تحيه الى البابا شنوده

[الغريب]

انا عاوز اكتب مداخله ,,

وكانت في بالي والله قبل ما اغابي تدخل ويحصل الموقف ده ,,

كنت عاوز اسال استاذي ابو عمر واخاه الغريب سؤال رفيع كده :

انتما حيثما كنتما طالما اكنما :happy:

معلش حقولها بالمصري

انتوا ليه ملكييين اكثر من الملك ؟؟,,

أخي الفاضل المعماري

أبدي وجهة نظرك في الموضوع المطروح كما فعلت في المشاركات التالية، ودون أن تسأل الغريب أو أبو عمر أسئلة شخصية

الغريب وضح في مداخلته بشكل مجازي كيل الدولة بمكيالين في موضوع مشابه، وأن القانون في حالة أحداث العمرانية تم وضعه على الرف بتبريرات غير منطقية من وجهة نظري

وإلا ستجدني أطرح عليك نفس التساؤل في كل مرة تظهر فيها الإمتعاض من حدث ما ببلدك ؟؟

شكرا

[م تيمور المراغي]

انا عاوز اكتب مداخله ,,

وكانت في بالي والله قبل ما اغابي تدخل ويحصل الموقف ده ,,

كنت عاوز اسال استاذي ابو عمر واخاه الغريب سؤال رفيع كده :

انتما حيثما كنتما طالما اكنما :happy:

معلش حقولها بالمصري

انتوا ليه ملكييين اكثر من الملك ؟؟,,

أخي الفاضل المعماري

أبدي وجهة نظرك في الموضوع المطروح كما فعلت في المشاركات التالية، ودون أن تسأل الغريب أو أبو عمر أسئلة شخصية

الغريب وضح في مداخلته بشكل مجازي كيل الدولة بمكيالين في موضوع مشابه، وأن القانون في حالة أحداث العمرانية تم وضعه على الرف بتبريرات غير منطقية من وجهة نظري

وإلا ستجدني أطرح عليك نفس التساؤل في كل مرة تظهر فيها الإمتعاض من حدث ما ببلدك ؟؟

شكرا

بس برضوا ماردتش على سؤالي يا غريب :happy:

انا قاصد طبعا اوجه اسالتي لحضرتك وللفاضل ابو عمر ولاي حد انا بوجه له اسالة مباشره

عشان مكاننا هنا هو المحاورات يعني شخص بيخاطب شخص مباشرة ,,

انما لو اقتصر الامر على ابداء وجهات النظر فيه منتدى جنبنا هنا روعه اسمه منتدى " وجهات نظر المصريين "

وبيشكروا فيه جدا جدا على فكره ههههه :happy:

[Diab]

بجد ومن غير تهكم

يا بختكم بباباكم

[م تيمور المراغي]

بجد ومن غير تهكم

يا بختكم بباباكم

عموما يا دياب حتى لو ماعندناش ضهر قوي زي اخواننا المسيحيين

فيكفينا اجر الصابرين على الابتلاء ,,

" إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ "

ولا انس نفي الدكتور من مصر والتجربه المريره اللي مر بها قبل كده ,,

[الغريب]

بس برضوا ماردتش على سؤالي يا غريب :happy:

انا قاصد طبعا اوجه اسالتي لحضرتك وللفاضل ابو عمر ولاي حد انا بوجه له اسالة مباشره

عشان مكاننا هنا هو المحاورات يعني شخص بيخاطب شخص مباشرة ,,

انما لو اقتصر الامر على ابداء وجهات النظر فيه منتدى جنبنا هنا روعه اسمه منتدى " وجهات نظر المصريين "

وبيشكروا فيه جدا جدا على فكره ههههه :happy:

لا مجال هنا أخي الفاضل لمزيد من الضحكات والتهكم و"إستخفاف الدم"

سألتني وقولت : لماذا أنت ملكي أكثر من الملك ؟

يعني المفترض أنك بتقولي : ليه زعلان من إفراج النائب العام عن الأشخاص ؟

وأجبتك

القانون في حالة أحداث العمرانية تم وضعه على الرف بتبريرات غير منطقية من وجهة نظري

أرجو منك أن تتبع كل موضوعات المحاورات لتسأل أي شخص ليه تحفظ على سياسة يراها خاطئة في البلد : لماذا أنت ملكي أكثر من الملك ؟

منتكلمش في أي مشكلة في مصر مادام حضرتك هتستنكر علينا بسؤالك : لماذا أنتم ملكيين أكثر من الملك ؟

عفوا.. ربما لم تصلك أنت فكرة منتدى "محاورات المصريين" أننا هنا مواطنين وليس متفرجين مطيبتين..

شكرا

تم تعديل 27 ديسمبر 2010 بواسطة الغريب

[م تيمور المراغي]

بس برضوا ماردتش على سؤالي يا غريب :happy:

انا قاصد طبعا اوجه اسالتي لحضرتك وللفاضل ابو عمر ولاي حد انا بوجه له اسالة مباشره

عشان مكاننا هنا هو المحاورات يعني شخص بيخاطب شخص مباشرة ,,

انما لو اقتصر الامر على ابداء وجهات النظر فيه منتدى جنبنا هنا روعه اسمه منتدى " وجهات نظر المصريين "

وبيشكروا فيه جدا جدا على فكره ههههه :happy:

لا مجال هنا أخي الفاضل لمزيد من الضحكات والتهكم و"إستخفاف الدم"

سألتني وقولت : لماذا أنت ملكي أكثر من الملك ؟

يعني المفترض أنك بتقولي : ليه زعلان من إفراج النائب العام عن الأشخاص ؟

وأجبتك

القانون في حالة أحداث العمرانية تم وضعه على الرف بتبريرات غير منطقية من وجهة نظري

أرجو منك أن تتبع كل موضوعات المحاورات لتسائل أي شخص ليه تحفظ على سياسة يراها خاطئة في البلد : لماذا أنت ملكي أكثر من الملك ؟

منتكلمش في أي مشكلة في مصر مادام حضرتك هتستنكر علينا بسؤالك : لماذا أنتم ملكيين أكثر من الملك ؟

عفوا.. ربما لم تصلك أنت فكرة منتدى "محاورات المصريين" أننا هنا مواطنين وليس مطيبتين..

شكرا

لا والله يا غريب انا مش كده خالص وانت اخطات 4 مرات ,,

اولا اخطأت في حقي لما تقول اني مطيباتي ربنا يسامحك ,,

ثانيا اخطأت لما قلت اني بستخف دمي لان ده ا سلوبي على العموم في التحدث بتلك الطريقه سواء معاك او مع غيرك

ثالثا اخطات لما قلت على نفسك مواطن لان ابسط التزامات المواطنه هي

" الفلسفة التي تعتقد أنه ينبغي لكل فرد من أفراد المجتمع العمل من أجل تحسين أوضاعها في جماعة مشتركة من خلال المشاركة الاقتصادية، والخدمة العامة ،و العمل التطوعي، وغير ذلك من الجهود الرامية التي تؤدي إلى تحسين الحياة من أجل جميع المواطنين. "

وانت معروف قناعاتك المسبقه مش مجال مناقشتها دلوقتي

رابعا اخطأت لما قلت : " ليه زعلان من إفراج النائب العام عن الأشخاص ؟" لان ده مش معنى جملة ملكي اكثر من الملك على الاطلاق

معنى تلك الكلمه هي اتخاذ التابعين موقفا لم يأخذه المتبوع بنفسه وعشان اوضح انتم قعدتم تقولوا هيبة الدوله ومباني الدولة وحق الدوله المهدور كل ده جميل ,,

لكن لما يجي رأس الدوله ويصدر القرار بالعفو يبقى الموضوع خلاص انتهى زي المثال اللي كنت ضربته للفاضلة مغتربة بجلسة العرب

لما كبير الجلسه بيقول رأيه خلاص كل الصغيرين بيسكتوا ,,

والمفروض اختلاف الراي مالوش دعوه بالموده يا غريب فماتبقاش غريب :happy:

[الغريب]

بس برضوا ماردتش على سؤالي يا غريب :happy:

انا قاصد طبعا اوجه اسالتي لحضرتك وللفاضل ابو عمر ولاي حد انا بوجه له اسالة مباشره

عشان مكاننا هنا هو المحاورات يعني شخص بيخاطب شخص مباشرة ,,

انما لو اقتصر الامر على ابداء وجهات النظر فيه منتدى جنبنا هنا روعه اسمه منتدى " وجهات نظر المصريين "

وبيشكروا فيه جدا جدا على فكره ههههه :happy:

لا مجال هنا أخي الفاضل لمزيد من الضحكات والتهكم و"إستخفاف الدم"

سألتني وقولت : لماذا أنت ملكي أكثر من الملك ؟

يعني المفترض أنك بتقولي : ليه زعلان من إفراج النائب العام عن الأشخاص ؟

وأجبتك

القانون في حالة أحداث العمرانية تم وضعه على الرف بتبريرات غير منطقية من وجهة نظري

أرجو منك أن تتبع كل موضوعات المحاورات لتسائل أي شخص ليه تحفظ على سياسة يراها خاطئة في البلد : لماذا أنت ملكي أكثر من الملك ؟

منتكلمش في أي مشكلة في مصر مادام حضرتك هتستنكر علينا بسؤالك : لماذا أنتم ملكيين أكثر من الملك ؟

عفوا.. ربما لم تصلك أنت فكرة منتدى "محاورات المصريين" أننا هنا مواطنين وليس مطيبتين..

شكرا

لا والله يا غريب انا مش كده خالص وانت اخطات 4 مرات ,,

اولا اخطأت في حقي لما تقول اني مطيباتي ربنا يسامحك ,,

ثانيا اخطأت لما قلت اني بستخف دمي لان ده ا سلوبي على العموم في التحدث بتلك الطريقه سواء معاك او مع غيرك

ثالثا اخطات لما قلت على نفسك مواطن لان ابسط التزامات المواطنه هي

" الفلسفة التي تعتقد أنه ينبغي لكل فرد من أفراد المجتمع العمل من أجل تحسين أوضاعها في جماعة مشتركة من خلال المشاركة الاقتصادية، والخدمة العامة ،و العمل التطوعي، وغير ذلك من الجهود الرامية التي تؤدي إلى تحسين الحياة من أجل جميع المواطنين. "

وانت معروف قناعاتك المسبقه مش مجال مناقشتها دلوقتي

رابعا اخطأت لما قلت : " ليه زعلان من إفراج النائب العام عن الأشخاص ؟" لان ده مش معنى جملة ملكي اكثر من الملك على الاطلاق

معنى تلك الكلمه هي اتخاذ التابعين موقفا لم يأخذه المتبوع بنفسه وعشان اوضح انتم قعدتم تقولوا هيبة الدوله ومباني الدولة وحق الدوله المهدور كل ده جميل ,,

لكن لما يجي رأس الدوله ويصدر القرار بالعفو يبقى الموضوع خلاص انتهى زي المثال اللي كنت ضربته للفاضلة مغتربة بجلسة العرب

لما كبير الجلسه بيقول رأيه خلاص كل الصغيرين بيسكتوا ,,

والمفروض اختلاف الراي مالوش دعوه بالموده يا غريب فماتبقاش غريب :happy:

أولا أسجل إعتذاري أولا إن كنت أسأت بك الظن في مداخلتك التي ورد فيها ما فهمته أنه سخرية..

ثانيا "وأنت معروف قناعتك المسبقة" لا أدري من أين عرفت قناعاتي ؟ ، وعلى كل حال هي عبارة غير لطيفة منك.

ثالثا قصدي من كلمة "مواطنين" هنا أني من حقي أن أثير ما بداخلي وأراه في مصلحة وطني، ولكنك أوردت تعريف لا يعنينا هنا ، ولو سلمنا به أليس عبارة "جميع المواطنين" التي أعتنيت بها تلزم الجميع بعدم الكيل بمكيالين.

رابعا هل تقصد برأس الدولة النائب العام، أم تقصد الرئيس، فمن أصدر القرار هنا هو النائب العام، ولن أجادل في صلاحياته، ولكن أليس لي عليه العدل ولو حتى في الظلم.

شكرا..

[م تيمور المراغي]

أولا أسجل إعتذاري أولا إن كنت أسأت بك الظن في مداخلتك التي ورد فيها ما فهمته أنه سخرية..

حصل خير يا غريب انا حظي كده بتفهم غلط كثير :happy:

ثانيا "وأنت معروف قناعتك المسبقة" لا أدري من أين عرفت قناعاتي ؟ ، وعلى كل حال هي عبارة غير لطيفة منك.

مادام دايقتك العباره سحبتها يا سيدي خلاص

ثالثا قصدي من كلمة "مواطنين" هنا أني من حقي أن أثير ما بداخلي وأراه في مصلحة وطني، ولكنك أوردت تعريف لا يعنينا هنا ، ولو سلمنا به أليس عبارة "جميع المواطنين" التي أعتنيت بها تلزم الجميع بعدم الكيل بمكيالين.

الله عليك هنا مربط الفرس ,,

انت تنادي بحقوق المواطنه الكامله والمساواه بين الجميع في الحقوق وفي الواجبات كمان

حستوضح بس النقطه دي منك يا غالي قبل ما اكمل ,,

رابعا هل تقصد برأس الدولة النائب العام، أم تقصد الرئيس، فمن أصدر القرار هنا هو النائب العام، ولن أجادل في صلاحياته، ولكن أليس لي عليه العدل ولو حتى في الظلم.

النائب العام بياخذ الضوء الاخضر من فوق وانت سيد العارفين ,,

ولو على الظلم انا عانيته اكثر ,, وقلت في مداخله سابقه مدى الظلم اللي تعرض له الدكتور بالنفي من مصر يعني تقريبا كده احنا في خندق واحد " مشاركه رقم 104 اللي حضرتك اديتني بوينت حمرا حمرا عليها حموتك احنا داخلين على انتخابات هههه "

شكرا..

[abaomar]

السلام عليكم

الاخوه الكرام جزاكم الله خيرا

.

تعجبت كثيرا يا ارش من ردك و الاغرب قناعتك

لماذا أنت ملكي أكثر من الملك ؟

و التى انت فيها يا ارش يا مسلم يا موحد تدافع بحماس عن مواقف البابا

و اراها تنطبق عليك تحديدا ...بشده

هل تعلم يا ارش ان هناك مسيحيين معارضين للبابا بسبب سياساته ؟؟

.

القانون يا ارش ليس ملكيه خاصه لرئيس الجمهوريه يعبث فيها كيفما شاء

القانون يا ارش هو الملاذ الوحيد بعد الله عز و جل للضعفاء

ماذا بنا و قد اصبح القانون ..يعرف عائشه ؟؟

فى حمايه القانون و استقلاليته نحن ملكيين اكثر من الملك نفسه لاننا بذلك نحمى ارواحنا و ارواح ابنائنا

من سيحمينى اليوم إذا تشاجر إبنى الصغير مع زميله المسيحى فى المدرسه و تطور الامر بينهما و قال ابنى لزميله كلمه لم تعجبه او حتى تطور الامر الى شجار و تصاعد لامر

من سيحمينى من جارى المسيحى الذى سيشعر بالانتفاخ و الاستقواء بسبب ما يحدث و ان له ظهر .

هل تعتقد ان تلك الاحداث لا تؤثر على نفسيات بعض المسيحيين من عينه المتظاهرين و المشاغبين فى احداث العمرانيه الاخيره ..الن يشعروا بالنفوذ نتيجه ضعف الطرف الاخر

هل سمعت يا ارش عن شئ إسمه ...التقسيم ..و الانفصال ؟؟

حسنا هل تراه بعيدا او مستحيلا ؟؟؟جنوب السودان عبره لمن يعتبر .

يا اخى ان هناك من المسلمين من إذا حصل على باسبور اخرى يمشى مزهوا و يحب الدخول فى اى مناوشه لإظهار هذا الباسبور و لو من باب التخويف للاخر الغلبان ..المصرى .

اى قانون هذا الذى يتم تجاوزه و التعدى عليه بهذا الشكل المهين ..

هذه هى المشكله يا ارش و ليس ..البابا شنوده ..

.

ثم يا ارش المشكله ليست من او مع المسلمين

احداث العمرانيه المسلمين ليسوا اصلا طرفا فيها و مشكله بيشوى ايضا و غيرها

كل ذلك المسلمين طرفا اضعف مستقوى عليه .ز

ماذا تظن بالرئيس الذى يتعامل مع المسيحيين بكل دعه و تفاهم و رحمه

على الجانب الاخر الديك فكره عن عدد المعتقلين المسلمين و اسباب اعتقالهم

هل تعلم ما معنى الاعتقال للاشتباه .

.

انا لم اكن احسد و انق ..كما تفضل الاخوه سابقا

انا اشعر بحسره شديده و الله و بغصه شديده و انا ارى ما يحدث

انا طبعا متفهم شعور اغابى التى تدافع عن مكاسب حققتها..جماعتها ..كما اشار بذلك سكوربيون من قبل

لكن الغريب انها متعلمه و جامعيه و المصيبه انها ...قانونيه ..و المضحك علمها بالشريعه الاسلاميه

طبعا الشاب الذى تجمهر و تظاهر و ضرب طوب و مولوتوف معذور جدا فى ما فعل إذا كان

فكر اغابى المثقفه المتعلمه القانونيه بهذا الشكل .

.

اعتذر انى كتبت المداخله اعلاه على عجاله و لى عوده لو تكرمتم .

[م تيمور المراغي]

يا خبر يا بو عمر كل الكلام ده وعلى عجاله هههههههههه :happy:

طيب انا الحق بقى استخبى قبل ما تروق وترجع تاني :happy:

طبعا ليا ردوود على كل نقطة حضرتك ذكرتها بس مستني لما تكمل ببيان كل مالديك ,,

وردودي حتعجبك ان شاء الله اوعدك

[الغريب]

طيب معلش ياريت نقرأ المقال ده، وأسأل الله أن يكون من وحي خيال الكاتب وليس حقيقة كما زعم

فتنة "الميكروباص"

هشام عبد العزيز

حدث هذا في صبيحة ذلك اليوم وأنا ذاهب لمقر عملي كالمعتاد في رحلة تستغرق نحو ساعة و 50 دقيقة أقضي منها أكثر من ساعة وربع مستقلاً إحدى سيارات الميكروباص، وفي ذلك اليوم استقللت السيارة لأجد إحدى السيدات تتحدث في هاتفها المحمول بصوت مرتفع للغاية، وأثار انتباهي إلى ارتفاعه أكثر تلك الجملة التي اخترقت أذني "دول مجموعة من المحجبات المتخلفات".. لم أهتم وظننت أن الأمر لا يتعدى خلافًا شخصيًا مع زملاءها أو جيرانها.. وفي كل الأحوال الأمر لا يعنيني.

واصلت السيدة حديثها في الهاتف وبوتيرة صوت متصاعدة، لأكثر من ربع الساعة، قبل أن تنهي المكالمة وتعاود مكالمة جديدة في الأغلب مع نفس الشخص وهو زوجها على مايبدو، وكانت محصلة المكالمات ما فهمت منه أنها سيدة مسيحية، حدث أنها وجدت ابنتها التلميذة في مرحلة الروضة بإحدى المدارس التجريبية، تردد الآذان وتطلب منها أن تستمع هي الأخرى بإنصات واحترام له، فظنت السيدة أن معلمة الطفلة هي من تلقنها ذلك مع تلميذات فصلها بالإجبار، وهو ما نفته ابنتها غير أنها لم تصدقها واعتبرت أنها تنفي خوفًا من بطش المعلمة.

فهمت كذلك من حديث السيدة في الهاتف، الذي اخترق أذني ولم أسترقه، أنها ذهبت للوم المعلمة ومديرتها، وتسللت سرًا إلى فصل التلاميذ لمراقبة مايحدث، ورغم نفي المعلمة إدارة المدرسة تلقين التلاميذ للآذان، لم تقتنع الأم وهددت باللجوء لإدارة التجريبيات وتصعيد الأمر.

إلى هنا قد تبدو الأمور منطقية، بل ومن حق السيدة تمامًا ما قالته، باستثناء بعض التجاوزات اللفظية في حق الإدارة والمعلمات "المحجبات المتخلفات" على حد وصفها، غير أن ما ألم يكن عاديًا ولم نعتد عليه في مصر واستفزني تمامًا، هو الحديث غير اللائق في مكالمة هاتفية أخرى أجرتها هذه السيدة مع شخص آخر.

طلبت السيدة من ذلك الشخص أن يذهب معها لإدارة المدارس التجريبية للاحتجاج والشكوى، في هذه المكالمة، قالت السيدة في وصف الآذان ألفاظ من قبيل: "مش عايزين نسمع الكلام بتاعهم ده، ده كلام فارغ وتخلف" مع فاصل من ضحكات السخرية، وهنا وجدت نقسي في قمة الاستفزاز، ليس من رأي السيدة، فربما هو رأيها الخاص وهي حرة أن تعتقد ذلك، ولكن ساءني مجاهرتها بهذه الإساءات في محيط تعلم جيدًا أن فيه مسلمين وربما أكثر الموجودين فيه.

هنا توجهت بحديثي لهذه السيدة، بمنتهى الهدوء، وطلبت منها ان تتحدث في هذه الآراء الشخصية والأمور الحساسة في مكان لا يؤذي مشاعري كمسلم، وفي مكان تتمتع هي فيه بخصوصية أعلى، ثم أخبرتها كذلك أن حديثها المتواصل في الهاتف يؤذيني كإنسان، لأن "الميكروباص" سيارة عامة ولي أيضًا حق استقلالها وسط أجواء مهيئة لرحلة طويلة.

لسنا أخوة

ثارت السيدة واعتبرت حديثي موجهًا إليها كمسيحية، وأنني "أصد عن كلمة الله" وهو التعبير الذي لم أعرف ما عنته به حتى الآن، وهنا ثارت مشكلة أكبر، أكثر من ثمانية من ركاب السيارة كانوا من المسيحيين، من بينهم السائق، وأربعة ضمنهم أنا من المسلمين، إنها نذر نموذج مصغر لفتنة طائفية داخل مجتمع سيارة ميكروباص، أو هكذا خشيت أن يكون الأمر.

تعالت الأصوات وتعددت التهديدات، ولكنها كانت من جانب واحد تقريبا، الجانب الأكثر عددًا، العدد الأكبر اعتبر ما قلته للسيدة من قبيل الاضطهاد الديني، والبعض الآخر اعتبر أنني مارست تضييقًا على حقها في الاسترسال في مكالماتها الهاتفية في مواصلة عامة، أما من حاول التدخل للتهدئة على اعتبار أننا في النهاية "أخوة" سارعت السيدة بنفي هذه العلاقة مؤكدة أننا "مش إخوات" وأني "شخص ليس له لزمة"، فكان الحل هو أن ترسو رحلة السيارة على أحد أكمنة الأمن العام الثابتة على الطريق ليفصل بيننا رجال الشرطة، كان ذلك بناءً على توصية من السائق والسيدة ووافق عليها الجميع، بما فيهم أنا، ربما التعامل مع الأمن أفضل من إراقة الدماء!

حاول ضابط الأمن تخويفنا تارة بأن "الموضوع هيتحول أمن دولة لو ما تصالحتوش"، طبعا والجميع يعلم ما سيحدث في أمن الدولة _مصالحة بقوة التهديد_ وتارة أخرى بمحاولة تهدئة الأوضاع على اعتبار أننا جميعًا أخوة _مرة أخرى رفضت السيدة التوصيف.

كانت المحصلة أننا امتثلنا للتهديد، واستكملنا الرحلة، وواصلت السيدة مكالماتها وواصلت ضحكاتها المستفزة والسخرية من شخصي في حديث مع نفسها مرة ومع من يجاورها مرة وفي الهاتف مرات كثيرة، وذلك قبل أن تشرع في تشغيل ترانيم دينية مسيحية بأعلى صوت في جهازها المحمول.

بعد أن أقسم لكم أني صادق تماما في كل حرف رويته، أتابع انه استفزتني جدا شكل العلاقة التي عليها بعض مسلمي مصر ومسيحييها الآن، والذي يلخصها نموذج "الميكروباص" وهي العلاقة التي أنتجتها غياب وجود قوي ومؤثر للدولة وأجهزتها، ومحاولة أطراف ما الاستفادة من رخاوة الدولة لفرض أمرًا واقعًا، انعكس بالضرورة على المشهد الاجتماعي المصري.

سأتفق الآن مع هذه السيدة.. لسنا أخوة.. فأخوة بهذا التوصيف أخوة كاذبة.. وسلوكيات من هذا القبيل قد تدفع المعتدلين أن يفقدوا اعتدالهم.. وراقبوا كيف صار خطاب المعتدلون على الطرفين أخيرًا.

تم تعديل 27 ديسمبر 2010 بواسطة الغريب

[م تيمور المراغي]

طيب معلش ياريت نقرأ المقال ده، وأسأل الله أن يكون من وحي خيال الكاتب وليس حقيقة كما زعم

قريت المقال يا غريب والحقيقه كنت متوقع مصيبه ما ولقيت الامر اخف من كده والحمد لله ,,

كل الاطراف هنا مخطأة من وجهة نظري ,,

السيده المسيحيه في حديثها غير اللائق عن مقدسات المسلمين ,,

لكن اقول برضوا ان السيد هشام كان ممكن يلفت نظرها بل ويكسب ودها واحترامها كمان والله لو عرف كيف يتصرف ,,

انا لو كنت جالس مكانه كنت حتصرف احسن من كده بكثير ,,

وكنت حعرف اكسب احترام السيده دي بل واعتذارها عما بدر منها من اخطاء غير مقبوله ,,

حتقول لي طيب ازاي يعني ما تقول لنا يافالح ؟

حقول لك حاضر ,, تعالى نركب انا وانت الميكروباص و تشوف اسلوبي هاديء ازاي :happy:

[masraweya]

حقول لك حاضر ,, تعالى نركب انا وانت الميكروباص و تشوف اسلوبي هاديء ازاي :happy:

بجد و من غير أي معاني مبطنة

ممكن تقولي كنت هتتصرف ازاي؟ .. ربنا ما يحطنا في موقف زي ده

بس احب اتعلم

[الغريب]

طيب معلش ياريت نقرأ المقال ده، وأسأل الله أن يكون من وحي خيال الكاتب وليس حقيقة كما زعم

قريت المقال يا غريب والحقيقه كنت متوقع مصيبه ما ولقيت الامر اخف من كده والحمد لله ,,

كل الاطراف هنا مخطأة من وجهة نظري ,,

السيده المسيحيه في حديثها غير اللائق عن مقدسات المسلمين ,,

لكن اقول برضوا ان السيد هشام كان ممكن يلفت نظرها بل ويكسب ودها واحترامها كمان والله لو عرف كيف يتصرف ,,

انا لو كنت جالس مكانه كنت حتصرف احسن من كده بكثير ,,

وكنت حعرف اكسب احترام السيده دي بل واعتذارها عما بدر منها من اخطاء غير مقبوله ,,

حتقول لي طيب ازاي يعني ما تقول لنا يافالح ؟

حقول لك حاضر ,, تعالى نركب انا وانت الميكروباص و تشوف اسلوبي هاديء ازاي :happy:

أخي المعماري زادك الله حلما وخلقا

الرجل قال في مقاله

هنا توجهت بحديثي لهذه السيدة، بمنتهى الهدوء، وطلبت منها ان تتحدث في هذه الآراء الشخصية والأمور الحساسة في مكان لا يؤذي مشاعري كمسلم، وفي مكان تتمتع هي فيه بخصوصية أعلى، ثم أخبرتها كذلك أن حديثها المتواصل في الهاتف يؤذيني كإنسان، لأن "الميكروباص" سيارة عامة ولي أيضًا حق استقلالها وسط أجواء مهيئة لرحلة طويلة.

وعلى كل حال مش مشكلة هو غلطان والست صح :blink: ، ولكن ما أحببت الإشارة إليه وهو موضوعنا هنا، أن القرار الجديد وسياسات الدولة في هذه المسألة تفتن شركاء الوطن

لاحظ أننا منذ بدء مشاركتنا هنا لم نسئ لأحد أبدا

يا بشمهندس أناعاوز لما يحصل خلاف بيني وبينك ونحتكم للقانون والشرطة ، يكون نفس المشهد ده متكرر لكل أفراد الشعب ، ميكونش في طرف أقوى لأن ليه ظهر ، متتحولش المشكلة لأمن الدولة، كلنا سواسية

بالله عليك عاوز أيه أكتر من كدة لين ..

يا جماعة ليه بندفع المعتدلين للتطرف تحت وطأة الظلم والكيل بمكيالين

رجاء أستشعروا الخطورة وقولوا للأب أعدل بين ولديك ، حتى دي كمان هتختفي

[م تيمور المراغي]

اشكرك غريب على دعائك الكريم ,,

عاوز اوضح حاجه مهمه ,,

هل في حد من الموجودين انا وانت واخواننا المسيحيين مع الخروج على النظام او مخالفة القانون ,,

هل لو واحد مسيحي نزل ضرب امين شرطه مثلا عشان عمل له مخالفة واتسجن ,, هل اغابي او تيمور او زوهيري او اي حد من وجهة النظر التانيه طوال التوبيك ده ,, حل حد فيهم كان حيفتح بؤه ؟ ,, طبعا لأ

احنا كل كلامنا ان تعاطي الدوله كان غير موفق من البدايه مع المشكلة وجاء رد فعلها بعد ما الدنيا اتقلبت طيب ماكان من الاول ,,

جملتك الكريمه " رجاء أستشعروا الخطورة وقولوا للأب أعدل بين ولديك " هل اي زميل كريم هنا في المنتدى مهما كانت ايدلوجياته حيختلف فيها معاك ؟

طيب ماتيجي نضع الجمله دي ارضية اتفاق بيننا كلنا ونبدأ بانفسنا ,,

الدهماء والعامه عملوا مشاكل وحيعلوا الى يوم الدين مشاكل مع بعض

سواء مسيحين ومسلمين او اهلي وزمالك طيب تعرف

اراهنك انه بعد بكره حتلاقي اتنين اهلاويه نازلين شتيمه وضحك في الاتوبيس بتاع الزمالك اللي مر قدامهم

وانت عارف وانا عارف وهما عارفين ان واحد فيهم مسلم والتاني مسيحي ,,

مش ابو عمر ساهم بامواله في رزواج جاره المسيحي ؟

هل تعتقد ان تصرف بالشكل ده حيكون ليه مردوود سلبي مثلا على كل المسيحيين اللي في شارعهم ؟

دوري ودورك ودور كلاللي هنا اننا ننشر ثقافة التسامح والمحبه والمواطنه القايمه على احترام العقائد لكل طرف وعدم تعدي اي طرف على مقدسات الطرف الاخر ,,

تعتقد ان ابو عمر مثلا لم يحصل على ثواب لما فرج ازمة جاره المسيحي ؟

يحضرني مثال اعفيني ان اذكره لكن الاحسان مطلوب من المسلمين في كل شيئ ومع كل خلق لله من انسان ونبات وجماد ,,

لما تلاقي مشكله حدثت بين فريقين سيكون فرض عليك وقتها انك تتدخل وبكل قوة لاصلاح ذات البين ووأد الفتنة في مهدها ,,

اسال الله انه يحفظ مصر من شر الفتنة اللي عصفت تقريبا بكل الدول اللي حولها

انه قريب مجيب ,,,

تم تعديل 27 ديسمبر 2010 بواسطة architect

[ريمون]

السلام عليكم

الاخوه الكرام جزاكم الله خيرا

.

...

القانون يا ارش هو الملاذ الوحيد بعد الله عز و جل للضعفاء

ماذا بنا و قد اصبح القانون ..يعرف عائشه ؟؟

فى حمايه القانون و استقلاليته نحن ملكيين اكثر من الملك نفسه لاننا بذلك نحمى ارواحنا و ارواح ابنائنا .

و عليكم السلام و رحمه الله و بركاته يا ابا عمر

كلام حضرتك جميل و اتفق معاه تماما

بس ليه حضرتك مطالبتش بتحقيق القانون و العداله بشكل كامل

مسمعتش حد فى المنتدى بيطلب بمحاكمه قيادات الامن اللى امرت بمهاجمه المعتصمين و ضربتهم بالرصاص و قتلت اتنين منهم؟

و حرام يبقى موت و خراب ديار يعنى

فعلى الاقل لو اللى قتلوا الشابين دول متحاكموش يبقى اللى عملوا الشغب ميتحاكموش برضوا

مش معقول نحاكم ناس بالشروع فى القتل و نسيب قتيلين يعنى!

انا معاك اللى عمل شغب يتحاسب بس على الاقل يفتحوا تحقيق فى اللى فتح نار على الناس و قتلهم

[م تيمور المراغي]

حقول لك حاضر ,, تعالى نركب انا وانت الميكروباص و تشوف اسلوبي هاديء ازاي :happy:

بجد و من غير أي معاني مبطنة

ممكن تقولي كنت هتتصرف ازاي؟ .. ربنا ما يحطنا في موقف زي ده

بس احب اتعلم

عاوزاني اقول لك بالكلمه يا مصراويه حتصرف ازاي

طيب انا مش حعرف اقولها كده لانها حتبان -اسلوب كلام هاديئ وعادي

لكن اللي متاكد منه ان ربنا سبحانه وتعالى وهب لناس كثيرة كاريزما احتواء الطرف الاخر بالحكمه و لطيف الكلم ,,

دي انا اتعرضتلها 70 مره قبل كده ولامره الطرف اللي قصادي فضل مصر على خطأه ولم يعتذر

لو تحبي اقرب لك الصوره ,,

تخيلي ان عمرو خالد هو اللي جالس جنب السيدة مباشره وفتح معاها باسلوبه السمح الحوار بكل هدوء ولباقه ,,

لو تقري كلمة السيد هشام حرف حرف حتلاقي انه قفز من نقطة العتاب الرقيق في البدايه الى توجيه التعليمات واصول التربيه الى السيده التي تجلس بجواره

لو دققتي النظر كمان حتلاقي انه لم يذكر مقاطعتها له في اول الجمله بل كان يسترسل في الكلام مما يدلك انها لم تقاطعه عندما بدأ بالحسنى ,,

الناس في مصر بطبعها غلبانه اوي

والكلمه الطيبه والابتسامه اللي بتشع حب حقيقي مش مزيف ليها وقع السحر والله صدقيني ,,

تم تعديل 27 ديسمبر 2010 بواسطة architect

[مغتربة]

طيب لو سواسيه

يبقى الدوله تعطيهم حق بناء الكنايس بدون اي منغصات

دي الدوله المدنيه الحقيقيه اللي بتتكلمي عنها وبتنادي بيها

انما اللي موجود دلوقتي اشبه بالسلطه فعلا

لا هي مدنيه ولا هي دينيه ,,

هو حقيقى استاذ ارتيتكت انا مش عارفه النقطه الى بنتكلم عنها هل هى واحده لينا احنا الاتنين و لا لا

كون ان الدوله تلتزم بالقانون حاجه و كون شكلها ايه حاجه تانيه تماما

مدنيه او دينيه دا مش تصنيف مساوى لدوله يحترم فيها القانون او دوله ينتهك فيها

و معلش لكن انا بجد مش قاره افهم فكر حضرتك يعنى انت عايز كل فئه يكون ليها ضهر و يجبلها بقى حقوقها او مطالبها سواء حقه او باطله و لا عايز دوله الجميع سواسيه امام قانونها سواء قانونها دا قائم على اساس دينى او مدنى

انا لا اتكلم عن دوله مدنيه او غير مدنيه فى ردى هذا انا اتكلم عن تفعيل القانون و احترامه و النقطتين دول مش زى بعض

حضرتك بتتكلم فى نقطه بعيده جدا عن الى بناقشها هنا

تحياتى

[م تيمور المراغي]

طيب لو سواسيه

يبقى الدوله تعطيهم حق بناء الكنايس بدون اي منغصات

دي الدوله المدنيه الحقيقيه اللي بتتكلمي عنها وبتنادي بيها

انما اللي موجود دلوقتي اشبه بالسلطه فعلا

لا هي مدنيه ولا هي دينيه ,,

هو حقيقى استاذ ارتيتكت انا مش عارفه النقطه الى بنتكلم عنها هل هى واحده لينا احنا الاتنين و لا لا

كون ان الدوله تلتزم بالقانون حاجه و كون شكلها ايه حاجه تانيه تماما

مدنيه او دينيه دا مش تصنيف مساوى لدوله يحترم فيها القانون او دوله ينتهك فيها

و معلش لكن انا بجد مش قاره افهم فكر حضرتك يعنى انت عايز كل فئه يكون ليها ضهر و يجبلها بقى حقوقها او مطالبها سواء حقه او باطله و لا عايز دوله الجميع سواسيه امام قانونها سواء قانونها دا قائم على اساس دينى او مدنى

انا لا اتكلم عن دوله مدنيه او غير مدنيه فى ردى هذا انا اتكلم عن تفعيل القانون و احترامه و النقطتين دول مش زى بعض

حضرتك بتتكلم فى نقطه بعيده جدا عن الى بناقشها هنا

تحياتى

طيب اشمعنى انا اللي اروح للنقطه بتاعتك ماتيجي انتي هنا للنقطه بتاعتي :happy:

حستاذن منك نص ساعه اروح البيت ولي عوده بالتعقيب ان شاء الله

تحيتي ليكي مغتربة

[اغابي]

الطرف الاخر

انا لم اكن احسد و انق ..كما تفضل الاخوه سابقا

انا متاكدة من كدا لانى بفهمك اكثر من كل هؤلاء اللذين وصفوك بالبطل القومي

المظلوم - وعلى انك ما تقصدش حاجة

انا الوحيدة اللى بفهم ما بين السطور فى كل كلمة بتكتبها يا ابو عمر وعارفة برضوه قصدك الظاهر والخفى

انا اشعر بحسره شديده و الله و بغصه شديده و انا ارى ما يحدث

وانا متاكدة وبقول للجميع يبقى انا فهمتك صح – ياريت الناس اللى دخلت تدافع عن وجهة نظرك يعيدو حساباتهم

انا طبعا متفهم شعور اغابى التى تدافع عن مكاسب حققتها..جماعتها ..كما اشار بذلك سكوربيون من قبل

اولا انت للاسف الشديد - مش متفهم حاجة

ثانيا بالنسبة للكلام اللى موجه منك ليا وللفاضل سكوربيون

انا حاتكلم فيما يخصنى

بالنسبالى انا

اى مكاسب وعلى حد تعبريك مع ان المصطلح مش عاجبنى بتاتا - لكن نتكلم بيه – جماعتى دددوووول اللى بتحكي عنهم

اى مكاسب حققوها ولسة بيبنو الكنيسة بدماء شهداء منهم

اى مكاسب حققوها وانا مش عايشة فى مصر ومهاجرة بره مصر انا واهلى كلهم لاننا حاسين بالظلم

يبقى المكسب الوحيد اللى اتحقق هو مكسبك انت يا ابو عمر مش انا

وبعدين صيغة المكاسب حققتها جماعتها

حسستنى ان مصر اتقسمت نصين – جماعتك وجماعتي ومين يفوز فى الحرب الدايرة

لكن الغريب انها متعلمه و جامعيه و المصيبه انها ...قانونيه ..و المضحك علمها بالشريعه الاسلاميه

الغريبة والمصيبة والمضحك

كلمات ومصطلحات اخترتها لتلائم ابو عمر اكثر من اغابي

ينطبقوا عليك فى الدوامة اللى انت حابس وكابس نفسك فيها –

انا خايفة من غيظك من البابا يجرالك حاجة – لا قدر الله- لانه كلها اوهام فى خيالك

صدقنى يا ابو عمر المسيحين مش واخدين حقوقهم بالطريقة القانونية

كل القوانين فى مصر لا تلائم المسيحين وضدهم واولها دور العبادة

شوف قضية نجع حمادى بعد اسبوع تكمل سنة ولسة ما اتحكم فيها - ليه هو دم المواطن المصري المسيحي رخيص الى هذا الحد - سنة كاملة ولسة القضية ما اتحكم فيها - هو داه القضاء المصري النزيه ؟؟

على الاقل انا متعلمه وجامعية واتغربت اه وافتخر ان مفيش حد قدر يعملى غسيل دماغ ويخليني اهاجم اهل بلدي وشركائي فى الوطن

او اغير مبادئ

طبعا الشاب الذى تجمهر و تظاهر و ضرب طوب و مولوتوف معذور جدا فى ما فعل إذا كان

فكر اغابى المثقفه المتعلمه القانونيه بهذا الشكل .

معذور اذا كان فكر ابو عمر انه استباح دماء الشابين الذين قتلوا برصاص الشرطة

ولا جاب سيرتهم لا من بعيد ولا قريب

معذور لان ابو عمر اخوه المسلم اللى بيوقف وراه فى طابور العيش - اصبح القاضي والجلاد – بيحكم وينفذ الحكم

معذور لان ابو عمر المثقف - الى هذه اللحظة لم يعرف بعد

ان كل ما يقوم به البابا والمسيحين بسبب قلة حيلتنا وان لينا حقوق ومش عارفين نجيبها من الحكومة وليس العكس

.

اعتذر انى كتبت المداخله اعلاه على عجاله و لى عوده لو تكرمتم

وانا فى انتظارك ولى عودة

:clappingrose:

.

تم تعديل 27 ديسمبر 2010 بواسطة اغابي