عندى مشكلة مع بنتى.......أعمل إية دلونى

[fatfouta]

اذيكم يا جماعة

انا هحكيلكم على حاجة مضايقانى وعاوزة ارائكم انا عندى بنتى جنى عندها تلات سنين الا شهر الضبط

من ساعة ولادتها وهى هادية ومش زنانة ومطيعة وعسولة بس من ساعة ماخلفت بنتى جودى الصغيرة...... وجنى ابتدت تتعصب شوية هى بتحب اختها جدااااااااا وعلطول تقلدنى انها تدلعها او تحضنها وتبقى عاوزة كمان تشيلها الحمد لله يعنى بتحبها

لكن من بعد ولادة جودى وابتديت احس ان جنى اتغيرت شوية يعنى بقت عصبية شويتين ممكن تقعد تعيط لوحدها كده من غير ماحد يعملها حاجة وكل ده انا فاهمة طبعا انها تلفت نظرنا ليها

والله انا وباباها بندلعها عشان ماتحسش ان فيه فرق اصلا هى دلوعة باباها جداااااا وبيموت فيها اكتر واحدة

المهم المشكلة بقى انها بقالها حوالى شهرين بتصرخ بطريقة هستيرية فى بعض الاوقات يعنى مثلا تكون قاعدة بتلعب هى ومحمد ابنى الكبير ولو عملها اى حاجة تقعد تصرخ تصرخ بطريقة فظيعة واحاول اهدى فيها لا يمكن

واقعد اقولها طب عازة ايه؟؟ طيب مالك؟؟ اخدها فى حضنى وبرضو مافيش فايدة

لدرجة انى اليومين دول بقيت اقعد اقرأ عليها قرآن لما يحصلها الحالة دى

من شهرين كان حصل ان اخوها وقع ادامها من البلكونة ولما دخلت انا الشقة ومالقتش محمد كانت هى واقفة عند البلكونة وساكتة وواقفة مخضوضة جداااا ولما قولتلها فين محمد؟؟ مارضيتش تتكلم وانا غلطت وسيبتها فى الشقة لوحدها فى اللحظة دى لانى كنت عاوزة اجرى انزل اشوف ابنى فى ايه

المهم من ساعتها وانا حاسة انها مصدومة ولما ماتلاقيش محمد ادامها فى الشقة تقعد تجرى وتنادى عليه وتدور عليه واول ماتصحى من النوم تقوللى فين محمد يا ماما؟؟ اقولها فى المدرسة ماتطمنش غير لما ييجى من المدرسة وتشوفه ادامها

المشكلة الكبيرة فعلا انها بقالها اكتر من شهر وهى تقوم من النوم بالليل وتصرخ وتعيط بصوت عالى جدااااااا اقوم انا اخدها فى حضنى واحايلها مافيش فادة ابداااااااااااا برضو بتصرخ وكانها مش شايفانى ولا حاسة بيا

وباباها يقوم يحايل فيها وبرضو مافيش فايدة الموضوع لازم ياخد وقته وتسكت لوحدها او نقعد نعمل معاها كل حاجة بتحبها عشان تسكت وممكن تسكت وتنام وممكن لا

وديتها عند دكتور امراض جلدية لانى حسيت ان شعرها ابتدا يقع الدكتور قاللى انها ممكن تكون غيرانة من اختها الصغيرة وعشان كده ممكن ده كله يكون نفسى

لدرجة ان من كام يوم نزلنا انا وهى محمد اخوها لوحدنا من غير باباهم روحنا هايبر ماركت نجيب طلبات وقبل ماندخل محمد زقها بيلعب معاها قعدت تصرخ ودخلنا الهايبر وهى بتصرخ والناس بقت عمالة تبص عليها وبصراحة كل الناس بقوا يحايلوا فيها واللى يجيب لها لبان واللى يديها بوبمبونى مافيش فايدةةةةةةة لدرجة ان فيه راجل سعودى كبير فى السن اخدها من ايدى وقعد يقرأ عليها قرآن والله انا قعدت اعيط وماعرفتش اعمل ايه ساعتها لغايت ماروحنا وباباها اخدها فى حضنه يا عينى نامت من كتر العياط والصريخ

والله انا مدياها هى اهتمام اكتر من اخواتها بس كمان انا مضايقة قوى عشانها وكمان موضوع انها بتقوم بالليل تصرخ ده تاعبنى جداااا لانها بتصعب عليا ولما احاول اقولها فى ايه تقوللى هتنزلى وتسيبينى لوحدى؟؟ اقولها لأ وانا امتى سيبتك يا حبيبتى ماتخافيش

فيه حاجة كمان لا حظتها عليها فى الفترة الاخيرة دى انها لما تكون بتتفرج عالتليفزيون ولقت حد بيعيط تقعد تعيط هى كمان ولو لقتنى ببص عليها تقولى انا مش بعيط يا ماما.......لكن ببقى شايفة الدموع فى عينيها

امبارح فيه اعلان بييجى فىى التليفزيون فى بيبيهات بيعيطوا لقيتها واقفة لوحدها وعماله تعيط ولما حضنتها قلتلى لا انا مش بعيط مع انها كانت عمالة تعيط معاهم....... ولما قولتلها ماتعيطيش يا حبيبتى دول بيهظروا قلتلى...قلتلك انا مش بعيط يا ماما........وبجد قطعت قلبى وحسيت انها عاملة ذى الكبير اللى بيدارى دموعه

أعمل ايه اوديها عند دكتور نفسىى للأطفال لما ننزل مصر ولا استنى يمكن فى الاجازة مع خالاتها ودلعهم ممكن تتحسن؟؟؟

[fatfouta]

على فكرة نسيت اقول حاجة

جنى بنتى دى احن واحدة فى الدنيا عليا برغم صغر سنها الا انى بحس ساعات انى بنتها والله

تيجى جمبى وتقعد تبوس فيا وتدلعنى وتقولى انا بحب قوى انتى عولة يا ماما ولو لقيتنى مضايقة او تعبانة تقعد تقولى مالك انتى فيكى ايه؟؟ كأن حد كبير بيسألنى والله

بحس انها شايله هم اخواتها ولا كنها هى الكبيرة من كام يم كان اللبن فى البيبرونة بتاعة اختها خلص وعماله تعيط وانا مش سامعها

لقيتها داخله عليا المطبخ وماسكة البيبرونة بتاعة اختها وبتقولى.......والنبى يا ماما اعملى لها لبن عشان بتعيط

قعدت ابوس فيها وقولت لها حاضر يا حبيبتى انتى خايفة على اختك؟؟ قلتلى ايوه اصلها بتعيط جامد

[اغابي]

بصراحة انا زعلت اوى من اللى حكيتيه داه يا فتفوتة

** بس انا حاقول كام نقطة ممكن نخلى بالنا منهم - ركزى معايا كويس . ....

اولا : الغيرة من اخواتها الاتنين مش بس واحد .

ثانيا : وبما انك ممكن تكونى بتنشغلى عنها - ممكن تكون بالصدفة من غير ما تكونى اخدتى بالك

تكون البنت شافت مشهد من فلم رعب - قتل - دبح - الحاجات دى اى مشهد مش حياخد 5 ثوانى -

او اعلانات الارهاب فى العراق اللى فى كل محطة فضائية - وبما ان البنت بتفهم المشهد والدليل انها بتعيط لما بتشوف مشهد فيه حد بيعيط

- يبقى اكيد شافت مشهد قتل او دبج من غير ما تكونى اخدتى بالك منها وكدا هى اتخضت - خلى بالك من النقطة دى .

ثالثا : لو هى رقم 2 - فى ترتيب اخواتها - بيبقى دايما الطفل الثانى مظلوم فى الحنية وبيحس بكدا

- لان الكبير اول فرحة بياخد كل الحنية والاهتمام لغاية ما يكبر والصغير طبعا بياخد اهتمام ودلع اكبر من اى حد فالطفل رقم 2 - صدقينى دايما مظلوم

رابعا : اهتمى بيها فى الاكل - ممكن الطفل لو جعان او نام جعان ممكن بيصحى من الجوع يعيط - البنت في عندها سبب للعياط داه اكيد

فاهتمى باكلها كويس - ونومها - وخلى بالك شعرها اللى بيوقع داه - نتيجة طبيعية - لقلة الاكل واعتقد ان بنتك خاسة جدا واضح انها مش بتاكل كويس

- اهتمى بالاكل ثم الاكل ثم الاكل وهتلاقيها غطست فى النوم وبطلت عياط لان لما الطفل بيبقى شبعان بيغطس فى النوم .

خامسا : انت حكيتى من وجهة نظرك كأم - وانا عارفة أحنا الامهات بنبقى مبالغين جدا فى تشخيص حالة اطفالنا ودا شيء طبيعى من شدة قلقنا عليهم زى ما بتشوفى حالة بوسي وقلقها على ابنها عمر - فممكن برضوه تكون عندك يا فتفوتة هواجس - وممكن حالة البنت تكون ابسط مما تتخيلي بس انت

الخوف عامل معاكى كل داه .

سادسا : اخرجى بيها اتمشوا وحدكم انت والبنت فقط - خلى جوزك مع اولادك و انت اخرجى بيها هاتيلها لعب واكليها فى مطعم من المطاعم اللى بتقدم وجبات اطفال ولعبة مع الوجبة علشان البنت تفرح وتهتم انها تاكل الوجبة

وهاتيلها الوان وكراسة رسم او هدية ملونة وحسيسيها انها هى اهم اولادك والاحساس حيوصل لان الاطفال بيفهموا كويس جدا .

ابقى طمنيني عليهـــــا

وربنا يخليهالك يا فتفوتة

ويطمن قلبك عليها

اغابي

تم تعديل 1 يونيو 2010 بواسطة اغابي

[الغريب]

وأنا كمان زعلت وأستشعرت مدى معاناتك في تربية أولادك يا فتفوتة

وبقيت محتار بين حب جنى لأخوتها ولا غيرتها منهم

بس هطمنك دي مجرد مرحلة عابرة جدا

المشكلة أنك في مثل حالة جنة مطلوب منك أنك تراعي كل فعل بينك وبينها وبينها وبين أخوتها وبين أبوها وبينها ، يعني الأمر حساس شوية ، بس هي فعلا في النهاية مرحلة سريعة وهتعدي ومتهيألي هتنتهي لما البنت تحتك بشدة مع المجتمع لما تروح الحضانة إن شاء الله.

متقلقيش ومتحمليش نفسك أكتر من طاقتك

أستعيني بس انت بالله وأدعي في صلاة الفجر أن ربنا يساعدك على تربيتهم ويهيدهم ليكي

تم تعديل 1 يونيو 2010 بواسطة الغريب

[ذهبية]

ربنا يقويك يا فتفوتة بجد حاجة تزعل اى ام و بالذات لما تكون فى احن طفل عندك

اولا هى حساسة قوى يا فيفوتة يعنى محتاجة معاملة خاصة منك قوى

الى انتى بتحكية دة معناة ان البنت محتاجة امان مش مووضع غيرة بس

انا راى انك تعملى

اولا ....ما تتكلميش مع باباها قدامها فى اى حاجة فيها قلق او خناق او خوف من مستقبل او اى مشكلة من اى نوع لان البنت بتفهم جدااا و حساسة و دة هيسيب اثر فى نفسيتها جامد من غير ما تحسوااا

ثانيا .... اشغليها باى حاجة مفرحة يعنى خروج فى اماكن بتحبها لعبة بتحبها وديها عند اصحاب لها هى بتحبهم

ثالثا و دة الاهم لو بامكانك توديها حضانة يبقى حلو قوى تشترك مع الاولاد و تلعب و تجرى و تطلع طاقتها و اى حاجة هى خايفة منها تنساها

دايما حسسيها انك مبسوطة منهاااا و انها قوية و انك بتحبيها علشان هى بتحكى لماما على اى حاجة مضايقاها

و تقراى معها القران و عرفيها ان القران بيحمى صاحبة من اى حاجة وحشة و انك لما تكونى خايفة او زعلانة اسمعى قران

قد اية هتحسى انك مرتاحة و ان ربنا معاك و جنبك و شايفاك و هيحميك

و عرفيها دايما ان ربنا معانا و بيخاف علينا و شايفنا حتى لما بتخرجى و تسيبها هى مش بتكون لوحدها دة ربنا موجود معاها

و لما محمد لعب و اتشاقى ربنا كان معاة و حماة من اى مكروة

وربنا يحميها يارب

[doha]

انا مش عاوزه افتي بغير علم بس في احتمال اعتقد انه صحيح بان بنتك بتعمل كل ده عشان تحصل على ( المزيد ) من الاهتمام منك لا اكثر ولا اقل ..

هتقولي انك مهتمه بيها اصلا هقولك ان الاطفال لا تكتفي ابدا من الاهتمام ومهما اديتيهم هيطلبوا اكتر ..

بنتك اكتشفت انها لما بتصرخ باعلى ماعندها من صوت الكل بنتبه بما فيهم انت وباباها ومش بس كده وانما بتحاولوا ترضوها باي طريقة .. استحلت الحكاية وبدال ماتسكت وتفقد اهتمامكم اصبحت تتعتمد الاستمرار في الصراخ لاطول فترة تقدر عليها عشان تحصل على الاهتمام بالمقابل لاطول فترة ممكنه ..

اي طفل في الدنيا يتمنى ان والده ووالدته يكونوا له اربعه وعشرين ساعه ميشوفوش ولايكلموا ولا يهتموا بحد غيره وبناء عليه حتى لو انتي مخصصة من وقتك عشرين ساعه لبنتك في اليوم فهي هتعمل مافي وسعها من حيل عشان تستحوذ على الخمس ساعات الباقيين ..

الحكايه دي ملهاش علاقه نهائيا بحبها لاخواتها وانما بحبها لذاتها .. بمعنى انك لا تغتري بانها بتحن على اختها الاصغر او بتنبهك لضرورة احضار اللبن لها .. هي اصلا معملتش كده حبا في اختها بقدر ماهو رغبه في ( التواجد في الصورة ) .. اختي بتعيط يبقى ماما هتروح تجيب لها الاكل وانا فين من القصة ؟ لاه خليني اشيل الزجاجه بنفسي واروح لماما اقولها ( انا اهوه ) كلميني وبصيلي انا مش هي ..

بصي في رايي ( طنشي ) البنت دي خالص .. عامليها بالظبط زي مابتعاملي اخواتها بدون اي زياده .. النوم واللعب والاهتمام يبقى لهم كلهم بالتساوي ومحدش يتعامل معامله خاصه لاي سبب .. عيطت وطولت في العياط سيبيها ( تنفلق ) .. عارفه ان قلبك مش هيطاوعك لكن صدقيني ده الحل الوحيد .. هي بتعمل كل ده وتتعب نفسها وتتعبكم عشان تحصل على اهتمامكم لو اكتشفت ان عمايلها دي مش هتجيب لها الاهتمام هتبطل تعملها وهتبحث عن امور اخرى تلفت نظركم بيها ..

انتي سهلي لها عملية البحث وشوفي هي ممكن تطلع طاقتها في ايه وهاتيه لها .. لو البنت موهوبة في الرسم هاتي لها اقلام ملونه ودفتر وكل ماترسم حاجة شكلها كويس طيري بيها وعلقيها في الاوضة ووريها لاخواتها كده هتحس انها مميزه وكده هتبدع اكتر .. طبعا في البدايه هتفرحي باي رسمه هبله بعدين هتوجهيها انها ترسم حاجات افضل ..

ممكن كمان تجيبي لها مكعبات وتخليها تقضي وقتها تركب فيها وكل ماركبت شكل حلو ومبتكر صوريه لها واحتفظي بالصورة ..

ممكن تساعدك في عمل السندويتشات او تبقى مهمتها تعبئة الغساله بالغسيل او اخراجه منها او ترتيب الاحذية في مكانها او اي مهمه تانيه صغيره تبقى هي دي وظيفة جنى في البيت وهو ده الي الكل عارف ان جنى ماشاء الله عليها متحملاه بمسؤوليه ..

استغلي رغبتها في انها تلفت نظركم في قيامها باشياء مفيده عشان تعرف ان لفت الانتباه يكون بطريقة ايجابية افضل مايكون بالشكل السلبي الي بتعمله ده ..

واخيرا وعشان ضميرك يبقى مرتاح شغلي لها قرآن دائما وشيلي اي تماثيل او صور في اوضتها .. لما تصحى بليل تصرخ وطالما تهدئتكم فيها مبتجيبش نتيجه وطالما بتستمر كده كده في الصراخ فروحي عندها وقولي لها بنبرة صوت واثقة كفايه ياجنى نامي بقى عشان بكرا عندنا حاجات كويسه نعملها .. وسيبها وامشي .. طبعا تكوني حريصه ان باب اوضتها يكون مفتوح وان النور في الاوضه يكون شغال ومتخافيش عليها هي هتعرف تتصرف بعد كده ..

[Simba]

والله يا فتفوتة انا متعاطف جدا معاكي وعارف انتي بتحسي بايه وهي بتصرخ وانتي مش قادرة تعرفي هي حاسة بايه ودي اصعب حاجة ممكن تقابل اي أب وأم

وعلشان برضه مش أفتي انا كمان من غير علم فانا هاقولك مجرد اقتراح لو حسيت ان الحالة بتزيد وبقت مرضية وصعب السيطرة عليها ساعتها لازم البنت تتعرض علي دكتور مخ وأعصاب وان شاء الله الامر ما يوصلش لكده وتكون حالة عرضية نتيجة مؤثرات الفترة اللي فاتت وتقدر البنت تتجاوزها

[HanaaOsama]

لو انت شايفه ان ده ابتدا يحصل لها من ساعه موضوع اخوها محمد يبقي هي ممكن يكون سبب ليها مشكله نفسيه معينه

اما لو من اول ما اختها اتولدت ممكن يكون لفت نظر و غيره

حالولي تتاكدي هي ابديت يحصلها كدا من امتي بالظبط

و ربنا معاكي يا فتفوته يا رب

[Alrefaey]

مشهد محمد لما وقع من البلكونة وصراخك عليه والاحداث اللى حدثت لك من قبلها وبعدها اثرت بشكل كبير فى نفسية البنت واشعرتها بعدم الامان وان هناك اذى ما يقع على من تحبهم .

البنت محتاجة تغير جو ضرورى , نزولكم مصر هيفيدها كتير ان شاء الله

الف سلامة على جنى :blush2:

[Salwa]

من شهرين كان حصل ان اخوها وقع ادامها من البلكونة ولما دخلت انا الشقة ومالقتش محمد كانت هى واقفة عند البلكونة وساكتة وواقفة مخضوضة جداااا ولما قولتلها فين محمد؟؟ مارضيتش تتكلم وانا غلطت وسيبتها فى الشقة لوحدها فى اللحظة دى لانى كنت عاوزة اجرى انزل اشوف ابنى فى ايه

المهم من ساعتها وانا حاسة انها مصدومة ولما ماتلاقيش محمد ادامها فى الشقة تقعد تجرى وتنادى عليه وتدور عليه واول ماتصحى من النوم تقوللى فين محمد يا ماما؟؟ اقولها فى المدرسة ماتطمنش غير لما ييجى من المدرسة وتشوفه ادامها

مساء الخير...

الف الف سلامة عليها يافتفوتة وان شاء الله حاتبقى زى الفل وترجع افضل من الأول ..

انتى يافاتيما من غير ما تحسى قلتى الحل وانتى بتحكى المشكلة ...!!!

قلتى .........هى مبتطمنش الا لما محمد يرجع من المدرسة وتشوفه ادامها ..

هى مش بتغير من اخواتها .... ولو ان ده المثال الأقرب للى مش عاوز يتعب قلبه ويفكر ف المشكلة الحقيقية للبنت .....اقصد الدكاترة اللى انتى رحتى لهم ...ويشخصوا الحالة على انها غيرة ولمحاولةلفت نظر ..

الكلام ده ممكن تقتنعى به لو مكانش فيه اسباب زى وقوع محمد من البلكونة امامها ..

ثم..

على كلامك البنت مسالمة بطبيعتها وحنينة جدااا ...اذن يعنى ...بنت بالشخصية دى مش ممكن تنهار فجأة بدون سبب وتحاول تلفت الأنظار ..

احتمال صريخها ف المول .... لأن المول زحمة ... وهى لما محمد وقع شافت ان فيه هرج ومرج ودوشة وعرفت ان فيه حاجة غلط وخطيرة حصلت ..

شافت ان محمد راح المستشفى

سمعتكم بتتكلموا وبتتعاتبوا

شافتك بتبكى

كل ده...زائد ايضا انك مكنتيش فاضية لها وكل اهتمامك ان محمد يقوم بالسلامة ...وبعدين حصل ايه..؟؟

فوجئت البنت انك انتى نفسك دخلتى المستشفى بسبب مشكلة السكر .... قبلها شافت مشكلة ايدك اللى اتحرقت بسبب انك كنتى خايفة عليهم حد فيهم يدخل المطبخ ومسكتى الطاسة بطريقة غلط ..

كل ده يافاتيما ومش عاوزة البنت ييجى لها كوابيس ... وقت النوم ووقت الصحيان؟؟؟

دى بطلة يابنتى والله العظيم ..

دى كأنها شايلة هم العيلة دى كلها ..............خايفة على اخوها وخايفة على امها .... وخايفة تبقى مسئولة عن البيبى جودى ..

اللى محتاجة له بنتك .... هو شوية تهدئة لها ...اطمئنان يعنى ... كلنا كويسين يابنتى ياحبيبتى ..

احكى لها حكايات كتيرررر (( حتى لو الفتيها انتى )) ... عن ولد كان عاوز يعمل كل حاجة حتى لو كانت غلط ..ومكانش بيسمع كلام ماما ساعات .. يعنى مرة يسمع كلامها ومرة ميسمعش كلامها ..

قولى لها ان الولد ده كان اسمه محمد... وف يوم مامته قالت له خليك هنا وانا نازلة دقيقتين ... وهو مسمعش الكلام ... ونط وراها ..

قولى لها هو محصلهوش حاجة ...بس رجله وجعته لأنه نط مسافة طويلة ... بس رجله حاتخف وهو حايفضل يفتكر انه لازم يسمع الكلام وان ماما بتحبه هو واخواته زى بعض

وامسكى ايدها يافاتيما ووريها صوابعك وايدك وخليها تمسك ايدك .. وشاورى على صوابعك الخمسة ... قولى لها ده بابا ودى ماما ودول انتم التلاتة ... محدش طول التانى بس كلهم هنا ف ايدى .. وايدى بالظبط بالظبط زى قلبى.. كلهم زى بعض وماما بتحب كلهم وكل واحد فيهم زى التانى ..

قولى لها انك مبسوطة قوى انها بتحب اخواتها وبتحب ماما وبابا ..

بس حاتبقى مبسوطة اكتر لو سمعت الكلام ..

وقولى لها ان كلامك المرة دى مهم جداااا ..

البنات اللى بتصرخ كتير كدة ... بتتعب زى الولاد اللى مش بيسمعوا الكلام وبيحاولوا يوصلوا للشارع حتى عن طريق النط من البلكونة ..

قولى لها انها بنت جميلة وحاتفضل جميلة وحاتبقى اجمل لو بطلت تصرخ ..

قولى لها اليوم اللى مش حاتصرخى فيه حاجيب لك هدية جميلة قوى .... وعارفة فلوس الهدية حانعملها ازاى ؟؟؟

كل يوم تبقى كويسة حانحط ف الحصالة ...ريال .. (( مش انتوا ف السعودية العملة عندكم الريال ؟؟؟ ..... :blush2: .. والا غيروها ؟؟؟ انا السنة اللى فاتتكنت هناك ))

المهم ...

قولى لها ... بعد شهر ... حانفتح الحصالة انا وانتى وتختارى اللعبة اللىعلى مزاجك لأن دىحاتبقى فلوسك انتى ..

بس يافاتيما ..

جربى وقولى لى .. :happy:

[fatfouta]

بصراحة انا زعلت اوى من اللى حكيتيه داه يا فتفوتة

** بس انا حاقول كام نقطة ممكن نخلى بالنا منهم - ركزى معايا كويس . ....

اولا : الغيرة من اخواتها الاتنين مش بس واحد .

ثانيا : وبما انك ممكن تكونى بتنشغلى عنها - ممكن تكون بالصدفة من غير ما تكونى اخدتى بالك

تكون البنت شافت مشهد من فلم رعب - قتل - دبح - الحاجات دى اى مشهد مش حياخد 5 ثوانى -

او اعلانات الارهاب فى العراق اللى فى كل محطة فضائية - وبما ان البنت بتفهم المشهد والدليل انها بتعيط لما بتشوف مشهد فيه حد بيعيط

- يبقى اكيد شافت مشهد قتل او دبج من غير ما تكونى اخدتى بالك منها وكدا هى اتخضت - خلى بالك من النقطة دى .

ثالثا : لو هى رقم 2 - فى ترتيب اخواتها - بيبقى دايما الطفل الثانى مظلوم فى الحنية وبيحس بكدا

- لان الكبير اول فرحة بياخد كل الحنية والاهتمام لغاية ما يكبر والصغير طبعا بياخد اهتمام ودلع اكبر من اى حد فالطفل رقم 2 - صدقينى دايما مظلوم

رابعا : اهتمى بيها فى الاكل - ممكن الطفل لو جعان او نام جعان ممكن بيصحى من الجوع يعيط - البنت في عندها سبب للعياط داه اكيد

فاهتمى باكلها كويس - ونومها - وخلى بالك شعرها اللى بيوقع داه - نتيجة طبيعية - لقلة الاكل واعتقد ان بنتك خاسة جدا واضح انها مش بتاكل كويس

- اهتمى بالاكل ثم الاكل ثم الاكل وهتلاقيها غطست فى النوم وبطلت عياط لان لما الطفل بيبقى شبعان بيغطس فى النوم .

خامسا : انت حكيتى من وجهة نظرك كأم - وانا عارفة أحنا الامهات بنبقى مبالغين جدا فى تشخيص حالة اطفالنا ودا شيء طبيعى من شدة قلقنا عليهم زى ما بتشوفى حالة بوسي وقلقها على ابنها عمر - فممكن برضوه تكون عندك يا فتفوتة هواجس - وممكن حالة البنت تكون ابسط مما تتخيلي بس انت

الخوف عامل معاكى كل داه .

سادسا : اخرجى بيها اتمشوا وحدكم انت والبنت فقط - خلى جوزك مع اولادك و انت اخرجى بيها هاتيلها لعب واكليها فى مطعم من المطاعم اللى بتقدم وجبات اطفال ولعبة مع الوجبة علشان البنت تفرح وتهتم انها تاكل الوجبة

وهاتيلها الوان وكراسة رسم او هدية ملونة وحسيسيها انها هى اهم اولادك والاحساس حيوصل لان الاطفال بيفهموا كويس جدا .

ابقى طمنيني عليهـــــا

وربنا يخليهالك يا فتفوتة

ويطمن قلبك عليها

اغابي

:blush2:

كلامك يا اغابى عاوزة ارد على جزء جزء فيه لانه كله مهم فعلا

بصى بالنسبة لانها تكون شافت منظر فى التليفزيون ده انا مستبعداه لانى مش بفتح غير قنوات اطفال وبس لانى انا شخصيا ماليش فى التليفزيون خالص عشان كده مش بحاول اغير محطات الاطفال

بس انتى فكرتينى بحاجة مهمة حصلت هى شافت من تلات اسابيع صورة لجمل وهو مذبوح وده كان عالكمبيوتر بتاعى وبالصدفة جت هى وبصت وشهقت جاااامد وقلتلى ليه موتوه وقعدت افهم فيها

بس كل شوية تجيلى وتقولى ورينى الجمل تانى وانا طبعا داريته منها خالص لكن مش عاوز يروح من بالها الموضوع ده ابداا وقعدت مثلا اسبوع كل شوية تسأل ليه نزل دم؟؟ طب ليه موتوه؟؟

بس فعلا اشكرك انك فكرتينى بالموضوع ده........بس هى دلوقتى نسيته ومش بتجيب سيرته.......... تخيلى ممكن يكون فعلا هو ده اللى بيخوفها بالليل....

[fatfouta]

وأنا كمان زعلت وأستشعرت مدى معاناتك في تربية أولادك يا فتفوتة

وبقيت محتار بين حب جنى لأخوتها ولا غيرتها منهم

بس هطمنك دي مجرد مرحلة عابرة جدا

المشكلة أنك في مثل حالة جنة مطلوب منك أنك تراعي كل فعل بينك وبينها وبينها وبين أخوتها وبين أبوها وبينها ، يعني الأمر حساس شوية ، بس هي فعلا في النهاية مرحلة سريعة وهتعدي ومتهيألي هتنتهي لما البنت تحتك بشدة مع المجتمع لما تروح الحضانة إن شاء الله.

متقلقيش ومتحمليش نفسك أكتر من طاقتك

أستعيني بس انت بالله وأدعي في صلاة الفجر أن ربنا يساعدك على تربيتهم ويهيدهم ليكي

لا والله الحمد لله يا الغريب ياخويا انا مش بعانى ولا حاجة يعنى عادى ذى كل ام بس لما بتبقى فيه حاجة مش مضبوظه لازم نقف وقفة ونقول حصلت ليه

يارب فعلا تبقى حاجة عابرة وتعدى يارب وفعلا ذى مانت بتقول انا حاسة انها بتحب تكن فى مكان فى اطفال عاوزة تلعب معاهم......يبقى هى فعلا عاوزة احتكاك

ونعم بالله وربنا يهدى ولادنا يارب

الف شكر ليك

والله يا فتفوتة انا متعاطف جدا معاكي وعارف انتي بتحسي بايه وهي بتصرخ وانتي مش قادرة تعرفي هي حاسة بايه ودي اصعب حاجة ممكن تقابل اي أب وأم

وعلشان برضه مش أفتي انا كمان من غير علم فانا هاقولك مجرد اقتراح لو حسيت ان الحالة بتزيد وبقت مرضية وصعب السيطرة عليها ساعتها لازم البنت تتعرض علي دكتور مخ وأعصاب وان شاء الله الامر ما يوصلش لكده وتكون حالة عرضية نتيجة مؤثرات الفترة اللي فاتت وتقدر البنت تتجاوزها

عارف يا سمبا لما بتصرخ وخصوصا بالليل ببقى عاوزة ذى مابيقولوا اشق فى السما طاقة واشوف مالها وببقى هتجنن وهى مش بتبقى عاوزة تتكلم ولا تقول عاوزة ايه ولا حلمت بحاجة خوفتها ولا عاوزة ترد علينا وبس بتصرخ

لو انت شايفه ان ده ابتدا يحصل لها من ساعه موضوع اخوها محمد يبقي هي ممكن يكون سبب ليها مشكله نفسيه معينه

اما لو من اول ما اختها اتولدت ممكن يكون لفت نظر و غيره

حالولي تتاكدي هي ابديت يحصلها كدا من امتي بالظبط

و ربنا معاكي يا فتفوته يا رب

ايوه يا هناء ده حصل من بعد ما محمد وقع ادامها لانها سكتت خالص ساعتها وماكانتش عاوزةتتكلم وخصوصا انى انا كمان سيبتها عند الجيران وروحت مع محمد المستشفى وفيييييين على مارجعت

وهى قعدت تسال عليه ولما حاولت اكلمها فى اللى حصل قلتلى انا كنت هنط وراه يا ماما........فعشان كده بطلت اكلمها فى الموضوع ده تانى

ومش عارفة هل اكلمها فيه عادى ولا انسيها والله محتارة

مشهد محمد لما وقع من البلكونة وصراخك عليه والاحداث اللى حدثت لك من قبلها وبعدها اثرت بشكل كبير فى نفسية البنت واشعرتها بعدم الامان وان هناك اذى ما يقع على من تحبهم .

البنت محتاجة تغير جو ضرورى , نزولكم مصر هيفيدها كتير ان شاء الله

الف سلامة على جنى :blush2:

الله يخليك يا دكتور رفاعى يارب

وحمد لله على سلامتك........الرياض نورت

معلش جت متاخرة

[fatfouta]

ربنا يقويك يا فتفوتة بجد حاجة تزعل اى ام و بالذات لما تكون فى احن طفل عندك

اولا هى حساسة قوى يا فيفوتة يعنى محتاجة معاملة خاصة منك قوى

الى انتى بتحكية دة معناة ان البنت محتاجة امان مش مووضع غيرة بس

انا راى انك تعملى

اولا ....ما تتكلميش مع باباها قدامها فى اى حاجة فيها قلق او خناق او خوف من مستقبل او اى مشكلة من اى نوع لان البنت بتفهم جدااا و حساسة و دة هيسيب اثر فى نفسيتها جامد من غير ما تحسوااا

ثانيا .... اشغليها باى حاجة مفرحة يعنى خروج فى اماكن بتحبها لعبة بتحبها وديها عند اصحاب لها هى بتحبهم

ثالثا و دة الاهم لو بامكانك توديها حضانة يبقى حلو قوى تشترك مع الاولاد و تلعب و تجرى و تطلع طاقتها و اى حاجة هى خايفة منها تنساها

دايما حسسيها انك مبسوطة منهاااا و انها قوية و انك بتحبيها علشان هى بتحكى لماما على اى حاجة مضايقاها

و تقراى معها القران و عرفيها ان القران بيحمى صاحبة من اى حاجة وحشة و انك لما تكونى خايفة او زعلانة اسمعى قران

قد اية هتحسى انك مرتاحة و ان ربنا معاك و جنبك و شايفاك و هيحميك

و عرفيها دايما ان ربنا معانا و بيخاف علينا و شايفنا حتى لما بتخرجى و تسيبها هى مش بتكون لوحدها دة ربنا موجود معاها

و لما محمد لعب و اتشاقى ربنا كان معاة و حماة من اى مكروة

وربنا يحميها يارب

اهلا يا ذهبية يا حبيبتى.....والله انا فعلا مكثفى لها الخروج والفسح من ساعة ما لاحظت عليها المضوع ده وعلطول باخدها وننزل

عارفة احنا مش من عادتنا خالص اننا نتكلم ادام الولاد على اى مشكله بس هى مركزة على موضوع اخوها لانه حصل ادامهاا وبتبقى دايما عاوزة تتكلم فيه

وتقعد تقوللى لا ماتنزليش وتسيبينى تانى......لانى انا ساعة ماحصل كده سيبتها فى الشقة وبمنتهى الغباء مافكرتش انها ممكنتعمل ذيه وتنط وراه من خوفها لكن هى بقى يا عينى وقفت مكانها وحتى ماعيطتس لغايت ماجارتى طلعت اخدتها هى وجودى

حتى محمد اليومين دول لما بيشوفها تصرخ يقعد يحايل فيها ويقولها ماتخافيش احنا هنخرج ونتفسح ويقعد يتكلم معاها

وبلاحظ عليها حاجة انها مش بتهدأ غير لما محمد هو اللى يكلمها

[fatfouta]

بصي في رايي ( طنشي ) البنت دي خالص .. عامليها بالظبط زي مابتعاملي اخواتها بدون اي زياده .. النوم واللعب والاهتمام يبقى لهم كلهم بالتساوي ومحدش يتعامل معامله خاصه لاي سبب .. عيطت وطولت في العياط سيبيها ( تنفلق ) .. عارفه ان قلبك مش هيطاوعك لكن صدقيني ده الحل الوحيد .. هي بتعمل كل ده وتتعب نفسها وتتعبكم عشان تحصل على اهتمامكم لو اكتشفت ان عمايلها دي مش هتجيب لها الاهتمام هتبطل تعملها وهتبحث عن امور اخرى تلفت نظركم بيها ..

لا ماينفعش الطناش يا ضحى لانى متاكده انها مش بتعمل كده لفت للانظار لكن فيه حاجة تعباها وانا اكيد مش عارفاها.....لانها لو بتلفت نظرنا بمجرد ماننتبه ليها هتسكت لكن دى مش بتبطل مهما عملنا وبتفضل تصرخ كانها مش حاسة بينا جمبها وهو ده اللى قلقنى

عارفة دى كمان ساعات مش بتحبنى ابص عليها وتقعد تقولى سيبينى فى الاةضة بتاعتنا لوحدى ولما بسيبها وارقب من بعيد لبعيد بلاقيها قاعدة مثلا بتشخبط فى حاجة وبتقلد اخوها وتقولى انا بعمل الهوم وورك بتاعى وسيبينى لوحدى وساعات ادخل عليها الاقيها قاعدة ساكتة وسرحانة ولما اسالها بتعملى ايه تبتسم ابتسامى خفيفة وتقولى بفكر....

ولما اسالها فى ايه؟؟؟ تقولى فى محمد والمدرسة واى حاجة تانى بس لااااازم يكون محمد اخوها من ضمن الحاجات اللى هى بتفكر فيها

يعنى هى فعلا المشكلة كلها انا حاسه انها من خوفها على اخوها حصلها كده.....لكن مش موضوع زيادة اهتمام ابدا

[fatfouta]

من شهرين كان حصل ان اخوها وقع ادامها من البلكونة ولما دخلت انا الشقة ومالقتش محمد كانت هى واقفة عند البلكونة وساكتة وواقفة مخضوضة جداااا ولما قولتلها فين محمد؟؟ مارضيتش تتكلم وانا غلطت وسيبتها فى الشقة لوحدها فى اللحظة دى لانى كنت عاوزة اجرى انزل اشوف ابنى فى ايه

المهم من ساعتها وانا حاسة انها مصدومة ولما ماتلاقيش محمد ادامها فى الشقة تقعد تجرى وتنادى عليه وتدور عليه واول ماتصحى من النوم تقوللى فين محمد يا ماما؟؟ اقولها فى المدرسة ماتطمنش غير لما ييجى من المدرسة وتشوفه ادامها

مساء الخير...

الف الف سلامة عليها يافتفوتة وان شاء الله حاتبقى زى الفل وترجع افضل من الأول ..

انتى يافاتيما من غير ما تحسى قلتى الحل وانتى بتحكى المشكلة ...!!!

قلتى .........هى مبتطمنش الا لما محمد يرجع من المدرسة وتشوفه ادامها ..

هى مش بتغير من اخواتها .... ولو ان ده المثال الأقرب للى مش عاوز يتعب قلبه ويفكر ف المشكلة الحقيقية للبنت .....اقصد الدكاترة اللى انتى رحتى لهم ...ويشخصوا الحالة على انها غيرة ولمحاولةلفت نظر ..

الكلام ده ممكن تقتنعى به لو مكانش فيه اسباب زى وقوع محمد من البلكونة امامها ..

ثم..

على كلامك البنت مسالمة بطبيعتها وحنينة جدااا ...اذن يعنى ...بنت بالشخصية دى مش ممكن تنهار فجأة بدون سبب وتحاول تلفت الأنظار ..

احتمال صريخها ف المول .... لأن المول زحمة ... وهى لما محمد وقع شافت ان فيه هرج ومرج ودوشة وعرفت ان فيه حاجة غلط وخطيرة حصلت ..

شافت ان محمد راح المستشفى

سمعتكم بتتكلموا وبتتعاتبوا

شافتك بتبكى

كل ده...زائد ايضا انك مكنتيش فاضية لها وكل اهتمامك ان محمد يقوم بالسلامة ...وبعدين حصل ايه..؟؟

فوجئت البنت انك انتى نفسك دخلتى المستشفى بسبب مشكلة السكر .... قبلها شافت مشكلة ايدك اللى اتحرقت بسبب انك كنتى خايفة عليهم حد فيهم يدخل المطبخ ومسكتى الطاسة بطريقة غلط ..

كل ده يافاتيما ومش عاوزة البنت ييجى لها كوابيس ... وقت النوم ووقت الصحيان؟؟؟

دى بطلة يابنتى والله العظيم ..

دى كأنها شايلة هم العيلة دى كلها ..............خايفة على اخوها وخايفة على امها .... وخايفة تبقى مسئولة عن البيبى جودى ..

اللى محتاجة له بنتك .... هو شوية تهدئة لها ...اطمئنان يعنى ... كلنا كويسين يابنتى ياحبيبتى ..

احكى لها حكايات كتيرررر (( حتى لو الفتيها انتى )) ... عن ولد كان عاوز يعمل كل حاجة حتى لو كانت غلط ..ومكانش بيسمع كلام ماما ساعات .. يعنى مرة يسمع كلامها ومرة ميسمعش كلامها ..

قولى لها ان الولد ده كان اسمه محمد... وف يوم مامته قالت له خليك هنا وانا نازلة دقيقتين ... وهو مسمعش الكلام ... ونط وراها ..

قولى لها هو محصلهوش حاجة ...بس رجله وجعته لأنه نط مسافة طويلة ... بس رجله حاتخف وهو حايفضل يفتكر انه لازم يسمع الكلام وان ماما بتحبه هو واخواته زى بعض

وامسكى ايدها يافاتيما ووريها صوابعك وايدك وخليها تمسك ايدك .. وشاورى على صوابعك الخمسة ... قولى لها ده بابا ودى ماما ودول انتم التلاتة ... محدش طول التانى بس كلهم هنا ف ايدى .. وايدى بالظبط بالظبط زى قلبى.. كلهم زى بعض وماما بتحب كلهم وكل واحد فيهم زى التانى ..

قولى لها انك مبسوطة قوى انها بتحب اخواتها وبتحب ماما وبابا ..

بس حاتبقى مبسوطة اكتر لو سمعت الكلام ..

وقولى لها ان كلامك المرة دى مهم جداااا ..

البنات اللى بتصرخ كتير كدة ... بتتعب زى الولاد اللى مش بيسمعوا الكلام وبيحاولوا يوصلوا للشارع حتى عن طريق النط من البلكونة ..

قولى لها انها بنت جميلة وحاتفضل جميلة وحاتبقى اجمل لو بطلت تصرخ ..

قولى لها اليوم اللى مش حاتصرخى فيه حاجيب لك هدية جميلة قوى .... وعارفة فلوس الهدية حانعملها ازاى ؟؟؟

كل يوم تبقى كويسة حانحط ف الحصالة ...ريال .. (( مش انتوا ف السعودية العملة عندكم الريال ؟؟؟ ..... :blush2: .. والا غيروها ؟؟؟ انا السنة اللى فاتتكنت هناك ))

المهم ...

قولى لها ... بعد شهر ... حانفتح الحصالة انا وانتى وتختارى اللعبة اللىعلى مزاجك لأن دىحاتبقى فلوسك انتى ..

بس يافاتيما ..

جربى وقولى لى .. :happy:

ماما حبيبتى.......مساء النور عليكى :wub:

تصدقى صحيح هى بتيجى جمبى وتسألنى وتقول هو انتى اتحرقتى ليه؟؟ هى ايدك خفت يا ماما؟؟ مين اللى حرقك ولازم تحط ايدها على ايدى وتشوفها وكانها بتكمن عليها

الظاهر هو فعلا انها بتفكر فى كل اللى حصل فى الفترة اللى فاتت وده مأثر عليها جدا وكمان المضوع فعلا زاد من بعد مانا دخلت المستشفى وخرجت

هى بقت مش بتحب تقعد عند حد وولو شافت جارتى طلعت تقولى لا ماتفتحيش الباب عشان هتيجى تاخدنى وانا مش عاوزة ارح عندها عاوزة اقعد معاكى انتى هنا وبقعد اطمن فيها ان مافيش حاجة وهى جايه تزورنا وتمشى وخلاص

هى مش بتغير من اخواتها وانا متأكده من ده لانها هى احن واحده فيهم عليهم وعليا انا وباباها والله وعلطول بحس انها ذى الكبير وخايفة علينا كلنا

ربنا يكرمك يا امى يارب...... وانا فعلا هجرب اللى حضرتك قولتى عليه وابقى اطمنك

دعواتك معانا wst::

[kitkat]

الف سلامة يا فتافت

لما اشوفها هاديلها كيتكات هاتروق وتبقي تمام

بس فعلا الموضوع ده تأثير صدمة الموضوع بتاع اخوها

عموما هابقي اجيبلك رقم دكتور اطفال شاطر اوي بس بالحجز يعني احجزي قبل ماتنزلي مصر

وابقي طمنينا عليها

[لماضة مصرية جدا]

السلام عليكم و رحمة الله و بركاته

الف سلامة يا فتافيتو علي جني

معلشي انا لسه شايفة التوبيك دلوقتي.....

بصي يا فتافتيو انتي لما حكيتي الموضوع في الاول حسيت انه غيرة لكن بعد كده طول ما انتي عمالة تحكي انا حاسة انه مش كده.....الفيصل في ده هو احساسك انتي كون ان قلبك لسه مشغول عليها يبقي اكيد هي مش غيرة.....يعني انا و اسمي عمة بس بقدر اعرف امتي ولاد اخويا تصرفاتهم بتبقي غيرة و امتي بتبقي مثلا وجع

انا وقفت اوي عند حكاية اخوها لما وقع و هي كانت واقفة و شافته

بصي يا جميلة

سمعت من فترة ان الحل مع الاطفال انها تطلع انفعالاتها و اللي بتحس بيه لانهم مش بيقدروا يعبروا زينا......ده يكون من خلال اللعب

العبي معاها بالعرايس......و مثلي نفس المشهد اللي هي شافته...و خليها تنفعل معاه.......خليها تطلع كل اللي جواها عشان تعرفي تتصرفي صح

برضه لما تبتدي تزعق في المول....لما نروح البيت.......العبي معاها برضه بالعرايس......اعملي حدوتة من دماغك.....و خلي للعرايس دي اسماء...خليها تندمج في اللعب اوي......و في وقت معين خلي العروسة تروح المول.....يعني كده و كده....و بعدين مثلي ان العروسة زعقت باعلي صوت و خليها هي تقولك يا تري اللي عملته العرةس ده صح و لا غلط.....طب عملته ليه

العبي معاها.....مثلي كل المشاهد اللي انتي بتلاحظي فيها ان سلوكها بيتغير...خليها تنفعل في المشاهد دي....خليها تطلع كل اللي مضايقها او مخوفها في العروسة...و انتي ارصدي و افهمي عشان تقدري تحطي ايدك هي واجعها ايه

حتي لو انتي شكيتي انها متاثرة باللي حصلك.....بعد الشر عنك.....هاتي عروسة كبيرة كده و خليها ام العرايس الصغنتتين....و اعملي كده و كده انها تعبانهة و هاتي عدة دكتور...كل العيال عندهم اللعبة دي.....و بعدين وريها ان العروسة خفت و قامت و بقت كمان تلعب

معلشي انا بكتبلك اللي بيجي في بالي........كده من غير ترتيب...بس طمنينا عليها

الاطفال بيحسوا بحاجات عمرنا ما نتخيل انهم ممكن يفهموها او يحسوها....و لا يمكن نتخيل انهم اصلا بياخدوا بالهم منها

ربنا يبارك فيهم يا رب و يبعد عنهم اي حاجة وحشة

في امان الله

[بركة]

السلام عليكم و رحمة الله و بركاته

الف سلامة يا فتافيتو علي جني

معلشي انا لسه شايفة التوبيك دلوقتي.....

بصي يا فتافتيو انتي لما حكيتي الموضوع في الاول حسيت انه غيرة لكن بعد كده طول ما انتي عمالة تحكي انا حاسة انه مش كده.....الفيصل في ده هو احساسك انتي كون ان قلبك لسه مشغول عليها يبقي اكيد هي مش غيرة.....يعني انا و اسمي عمة بس بقدر اعرف امتي ولاد اخويا تصرفاتهم بتبقي غيرة و امتي بتبقي مثلا وجع

انا وقفت اوي عند حكاية اخوها لما وقع و هي كانت واقفة و شافته

بصي يا جميلة

سمعت من فترة ان الحل مع الاطفال انها تطلع انفعالاتها و اللي بتحس بيه لانهم مش بيقدروا يعبروا زينا......ده يكون من خلال اللعب

العبي معاها بالعرايس......و مثلي نفس المشهد اللي هي شافته...و خليها تنفعل معاه.......خليها تطلع كل اللي جواها عشان تعرفي تتصرفي صح

برضه لما تبتدي تزعق في المول....لما نروح البيت.......العبي معاها برضه بالعرايس......اعملي حدوتة من دماغك.....و خلي للعرايس دي اسماء...خليها تندمج في اللعب اوي......و في وقت معين خلي العروسة تروح المول.....يعني كده و كده....و بعدين مثلي ان العروسة زعقت باعلي صوت و خليها هي تقولك يا تري اللي عملته العرةس ده صح و لا غلط.....طب عملته ليه

العبي معاها.....مثلي كل المشاهد اللي انتي بتلاحظي فيها ان سلوكها بيتغير...خليها تنفعل في المشاهد دي....خليها تطلع كل اللي مضايقها او مخوفها في العروسة...و انتي ارصدي و افهمي عشان تقدري تحطي ايدك هي واجعها ايه

حتي لو انتي شكيتي انها متاثرة باللي حصلك.....بعد الشر عنك.....هاتي عروسة كبيرة كده و خليها ام العرايس الصغنتتين....و اعملي كده و كده انها تعبانهة و هاتي عدة دكتور...كل العيال عندهم اللعبة دي.....و بعدين وريها ان العروسة خفت و قامت و بقت كمان تلعب

معلشي انا بكتبلك اللي بيجي في بالي........كده من غير ترتيب...بس طمنينا عليها

الاطفال بيحسوا بحاجات عمرنا ما نتخيل انهم ممكن يفهموها او يحسوها....و لا يمكن نتخيل انهم اصلا بياخدوا بالهم منها

ربنا يبارك فيهم يا رب و يبعد عنهم اي حاجة وحشة

في امان الله

أؤيد كلامك يا لماضة وكنت لسه هكتبه لاني سمعت الكلام ده من الدكتورة الرائعة غادة الخولي على الحياة 2

يمكن الاربعاء اللي فات والكلام ده مظبوط انا فاكرة كويس انها نصحت باللعب بالعرايس وعمل حوار مع العروسة قدام البنت

وسؤالها عن رد فعل العروسة وهي بتقول ايه لما بنسألها هي ليه بتصرخ كده بس بلاش تمثيل المشهد تاني خليها بس لعبة عادية

وبعدين اهم ما وصت بيه الدكتورة ان الواحد يصبر كتير ما يتوقعش الاجابة من الاول لان الطفل ذكي وبيبقا عارف انك عامله شو بس عشانه مش لعبة

فلازم الاول نلعب بس لمدة كام يوم ثم بعدها بعد ماتتعود انك بتلعبي معاها وان ده لعب مش محاولة اخراج اللي في قلبها

اسأليها وقوليلها هي العروسة قاعده بتصرخ ليه كده قولي يا عروسة انت بتصرخي ليه وشوفي هي هتقولك ايه

وربنا يخليهالك يا فتفت ويكرمك فيها بس البنت لازم تخرج الخوف اللي ماليها عشان ترتاح ..

تم تعديل 2 يونيو 2010 بواسطة بركة

[صافى]

اذيكم يا جماعة

انا هحكيلكم على حاجة مضايقانى وعاوزة ارائكم انا عندى بنتى جنى عندها تلات سنين الا شهر الضبط

من ساعة ولادتها وهى هادية ومش زنانة ومطيعة وعسولة بس من ساعة ماخلفت بنتى جودى الصغيرة...... وجنى ابتدت تتعصب شوية هى بتحب اختها جدااااااااا وعلطول تقلدنى انها تدلعها او تحضنها وتبقى عاوزة كمان تشيلها الحمد لله يعنى بتحبها

لكن من بعد ولادة جودى وابتديت احس ان جنى اتغيرت شوية يعنى بقت عصبية شويتين ممكن تقعد تعيط لوحدها كده من غير ماحد يعملها حاجة وكل ده انا فاهمة طبعا انها تلفت نظرنا ليها

والله انا وباباها بندلعها عشان ماتحسش ان فيه فرق اصلا هى دلوعة باباها جداااااا وبيموت فيها اكتر واحدة

المهم المشكلة بقى انها بقالها حوالى شهرين بتصرخ بطريقة هستيرية فى بعض الاوقات يعنى مثلا تكون قاعدة بتلعب هى ومحمد ابنى الكبير ولو عملها اى حاجة تقعد تصرخ تصرخ بطريقة فظيعة واحاول اهدى فيها لا يمكن

واقعد اقولها طب عازة ايه؟؟ طيب مالك؟؟ اخدها فى حضنى وبرض\\\\\\\\\\\\\\\\

لدرجة انى اليومين دول بقيت اقعد اقرأ عليها قرآن لما يحصلها الحالة دى

من شهرين كان حصل ان اخوها وقع ادامها من البلكونة ولما دخلت انا الشقة ومالقتش محمد كانت هى واقفة عند البلكونة وساكتة وواقفة مخضوضة جداااا ولما قولتلها فين محمد؟؟ مارضيتش تتكلم وانا غلطت وسيبتها فى الشقة لوحدها فى اللحظة دى لانى كنت عاوزة اجرى انزل اشوف ابنى فى ايه

المهم من ساعتها وانا حاسة انها مصدومة ولما ماتلاقيش محمد ادامها فى الشقة تقعد تجرى وتنادى عليه وتدور عليه واول ماتصحى من النوم تقوللى فين محمد يا ماما؟؟ اقولها فى المدرسة ماتطمنش غير لما ييجى من المدرسة وتشوفه ادامها

المشكلة الكبيرة فعلا انها بقالها اكتر من شهر وهى تقوم من النوم بالليل وتصرخ وتعيط بصوت عالى جدااااااا اقوم انا اخدها فى حضنى واحايلها مافيش فادة ابداااااااااااا برضو بتصرخ وكانها مش شايفانى ولا حاسة بيا

وباباها يقوم يحايل فيها وبرضو مافيش فايدة الموضوع لازم ياخد وقته وتسكت لوحدها او نقعد نعمل معاها كل حاجة بتحبها عشان تسكت وممكن تسكت وتنام وممكن لا

وديتها عند دكتور امراض جلدية لانى حسيت ان شعرها ابتدا يقع الدكتور قاللى انها ممكن تكون غيرانة من اختها الصغيرة وعشان كده ممكن ده كله يكون نفسى

لدرجة ان من كام يوم نزلنا انا وهى محمد اخوها لوحدنا من غير باباهم روحنا هايبر ماركت نجيب طلبات وقبل ماندخل محمد زقها بيلعب معاها قعدت تصرخ ودخلنا الهايبر وهى بتصرخ والناس بقت عمالة تبص عليها وبصراحة كل الناس بقوا يحايلوا فيها واللى يجيب لها لبان واللى يديها بوبمبونى مافيش فايدةةةةةةة لدرجة ان فيه راجل سعودى كبير فى السن اخدها من ايدى وقعد يقرأ عليها قرآن والله انا قعدت اعيط وماعرفتش اعمل ايه ساعتها لغايت ماروحنا وباباها اخدها فى حضنه يا عينى نامت من كتر العياط والصريخ

والله انا مدياها هى اهتمام اكتر من اخواتها بس كمان انا مضايقة قوى عشانها وكمان موضوع انها بتقوم بالليل تصرخ ده تاعبنى جداااا لانها بتصعب عليا ولما احاول اقولها فى ايه تقوللى هتنزلى وتسيبينى لوحدى؟؟ اقولها لأ وانا امتى سيبتك يا حبيبتى ماتخافيش

فيه حاجة كمان لا حظتها عليها فى الفترة الاخيرة دى انها لما تكون بتتفرج عالتليفزيون ولقت حد بيعيط تقعد تعيط هى كمان ولو لقتنى ببص عليها تقولى انا مش بعيط يا ماما.......لكن ببقى شايفة الدموع فى عينيها

امبارح فيه اعلان بييجى فىى التليفزيون فى بيبيهات بيعيطوا لقيتها واقفة لوحدها وعماله تعيط ولما حضنتها قلتلى لا انا مش بعيط مع انها كانت عمالة تعيط معاهم....... ولما قولتلها ماتعيطيش يا حبيبتى دول بيهظروا قلتلى...قلتلك انا مش بعيط يا ماما........وبجد قطعت قلبى وحسيت انها عاملة ذى الكبير اللى بيدارى دموعه

أعمل ايه اوديها عند دكتور نفسىى للأطفال لما ننزل مصر ولا استنى يمكن فى الاجازة مع خالاتها ودلعهم ممكن تتحسن؟؟؟

[

الف سلامة على جنى يا فتفوتة هو فعلا واكيددد ان الى حصل معاهااا دة نتيجة وقوع اخوها محمد قدام عينيها وهى ما قدرتش تعملة حاجة وانا اؤكد كدة لية لان فعلا ابنى

كان فى نفس موقف جنى مع اختة مع اختلاف الاحداث لما اختة وقعة من فوق التسريحة قدام عينية وشاف الدم وهو مقدرش يعمل لها حاجة وكان منهار وبس بيقولى الحقى يا ماما اختى ماتت ودا طبعا كان انطباع جة فى مخة لما انا تعبت قبلها فى حملى فى اختة والدكاترة قالو قدامة انى ممكن اموت وفضل بعدها فترة كبيرة يحصلو الى بيحصل لبنتك ويقوم بليل يصرخ اكنة شايف حاجة قدامة بتخوفة بس بقردوة العوامل اخارجية التانية كانت ماثرة فية زى افلام الكرتون المرعبة وممكن لقطات من افلام تانية دا كلة كان لية عامل والحمد للة قدرت اعرفة ان دة كلة تمثيل ومش حقيقى وفعلا احسن شى بتعملية هو فراة القران بعمل دة مع بنتى وابنى واقوم بقراة الرؤية الشرعية والحمد للة بس الفتر الى تعبت فيها بعدت عنهم لانى كنت فى المستشفىبعمل عملية وكنت مستودعاهم ونفسى عند ربنا

المهم الحمد للة انا خرجت بخيررر وابنى ما ارتحش الا لما شافنى انا واختة قدام عينية والحمد للة قدرت اخليهم يحبو بعض ويخافو على بعض بلرغم من انى كنت لوحدى ومعايا ربنا طبعامعاهم وكان باباهم مسافر فى الوقت بعد عمليتى والحمد للة ابنى نجح دلوقتى فىk.g 2 ورايح السنة الى جاية بريمر وان وانا بردوة معاهم لوحدى وعايا ربنا وربنا يهديلك بنتك ويحببهم فى بعض هى واخوتها ياارب واشوف شهد بنتى فى ال k.g السنة الى جاية هى كمان ياااارب

وطبعااا ما هديش الا اما شافنى وشاف اختة قدامة وكويسين وانا الحمد للة قدرت اغرس الحب دة جواهم لبعض وانهم يخافو على بعض ويحبو بعض والحمد للة حنينين على بعض بس مشكلتى دلوقتى ان بنتى اى نعم حنينة على اخوها وعلية وكل حاجة بس عاوزانى ليها لوحدها بس لما بتلاقينى جبت حاجة لاخوها او لابوهااا تتعصب وعاوزانى اجيب لها هى الاول وخايفة انو يكون عندهاا نوع من الانانية وربن يستررر

[fatfouta]

إمبارح الحمد لله بعد ما قعدت جمبها قبل ماتنام قعدت احكيلها حكايات ذى ماما سلوى ما قالت.....بعدها نامت هادية وماصحيتش غير الساعة 3 قبل الفجر كده قلقانة برضو وانا لما حسيت بيها قومت علطول وقعدت اهدى فيها

وكان الفجر أذن بعدها قلتلها تعالى نصلى ووقفت قعدت تقلدنى فى الوضوء ولبستها ايشارب ووقفت جمبى عالمصلية وصلت معايا والحمد لله ماصرختش ولا كانت مضايقة وحسيت ان نفسيتها هديت شوية بس فضلت صاحية مش عاوزة تنام كانها قلقانة من حاجة ولما قلتلها ياللا ننام بقى قلتلى لأ انا فرحانة ومش عاوزة أنام ودخلت بصت على أختها فى سريرها كأنها بتطمن عليها هى ومحمد لما لقيتهم نايمين قلتلى تعالى اقعدى جمبى عالسرير عشان أنام بقى ولما قعدت جمبها قعدنا نتكلم انا وهى ونهظر وقعدت تقوللى أنا بخاف عليكى وبحبك قوى ياماما وحسيت ان لما قعدنا نحكى حكايات تانى بقت مبسوطة جداااا وقعدت تضحك الحمد لله....يارب تفضل كده علطول وترجع كويسة وهادية ذى ما كانت إن شاء الله

شكرا يا جماعة لكل اللى رد علينا ودعا لنا :sad:

وربنا يخليكى ليا ويكرمك يا ماما سلوى يارب