كتب مريم اعمل فيها ايه؟

[pink rose]

مريومة كانت هاتدخل السنة اللي فاتت كي جي 2 في مدرسة الملك خالد و طبعا قدملتها و اشتريت الكتب بس جه حوار انفلونزا الخنازير و ما دخلتهاش

دلوقتي الكتب بتاعتها موجوده عندي زي ما هي ما اتلمستش خالص و كنت شارياهم ب 800 ريال

مش عارفه اعمل فيهم ايه بصراحة :closedeyes:

فكروا معايا لو سمحتم

[fatfouta]

إستنى ماتتصرفيش فيها دلوقتى

يمكن تنفعها السنة الجاية لو هتدخليها نفس المدرسة

ويارب مايكونوا غيروا فى المنهج حاجة وماتروحش عليكم حقها ان شاء الله

بس سيبيها دلوقتى لما تشوفى وماتنسيش موضوع التقديم

وربنا معاكم

[لماضة مصرية جدا]

إستنى ماتتصرفيش فيها دلوقتى

يمكن تنفعها السنة الجاية لو هتدخليها نفس المدرسة

ويارب مايكونوا غيروا فى المنهج حاجة وماتروحش عليكم حقها ان شاء الله

بس سيبيها دلوقتى لما تشوفى وماتنسيش موضوع التقديم

وربنا معاكم

السلام عليكم و رحمة الله و بركاته

انا مع راي فوتي فوتي

لان المناهج ممكن تبقي قريبة اوي من بعضها متتصرفيش فيها لغاية ما تشوفي المدرسة الجديدة نظامها ايه.. و بعدين ممكن تاخد فكرة كده في الاجازة....لو تحبي يعني

ربنا يسعدك بيها عقبال مذكرات الجامعة...

مساااااكي حلا

[pink rose]

لا ما هي السنة اللي جاية ان شاء الله هاتدخل كي جي 3 يا فاطمة مش 2

[fatfouta]

لا ما هي السنة اللي جاية ان شاء الله هاتدخل كي جي 3 يا فاطمة مش 2

ايه ده يعنى السنة ماراحتش عليها؟؟....طب كويس قوى

خلاص بقى مش مشكلة الكتب المهم انها مش هترجع سنه

بصى يا ريم هقولك حاجة طلعيهم ثواب والله شوفى لو حد عنده ظروف وممكن يكون عاوزهم من اللى هيدخلوا كى جى 2 السنة الجاية

هتقوليلى مدرسة انترناشيونال وعنده ظروف هقولك ايوه بس دورى وانتى هتلاقى واهو كله بثوابه

ولو كده ابقى إسألى المسئولة عن الكى جى فى المدرسة وهى هتدلك

[pink rose]

والله يا فاطمة انا بافكر ابيعهم و اللي يجي من تمنهم اكمل عليه و اجيب كتب السنة الجديدة

اما بقى موضوع اطلعهم لله فا انا شايفه اني لو رحت مدرسة في مصر و دفعت لكذا طالب مصاريف دخول المدرسة يكون افيد كتير في طلبة في مصر ما بيقدروش يدفعوا مصاريف دخول المدرسة انا كنت باشتغل و عارفه كان في ايتام امهاتهم مش لاقية تتدفعلهم المصاريف

[mama nona]

انتى كنتى مقدمة ليها فى مدرسة الكنج خالد على ما اتذكر

فيه مكتبة فى نفس مبنى العثيم ال فى شارع الضباب

الناس بتروح تبيع فيها كتب السنةالقديمة وتشترى كتب السنة الجديدة مستعملة برده

هتخسرى فيهم شوية بسيطة

[pink rose]

انتى كنتى مقدمة ليها فى مدرسة الكنج خالد على ما اتذكر

فيه مكتبة فى نفس مبنى العثيم ال فى شارع الضباب

الناس بتروح تبيع فيها كتب السنةالقديمة وتشترى كتب السنة الجديدة مستعملة برده

هتخسرى فيهم شوية بسيطة

حبيبتي ماما نونا مفتقداكي و الله

جدة دي شريرة عشان اخدتك من الرياض بس طبعا ربنا ييسرلكم الحال هناك :closedeyes:

ميرسي يا جميل على المعلومة و هاروح و اشوف كده

[doha]

قلتي قبل كده ان المدرسة حددت لك مكتبة معينة تشتروا منها الكتب انا بقول تروحي نفس المكتبه وتعرضي عليهم الكتب بتاعتك وتطلبي منهم يبيعوها لك باي سعر يعني مش لازم تاخذي منهم فلوسها دلوقت وانما خليها لبعدين لو حصل وقدروا يبيعوها .. مش عارفه ان كان ينفع بس جربي

لو لاقدر الله معرفتيش تتخلصي منهم مفيش قدامك غير تنتظري شويه لغايه ماتبدأ الدراسه وساعات كتير بتحصل ازمه على الكتب ومبتبقاش متوافرة في المكتبات وفي الحالة دي ممكن تتفقي مع اي تيتشر في المدرسة بتدرس كيجي تو انها تدي رقمك لاي حد محتاج يشتري كتب لابناءه ولسه مجابهاش .. .حاولي ومحدش عارف يمكن تنفع الحكايه دي برضه

[mama nona]

انتى كنتى مقدمة ليها فى مدرسة الكنج خالد على ما اتذكر

فيه مكتبة فى نفس مبنى العثيم ال فى شارع الضباب

الناس بتروح تبيع فيها كتب السنةالقديمة وتشترى كتب السنة الجديدة مستعملة برده

هتخسرى فيهم شوية بسيطة

حبيبتي ماما نونا مفتقداكي و الله

جدة دي شريرة عشان اخدتك من الرياض بس طبعا ربنا ييسرلكم الحال هناك

ميرسي يا جميل على المعلومة و هاروح و اشوف كده

شكرا ليكى يا ريم

والله انا كمان افتقدت الرياض كتير

مع انى بحس انه جدة فعلا مختلفة قلبا وقالبا عن الرياض

بس والله ما عارفة اتاقلم عليها لغاية الوقتى ....معرفش ليه؟

روحى المكتبة ولو ملقتيش حد يشترى الوقتى

اصبرى لغاية بداية الدراسة هتلاقى المكتبة دى عليها طوابير وضرب عالكتب دى

وبالتوفيق لمريومة فى kg3

انا قدمت لجنى فى kg3 وقدمتلها منهج بريطانى

مع انى مش فاهمة ايه الفرق انه اعلمها بريطانى ولا امريكى

بس بينى وبينك انا وديتها المدرسة دى علشان جنب شغلى مش اكتر