مبرووك عليك الكأس يا حرس..و هارد لك يا أهلى

[jasmin hamed]

ماهو لو الزملكاوية فرحو للاسماعيلي أو لبتروجيت أو لاي نادي تاني ماهو برده يبقوا فرحانين للاهلي ماهو لاعيبة الاهلي منين مش اسماعيلاوية أصلا . و برده انا فرحان في حسام البدري. الاهلي كان ايام جوزيه. gra:-

الابيض ق_____________________________________________________ادم

طب لما هوه العيبه من الاسماعيلى اصلا ماكانوش بيخدوا بطولات مع الاسماعيلى ليه

الالماس لازم الى يثقله عشان يلمع

الاهلى مؤسسه يروح جوزيه يجى بطيخ الشام هيفضل اهلى فى اسوء حالاته بيكسب الدورى و فى نهائى الكاس

هو الزمالك قادم فعلا بس( وش عم ايوب فى مسرحية الجوكر ) بيمشى جوه الجزمه الاول

ما تلم التعابين يا شوكت

[the consultant]

الاهلى بيخاف من الون الابيض

, واسـكـنـــدريـة أجـدع نـــــاس

[Howayda Ismail]

الاهلى بيخاف من الون الابيض

, واسـكـنـــدريـة أجـدع نـــــاس

[the consultant]

خلاص بأة الاهلاوية كلهم يقوموا يغسلوا وشهم و كفايه عياط كدة عشان نتفرج بقه على كاس العالم و الكورة اللي بجد

[fatfouta]

لما الزمالكاوية يشمتوا في الأهلي لازم نقول

مين قال كده؟؟؟ طب وربنا كنت بشجع الاهلى لأسباب صخصية(شخصية) يعنى لغايت اخر ضربة جزاء بتاعة الحرس وكنت عاوزاها تضيع

انا واحدة روحى رياضية والحمد لله وبحب الخير لكل الناس ومش حئودة (حقودة يعنى) ولما بتغلب بقول احنا اتغلبنا وماله يعنى؟؟

كونسالتانت وعنبو كفاية كده يا جماعة الموضوع ده احنا عاملينه عشان نهنى الحرس مش نضايق الاهلاوية وفى النهاية احنا اخوات برضو وياللا بقى نتفرج على كأس العالم وشوفوا مارادونا وهو مدرب هيعمل ايه

ألا صحيح ماينفعش طارق العشرى ده يدرب الزمالك

ودلوقتى اقدر احطلكم الاغنية دى

يا أهلاوية قصدى يا حرس الحدود يعنى عشان مصدقين نفسهم من الفوز مع انهم اخدوا الكاس السنة اللى فاتت

وكله سلف ودين حتى المشى عالرجلين.......

تم تعديل 8 يونيو 2010 بواسطة fatfouta

[محمد عبدالعزيز]

قال على رأى المثل: القرعة بتتباهى بشعر بنت أختها.

وياريتها بنت أختها... دى قبل كده شالت منها خمسات وأربعات وكانت فضايح.

[عنبو]

بكره هتلاقوا ادارة النادى الاهلى بتعقد صفقات من تحت لتحت مع لاعبى حرس الحدود

اصل دى عقده

يلا هى جت على الكووووووووره

اما نادى احمد شوبير بصحيح

[ابو محمد بن مصطفي]

ان الاهلوية يزعلوا لينا حق فالاهلي خسر الماتش والصراحة ان العشري بالبلدي كده معلم علي البدري

وانا كنت خايف من الماتش لان الحرس فريق مش سهل وكانت نقطة الضعف للحرس قبل الماتش هي الجون علي فرج

بس الواد صراحه ابدع لان لعيبة الاهلي كانوا متسرعين

والجون ده الشفرة بتعته بتتحل بجون زي بتاع بركات اتلعب بالمخ مش بالسربعة

والحرس خد الكاس بضربات الترجيح مش بجون زي مش الاسماعيلي مثلا

الحضري الكورة عدت من بين رجلية المفروض انه يلبس جيبة فوق البنطلون علشان الكورة لما تعدي من ايده تتصد في الجيبه

بس فرحة الزملكاوية مفهومة لانهم مش هيقبلوا الاهلي في السوبر واكيد هما فرحنين لانهم مش هيتغلبوا تاني

الاهلي وحرس الحدود مباراه جميلة للكبار فقط

[اغابي]

اخوانى المحاوراتية الافاضــــل

ومن هــــذا المكــــان اعــــلن :D

وبمـــا انى اهلاوية صميــــمة ابا عن جد :wub: وعندى روح رياضية عاليه :blink: بس مش عالية اوى :lol:

بضم صوتى لصوت اخوانا - والف الف مبروك لحرس الحدود - لاء كفاية الف واحدة بس مش اتنين mfb:

انتم برضوه اصحابنا ومش فارقة اوى انكم اخدتوه الكاس - لاننا بنحبكم . .

بس اهم اهم شيء ان الزمالك :P والاسماعيلي هما اللى ما اخدهوش :lol:

والا كنا حنبقى زعلانين جدا اوى خالص ويمكن ننسي الروح الرياضية اصلا :P md2:

اغابي

تم تعديل 8 يونيو 2010 بواسطة اغابي

[Abu Reem]

من زملكاوي ،، أقول برافو الحرس

واقول الأهلي يظل هو الفريق المحترم الوحيد في الدوري ، رغم اني زملكاوي ، وكان صراحة حظه سيء ، خاصة ابو تريكة ،،،

بس نفسي اعرف ، ازاي الحرس هيقاببل الزمالك في السوبر ، مش مفروض اول الدوري يقابل بطل الكاس ، ومتى موعد المباراة ( معلش علشان انا مش مهتم اوي بمتابعة الدوري لانه السناريو بتاع الدوري بتاعنا عامل زي الفيلم الهندي ،، ضرب وخناق ـ وقتل ومغامرات وفي الاخر تلاقي البطل هوه اللي بينتصر )

المهم...اجابة على تساؤل هو مش ممكن العشري ، يدرب الزمالك ،، اقول ان المشكلة في الزمالك لا تكون من المدرب عادة المشكلة في الإدارة ،،، ولذلك أقول مينفعش إدارة الاهلي تمسك نادي الزمالك....

وهارد لك للأهلي

[صافى]

خلاص بأة الاهلاوية كلهم يقوموا يغسلوا وشهم و كفايه عياط كدة عشان نتفرج بقه على كاس العالم و الكورة اللي بجد :rolleyes:

مش هما الى بيعيطو الى بيعيطو هما الى مقدروش يوصلو للنهائى وخرجو بفضل الاهلى يا ذوات اللون الابيض الهلة يكفيهم شرف المحاولة وهارد لك لذوات اللون الابيض :happy: انا مش قصدى ازعل حد بس هو دة الى حصل والى حصل وصل واقدم تحياتى الى كل الشمتانين وان غدا لناظرية قريب

[صافى]

مبارة جميلة فعلا من الفريقين

الف مبروك لحرس الحدود اللى ادى مباراة ممتازة.....ومبروك عليكم الكأس لتانى مرة على التوالى

هارد لك يا اهلاوية.......الاهلى طول عمره كبير بس معلش بقى المرة دى وخيرها فى غيرها

فعلا كان فيه روح رياضية عالية جدااا فى المباراة من الفرقتين والجهازين الفنيين

وعاوزة اقول كلمة أخيرة.....الزمالك قادم :happy:

متهيالك يا فتفوتة يا اختى ميتهياليش انة هيبقى قادم اصل الموكوس موكوس لوحتى حطة على راسة فانوس :rolleyes:

[engmido]

فعلا الزملكاوية دول ينطبق عليهم المثل اللى بيقول

القرعة بتتباهى بشعر بنت اختها