تحيه الى البابا شنوده

[م تيمور المراغي]

علشـان دول مسـيحيين في السجن تحطهم

طيب لو كانوا مسلمين مش كنت سامحتهم

مش كنت سامحتهم؟

:closedeyes:

ما هي دي المصيبة ... إننا سامحنا المسيحين وعمرنا ما سامحنا المسلمين

واحد جاري من 3 سنين قرر يسافر لأهله في قرية بعد الزقازيق .. و ركب مواصلة للزقازيق و منها يسافر بلده ...قدره اليوم ده كان في مظاهرات في الزقازيق .. هو نفسه مش عارف بتاعة إيه ...وقف بوكس شرطة ... اتشد في وسط الناس الي اتاخدت ... حاجة طبيعية ماهوده قانون الطوارئ ... جاري ده فضل أربع شهور في المعتقل بدون أي جريمة ... الراجل ده اتقبض عليه قبل رمضان بأسبوع ...

هو أب لأربعة أبناء أكبرهم في تانية اعدادي ... عدى عليهم رمضان من غير أبوهم و عدى عليهم عيد الفطر تبص للأولاد كأنهم يتامى مهما حاول الجميع مساعدة تلك الأسرة فلا يعوضهم غياب رب هذه الأسرة ... و بعد العيد جت المدارس و بعد المدارس جه العيد الكبير ... و لا وجود للأب في كل هذه الأعياد ... جاري ده موظف و كل صفته إنه مواطن مصري محترم ...

يحكي بعد رجوعه أنه لم يكن وحده بل كان المئات في نفس التوقيت ..... يعني كان ممكن أكون أنا أو غيري أو اي واحد من الناس اللي أعصابهم هادية

الناس الهادية اللي مستغربين إن فيه ناس بتسأل ... بتسأل بس .. ليه ... ليه أفرجوا عن الي عملو الشغب

سامحناهم يا سيدي ... إنت زعلان ليه .. شأنك إيه .... لأ عفوا ... دا شأني ونص ....

ماهو لم تسامح و تبين طيبة القلب متسامحش اللي ضرب و كسر .... و تسجن أخويا اللي كان ماشي في الشارع ... ماشي في حاله

لما تسامح في عشرة بيسرقوا البلد عيني عينك ....متسجنش آلاف الفلاحين للي سالفين خمسميت جنيه من بنك التسليف الزراعي

لما تسامح و تصرح لمحلات للخمور و أعياد الكريسماس والفلانتاين .... سامح و سيبني أعتكف في الجامع من غير ماتاخد بطاقتي و بياناتي لأمن الدولة

لما تسامح لأي بنت أو إمرأة فيكي يا مصر تلبس اللي هي عايزاه .... سامح و سيب اختي تلبس النقاب اللي هي عايزاه

يسامحونا كلنا .....

مش عاوزين غير إننا نعيش عيشة فل احنا الكل .... و بس

انا معاك يا عادل في كل الكلام ده ,,

بس العيب هنا والظلم واقع من مين ؟

من الحكومه علينا ,, ام من المسيحيين ؟؟

[الغريب]

انا معاك يا عادل في كل الكلام ده ,,

بس العيب هنا والظلم واقع من مين ؟

من الحكومه علينا ,, ام من المسيحيين ؟؟

ما هو أنت يا بشمهندس لم يعجبك حتى أن نضع العيب على الحكومة ، ولما بنضعه على الحكومة بتسألنا هل نحن ملكيين أكثر من الملك ؟

هو شكل العيب فينا أحنا ديما للأسف

تحياتي

[عادل أبو عمر]

انا معاك يا عادل في كل الكلام ده ,,

بس العيب هنا والظلم واقع من مين ؟

من الحكومه علينا ,, ام من المسيحيين ؟؟

سؤال جميل يا تيمور

في مداخلة لي أول أمس قلت فيها

الدولة نفسها ... لأنها تساهم في التسبب في الاحتقان بتطبيق القانون بمكيالين و تميز بين المواطنين على أساس الدين ...تبعا للضغوط التي تتم عليها

بس عايز أقولك حاجة ...

افترض أنا و إنت أخين في بيت واحد لأب واحد ... عايشين مع بعض

أنا لما أغلط أتجر من رقبتي و اتسحل في الشارع و آخد بال.... القديمة

إنت لما تغلط .. تاخد جنب و متكلمهوش . و هو يسكت .. و بعدين ابن عمك في أمريكا يتصل يهدد أبوك إنه مش هيبعت له المصروف . ...

فجأة الاقي ذلك الأب الجبار - ليس إلا علي وحدي - نفس الأب يقابل خطأك بالصفح و الطبطبة

هل تعتقد أن النفس البشرية السوية تقبل هذا .. من الأب و من الأخ ؟؟

[م تيمور المراغي]

انا معاك يا عادل في كل الكلام ده ,,

بس العيب هنا والظلم واقع من مين ؟

من الحكومه علينا ,, ام من المسيحيين ؟؟

ما هو أنت يا بشمهندس لم يعجبك حتى أن نضع العيب على الحكومة ، ولما بنضعه على الحكومة بتسألنا هل نحن ملكيين أكثر من الملك ؟

هو شكل العيب فينا أحنا ديما للأسف

تحياتي

صباح الخير يا غريب ,,

انا لما قلت ملكيين اكثر من الملك كنت اقصد تحديدا قرار العفو الصادر من الرئيس للافراج عن المعتقليين قبل الاعياد ,,

لكن غير كده مين يرضى عن ا لفساد وحال البلد المايل ,,؟

حتى راجع مداخلاتي في مواضيع تانيه ,,

[اغابي]

علشـان دول مسـيحيين في السجن تحطهم

طيب لو كانوا مسلمين مش كنت سامحتهم

مش كنت سامحتهم؟

:closedeyes:

ما هي دي المصيبة ... إننا سامحنا المسيحين وعمرنا ما سامحنا المسلمين

استاذى الفاضل

من هم المسلمين من وجهة نظرك اللدين تطالب لهم بالسماح

؟؟؟؟؟

هل فيه فئة مسلمة معينة تقصدها ولا عموما الكلام عن كل المسلمين

لو عن كل المسلمين - ما رايك بالمسلمين الذين تم الافراج عنهم بصك براءة معتمد وغير عادى

فى قضية الكشح بعد قتل 20 من الاقباط ما بين اطفال ونساء ورجال وحرقهم وهم احياء

حادثة الكشح عبارة عن أعمال عنف واضطرابات وقعت في 31 ديسمبر 1999 في منطقة الكشح في جنوب مصر. أدت أعمال العنف إلى مقتل 20 شخصا كان 19 منهم من أتباع الكنيسة القبطية وأصيب 33 آخرون بجروح [1]. استنادا إلى افادات رسمية عن الحادث فإن خلافا وقع بين تاجر قبطي وأحد الزبائن المسلمين عشية رأس السنة في 31 ديسمبر 1999 كان السبب وراء اندلاع المواجهات، إلا أن التوتر كان سائدا في البلدة عندما استرعت الكشح الانتباه الدولي للمرة الأولى في عام 1998، عندما اتهمت جماعة مصرية تعنى بحقوق الإنسان الشرطة باعتقال مئات الأقباط وتعذيب العديد منهم أثناء تحقيقها في جريمة قتل اثنين من المسيحيين وعبرت الجماعة عن اعتقادها بأن الشرطة وقتها كانت تريد إلصاق التهمة بأحد الأقباط لتجنب تصعيد حدة التوتر بين المسلمين والمسيحيين [2]

ما رايك فى صك البراءة المنتظر لقاتلى اقباط نجع حمادي ليلة عيد الميلاد

بعد مرور ما يقرب من عام دون الاسراع فى اجراءات الحكم ولا حيتحكم بيه اصلا - ما علينا اهو كله تحت التسامح الفعلى

وكان المتهمين في حادثة نجع حمادى قد اعترفوا بقيامهم بالهجوم على مطرانية نجع حمادى واطلاق النار بشكل عشوائي على مجموعة من المسيحيين اثناء خروجهم بعد قداس عيد الميلاد .

وقد تم احالة الجناة بـ حادثة نجع حمادى وهم محمد احمد حسن الكومي – قرشي ابو الحجاج محمد علي و هنداوي السيد محمد حسن بعد القبض عليهم الى النيابة لبدء التحقيقات ومعرفة تفاصيل وملابسات احداث نجع حمادى ، وكان مرتكبي حادث نجع حمادى قد اضطروا للاستسلام لرجال الامن بدون مقاومة بعد ان ضيقت الخناق عليهم وحاصرتهم بمنطقة الزراعات بين مركز فرشوط و نجع حمادى بمحافظة قنا .

وبداية حادثة نجع حمادى قام المتهمين في حادثة نجع حمادى بفتح نيران بنادق آلية على تجمعات للأقباط في ساعة مبكرة يوم الخميس 7-12-2009 قرب المطرانية وكان إطلاق النار عشوائيا.

على فكرة عندى صكوك براءة وغفران كتير من الحكومة للمسلمين فى اعمال عنف ضد المسيحين يا استاذى الفاضل

بس اذا وقت حضرتك يسمح

الصراحة ما تزعلش - قول اللى عندك وانا حاسمعه وانا حاقول اللى عندى برضوه

صباح الخير

تم تعديل 29 ديسمبر 2010 بواسطة اغابي

[م تيمور المراغي]

انا معاك يا عادل في كل الكلام ده ,,

بس العيب هنا والظلم واقع من مين ؟

من الحكومه علينا ,, ام من المسيحيين ؟؟

سؤال جميل يا تيمور

في مداخلة لي أول أمس قلت فيها

الدولة نفسها ... لأنها تساهم في التسبب في الاحتقان بتطبيق القانون بمكيالين و تميز بين المواطنين على أساس الدين ...تبعا للضغوط التي تتم عليها

بس عايز أقولك حاجة ...

افترض أنا و إنت أخين في بيت واحد لأب واحد ... عايشين مع بعض

أنا لما أغلط أتجر من رقبتي و اتسحل في الشارع و آخد بال.... القديمة

إنت لما تغلط .. تاخد جنب و متكلمهوش . و هو يسكت .. و بعدين ابن عمك في أمريكا يتصل يهدد أبوك إنه مش هيبعت له المصروف . ...

فجأة الاقي ذلك الأب الجبار - ليس إلا علي وحدي - نفس الأب يقابل خطأك بالصفح و الطبطبة

هل تعتقد أن النفس البشرية السوية تقبل هذا .. من الأب و من الأخ ؟؟

طيب نقطة نظام ,,

الاول انت مقتنع ان البابا قام متصل باوباما مثلا عشان يخللي الرئيس يفرج عن المعتقليين ؟

كان من باب اولى ضغط عشان قانون دور ا لعباده الموحد او تعيين الاقباط في المناصب الحساسه

النظام خلاص اسقط ورقة التوت الاخيرة,,,

اما ان اخويا واخذ مميزات عني فلو بتسالني انا تحديدا ايوه ,,

انا عشان اكبر اخوتي دايما بعطيهم ميزه في كل امر يجمعنا كلنا عشان انا الكبير ,,

اما لو قصدك زميل مثلا اخذ مزايا اكثر مني فاحكيلك اول ماتخرجت كانت زميلتي نفس دفعتي مرتبها اكبر وهنا في جده كمان زميلي الامريكي مرتبه ضعف مرتبي هل ده مدعاه اني الوم عليها او عليه ؟؟

اللوم على الاداره هنا انما هما زملاء واصدقاء ,,

وبعدين حنفضل ماسكين في بعض و سايبينلهم البلد و الهم طايلنا كلنا ؟

انت فاكر عشان هو مسيحي مابيقفش في طوابير العيش ولا بيجي عليه نص ا لشهر مافيش مليم في البيت

القصد ,, خلينا نصلح ذات البين ونتفرغ لما هو اهم ,, مستقبل البلد

كولي احبق :happy:

تم تعديل 29 ديسمبر 2010 بواسطة architect

[الغريب]

صباح الخير يا غريب ,,

انا لما قلت ملكيين اكثر من الملك كنت اقصد تحديدا قرار العفو الصادر من الرئيس للافراج عن المعتقليين قبل الاعياد ,,

لكن غير كده مين يرضى عن ا لفساد وحال البلد المايل ,,؟

حتى راجع مداخلاتي في مواضيع تانيه ,,

صباح النور يا بشمهندس

بس أنت لسه مصّر أن قرار العفو من الرئيس وليس النائب العام !!

طيب لو سملتلك أن قرار العفو هذا صدر من الرئيس بعد زيارة البابا شنودة (التي دعي إليه بالمناسبة ولم تكن بمبادرة منه)

فهل قرار العفو الأسبق بردو كان بنفس الشكل

[م تيمور المراغي]

صباح الخير يا غريب ,,

انا لما قلت ملكيين اكثر من الملك كنت اقصد تحديدا قرار العفو الصادر من الرئيس للافراج عن المعتقليين قبل الاعياد ,,

لكن غير كده مين يرضى عن ا لفساد وحال البلد المايل ,,؟

حتى راجع مداخلاتي في مواضيع تانيه ,,

صباح النور يا بشمهندس

بس أنت لسه مصّر أن قرار العفو من الرئيس وليس النائب العام !!

طيب لو سملتلك أن قرار العفو هذا صدر من الرئيس بعد زيارة البابا شنودة (التي دعي إليه بالمناسبة ولم تكن بمبادرة منه)

فهل قرار العفو الأسبق بردو كان بنفس الشكل

تاني النائب العام :happy:

يا جماعه النائب العام مالوش سلطه اخذ قرار سياسي بالدرجه دي من غير ضوء اخضر من الرئاسه

احلفلكم ؟ :happy:

طيب خلينا يعني نتخطى نقطة مين قال لمين ونرجع لجوهر الموضوع ,,

السؤال ,,

هل من الحكمه تهدئة الاجواء ام التصعيد ؟

[ابو محمود]

عندما تجد شريكك يضعف ويقوم بالتنازلات لابد ان تطلب كل ما تقدر علية حتى لو طلبت منة ان يذبح اولادة لك سيفعلها لانة ضعيف وخائف بل يندرج تحت المستسلم

فلا حرج ان نشاهد اليوم علو صوت او ظلم فادح او تغير لتركيبة وطن فكل شيء فى مصر اصبح بالثمن والدفع مقدمآ والعيب ليس بالشريك بل فى من يتنازل لابد ان يتم تصحيح الاوضاع ولن يأتى هذا التصحيح بالقوة بل بالعقل والتفكير والتدبر فلننظر جميعآ حولنا اين ثوابتنا وأين يكمن ضعفنا هل لقلتنا ام لتهافتنا على التمتع بما يصنعة الغير لنتمتع بة فاصبح كل همنا التمتع بالحياة كباقى خلق الله مع اننا تسيدنا العالم بمبدآ أخر وهو العدل وعندها استراح الحاكم والمحكوم وتلونت الدنيا جميعها الا القليل منها بلون اخضر اضاء للبشرية طريق الحضارة والرقى وعندما تاة منا العدل ضاعت هيبتنا وهنا على انفسنا وانقسمنا عليها وقسينا عليها ايضآ فما أحلى الرجوع اليك ايها العدل عندها سوف ابنى بلا خوف او رجاء من احد لانى قوى بالعدل الذى هو صفة خالق تلك الحياة فلنبدآ بتقويم انفسنا وعندها سننتصر عليها ونمتلك حريتنا ومنها الى التسيد على جبابرة الخلق مهما تعالو او تجمعو على من صفاتة انة يحكم ويحكم بالعدل

[mustafagamiel]

السلام عليكم

هل من الحكمه تهدئة الاجواء ام التصعيد ؟

لا الحكمة هي التهدئة لكن

لكن لكل مقام مقال ياهندسة

يعني في فرق بين العفو والتسامح وفي فرق بين الخضوع لحساب طرف على الاخر

وحكومتنا مش في وضع عفو او تسامح واي واحد شايف هذا الكلام

والمساوة في الظلم عدل

اعتقد ان الامور واضحة جدا فليس من المنطقي ان ندافع من منطق الحكمة

وبرضه يعني هل كون الريس عفا عنهم نسكت ولا نتكلم ولا نناقش مافعه بدعوه انه هو الريس

ليه التناقض وليه الكيل بمكيالين ياجماعة

[م تيمور المراغي]

السلام عليكم

هل من الحكمه تهدئة الاجواء ام التصعيد ؟

لا الحكمة هي التهدئة لكن

لكن لكل مقام مقال ياهندسة

يعني في فرق بين العفو والتسامح وفي فرق بين الخضوع لحساب طرف على الاخر

وحكومتنا مش في وضع عفو او تسامح واي واحد شايف هذا الكلام

والمساوة في الظلم عدل

اعتقد ان الامور واضحة جدا فليس من المنطقي ان ندافع من منطق الحكمة

وبرضه يعني هل كون الريس عفا عنهم نسكت ولا نتكلم ولا نناقش مافعه بدعوه انه هو الريس

ليه التناقض وليه الكيل بمكيالين ياجماعة

مداخله مميزه يا مصطفى ,,

وحقول تاني رغم اني قلت كثير قبل كده ,,

الخضوع ده لو كان المتظاهرين رجعوا بيتهم ما باتوش في السجن شهر وزياده ,,

لو انت شايف ان الحكومه اضعف من الكنيسه انا مش شايف كده خالص ,, الحكومه جباره علينا احنا الاتنين

انا كنت بناقش هل قرار الرئيس سليم من الناحيه القانونيه شكلا ام لا ,, اما موضوعا دي نقطه تانيه

لو تفتكر ان كل اللي رأيهم زي موافقين على تكسير الممتلكات والشغب والخروج عن ا لقانون فاطمنك عنهم ماحدش يوافق على ده

[عادل أبو عمر]

استاذى الفاضل

من هم المسلمين من وجهة نظرك اللدين تطالب لهم بالسماح

؟؟؟؟؟

هل فيه فئة مسلمة معينة تقصدها ولا عموما الكلام عن كل المسلمين

الفاضلة أغابي

صباح الخير على حضرتك

بالتأكيد لا أقصد الكلام عل العموم .. يعني واحد مسلم قتل أبوه أو جاره أو واحد ماشي في الشارع ... هل يوجد عاقل يطلب ان نسامح مثل هذه الفئة المجرمة ....

أنا أقصد الفئة التي ذكرتها تحديدا في مداخلتي عن قصة جاري

واحد جاري من 3 سنين قرر يسافر لأهله في قرية بعد الزقازيق .. و ركب مواصلة للزقازيق و منها يسافر بلده ...قدره اليوم ده كان في مظاهرات في الزقازيق .. هو نفسه مش عارف بتاعة إيه ...وقف بوكس شرطة ... اتشد في وسط الناس الي اتاخدت ... حاجة طبيعية ماهوده قانون الطوارئ ... جاري ده فضل أربع شهور في المعتقل بدون أي جريمة ... الراجل ده اتقبض عليه قبل رمضان بأسبوع ...

هو أب لأربعة أبناء أكبرهم في تانية اعدادي ... عدى عليهم رمضان من غير أبوهم و عدى عليهم عيد الفطر تبص للأولاد كأنهم يتامى مهما حاول الجميع مساعدة تلك الأسرة فلا يعوضهم غياب رب هذه الأسرة ... و بعد العيد جت المدارس و بعد المدارس جه العيد الكبير ... و لا وجود للأب في كل هذه الأعياد ... جاري ده موظف و كل صفته إنه مواطن مصري محترم ...

يحكي بعد رجوعه أنه لم يكن وحده بل كان المئات في نفس التوقيت ..... يعني كان ممكن أكون أنا أو غيري أو اي واحد من الناس اللي أعصابهم هادية

حضرتك موضح بالخط الأحمر من أقصد ... أي مواطن مصري محترم أيا كانت ديانته

و هذه الفئة وحدها بالآلاف في المعتقلات و السجون بدون أي ذنب ....

حضرتك ليكي قرايب في الشرطة كما ذكرتي في مداخلة في مكان آخر ... لكن واحد زيي بالتحديد مالوش قرايب في الشرطة ... ممكن يتعمل فيه كدة ... و أروح ع السجن بدون أي ذنب ...

يبئى كدة حضرتك شايفة إننا أنا وحضرتك مواطنين مصريين متساويين في المعاملة في نفس الدولة ...

فقط للتوضيح موضوع أحداث نجع حمادي و غيرها وحتى اللي اتقتلوا ( اكرر اللي اتقتلوا ) في أحداث العمرانية ... لا يمكن لعاقل أن يرى قاتلهم بأي صورة غير صورة القاتل و لا يوجد أي مبرر لقتل أي نفس حرمها الله مهما كانت ديانتها ...

وأقف مع كل من يطلب محاكمة قاتلوا الأبرياء في مصر في هذه الأحداث ومثلها كثير مثل حادث عبارة السلام التي نتج عنها 1500 قتيل

تقبلي تحياتي

[mustafagamiel]

انا كنت بناقش هل قرار الرئيس سليم من الناحيه القانونيه شكلا ام لا ,, اما موضوعا دي نقطه تانيه

لا من ناحية قانوني فهو قانوي الراجل بيصدر قرارات دون المرور على مجلس الشعب

موضوعي لا واي واحد محايد يقول لا

الخضوع ده لو كان المتظاهرين رجعوا بيتهم ما باتوش في السجن شهر وزياده ,,

عشان بس حبك الدراما

لو انت شايف ان الحكومه اضعف من الكنيسه انا مش شايف كده خالص ,, الحكومه جباره علينا احنا الاتنين

الحومة من ناحية هي جبارة جبارة لكن لكل حوت أحوت منه

يعني الامور السياسية تماما اعتقد في يد حسني باشا والحكومة ليس القدرة حتى وزير الخارجية لقد القدرة في بت بعد الامور لااننا بنعاني من المركزية الشديدة في اي شأن بخصوص المسيحين دياما له حساسية شديدة ولابد من وجه نزر الريس انا معاك تماما ان القرار بيد حسني وليس بالنائب العام

ياريت الانصاف فعلا

[عادل أبو عمر]

الاول انت مقتنع ان البابا قام متصل باوباما مثلا عشان يخللي الرئيس يفرج عن المعتقليين ؟

اما ان اخويا واخذ مميزات عني فلو بتسالني انا تحديدا ايوه ,,

باشمهندس

أنا قلت

و بعدين ابن عمك في أمريكا يتصل يهدد أبوك إنه مش هيبعت له المصروف . ...

ماقلتش إن حد هنا اتصل و الفرق كبير كما تعلم ...

بس فيه ناس في المهجر ربنا يهديهم مش مستنيين حد يتصل بيهم... لوحدهم بيعملوا أكتر من الواجب ...

لدرجة إن أخويا ساعات هو نفسه اللي بيستنكر بعض أفعالهم ...

و بعدين حضرتك تحدثت عن الفروقات في المزايا و لكني اتحدث عن الفروقات في العقاب و شتان بينهما ....

فكلنا في الهم سوا في موضوع المزايا .... و لا خلاف أننا جميعا نعاني من الصحة و التعليم و رغيف العيش .. لا فرق بيننا

لكن التفريق في المعاملة في العقاب ... أكلمك بصدق ... لا تترك الصدر إلا و به غصة و ألم ... علاجها الوحيد هو العدل

بارك الله في يومنا هذا و في عمرنا كله ...

صباح الفل

تم تعديل 29 ديسمبر 2010 بواسطة عادل أبو عمر

[MZohairy]

الكل لم يلتفت الى اهمية التفرقه بين متهم و متهم آخر

بين بعض الجماعات الإسلامية الإرهابية و بين مجموعة من الجماهير تظاهرت و قامت بأعمال شغب

بين متهم ماضيه اسود و مليئ بالإغتيالات و الأعمال الدمويه (و ابرز ضحاياهم رئيس الجمهوريه الأسبق) و بين متهم ليس له سوابق

شوية عدل لجل النبي يا مصريين

اي انسان واعي و عادل لو بيحكم أكيد مش حيساوي بين الإتنين

شوية صدق مع النفس يا مسلمين

اشكركم

[mustafagamiel]

بين بعض الجماعات الإسلامية الإرهابية و بين مجموعة من الجماهير تظاهرت و قامت بأعمال شغب

وحد جاب سيرة الجماعة الاي حضرتك بتقول عليها ؟

وبعدين تقريبا الجماعة دي انتهت

برضه مقارنة مش في محلها خالص

[MZohairy]

بين بعض الجماعات الإسلامية الإرهابية و بين مجموعة من الجماهير تظاهرت و قامت بأعمال شغب

وحد جاب سيرة الجماعة الاي حضرتك بتقول عليها ؟

وبعدين تقريبا الجماعة دي انتهت

برضه مقارنة مش في محلها خالص

لو حضرتك عرفتني نوعية المسلمين المحبوسين حاليا نقدر نوضح الموضوع

لو المسلمين المحبوسين حاليا مواطنين عاديين مالهمش نشاط يتعلق بالسياسه و الجماعات الإسلاميه يبقى كلكم معاكم حق

اما من تشبه بهم فلا لوم على الحكومه في معاملته معامله تليق بسجل المتشبه بهم السابق

[الغريب]

بين بعض الجماعات الإسلامية الإرهابية و بين مجموعة من الجماهير تظاهرت و قامت بأعمال شغب

وحد جاب سيرة الجماعة الاي حضرتك بتقول عليها ؟

وبعدين تقريبا الجماعة دي انتهت

برضه مقارنة مش في محلها خالص

لو حضرتك عرفتني نوعية المسلمين المحبوسين حاليا نقدر نوضح الموضوع

لو المسلمين المحبوسين حاليا مواطنين عاديين مالهمش نشاط يتعلق بالسياسه و الجماعات الإسلاميه يبقى كلكم معاكم حق

اما من تشبه بهم فلا لوم على الحكومه في معاملته معامله تليق بسجل المتشبه بهم السابق

مشجعي الزمالك :closedeyes:

[م تيمور المراغي]

مشجعي الزمالك :closedeyes:

http://www.youtube.com/watch?v=x6Ij5oGn_pY

[عادل أبو عمر]

الكل لم يلتفت الى اهمية التفرقه بين متهم و متهم آخر

بين بعض الجماعات الإسلامية الإرهابية و بين مجموعة من الجماهير تظاهرت و قامت بأعمال شغب

بين متهم ماضيه اسود و مليئ بالإغتيالات و الأعمال الدمويه (و ابرز ضحاياهم رئيس الجمهوريه الأسبق) و بين متهم ليس له سوابق

شوية عدل لجل النبي يا مصريين

اي انسان واعي و عادل لو بيحكم أكيد مش حيساوي بين الإتنين

شوية صدق مع النفس يا مسلمين

اشكركم

الأستاذ الفاضل mzohairy

كل الاحترام لشخصك الكريم

ممكن تسمح لي بسؤال هو ليه حضرتك متمسك برأيك و مش عاوز تغيره ... مش هو ده الي حضرتك بتنتقده في غيرك ...

حضرتك بقولك واحد جاري اتقبض عليه 4 شهور كان ماشي في الشارع ... هي دي جريمة ؟؟؟؟

اتسجن و معاه مئات بسبب قانون الطوارئ و منع التظاهر ...

وهكرر للمرة الألف و الله كان مسافر لقريته و مالوش دعوة بأي حاجة

بقول لحضرتك مراته و عياله الأربعة قضوا رمضان و عيدوا عيدين من غيره و كمان استلفوا فلوس عشان يدخلوا عيالهم المدارس ....

لما نقول عاوزين نساوي بين واحد بريء زي ده .. و بين الي اتقبض عليه متلبس بعمل شغب و مقاومة الشرطة ...

يكون رد حضرتك

شوية عدل لجل النبي يا مصريين

اي انسان واعي و عادل لو بيحكم أكيد مش حيساوي بين الإتنين

شوية صدق مع النفس يا مسلمين

كل الي قلناه إن اللي يسامح المفروض معندهوش نقاوة ... ده عفو مش إفراج لحسن السير و السلوك ..

بالله عليك .. حضرتك يرضيك إيه .. عرفنا عشان نفهم حضرتك شايف العدل إزاي

حضرتك إزاي حكمت على واحد مقبوض عليه ظلم و آلاف مثله ... إنهم يستاهلوا لأنهم في رأيك من الجماعات الإرهابية

إذا كان الي قبض عليهم بكل جبروته ... لم يتهمهم بهذه التهمة و أفرج عنهم بعد أربع شهور ...

يبئى مين هنا اللي ملكي أكتر من الملك ...

( الجملة مقتبسة من حوارسابق للباشمهندس تيمور بس مش لاقي تعبير تاني أقرب لما أريد توضيحه )

كل التحية و الاحترام