟؟؟؟؟؟؟ ماهى مقومات شخصيه الام فى تربيه الابن والابنه ؟؟؟؟؟؟؟؟؟؟؟؟؟؟؟؟؟؟؟؟

هل هذا حلم ان يكون عمر هو العالم الجليل المنتظر لمصر أم انى بالغت فى هذا الحلم ؟؟؟؟؟؟؟؟؟؟؟؟؟؟؟؟؟؟؟؟؟؟

هل هذا حلم ان يكون عمر هو االداعيه الاسلامى لمصر أم انى بالغت فى هذا الحلم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هل هذا حلم ان يكون عمر هو الحاكم المنتظر لمصر وان يختاره الشعب بايرادته أم انى بالغت فى هذا الحلم ؟؟؟؟؟؟؟؟؟؟؟؟؟؟؟؟؟

شاركونى يا اخوانى فى هذا النقاش لانى فى هذا الموضوع سأناقش معكم ما هى مقومات شخصيه الام والاب وما هى الاخطاء والسلبيات التى نفعلها مع ابنائنا ويتحملوها هم فى حياتهم

متروحوش بعيد انا هنا وقاعدالكم ومنتظره اجاباتكم ومشاركاتكم اللى اكيد هتفيدنى وهتفيد غيري كتير

تحياتى اليكم

[pocy]

لازم نرش ميه ونسيق المكان ونشغل اذاعه القران الكريم لحد ما نسترزق بزبون يفتحها علينا ويرد ولا ايه يا جماعه

[رضوي]

السلام عليكم ورحمة الله وبركاته

ومع اني موش اب .........!!!!!!

لكني هقف جنبك يابسبوستي واستني اجابات ومناقشات علشان اتعلم ازاي افيد اولادي وازاي ابقي اب قصدي ام جيدة تفيد اولادها

تسجيل متابعة

[mekkawy]

أنا جى

شوية كدة

مكاوى

[الغريب]

أم عمر موضوعك كبير وكان شاغلني اليومين دول أنا والمدام

صدقيني الصدق وحده يكفي في تربية الأبناء

الزمن بقى صعب جدا وهيزداد صعوبة في ظل النت والبلاي ستيشن والفيس بوك والله أعلم أيه كمان جاي

محتاجة تدعي ديما لعمر أن ربنا يربهولك

محتاجة ديما تكوني صادقة في تربيته أنك عاوزه يكون قائد

وياريت تفتكري قصة تربية معاوية أبن أبي سفيان اللي قولت عليها في موضوعك " أنا خايفة على عمر " على ما أذكر

وأفتكري كمان قصة تربية محمد الفاتح

وده كمان رابط لـ 12 حلقة في برنامج كيف وأخوتها عن تربية الأبناء للشيخ محمد حسين يعقوب (وعلى فكرة الكلام فيها تربوي محض)

حلقات تربية الأولاد "رااائعة جدا"

[Simba]

اسعد الله أيامك يا أم عمرو ;)

بما أنى أب من 11 سنة فأنا كنت ناوي أبخل بالرد .. معلش صرفت كتير اوي الشهر دي :wub: .. لكن طالما فيها عمرو يبقي أحتكم الأمر wst::

انتي مش شطحتي بخيالك ولا حاجة ابدا يا مدام بوسي خصوصا خصوصي وابن حضرتك في السن ده

لكن لما العيل بيكبر حبة حبة بيبان المستخبي وبتقدري تقيمي ابنك صح وتعرفي امكانياته من ناحية الدراسة وقدراته وكل حاجة ومن هنا بتكون طموحاتك علي قد ما أنتي عارفة أبنك ممكن يعمل أيه

انا معاكي في كل أحلامك

لكن صعب شوية صغننة أنه يبقي الرئيس المنتظر هيقولوا عاش في الكويت وما يعرفش حاجة عن المحروسة :)

تم تعديل 28 مايو 2010 بواسطة سمبا

[محمد عبدالعزيز]

بمناسبة السؤال ده, أحب أسأل سؤال تانى فى نفس الموضوع:

هو لازم يعنى الأب والأم يحلموا لابنهم أو بنتهم؟ ماينفعش نربيهم كويس ونسيبهم يحلموا هما لنفسهم؟

كام واحد مننا حقق حلم أبوه وأمه له وهل هو سعيد ولا ﻷ؟

[اغابي]

انا ام من 9 سنين - لكن مش اب بصراحة :lol:

ومش بحلم انه يكون ابنى الداعية الاسلامى لمصر :lol: - ولا الداعية المسيحي - علشان برضوه ما اشطحش بخيالى يا بوسي اوى :lol:

لكن انا احلامى لاولادى مختلفة شوية :

فقــــط : ايــه المشكــــلة لو ...................

يكونوا ( بيخافو ربنا - لكن مش لازم يكون رمز دينــــــــى )

يكونوا ( مثقفين - لكن مش لازم يكون رمز سياســــــي )

يكونوا ( متعلمين - لكن مش لازم يكونو اساتذة جامعـــة )

يكونوا ( بيفكروا واذكياء - لكن مش لازم يكونوا مخترعـين )

اللى عاوزة اقولهولك من الاخر

- فى ناس متدينة وليها علاقة بربنا فى الخفاء - وبيكونوا اقوى و افضل بكتير من اللى بيظهروا على القنوات الدينية

- وفى ناس مثقفين وفاهمين وواعين - افضل بكتير من اللى بيظهرولنا على شاشة التلفزيون كل يوم .

خلونا نربى اولادنا بعيد عن اننا نحملهم فوق طاقتهم فى احلام جايز نندم عليها مع مرور الوقت

خلونا نربي اولادنا بحرية - نعلمهم انهم ليهم حرية وشخصية مستقلة ويعتمدوا على انفسهم

خلونا نربي اولادنا على المبادئ واحترام الكبير واحترام الذات والمحبة ومخافة الله وطاعته

خلونا نربي اولادنا بعيد عن التعصبات والعقد والخيالات والمظاهر الكاذبة

خلونا نطلق سراح ابناؤنا ونفك قيودهم

اغابي

تم تعديل 29 مايو 2010 بواسطة اغابي

[الغريب]

انا ام من 9 سنين - لكن مش اب بصراحة :lol:

ومش بحلم انه يكون ابنى الداعية الاسلامى لمصر :lol: - ولا الداعية المسيحي - علشان برضوه ما اشطحش بخيالى يا بوسي اوى :blink:

لكن انا احلامى لاولادى مختلفة شوية :

فقــــط : ايــه المشكــــلة لو ...................

يكونوا ( بيخافو ربنا - لكن مش لازم يكون رمز دينــــــــى )

يكونوا ( مثقفين - لكن مش لازم يكون رمز سياســــــي )

يكونوا ( متعلمين - لكن مش لازم يكونو اساتذة جامعـــة )

يكونوا ( بيفكروا واذكياء - لكن مش لازم يكونوا مخترعـين )

اللى عاوزة اقولهولك من الاخر

- فى ناس متدينة وليها علاقة بربنا فى الخفاء - وبيكونوا اقوى و افضل بكتير من اللى بيظهروا على القنوات الدينية

- وفى ناس مثقفين وفاهمين وواعين - افضل بكتير من اللى بيظهرولنا على شاشة التلفزيون كل يوم .

خلونا نربى اولادنا بعيد عن اننا نحملهم فوق طاقتهم فى احلام جايز نندم عليها مع مرور الوقت

خلونا نربي اولادنا بحرية - نعلمهم انهم ليهم حرية وشخصية مستقلة ويعتمدوا على انفسهم

خلونا نربي اولادنا على المبادئ واحترام الكبير واحترام الذات والمحبة ومخافة الله وطاعته

خلونا نربي اولادنا بعيد عن التعصبات والعقد والخيالات والمظاهر الكاذبة

خلونا نطلق سراح ابناؤنا ونفك قيودهم

اغابي

أسمحيلي يا أغابي أختلف معاكي

مش معنى الكلام هنا في الموضوع أن لازم الولد يبقى رمز ديني

بس لازم نربي ولادنا تربية القادة المغيرين

النهاردة كل الشعب المصري متربي بنفس القواعد اللي وردت في مشاركتك والنتيجة أنهم منتهى السلبية في حل مشاكل بلدهم ، ولسان حالهم "وهو أنا اللي هصلح الكون"

عاوزين نماذج زي أحمد زويل ، زي البرادعي ، زي مصطفطفى محرم ، زي سمير بانوب

تحياتي :lol:

[اغابي]

اغابي

:blush2:

أسمحيلي يا أغابي أختلف معاكي

مش معنى الكلام هنا في الموضوع أن لازم الولد يبقى رمز ديني

بس لازم نربي ولادنا تربية القادة المغيرين

النهاردة كل الشعب المصري متربي بنفس القواعد اللي وردت في مشاركتك والنتيجة أنهم منتهى السلبية في حل مشاكل بلدهم ، ولسان حالهم "وهو أنا اللي هصلح الكون"

عاوزين نماذج زي أحمد زويل ، زي البرادعي ، زي مصطفطفى محرم ، زي سمير بانوب

تحياتي :blink:

استاذ غريب - حضرتك اكيد قريت مداخلتى ؟ ؟ - متاكد ؟؟

لان - العكس - تماما

كلنا اتربينا فى بيوتنا على عدم الديمقراطية وعدم الحرية وكبرنا على هذا النمط من التربية - راجع موضوع كان كاتبه مكاوى بخصوص النقطة دى حاحاول اجمع اللينك .

( ملحوظة :

انا اختلف لان والدى ووالدتى كانت طريقتهم فى تربيتنا مزيد من الحرية ) لكن 99% من النماذج التى حولى - العكس تماما لدرجة كنت باسال ليه بابا وماما مختلفين

عن كل اهالى اصحابي وقرايبى وخالاتى وعماتى .

- عدم الديمقراطية فى تربيتنا كمصريين اصبحنا بها كما تفضلت - فى منتهى السلبية في حل مشاكل بلدنا - والعقد والخوف

الاساس من البيت يا استاذى -

لك ان توافقنى الراى او تختلف معى

- هل اهالينا اعطونا مزيد من الحرية فى طفولتنا - اننا نختار لبسنا - اكلنا -

ميولنا وهوايتنا والكلية اللى بنحبها ؟؟ سؤال للجميع ؟

الى هذه اللحظة - التى نتبادل فيها الحوار - الاسلوب الخاطىء فى التربية مستمر - للاسف .

مش معنى كدا انى بقلل من شان الاب والام وسلطتهم فى البيت - بالعكس

انا باطلب فقط من الاب والام يعطوا مساحة من الحرية لاولادهم ويكونوا اصدقاء ليهم وديمقراطيين معاهم

- فيها ايه لما ابنى يطلب انه يغيب مرة حتى فى الاسبوع من المدرسة - مفيش مشكلة غيب .

- فيها ايه لما ابنى يطلب نهاردة وفى الوقت داه تحديدا ما يحلش الواجب ويلعب جيمز على الكمبيوتر

- ليه الكمبيوتر والكرتون مكافأه بعد المذاكرة و ليس قبل المذكرة كنوع من التشجيع .

ليه الذهاب الى مكان العبادة - مرتبط بعذاب الضمير مع الطفل ؟؟؟؟

شوف يا ابنى لان ربنا حيودبنا النار وحنبقى من الكفار لو ماروحناش نصلى - ويبدأ عذاب الضمير مع الولد من طفولته مقترن باسم مكان العبادة -

وما يكونش علشان مبنى على محبة ربنا - ونفهم الطفل ان ربنا موفقنا فى حياتنا وبيساعدنا فى كل امورنا زمدينا صحة ونجاح وبابا وماما

وفى اولاد كتيررررررر - ما عندهمش اهل ولا بابا وماما ولا فلوس ولا اكل ولا بيت ولا لبس واقل واجب يا حبيبى اننا نروح نصلى

ونشكر ربنا ونروحله كمان لغاية بيته ونقوله احنا جينا لغاية عندك يا رب علشان نقولك شكرا

وبراحتك يا حبيبي عاوز تروح تصلى وتشكر ربنا روح مش عاوز مش مشكلة براحتك - خليه يروح باقتناع وبمحبة لله مش خوف ورعب وعذاب ضمير وعذاب الجحيم .

ليه المدرسة مش عنصر تشويق كانه رايح نادى مثلا - بدل ما هى عنصر عقاب لا ينتهى مع الولد

- كل يوم الصبح عقاب متجدد بالذهاب الى المدرسة

ليه الحوار بينى وبين اولادى ما يبقاش مبنى على الحكاوى والاحداث اليومية والالغاز والضحك والنكت

اومناقشه تفاصيل ما حدث بالمدرسة - واتعامل مع ابنى على انه صديقي وراجل فى وقت الزنقة استنجد بيه

ليه الحوار بينى وبين اولادى ما يكونش فى صيغة طلب بدل امر - كله اوامر فى اوامر - مثلا لو سمحت علشان خاطرى

ليه ما يتحولش عندهم لمشاركة فى الراى - فيها ايه انى اوافق وابقى راى من رايه

- فعلا يا حبيبى عند حق - بد ما اقول ايه انت بتعند معايا انت عنيد ليه - وابدأ سلسلة من التهديد والوعيد

مزيد من الحرية مع الابناء من فضلكم - - اعكسوا كل الطرق التقليدية والعتيقة - اللى اتربينا بيها ونفذوها فى اولادنا

فى راى حضرتك كام فى الميه من الشعب المصري اتعاقب فى طفولته من الاب او الام بالضرب العنيف جدا جدا - والاهانات - نقول 99 %

كام فى الميه من المصريين كانت لغة الحوار الراقى والحرية هى اللغة السائدة فى بيوتنا وبين الاب والابن نقول 1 %

دا احنا كنا نشوف ابونا بيتعاقب من جدنا وهو و اب وقدام الاولاد والاحفاد - داه - اسلوب خاطىء جدا فى التربية - والنتيجة شعب سلبي وبيخاف

مزيد من الحرية مع الابناء من فضلكم

اخيرا يا استاذ غريب من قال لحضرتك ان أحمد زويل ، البرادعي ،

مصطفطفى محرم ، سمير بانوب سعداء فى حياتهم

ومش يمكن ابنك يكون اسعد وانجح منهم بمراحل ؟؟

تحياتى استاذى

اغابي

تم تعديل 29 مايو 2010 بواسطة اغابي

[الغريب]

الفاضلة أغابي ، لم يحتاج منكي الأمر لكل هذا التفاصيل ولكنه قطعا سيفيد الموضوع

أتتفق معكي تماما في إعطاء قدر من الحرية والديمقراطية لأبنائنا ولعله أحد أساليب تربية الإعتماد على النفس والتي تجعله فيما بعد فرد قائد مُغير بالمعنى الحقيقي وهو ما أريده

الموضوع ببساطة في وجهة نظري أننا لازم نعطي الأبن قدر من الثقة بالنفس حتى يستشعر قدر نفسه ويكتسب مفهوم تقدير الذات "أيه الكلام الحلو ده :blush2: "

وعلى فكرة كل كلامك في المداخلة رائع للغاية وأتفق معكي فيه بل وأحييكي على أسلوبك هذا في تربية أبنائك ، وإن كنت أختلف معكي في جزئية

ليه الذهاب الى مكان العبادة - مرتبط بعذاب الضمير مع الطفل ؟؟؟؟

شوف يا ابنى لان ربنا حيودبنا النار وحنبقى من الكفار لو ماروحناش نصلى - ويبدأ عذاب الضمير مع الولد من طفولته مقترن باسم مكان العبادة -

وما يكونش علشان مبنى على محبة ربنا - ونفهم الطفل ان ربنا موفقنا فى حياتنا وبيساعدنا فى كل امورنا زمدينا صحة ونجاح وبابا وماما

وفى اولاد كتيررررررر - ما عندهمش اهل ولا بابا وماما ولا فلوس ولا اكل ولا بيت ولا لبس واقل واجب يا حبيبى اننا نروح نصلى

ونشكر ربنا ونروحله كمان لغاية بيته ونقوله احنا جينا لغاية عندك يا رب علشان نقولك شكرا

وبراحتك يا حبيبي عاوز تروح تصلى وتشكر ربنا روح مش عاوز مش مشكلة براحتك - خليه يروح باقتناع وبمحبة لله مش خوف ورعب وعذاب ضمير وعذاب الجحيم .

العبارة اللي تحتها خط دي غريبة شوية وأظنها غير مستهلكة أبدا في التربية

أما بالنسبة لأعتراضي على الكلام ده لأن الأولاد بيحتاجو التوجيه في البداية مع الترغيب والترهيب وهو أمر غاية في الأهمية

مهم أني أقول لأبني صلي علشان ربنا يحبك

مهم أني أعرفه أن فيه جنة ونار

مهم أني أعرفه أن الكون ده بتاع ربنا

وأحنا لازم نطيعه لأننا نستخدم مخلوقاته المسخرة لنا

مينفعش أترك الأمر كلية في ظل وجود الأعلام والأدوات الأخرى التي حتما ستوفر البديل التوجيهي للأطفال

لازم نغذي ونربي ونأسس في البداية الى أن نصل لمرحلة ترك الولد ليتفاعل مع المجتمع بقدرته ولكن سيكون معه في المواجهة أسس ومبادئ ومسلمات.

تحياتي

تم تعديل 29 مايو 2010 بواسطة الغريب

[engmido]

اعتقد ان الحلم دائما طالما حلال ..فهو مشروع

ولكن يحضرنى مداخلة لاحد الاعضاء ....( كان على ما اتذكر فى موضوع نحوش فلوس لولادنا فى الغربة واللا نصرف على تعليمهم )

وكان رد العضو

انى مش مهم احوش فلوس لابنى ولا شقة ولا ولا .........

لا ده انا افضل استثمر فى اولادى ....يعنى اعلمهم كويس واجهزه لسوق العمل واوجه فكره صح ثقافيا وعلميا وتربويا ودينيا طبعا

لان الاستثمار فى اولادنا شىء مهم جدااااااااااا...ومش كل واحد يعرف يستثمر فى اولاده

الشاطر اللى يعرف ظروف ابنه وظروف وطبيعة شخصيته.....ويعرف يستثمر فيه وينشأه

تنشأة دينية سليمة

نشأة تعليمية مفيدة .........حتى على المستوى الثقافى والالمام بالثقافات العامة

نشأة علمية تخصصية

نشأة لغوية.... الالمام بلغة اجنبية او اكثر

والاهم من ذلك بناء الشخصية.....دون حيود عن هذا الخط

وارجو ان تكون مداخلتى مفيدة

[pocy]

بسم الله ماشاء الله الردود جميله ومفيده واليكم الان ساتحدث عن ما سمعته وما قراته عن مقومات شخصيه الاب او الوالدين معا في المداخله القادمه ان شاء الله

[pocy]

المقومات التربويه لشخصيه الوالدين

إذا كانت المسؤولية التربوية لها دور في بناء شخصية الفرد والمجتمع الصالح؛ فمما لا ريب فيه أن لها مقومات تساعد على نجاحها وتفعيل دورها التربوي .

ومن هنا على الوالدين أن يدركا أنهما حينما يربّيان أولادهما ويوجّهانهم فإنهما لن يؤديا الرسالة التربوية حقها ويبذرا الآثار الإيجابية في نفس الأبناء ما لم تكن الرسالة مبنية على مقومات شخصيتهما الناجحة ؛ لأن تفعيل العملية التربوية يعتمد – بعد توفيق الله- على أسلوب الوالدين وتعاملهما معه، وطريقة أدائهما له ، بالإضافة إلى تحلّيهما للصفات الحميدة التي يلزم توافرها في شخصيتهما، والتي تكون عونا – بعد الله - على التأثير التربوي الإيجابي في أبنائهما .

وجميل هنا أن نستعرض أهم المقومات التي ينبغي على الوالدين أن يتحلى بها ؛ ليتعرف الوالدان عليها، ويطبقا عند قيامهما بالعملية التربوية؛ حتى يقوما بدور المسؤولية التربوية على أكمل وجه .

[pocy]

ومن تلكم المقومات:

أولاً : القدوة .

تُعدّ القدوة من المقوّمات الأساسية لنجاح عملية الوالدين التربوية، لأن الأبناء أعينهم معقودة على تصرفات والديهم وسلوكهم، فالحسن عندهم ما استحسن الوالدان، والقبح ما استقبحا. ولهذا مهما أوجد الوالدان من السبل والأساليب التربوية المختلفة في تربية الأبناء فإنها لا تجدي ما لم تكن هناك القدوة الصالحة التي تمثل الواقع الحي الذي يغرس الأخلاق والسلوك.

ومن هنا تأتي ضرورة تمثّل الوالدين بالقدوة الحسنة في تصرّفاتهما ، سواء في القيام بأداء العبادات أو التحلي بالأخلاق أو حسن التعامل مع الناس، حتى يترجموا واقع الأقوال والتوجيهات على الصعيد الواقع؛ وهذا مما يحفز الأبناء إلى الاقتداء، ويعطيهم القناعة بسهولة تطبيق التوجيهات في واقع الأمر .

وللحديث بقية ...

[pocy]

وعودا على بدء لتكملة باقي المقومات :

ثانيا :

ثانياً : الرحمة والعطف والحب :

أرسل الله سبحانه وتعالى نبيه رحمة للعالمين، قال تعالى : { وما أرسلناك إلا رحمة للعالمين } ، ولذا فإن المتأمل في تشريعات الإسلام وسننه وآدابه يجد الكثير و الكثير من السماحة والرحمة والعطف .

كما أن المتتبع لسيرة النبي صلى الله عليه وسلم يجد أن النبي صلى الله عليه وسلم ركّز على جانب الحب والعطف والرحمة في التربية؛ فعن أبي هريرة رضي الله عنه أن الأقرع بن حابس رأى النبي صلى الله عليه وسلم وهو يقبّل الحسن فأخبر أن له عشرة من الولد لم يقبل أحداً منهم فما كان من رسول الله صلى الله عليه وسلم إلا أن رد عليه قائلا : (( إنه من لا يَرحم لا يُرحم )) [رواه البخاري في صحيحه : كتاب الهبة وفضلها، باب الإشهاد في الهبة (ص514) برقم (2587)].

فهذا الفعل من رسول الله لفتة تربوية إلى أهمية إشباع جانب النفسي العاطفي في العملية التربوية.

وهناك الأحاديث الكثيرة التي تحث على الرحمة وتندب إليها ، يقول صلى الله عليه وسلم : (( من لا يرحم لا يرحم )) [ الترمذي : برقم 1911] . وفي حديث آخر يقول: (( ليس منا من لم يرحم صغيرنا ويعرف حق كبيرنا )) [ الحاكم : المستدرك 1/62]

وهذه الأحاديث برهان ساطع على أهمية الجانب العطفي والحناني في العملية التربوية .

ومما يجلي هذا الجانب التربوي المهم إظهاره صلى الله عليه وسلم بالجانب العطفي بالتطبيق الفعلي ، فكان عليه الصلاة والسلام يخرج لسانه للحسين يداعبه ويلاطفه رحمة به [ شرح السنة للبغوي 13/36].

وهذا الفعل من رسول الله صلى الله عليه وسلم دليل على حبه وحنانه لأحفاده ، وهذه إشارة واضحة جلية إلى دور العطف والحنان والحب في التربية ، وأن للوالدين أن ينتهجا منهج الرسول صلى الله عليه وسلم في تربيتهما لأولادهما، فيفيضان لهم من الحب والعطف والحنان والرحمة ؛ لأن حب الوالدين وعطفهما يعكس للأبناء اهتما مهما ويصوّر رعايتهما البالغة؛ ولذا فبقدر ما يقدم الأبوان للأولاد من عناية ورعاية ويبذلان من رحمة وشفقة، وبقدر ما يحيطان به أبناءهم من نصرة ومعونة وحماية، وبقدر ما يعيد هؤلاء الأولاد -حالاً أو مآلا- هذا العطاء والبذل براً وطاعةً ومعروفاً وخفضاً للجناح ؛ وكل ذلك مما يساعد على قبول تعليماتهما واعتبار توجيهاتهما.

والعكس بالعكس: فإن الطفل إن أحس ببغض والديه له وعدم إظهار اهتمامها وحبهما وحنانهما فإنه قد ينحرف ويقصد إزعاج والديه بعمل الشغب والتصرف السيء ؛ ليظهر بذلك انتقامه منهما بهذا السلوك المشين .

والخلاصة : أن الحب والحنان والعطف مقوم أساس في العملية التربوية ؛ وأن على الوالدين أن لا يغفلا عنه، فهو منهج تربوي أصيل.

وللحديث صلة ....

تم تعديل 30 مايو 2010 بواسطة pocy

[pocy]

وعن جزئيه الحب هذه احدثكم عن ما سمعته من شريط للشيخ محمد اسماعيل وهو انك متقولش لابنك اعمل كذا علشان احبك او انا مش بحبك لانك عملت كذا ويوضح ان نقطه الحب لابد ان تظل موجوده وان يعلمها الطفل وان لا تكون هى الحافز او العقاب حتى لا يكون الكلمه المضاده للحب هو الكره مش بيحبنى يعنى بيكرهنى وكده هيتولد فى نفس الطفل شئ بغيط احنا ىف غنى عنه ولا ايه يا جماعه والنقطه الاخرى بلاش حد يقول انا والله مكنتس عامله حساب الطفل ده ولو كان ينفع انزله كنت نزلته لان ده بيأثر في نفسيه الطفل جدا وبيعتبر نفسه فرد غير مرغوب فيه وبالتالى الكلام المحبط ده بيرجعه لورا ويبعد التقدم عنه فى جميع سلوكياته ده طبعا غير الكلام اللى دايما بيقال للطفل يا خايب و........الى اخره لانه بيسبب نوع من الاحباط للطفل

[pocy]

وأضيف إلى ما سبق::::::::::::: أهمية التوازن بين الحزم واللين،، وبين العطاء والمنع

وأن لا يتحول الحب إلى دلال في غير مكانه،،،،،،، ولا يتحول الحزم إلى قسوة

وما أحسن الأب الذي يشعر أبناؤه بحرقة عند غيابه ،،، وبفرح وسرور عند وجوده

وما أضر من الأب الذي يشعر أبناؤه بفرح عند غيابه،،،، وبهموم أثناء وجوده

فكن أيها الأب كيسا فطنا

واسأل الله تعالى أن يلهمنا رشدنا ويوفقنا توفيقا من عنده في كل شأن من شؤوننا.

[pocy]

وهنا هتكلم معاكم عن الحمايه الزائده ودى للاسف بطبقها مع عمر وان شاء الله هتشيلها واحده واحده يعنى مثلا الكلام بتاعنا حاسب لتقع حاسب هتوقع على نفسك حاسب هتوقع كذا وهكذا هنا حاسب لا تقع دى احنا بنحد من نموه طب قولولى ازاى يجي يتعلم المشي اروح اجرى اشيله ليقع اتعلم المشي لا مش بتحاول تركب على الكرسي لتقع طب ما اسيبه واكون جنبه واحاول اشجعه واسيبه يقع طالما الوقعه اخرها خربوشه مثلا بس مش هيقع من البلكونه اقول سيبوه يقع هههههههههه وبرضه لما الطفل يجي يعتمد على نفسه فى الاكل تلاقينا نقوله هتبهدل نفسه وناخدمنه المعلقه ونأكله احنا شويه شويه هنلاقي نفسنا بنذاكرلهم وبنسهر الليل بطوله نعملهم فى النشاط بتاعهم ويمكن نكتبلهم الواجب علشان مش يتعب ونروح نستنى قدام المدرسه ايام الامتحانات ونقعد نراجع ونشوف ايه الصح وايه الخطا ده غير يكون واحد فى الثانويه العامه الصبح ابوه واخده وماسك ايده وبيوصله لحد المدرسه مثلا ده مفروض كبر ويقدر يروح لوحده ويذاكر لوحده تحت مباشرتنا له بس من بعيد مش من قريب قوى كده لان الحمايه الزائده تسبب للطفل انعدام ثقه وانعدام شخصيه علشان كده نحميهم بس ميكونش بشكل زائد عن الحد ولا انتم رأيكم ايه

[pocy]

السلام عليكم ورحمة الله وبركاته

ومع اني موش اب .........!!!!!!

لكني هقف جنبك يابسبوستي واستني اجابات ومناقشات علشان اتعلم ازاي افيد اولادي وازاي ابقي اب قصدي ام جيدة تفيد اولادها

:lol:

تسجيل متابعة

تعالى انا حجزالك كرسي جنبي وان شاء الله تكونى مثاليه كمان ان شاء الله

أنا جى

شوية كدة

مكاوى

الشويه دول كتروا ولا انا بيتهيألى ههههههههههههه منتظرين اضافتك

أم عمر موضوعك كبير وكان شاغلني اليومين دول أنا والمدام

صدقيني الصدق وحده يكفي في تربية الأبناء

الزمن بقى صعب جدا وهيزداد صعوبة في ظل النت والبلاي ستيشن والفيس بوك والله أعلم أيه كمان جاي

محتاجة تدعي ديما لعمر أن ربنا يربهولك

محتاجة ديما تكوني صادقة في تربيته أنك عاوزه يكون قائد

وياريت تفتكري قصة تربية معاوية أبن أبي سفيان اللي قولت عليها في موضوعك " أنا خايفة على عمر " على ما أذكر

وأفتكري كمان قصة تربية محمد الفاتح

وده كمان رابط لـ 12 حلقة في برنامج كيف وأخوتها عن تربية الأبناء للشيخ محمد حسين يعقوب (وعلى فكرة الكلام فيها تربوي محض)

حلقات تربية الأولاد "رااائعة جدا"

فعلا الواحد لازم يحط الهدف قدامه ويمشي عليه وربنا ييسر ان شاء الله ومشكور اخى الفاضل ع الحلقات هسمعها واجيب المفيد هنا ان شاء الله

اسعد الله أيامك يا أم عمرو :)

بما أنى أب من 11 سنة فأنا كنت ناوي أبخل بالرد .. معلش صرفت كتير اوي الشهر دي -_- .. لكن طالما فيها عمرو يبقي أحتكم الأمر :)

انتي مش شطحتي بخيالك ولا حاجة ابدا يا مدام بوسي خصوصا خصوصي وابن حضرتك في السن ده

لكن لما العيل بيكبر حبة حبة بيبان المستخبي وبتقدري تقيمي ابنك صح وتعرفي امكانياته من ناحية الدراسة وقدراته وكل حاجة ومن هنا بتكون طموحاتك علي قد ما أنتي عارفة أبنك ممكن يعمل أيه

انا معاكي في كل أحلامك

لكن صعب شوية صغننة أنه يبقي الرئيس المنتظر هيقولوا عاش في الكويت وما يعرفش حاجة عن المحروسة ;)

الله يعينك ع الهدايا يا اخى الفاضل ومش تنسنا بواحده بطه كده وانت جى من مصر الحبيبه

انا بدور من دلوقتى علشان اربي ابنى كويس واصلح الاخطاء اللى ممكن اكون عملتها وااللي ممكن اعملها ولانا مش عارفه

بمناسبة السؤال ده, أحب أسأل سؤال تانى فى نفس الموضوع:

هو لازم يعنى الأب والأم يحلموا لابنهم أو بنتهم؟ ماينفعش نربيهم كويس ونسيبهم يحلموا هما لنفسهم؟

كام واحد مننا حقق حلم أبوه وأمه له وهل هو سعيد ولا ﻷ؟

اعتقد ان كل واحد ممكن يحلم لنفسه للابنه لباباه لوالدته المهم هل هيقدر يساعدهم على تنفيذ احلامهم هم ولا لا