لماذا عبرت الدجاجة الطريق؟

[Seafood]

سيفوود :

أنا مش فاهم إيه إللي يخلي الدجاجة أصلاً تعدي الطريق لوحدها من غير ما يكون معاها ديك ؟ .. وبعدين إزاي نتأكد إن الدجاجة بتعدي الطريق كده لوجه الله ... مش يمكن في جيش فراخ ها يعدي وراها ..

محمد أبو زيد :

يا أخ سيفوود إحنا عندنا جالية كبيرة من الدجاج هنا في الدمام , وكلهم بيعدوا الطريق , والكل في السعودية بيوقفوا للدجاج لغاية ما يعدي الطريق ... وأنا ليا أكتر من خمسة وعشرين سنة في السعودية , ما شفتش دجاجة واحدة لازقة في عجلة عربية ... والدجاج هو أرخص أنواع اللحوم في الدمام .. وعشان كدة أغلب الوافدين بياكلوا فراخ .. وبعدين با أخ سيفوود مش يمكن فرخة كبيرة في السن وما عليهاش الطلب .. ومن كام سنة عملت مشروع مزرعة دجاج في مصر , وكسبت منه مكاسب هايلة , وبعدين الدجاج طفش ... فحولت المزرعة لشركة إنترنت ..

محبط :

الدجاج هو من فصيلة الطيور التي لا تطير ( بس دا بمزاجها ) .. لأن معاليك لو جرَّبت تجري ورا الدجاجة وهي معدِّية الطريق بسرعة كافية , فمن الممكن تطير هيَّا وتلزق إنت في أول عربية .. وتعدية الدجاجة للطريق , من الممكن أن ننظر لها من منظور البيضة الأول أم الدجاجة , يعني هل الدجاجة إللي معدية قدامنا دلوقتي دي .. هل هي باضت وبعدين عدت الطريق ولا بتعدي الطريق عشان تروح تبيض .. بمعنى هل القيم المعنوية الاجتماعية هي التي باضت الابداع المادي الحديث ام ان الابداع المادي الحديث هو الذي باض القيم المعنوية الاجتماعية الليبرالية في الغرب ؟

سي السيد

أيه يا عم إسو ؟!! .. إيه ياخوانا ؟ .. والله عال ما بقاش غير الفراخ إللي ها نفكر فيها ....

هو إحنا عارفين نعدي الطريق أو حتى لاقيين رصيف نمشي عليه .. عشان نسأل الفراخ بتعدي الطريق ليه .. ما إن شا لله ما عدت .. الفراخ إتخلقت عشان تندبح ويتقصقص ريشها و تتحمر وتتاكل وخلاص .. يعني ناكلها لحم ونرميها عضم ..

وعلى رأي المثل .. يا فرخة عدي الطريق , يا حكومة مش الأول ترصفيه ..

أمير:

الناس في الغرب طلعت القمر , وفي طريقها للمريخ , وإحنا لسة بنفكر ليه عبرت الفرخة الطريق ...

وايت هارت:

أنا أتفق تماماً مع العزيز أمير .. وأختلف مع العزيز سيفوود .. بس دي وجهة نظرك وإنت حر فيها .. وكل واحد حر في وجهة نظره .. لكن أنا يعجبني التفكير الغربي .. ريحوا نفسهم من البداية .. وبدل ما يسألوا أنفسهم لماذا عبرت الدجاجة الطريق .. قاموا بعمل خطوط بعرض الطريق لعبور الدجاج ... ومن ساعتها عرفوا ليه الدجاج بيعدي الطريق .. عشان ياكل القمح إللي مخططين بيه الطريق ..

KWA

بسم الله الرحمن الرحيم

السلام عليكم ورحمة الله وبركاته

ذبحوا الدجاجة

حشيش

الأخوة والأخوات الأعزاء

فجر تقرير الطبيب الشرعي مفاجأة في قضية مصرع دجاجة أم صباح العمشة. ... mfb: mfb: ... وكانت الفقيدة تحاول تعدية الطريق فجر الأمس .. mf( :blink: ... عندما دهستها عربة مكروباص مسرعة .. ولكن تبين بعد الفحص أن الفقيدة كانت قد فارقت الحياة قبل شهر non:: mc: ... من عبورها الطريق .. وجاري التحقيق مع أم صباح حول ملابسات الحادث :angry: stnd:: ...

تم تعديل 13 مايو 2004 بواسطة Seafood

[Scorpion]

الأستاذ سيفوود...

لا أعتقد أنه كان لنا سابقآ مواضيع نتبادل فيها المزاح... فرجاء حذف ما كتبته و الخاص بي... فأنا أجدها مداخلة تنقصها اللياقة حتي و أن غلفتها بقالب كوميدي...

[Seafood]

لو حد تاني عايز يحذف الجزء الخاص به .. يبلغني .. ما عدا حشيش .. :angry: stnd::

[Seafood]

أهو الكلام دا أنا أعترض عليه يا أستاذة سلوى .. أنا كان قصدي إني أصور طريقتك في الكلام على أنها أقرب إلى الشعر.. بصفتك أديبة ولك قصص هنا في المنتدى .. والشاعر أو الأديب دائماً بيكتب كلام يعبر عما بداخله , وقد يبدو لمن يقرأه أنه غير مترابط .. ولكن الأديب فقط هو الذي يرى هذا الترابط .. ومش لازم إللي بيقرأ يفهم كل حاجة الأديب بيقولها .. وطبعاً لم أقصد أي إيحاء سيئ ..

وعلى أي حال سأحذفه هو أيضاً إن كانت هذه رغبتك ...

يبدو أن الإختلاف في التوجه الفكري .. بيجعلنا نفترض الأسوأ ...

أنا عارف مش ها يتبقى في الآخر غير كلام حشيش .. :angry:

تم تعديل 13 مايو 2004 بواسطة Seafood

[White heart]

لقد عبرت الدجاجة (الغير عادية) الطريق، حتى تنضم الى أقرانها الذين يعتقدون بمقولة غاندى:

من يسيطر على نفسه يصبح حراً كملك الغابة

[إبن مصر]

شهاده امام الله

من لا يعلم سيفود يظن به قصد اسقاطات معينه على شخوص بعينهم بهدف توجيه انتقاد ساخر لهم على طريقه الاعلام الموجه!!!!!!

ولكن

من يعلمه يصدق على كلامى بان له قلما ساخرا كوميديا حرمنا منه من فتره طويله لالتزامه بمبدأ معين او مخافه ان يكثر الضحك فى القلب فيموت الورع...

ولكنه ككاتب لا انكر انه حرفى كوميدى من الدرجه الاولى ومن منا لا ينسى موضوع لزمات المشاهير وقصه الاتوبيس التى ضمنها هذا الموضوع والتى اثارت جدلا واسعا فى محاورات المصريين كلها فى هذا الوقت والتى اتمنى ان يسعفنى الوقت لاعاده فتح هذه القصه مره اخرى....

ومن منا ينسى قصه كليه بهيه لسكوب والتى لولا ان سيفود شاءت الظروف الا يكون معنا فى وقت كتاباتها لكان له دور فيها مثلنا كلنا.

فى رأى الشخصى المتواضع ان نفترض حسن النيه حتى ثبات العكس ثم نبدأ بالغضب ....فرب كلمه ساخره تضع بسمه على وجه غاضب تعيد اليه هدوءه

هذا رأى الخاص وللجميع الحق فى الاخذ به او عدم الاخذ به.

وانتهزها فرصه لاطلب من سكوب ان يكمل ما بداه فى القصه القديمه سواء الكليه او الاخرى ....

ولاطلب من سيفود ان يستعد لاكمالا رحله التوبيس بعد اعادتها انشاء الله.....

ابتسامه بسيطه قد تؤدى الغرض

ابن مصر

[se_ Elsyed]

والله عال كلكم قاعدين في العشة وماحدش عزمني على ريشة حتى .. انا لسه شايف الموضوع ده النهاردة لأنه قديم بالنسبة لي وأعتقد سبق تناوله بمحاورات المصريين - أسف قصدي الصالون . بلاش دي كمان قصدي المحاورات - وقولت مش هايبقى فيه جديد .. لكن حيث إنكم نكشتوني وجيبتوا رجلي .. يبقى ماحدش يكاكي بقى قصدي يزعل .

شعنونة : عبرت الدجاجة الطررررررررررررررررريق عشان فيه بلاوي مستنياها الناحية التانية وماليش دعوة إحكموا إنتوا بقى وقولا رأيكم هل كان يصح غنها تعدي الطريق لوحدها من غير أي ديك ما يونسها.

لايت هاوس : عبرت الدجاجة الطريق عشان ( مخنوقة ومتضايقة ) .

نورا : عبرت الدجاجة الطريق عشان في ديك مستنيها الناحية التانية وهايتجوزوا قريب وهايملوا علينا العشة كتاكيت .

فريده : عبرت الدجاجة الطريق لتطالب العالم الأخر بحقوق الفراخ المضطهدين من الديوك .

فيروز : لا أعتقد أساساً إن الفرخه عبرت الطريق لأن في كلمة أستوقفتني في العبارة وأكدت لي ذلك وهي كلمة عبرت إذ أن العبور يستلزم ان يكون لدى الفرخه عقل تفكر به ولكن العكس هو الصحيح فالفرخه تتصرف بالسليقة .

أخناتون : عبرت الدجاجة الطريق لأنها تعتز بإمجادها الفرعونية ولأنها تعرف بإن الدجاج كان من الطيور المقدسة عند الفراعنة خاصة في الوجه القبلي .. ده إحتمال .

الإحتمال التاني : إنها تكون بتهرب بجلدها من غراب الخراب.

أسامة الكباريتي : عبرت الدجاجة الطريق لاني مرقد لها الناحية التانية وناوي اجيب رقبتها واعمل عليها طبق منسف بالزعتر .. والمرقة اللي هاتفيض منها ممكن أسقي بيها الكنافة النابلسية وطظ في الرجيم والكوليسترول وفي الدكاترة .

حشيش : عبرت الفرخه الطريق عشان ........ (ولا بلاش يا عم أحسن تكون الفرخة دي قريبة حد من المشرفين ويهبدني الإنذار الأخير والأقي نفسي منتوف ومرمي رمية الديك اليتيم بره العشه ) عامة يا س س ياخويا انا هابعتلك الأسباب في رسالة خاصة ليك إنت لوحدك .

مسلمه إيجيبشان ( سامحني يارب ) : عبرت الدجاجة الطريق لأن كان عندها عقد نفسية تريد ان تتخلص منها فمجرد عبورها الطريق هو خطوة إيجابية للتعبير عن إستقلالية القرار لديها ( انا قريت الكلام ده لعالم نفساني إسمه إسمه .. مش فاكره دلوقت .. بس هو في الأصل كان فرارجي .. فعشان كده عنده خبرة في الحاجات دي )

[Lighthouse]

.

لايت هاوس : عبرت الدجاجة الطريق عشان ( مخنوقة ومتضايقة ) .

طول مشاركاتي في محاورات المصريين مالقيتش حاجة عليها القيمة انا كتبتها علشان تعرف منها انا بافكر ازاي

:unsure: :blink:

[Lighthouse]

انت اللى ابتديت ياس س

استلم بقى :unsure:

س س

والله عال .. عبرت الدجاجة الطريقة لانها فتحت عشة حلاقة وناوية تنافسني

عبرت الدجاجة الطريقة مااستحملتش لانها مشرفة على عشة واحدة بس وانا الناحية دي مشرف 3 ابواب :D

س س مقاول انفار

ومتعهد تعدية الدجاج للطريق

:blink: bk:

[فــيــروز]

فيروز : لا أعتقد أساساً إن الفرخه عبرت الطريق لأن في كلمة أستوقفتني في العبارة وأكدت لي ذلك وهي كلمة عبرت إذ أن العبور يستلزم ان يكون لدى الفرخه عقل تفكر به ولكن العكس هو الصحيح فالفرخه تتصرف بالسليقة .

سليقه ايه وقلية ايه يا معلم :P

انا مابحبش الاكل المسلوق اصلا :) .. وماطيقش الفراخ السوتيه .. يوووه دكها الخضار لامؤاخذه بس ماحبش المساليق وخلاص :P :D

تم تعديل 18 مايو 2004 بواسطة فــيــروز

[se_ Elsyed]

نكمل التخبيط في الحلل =====>

إبن مصر : لماذا عبرت الدجاجة الطريق ، للإجابة على هذا السؤال يحضُرني بيت شعر ألفته دلوقت على عُجالة وكذلك قصة سيكوباتية دجاجية :

1- بيت الشعر وبأقول فيه :

ذبحوا مُهجتي لما .... ذبحوا لي دجاجةً بالفريكِ

- القصة السيكوباتية تقول :

وقررت الدجاجة أنها لابد أن تحدد مصيرها أما معهم أو عليهم ولذلك قررت عبور الطريق ، ولإن الطريق كان شاقاً ومليئاً بالصعاب والمناقير فقد توقفت فجاة على نقر أقدام تتبعها وحينما إلتفتت لترى كانت المفاجأة .. إنه يقترب يقترب يقترب يقترب يقترب ( يالهوي ) وفجأةً

إستيقظت الدجاجة على زغد زوجها الديك وهو يقول لها " قومي يا وليه إعمليلنا حاجة نأكلها "

[se_ Elsyed]

سكوربيون : لماذا عبرت الدجاجة الطريق ، ماحدش يجيب لي سيرة الفراخ .. يقطع الفراخ واللي بياكلوها ن المدام عندي هريتني فراخ مسلوقة كل يوم لما بقيت بكاكي دلوقت ، حدش ينوبكوا ثواب عنده طبق جبنة قديمة مع فحل بصل او حتت برنجان مخلل.

KWA : لماذا عبرت الدجاجة الطريق ،

السلام عليكم ورحمة الله وبركاته ،،،،،

حد ياخوانا لو سمحتم يقولي من خلال خبرته أسعار الفراخ إيه في مصر دلوقت سواء مدبوحة أو صحية ، وهل فيه موقع على الإنترنت ممكن من خلاله أعرف معلومات زيادة ومؤكده عن الموضوع ده .

أبو فصاد : لماذا عبرت الدجاجة الطريق ،

طريق إيه وهاي واي إيه ؟، يا سلام على منظر الفراخ وهي مطبوخة بالطريقة الأسباني .. أنا طبق الفراخ المُفضل عندي إسمه بالأسباني " فراخنيزيا " وبالمناسبة يا جماعة أنا عملت عشة فراخ محندقة على قدي كده في جنب من الجنينة وناوي أجيب كتاكيت اسباني صغيرة وأربيهم لحد ما يكبروا ويبقوا فراخ بداره .

د/ رجب : لماذا عبرت الطريق ، لن اتحدث عن عبور الدجاج للطريق أو تسلقها للإشجارحتى طالما الدستور المصري العتيق لم يتغير .. لأن مافيش فايدة .

نيرون : لماذا عبرت الدجاجة الطريق ، ما تعبر الطريق ولا تولع حتى أأأأأأأأأأأأأأف مليتوا العشش .

أفيونة : لماذا عبرت الدجاجة الطريق ، الدجاجة من حقها تعبر الطريق على " كيفها " طالما جالها " مزاج "

شريف عبد الوهاب : لماذا عبرت الدجاجة الطريق ، ببساطة لإن الإعلام الفاسد اللي موجود عندنا هو اللي صور لنا ذلك .

خلص الكلام.

إستنوني هاروح اتغدا وامخمخ في كام حاجات تاني .

[فــيــروز]

شريف عبد الوهاب: عبرت الدجاجه الطريق هربا من ثقافة البورنو .. الفرخه ارادت ان تعترض على عرض زميلاتها بصوره مخزيه فى محلات الفرارجيه !! :)

ما رايكم ان نفتح ملف البورنو الفراخى بعد ما نشرته جريدة "كتاكيت اليوم" فى عددها الاخير عن اغنية "البت بيضا" ووصفت فيها ابناء الفراخ بصوره يندى لها الجبين؟

خلص الفراخ taz::

تم تعديل 19 مايو 2004 بواسطة فــيــروز

[Sherief AbdelWahab]

شريف عبد الوهاب: عبرت الدجاجه الطريق هربا من ثقافة البورنو .. الفرخه ارادت ان تعترض على عرض زميلاتها بصوره مخزيه فى محلات الفرارجيه !! 

ما رايكم ان نفتح ملف البورنو الفراخى بعد ما نشرته جريدة "كتاكيت اليوم" فى عددها الاخير عن اغنية "البت بيضا" ووصفت فيها ابناء الفراخ بصوره يندى لها الجبين؟

خلص الفراخ 

كويس انك فكرتيني بالموضوع دة ..لحسن يجيلي احباط و ..أكاكي! :unsure: :huh:

سي السيد: ح أقوللك رأيي بصراحة في سبب عبور الفرخة الطريق:

شريف عبد الوهاب:هية عايزة كدة هية حرة..المهم ما تهاجمهاش الصحافة عشان عدت الشارع في الوقت اللي سايبة فيه كل الديوك يعدو الشارع من غير إحم و لا دستور!

وطبعا ما تنساش علامتي التجارية المميزة:

خلص الكلام

[se_ Elsyed]

هاندي كرافت : لماذا عبرت الدجاجة الطريق ؟

بالمناسة دي أنا هاعمل موضوع عن " الفراخ المعلبة ..... وطابور الجمعية " وهابين فيه العلاقة بين طابور الجمعية والطابور الخامس وتأثير ذلك كله على الفراخ المجمدة ، بحيث في الأخر كل واحد يبقى عارف الفرخة اللي جنبه دي طابور خامس ولا سادس .

مصر عشقي : لماذا عبرت الدجاجة الطريق ؟

ديك النهار نزلت انا والحاجة السوق نشتري جوزين فراخ ، فلقيت الحاجة بتقولي " فاكر يا حاج أيام العز بتاع زمان "، أيام ما كان جوز الفراخ أربع فِرد ... قولتلها الله يسامح بتوع ثورة الكاكي اللي نتفوا ريش الشعب وجابوا عالي العشة واطيها .. ماتفكرنيش يا حاجة .

إبن النيل : لماذا عبرت الدجاجة الطريق ؟

ماحدش لو سمحتوا يجيبلي سيرة الفراخ أحسن عندي حساسية منها والريش بتاعها بيهيج الجيوب الأنفية عندي ، فلو سمحتوا اللي معاه فرخه ولا ديك يقف بيهم بره باب محاورات المصريين إحتراماً لمشاعر باقي الزملاء .

إيقاع خليجي : لماذا عبرت الدجاجة الطريق ؟

- انا مسوي عزيمة لكل اعضاء محاورات المصريين الكرام وهاجيبلكم مندي دجاج ومع كل وجبة واحد بيبسي وتذاكر الطيران على حسابي .

سيده أبو زيد : لماذا عبرت الدجاجة الطريق ؟

- النهاردة هاقدم لكم إتيكيت أكل الفراخ :

لو كنت معزوم عند ناس وقدمولك فراخ لازم تتبع الإتيكيت الأتي عشان الناس مايقولوش عليك فلاح ومحدث نعمه:

1- حاول تقعد على ترابيزة السفرة بحيث تكون الفراخ على يمينك والشوربة على شمالك .

2- لو إنت بتحب الوراك وقدمولك الزلمكة .. ما ترفضش إقبل وتظاهر إنك بتاكل عشان ماتحرجهمش .

3- إوعى تعمل صوت وإنت بتشرب الشوربة حتى لو كانت سخنة ولسوعت لسانك .

4- إوعى تبص لنايب اللي جنبك وتقول إشمعنى انا واخد ربع فرخه واللي جانبي واخد نص .. دي أرزاق يابني ومقسمها سيدك .

5- طبعاً بعد الاكل بيفضل عضم .. حسك عينك ترمي العضم على مفرش الترابيزة او تحطه في الطبق ( طب اعمل إيه يا أبلة سيده ؟) .. خلي العضم في جيب البدلة الجواني ولما تطلع بره الشقة إبقى أرمية على السلم .

والمرة الجاية هأقدم لكم طريقة عمل "تورتة الفراخ بالدندرمة "،

أنا فاكرة الصيف اللي فات لما سافرت تركيا انا ومحمد كنا بنستعجب من منظر الفراخ في الشارع فتلاقي الديك من دول معدي الطريق وهو لابس الطربوش وماسك في إيده الكرباج ووراه الحريم قصدي الفراخ بتوعه ...

محمد أبو زيد : لماذا عبرت الدججة الطريق ( يا عم كلمة دجاجة فيها ألف بعد الجيم الأولانية ماتفضحناش ) ؟

ما شاء الله سيده موسوعة في الطبخ والإقتصاد المنزلي وبالرغم إني مابحبش إلا الفراخ البيضا ( عشان زملكاوي ) إلا إن سيده بتقول عليها مايعة ومافيهاش غذا يا محمد عشان كده هي بتصر إنها تطبخ الفراخ الحمرا البلدي والاقيها تغيظني وتنطور الريش الأحمر في كل مكان في البيت وانا مستحمل ومابتكلمش عشان المركب تمشي .

مجرمون : لماذا عبرت الدجاجة الطريق ؟

أنا تجنباً لأي شبهات ودرءاً للشك في ان تكون الفراخ مش مدبوحة حسب الطريقة الإسلامية فبافضل اكل اللحمة .

سي فوود : لماذا عبرت الدجاجة الطريق ؟

الموضوع هنا له شقان :

1- لو الدجاجة بصت لمسألة عبور الشارع بعيون أمريكية .. يبقى ربنا مش هايوفقها وهايوعدها بديك رذل ينقرها في دماغها وهي بتعدي أو ديك أرذل منه يكون معدي الشراع وراكب بلدوزر ويفرمها .

2- لو كانت أخدت القرار من نفسها وما أستوردتش الحلول من بره .. يبقى كده نقدر نقول إنها وصلت لدرجة نضج في إتخاذ القرار وبالتالي ممكن تكون مجتمع من الكتاكيت الاحرار اللي ممكن يعتمده على نفسهم في ظل الغابة التى نعيش فيها .

البحار الجريح و زملكاوي وأفيونة ( في حس واحد ) : لماذا عبرت الدجاجة الطريق ؟

- مافيش اجدع من الفراخ البيضا واللي يقول غير كده يبقى مابيفهمش في الفراخ قصدي في الكورة .

شرقية : لماذا عبرت الدجاجة الطريق ؟

حتى التحيز موجود في الفراخ كمان وعمالين تقسموها بيضا وحمرا وكأن مافيش فراخ إسمعلاوية خالص ... حسبنا الله ونعم الوكيل ،

والله العظيم طول ما الناس في مصر مابتشجعش إلا اللات والعزى ( الاهلي والزمالك ) يبقى مش هاينصلح حال العشه أبداً .

طــــه : لماذا عبرت الدجاجة الطريق ؟

الموضوع مش إن الدجاجة تعدي الطريق أو تسير على الرصيف ، المسألة يا جماعة إن كل دي إشاعات لأن الدجاجة عمرها ما تفكر تعدي الطريق وذلك لسبب بسيط جداً وهو إن الدجاج بيخاف جداً عشان كده في امريكا بيقولوا على الشخص الجبان " تشيكن هارت " فإزاي عايزين تقنعونا إن فيه دجاجة هاتعدي طريق فيه عربيات رايحة وجايه ..

انا لما كنت في الجزاير لقيتهم بيعاملوا الدجاج بمنتهى القسوة والعنف لدرجة الدجاج هناك قاطع البيض من الرعب .

د / صعيدي : لماذا عبرت الدجاجة الطريق ؟

يا عيني على الفراخ الياباني وحلاوتهم ... أدب إيه ونظام إيه ، أي نعم تلاقي الفرخة من دول أصغر من الكتكوت عندنا لكن في النشاط ما فيش كده ، تصوروا إنهم في اليابان بيشغلوا للفراخ موسيقى الجاز عشان يخلوا الفرخه من دول تبيض 3 مرات في اليوم .. مش زي الفراخ اللي في مصر اللي بيبيضوا حسب المزاج.

لانسلوت : لماذا عبرت الدجاجة الطريق ؟

انا باحب قوي اكل الفراخ البانية من إيد ماما ست الحبايب لأنها قالت لي إن ده بيساعد على المذاكرة والتركيز ، وبالمناسبة دي عايز اخد رأيكم في قصة من نوع الخيال العلمي ألفتها باللغة الإنجليزية وسميتها

" Chicken in a black night "

وترجمتها بالعربي هو " فرخة في ليلة سودا "

حشيش ( بعد ما بعت المداخلة الأول لمشرف الباب عشان يراجعها أحسن يكون فيها حاجة كده ولا كده : لماذا عبرت الدجاجة الطريق ؟

انا هاسمعكم اغنية كتبتها عن الموضوع ده ومطلعها بيقول " هـــش هــش يا ديك الفرخه دي مش ليك "

وكمان كتبت كصة كصيرة وسمتها " الشركسي " وتدور حول فرخه منحرفه إسمها نوسه إتجوزت ديك الجيران عرفي ولما أبوها فقس الموضوع ولع فيها وفي نفسه وفي العشه كلها .

[نيرون]

نيرون : لماذا عبرت الدجاجة الطريق ، ما تعبر الطريق ولا تولع حتى أأأأأأأأأأأأأأف مليتوا العشش

:blink:

:blink:

:blink:

cbyb: cbyb: cbyb: cbyb: cbyb:

كده يا معلمى!!!!!!!

تفرح الفراخ فيا!!!!!!

دى اخرتها!!!!!!!!!

بس مدام منك والله زى العسل حتى اللون الازرق فيها بينزر!!!

وبعدين وفيها ايه لما نملا البلد مش بلدنا

اما الى فى بالى!!!!!!!!!!!!!!!

افففففففففففففففففففففففففففف

ربنا يقل منهم كلهم

ملوا البلد htr::

[Sherief AbdelWahab]

جريدة نهضة مصر: عبرت الدجاجة الطريق لرغبتها في تجديد الخطاب الديني ، رغم رأينا بضرورة "متاواة" الدجاجة في أي حتة زي ما تاوينا فضيحة توقيعات الأعضاء الموقرين في البرطمان المحترم!

خلص الكلام

[الباشمهندس ياسر]

الباشمهندس ياسر : لقد عبرت الدجاجة الطريق لانها راحت تدور على عريس الناحية التانية

التهاااااااامى:الدجاجة عبرت الطريق لانها بتدور على اى طريقة تهرب بيها م البلد و تشوفلها حتة بيحترموا فيها حقوق الخلق

لولا : الدجاجة عبرت الطريق لكى تبحث عن معان انسانية راقية تتفق والحياة الطبيعية للخلق و ربما تستطيع ان تجد شيئا يلهمها قصيدة جديده او بيتا من الشعر

الجييييييييل الجدييييييييييد من المحاورين

لماذا عبرت الدجاجة الطريق

[محمــد عــز]

بوش : ان عبور الدجاجة الطريق يمثل تهديدا خطيرا جدااااااااااا

لأمن اسرائيل

ولهذا كان علينا اتخاذ الاجرءات المذكورة اعلاه

[لولا]

الباشمهندس ياسر : لقد عبرت الدجاجة الطريق لانها راحت تدور على عريس الناحية التانية

التهاااااااامى:الدجاجة عبرت الطريق لانها بتدور على اى طريقة تهرب بيها م البلد و تشوفلها حتة بيحترموا فيها حقوق الخلق

لولا : الدجاجة عبرت الطريق لكى تبحث عن معان انسانية راقية تتفق والحياة الطبيعية للخلق و ربما تستطيع ان تجد شيئا يلهمها قصيدة جديده او بيتا من الشعر

الجييييييييل الجدييييييييييد من المحاورين

لماذا عبرت الدجاجة الطريق

والله يا ياسر حسستنى اننا جيل قدييييييييييييييييم هنا :)

بس الإجابه اللى قلتها عنى ملعوبه صح :lol:

لولا