شاب يشنق نفسه من اعلى كوبرى قصر النيل

[fatfouta]

الناس هتروح فين بعد كده؟؟؟ والكبت هيودينا لفين؟؟

لا حول ولا قوة إلا بالله

يا إرحمنا.........الخبر محزن جدااااااا والمناظر والصور محزنة اكتر والله

حاجة تحزن بجد والواحد مش ناقص

ربنا يرحمه هو ارحم من الكل

شاب يشنق نفسه أعلى كوبري قصر النيل بعد خلاف مع خطيبته

أنتحار شاب من على كوبري قصر النيل بسبب خلاف مع خطيبته - صورة خاص لمصراوى

6/2/2010 1:30:00 PM

مصراوي - خاص - في حادث مأساوي شهده كوبري قصر النيل بالقاهرة، أقدم شاب مصري 31 سنة على الإنتحار شنقًا، حيث ربط رقبته بحبل وقفز من أعلى الكوبري.

وكانت الأجهزة الأمنية بالمنطقة قد عثرت على جثة شاب يدعى "عمرو محمد موسى" 31 سنة، والتي ظلت معلقة من الرقبة لأكثر من ساعة، بأسوار كوبري قصر النيل.

وتسبب تجمع عدد كبير من المارة لمشاهدة الجثة في تعطل حركة المرور في منطقة الكورنيش.

وتبين أن سبب الحادث - حسب مصادر أمنية - هو نشوب خلاف بين الشاب وخطيبته مما دفعه للانتحار.

المصدر

وياريت اللى قلبه ضعيف مايدخلش يشوف المناظر اللى حطينها لمنظره وهو متعلق على الكوبرى

لا حول ولا قوةإلا بالله

الرحمة من عندك يااااااااارب

تم تعديل 2 يونيو 2010 بواسطة fatfouta

[ابو محمد بن مصطفي]

وياريت اللى قلبه ضعيف مايدخلش يشوف المناظر اللى حطينها لمنظره وهو متعلق على الكوبرى

امال اللي شافة متعلق يعمل ايـــــه دلوني

ربنا يغفر له

[pink rose]

معلش يعني ايه السبب دا اللي يخلي واحد يكفر بربنا

خطيبته و لا اخرته بالله عليكم

الناس انهبلت بجد ما يسيبها و يخلص لكن يروح يشنق نفسه على الكوبري

معلش اي حد عاقل كان قال تولع هي و اهلها كمان و لا اني اخسر اخرتي بسببها

ربنا يرحمنا

[mekkawy]

أيوووووون

معلش يعني ده نقص إيمان بالله

أي مشكلة في الحياة ليها حل .. مهمن كانت .. معلش يعني و أي إنسان سوي مش حل مشاكله في الانتحار

كتييييييييير هيقولوا الكبت و الحكومة و الدولة و البلد و حاجات كتير كدة و شماعات معروفة .. أنا مش مع الحكومة في ظلمها .. أوكيه .. لكن مش مع الانتحار طبعاً .. و كل إنسان يتحمل تبعات تصرفاته .. كلنا بتقابلنا مشاكل ياما و كان أحق بالانتحار بأة الناس اللي اتبهدلت و اللي اعتقلت و اتعذبت و الناس اللي مستقبلها ضاع و عيالها اتشردت ... الانتحار ده وسيلة الضعفاء قليلي الإيمان عديمي الحيلة

لو منتحر عشان شقة و عفش و فلوس و شغل .. كل دي رزق .. ناخد بالأسباب الأول و بعدين ننتحر لما ربنا مش يكرمنا .. ولا لأ .. محدش ينتحر ليقولوا مكاوي يدعوا للإنتحار ... أنا بجد زعلان على الشاب ده .. لكن زعلان من نفسه مش من حاجة .. مفيش حاجة أظن الانسان العاقل تستاهل انه ينتحر عشانها.

معلش أسلوبي حاد شوية .. بس مبحبش الانهزامية .. اعذروني يا جماعة و الله ..

مكاوى ... متنرفز :@

[Diab]

لو كل واحد مش لاقي يتجوز راح شنق نفسه

الستات مش هتلاقي حبل تنشر عليه الغسيل

تم تعديل 2 يونيو 2010 بواسطة Diab

[ابو محمد بن مصطفي]

هو صحيح الحب في القلب زي عضة الكلب

لكن الموضوع يوصلش لحد كده

هو منظرة في الحقيقة كان صعب قوي

[mekkawy]

لحظة كدة يا إخواننا

حد شاف الدم .. هو اللي بيشنق نفسه بيجيب دم منين بأة ؟؟ ده جايب دم كتير أوي .. عجبني أوي تعليق واحد على مصراوي .. اللي دارس طب شرعي ده .. يا ريت نقرأه .. مش ممكن يكون الراجل مقتول و متعلق و مرمي كدة و أي حد كاتب الجواب ده .. هو إحنا جرايدنا و مواقعنا كدة .. تهيص تهيص و تفرح في الزيطة ... لعله أي حاجة ..

و كلامي اللي فوق ده لو كان انه منتحر .. أما لو أي حاجة تانية .. الله وليه بأة يرحمه و يحاسبه بعدله و رحمته

مكاوى ... لسة متنرفز :@

[عبيد الله]

لحظة كدة يا إخواننا

حد شاف الدم .. هو اللي بيشنق نفسه بيجيب دم منين بأة ؟؟ ده جايب دم كتير أوي .. عجبني أوي تعليق واحد على مصراوي .. اللي دارس طب شرعي ده .. يا ريت نقرأه .. مش ممكن يكون الراجل مقتول و متعلق و مرمي كدة و أي حد كاتب الجواب ده .. هو إحنا جرايدنا و مواقعنا كدة .. تهيص تهيص و تفرح في الزيطة ... لعله أي حاجة ..

و كلامي اللي فوق ده لو كان انه منتحر .. أما لو أي حاجة تانية .. الله وليه بأة يرحمه و يحاسبه بعدله و رحمته

مكاوى ... لسة متنرفز :@

قرأت الخبر فعلا على مصراوي واليوم السابع من ساعة تقريبا.. واستغربت جدا لما شفت الدم مغطي صدره وقميصه كله من قدام..

والله فعلا شكيت وقلت ربما الرجل ده مغدور.. مش منتحر..

اللهم يا قدير أظهر قتلته إن كان مغدورا.. واجعلهم عبرة للمفسدين في الأرض..

[doha]

الواحد مش عارف يقول ايه يعني يادوب اكتشفوا الجثة يادوب عرفوا ان الحكايه وراها قصة حب وخطيبة وانفساخ ومش عارف ايه ؟

استغفر الله العظيم ..

طبعا ممكن جدا يكون منتحر ايه المشكلة والدم الي عليه ده من رقبته طبعا من كتر ماالحبل شد فيها اصلا واضح ان الراس كان باقي لها شويه وتقع وواضح اني معنديش دم انا كمان عشان دققت في الصورة لغايه ما لاحظت ده ..

بتمنى من كل قلبي يكون الشاب ده مريض نفسيا وميكونش في وعيه وقت ماعمل كده على الاقل الواحد يقدر يقول ربنا يتولاه برحمته ..

واخيرا انتحار شاب او حتى خمسين هو فعل لايمكن استنتاج شيء منه او تعميمه ولا يمكن نلقي ( بظروف البلد ) على انها دفعت الناس لكده .. ايوه الظروف هباب الهباب لكن وطالما الانتحار حرام حرمة مغلظه يبقى ربنا سبحانه مكانش هينهانا عنه لو كان في ظروف دنيوية ممكن تدفع الناس لكده او ملهاش حل غير كده ..

حال البلد سبب في مصايب كتير بس انتحار الشاب ده مش من ضمنها اكيد ..

[fatfouta]

الواحد مش عارف يقول ايه يعني يادوب اكتشفوا الجثة يادوب عرفوا ان الحكايه وراها قصة حب وخطيبة وانفساخ ومش عارف ايه ؟

هو ده فعلا اللى انا استغربت له يعنى لسه شايفين الجثة من ساعتين لحقوا جابوا حد من اهله وسألوه!!!!

ولا عرفوا منين انه عشان خطيبته؟

[Mr MAGED]

لا حول ولا قوة الا بالله العلي العظيم

انا لله وانا اليه راجعون

لو كل واحد قابلته مشكلة ماعرفش يحلها ينتحر

كان التعداد السكاني انخفض من زمان

[fatfouta]

على فكرة انا مجرد ناقلة للخبر وعلقت عليه ذى الاف التعليقات لا قولت البلد ومشاكلها ولا خطيبته ولا كلام من ده وكل واحد حر يعلق ذى ماهو عاوز طالما لم يتعدى الحدود..

ولا حول ولا قوة إلا بالله

تم تعديل 2 يونيو 2010 بواسطة fatfouta

[ابو محمد بن مصطفي]

تصدقوا اكيد هتصدقوا

وانا شايف الشاب ده وهو متعلق وانا علي الجانب الاخر من كورنيش النيل قصاد فندق سميراميس

كان شكله باين عليه انه مريض نفسي وانه سايب خطيبته وانه كاتب جواب فيه قصته

علشان البوليس مايحترش

عادي يعني ماهي البلد دي كده اي حد يتنحر يبقي مريض نفسي

[herohero]

انا لا اؤيد ان الانسان يلجأ لمثل هذا مهما كانت الظروفخاصة ان المبرر المذكور لا اراه يعني ظرف قاهر عادي يعني بلاها جواز خالص مش قصة

لكن الطرح هنا هل هي ده السبل اللي بقت متاحه لنا عن تعبيرنا عن عدم الرضا

1- الانتحار 2- الادمان 3- السفر شرعي او غير شرعي 4- الهجرة "ده بقى هروب بس 5 نجوم"

هل اصبح المجتمع لا يجد متنفسا له الا ف هذه السبل

هناك خواء اذا وصلنا لان هذه الطرق هي المتاحه يبقى فيه خلل وكبير مستحيل اقدم ع الانتحار الا اذا وجدت نفسي وحيدا مستحيل حد لقى ناس قريبه منه واقدم ع كده

الموقف لا اجده جديدا مالفارق بينه وبين من انتحر لانه فشل ف امحان الخارجية واتقاله غير لائق اجتماعيا

ايضا هذا الشاب غير لائق ، الموضوع لا يعتبر انتحار وضعف ايمان ، ياساده هناك خلل ف المجتمع وهذه ماهي الا بعض الظواهر اللي جزء من سببها هو الحال العام للبلد

[صافى]

أيوووووون

معلش يعني ده نقص إيمان بالله

أي مشكلة في الحياة ليها حل .. مهمن كانت .. معلش يعني و أي إنسان سوي مش حل مشاكله في الانتحار

كتييييييييير هيقولوا الكبت و الحكومة و الدولة و البلد و حاجات كتير كدة و شماعات معروفة .. أنا مش مع الحكومة في ظلمها .. أوكيه .. لكن مش مع الانتحار طبعاً .. و كل إنسان يتحمل تبعات تصرفاته .. كلنا بتقابلنا مشاكل ياما و كان أحق بالانتحار بأة الناس اللي اتبهدلت و اللي اعتقلت و اتعذبت و الناس اللي مستقبلها ضاع و عيالها اتشردت ... الانتحار ده وسيلة الضعفاء قليلي الإيمان عديمي الحيلة

لو منتحر عشان شقة و عفش و فلوس و شغل .. كل دي رزق .. ناخد بالأسباب الأول و بعدين ننتحر لما ربنا مش يكرمنا .. ولا لأ .. محدش ينتحر ليقولوا مكاوي يدعوا للإنتحار ... أنا بجد زعلان على الشاب ده .. لكن زعلان من نفسه مش من حاجة .. مفيش حاجة أظن الانسان العاقل تستاهل انه ينتحر عشانها.

معلش أسلوبي حاد شوية .. بس مبحبش الانهزامية .. اعذروني يا جماعة و الله ..

مكاوى ... متنرفز :@

بس اهدا كدة وقول هديت وقوم صلى واقرالك سورة الاسراء مش دى كانت نصيحتك لية لم كنت متنرفزة

بس بصراحة عندك حق فى الى بتقولة وفعلا مفيش حاجة تستاهل ان الواحد يموت نفسة ويبقى كافر عشانها ربنا يرحمة محدش يعرف فى اية بلظبط ربنا هو الى يعلم

[DIA ELDIN]

الواحد مش عارف يقول ايه يعني يادوب اكتشفوا الجثة يادوب عرفوا ان الحكايه وراها قصة حب وخطيبة وانفساخ ومش عارف ايه ؟

هو ده فعلا اللى انا استغربت له يعنى لسه شايفين الجثة من ساعتين لحقوا جابوا حد من اهله وسألوه!!!!

ولا عرفوا منين انه عشان خطيبته؟

كان فية جواب هوا كاتبة للبنت بس هما مقالوش في موقع مصراوي

[Morial]

ضعف

تخاذل

إستسلام

إنهزامية

قلة إيمان

عدم رضا وتمرد علي إرادة الله

أعوذ بالله

اللهم أكفنا شر أنفسنا

اللهم أجعلنا من الشاكرين الحامدين القانتين الصابرين

اللهم لا تغلب علينا شيطاننا ولا تمكن منا وساوسنا

اللهم قو ايماننا

اللهم ذهدنا في الدنيا وملذاتها ولا تجعلها غايتنا

اللهم أجعل أخرتنا قرة أعيننا

اللهم نعوذ بك من أن نلقاك مطأطئي الرؤوس

اللهم أعف عني وتولاني برحمتك

فأنا لا شيء في شاسع ملكوتك

يا من خرت لعظمته الجبال

أرحمني علي قدر ضعفي وقلة حيلتي

أنا أمتك

أستجير برحمتك من هول غضبك

فلتفعل بي ما شئت في الدنيا

لا أريدها

بل أفتدي بها نفسي من هول يوم تشخص فيه الابصار

لا استطيع ان اصف مدي الكأبة التي انتابتني اليوم بعد قراءة هذا الخبر

ولا ما أحسست به من سوداوية بعد رؤيتي لتلك الصور

بل ليس لدي تفسير لرغبة قوية في البكاء أستحوذت عليا

و يقين قد تملك مني

بضعف وتفاهة بني أدم

عذرا

تم تعديل 3 يونيو 2010 بواسطة Mohammad

[ابوهنا]

انا لله وانا اليه راجعون

ندعوا الله له بالمغفره والرحمه

شاب 31 سنه عاقل ...كان ممكن تقبل من اقل من 18 سنه

ده انا لو عملت كده مع كل بنت فلسعتنى كنت انتحرت ولا عشرين مره

ونصيحه لكل شاب مقدم على الانتحار اقوله...والله مش مستاهله الستات كلهم زى بعض ونفس المخ ونفس التركبيبه....فلسعتلك واحده ...اشبط فى غيرها على طول...لحد مايحطوا حبل الانتحار فى رقبتك غصب عنك عن طريق المأذون ويعلقوك عن طريق العيال...يعنى ماتستعجلشى...كده كده الحبل هيتحط فى رقبتك

[صافى]

لو كل واحد مش لاقي يتجوز راح شنق نفسه

الستات مش هتلاقي حبل تنشر عليه الغسيل

لا وانت الصادق مش هتلاقى رجالة عشان يفكو العنوسة

لا الكل دلوقتى مش لافى يتجوز ربنا يرحمنا ويرحم موتانا

[se_ Elsyed]

لم أرى في الخبر شيء ملفت للنظر يدُل على إنها ظاهرة والناس بتنتحر بالالاف كل يوم

وعادي يعني من بين 80 مليون ممكن تلاقي كل فترة شخص تعبان نفسياً بيموت نفسه او يموت اللي حواليه زي ما حصل من سنة تقريباً في الاثنين اللي موتوا زوجاتهم واولادهم عشان خسروا فلوس في البورصة

وبعدين ارجوكم بلاش نشغل الشتامة اللي بالكهربا ونقول الظروف الهباب والعيشه المنيلة والشباب التعبان

والا الالاف اللي بيتجوزوا كل يوم دول ... ايه كلهم جايين من كوكب المريخ ؟

وبعدين الشاب كان سايب جواب في جيبه موجهه لخطيبته ولم يتم ذكر الظروف الهباب فيه خالص .. لكن يبدو انها أزمة عاطفية

فالمطلوب من المجتمع يعمل ايه لهذه النوعية ؟

من إسبوعين حدثت جريمة مشابهة لكنها نادرة وبيتهيألي اول مره تحدث .. لأ وفين في الصعيد

شاب عنده 39 سنة وفي حجم ضرفة الباب .. يقف في وسط الشارع اعتقد في محافظة سوهاج او اسيوط .. وفي قلب المدينة أمام معهد الاورام وسوري يتعرى ويقوم بقطع عضوه الذكري جهاراً نهاراً كده بمنتهى البرود

وتم نقله الى المستشفى ولما افاق قال ان السبب انه لم يستطيع ان يتزوج الى الان عشان ظروفه المادية الصعبة وإنه حاصل على دبلوم تجارة من سنة 90 ولحد دلوفت مش لاقي شغل

كلام فارغ وقلة أدب متناهيه وتكاسل وكل واحد عاوز يشتغل مدير او عضو منتدب

والدليل على كلامي

- من لديه خبرة في زراعة الارض يعرف مدى معاناة اصحاب الاراضي في ندرة العثور على عمالة للزراعة .. بالرغم من ارتفاع المرتبات وكمان صاحب الارض بيوفر اكل للعمال طول اليوم

- اصحاب المصانع في مدينة برج العرب لهم سنوات طويلة بيصرخوا وبيشكوا من قرب فشل مشاريعهم لأن مش لاقيين عمال

- اصحاب المحلات في القاهرة ذاتها .. بتعتبر العثور على عامل هو عمله نادره

بالمناسبة بعض المحلات ومنها صالونات الحلاقة والكوافيرات والبقالات الكبرى بتدفع مرتبات لا تقل عن 1000 ج شهرياً

لكن الكل عاوز يبدأ كبير ..

والكل ينظر الى الاخرين في مرحلة جني الثمار وليس في مرحلة الزراعة ....

بمعنى

وده كلام على لسان شوفتهم حاولوا المحاولات العبيطة للهجرة غير الشرعية الى اوروبا.. وتساله ليه يابني كده ؟

يقول لك .. شوف يا عم فلان اللي عندنا في البلد سافر ايطاليا واللهم صلي عالنبي باني قصر وشاري اراضي ياما ...

لا تعليق :closedeyes: طبعاً