يعنى اية الرضا بالنصيب؟؟؟

[ذهبية]

واصنا دينا الاسلامى الحنيف بالرضا بالنصيب

فى الرزق و الجواز و المال و الاولاد

والحمد الله على اللى كتبة ربنا لينا

لكن سؤال دايما بيراودنى

هل الرضا بالنصيب معناة الركن على كدة و عدم التعب على اعتبار ان دة نصيبى و الى ربنا كاتبة ليا

هل الرضا بالنصيب يتعارض مع الطموح

و لية بنتهم من عندهم طموح ومن يرفضون واقعهم و يرغبون فى تغيرة انهم مش بيحمدوا ربنا و انهم ناكرين

و اية حدود اللى بتفرق بين الرضا بالنصيب و رغبة الانسان فى التغير فى حياتة

و هل مجرد سعى الانسان الى تغير حياتة بالسفر الى مكان تانى اوز تغير وظيفتة دة نوع من رفض الواقع و نوع من الجحود

وعدم الرضا بنصيبة

لية لما الانسان يجرب حاجة جديدة على امل انة يغير حياتة و يفشل فى دة اول كلمة بتتقال لة عشلان انت مرضتش بنصيبك حصل لك كدة

هل معنى الرضا انى اتبع بعض الاراء اللى بتقول لو ربنا كاتب لك حاجة هتجيلك لو كنت فين ؟؟؟؟

طيب فين السعى و فين الاجتهاد و فين الطموح ؟؟؟

[fatfouta]

أهلا ذهبية حبيبتى

فيه فرق كبير وطبعا انتى عارفاه بين انتى اتوكل على الله او التواكل

والتواكل ده تقريب هو انى اعمل ذى مانتى بتقولى أضحك على نفسى واقول انا راضى بنصيبى وما سعاش ورا رزقى فيه ناس كتير فعلا فاهمة الموضوع ده غلط ومش بتفرق بين الاتنين

طبعا الرضا هو أحسن شئ فى الدنيا بس أبقى راضية باللى فى ايديا واللى ربنا قسمهولى ومابصش لأى نعمة فى ايد اى حد تانى وأقول الحمد لله دايما هو ده مفهوم الرضا عندى

لية لما الانسان يجرب حاجة جديدة على امل انة يغير حياتة و يفشل فى دة اول كلمة بتتقال لة عشلان انت مرضتش بنصيبك حصل لك كدة

الكلمتين اللى فوق دول مش تمام خالص واللى بيقول كده للأسف بيحبط اللى ادامه لان الانسان لازم دايما يحاول ويجرب يغير نفسه للاحسن وحتى لو فشل مايسمعش كلام اى حد يحاول يهدمه ولازم يرجع يحاول تانى طبعا

احنا اصلا عايشين كل حياتنا عبارة عن تجارب سواء نجحت او فشلت بس اهى بتعلمنا شئ جديد وبتقوينا اكتر من ما كنا عليه

ربنا يوفقك يارب ويحعلك ويجعلنا دايما راضيين عن اللى مقسوم لنا :rolleyes:

[بركة]

الاستخارة مع كل خطوة في حياتنا يتبعها تيسير الخير لنا من الله والذي لا يعلمه سواه

فيحدث الامر المستخار بشأنه او لا يحدث

فتلك هي الخيره ..طالما انك تستخير إذا فما نتج عن الاستخارة هو خير

ويبقى اخر كلمة في دعاء الاستخاره لتوضح الناتج من التسليم لاختيار الله لنا

" ثم ارضني به "

إذا فهو سعي ثم حيره تحلها الاستخارة ثم استشارة أهل التخصص ومن ثم ماينتج

عن كل هذا لابد أن يتبعه الرضا بما قسمه الله لنا .

" مش أنت وكلته سبحانه الوكيل يبقى صدق أنه ذو بصيره ويعلم ما يخفى "

[رضوي]

السلام عليكم ورحمة الله وبركاته

يعني ايه رضا ؟؟؟؟؟؟

يعني أنا صحيت الصبح وتوكلت علي الرزاق وخرجت من بيتنا سعياً وطلباً للرزق .......... وربنا رزقني بنصيبي

يعني ذهبت للصيد ربنا رزقني بسمكتين ........... شكرت ربنا وحمدته ورجعت البيت راضية ومبسوطة

هنا الرضا بالقسمة والنصيب

ايه دة ؟؟؟

لحظة بس يعني الرضا دة محصلش الا بعد السعي وطلب الرزق ؟؟؟

ايوة بالظبط .......... بعد لما سعيت وبذلت كل مافي وسعي ولم ادخر جهداً رضيت بما قسمه الله عز وجل لي

يعني ماقعدش في البيت ونمت وبعيدن قلت معلش هو دة نصيبي مافيش رزق النهاردة وانا راضية

لا

الرضا بعد السعي وبذل كل ما استطع من جهد ........ دون كلل او ملل

يعني الرضا دايما بيقي رضا بالنتائج وليس بالمقدمات ........ بعدما بذلت كل ما استطع ارضي بالنتيجة واشكر ربنا عليها

طيب

انا ذاكرت واجهدت وسهرت وحفظت وفهمت

وف الاخر النتيجة جيد بس

لا دة انا تعبت اوي

بس دي نتيجتي

خلاص يبقي انا اشوف نقط ضعفي فين وايه اللي معملتوش واصلحة السنة الجاية علشان احسن من مستوايا

طيب هنا انا عندي طموح عايزة احققه ............ بس دة مايمنعش اني رضيت بما قسمه الله لي

يعني احمدك يارب علي نتيجة السنة دي ويارب السنة الجاية اكون افضل واحسن

الرضا ليس مضاد للطموح

بالعكس

الرضا مرادف للطموح ......... لان الطموح يعني السعي ........ والرضا يأتي بعد السعي

طيب ايه هو عكس الرضا ؟؟

عكس الرضا × السخط

وهو دة اللي حرام

طبعاً ماننساش الحديث الشريف

" لو أنكم تتوكلون علي الله حق توكله , لرزقكم كما يرزق الطير تغدوخماصاً وتروح بطانا "

طبعا الحديث هنا ذكر السعي كشرط اساسي للتوكل ........ والا انقلب للتواكل

الرضا يعني انا عندي بيت صغير يادوب علي ادي انا واسرتي ........ بس نفسي في فيلا كبيرة ........ يبقي بحمد ربنا علي البيت دة وبسعي وبجتهد للحصول علي الفيلا ......... جت يبقي الحمد لله ,ماجتش برده الحمد لله وانا عملت اللي عليا

لكن عدم الرضا او السخط

اني عندي بيت صغير ومش عاجبني وقرفانة منه وببص لفيلا فولان وقصر مش عارف مين وبقول ليه يارب اشمعني هما عندهم وانا ماعنديش

وطبعاً ماننساش الحديث القدسي

يابن آدم لك علي رزق ولي عليك فريضة , فإن خالفتني في فريضتي لم اخالفك في رزقك , وان رضيت بما قسمته لك أرحت قلبك .... وان لم ترضي بما قسمته لك , فوعزتي وجلالي لأسلطن عليك الدنيا تركض فيها كركض الوحوش في البرية ولا ينالك منها الا ماقسمته لك وكنت عندي مزموما "

دة غير بقي الرضا في المصائب والمرض والموت ..........الخ اعتقد ان دة موضوع تاني خالص

اللهم اجعلنا من الشاكرين الطائعين الراضين بقسمتك يارب العالمين

[Diab]

السلام عليكم ورحمة الله وبركاته

يعني ايه رضا ؟؟؟؟؟؟

يعني أنا صحيت الصبح وتوكلت علي الرزاق وخرجت من بيتنا سعياً وطلباً للرزق .......... وربنا رزقني بنصيبي

يعني ذهبت للصيد ربنا رزقني بسمكتين ........... شكرت ربنا وحمدته ورجعت البيت راضية ومبسوطة

هنا الرضا بالقسمة والنصيب

ايه دة ؟؟؟

لحظة بس يعني الرضا دة محصلش الا بعد السعي وطلب الرزق ؟؟؟

ايوة بالظبط .......... بعد لما سعيت وبذلت كل مافي وسعي ولم ادخر جهداً رضيت بما قسمه الله عز وجل لي

يعني ماقعدش في البيت ونمت وبعيدن قلت معلش هو دة نصيبي مافيش رزق النهاردة وانا راضية

لا

الرضا بعد السعي وبذل كل ما استطع من جهد ........ دون كلل او ملل

يعني الرضا دايما بيقي رضا بالنتائج وليس بالمقدمات ........ بعدما بذلت كل ما استطع ارضي بالنتيجة واشكر ربنا عليها

طيب

انا ذاكرت واجهدت وسهرت وحفظت وفهمت

وف الاخر النتيجة جيد بس

لا دة انا تعبت اوي

بس دي نتيجتي

خلاص يبقي انا اشوف نقط ضعفي فين وايه اللي معملتوش واصلحة السنة الجاية علشان احسن من مستوايا

طيب هنا انا عندي طموح عايزة احققه ............ بس دة مايمنعش اني رضيت بما قسمه الله لي

يعني احمدك يارب علي نتيجة السنة دي ويارب السنة الجاية اكون افضل واحسن

الرضا ليس مضاد للطموح

بالعكس

الرضا مرادف للطموح ......... لان الطموح يعني السعي ........ والرضا يأتي بعد السعي

طيب ايه هو عكس الرضا ؟؟

عكس الرضا × السخط

وهو دة اللي حرام

طبعاً ماننساش الحديث الشريف

" لو أنكم تتوكلون علي الله حق توكله , لرزقكم كما يرزق الطير تغدوخماصاً وتروح بطانا "

طبعا الحديث هنا ذكر السعي كشرط اساسي للتوكل ........ والا انقلب للتواكل

الرضا يعني انا عندي بيت صغير يادوب علي ادي انا واسرتي ........ بس نفسي في فيلا كبيرة ........ يبقي بحمد ربنا علي البيت دة وبسعي وبجتهد للحصول علي الفيلا ......... جت يبقي الحمد لله ,ماجتش برده الحمد لله وانا عملت اللي عليا

لكن عدم الرضا او السخط

اني عندي بيت صغير ومش عاجبني وقرفانة منه وببص لفيلا فولان وقصر مش عارف مين وبقول ليه يارب اشمعني هما عندهم وانا ماعنديش

وطبعاً ماننساش الحديث القدسي

يابن آدم لك علي رزق ولي عليك فريضة , فإن خالفتني في فريضتي لم اخالفك في رزقك , وان رضيت بما قسمته لك أرحت قلبك .... وان لم ترضي بما قسمته لك , فوعزتي وجلالي لأسلطن عليك الدنيا تركض فيها كركض الوحوش في البرية ولا ينالك منها الا ماقسمته لك وكنت عندي مزموما "

دة غير بقي الرضا في المصائب والمرض والموت ..........الخ اعتقد ان دة موضوع تاني خالص

اللهم اجعلنا من الشاكرين الطائعين الراضين بقسمتك يارب العالمين

:closedeyes:

[ذهبية]

فتفوتة اختى كلامك حلو جدا بالذات

ان المفروض محدش يبص فى ايد حد تانى و يرضى باللى فى ايدة هو

طبعا دة احسن مثال للرضا

ودة بيحمل شقين ناس بتبص ومش بتحمد وناس بتبص وعايزة تقلد و ناس بتبص و عايزة دة يكون مثل فى حياتها للتقدم

وطبعا انا مع الاخيرة

موضوع الاحباط دة بقى موجود جدااا و باعانى منة بشكل رهيب

يعنى لا تسمعى كلمة كتير عملوا دة قبل منك و فشلوا

و انتى ايش ضمنك انة هينجح و يعنى الىل عملوا كدة عملوا اية ما اخرتة برضة هتتعبنى و تموتى فى الاخر كلنا هنموت

و انتى يعنى عندك صحة كفاية عليكى البيت و تبهدلى نفسك لية هو فية حد ناجح اليومين دول اصلا

ما كدة احسن وانتى مش بترضى باللى موجود لية ؟؟؟؟

كلها عوامل احباط و احساس بالذنب انى ممكن ادخل منطقة عدم الرضا والحمد و دة اللى بيجننى يا فتفوتة

ياترى انا صح ولا هما الى صح

[ذهبية]

رضوى

كلامك رائع

بصراحة شرحتى بطريقة تحفةةة لدرجة انى قريت كلام اكتر من مرة

احييكى من كل قلبى

[fatfouta]

كلها عوامل احباط و احساس بالذنب انى ممكن ادخل منطقة عدم الرضا والحمد و دة اللى بيجننى يا فتفوتة

ياترى انا صح ولا هما الى صح

دهوبة انتى عارفة طبعا انى بفهمك من كلامك لانك اختى بجد وبحس بيكى علطول وبتحسى بيا وساعات كلامنا بيبقى واحد واللى بتقوليه بيكون كتير انا عاوزة اقوله

أنتى شكلك يا ذهبية ناوية على مشروع ذى اللى كنتى ناوية تعمليه قبل كده فاكراه؟؟

بس اللى حاليكى شكلهم كده خايفين عليكى وانتى مش عاوزة كده وحاسة انهم بيكسروا مقاديفك

خدى بالك يا حبيبتى ممكن يكونوا خايفين عليكى ومن هنا هما بيحاولوا يقولولك ارضى بنصيبك وخلاص

لكن لو الموضوع حاجة تانى يبقى برضو فكرى فى كلام اللى حاليكى كويس لانهم اكيد ناس خايفة عليكى....معاكى ان فيه العكس وان فيه ناس مش بتحب الخير لحد

لكن هقولك ذى مابركة قالت لو انتى ناوية تعملى حاجة وشايفة انها صح واستشارتى اللى حواليكى ومش عاجبك كلامهم وارائهم يبقى استخيرى ربنا هو اللى هيديكى للطريق الصحيح وهيعرفك اذا كان اللى انتى نماوية عليه ده خير ولا بعد الشر عنك شر

كانت لسه لونا بتكلمنى وبتقوللى لما تدعى قولى يارب اكتب لنا الخير وارضينا بيه

لان فعلا يا ذهببية ممكن يبقى اللى فى ايدنا خير واحنا بنقيسه بمقاييس البشر لكن ربنا ليه مقاييس تانية خاااالص ماحدش يعلمها وهو اللى دايما عاوز لنا الخير.......سبحانه

استخيرى ربنا يا حبيبتى وربنا يهديكى للخير يارب وتروح حيرتك دى ان شاء الله

ودايييييييما تبقى راضية بنصيبك وباللى ربنا قسمهولك

خدى دى

[لماضة مصرية جدا]

السلام عليكم و رحمة الله و بركاته

لما قريت العنوان افتكرت مقولة كنا أخدناها في المدرسة زمان

الايمان هو ان تؤمن بأن"ماأصابك لم يكن ليخطؤك و ما اخطؤك لم يكن ليصيبك"

تبقي رغبة الانسان في تحقيق اشياء كثيرة كالفرس الجامح....و قوة الفرس دي انه يحطها في السعي و الاخذ بالاسباب...لو متوفقشي لاي سبب من الاسباب يكون راضي جدا انه ما اصابه كان لحكمة الهية...مش لازم يقدر يفهمها دلوقتي لكن ممكن في لحظة بصيرة تلاقيه فهم سبحان الله و الصورة كلها اكتملت امام ناظريه

لو مرضيش...هيفضل يركض في البرية كركض الوحوش......لا هو هيرتاح و لا ربنا هيرضي عنه..(فيه حديث قدسي بذلك لكن للاسف مش متذكراه) و يكون كده الخسران المبين

حتي و احنا بنعمل استخارة....اهم شرط فيها ان نحاول نوصل لمرحلة حياد....نغالب هوانا عكس ما نتمني و نفوض و نسلم لمشيئة الله.....بس برضه ده ميمنعشي بعد الاستخارة برضه الواحد يسعي...و يشمر دراعاته و ياخد خطوات.....و هيلاقي برضه نصيبه

مين مننا مكنتش الدنيا معانداه....اه احيانا بنحس كده بنحس انها ماشية كده في اتجاه معاكس.....مين مننا مبيقعدش مع نفسه احيانا و يقول طب ليه كل ما اطلع من حاجة تحصلي حاجة تانية...هو انا نصيبي بس كده

كلنا بتمر بينا اسئلة زي دي....و كلنا عندنا اجابات نموذجية اوي ليها...مش المهم الاجابات بقدر اهمية ان يكون جوانا حالة الرضا و اليقين هي اللي بتخلي الواحد معندوش خوف...نايم مستريح..و بالبلدي كده بنقول حاسس انه عمل اللي عليه...خلاص يبقي محدش يلومني.....و الباقي علي ربنا

و عشان كده اليقين ده بيبان اوي في لحظة الشدة.....و يقال انها اكثر لحظة قد ترتقي بالانسان و تفتح ليه عالم نوراني في عبادته مع ربنا او انها فعلا تحدفه لمرحلة الشك و العياذ بالله

زمان كنت بفكر في حاجة اسمها تربية ايمانية...و دي كنت سمعتها كتير و منها ان الرضا مش هيجي اني اغمض عيني و افتحها و الاقي نفسي اني رضيت

فيه مرحلة......"ان تقر عيني"....و ده مش الاستسلام عجزا......ده تسليم و تفويض الامر لله و الاستغناء و الزهد في الخلق كلهم....كان فيه دعوة لاحد الصوفية فحواها اني أبغي عطاؤك انت....لا كما تشتهي نفسي

و عطاء ربنا الكريم بيفوق كل حدود عقلنا البشري الضيق اوي

و الله أعلي و أعلم