كــــأس العــــالم جنــــــوب أفــــريقيــــا 2010 FIFA

[عماد حمدي]

جدول مباريات كأس العالم بجنوب أفريقيا 2010

ملف يحتوي ع الأتي :-

- مواعيد مباريات كأس العالم التاريخ والوقت

- يمكنك تحديد اللغة من ع يسار الصفحة .. لتحديد لغة عرض الملف

- يمكنك تحديد المدينة التي تقيم بها حاليا ً ليقوم البرنامج أوتوماتيكيا ً بتحديد وقت المباريات وفقا ً لتوقيتك المحلي

- يقوم البرنامج بحساب النقاط أوتوماتيكيا ً لكل فريق والتصفيات .. فقط أدخل نتيجة كل مبارة .. وسيب الباقي ع البرنامج

للتحميل إضغط هنا

او

هنـا

أتمني لكم مشاهده ممتعة ,,

:closedeyes: :closedeyes:

Omda2006

Emad Hamdy

[fatfouta]

كل مونديال وانتوا طيبين وبالمباريات مستمتعين

باقى من الزمن 7 أيام وتبدأ مباريات كأس العالم ان شاء الله

الدول المشاركة فى المباريات

تقسيم المجموعات

مجموعة A

جنوب أفريقيا

المكسيك

أوروجواي

فرنسا

مجموعة B

الأرجنتينالأرجنتين

نيجيريا

كوريا الجنوبية

اليونان

مجموعة C

انجلترا

الولايات المتحدة الأمريكية

الجزائر

سلوفنيا

مجموعة D

المانيا

أستراليا

الصرب

غانا

مجموعة E

هولندا

الدنمارك

اليابان

الكاميرون

مجموعة F

إيطاليا

الباراجواي

نيوزيلندا

سلوفاكيا

مجموعة G

البرازيل

كوريا

كوت ديفوار

البرتغال

مجموعة H

أسبانيا

سويسرا

هندوراس

تشيلي

أغنية المونديال

تميمة المونديال

تم تعديل 4 يونيو 2010 بواسطة fatfouta

[engmido]

يا سلام عليكى يا مدام فتفوتة يا كبيرة الرياضيين

ايه الحلاوة دى

تقولشى شوبير

[engmido]

متاكدة ان دى اغنية المونديال

ولا اوووه افريكاoh , africa

[محمود الاسكندرانى]

اسبانيا هى البطل

مجموعه متجانسه ورائعه من اللاعبين

وممكن الارجنتين بقيادة الساحر ميسى

شكرا على الموضوع

[fatfouta]

متاكدة ان دى اغنية المونديال

ولا اوووه افريكاoh , africa

خلاص خد اللى بصوت نانسى عجرم اهى :sad:

النسخة العربى منها

http://www.youtube.com/watch?v=UgMdDKB6Xuk...player_embedded

وبعدين مالقتش غير شوبير يا بابا انج اللى تشبهنى بيه؟؟.......الله يسامحك يا شيخ :blush2:

تم تعديل 4 يونيو 2010 بواسطة fatfouta

[elshafey]

إليكم جدول رائع وصلني علي الايميل للبطولة بالمواعيد

كل ما عليك هو تسجيل النتائج وستجد جدول المجموعات اتملي بالبيانات عشان تعرف ترتيب الفرق ومين صعد ومين لأ

الجدول معمول بتوقيت سوريا معرفش هل هو زي توقيت مصر ولا لأ حد يقولنا

الرابط

/?mlt1zeg1dzl

[fatfouta]

مونديال 2010: رئيس جنوب افريقيا يعتبر بلاده أكثر من جاهزة للاستضافة

6/6/2010 1:19:19 PM

بريتوريا (ا ف ب) - اعتبر رئيس جنوب أفريقيا جاكوب زوما اليوم الأحد ان بلاده أكثر من جاهزة لاستضافة نهائيات كأس العالم 2010 لكرة القدم، وذلك قبل خمسة ايام على انطلاقها في جوهانسبورغ.

وقال زوما للاعلاميين في مكتبه في العاصمة بريتوريا: "جنوب أفريقيا أكثر من جاهزة. بالنسبة لنا فان كأس العالم قد بدأت".

وأضاف زوما: "نحن سعداء ونتشرف باستضافة العالم في بلدنا بمناسبة هذا الحدث التاريخي الرائع".

[engmido]

شكراا يا شافعى

على هذا الجدول الممتاز

[Diab]

مونديال 2010: رئيس جنوب افريقيا يعتبر بلاده أكثر من جاهزة للاستضافة

6/6/2010 1:19:19 PM

بريتوريا (ا ف ب) - اعتبر رئيس جنوب أفريقيا جاكوب زوما اليوم الأحد ان بلاده أكثر من جاهزة لاستضافة نهائيات كأس العالم 2010 لكرة القدم، وذلك قبل خمسة ايام على انطلاقها في جوهانسبورغ.

وقال زوما للاعلاميين في مكتبه في العاصمة بريتوريا: "جنوب أفريقيا أكثر من جاهزة. بالنسبة لنا فان كأس العالم قد بدأت".

وأضاف زوما: "نحن سعداء ونتشرف باستضافة العالم في بلدنا بمناسبة هذا الحدث التاريخي الرائع".

هو مش المونديال ده كان المفروض ان احنا اللي ننظمه

فاكرين صفر المونديال

لو كان اتحقق كان شعبولا هو اللي هيغني في الأفتتاح

[fatfouta]

نجوم وتاريخ فعلا وناس بتلعب وتتدرب على حق متشوقة جدااا انى اشوف مارادونا هيعمل ايه

من أرض الملعب إلى خط التماس

بعد أن التقيا وجهاً لوجه كلاعبين في كأس العالم FIFA، يجتمع دونجا ودييجو مارادونا في جنوب أفريقيا ليخوضا منافسة بين العمالقة للحصول على عضوية نادي يتمتع بخصوصية شديدة في عالم الساحرة المستديرة.

فالنصر في جنوب أفريقيا سيعني للمدرب البرازيلي أو نظيره الأرجنتيني كتابة اسمه كثالث رجل يفوز بالكأس كلاعب وكمدرب، بعد ماريو زاجالو وفرانز بيكنباور.

فقد كان البرازيلي زاجالو هو أول من حقق هذا الإنجاز، حيث فاز بكأس جول ريميه كلاعب في عامي 1958 و1962، ثم كمدرب لمنتخب بلاده في عام 1970. وتبعه بيكنباور الذي كان يحمل شارة الكابتن عندما فازت ألمانيا الغربية بالكأس على أرضها عام 1974، ثم قاد الألمان من خارج المستطيل الأخضر ليحققوا النصر الكبير في إيطاليا 1990.

وكانت بطولة إيطاليا 1990 هي نفسها التي التقى فيها مارادونا ودونجا على أرض الملعب، وتغلب فيها الأول على الثاني بتمريرته القاتلة التي سجل منها كلاوديو كانيجيا الهدف الوحيد الذي شهدته تلك المباراة من مباريات الدور الثاني بين قوتي أمريكا الجنوبية العظمتين. ولكن الجماهير لم تشهد تتويج أي منهما في إيطاليا، حيث رفع مارادونا الكأس وهو يحمل شارة قيادة المنتخب الأرجنتيني قبل تلك البطولة بأربع سنوات، بينما جاء موعد دونجا بعدها بأربع سنوات.

ولكن إذا كان عدم الحصول على عضوية هذا النادي المتميز لا يمثل مشكلة حقيقية، رغم أن العيون لن تغفل أبداً عن أداء مارادونا وستضعه دائماً تحت المجهر، فإن مستوى المنتخبين في البطولة يجب أن يرقى لمستوى خبرة مدربيهما، وينطبق الأمر نفسه على المدربين الستة الآخرين الذين نالوا من قبل شرف تمثيل بلادهم كلاعبين في أكبر مسرح كروي عالمي.

[the consultant]

يعني حتشتري كارت قناة الحصيرة قصدي الحقيرة مثلا ولا حتقضيها بالوصلة ( مفيش منها في السعودية ) . ولا الريسيفر ابو انترنت (بيقطع و انت و رزقك )و لا الريسيفر الكرو . قولولي الحلول عشان انا بفكر في التحايل بصراحة ، من يومين كدة جبت واحد هندي عفريت قالي الاتي (الترجمة بين القوسين) " انا سويلك طبج (طبق) في (حرف جر مالوش لازمةيعشقه الهنود و البنغال) ركب برمجة (يعني سيستم) و دنجل صغير ( الدنجل ده بعد عناء اكتشفت انه يو اس بي حاجة شبه الفلاش ) افتح كل قناة كاس عالم(مفهومة دي)".

قولولي إنتو حتعملوا ايه. بالذات الناس اللي برة مصر اللي معنهاش إختراع الوصلة (او السلكة) الجبار. نفسي اشوف كل الاخرام اللي حياخدها حليش و بوعزة و بوسامية و الاجوال اللي حتتدخل في شاوشي التييييييييييت بصورة واضحة. gra:-

[Mr MAGED]

ولو انك زملكاوي .. ومش لازم يعني تتفرج ... كفاية الزمالك تتفرج عليه

بس يا سيدي ... الريسيفر ابو انترنت مش بيقطع ولا حاجة ومية مية ( ربنا يستر ميجرالوش حاجة )

معايا بقالوا سنة وشوية .. وبصراحة ماشفتش منه مشاكل

لو تحب اقولك منين تقدر تجيبه من جدة

وريح نفسك من الدنجل والطبج

[the consultant]

ولو انك زملكاوي .. ومش لازم يعني تتفرج ... كفاية الزمالك تتفرج عليه

بس يا سيدي ... الريسيفر ابو انترنت مش بيقطع ولا حاجة ومية مية ( ربنا يستر ميجرالوش حاجة )

معايا بقالوا سنة وشوية .. وبصراحة ماشفتش منه مشاكل

لو تحب اقولك منين تقدر تجيبه من جدة

وريح نفسك من الدنجل والطبج

يا أخي كان نفسي الجزائر يكونوا بيلبسوا احمر عشان الفرحة تزيد بخسارتهم في المونديال

حبيبي يا انفستور ، بيتهيألي قدام المتحدة بتوع شيفورليه شارع فلسطين في تجمع الريسفرات المضروبة و الهاكرز بتوع المتشفر، بس قولي انت سمعت حد جاب الدنجل قبل كدة؟

[Mr MAGED]

فيه ناس مصريين كويسين في المجمع اللي في البغدادية .. دول اللي انا كنت شاري منهم

انا ماعرفش الدنجل ده .... بس مرة من كام سنة كده ... كنت جبت ريسيفر سترونج

عشان كاس العالم برضه ... الاوروبي بتاعه كان مفتوح ... بس بعد البطولة ما خلصت الشفرات اتغيرت

ومبقاش له لازمة ... انما اللي عالنت ده مضمون انه مفتوح علي طول وكل الاقمار

[ozoozo]

انا عندي الريسيفر ابو دنجل ده والامور تمام لغايه دلوقتي

بس ماتضمنش ايه ممكن يحصل قبل كاس العالم علي طول

بس غالبا اقصي حاجه انك تحتاج سوفت وير جديد ب 30 ريال

[se_ Elsyed]

والأفضل من ده .. بيركبوا دلوقت طبجين .. قصدي طبقين قصاد بعض ... وسلامتك وتعيش ....بتفتح كل القنوات على البحري ..

بس أنا عندي لسه الريسيفر ابو نت والحمد لله شغال تمام من 3 سنوات .. وكل 6 شهور بأجدد الأشتراك بـ 250 ريال ...

وخلي الجزير تشرب اللي عملته في الناس ...

بالمناسبة .. بعد ما غشوا الناس وعملوا قنوات مخصوصة لكأس العالم أشتراكها لوحده بـ 100 دولار لمدة شهر ..

النهاردة قالوا عشان الحبايب هانخفض السعر إلى 75 دولار فقط ...

خليهم يشربوها بقى

[سكر]

والأفضل من ده .. بيركبوا دلوقت طبجين .. قصدي طبقين قصاد بعض ... وسلامتك وتعيش ....بتفتح كل القنوات على البحري ..

ارجوا شرح الفكرة

[the consultant]

والأفضل من ده .. بيركبوا دلوقت طبجين .. قصدي طبقين قصاد بعض ... وسلامتك وتعيش ....بتفتح كل القنوات على البحري ..

ارجوا شرح الفكرة

بتجيب طبق معين اسمه كرو و عادي يوصل بطبق النايل سات مثلا و لازم تركب طبق تاني ده دورة فقط فك الشفرة و بالتالي بيوصل بالريسيفر 2 طبق و احد لاستقبال اشارة وواحد لفك الشفرة.

[the consultant]

والأفضل من ده .. بيركبوا دلوقت طبجين .. قصدي طبقين قصاد بعض ... وسلامتك وتعيش ....بتفتح كل القنوات على البحري ..

ارجوا شرح الفكرة

بتجيب ريسيفر(مش طبق) معين اسمه كرو و عادي يوصل بطبق النايل سات مثلا و لازم تركب طبق تاني ده دورة فقط فك الشفرة و بالتالي بيوصل بالريسيفر 2 طبق و احد لاستقبال اشارة وواحد لفك الشفرة.

تصحيح