1.5 مليون جنيه منحة + 20 ألف راتب شهري + معمل بـ5 مليون لكل باحث مصري !!!!

[الغريب]

لأ دي مش كذبة يا جماعة

الخبر منشور أمس في صحيفة الأهرام المصرية ، ولو كان في أي صحيفة أخرى كنت قولت كذب

معقولة الدولة هتلتفت لأبنائها الباحثين بعد التجاهل الطويل ، مش مصدق نفسي

وهل يا ترى ده كافي لعودة الطيور المهاجرة ؟

أم أن هذه الطيور صارت تحب جو نظيف وعدم زحام حتى تستطيع أن تبدع ؟

هل على هذه الطيور أن تتحمل لصالح البلد ، أم ينبغي أن تقدم البلد الأكثر لها ؟

الموضوع مهم جدا brth)

[kitkat]

ولا زحام ولا جو نضيف يشغلوا حد عن الاهتمام برفعة هذا الوطن

الخطوة دي هاتكون ممتازة في سبيل نهضة مصر

وعدم (طفشان) العلماء منها لانها تدل علي بداية الاهتمام بهم فعليا

[لماضة مصرية جدا]

السلام عليكم و رحمة الله و بركاته

طبعا خبر لطيف جدا

بس انا وقفت عند جزئية ان عدد الباحثين اللي اتقدموا هم بس 13 باحث...طب ليه؟؟؟؟

و اللي نجح واحد طب برضه ليه؟؟؟

مش عارفة الخبر حاسة انه منقوص كتير

ايه شروط المحنة....قصدي المنحة.....؟؟

مش عارفة في ظاهرها مغرية جدا......بس من جواها مافيش تفاصيل...يمكن عشان الواحد فقد الثقة أصلا في أي كيان حكومي...؟

بس قد تكون بادرة خير...و لو اني نفسي حد يهتم بمشاريع التخرج الللي بيقدمها شباب الجامعات و خصوصا في تخصصات هندسة و تكنولوجيا المعلومات....و فنون جميلة.....مش عارفة علوم و صيدلة برضه فيها مشروعات و لا لا....بس انا شفت كتير من مشروعات شباب هندسة و فعلا حاجة تدعو للفخر بلا شك.....بس حد ياخد بايديهم مش اكتر

تحياتي

[الغريب]

السلام عليكم و رحمة الله و بركاته

طبعا خبر لطيف جدا

بس انا وقفت عند جزئية ان عدد الباحثين اللي اتقدموا هم بس 13 باحث...طب ليه؟؟؟؟

و اللي نجح واحد طب برضه ليه؟؟؟

مش عارفة الخبر حاسة انه منقوص كتير

ايه شروط المحنة....قصدي المنحة.....؟؟

مش عارفة في ظاهرها مغرية جدا......بس من جواها مافيش تفاصيل...يمكن عشان الواحد فقد الثقة أصلا في أي كيان حكومي...؟

بس قد تكون بادرة خير...و لو اني نفسي حد يهتم بمشاريع التخرج الللي بيقدمها شباب الجامعات و خصوصا في تخصصات هندسة و تكنولوجيا المعلومات....و فنون جميلة.....مش عارفة علوم و صيدلة برضه فيها مشروعات و لا لا....بس انا شفت كتير من مشروعات شباب هندسة و فعلا حاجة تدعو للفخر بلا شك.....بس حد ياخد بايديهم مش اكتر

تحياتي

كلامك مظبوط يا لماضة ودي أول حاجة استشعرتها من الموضوع

وعجبني جدا التعليق رقم 51 على الموضوع

الموضوع جد ومهم جدا ولكنه معروض عرضا سطحيا.

تم تعديل 2 يونيو 2010 بواسطة الغريب

[اغابي]

بصراح انا كنت فاكرة يا غريب ان الموضوع هزار

وما كنتش مصدقة

على فكر فى مصر ناس عباقرة بجد وناس مجتهدة كتير جدا وباحثين وعلماء

لكن بس محتاجين حد يراعيهم ويحتضنهم ويشجعهم ويزودهم براس المال فعلا - هما لما مش بيلاقوا اى ثمن لمجهودهم او تحقيق طموحهم - بيهاجرو

بس السؤال بقي المهم اوى

امتى يتنفذ الكلام داه - مفيش تاريخ للتطبيق العملى عليه - ولا هو تثيت علشان ننثق فى الحكومة :happy:

- انا لغاية اللحظة دى شاكة ان فى حاجة مفبركة ورا الموضوع داه - لانه بجد - صدمــــــة

اغابي

[doha]

هو الظاهر لي من سياق الخبر انه بيتحدث عن ( الطيور ) الي في الخارج ومحدش جاب سيرة ( الزواحف ) الي في الداخل

يعني لو واحد باحث وخلاص ظبط اموره برا ولقي له سكه انه يبدع او يكمل ابحاثه فهم بيغروه بالمليون ونص ان سيب الي في ايدك وتعال جرب معانا ياينفع يامينفعش اما الي في مصر وطالعه عينه ومش لاقي فرصه يقدم الي عنده فده مش مشكلتنا دلوقت احنا بنتكلم عن الي برا ..

مش عارفه اعتقد ان الهدف نبيل بس لو الميزانية موجوده فياريت لو تم توجيها بشكل تاني اعتقده هيكون افضل ..

[herohero]

الكلام ده موجه ف الخبر للطيورالمهاجرة والرقم كبير بالنسبة لو بصينا له كمصر لكن 20 الف جنيه مرتب شهري ليست هي الرقم المادي المغري لراجل تفوق ونبغ ف الخارج

ومنحه مليون وصف او 5 مليون حتى لاتكفي لشي

والاهم ف راي المتواضع هل مناخ البحث العلمي متوفر هذا هو السؤال الناس اللي عاوزة تخدم البلد مش منتظرة فلوس لكن منتظره بيئة متوفرة

بصراحه مش سهل على عالم لقى نفسه وتفوق ونقوله سيب كل ده وتعالى كلام غير قابل للتنفيذ العملي

ياجماعه اللي المفروض يحصل الناس ده تفضل بره لكن تتابع اخوانها هنا وتشرف عليهم والحكومة تشجعهم بحاجات ف نظرنا احنا بسيطة لكن ف نظرهم كبيره جدا

تخيلوا كده لما نشرك هؤلا ء النابغين ف اختيار المناهج كل ف تخصصه لما ناخد رايهم ف تنمية البلد لما نحسسهم ان ده بلدهم

هو هيسيب الدانمارك ليه عشان مصر هتديله فلوس اكتر ما اظنش عشان ده بلده وبيحبها طب بلده اديته الحرية ف انه يحبها

يعني اجي واحس اني متكتف وتطلب مني الابداع شايف ان طيورنا مش هتيجي الا لما تحس انها تقدر تقدم شيئ للبلد دون الاجراءات والتقييدات الحكومية

مصر مش هتتغير الا لما نعمل ز الهند افتحوا الباب للبرة خليهم يطبوقوا اللي شايفينه صح والله لو ده حصل اتفرجوا ع مصر الهند كانت هتفلس سنة 95 ووقفت كويس جدا واتطورت كفاية بس فكرة call centers البلد فتحت دراعاتها لولادها تعالوا وشاركوا ف البلد سياسيا وف كل شيئ

خلي الطيور المهاجرة تشرف ع اخواتها وهي بره بس حسسهم ان ده بلدهم ادي المصريين حق الانتخاب وهم ف الخارج

نشط دور البعثات حط هدف ليك ف خلال 10 سنين عاوز العلم يبقى هو سبيل رقي البلد والله 10 سنين بس يبقى هدفنا سياده العلم والتكنولوجيا وهتشوفوا ولا نشغل بالنا بشوبير ولا مرتضى منصور

10 سنين ياناس كتير علينا

[الغريب]

بصراح انا كنت فاكرة يا غريب ان الموضوع هزار

وما كنتش مصدقة

على فكر فى مصر ناس عباقرة بجد وناس مجتهدة كتير جدا وباحثين وعلماء

لكن بس محتاجين حد يراعيهم ويحتضنهم ويشجعهم ويزودهم براس المال فعلا - هما لما مش بيلاقوا اى ثمن لمجهودهم او تحقيق طموحهم - بيهاجرو

بس السؤال بقي المهم اوى

امتى يتنفذ الكلام داه - مفيش تاريخ للتطبيق العملى عليه - ولا هو تثيت علشان ننثق فى الحكومة mfb:

- انا لغاية اللحظة دى شاكة ان فى حاجة مفبركة ورا الموضوع داه - لانه بجد - صدمــــــة

اغابي

:closedeyes:

وانا يا أغابي كنت فاكره هزار لحد ما أتأكدت أنه في الأهرام في الصفحة الأولى كمان

بس الخبر فعلا مضحك لأسباب :

1-المواضيع دي لا تساق بهذه السطحية.

2-كان فيه إختراع أسمه مدينة مبارك للعلوم والتكنولوجيا معمولة للغرض ده فين هي من الخبر.

3-ظاهر من الخبر أن المميزات المذكورة دي لمدة ثلاث سنوات ، حاجة غريبة والناس بعد كدة تصيع ولا تهاجر تاني ولا أيه بالظبط.

4-الحاجة المهمة اللي وضحتها ضحى مشكورة في مداخلتها هي موضوع الناس اللي في الداخل ، هل لازم يطلعو بره وبعدين يدخلو تاني علشان يستفيدو من المواضيع دي ، يعني أبني في حضني وأرجع أدور عليه ، ولا ممكن مثلا نشوفلهم أي تأشيرة زيارة لمكان قريب بحيث يروحو ويرجعو من غير تكاليف كتيرة في الطيران :blink:

فعلا خبر سخيف وأتفه حاجة فيه أنه جي في الجريدة الرسمية الأولى ، في رأيكم تسموا ده إستخفاف ولا أيه ..

ولا يمكن أحنا اللي شعب مبيقدرش النعمة مثلا وزي القرع يمد لبرة :sad:

[herohero]

لا ده خبر عادي ولو هنا تم اقراره فعلا فعادي مثل هذه الافكار هي الطبيعيه لحكومة قبل كده عملت موضوع جراج رمسيس نبنيه ونغرم فلوس وبعدين نهده

عااااااااااااااااااااااادي

وانا مستعجب هم فاكرين ان بجد حد هيعبر فيهم مستحيل مبدع يبدع ف بيئة لا توفر الابداع ولا تقيمه الابداع محتاج بيئة مناسبة مش فلوس بس

[kewan]

اعتقد أن الموضوع المنشور بجريدة الأهرام هو خبر صحيح ولكنه خبر موجه إعلامياً للحصول على تأييد وتعاطف شعبى للحكومة الحالية ( الانتخابات على الابواب ) على اعتبار انها حكومة البحث العلمى وتشجيع طيورنا المهاجرة - شو اعلامى مش اكتر

ولو كانوا صادقين فى نواياهم لأرسوا قواعد التمويل المنظم للبحوث طبقا للائحة يعلمها جميع باحثى مصر وتطبق على البحث العلمى ككل سواء للباحثين من داخل مصر أو من خارجها وأكبر دليل على ذلك كم التعليقات المنشور تحت الخبر بالجريدة والتى توضح اهمال الدولة للباحثين الموجودين فعلا داخل البلد والذى تدفعهم الظروف السيئة للهجرة

فالمطلوب فعلا هو رعاية وتمويل البحث العلمى بكل اشكاله والباحثين فى الداخل قبل الخارج بدلا من منح هذه المبالغ الكبيرة لفرد أو عدة أفراد وترك المئات ممن قد يكونوا افضل ولكن لم تأتيهم الفرصة بعد

[Howayda Ismail]

فى مصر يؤد حلم الباحث من اول مايتفوق فى الكلية انه لاينال مكانته العلمية الصحيحة وياخذها منه ابناء الدكاترة والوسايط

ولو حظه حلو واتعين المشرف عليه يشترط ان يشاركه ابحاثه واسمه يوضع قبل اسم الباحث دون ادنى مساعدة والا

البحث ده عمره ماحيشوف النور وفى امثلة حية موجودة فى كلية العلوم جامعة الاسكندرية.

وبعد كده يجى الروتين فى مدينة البحث العلمى والهيئات المسئولة عن ذلك فى وضع العراقيل امام الباحث

لحد ماينتهى امله عند كده او ان الباحث تتلقفه جهات اخرى تمول ابحاثه وكثيرا ماتكون جهات اجنبية فيفر الباحث الى

المجهول وهو ونصيبه ولو ذاع صيته تتباهى به الدولة بمصريته وعندنا زويل ومصطفى السيد وغيرهم كتير اللى كان اخر جهد للدولة

معاهم هى شهادة البكالوريوس اللى حصلوا عليها حتى الدراسلت العليا حصلوا عليها من برة.

نشوف الاول بند ميزانية البحث العلمى عندنا كم وفى اسرائيل مرصود لها كم واحنا نعرف قيمة العلم والعلماء عندنا قد ايه