كــــأس العــــالم جنــــــوب أفــــريقيــــا 2010 FIFA

[مصرى وأفتخر]

والله انا قومت فضلت اقول جون جون جووووون وأصقف أبويا بصلى إفتكرنى إتجننت

[se_ Elsyed]

الزملاء الأفاضل ..

شوية نظام لو سمحتوا

هناك باب للرياضة

وهناك موضوع لكأس العالم

فمش معقول كل واحد يحب يكتب مداخلة يقوم فاتح لها موضوع مستقل ومش مهم في أي باب !!!!!!!!!!!!

[fatfouta]

ياللا بالشفا يا جزائر

عقبال باقى الماتشات لما ترفع كده راسهم ياشاوشى

[ابو محمد بن مصطفي]

وبعدين في منتخب ايتو (الكاميرون سابقا) مش ممكن فريق يتحكم فيه لاعب

نقصهم ايه علشان يفوزوا . لما بشوفهم بيلعبوا بيفكروني بفريق الزمالك لما بيتحكم فيه اللعيبة

بيتغلبوا من طوب الارض وايتو ده بيفكرني باحمد حسام ميدو مش عارف ليه

ميلا خلاص طلع من هدومة من افعال ايتو

شفتوا غانا فريق صغير معاه مدرب كويس ليه شخصية فازوا علي صربيا

وهما ناقصين اتنين لعيبة احسن من ايتو بمليون مرة

حد يفكرني باي انجاز عملوه من ساعة ايتو مالعب معاهم غير الوصول لكاس العالم

الفريق ده عايز مدرب ليه شخصية لو عايزين يعملوا حاجة

هدف اليابان في الكاميرون

هدف غانا في صربيا

[اغابي]

انا كنت متاكدة ان الجزائر هتخسر ولسة الجاى افظع و هما الجزاير بيعرفو يلعبوا من اصله

بس اللى يستغربله اوى ان فيه فرق بتلعب بمستوى اقل من مصر بكتيررررر اوى

طب ليه مصر حظها واقف فى مشوار كاس العالم - تقول حد عاملنا عمل يا جماعة ؟؟

طب ماتش اليايان امبارح والكاميرون - بصراحة حسيت اليابان اصلا ما بيعرفوش يلعبو مقارنة بمصر واتحسرت اوى على مصر

داه غير اننا ياما غلبنا الكاميرون طبعا قبل كدا وانتزعنا كاس افريقيا من بين انياب الاسد

طب ليه كاس العالم مش عارفين نوصله - ايه الحظ دااه - !!!!!!

اغابي

[matzakos]

أعتقد كل اللي شاف المباريات لحد إمبارح بيقول "الله ينتقم منك ياللي كنت السبب في عدم وصول مصر" ...... أنا شايف و الله بدون تحيز إن المنتخب المصري بأدائه اللي كان في كأس الأمم...أقوى بكتير من الكاميرون والجزائر و نيجريا...... مش عاوز أبالغ لو قلت إنه حتى أقوى من أمريكا وإنجلترا و صربيا و سلوفنيا ......يعني الصراحة كل المنتخبات اللي لعبت تعبانة اللهم إلا غانا و الأرجنتين و ألمانيا

يا خسارة يا مصر ..... أتمنى أن تدار عملية التأهل لكأس العالم 2014 بعقلية هندسية منظمة .... نعتبره مشروع ولازم له عوامل نجاح من تخطيط و تمويل وتنفيذ ومراقبة أثناء التنفيذ وإتخاذ خطوات للتحسين.....إيه المانع نجرب النظام مرة واحدة في حياتنا؟؟؟

تم تعديل 15 يونيو 2010 بواسطة matzakos

[ابو محمد بن مصطفي]

طب ليه مصر حظها واقف فى مشوار كاس العالم - تقول حد عاملنا عمل يا جماعة ؟؟

الموضوع مش عمل الموضوع اننا يوم ماظهرت قرعة التصفيات المؤهلة لكاس العالم

اعتبرنا نفسنا وصلنا خلاص

ودخلنا ماتش زامبيا الاول في القاهرة واحنا مش مركزين

ومش عارف مين ابن الارندلي اللي قال سعتها ان زامبيا هي المنافس الاقوي لمصر للترشح لكاس العالم

فكانت النتيجة اننا اتعادلنا. والماتش ده هو السبب الحقيقي في عدم وصولنا لكأس العالم

مصر علي فكرة في كاس الامم الافريقية انجولا 2010 فازت علي كل الدول الافريقية التي صعدت لكاس العالم

ماعدا كوت ديفوار اللي غلبتها الجزاير

قبل مصر ماتغلب الجزاير في الماتش الشهير بتاع 4/0

انا كنت متاكدة ان الجزائر هتخسر ولسة الجاى افظع و هما الجزاير بيعرفو يلعبوا من اصله

الجزاير دخله الماتش حسب التصريحات بتعتهم وباسلوبنا المصري ع الام والاب يعني مفيش حاجة هيخسروها

بس اللعب مع انجلترا مينفعش معاه الاسلوب ده ولو لعبو كده يبقي جنت علي نفسها الجزاير

وبيعزوا نفسهم بانهم في كاس الامم اللي فاتت خسروا اول ماتش من مالاوي بالتلاتة ثم بعد ذلك صعدوا للدور التاني

[ابو محمد بن مصطفي]

نرجع تاني للاستوديو التحليلي ومباراة ايطاليا و البارجواي

ايطاليا هي منتخب المدرب لبي فعلا مدرب يتحكم في الفريق عكس منتخب زي الكاميرون يتحكم فيه ايتو

شوفتوا الماتش كان بين مهارة البارجواي منتخب مدربهم الارجنتيني ليه هو كمان شخصية قوية

لبي طلع بفون حارس المرمي بعد الهدف الاول بين الشوطين

لان الكورة بتاعت الهدف كان ممكن يطلع ويمسكها او يضربها بالبوكس ويبعدها ولكنة خاف فكانت النتيجة الهدف

هدف بارجواي في ايطاليا

في الشوط التاني بانت شخصية المدرب لبي واحكمت ايطاليا سيطرتها علي المباراة وتخلت عن طريقتها الدفاعية

وكانت النتيجة هدف التعادل

هدف التعادل لايطاليا

ملخص الماتش هي تعادل المهارة البارجواية مع التناحة الدفاعية الايطالية

[سكر]

لعيبه الجزائر اكتفت بالفوز على مصر ويعتبرون ذلك هو اقصى طموحهم

المدرب بيقول الاداء واللعب فى كاس العالم 2014

[elshafey]

علي فكرة المفروض الفيفا يعدل نظام التصفيات ويبقي بطل القارة في السنة اللي فيها كاس العالم يتأهل عن قارته

[elshafey]

علي فكرة الروابط اللي جاية دي شغال عليها ماتش البرازيل وكوريا الشمالية

وانا لسة متفرج علي ماتش كوت ديفوار والبرتغال عليها من غير تقطيع تماماً

http://www.4copycenter.com/wc2010/wc.php

http://www.4copycenter.com/wc2010/wc2010.php

لو ما اشتغلتش الاولي جرب التانية

تحياتي

[ozoozo]

فين الكابتن اللي كان عايز يشجع الجزاير؟

اعتدى مجموعة من المشجعين الجزائريين على مشجع مصر كان يقوم بمساندة المنتخب الجزائري حاملا العلم المصري في اللقاء الذي خسره "الخضر" أمام سلوفينيا في مستهل مبارياتهم في المونديال.

ورصدت عدسة Yallakora.com تهجم الجمهور الجزائري على مشجع مصري في مشهد مؤسف بعد ان صادرت منه علم مصر.

كما رفعت الجماهير الجزائرية لافتة مسيئة لمصر، قالت فيها "أم الدنيا تركنها في بيتها.. وأبو الدنيا يحارب من أجلها"!

ويأتي هذا التصرف من جانب الجماهير الجزائرية في الوقت التي تسعى فيه جميع الجهات المصرية المسئولة سواء الرياضية أو السياسية إلى تهدئة الأجواء بين الشعبين المصري والجزائري خاصة وان مواجهات مصرية – جزائرية منتظرة ستجمع الأهلي والاسماعيلي بالفرق الجزائرية في دوري أبطال إفريقيا.

يذكر ان علاقة الجماهير المصرية والجزائرية قد توترت بشكل كبير بعد أحداث لقائي القاهرة وأم درمان بالتصفيات المؤهلة لكأس العالم في نوفمبر من العام الماضي.

شاهد كيف تهجم الجمهور الجزائري على مشجع مصري يساند منتخبهم؟!

المصدر

http://masrawy.yallakora.com/arabic/yk_new...&tourId=144

[fatfouta]

هو اللى غلطان عشان يروح يشجع ناس ذى دى

وكمان يقعد وسطهم ويرفع علم مصر

[ابو محمد بن مصطفي]

شفتوا الكتاكيت اللي لسه طالعين من البيض

[matzakos]

أنا متوقع إن روني هيروقهم يوم الجمعه إن شاء الله .... ويا سلام لو بيتر كراوتش لعب كمان ....ساعتها أقولك من البداية حليش مطرود مطرود

[ابو محمد بن مصطفي]

شفت الموضوع فيه ساكت لما اجبلكو شوية فوفوزيلا بالافارقة كمان

وعلي رأي المثل

هبله ومسكوها فوفوزيلا

[ozoozo]

اه اه لو سلوفينيا تغلب امريكا

يبقي خضره اتفحتت يارجاله ....ليه؟

عشان سلوفينيا هانكون اول المجموعه وانجلتر وامريكا هايكونوا متعادلين في المركز التاني والفيصل ها يكون لفارق الاهداف اللي هاتدخلوا كل فرقه في خضره

كل الامنيات بالفوز للفريق السلوفاني ...امل مصر في المونديال

[مصري أصيل]

باقي علي مباراة سلوفينيا و أمريكا ربع ساعه و النتيجه 2-1 لسلوفينيا و أنا كنت بأقول إزاي فرقه زي سلوفينيا توصل كأس العالم و خصوصاً مع المستوي الضعيف اللي قدموه أمام الجزائر لكن النهارده عاملين مباراه قويه جداً امام أمريكا و لو الفرقه دي لعبت أمام الجزائر بنفس القوه كانت الجزائر شالت تلاته علي الأقل.

أسوء ما في الموضوع ان شاوشي أحتمال كبير ما يلعبش مباراة انجلترا و فعلاً خساره كبيره الكل كان نفسه يتفرج عليه و هوه بيتمرمط بس يلا حظه كويس

[elshafey]

الاسم الجدبد لمنتخب الجزائر

منتخب الصابغين

[dawn walker]

يا خوفى ولاد المحظوظة دول يصعدوا للدور التانى ....زى ما صعدوا بالحظ فى كاس افريقيا للدور التانى بردك