تقرير للفيفا عن كأس العالم 2010

[Mohammad Abouzied]

دا حتى أخوننا العرب يا جدعان زاي السعودية ورئيس الأتحاد الآسيوي مادناش صوته..!!

السعودية حسمتها من البداية وهي اعطاء صوتها للمغرب نتيجة تربيطات سابقة بينهم لدعمها لتنظيم كأس العالم ومصر لم تعلن وقتها عن عزمها لتقدم لتنظيم الدورة ولو مصر كانت من الاول اتفقت مع المغرب يمكن كانت الامور اتغيرت وعلى الاقل المغرب كسبت خاصة ان كان لديها 13 صوت ولولا ضغوط بلاتر على بعض الاصوات لاعطاءها لجنوب افريقيا لتغيرت النتيجة لصالح المغرب

الغريبة فعلا ان لجنة ينقصها الخبره الرياضية والادارة والتمرس والحرفية بالاضافة الى الشفافية والاتصال الجيد تقوم بتجهيز ملف مثل هذا الملف

ولا اعرف هل الجهل هو السبب او التسيب او الفساد او كلهما معا

[Doofy]

=======================================

لأ أكيد مش كدا زاي ما بتقولي يا أستاذه سلوى

لأن كل المصريين اللي بيحبوا البلد دي بجد عمرهم ما هيهجروها ويسيبوها ودي صوره أتكررت في كل مرره تتعرض فيها مصر لغزو خارجي من أي مغتصب للبلد دي..

ممكن أكون غلطان بس أنا شايف في التعليق نوع من السخريه..على العموم أحب أوضح ردي وأجاوب على سؤالك وبعتزر من صاحب الموضوع لأن حواري هيقلب سياسي حبتين me0: في موضوع أصلا رياضي..

المشكله أن لسه فيه ناس مقتنعه أن الرياضه مازلات بعيده كل البعد عن طاولات القمار السياسه ومد أيادي المنفعه خلف الكواليس الدوليه...

أستاذه سلوى أول حاجة علشان منختلفش أنا بجد مش بتفلسف عليكم ولا بخرف... :)

وراي دا ممكن تعتبريه زاي أي رأي ممكن يكتبه أصغر صحفي في أي جريده من جرائد المعارضه.. واللي خبره عباره عن تنبؤ نتيجه أحداث سياسيه بتحصل حوالينا اليومين دول...

بالنسبه للسته فدي والحمد لله نشرها الكونجرس على الملأ وممكن تتأكدي لو خطفتي رجلك على هناك وشوفتي مسودة الدول اللي أعلن الكونجرس أنها مش هدف لأمريكا في حربها على الأرهاب المزعوم والدول دي على ما أتذكر دول المغرب العربي والأردن ودوله كمان بس مش فاكر أيه هيه...

أما عن التاريخ فدا برضه تنبؤ لكاتب قريته في جريده الأسبوع المصرية كتبه بعد دراسه المشاريع الأمريكيه في الشرق الأوسط بعد 11 سبتمبر..لأن الفتره اللي جايه هيحصل فيها أنتخابات رئاسيه في مصر دا غير أن السنه دي الل هيه 2004 صدر قرار رسمي أمريكي بمعاقبة سوريا " كلاكيت 3 مره " ياعني هيه مسألة وقت

أما عن رأي الشخصي في الموضوع داه فأنا متأكد أن مصر هتنضرب لأنها مش أحسن من غيرها يا أستاذه سلوى

هيقولوا مصر الحضارة والفراعنه والتاريخ هقلك بأمارة الصفر اللي خدناه في أمتحان زاي تنظيم كأس العالم..

حد هيقول 70 مليون نسمه هقوله 70% من الشباب المصري بيتعاطى المخدرات على مختلف أنواعها وان 10% من البنات بيضربوا بودره مش مصدقين أسألوا أي حد بيدرس في أي جامعه وانا عن نفسي بدرس في جامعه خاصه فظاهرة الحكاية دي قوي قدامي لأن المستوايات في الجامعه عاليه والحاجات دي سهله أن الطلبه هنا يشتروها...

أقتصاد فاشل, وشباب عاطل ومدمر نفسيا ,فتن ريحها بتيجي من وقت للتاني ,ملفات جاهزه بأنها تنفتح قدام منظمة حقوق الأنسان والحيوان كمان وطبعا بالأستعانه بالمعارضه الخارجية والأقليات الداخليه تثبت أن مصر زاي العراق زاي سوريا زاي جنوب لبنان وكلاكيت رابع وعاشر مرره..الدبابات وطائرات ال F16 اللي بتضرب رفح المصرية بقالها أسبوع دا كله معناه أيه برأيك وأيه ممكن يمنع حاجة زاي دي أنها تحصلنا؟؟

المنطق الوحيد اللي ممكن يأخر حاجة زاي دي أن النظام المصري ينفذ كل توجيهات ماما أمريكا من أول حقوق الشواذ لغاية أستلام نسخ القران الأمريكيه الجديد اللي أعلنوا عنها قريبا وتدريسها في المناهج التعليميه..!!

وزي ما وضحت دا مجرد راي شخصي وأكيد كل واحد ليه وجهة نظره ولو مكنش دا الموضوع المناسب لنقاش موضوع زاي داه لكنت طلبت أسمع رايك...

تحياتي وأكيد آسف على الأطاله

[lالمطحون]

من اوقع ماكتب هو راى سلامه احمد سلامهبقلم‏ :‏ سلامة أحمد سلامة

الصفر الكبير‏..‏ لماذا؟

خيبة الأمل التي اجتاحت الشارع المصري بعد حصول مصر علي الصفر في استضافة المونديال لعام‏2010,‏ وعقب شهور من النفخ في قربة مثقوبة‏,‏ لا يمكن عزلها عن خيبة الأمل التي تسود أجواء العمل السياسي العام في مصر‏.‏ كلتاهما تنبع من أسباب واحدة‏,‏ وتفضي الي نتائج واحدة‏.‏

ولا أظن أن المسارعة بطلب فتح تحقيق برلماني حول ما أنفق من أموال في إعداد الملف المزعوم‏,‏ غير مجرد لعبة سياسية لامتصاص الغضب الشعبي‏.‏ ومنذ بداية الحديث عن دخول مصر حلبة المنافسة للحصول علي شرف المونديال‏,‏ تميزت أنشطة اللجنة المصرية المسئولة عن الملف باللجوء الي التهويش وإيهام النفس والرأي العام بأن مصر بتاريخها وحضارتها وأمنها ومكانتها مؤهلة للفوز دون حاجة الي أي شيء آخر‏.‏ مع أن الكل كان يعرف أن الملف المصري كان خارج المنافسة مع جنوب إفريقيا‏..‏ ودون نظر الي الأسباب الموضوعية التي تحكم هيكل العلاقات الدولية والسياسية مع منظمة دولية مثل الفيفا‏.‏

فضلا عن أن أحوال كرة القدم في مصر في أسوأ حالاتها‏.‏ فاتحاد كرة القدم يتغير فيها كل بضعة أشهر‏.‏ والخناقات بين المدربين الأجانب والنوادي لا تتوقف‏.‏ ومفاجآت الهزيمة للفرق الكبيرة لا تفسير لها‏.‏ ونجوم اللاعبين الكبار والصغار لا تنتهي فضائحهم‏.‏

نحن نتجاهل في كثير من الأحيان أن قوانين العولمة التي دخلت في كل شيء لم يعد يهمها أمجاد الماضي بقدر ما تهمها صورة الحاضر واحتمالات المستقبل‏,‏ بكل خلفياته السياسية‏,‏ ومستوي الديمقراطية والحرية‏,‏ ومعدلات النمو الاقتصادي وحجم الاستثمارات المتدفقة من الخارج والمشاركة الشعبية‏,‏ والاستقرار القائم علي احترام العدالة وليس علي القمع والكبت‏,‏ ومدي النجاح في تنفيذ المشروعات‏,‏ وليس مجرد توافر الملاعب وحماس الجماهير

وهذا علي وجه التحديد هو الجانب المظلم من الصورة‏,‏ والذي لم تأبه له الجهات المسئولة عن الملف المصري في هذه المنافسة العالمية الساخنة‏.‏ فنحن في المجالات المذكورة آنفا نستحق أيضا درجة الصفر الكبير‏.‏ رهاننا علي الاصلاح السياسي وتعميق الديمقراطية توقف عند مجرد الوعود والكلام‏,‏ والسياسيون عندنا من قيادات الحزب الحاكم لديهم ملفات مفتوحة مثل ملفات الفيفا‏,‏ ندخل فيها ونخرج منها دون نتيجة تذكر‏.‏

مشكلة الصفر في المونديال وفي الرياضة‏,‏ هي مشكلة الصفر في السياسة والاصلاح السياسي والاقتصاد‏..‏ وهي مشكلة غياب الرؤية للمستقبل‏.‏ والعمل الجاد علي تحقيقه‏,‏ والتخلص من عناصر الانتهازية السياسية والمنتفعين الذين أفسدوا كل شيء حتي الرياضة‏.‏ ولو أن وزير الشباب والرياضة قدم استقالته فقد يفتح الباب لنمط في العمل السياسي والرياضي والشبابي نحن أحوج ما نكون اليه‏.‏

[حشيش]

http://news.bbc.co.uk/hi/arabic/sport/news...000/3732831.stm

[souda]

حد هيقول 70 مليون نسمه هقوله 70% من الشباب المصري بيتعاطى المخدرات على مختلف أنواعها

يعنى ايه 70%من الشباب مدمنين؟؟؟؟؟؟؟؟ tth:

انا متخرج مابقاليش سنة ولم ارى اى شىء من الكلام دة!!!!!

وللعلم ان اللى كان بيشرب سجاير من شلتنا- وهى عدد كبير- ماكانش اكتر من اثنين.

[souda]

حد هيقول 70 مليون نسمه هقوله 70% من الشباب المصري بيتعاطى المخدرات على مختلف أنواعها

يعنى ايه 70%من الشباب مدمنين؟؟؟؟؟؟؟؟ tth:

انا متخرج مابقاليش سنة ولم ارى اى شىء من الكلام دة!!!!!

وللعلم ان اللى كان بيشرب سجاير من شلتنا- وهى عدد كبير- ماكانش اكتر من اثنين.

[souda]

موضوع كاس العالم ده اثبت ان مصر بقت ملطشة

وبيلغى كل كلام الثقل السياسى اللى بيخدرونا بيه

فكروا معايا لو كان الكلام دة فى عهد عبد الناصر ...هل الاصوات العربية والافريقية كانت هتخرج عن مصر؟؟؟؟؟

حكلية الاخ الكبير للعرب اللى لازم مايزعلش من اخواته الصغار من العرب مهما عملوا حتى لو ادوه على قفاه بقت بايخة

[حشيش]

مهما عملوا حتى لو ادوه على قفاه بقت بايخة

لو كانت جت على القفا وبس كانت هانت...فيه حاجات تانيه بيعملوها فى الشقيقة الكبرى لكن مش حقدر أقولها هنا...إنته فاهمنى طبعاً ياسوده ياخويا :blink: