تحية الى سى السيد

[حشيش]

تحية الى سى السيد

لا أخفى عليكم أن سى السيد هو أقرب الأعضاء الى قلبى فى المنتدى دون أن يقلل ذلك من حبى وتقديرى للجميع gt: ... لعلها خفة دمه ومشاراكاته المتنوعة ونشاطه (الاجرامى ;)) فى كافة الأبواب بالأضافة الى ما به من خصال لئيمة (قصدى كريمة :D) متنوعة فهو ابن بلد ووطنى وعلى خلق ودين rs:...تحية إلى سي السيد فى يوم تكريمه من العضو الفاضل حشيش rs: rs: rs:

حرر فى غرة شهر المحرم 1400 هجرية الموافق للثانى عشر من مايو(تموز) 2004 ميلادية

[عصام]

حرر فى غرة شهر المحرم 1400 هجرية

;) :D gt: rs:

rs: rs: rs: cr((:

[Lighthouse]

يخرب عقلك ياحشيش

انت بجد مصيبة ;) :D

شوف س س ح يعمل فيك ايه هههههههههههه

gt: rs:

[Handicraft]

س س يا، يعيش يا ، يعيش يعيش يعيش

ايه يا حشيش هو النهارده عيد الأم؟

اصلى شكل لسه ما مافوقتش من النوم.

[se_ Elsyed]

حرر فى غرة شهر المحرم 1400 هجرية

يعني كاتب البؤين دول بقى لك 25 سنة ومخبيهم عني ... طبعاً كنت مدكن الوصية دي لحد ما السر الإلهي يطلع والورثة يجووا يفتحوا الخزنة يلاقوك موصي لي بثلاثة أرباع ثروتك الطائلة ...

أخي العزيز حشيش ، يعلم الله بإني أحمل الحب والإحترام للجميع وأساساً الواحد لو مش مرتاح في مكان يبقى إستحالة يقعد فيه .. إلا لو كان قاعد غصب عنه كأن يكون موجود في سجن أبو غريب او معتقل جوانتانامو .

وشكلك كده بتخطط تعمل مصيبة وبتقدم السبت عشان تلاقي الحد ... إنت عارفني انا ماعنديش ياما أرحميني .. ومسح الجوخ - الحاف - ماعرفوش .

[إبن مصر]

ومن ابن مصر لسى السيد اود ان اؤكد على

ما ذكره الرفيق حشيش ....

وبهذه المناسبه اهدى اليك الاغنيه التاليه تعبيرا عن..

روح معنويه وانك نبراسا و...و

وكده يعنى

يالله مع السلامو عليكم

[Lighthouse]

هو فيه ايه ياجماعة

يكونش س س داخل على منصب كتير

وكلكم ياعفاريت شغالين تهاني وتبريكات وبرقيات

واحنا نروح في الكازوزة ولا ايه ;)

لايت هاوس تهنئ س س بالمنصب المفتخر

وتدعو له بدوام الرقي والتقدم وربنا يلون ايامه ويرقيه من الاخضر للازرق :D

وياريت ماينساش الاعضاء الغلابة بحاجة ع الماشي كده gt:

[se_ Elsyed]

لأ إنتوا كده عارفين حاجة ومخبيين عليه ، يبقى الدكتور قالكم إن عملية اللوز فشلت وأيامي بقت معضوضة عشان كده كلكم إتفقتوا انكم تاخدوني على قد عقلي وماتزعلونيش وتجيبولي اللي نفسي فيه

وانا لازم استغل الفرصة واقولكم ان نفسي في الـ

الجوافة ( وش لونه اصفر وعنية داخله لجوه وماسك 10 ساغ فضة عمال يحدفها لفوق )

[أسامة الكباريتي]

معاك حق ياسي السيد ..

اصل احنا متعودين اننا نبهد الناس الكويسين ونطهقهم في حياتهم .. وندكن كل الكلام الحلو لما بعد الفراق ..

وكان الله يرحمه علما من الأعلام ... كان وكلن ..

مش متعودين اننا نكرمه في حياته ..

حتى الخواجة ونستون تشيرشل قالها من مدة كام سنة 40 كده والا 50 :

أحب ان أعيش في بريطانيا وان أموت في مصر ..

من كتر ماشاف تماثيل وتذكارات وتكريمات لأموات ..

لكن ولأن عند حشيش الخبر اليقين .. وحشيش مش زي الناس العاديين يعني .. وله كل جديد ومبتكر ..

فقد كانت بادرة أثني عليها أن يتقدم بهذا التكريم اللي باين انه صادر من القلب ..

ف

يا أستاذنا مش غلط يعني لو تقدمنا بشوية زعتر وزيت وجبنة نابلسية ومسخن ومقلوبة وكنافة بالجبنة (نابلسية برضه) .. مشاركة متواضعة في حفل التكريم الذي يقيمه الوجيه "حشيش" على شرف سي السيد .. سيد سادات حارة الظل الخفيف في المحاورات وجيرانها ..