مش عارف أعمل حاجة في الغربة

[حماده عبده]

يا جماعه أنا بقالي سنتين بسافر السعوديه أول مره سافرت قعدت 11 شهر يادوبك سديت الديون الستلفتها عشان اسافر وهي كانت حوالي 4 ألاف جنيه وقدمت أستقالة ونزلت نهائي وبعدين رجعت أستلفت حوالي 10ألاف جنيه وسافرت بفيزا جديده علي شركة تانيه بنفس المهنه مندوب مبيعات بالمواد الغذائيه وقعدت 11 شهر تاني وسديت الفلوس العليه وأتخنقت وقدمت علي أجازه وبالفعل نزلت أجازه وأنا دلوقتي عقلي متشتت ومش عارف أعمل أيه أرجع ولا لأ وأنا متجوز وعندي بنت والبلد هن مقفوله وأنا دلوقتي عندي 31 سنه مش عارف ليه لما بسافر ببقي مش طايق البلد دي وببقي هاتجنن عشان أنزل مصر وللأسف أنا مصرف جدا ومابحبش أحرم نفسي من أي حاجه معلش أنا هاشغلكم معايا بس بجد أنا محتاج أني تشاركوني برأيكم

[شريف مان]

والله يا استاذى مش عارف اقولك ايه

ربنا معاك ان شاء الله والاخوة فى المنتدى يفيدوك

بس طالما محبتش السعودية متشوف بلد تانية احسن ( امارات - عمان - قطر )

[doha]

مشكلتك تتلخص في كونك مش محدد لك هدف ( كبير ) توقف حياتك رهن لتحقيقه ..

انت واجهت صعوبات في مصر ووجدت الحل للصعوبات دي في السفر .. لكنك اكتشفت بعد السفر انك حليت مشكلة وخلقت مشكلة تانيه وهي بعدك عن اهلك او عدم قدرتك على التأقلم في الغربة . وكان منطقي جدا الحل في الحاله دي انك ترجع مصر تاني عشان تخلص من مشاكل الغربة وبكده فانت رجعت دخلت نفس الدائرة تاني لان مشكلتك الاساسية رجعت مرة اخرى بلا حل ..

وعشان متفضلش مقضي عمرك كله مابين سفر ورجوع فانت لازم تقعد مع نفسك ـ وزوجتك .. وتحط اجابات للاسئلة دي ..

ايه هي اهم حاجه في الدنيا دلوقت ولمده خمس ست سنين جايين .. هل اني اعمل مبلغ من الفلوس ؟ هل اني الاقي مصاريف اكلي وشربي وسترة عيالي ؟ او هل اني اكمل تعليم او احصل على شهاده جديده او اني اترقي في منصبي في مصر او حتى هل اني اكون انا واسرتي في مكان واحد ومش مهم ابدا اي اعتبارات مادية جنب كل ده ؟

حدد احتياجاتك انت واسرتك اولا .. ثم رتبها تنازليا بالحاجة الاهم ثم الاقل اهمية .. اول ثلاث حاجات على القائمه هي دي اهم ثلاثه اهداف في حياتك ..

اقعد بقى كده وفكر برواقة ازاي ممكن تحقق الثلاث اهداف دول وايه الحل الي يضمن لك تغطيه كامله لهم هم الثلاثه بدون ماتجور على احدهما ..

افرض ملقيتش حل ؟

خلاص استثني الهدف الثالث ودور على حل يجمع الاثنين الاولانيين ..

افرض برضه ملقيتش ..

يبقى مفيش امامك غير تخلي اول هدف فقط هو هدف حياتك وتعمل مااوتيت من قوه للوصول اليه وتغطيته ..

مش مهم بقى اي اعتبارات تانيه لان محدش بياخذ كل حاجه ولازم من تضحيه المهم انك تكون مضحي ومستغني عن الي مش مهم فعلا مقارنة بالاكثر اهميه الي هتضحي عشانه ..

مهم برضه وانت بتدرس البدائل والحلول انك تكون عارف امكانياتك كويس او حتى على وجه التقريب .. فاذا اثبتت لك التجربة انك مش بتاع سفر وانك من النوع الي مستحيل يقدر يصمد في الغربة خلاص شيل السفر من بدائلك المطروحه وركز في البديل المحلي .. ان كان تعبك في الغربة مقدور عليه وعندك امل تقدر تستحمله فحط الغربة بديل وان مكانش فاستثنيها من تفكيرك تماما كما تستثني امكانية احتراف الغناء فيما لو مكانش عندك استعداد تزرع سيلكون ..

على كل حال لو انت دلوقت في اجازه في مصر ومده اجازتك نقول شهر .. خلي لنفسك اسبوعين منه بدون اي تفكير ولا تخطيط للمستقبل .. ارتاح وريح اعصابك والي حواليك وبعد الاسبوعين ابدأ في التفكير جديا في خطه مناسبة للكام سنة الجايين .. وطول ماانت بتفكر وطول ماسايبها على ربنا وطول مابتستخير باذن الله هتكون ماشي صح ..

[عبيد الله]

مرحبا بك أخ حمادة بين إخوانك وأحبابك..

بدايةً، الأخت ضحى - بارك الله فيها – قالت تقريبا ما أردت قوله.. كأنها نطقت بلساني، ما شاء الله عليها، عاقلة ورزينة..

أحب فقط أن أضيف هذه النقاط البسيطة..

أولاً: مشكلة "الادخار في الغربة" يعاني منها عدد غير قليل من المغتربين، بغض النظر عن جنسياتهم.. وقد لمست هذا بنفسي في الإمارات.. لكن كل شخص يختلف عن الآخر في تعامله مع هذه المشكلة، حسب أسلوب معيشته، والتزاماته تجاه نفسه، ومن يعول..

ثانياً: في ظني، مشكلتك أخي هي التسرّع وقلة الصبر.. فالرزق يحتاج إلى سعي وتعب، ولا يخفى عليك أن الارتقاء في الحياة ماديا ومهنيا واجتماعيا.. يحتاج إلى مجهود مضاعف وصبر وتجلد.. وهذا لا يأتي بين يوم وليلة، ولا في سنة ولا سنتين.. إنما يأخذ سنين طويلة.. تتراكم فيها خبراتك، وتزداد بصيرتك في مجال عملك..

ثالثاً: انظر إلى حالك وتدبر أمرك.. أنت رجل متزوج، ولديك طفلة.. أي وراءك التزامات تزداد يوما بعد يوم، فكيف – بالله عليك – تتصرف بهذه الطريقة..؟ تستدين ثم تغترب لتسدد ديونك ثم تعود كأن شيئا لم يكن..؟ بل وتكرر هذا الموضوع مرة أخرى وعاما آخر.. ؟ هكذا أنت تتعب نفسيا، وتزداد حيرتك، وبالتأكيد حيرة أهل بيتك..

نصيحتي لك كالتالي:

- كن صبورا بقدر المستطاع.. وضع في ذهنك أنك قادر على تحقيق أهدافك لكن مع الصبر، ومشوار الألف ميل يبدأ بخطوة.. ثم رتب أمورك على ذلك..

- اجتهد جدا في شغلك وتفاني فيه، واعلم أن الله مكافئك لا محالة..

- اشتري كمبيوتر لزوجتك واشترك لها في الانترنت، وأنت في الغربة حدثها يوميا لو استطعت.. من ناحية تشاركك همومك وتخفف عنك بحنانها ودعائها.. ومن ناحية يخف شوقك للنزول إلى مصر قبل ميعاد أجازتك، ويهدأ بالك..

- لابد أن تعرف أن غالبية المغتربين يرفعون شعار "أول سنة ضايعة".. أي يبدأ الادخار الفعلي من العام التالي في الدولة التي سافرت إليها.. بعد أن تكون سددت ديونك، تأقلمت في عملك، وفهمت طبيعة الأمور وسياق سيرها في المكان الجديد..

[بدون رتوش]

يعني انت مابتستحملش الغربه الا لما تكون مديون ومجرد ما بتسدد ديونك بترجع تاني

خلاص زود الدين بتاعك

يعني لو انت مسافر مثلا عشان عاوز تشتري شقه او تبني بيت او تشتري حاجه كبيره كمشروع يعني

ممكن تاخد قرض او تعمل جمعيه او تشتري اللي انت عاوزه بمقدم وتقسط الباقي

وتتوكل علي الله وتسافر ... بس تاخد المدام والاولاد معاك لو انت مابتستحملش الغربه

مع مراعاة تعمل حسابك انك لو مقدرتش تسدد ممكن تسترد اللي دفعته

هيه فى ناس كده مابتقدرش توفر الا لما تتزنق

انما تستدين تمن التاشيره عشان تسددها وبعدين تشتري تاشيره تانيه عشان تسدد تمنها يبقي انت كده ضيعت سنتين من عمرك من غير ما تستفيد بيهم فى حاجه لك او اولادك

بس فيه حاجه لفتت نظري

انت قعدت 11 شهر عشان تسدد فى 4 الاف ريال بس

ليه انت بتشتغل براتب كام؟

يمكن انت اللي مابتختارش صح من البدايه

ربنا يوفقك :closedeyes:

[حماده عبده]

أولا أنا بشكر كل أخواني الردو وأهتمو ثانيا أنا عايز أوضح حاجه أنا أول مره سافرت فيها كنت أعمي وعايز أسافر وخلاص وسافرت علي راتب 1300 ريال وعموله كانت لا تتعدي 500 ريال والكلام في مصر كان 2000 ريال عموله وأكل وشرب علي الشركه طبعا سافرت وأول ماوصلت كانت بداية الصدمه السكن كان غرفه كبيره بحمام ومطبخ و8 أفراد طبعا بقي البيدخن والريحته وحشه والبيصهر قدام التلفزيون المهم ثاني صدمه المطعم بتاع الشركه طاقم المطبخ هنود وأعوزبالله من ده أكل ولا ريحة المطعم طبعا بقي الأكل والشرب علي حسابي من الألف للياء وكان الدخل الشهري مابيتعداش 1700 ريال طبعا ماأستحملتش الكلام ده وقدمت أستقالتي في أقرب فرصه ونزلت نهائي وأقعدت في مصر 3شهور أدور عن شركة كويسه مالقيتش كانت كلها عروض متأكلش عيش وبعدين بدأت أفكر تاني بالسفر وفضلت قاعد علي النت ليل ونهار لقيت حوالي 6أو7 عروض وبعد تفكير ومشاوره وحيره وأستخاره أختارت العرض الأنا عليه دلوقتي وهو بصراحه كان عرض كويس وهو مندوب مبيعات 1500 ريال أساسي +1.5 عموله علي البيع +1.5علي التحصيل +سكن كويس +تأمين صحي ماكدبش عليكم كنت بقفش 4000 ألاف ريال مثلا طبعا أول 3شهور كان الراتب 1000 ريال عشان دي فترة تدريب وأستخراج أقامه وخلافه وبعد ما أستلمت السياره والمنطقه والحمد لله بعد 3شهور عزاب ربنا فرجها والأشية بقت معدن لمدة 5 شهور فجئة لقيت الشركة نزلت قرار بضم البقالات الكبيره البنشتغل معاها لمناديب الميني ماركت وتسليم المديونيات العندنا كلها لبتوع الميني ماركت وفاجئة قالو بتوع التجزئة يشتغلو كاش علي شوية بقالات صغيرة بعد ماكنت بنزل للعميل فاتوره ب 2000 أو3000 تلاف ريال بقيت بنزل فاتورة ب50 ريال بالعافيه والمحايله وبعد ماكنت بحصل راتب 4000 ألا ف بقيت باخد 2000 ريال بعد شقي ولف وتعب ومحايله وزول وأن حصلتهم كمان ولو مش عاجبك نهائي طبعا نفسيتي تعبت جدا وبعد ماقلت الدنيا أحلوت أسودت ونزلت أجازه وماعملتش أي حاجه يدوبك سديت 10 الاف جنيه ديون ونزلت معايا 6000 الاف جنيه بعد تذكرتي والحمد لله خلصو وحتي ماعييش حق تذكرة العوده وشكلي كده ماليش حظ في أي حاجه

[وطني حر]

باختصار الغربه صعبه . وخصوصا للانسان المتزوج

نصيحتي لحضرتك تاخذ اسرتك معاك وتنزل معاك . اصل الوحده غربه بحذ زاتها فما بالك بغربتين

[jasmin hamed]

يا جماعه أنا بقالي سنتين بسافر السعوديه أول مره سافرت قعدت 11 شهر يادوبك سديت الديون الستلفتها عشان اسافر وهي كانت حوالي 4 ألاف جنيه وقدمت أستقالة ونزلت نهائي وبعدين رجعت أستلفت حوالي 10ألاف جنيه وسافرت بفيزا جديده علي شركة تانيه بنفس المهنه مندوب مبيعات بالمواد الغذائيه وقعدت 11 شهر تاني وسديت الفلوس العليه وأتخنقت وقدمت علي أجازه وبالفعل نزلت أجازه وأنا دلوقتي عقلي متشتت ومش عارف أعمل أيه أرجع ولا لأ وأنا متجوز وعندي بنت والبلد هن مقفوله وأنا دلوقتي عندي 31 سنه مش عارف ليه لما بسافر ببقي مش طايق البلد دي وببقي هاتجنن عشان أنزل مصر وللأسف أنا مصرف جدا ومابحبش أحرم نفسي من أي حاجه معلش أنا هاشغلكم معايا بس بجد أنا محتاج أني تشاركوني برأيكم

السلام عليكم

انا هرد على حضرتك على المستوى المهنى فقط مش على مستوى العواطف لان تحديد قدرة كل انسان على التحمل راجع ليه هوه

لو فيه امل من الترقى فى الوظيفة مندوب المبيعات او خبره مكتسبه اصبر على الوظيفه عشان مستقبلك المهنى مش انهارده انما كمان 5 سنين

لو مافيش خبره مكتسبه او ممكن تكتسب مافيش عائد مادى كويس مافيش فرصه للترقى

يبقى انت فى وظيفه غلط ياما تدور على اخرى فى نفس البلد و انت فيها ياما تنزل مصر تبنى لنفسك مستقبل مهنى و بالتالى عائد مادى فى المستقبل

المعيار فى قرار الرجوع او البقاء مش لازم يكون مادى فقط ممكن تصرف على شغل سنه عشان تكتسب خبره تشتغل بيها و تصرف عليك بعدين

[زعلان]

الواضح انك دورت غلط يعني الوظائف الي انت اشتغلتها مرتباتها ضعيفة ورغم ان طموحك محدود (زي حالتنا ) الا انك محصلتوش

المهم يبقى لما تنزل تشتغل تاني لازم المرتب الاساسي يكون مش اقل من 70% من الي انت عايزه + بدل سكن 3 شهور على الاقل + النسبة بتاعة مندوب المبيعات + السيارة و البنزين طبعا +تذكرة طيران سوني+ تأمين صحي

الخلاصة من كلامك لازم الراتب الاساسي ما يقلش عن 3 الاف ريال + 9 الاف ريال بدل سكن في السنة + النسبة +تذكرة طيران+ تأمين صحي

وواضح انك قنوع وكنت مبسوط بدخل الاربع الاف ريال يبقى لازم تضمن الجزء الاكبر منها وهي نسبة 70% على الاقل في الراتب الاساسي

دور شوية و حتلاقي بس طالما بقى عندك خبرة في السعودية دور من هناك يعني عن طريق اصدقاءك

تحياتي

[عبيد الله]

أولا أنا بشكر كل أخواني الردو وأهتمو ثانيا أنا عايز أوضح حاجه أنا أول مره سافرت فيها كنت أعمي وعايز أسافر وخلاص وسافرت علي راتب 1300 ريال وعموله كانت لا تتعدي 500 ريال والكلام في مصر كان 2000 ريال عموله وأكل وشرب علي الشركه طبعا سافرت وأول ماوصلت كانت بداية الصدمه السكن كان غرفه كبيره بحمام ومطبخ و8 أفراد طبعا بقي البيدخن والريحته وحشه والبيصهر قدام التلفزيون المهم ثاني صدمه المطعم بتاع الشركه طاقم المطبخ هنود وأعوزبالله من ده أكل ولا ريحة المطعم طبعا بقي الأكل والشرب علي حسابي من الألف للياء وكان الدخل الشهري مابيتعداش 1700 ريال طبعا ماأستحملتش الكلام ده وقدمت أستقالتي في أقرب فرصه ونزلت نهائي وأقعدت في مصر 3شهور أدور عن شركة كويسه مالقيتش كانت كلها عروض متأكلش عيش وبعدين بدأت أفكر تاني بالسفر وفضلت قاعد علي النت ليل ونهار لقيت حوالي 6أو7 عروض وبعد تفكير ومشاوره وحيره وأستخاره أختارت العرض الأنا عليه دلوقتي وهو بصراحه كان عرض كويس وهو مندوب مبيعات 1500 ريال أساسي +1.5 عموله علي البيع +1.5علي التحصيل +سكن كويس +تأمين صحي ماكدبش عليكم كنت بقفش 4000 ألاف ريال مثلا طبعا أول 3شهور كان الراتب 1000 ريال عشان دي فترة تدريب وأستخراج أقامه وخلافه وبعد ما أستلمت السياره والمنطقه والحمد لله بعد 3شهور عزاب ربنا فرجها والأشية بقت معدن لمدة 5 شهور فجئة لقيت الشركة نزلت قرار بضم البقالات الكبيره البنشتغل معاها لمناديب الميني ماركت وتسليم المديونيات العندنا كلها لبتوع الميني ماركت وفاجئة قالو بتوع التجزئة يشتغلو كاش علي شوية بقالات صغيرة بعد ماكنت بنزل للعميل فاتوره ب 2000 أو3000 تلاف ريال بقيت بنزل فاتورة ب50 ريال بالعافيه والمحايله وبعد ماكنت بحصل راتب 4000 ألا ف بقيت باخد 2000 ريال بعد شقي ولف وتعب ومحايله وزول وأن حصلتهم كمان ولو مش عاجبك نهائي طبعا نفسيتي تعبت جدا وبعد ماقلت الدنيا أحلوت أسودت ونزلت أجازه وماعملتش أي حاجه يدوبك سديت 10 الاف جنيه ديون ونزلت معايا 6000 الاف جنيه بعد تذكرتي والحمد لله خلصو وحتي ماعييش حق تذكرة العوده وشكلي كده ماليش حظ في أي حاجه

[

أخ حمادة..

أسلوبك في السرد صادم وظريف!

واضح أن هناك تفاصيل أخرى كانت غائبة لما طرحت موضوعك أول مرة.. ممكن نعرف المزيد.. ؟ علشان نفكر معاك ونساعدك.. وتكون الصورة أوضح من كده..

أنت خريج أي كلية.. ؟ أو ما هو مؤهلك التعليمي..؟ وهل تجيد الإنجليزية.. ؟ وايه هي مهنتك اللي انت متقنها.. ؟ يعني إذا لم تكن خريج جامعة، ايه الحرفة أو المهنة اللي انت بتشتغلها من زمان.. غير موضوع مندوب المبيعات؟ لأني أعرف إن مندوب المبيعات بتكون شغلانة اضطرارية مؤقتة لمعظم الناس..

انت من أي محافظة في مصر؟ ساكن بإيجار ولا مع الأهل ولا تمليك.. ؟ والقصد من ده إننا نعرف نقدر مصاريفك الشهرية لو ممكن تلاقي شغل قريب من بيتك.. أو محافظتك.. وتنسى موضوع السف وتستقر مع مراتك وبنتك..

شوية تفاصيل.. واحنا هنفكر معاك بصوت عال إن شاء الله..

[لماضة مصرية جدا]

السلام عليكم و رحمة الله و بركاته

استاذي حمادة

جزاك الله كل خير انك بتعرض تجربتك بمنتهي الوضوح....و بجد انا داخلة ارد لحضرتك و لقيت الكتير من المداخلات القيمة اللي نفسي اي حد يقرر يسافر يقراها و يتأمل فيها شوية قبل ما ياخد اي قرار

انطباعي السريع جدا...هو ان حضرتك بتسافر عشان تسدد دين...و الدين ده اصلا بيجي لما حضرتك بتفكر تسافر

معلشي بس فكرة الدين في حد ذاته مقلقة جدا....يا ريت لو حضرتك تبعد عنها لانك كده بتبقي بتخنق نفسك بايديك

من تفاصيل العقود اللي حضرتك غامرت فيها و اسمحلي ااقول لحضرتك انك غامرت....اكيد حضرتك ان شاء الله لما تيجي فرصة تانية هتدرسها بشكل افضل و خصوصا فيما يتعلق بالسكن و كثير من الامتيازات اللي بتتحط بشكل وهي ع الورق لكن الواقع بيبقي ابعد ما يكون عنها

ممكن حضرتك تعمل مبلغ كده ع جنب....للطواريء

حاول و الله و ده بيبتدي بمبلغ صغير تستقطعه كل شهر....و في نهاية السنة مثلا هتلاقي عندك مبلغ مش كتير بس ع الاقل لما تحب تغامر يبقي فيه ارضية تقف عليها من غير ما تورط نفسك في ديون.

ربنا يوفق حضرتك

و صلي دايما استخارة و استفت قلبك

تحياتي

[حماده عبده]

يا أخ عبدالله أنا لديه دبلوم صنايع ومن أسكندريه وكنت بشتغل مندوب مبيعات في مصر لكن بمجال تاني البويات والحدايد وقبل كده كنت بشتغل في أيجار السيارات وساكن بشقه تمليك مش بدفع غير 25جنيه للبواب كل شهر مع النور والمياه وصيانة الأصنصير يعني حوالي 120 ج ومش بشرب غير مياه معدنيه في مصر وسجاير مارلبورو بالمناسبه المارلبورو بقت ب10ج ولو ماعنديش غير 10ج في جيبي هاشتري بيها المارلبورو وأنا شاكر حضرتك وكل الشاركوني بأرأهم

[عبيد الله]

يا أخ عبدالله أنا لديه دبلوم صنايع ومن أسكندريه وكنت بشتغل مندوب مبيعات في مصر لكن بمجال تاني البويات والحدايد وقبل كده كنت بشتغل في أيجار السيارات وساكن بشقه تمليك مش بدفع غير 25جنيه للبواب كل شهر مع النور والمياه وصيانة الأصنصير يعني حوالي 120 ج ومش بشرب غير مياه معدنيه في مصر وسجاير مارلبورو بالمناسبه المارلبورو بقت ب10ج ولو ماعنديش غير 10ج في جيبي هاشتري بيها المارلبورو وأنا شاكر حضرتك وكل الشاركوني بأرأهم

أهلا يا إسكندرية يا أجدع ناس، والاتحاد سيد البلد! (مع إني مش بفهم في الكورة!)

زادك الله من فضله يا أخي.. وتاب عليك من السجائر.. وإن شاء الله تكون عندك عمارة على البحر طوّاااااااااااالي!.. وتبقى تعزمنا على أكلة سمك عند قدورة!

لك عندي اقتراح لو تحب.. ايه رأيك في وظيفة الأمن..؟ أعرف أنها في مصر سيئة جدا، لكن في الإمارات وضعها مختلف نوعا ما.. والقانون هنا صارم وحقك هتاخده تالت ومتلّت (معلش أنا صعيدي يا أبوي!)

بشوف الشباب المصريين الأمن في المول اللي جنبي مرتاحين جدا.. وكلهم إيد واحدة.. ويصلوا معانا الصلوات في المسجد.. نزلت الآن وسألتهم عن وضع العمل والراتب والسكن ..

جبت لك التفاصيل.. وأتمنى من الله أن تستفيد منها:

أولاً: قالولي لي لو هنشتغل الشهر كله بدون أجازة أسبوعية فالراتب هيكون بالضبط 3420 درهم + السكن متوفر من الشركة + تأمين صحي طبعا وخلافه..

لو هتاخد الأجازة الأسبوعية الراتب هيكون 2770 درهم + السكن متوفر من الشركة + تأمين صحي طبعا وخلافه.. أغلبهم مش بياخد أجازة إلا نادرا..

ثانياً: لو حسبناها ممكن تلاقيها مفيدة لك.. قول هتصرف منهم 1000 درهم أكل وشرب الخ الخ.. هيتبقى لك 2420 درهم = 3731 جنيه (بأسعار انهارده).. بعضهم بيضغط على نفسه شوية وبيوفر 4 آلاف جنيه صافي كل شهر..

ثالثاً: سألت لك عن متطلبات التوظيف.. وقالولي: لا يشترط المؤهل، ولا إتقان الإنجليزية.. طالما هو عربي ويتحدث العربية يبقى فُل.. ولو يعرف انجليزي ولو بسيط يكون أحسن..

رابعاً: هم محتاجين ناس دلوقتي كتيييييير.. وجبت لك رقم تليفون الشركة اللي بيشتغل فيها الشباب المصريين دول وهو: 02-6426667 .. طبعا ضيف قبلها مفتاح الإمارات 00971...... الشركة اسمها: Securi Guard.. لو تحب تتصل بيهم وتستفسر..

خامساًَ: سألت لك الموضوع هيكلفك كام.. لأنك لازم تيجي على مكتب سفريات من مصر.. فيه أخ من طنطا قالي إن كل تكاليف المكتب + المصاريف ذات الصلة + تذاكر الطيران + كل شيء إلى استلام العمل هنا في الإمارات تكلف عليه: 9 آلاف جنيه.. وهو الآن سعيد جدا وأكمل سنة..

فكّر ولو عجبتك الفكرة توكل على الله واسأل أي مكتب سفريات عندك وهتلاقي عندهم عروووض كتير على حسب ما سمعت من الشباب هنا..

آسف على الإطالة.. wst::

[زعلان]

بس يااستاذ عبيد الله هل تضمن هذا الراتب وهل الراتب واحد في كل الشركات ارجو التريث و الاستفسار ولو الشركة بتوظف فعلا يبقى ممكن يبعتلهم مباشرة وهما يبعتوله الفيزا على الاقل بلاش التذكرة يا عم يسافر على العربية للطيران هو انهي شركة الي انت تقصدها

طبعا شغلانة السيكورتي شغلانة مملة و مهلكة المفروض انها 12 ساعة في اليوم 4 ايام في الاسبوع ده عندنا احنا مش شركة سيكورتي طبعا

[عبيد الله]

بس يااستاذ عبيد الله هل تضمن هذا الراتب وهل الراتب واحد في كل الشركات ارجو التريث و الاستفسار ولو الشركة بتوظف فعلا يبقى ممكن يبعتلهم مباشرة وهما يبعتوله الفيزا على الاقل بلاش التذكرة يا عم يسافر على العربية للطيران هو انهي شركة الي انت تقصدها

طبعا شغلانة السيكورتي شغلانة مملة و مهلكة المفروض انها 12 ساعة في اليوم 4 ايام في الاسبوع ده عندنا احنا مش شركة سيكورتي طبعا

مرحبا بك أخي زعلان..

أولاً: أنا هنا مجرّد ناصح ونقال المعلومات التي قالها لي الشباب المصريين وغيرهم في الشركة التي تتولى مسؤولية الأمن في المول بجواري.. وعليه، لا أضمن بنفسي الراتب.. ولا أضمن لو جاء من نفسه إلى الإمارات مباشرة.. وفي بداية كلامي، تلاحظ أني قلت: هذا اقتراح.. وفي نهاية هذا الاقتراح قلت ما قاله لي الأخ من طنطا بالحرف الواحد..

ثانياً: أنا ذهبت أيضا وسألت أفراد أمن غير عرب وأخذت ورقة معي ودونت ما قالوه لي بخصوص اللغة والمؤهل.. لأن الأخ حمادة قال لنا معه دبلوم صنايع فقط.. ثم جئت وكتبت التفاصيل أعلاه.. وقالوا لي بالحرف الواحد أنهم يحتاجون عدد كبير من الموظفين حاليا..

ثالثاً: الشباب المصريين هنا قالوا لي شركات الأمن تخضع لرقابة مباشرة من وزارة الداخلية الإماراتية.. وطبيعة العمل منظمة والحال أفضل من مصر ألف مرة.. وهناك قرار رسمي صدر وسيتم تطبيقه الشهر الجاري يقضي بإجبار شركات الأمن على إعطاء أجازة أسبوعية للموظفين، وعدم الطلب منهم العمل طوال الشهر بدون أجازة..

رابعاً: أنت تقول العمل في الأمن مهلك.. وأي عمل يا أخي فيه نوم أو راحة.. ؟ ثم هل هناك أي مقارنة أصلا بين شخص يعرف ماله وما عليه، ومستقر نفسيا، ولديه راتب جيد مضمون في دولة تحترم آدميتك وحقوقك.. وبين مندوب مبيعات يلف طول النهار في حر السعودية الحارق.. ثم تقوم الشركة بتخفيض الراتب فجأة.. ولا أحد يحترم حقوقه.. ؟

خامساً: أنا كتبت له رقم التليفون حتى يكون هناك اتصال له مع الشركة مباشرة.. ويستفسر منهم.. وإذا أراد فليتوكل على الله وليذهب مباشرة..

أخيراً: أنا أرشحت له العمل هنا.. لأني أؤمن بشدة أن الإمارات هي الدولة العربية التي في الغالب لا يظلم فيها أحد.. دولة قانون ونظام.. أكثر دولة خليجية تحافظ على حقوق العمال.. وتكاد تكون الدولة الوحيدة التي تجبر جميع الشركات على إتباع "نظام حماية الأجور"، الذي يقضي بتحويل رواتب العمال شهريا على البنوك.. لضمان عدم هضم حق أي عامل..

أدعو الأخ حمادة لدراسة اقتراحي جيدا.. والاستفسار أكثر من الشركة مباشرة.. كتبت لك اسمها ورقم هاتفها.. وتفاصيل الرواتب فيها.. ثم إذا عقدت العزم فتوكل على الله..

[hakeem]

يا أخ عبدالله أنا لديه دبلوم صنايع ومن أسكندريه وكنت بشتغل مندوب مبيعات في مصر لكن بمجال تاني البويات والحدايد وقبل كده كنت بشتغل في أيجار السيارات وساكن بشقه تمليك مش بدفع غير 25جنيه للبواب كل شهر مع النور والمياه وصيانة الأصنصير يعني حوالي 120 ج ومش بشرب غير مياه معدنيه في مصر وسجاير مارلبورو بالمناسبه المارلبورو بقت ب10ج ولو ماعنديش غير 10ج في جيبي هاشتري بيها المارلبورو وأنا شاكر حضرتك وكل الشاركوني بأرأهم

أهلا يا إسكندرية يا أجدع ناس، والاتحاد سيد البلد! (مع إني مش بفهم في الكورة!)

زادك الله من فضله يا أخي.. وتاب عليك من السجائر.. وإن شاء الله تكون عندك عمارة على البحر طوّاااااااااااالي!.. وتبقى تعزمنا على أكلة سمك عند قدورة!

لك عندي اقتراح لو تحب.. ايه رأيك في وظيفة الأمن..؟ أعرف أنها في مصر سيئة جدا، لكن في الإمارات وضعها مختلف نوعا ما.. والقانون هنا صارم وحقك هتاخده تالت ومتلّت (معلش أنا صعيدي يا أبوي!)

بشوف الشباب المصريين الأمن في المول اللي جنبي مرتاحين جدا.. وكلهم إيد واحدة.. ويصلوا معانا الصلوات في المسجد.. نزلت الآن وسألتهم عن وضع العمل والراتب والسكن ..

جبت لك التفاصيل.. وأتمنى من الله أن تستفيد منها:

أولاً: قالولي لي لو هنشتغل الشهر كله بدون أجازة أسبوعية فالراتب هيكون بالضبط 3420 درهم + السكن متوفر من الشركة + تأمين صحي طبعا وخلافه..

لو هتاخد الأجازة الأسبوعية الراتب هيكون 2770 درهم + السكن متوفر من الشركة + تأمين صحي طبعا وخلافه.. أغلبهم مش بياخد أجازة إلا نادرا..

ثانياً: لو حسبناها ممكن تلاقيها مفيدة لك.. قول هتصرف منهم 1000 درهم أكل وشرب الخ الخ.. هيتبقى لك 2420 درهم = 3731 جنيه (بأسعار انهارده).. بعضهم بيضغط على نفسه شوية وبيوفر 4 آلاف جنيه صافي كل شهر..

ثالثاً: سألت لك عن متطلبات التوظيف.. وقالولي: لا يشترط المؤهل، ولا إتقان الإنجليزية.. طالما هو عربي ويتحدث العربية يبقى فُل.. ولو يعرف انجليزي ولو بسيط يكون أحسن..

رابعاً: هم محتاجين ناس دلوقتي كتيييييير.. وجبت لك رقم تليفون الشركة اللي بيشتغل فيها الشباب المصريين دول وهو: 02-6426667 .. طبعا ضيف قبلها مفتاح الإمارات 00971...... الشركة اسمها: Securi Guard.. لو تحب تتصل بيهم وتستفسر..

خامساًَ: سألت لك الموضوع هيكلفك كام.. لأنك لازم تيجي على مكتب سفريات من مصر.. فيه أخ من طنطا قالي إن كل تكاليف المكتب + المصاريف ذات الصلة + تذاكر الطيران + كل شيء إلى استلام العمل هنا في الإمارات تكلف عليه: 9 آلاف جنيه.. وهو الآن سعيد جدا وأكمل سنة..

فكّر ولو عجبتك الفكرة توكل على الله واسأل أي مكتب سفريات عندك وهتلاقي عندهم عروووض كتير على حسب ما سمعت من الشباب هنا..

آسف على الإطالة.. brth)

السلام عليكم

فعلا شركات كتير جدا كانت بتطلب ناس للامن وانا عن نفسى رحت وقدمت بدل المره اتنين...بس موضوع الراتب وظروف العمل والكلام ده حضرتك ادرى مننا بيه لانك موجود فى البلد...انما التكلفه مش 9000 جنيه دى بتتكلف زى ما انا شفت ادامى 12000 جنيه ..التاشيره بالتذكره كمان...خايف اقول للاخ حماده على المكاتب اللى كان فيها الكلام ده ..مش لانى مش عايز اساعد ..انما لانى مستنى بعد ما مضيت نسخه من العقد ودفعت المقدم(2000)والكلام ده من شهر اتنين اللى فات..وبعد اتصالات كتيره مع المكتب والسمسار اللى تبع المكتب واخر اتصال بيهم كان الليله تقريبا الساعه 10..رد عليا الاستاذ السمسار وقالى ان المكتب بيقول ان التأشيرات طلعت وجايه فى البريد وهتوصل يوم الخميس..بس هو قالى لو انا متصلتش بيك يوم الخميس قلتلك التأشيره وصلت ..شرفنى (فى بيته طبعا)واخد منه جواز السفر والفلوس..

لو التأشيره ربنا اراد وجت ..هديلك تليفون الراجل وتتفاهم معاه..(لو انت قررت انك تشتغل فى الشغلانه دى)

اما لو ربنا موفقش فبصراحه انا عن نفسى مش عارف هتصرف ازاى..؟ لانى مستنى من شهر 2 وطبعا عارفين الفلوس حايه منين..؟

والسلام عليكم :happy:

[حماده عبده]

أستاز عبدالله أنا متشكر جدا أوي موت علي أهتمامك بموضوعي وبشكر أستاز زعلان علي مداخلته لكن أنا ماعنديش خيار تاني في موضوع السفر غير أني أرجع السعوديه تاني لأني هو ده الحل الوحيد البأيدي دلوقتي أو تحصل المعجزه وتظهرلي شغلانه قبل ميعاد عودتي في مصر بمرتب كويس لكن سفر علي بلد تانيه وتأشيره جديده ومصاريف والذي منه بصراحه ماعنديش أي أمكانيات نهائي للموضوع ده لو حضرتك رجعت لموضوعي هتلاقيني ذكرت أني ماعنديش حتي حق تذكرة العوده يبقي أزاي هادفع 9000 ألاف جنيه يبقي أنت بالله عليك شورني تستلف ألف جنيه حق التذكره وأرجع وزي ماتيجي ولا أستلف 10 ألاف وأسافر الأمارات وبردو زي ماتيجي علي فكره أستاز عبدالله أنا قبل ماأطرح موضوعي كنت عارف ومتأكد أني أنا ماعنديش حل غير أني أرجع تاني غصب عن عيني لكن أنا بس حبيت أني أفضفض معاكم من خنقتي وتجربتي المؤلمه بالغربه والي لسه ماأنتهيتش وشكلي أنا الهانتهي قبلها ومتشكر جدا أستاز عبدالله وواضح المنتدي هنا كله ناس محترمه بصراحه وأنا الشدني لهذا المنتدي كلمة المصريين وبعدين أنا علي أستعداد تام أني أعزم كل أعضاء المنتدي علي أكلة سمك أسكندراني معتبرة بس أنتو تعالو ومالكوش دعوة brth)

[عبيد الله]

أستاز عبدالله أنا متشكر جدا أوي موت علي أهتمامك بموضوعي وبشكر أستاز زعلان علي مداخلته لكن أنا ماعنديش خيار تاني في موضوع السفر غير أني أرجع السعوديه تاني لأني هو ده الحل الوحيد البأيدي دلوقتي أو تحصل المعجزه وتظهرلي شغلانه قبل ميعاد عودتي في مصر بمرتب كويس لكن سفر علي بلد تانيه وتأشيره جديده ومصاريف والذي منه بصراحه ماعنديش أي أمكانيات نهائي للموضوع ده لو حضرتك رجعت لموضوعي هتلاقيني ذكرت أني ماعنديش حتي حق تذكرة العوده يبقي أزاي هادفع 9000 ألاف جنيه يبقي أنت بالله عليك شورني تستلف ألف جنيه حق التذكره وأرجع وزي ماتيجي ولا أستلف 10 ألاف وأسافر الأمارات وبردو زي ماتيجي علي فكره أستاز عبدالله أنا قبل ماأطرح موضوعي كنت عارف ومتأكد أني أنا ماعنديش حل غير أني أرجع تاني غصب عن عيني لكن أنا بس حبيت أني أفضفض معاكم من خنقتي وتجربتي المؤلمه بالغربه والي لسه ماأنتهيتش وشكلي أنا الهانتهي قبلها ومتشكر جدا أستاز عبدالله وواضح المنتدي هنا كله ناس محترمه بصراحه وأنا الشدني لهذا المنتدي كلمة المصريين وبعدين أنا علي أستعداد تام أني أعزم كل أعضاء المنتدي علي أكلة سمك أسكندراني معتبرة بس أنتو تعالو ومالكوش دعوة

يسّر الله لك أمرك ورزقك من حيث لا تحتسب..

واضح إنك طيب وابن حلال يا حماده.. عايزك تتأكد إنك طالما بتجتهد في شغلك والله هتلاقي ربنا بيكرمك ويديك من فضله في حجات تانية، مش شرط تكون فلوس أو مرتب أعلى.....

وطالما ناوي ترجع السعودية.. ياريت بقى عليك تقرأ كل المداخلات من أول وجديد ربما تستفاد منها..

بالتوفيق

[doha]

أستاز عبدالله أنا متشكر جدا أوي موت علي أهتمامك بموضوعي وبشكر أستاز زعلان علي مداخلته لكن أنا ماعنديش خيار تاني في موضوع السفر غير أني أرجع السعوديه تاني لأني هو ده الحل الوحيد البأيدي دلوقتي أو تحصل المعجزه وتظهرلي شغلانه قبل ميعاد عودتي في مصر بمرتب كويس لكن سفر علي بلد تانيه وتأشيره جديده ومصاريف والذي منه بصراحه ماعنديش أي أمكانيات نهائي للموضوع ده لو حضرتك رجعت لموضوعي هتلاقيني ذكرت أني ماعنديش حتي حق تذكرة العوده يبقي أزاي هادفع 9000 ألاف جنيه يبقي أنت بالله عليك شورني تستلف ألف جنيه حق التذكره وأرجع وزي ماتيجي ولا أستلف 10 ألاف وأسافر الأمارات وبردو زي ماتيجي علي فكره أستاز عبدالله أنا قبل ماأطرح موضوعي كنت عارف ومتأكد أني أنا ماعنديش حل غير أني أرجع تاني غصب عن عيني لكن أنا بس حبيت أني أفضفض معاكم من خنقتي وتجربتي المؤلمه بالغربه والي لسه ماأنتهيتش وشكلي أنا الهانتهي قبلها ومتشكر جدا أستاز عبدالله وواضح المنتدي هنا كله ناس محترمه بصراحه وأنا الشدني لهذا المنتدي كلمة المصريين وبعدين أنا علي أستعداد تام أني أعزم كل أعضاء المنتدي علي أكلة سمك أسكندراني معتبرة بس أنتو تعالو ومالكوش دعوة

هقول لحضرتك حاجه ياريت تحطها امامك دائما .. طول ماانت مقتنع بان سفرك للسعوديه ( غصب ) واضطرار ومكانش قدامك غيره طول ماهتفضل مش مرتاح فيه وطول ماهتبقى منتظر اي فرصة عشان ( تفك ) منه ..

صدقني سيدي الفاضل انت مش مضطر تروح السعوديه ولا مضطر تروح اي مكان .. انت مسافر بمزاجك تماما وسفرك برضه مهواش الساقية الي مغصوب تتربط فيها ..

بص للموضوع من ناحية ايجابيه .. انت لسه صغير وفي ناس كتير في سنك لسه متجوزوش ولا اشتغلوا ولا عملوا اي شيء .. الحمد لله انت على الاقل قطعت شوط لابأس به وعلى الاقل كونت اسرة وعلى الاقل مسكت بدايه الخيط و( شبطت ) في شغلانه ..

حاول تبص لوضعك في السعوديه على انه مرحلة مؤقته بعدها ايه الله اعلم مش دي قضيتنا نشغل نفسنا بما سيكون وانما حط في ذهنك ان ايا كان التعب الي بتشوفه في السعوديه مش مهم انت ( مش مضطر ) تتحمله كتير وكلها سنتين تلاته هيمروا زي البرق وبعدها ( يصير خير )

حاول تستمتع بالدنيا الي حواليك وتبص للناحيه الايجابيه بس يعني صحيح انت بتبعد عن اهلك لما بتسافر بس اديك بتتسلى وبتشوف ناس جديده وبتتعلم خبرات جديده في الحياه مش مهم حوشت كام او بقي معاك كام المهم انك خلال السنه الي هتقضيها هنا اديك فاتح بيت وبتصرف عليه واديك بتمتع نفسك وبتشرب سجايرك الي بتحبها وبتلبس قميصك الي عاجبك وفي جيبك الموبايل الي كنت بتحلم بيه ..

مازلت لسه صغير ومازال العمر قدامك فليه تخنق نفسك بانك مضطر او مزنوق او او .. القصة مش كده خالص ..

اعتبر سفرك للسعوديه فسحه او سياحه ممكن متكونش على مزاجك اوي او مش ممتعه اوي بس اكيد لو اخذتها على انها مجرد رحلة مؤقته منتش مغصوب عليها هتلاقي فيها شيء يعجبك او يخفف عنك الغربة وتعبها ..

ربنا معاك واكيد اذا تعبت في شغلك ايا كان نوع التعب ده فربنا مش هيضيعه ابدا ..

[حماده عبده]

أخت ضحي أنا متشكر جدا علي فكره أنتي كلامك جميل والله ومقنع بصراحه وأنا أنهارده فعلا روحت أستخرجت تصريح السفر وأن شاء الله هاحجز علي ميعاد عودتي وبرجع لمملكتنا وربنا يوفقنا جميعا ويفوك أسرينا من الكوفلا قولي أمين