خواطر..

[بنت شعنونة]

اصعب دمعة

دمعة تنزل وسط الضحكة!!

واصعب فرحة

فرحة ماتت من نار دمعة

كل ما اقول خلاص يا زمان

كل ما اقول ها ابطل حرمان

كل ما افتح عنيا واشوف الأمان

واقول خلاص ها اودع الحزن و الأحزان

كل ما اشيل النظارة السودا ولو لثوان

ترجع تاني يا زمان

وبمنتهى القسوة

تضرب ضربة تموت الفرحة!!

الناس تعبت تقولي يا بنتي افرحي!!

افرح؟؟!! صحكتوني

زمان كتبتها كلمة وقلت انا خايفة

دلوقتي بكتبها هيا تاني

بس المرة دي ها اقول معقدة

ايوا اتعقدت!!

اتعقدت افرح عشان بشيل هم الأحزان

اتعقدت احب عشان بشيل هم ليال الفرقان

انا تعبت

وكرهت خوفي ورعبي من كل شيء مباح

لكن غصب عني

ومش ب يدي اني افرح

نفسي اترمي في حضن والدي واصرخ

اطلع الأهة اللي في قلبي

لكن عارفة ان الرد موجود

وان الرب موجود

لكن انا بشر هدتني الأحزان

اشهد عليا يا زمان

وعد مني اني لا افرح و لا اديك الأمان

عشان ترتاح وتريحني معاك كمان

:(((((((

[Scorpion]

يا شانا يا ست الكل.... مش متصور ان الحزن يعرف طريقه ليكي..

القلب الكبير اللي جواكي.. اللي مليان حب و مشاريع كبيرة للتانيين مش ليكي انتي.. عمر ما اليأس حيكسبه...

عالعموم وقفة صغيرة كل فترة ما تضرش.. المهم بعدين ترجعي زي ما انتي...

شعنونة...

ما تخليهومش يكسبوكي....

[بنت شعنونة]

سكوربيون

لو كنت اعرف ان الخاطرة دي ها تخليني اشوف حروفك هنا تاني كنت كتبتها من زمان

مش هما اللي كسروني يا سكورب

دي الدنيا

تصور يا سكوربيون الفرحة اليتيمة اللي الدنيا هادتني بيها وقلت خلاص ها افرح من قلبي مرة

في ثانية واحدة تتخطف مني

مش عارفا انا اللي مستعجلة اني افرح والا انا اللي ما عنديش صبر

والا انا اللي فقرية بجد L

لدرجة اني قلت لبابا انا لو معمولي عمل عمره ما كان ها يعمل نفس النتايج اللي انا فيها دي

الظاهر ان كلامك طلع صح يا سكوب

انا بعرف افرح الناس

انما عمري ما ها اعرف افرحني ولا افرحلي

مامنوش فايدة خلاص

clp::