التبرع بالدم فايدة وثواب ليك قبل متكون انقاذ لحياة مريض

[hOuSsAm]

السلام عليكم ورحمة الله وبركاته

هل تعلم يا اخى أن تبرعك بالدم ينقذ حياة ويخفف معاناة أكثر من شخص حيث يتم فصل الدم إلى مشتقات يستفيد منها أكثر من مريض قد يصل إلى ثلاث أو أربع مرضى كما ان المتبرع هو المستفيد الأول

لماذا يجب عليَّ أن أكون متبرعًا بالدم؟

- كل ثلاث ثوان هناك شخص يحتاج إلى نقل الدم.

- واحد من كل عشرة مرضى يدخلون المستشفى في حاجة إلى نقل الدم.

- دمك يمكن أن ينقذ أربعة أشخاص عند فصل مكوناته وليس شخصًا واحدًا.

- تعيد عملية التبرع بالدم الحيوية والنشاط للجسم بسبب تجدد خلايا الدم.

- يمكن للمتبرع الحصول على نتائج فحوصات المسح الخاصة به، بما فيها فصيلة الدم.

من يستطيع التبرع بالدم؟

- المتبرع يجب أن يتمتع بصحة جيدة؛ خاصة في هذا اليوم.

- عمره يتراوح بين 18-60 سنة.

- الوزن يكون 50 كيلو جرامًا على الأقل.

- يكون خاليا من أي أمراض تتعارض مع عملية التبرع.

- أن تكون نسبة الهيموجلوبين بين 13-17,5 جم في الرجال، وبين 12-14,5 جم في السيدات.

- أن يحمل المتبرع بطاقته الشخصية.

- أن يرغب المتبرع في التبرع بالدم.

ما الأسباب التي لا يمكنك معها التبرع بالدم؟

- التبرع بالدم خلال الثلاثة أشهر الماضية.

- وجود أي تعب من المتاعب الصحية التالية:

- جميع أنواع الأنيميا عدا أنيميا نقص الحديد.

- أمراض القلب والحمى الروماتيزمية.

- الأمراض الصدرية المزمنة.

- ارتفاع الضغط المزمن.

- الالتهاب الكبدي الفيروسي.

- مرض البول السكري.

- حالات تضخم الكبد.

- حالات الفشل الكلوي.

- حالات التشنجات والصرع والإغماء المتكرر.

- زيادة أو نقص إفرازات الغدة الدرقية.

- الحمل.

- أمراض نزف الدم.

- الأمراض الوراثية.

- الأمراض النفسية.

- أي عمليات خلال فترة ثلاثة أشهر.

إذا كان المتبرع يعانى من الأعراض التالية:

- فقدان غير متوقع للوزن والشهية.

- عرق ليلي.

- سخونة ليلية.

هل توجد أي خطورة في التبرع بالدم؟

- التبرع بالدم لا يعرض المتبرع لأي خطر؛ من الإصابة بأي مرض.

- الأدوات التي تستخدم في عملية سحب الدم معقمة ولا تستخدم لشخص آخر، ويتم التخلص منها بعد عملية التبرع بالدم.

ما مدى استفادة المرضى من تبرعك بالدم؟

يمكن أن يستخدم التبرع بالدم لمساعدة مختلف المرضى؛ حيث يمكن فصل عبوة الدم الواحدة إلى مكونات مختلفة، وهذه المكونات تقدم للمرضى الذين يعانون من الأنيميا

واختلالات التجلط، ضحايا الحوادث، والذين يجرى لهم عمليات جراحية… إلخ.

ودائمًا تتجاوز الحاجة للدم ما هو متوافر، ولذا بإمكانك التأكد من عدم إهداره.

ما الوقت المستغرق للتبرع بالدم؟

يستغرق الوقت الفعلي للتبرع بالدم من 8 -10 دقائق، ولكن تستغرق الزيارة بأكملها مدة تتراوح بين 15-20 دقيقة.

ما معدل مرات التبرع بالدم؟

يمكنك التبرع كل ثلاثة أشهر، ويبدأ الجسم بتعويض الدم الذي تم فقده فور التبرع بالدم.

ما كمية الدم التي يتم أخذها من المتبرع في المرة الواحدة؟

- يتم أخذ من 400 إلى 450 مليلترا، وهو ما يمثل حوالي 1/12 من حجم الدم الموجود داخل جسم كل إنسان، والذي يتراوح بين 5 إلى 6 لترات.

هل التبرع من المهام السهلة، وما الخطوات؟

- "نعم"، فهو من المهام السهلة، ولا تعتبر الخطوات شيئًا صعبًا، ولكن يجب مراعاة ما يلي:

- يجب ملئ استمارة التبرع بعد قراءة ورقة الأسئلة.

- ثم يتم إجراء بعض القياسات من أجل سلامة المتبرع:

- وزن الجسم.

- ضغط الدم.

- الهيموجلوبين.

- ثم سحب الدم.

ماذا أفعل قبل التبرع بالدم؟

- احصل على قسط كاف من النوم ليلة التبرع.

-تناول وجبة متوازنة قبل التبرع بحوالي ساعتين.

- عليك شرب سوائل (خالية من الكافيين) أكثر من المعتاد بقليل.

ماذا أفعل بعد التبرع بالدم؟

- زاول نشاطك المعتاد بعد التبرع، مع تجنب المجهود البدني الزائد.

- اشرب كمية من السوائل أكثر بقليل من المعتاد خلال الساعتين التاليتين للتبرع.

- تجنب ممارسة رياضة عنيفة خلال 24 ساعة بعد التبرع.

- إذا كنت مدخنا لا تدخن لمدة ساعتين بعد التبرع؛ لأن استنشاق الدخان يحفز الدم للذهاب للرئتين مسببًا حالة من الدوار والشحوب.

هل توجد مضاعفات قد يتعرض لها المتبرع؟

- لا توجد مضاعفات للتبرع بالدم طالما قام الطبيب بتوقيع الكشف الطبي عليك، وأقر ملاءمتك للتبرع.

- يعوض الجسم كمية الدم التي فقدت خلال ساعات، وأغلب الناس يزاولون أنشطتهم العادية بعد التبرع.

- نادرًا ما تحدث بعض الأعراض؛ مثل الدوخة أو القيء، وتزول تلقائيا بعد فترة وجيزة.

منقول

ويتبع

[hOuSsAm]

ثواب ونوايا التبرع بالدم

1- فضل إنقاذ حياة إنسان( . . ومن أحياها فكأنما أحيا الناس جميعا . .) من سورة المائدة آية 32

2- عسى الله أن يجعل تبرعك بالدم سببا فى المغفرة ودخول الجنة

قال رسول الله صلى الله عليه وسلم : بينما رجل يمشي بطريق اشتد عليه العطش فوجد بئرا فنزل فيها فشرب ثم خرج فإذا كلب يلهث يأكل الثرى من العطش فقال الرجل لقد بلغ هذا الكلب من العطش مثل الذي كان قد بلغ مني فنزل البئر فملأ خفه ماء ثم أمسكه بفيه حتى رقي فسقى الكلب فشكر الله له فغفر له قالوا : يا رسول الله إن لنا في البهائم أجرا ؟ فقال : في كل كبد رطبة أجر متفق عليه . وفي رواية للبخاري : فشكر الله لهفغفر له فأدخله الجنة

فقد غفر الله له وأدخله الجنة لرحمته بالكلب فما بالك بمن يحيى إنسانا يعانى ويوشك على الهلاك

3- استغناء الوطن عن الحاجة إلى الدم المستورد وبالتالى توفير العملة الصعبة للمشاريع الاستثمارية

4- التعاون على البر قال الله تعالى { وتعاونوا على البر والتقوى } ســـورة المائدة 2 ،

وجاء في الحديث الشريف: (( الله في عون العبد ما كان العبد في عون أخيه )) رواه مسلم .

5- عسى ان تقوم بانقاذ حياة مسلم من الموت ويظل ثواب عمله الصالح وصلاته وصومه وزكاته وتوحيده لله لك طول العمر (صدقة جارية)

6- الشعور بالراحة النفسية لما يقوم به المتبرع من عمل جليل لما فيه من اجر وثواب

7- فضل تفريج الكربات فقد قال صلى الله عليه و سلم " من فرج عن مسلم كربة من كرب الدنيا فرج الله عنه كربة من كرب يوم القيامة" (رواه الشيخان من حديث ابن عمر، كما في اللؤلؤ والمرجان، برقم 1667).

8- فضل إعانة الضعفاء الذى هو من أسباب النصر والرزق فقد قال رسول الله صلى الله عليه وسلم ( إنما تنصرون وترزقون بضعفائكم ) وفى رواية ( وهل تنصرون وترزقون إلا بضعفائكم )

9- منح المتبرع فرصة التأكيد من خلوه من الأمراض ( الالتهاب الكبدي بأنواعه وسرطان الدم والزهري والإيدز وغيرها ) .

10 - ثواب زيارة المريض قال رسول الله صلي الله عليه وسلم من رأي صاحب بلاء فقال:الحمد لله الذي عافني مما أبتلاك به وفضلني علي كثير ممن خلق تفضيلا.)عوفي من ذلك البلاء كائنا ماكان ما عاش.رواه أحمد والترمذي وابن ماجه وابن السني والبيهقي عن ابن عمر رضي الله عنه

11- قال رسول الله صلي الله عليه وسلمما من مسلم يعود مريض لم يحضر أجله فيقول سبع مرات أسال الله العظيم رب العرش العظيم أن يشفيك الا عوفي ) رواه الترمذي عن ابن عباس رضي الله عنهما

12- قال الرسول صلى الله عليه وسلم : " إن المسلم إذا عاد أخاه المسلم لم يزل في خرفة الجنة "

(رواه مسلم )

وفى رواية قيل : يا رسول الله، وما خرفة الجنة ؟ قال : " جناها".

13- قال رسول الله -صلى الله عليه وسلم : " إن الله عز وجل يقول يوم القيامة : يا بن آدم مرضت فلم تعدني قال : يا رب كيف أعودك وأنت رب العالمين ؟ قال : أما علمت أن عبدي فلانًا مرض فلم تعده، أما علمت أنك لو عدته لوجدتني عنده ؟ يا بن آدم استطعمتك فلم تطعمني قال : يا رب كيف أطعمك وأنت رب العالمين ؟! أما علمت أنه استطعمك عبدي فلان فلم تطعمه، أما علمت أنك لو أطعمته لوجدت ذلك عندي ؟! يا بن آدم استسقيتك فلم تسقني ؟ قال: يا رب كيف أسقيك وأنت رب العالمين ؟! قال: استسقاك عبدي فلان فلم تسقه، أما علمت أنك لو سقيته لوجدت ذلك عندي ".

(مسلم برقم 2569).

14- قال صلى الله عليه وسلم(مامن مسلم يعود مسلما غدوة الا صلى عليه سبعون الف ملك حتى يمسي وان عاده عشية الا صلى عليه سبعون الف ملك حتى يصبح. وكان له خريف في الجنه)رواه الترمذي

[hOuSsAm]

النوايا كتيرة جدا

ارجو من لديه نوايا اخرى ان يذكرها

[hOuSsAm]

واحد واقف من بعيد بيقولى طب انا مغترب.........

اول حاجة من واجبنا التبرع بالدم لاى حد محتاج مهما كانت جنسيته او دينه (لانه موقف انسانى لانقاذ حياة انسان)

ولكن من ناحية تانية معظم المغتربين المصريين بينزلوا مصر اجازة عالاقل كل سنة مرة

وبالتالى يمكنك التوجه لاحد مراكز التبرع بالدم او المستشقيات للتبرع

فيه طريقة كمان انك تتصل بجمعية رسالة 19450 عالرقم الموحد من اى تليفون ارضى ومن اى محافظة (ده رقم داخلى لفروع جمعية رسالة بكل المحافظات) وتعرفهم بيناتك اسمك ورقم تليفونك وفصيلة دمك وتعرفهم كمان مكان اقامتك وانك هتسافر خارج مصر خلال شهر مثلا وهما هيتصلوا بيك خلال ايام للتوجه لاحدى المستشقيات للتبرع

وحتى لو متعرفش فصيلة دمك هما هيساعدوك انك تعرفها

المشوار كله باذن الله وفضله مش هياخد ساعة

وبكدة هنخفف ضغط كبير عالمتبرعين داخل مصر

بجد احساس مختلف وانت بتعمل عمل بسيط بتحس انك انقذت حياة انسان

كانت شعره تفصله عن الموت وانت كنت سبب انه مازال على قيد الحياة بفضل ربنا سبحانه وتعالى

طب تصور انك فى موقف المريض ده ومحتاج كيس دم واحد ومش لاقى

شوف احساسك والمك ومشاعرك

فكر كويس واعمل لاخرتك ومستقبلك فى الدنيا

اتمنى التوفيق للجميع :closedeyes:

[Morial]

كنت بتبرع بدمي زمان قبل ماعرف المصيبة

دي

تم تعديل 8 يونيو 2010 بواسطة Morial

[hOuSsAm]

كنت بتبرع بدمي زمان قبل ماعرف المصيبة

دي

شكرا على مرورك يا موريال

بس اللينك مش شغال

ممكن توضحى ايه المصيبة

وان كنت اظن انها حالة فردية والا مكنش العالم كله بيتبرع بدمه حاليا والناس عايشة زى الفل

[اغابي]

برغم انك يا حوسام مشعلاتى

و يعنى متخصص فى الشعللة وضرب الحقن فعادى ان يكون داه موضوعك :D

لكن اهو بدأ الجانب الانسانى يظهر فى نواياك و شكرا للموضوع الرائع

- احنا هنا بالكويت فيه مركز تحاليل الجابرية ليا صديقة دكتورة تحاليل - وهى كل شوية تقنعنى انى اروح اتبرع

و المزايا هنا - انك بتاخد فلوس ( 10 دينار عن التبرع - اى ما يعادل = 200 ج مصر ) وكمان فحص شامل كامل مجانا ومزايا اخرى

- وبتقولى انه مفيد ليا تجديد الدم لكن ...

انا اعترف انى فى الموضوع داه مش انسانية بالمرة :wub: وبخاف من الابرة بصراحة الا الحقن

- اه بخاف منها جدا - بس اوعدك انى اشجع الناس انها تتبرع . .

تحياتى استاذى للموضع الرائع داه

اغابي

[hOuSsAm]

برغم انك يا حوسام مشعلاتى

و يعنى متخصص فى الشعللة وضرب الحقن فعادى ان يكون داه موضوعك :wub:

لكن اهو بدأ الجانب الانسانى يظهر فى نواياك و شكرا للموضوع الرائع :D

- احنا هنا بالكويت فيه مركز تحاليل الجابرية ليا صديقة دكتورة تحاليل - وهى كل شوية تقنعنى انى اروح اتبرع

و المزايا هنا - انك بتاخد فلوس ( 10 دينار عن التبرع - اى ما يعادل = 200 ج مصر ) وكمان فحص شامل كامل مجانا ومزايا اخرى

- وبتقولى انه مفيد ليا تجديد الدم لكن ...

انا اعترف انى فى الموضوع داه مش انسانية بالمرة :blink: وبخاف من الابرة بصراحة الا الحقن

- اه بخاف منها جدا - بس اوعدك انى اشجع الناس انها تتبرع . .

تحياتى استاذى للموضع الرائع داه

اغابي

مس اغابى

يا مراحب

متشكر اوى على مرورك

حتى لو المركز بيديكى فلوس مقابل التبرع بس بردوا حطى فى نيتك انك بتنقذى حياة انسان ودى ليه ثواب كبير جدا

بتخافى من الابرة .......... انتى بتقولى فيها

انتى بتخافى قيراط وانا بخاف 1500 قيراط

انا بترعب منها وكنت بحس ان روحى بتطلع لما بشوفها بس

وانا صغير كنت بعمل مصيبة عشان اخد حقنة (ممكن تلاقينى هربت من البيت والشاطر يلحقنى) :lol:

بس اقولك الحق

نفسيا كدة لما تحسى انك بتعملى حاجة للانسانية

مريض بيشتكى من الالم ويتمنى ان حياته تنتهى من فرط الالم

طيب شكة الابرة دى تيجى ايه فى الالام اللى بيعانى منها

بصراحة لما بتبرع بالدم وافتكر اد ايه بعمل عمل انسانى بنسى كل الدنيا (حتى شكة الابرة بقيت بستلذ بيها)

بجد بقيت بحبها ........ والله مش كلام بس ده احساسى

اقولك على حاجة كمان

حطى نفسك مكان المريض (وانتى عارفة ازاى الدنيا دوارة) وتحيلى ان فيه حد ممكن يتبرع بس المانع انه خايف من شكة بسيطة

تخيلى شعورك واحساسك

الدنيا اخد وعطا (انتى مش عارفة متعة العطاء)

انصحك

جربى مرة واحدة بس وروحى مع زملتك دكتورة التحاليل وهتلاقى الموضوع بسيط جدا ولذيذ

ولو حسيتى انه فيه صعوبة او خطورة عليكى ........... خلاص انسى موضوع التبرع بالدم ده ومتجربيش مرة تانية

بس اعرفى انه داين تدان

تحياتى للجميع

[Damo]

طب عندي سؤال

بخصوص شرط الوزن :closedeyes:

هيحصل ايه لو حد تحت الوزن اتبرع؟!!! وزنه الطبيعي يعني لا انيميا ولا اي حاجة...جينات

[pink rose]

انا بقى عمري ما تبرعت بالدم لان عمر الهيموجلوبين عندي جاب 12 ابدا :closedeyes:

[Morial]

المصيبة يا استاذي الفاضل هي اكياس وانابيب وألات نقل دم فاسدة وملوثة

تسبب بلاوي وامراض بالجملة لكل من المتبرع والمستفيد

وحاول حضرتك تدور علي النت علي المصيبة بنفسك

ابحث عن هاني سرور وشركة هايدلينا وانت تلاقي بلاوي سودة

وللعلم شركة البيه هاني سرور كانت محتكرة توريد هذه المعدات لوزارة الصحة بالإضافة لمعدات الغسيل الكلوي

واللي ثبت أنها غير مطابقة للمواصفات وتسبب مضاعفات خطيرة كما انها وياللفاجعة سكاند هاند وبعضها يحتوي فيروسات خطيرة

وطبعا الصفقة كانت بترسي علي البيه بعد مناقصات صورية دفع في مقابلها شيء وشويات

وخلي الكل يستفيد ويهبر والضحية في النهاية هو المواطن المصري الغلبان سواء كان مريض او واحدة ذي حالاتي فكرت تعمل الخير

علشان كدة انا بطلت اتبرع بدمي في مصر

علي الرغم من علمي لكل الفوائد اللي حضرتك ذكرتها واللي هي صحيحة 100%

وعلي الرغم ايضا من حبي للتبرع بالدم كنوع من الذكاة عن الصحة ادامها الله علي الجميع

تم تعديل 8 يونيو 2010 بواسطة Morial

[hOuSsAm]

طب عندي سؤال

بخصوص شرط الوزن :happy:

هيحصل ايه لو حد تحت الوزن اتبرع؟!!! وزنه الطبيعي يعني لا انيميا ولا اي حاجة...جينات

شكرا على مرورك يا دامو

اما بخصوص الوزن فانا مش متخصص فى الليلة دى ودورت عالنت ملقتش سبب ان الوزن لا يقل عن 50 كجم

بس عالعموم انا مش بحب المخاطرة فى الحجات دى

بمعنى انتى مناسبة للتبرع فتتبرعى ولو مش مناسبة خلاص كفاية شعورك واكيد ليكى ثوابك

للتاكيد تانى محدش يخاطر فى الحجات دى لازم يعمل فحص دقيق ويتاكد ان صحته تمام لموضوع التبرع

وده عشان منزودش عدد المحتاجين للدم واحد كمان

والحاجة الجميلة ان فى مستشفيات كتيرة كنت بروح انا وحد من اصحابى بيبقى رفيع فبيرفضوا فى المستشفى انه يتبرع خوفا على صحته

بصراحة الدكاترة فى مصر محترمين جدا فى الليلة دى وفاهمين مين مناسب ومين غير مناسب

انا بقى عمري ما تبرعت بالدم لان عمر الهيموجلوبين عندي جاب 12 ابدا

شكرا يا ريمو عالمرور

طالما كدة ليس عليكى لوم وكفاية احساسك وشعورك وبردوا زى مقولت فوق متخاطريش فى الحجات دى

وان كنت افضل ان النساء يتبرعوا كل ست شهور لو الشروط تنطبق عليهم والدكاترة يتاكدوا انا كل حاجة تمام

المصيبة يا استاذي الفاضل هي اكياس وانابيب وألات نقل دم فاسدة وملوثة

تسبب بلاوي وامراض بالجملة لكل من المتبرع والمستفيد

وحاول حضرتك تدور علي النت علي المصيبة بنفسك

ابحث عن هاني سرور وشركة هايدلينا وانت تلاقي بلاوي سودة

وللعلم شركة البيه هاني سرور كانت محتكرة توريد هذه المعدات لوزارة الصحة بالإضافة لمعدات الغسيل الكلوي

واللي ثبت أنها غير مطابقة للمواصفات وتسبب مضاعفات خطيرة كما انها وياللفاجعة سكاند هاند وبعضها يحتوي فيروسات خطيرة

وطبعا الصفقة كانت بترسي علي البيه بعد مناقصات صورية دفع في مقابلها شيء وشويات

وخلي الكل يستفيد ويهبر والضحية في النهاية هو المواطن المصري الغلبان سواء كان مريض او واحدة ذي حالاتي فكرت تعمل الخير

علشان كدة انا بطلت اتبرع بدمي في مصر

علي الرغم من علمي لكل الفوائد اللي حضرتك ذكرتها واللي هي صحيحة 100%

وعلي الرغم ايضا من حبي للتبرع بالدم كنوع من الذكاة عن الصحة ادامها الله علي الجميع

شكرا يا موريال عالتوضيح

انا فاكر القضية دى بكل تفاصيلها

انتى معاكى حق مليون فى المية

وانا للوهلة الاولى تردت فى استكمال تبرعى بالدم

بس وقفت قليلا وفكرت لو احنا كمصريين وقفنا التبرع بالدم هتبقى مصيبة وانتى عارفة اد ايه فى مصر مصابين بامراض الكلى وانيميا البحر المتوصط اللى بيحتاجوا 3 اكياس اسبوعيا

الاول:

قمت بالاتصال بكل اصدقائى فى مستشفيات المنصورة وبنك الدم واللى اكدولى ان اكياس الدم دى كلها تم سحبها من السوق وان بنك الدم لم يسجل اى اصابات فى الليلة دى (خلى بالك دول اصحابى ومش موظفين رسميين)

تانى حاجة:

انا فاكر فعلا كان حصل دوشة كبيرة بسبب القضية دى وكانت الحكومة حازمة فى سحب الاكياس الملوثة من السوق

الموضوع ده قديم اوى ومن يومها حتى الان الاف الشباب بيتبرعوا يوميا ومحدش اشتكى

وده دليل ان الامور بتسير على ما يرام (والا كنا سمعنا ان حد جاله مرض معين)

انا مش هقدر اقولك اتبرعى تانى ولا لاء او جوه مصر ولا بره لان ده قرارك (بس التبرع فى حد ذاته حاجة انسانية مش هتفرق بتتبرعى فين او لمين)

انا عن نفسى هتبرع جوه مصر اول منزل الاجازة بس هتبرع فى نفس الاماكن اللى كنت بروحها قبل كدة لثقتى فيهم وفى نضفتهم (وهستخير فى الاول والاخر عشان لو كان فيه ضرر ما هيبقى ده نصيبى وربنا كاتبلى الحاجة دى)

(قل لن يصيبنا الا ما كتبه الله لنا)

[NeMrO]

السلام عليكم ورحمة الله

جزاكم الله خيرا على الافادة أخي حسام

طيب الواحد كان بيقلق من عربيات التبرع اللى في الشارع

يعنى مثلا في المنصورة -بما انك بلديات- خلينا في الاسعاف اللى في الشيخ حسنين؟؟؟

ولا في مكان تاني اضمن؟؟؟

[hOuSsAm]

السلام عليكم ورحمة الله

جزاكم الله خيرا على الافادة أخي حسام

طيب الواحد كان بيقلق من عربيات التبرع اللى في الشارع

يعنى مثلا في المنصورة -بما انك بلديات- خلينا في الاسعاف اللى في الشيخ حسنين؟؟؟

ولا في مكان تاني اضمن؟؟؟

وعليكم السلام ورحمة الله وبركاته

يا مراحب

عربيات التبرع اللى فى الشارع بتبقى تبع بنك الدم وهى نفسها الهيئة الموجودة فى ميدان الشيخ حسانين

وخلينى اقول الفرق بين انك تتبرع فى بنك الدم او تتبرع مباشرة لمريض فى مستشفى ما

بعد عملية التبرع بياخدوا الدم بتاعك وبيداوا يعملوا شوية تحليلات على ما اذكر تحليل فيرس سى والايدز وشوية حجات تانية طبعا انا مش فاكرها

التحليلات دى بتكلف حوالى من 250 الى 300 جنيه

فيه حالتين

1- لو اتبرعت فى مستشفى لمريض مباشرة تكلفة التحاليل دى بتتحملها المستشفى عن المريض وبالتالى المريض مش بيدفع ولا شئ

2- لو اتبرعت تبع بنك الدم (بنك الدم موارده محدودة ومش بيقدر يصرف عالتحاليل دى كلها) وبكدة بنك الدم بيبع الاكياس اللى انت متبرع بيها للمرضى وسعرها فى العادى من 150 الى 180 جنيه وللفصايل النادرة بتوصل 200 الى 250 (دى معلومات 2008 معرفش الوضع الحالى ايه)

فيه معلومة بس مش فاكر تفاصيلها ان بنك الدم بيدى اكياس مجانية لبعض المرضى بس دى ليها اجراءات معينة وكانت ليها اسباب ودورة مستندية معينة.

وبكدة انا بحبذ التبرع للمريض مباشرة فى المستشفيات لانهم اغلبهم بيبقوا ناس غلابة مش بيقدروا يدفعوا تمن كيس الدم

بالاضافة ان فيه امراض بيحتاجوا حوالى 3 اكياس فى الاسبوع ودى تبقى مرمطة بالنسبة ليهم انهم يوفروا اكياس الدم دى

المنصورة مشهورة بمستشفياتها وكلها اماكن ممتازة عن نفسى كنت بروح مستشفى الاطفال عالطول وده بسبب انتشار مرضى انيميا البحر المتوسط (وهى تحت ادارة دكتورة شادية السلاب ودى من الناس المحترمة جدا)

لو عايز كمان تتبرع لمريض مباشرة اتصل بجمعية رسالة على رقم 19450 (رقم ارضى) ومليهم بياناتك وهما هيتصلوا بيك ويوجهوك لمريض فى اى مستشفى قريبة منك

جمعية رسالة موجودة فى شارع النخلة المتفرع من شارع كلية الاداب فى برج بتاع الدكتور حسين شحاته بس مش فاكر اسمه

المهم متنساش بعد متتبرع تزور المريض اللى انت اتبرعت ليه اسال عليه وهما هيودوك اوضته وسلم عليه وعلى اهله

وشوف ياعم كمية الدعوات اللى هتاخدها من والدته او والده وشوف تاثرك من حالة المريض وبالذات لو عرفت انه طفل نفسه يعيش حياة طبيعية

متنساش كمان تيجى تقولنا تجربتك بالنسبة للموضوع ده وبجد هتفرق معانا كتير اوى

اتمنى لك التوفيق والثواب الكبير bv:-

[NeMrO]

الله يكرمك يا مسيو حسام

ان شاء الله هرجع مصر على أول رمضان

و اكيد باذن الله هيكون موضوع التبرع من الأولويات في الاجازة

و مفيش مانع نكعبل كام واحد من أقربائي و حبايبي معايا في المشوار ده :blink:

والله حلوة فكره اني ازور المريض بعد التبرع للاطمئنان

بارك الله لنا و اياكم

في أمان الله

[hOuSsAm]

و مفيش مانع نكعبل كام واحد من أقربائي و حبايبي معايا في المشوار ده

لعلمك بجد هى دى الحاجة المهمة مش مجرد انك تتبرع لوحدك

و الفكرة انك تنشر الفكرة وبدل منكون اتنين يتبرعوا ليه ميكونش عشرين والف والفين

ولما تلاقى حد خايف خده معاك يشوفك وانت بتبرع وهو شعوره هيتغير من السلبية للاجابية

حاجة كمان مهمة متنساش تحافظ على صحتك وتتبع التعليمات لان..........

صحتك تهمنا اوى :blink:

[hOuSsAm]

للرفع

ده وقت التكافل الاجتماعى فى مصر

اطباء المستشفيات بالقاهرة والمحافظات يناشدون المواطنين بالتبرع بالدم

ربنا يتقبل :)

[ozoozo]

اطباء المستشفيات يطلبون من المواطنين السرعة في التبرع بالدم لانقاذ المصابين من اهلنا المصريين

انشروا ارجوكمطيب اقتراح الناس كلها خايفه دلوقتي

عربيه اسعاف تطلع وتلف علي الناس اللي حارسين البيوت يجيبوه منهم دم

برجاء نشر الاقتراح وتوصيله

[fatfouta]

R.N.N | شبكة رصد

نناشد المصرين بالخارج توجيه الشباب المصري المستشفيات للتبرع بالدمabout a minute ago

حد يعرف نعمل ايه؟؟