سوال .. الخروج و العودةعلى شركة أخرى

[shabana]

السلام عليكم

كنت عاوز اسال سوال

انا ان شاء الله نازل اجازة لمصر بس الكفيل ميش عاوز يدينى خروج نهائى وقاللى هيدينى خروج وعوده

اولا الاقامه فاضل فيها سنه وشهر ودلوقتى انا معايا تاشيرة جديده وعاوز اجى على الشركة الجديدة

دلوقتى السوال انا لو نزلت مصر وقعده فترة التاشيرة الخروج والعودة ورجعت على تاشيره جديده بعد فترة الخروج والعودة

هل هيكون اى مشاكل فى دخول البلد مرة تانية

ولا اية بالضبط

برجاء الرد ولكم جزيل الشكر

[hosambob]

طبعا ً هيبقي فية مشكلة -- لان اقامتك صالحة و سارية المفعول -- ولما يجي يبصمك هيلاقي انك مقيم و ليك أقامة و ممكن يحصل مشكلة أو ممكن يعديها

بس لو عملت خروج نهائي هتبقي الأمور عال .... ( حاول تضبط المعقب و خليه يعمل بدل الخروج و العودة خروج نهائي من غير الكفيل ما يدري ) مع تحياتي

[elhag]

السلام عليكم

ان شاء الله يا اخي مفيش اي مشكله ف دخولك مره اخري بعد انتهاء تاشيرة الخروج والعوده

زي ما قال اخونا الكبير سي السيد ف الموضوع ده http://www.egyptiantalks.org/invb/?showtopic=73357

كلامه مظبوط وصحيح ميه ف الميه

وعن تجربه شخصيه انا الحمد لله لسه واصل المملكه تاني بعد ما خلصت تاشيره الخروج والعوده الاولي والتي انتهت منذ ما يقارب السنه واقامتي الاولي لسه باقيلها شهر تقريبا ولم يستوقفوني ف المطار ولا اي شيء

المهم انك تكون خارج بدون اثاره اي مشاكل ومتحاولش تثير او تحتك بكفيلك القديم ربنا يسترها معانا جميعا

[wael hekal]

السلام عليكم

ان شاء الله يا اخي مفيش اي مشكله ف دخولك مره اخري بعد انتهاء تاشيرة الخروج والعوده

زي ما قال اخونا الكبير سي السيد ف الموضوع ده http://www.egyptiantalks.org/invb/?showtopic=73357

كلامه مظبوط وصحيح ميه ف الميه

وعن تجربه شخصيه انا الحمد لله لسه واصل المملكه تاني بعد ما خلصت تاشيره الخروج والعوده الاولي والتي انتهت منذ ما يقارب السنه واقامتي الاولي لسه باقيلها شهر تقريبا ولم يستوقفوني ف المطار ولا اي شيء

المهم انك تكون خارج بدون اثاره اي مشاكل ومتحاولش تثير او تحتك بكفيلك القديم ربنا يسترها معانا جميعا

يعني ايه انتهاء تاشيرة الخروج والعوده حتي والاقامه ساريه

يعني افهم من كده مثلا

اني لو نزلت النهرده ولسه في اامتي سنه كامله

وكان المفروض ارجع خلال شهر

ومرجعتش يبقي كده كسرت تاشيرة الخروج والعوده

واقدر ارجع بعد شهر ويوم؟؟؟؟؟

ارجو التوضيح والرد

[مروان]

لما بتنهي تاشيرة العودة الكفيل بيخاطب الجوازات عن طريق ورقة اسمها خرج ولم يعد وبيسلمهم الاقامة وهم بيكانسلوها

وبيدوه تاشيرة جديدة يجيب بيها موظف تاني

يعني لو مفيش مشاكل بينك وبين الحاج الكفيل الموضوع هيمشي بهدوء ان شاء الله

انتظر لما تكسر تاشيرة العودة وغير جوازك وتعالى بالفيزة الجديدة ولما تبصم في المطار ويسالك انت كنت هنا قبل كده قوله ايوة والتاشيرة انتهت وجيت على واحدة جديدة

وان شاء الله تعدي

حاول تنزل نظامي وبدون مشاكل مع كفيلك واشكره على حسن كفالته ورعايته لك طوال الفترة اللي قضيتها معاه

وربنا يقدر لك الخير

بس علشان الحلال والحرام حاول معاه في النهائي الاول

او يكون عقدك معاه خلص

علشان تبرا ذمتك منه امام الله

[الكفيل و أنا]

السلام عليكم ورحمه الله وبركاتة

الموضوع باختصار انى كسرت تاشيره الذهاب والعوده و كنت عايز ارجع على شركة جديده هل ممكن الكفيل القديم يمنعنى من الرجوع ؟؟؟ او يبلغ ؟؟؟ وهل صحيح انى ما ينفعش ارجع غير بعد سنتين ؟؟؟

ياريت حد يفدنى فى الموضوع ده

[mohamedta]

يا جماعة انا عايز اتكلم عن الموضوع ده عن تجربة

يا ريت محدش يعمل خروج و عودة و يجى على باسبور جديد عشان انا عملت الموضوع ده و اتبهدلت بصراحة

لان الكفيل القديم عرف من الجوازات على طول و اشتكى الكفيل الجديد

و الحمد لله قدرت احل المشكلة بعد منازعات فى المحكمة لمدة سنتين و دفعت مبلغ كبير للكفيل للتنازل

و الله العظيم لولا ستر ربنا كان هيخرجنى من السعودية

فيا ريت محدش يقول انه ينفع تيجى من غير مشاكل

لا فيه مشاكل و مشاكل جامدة كمان من الموضوع ده

انا بقول راى عن تجربة و ربنا شاهد عليا و على فكرة الكفيل القديم بيعرف بسهولة من الجوازات يعنى مش حاجة صعبة انو يعرف انك رجعت حتا لو كنت قاعد فى اخر بلاد المسلمين

فا الى ناوى يعمل الموضوع ده اعتقد انو اسهلو ياخد نهائى بالذوق بالعافية

و يرجع على فيزا جديدة

لانو الخروج و العودة فيها مخالفة للاربع لوائح من القانون السعودى الجميل اوى و هما ملتزمين بالقانون اوى فى السعودية زى مانتو عارفين

الهم انى بلغت اللهم فاشهد

[elhag]

يا جماعة انا عايز اتكلم عن الموضوع ده عن تجربة

يا ريت محدش يعمل خروج و عودة و يجى على باسبور جديد عشان انا عملت الموضوع ده و اتبهدلت بصراحة

لان الكفيل القديم عرف من الجوازات على طول و اشتكى الكفيل الجديد

و الحمد لله قدرت احل المشكلة بعد منازعات فى المحكمة لمدة سنتين و دفعت مبلغ كبير للكفيل للتنازل

و الله العظيم لولا ستر ربنا كان هيخرجنى من السعودية

فيا ريت محدش يقول انه ينفع تيجى من غير مشاكل

لا فيه مشاكل و مشاكل جامدة كمان من الموضوع ده

انا بقول راى عن تجربة و ربنا شاهد عليا و على فكرة الكفيل القديم بيعرف بسهولة من الجوازات يعنى مش حاجة صعبة انو يعرف انك رجعت حتا لو كنت قاعد فى اخر بلاد المسلمين

فا الى ناوى يعمل الموضوع ده اعتقد انو اسهلو ياخد نهائى بالذوق بالعافية

و يرجع على فيزا جديدة

لانو الخروج و العودة فيها مخالفة للاربع لوائح من القانون السعودى الجميل اوى و هما ملتزمين بالقانون اوى فى السعودية زى مانتو عارفين

الهم انى بلغت اللهم فاشهد

والله انت صح والموضوع ده فيه كمية مشاكل رهيبه ربنا يبعدنا عنها القصد كله ف الموضوع ده انك ممكن ترجع السعوديه تاني لو كفيلك مش عامل مشاكل ومش مبلغ عن اسمك او مانعك من الدخول بس بقي يا حلو لو كفيلك دماغه ما يعلم بيها الا ربنا وده حال الغلبيه ان مكنش كلهم اول بقي ما يعرف بوجودك جوه السعوديه تاني ياااااااااااااااخرااااااابي مصيبه كارثه ربنا يستر هيقوم الدنيا كلها فوق دماغك والقانون بيديله الحق ده وتوصل انه ممكن يخرجك بمنع كمان من الدخول تاني لمده معينه

وممكن تتحل بالتراضي بس بعد عذاب وبعد ما ياكل من لحمك شويه شويتين تلاته كل واحد بقي وبطنه :wub:

فالاحسن والاضمن وعشان نريح نفسنا نبعد عن الشر ونغنيله

وربنا يوفقنا جميعا