نويت عمل زيارة لدبى للبحث عن عمل فبماذا تنصحونى؟

[webmaster]

السلام عليكم

كيف حالكم اخوانى و اخواتى الكرام

قرررت ان اقوم بعمل زيارة لدبى للبحث عن عمل هناك

اعلم ان هناك الكثير من الناس قام بهذه الخطوه و للاسف لم يستفيد منها شىء

ولكن الموضوع ارزاق فى الاول و فى الاخر

انا لدى شهادات فى الشبكات و صيانه الحاسب وفى تصميم وتطوير المواقع

عملت فترة فى تركيب اسكربتات و منتديات وادارة سيرفرات و لكنى ليست محترف بمعنى الكلمة لاى من هذه التخصصات

قمت بدراسة برمجة المواقع وعملت بها فترة ولكنى لست محترف

ماذا تصحونى ان افعل انا حسبت الموضوع و قلت هى تجربة والربنا يقدرة هيكون

زى البيفتح مشروع وبيخاطر بفلوسة و الرزق على الله يا اما ينجح يا اما يفشل و يخسر فلوسة

لان بصراحة الرواتب فى مصر قليلة

انا متزوج و لدى طفل و اعلم اننى لن استطيع استقدامهم و لا تحمل مصاريفهم و لكن على الاقل اقدر اخليهم يعيشوا

وربنا ييسر الحال

فى انتظار ارائكم واشكركم كثيرا

[doha]

لي قريب خريج تجاره معاه شهاده خبرة بسنتين او ثلاثه معاه الآي سي دي ال معاه كورسات انجليزي ومحاسبة حسن المظهر ابن ناس ومش بتاع مشاكل وبيقال انه بتاع شغل ..

سافر بطريقتك دي اشترى فيزا زياره وراح دبي قعد فيها ثلاث شهور ورجع طبعا بعد ماانتهت الفيزا بدون مايحصل على فرصة مناسبة وتكلفت العملية على مابيقولوا 12 الف جنيه .

وعلى فكره الكلام ده من سنتين تلاته كده قبل الازمه العالمية ..

اعتقد استخير اكتر من مرة وحاول في مصر او في دبي برضه بس بلاش فيزا الزياره ..

[dongol]

الأمور في دبي هذه الايام ليست مواتية علي الاطلاق للاقدام علي مثل هذه الخطوة بسبب ظروف الأزمة العالمية

ثانيا مدة الزيارة بتبقي قصيرة جدا علشان تلاقي شغل محترم بمرتب كويس ولو لقيت فالشركة اول ما بتعرف انك جاي زيارة و ان مدتك قربت تخلص بيقعدوا يشتروا و يبيعوا فيك و يخلوك تقبل بمرتبات تكاد تكون مجانية مقارنة بأسعار المرتبات في البلد و طبعا انت علشان تقلل خسائر الفلوس اللي دفعتها في التاشيرة و اقامتك في دبي مدة الزيارة فبتقبل باي حاجة علي امل انك تعدل وضعك بعد كده في شركة تانية و ده برضه بيبقي صعب جدا بسبب قوانين البلد

لكن لو حضرتك مصمم اعتقد ابوظبي هتكون افضل ليك في الوقت الحالي

دنجل

[Deathangel]

الصراحة انا معرفش حاجة عن دبى بس كان ليا صديق مصمم جرافيك كان شغال معايا هنا فى السغودية وبعدين راح دبى أعتقد مرتبه 9000 درهم بس بيقول ان السكن هناك غالى واخد استوديو بحوالى 35 الف درهم فى السنة , مش متأكد من المبلغ بالظبط بس هو مصمم ثرى دى

استخير ربنا الأول وربنا يقدملك اللى فيه الخير

:closedeyes:

[tarek nokia]

حاول تيجي على عقد وبلاش تجازف ولو انت واثق بخبراتك ومتميز حتلاقي عقد كويس

[ozoozo]

لو انت عازب كنت قلتلك جرب وهاتشيل ذنبك لوحدك

لكن مراتك وابنك مالهمش ذنب معاك في اي مغامره

[hakeem]

ياريت بعد اذنك تعرفنا ايه نظام الزياره اللى ماشى دلوقتى