مصر 2020

[The Coder]

انا بعمل فكرة لبرنامج جديد عن الفساد اللى فى مصر بكل انواعه , بس المشكلة انى عايز اقدم الموضوع ده بشكل كوميدى ( برنامج كوميدى او ست كوم) وبالتحديد مصر سنة 2020 ايه اللى ممكن يحصل...؟ والبلد هيبقى شكلها ازاى فى كل المجالات.. يعني لو تحبوا تشاركونى بالمواضيع او شكل البرنامج عامة او المضمون

[The Coder]

محدش دخل وقال رايه ليييييييييييه

فين الافكار والافيهات طلعوا اللى جواكو

-الشكل العام (برنامج كوميدى و لا ست كوم)

-مصر هيبقا شكلها ازاى

-المشاكل هتتحل ازاى

------- كل ده بس كوميدى :happy:

[The Coder]

ايه رايكم فى الكلام ده وممكن يتقدم فى شكل برنامج ولا حاجة ست كوم:

(المقاله ديه منقوله)

حدث فى مصر تحولات كبيرة ومثيرة أحببت أن أُطلعكم عليها فقد دخل الرئيس الحالي حسني مبارك التاريخ ففي منتصف عام 2011 تنحى مبارك ودعي لانتخابات نزيهة لا يرشح فيها احد من أولاده وغير الدستور ليتاح لأي مواطن مصري أن يرشح نفسه شرط تجميع توقيع 100 ألف مواطن وتمت الانتخابات بنزاهة تامة تحت إشراف مراقبين دوليين .

كان أول قرارات الرئيس الجديد اعتبار مبارك زعيما للأمة وله حصانة هو وعائلته مدى الحياة مما اعتبره المحللون صفقة تمت بين مبارك والرئيس الجديد .

دعا الرئيس الجديد إلى اجتماع جميع فصائل الأمة لمناقشة واقتراح حلول لمشاكل مصر المزمنة.

ستتعجب إذا قلت لك أن أفراد المعارضة ظهروا في التلفزيون المصري وتكلموا بكل حرية في الصحف القومية وستتعجب أكثر إذا قلت انه أصبح من الطبيعي جدا أن يجتمع ألاف المواطنين في ملاعب كرة القدم في المحافظات المختلفة لمناقشة قضايا الوطن وترسل هذه المقترحات إلى هيئة عليا تكونت من مفكري مصر المستقلين .

أصبح الإقبال على هذه التجمعات أكثر شعبية من مباريات كرة القدم وانتشرت الحوارات بين الناس في كل مكان خصوصا المواصلات العامة .

ومما زاد حماس المصريين استجابة الدولة لاقتراحاتهم باحترام ادميتهم وكرامتهم في اقسام الشرطة فقد صدر مرسوم رئاسي بتجريم كل اشكال الارهاب التى يمارسها افراد الشرطة من سب وقذف والنظر بحدة وارهاب من افراد الشرطة لتخويف المواطن المصري

اصبح الدخول الى اقسام الشرطة كالدخول الى اي مصلحة حكومية واصبح افراد الشرطة اكثر لطفا واحتراما للاخرين فهم في النهاية مواطنين مصريين .

أقرأ لك بعض ما كُتب في صحف اليوم 3-6-2012

اعتمد السيد الرئيس مشروع طريق المستقبل الذي يسير موازي لنهر النيل ويبتعد عن الوادي القديم بمسافة تتراوح بين 40 و50 كيلو متر ويمتد من الإسكندرية إلى أسوان وسوف يُشغل ملايين الأيدي العاملة وستكون أول مرة في تاريخ مصر أن يبتعد المصريون عن نهر النيل وسوف تستوعب الزيادة الكبيرة في عدد السكان وكما تعلم فقد اقترح هذا المشروع العالم فاروق الباز في عصر الرئيس الراحل السادات .

بدأ العمل في نفق شرم الشيخ الذي يصل بين شرم الشيخ في مصر وقرية الشيخ حميد في المملكة السعودية على خليج العقبة وهذا أول اتصال بري بين أقطار الوطن العربي في أفريقيا واسيا بعد قطع الطريق البري بواسطة الكيان الصهيوني وسوف تنشئه الشركة التى اقامت النفق بين فرنسا وانجلترا على بحر المانش.

الحكم بمدد تتراوح بين عشرة وخمسة عشرة سنة للمدانين بالتعذيب وانتهاك حقوق الإنسان.

افتتاح المتحف المصري العالمي بحضور رؤوسا الدول ورجوع راس نفرتيتي من ألمانيا بعد مفاوضات شاقة .

الغاء قانون الضرائب العقارية لمخالفته للدستور الذي يقر بحق المواطن فى امتلاك المسكن .

الغاء اتفاقية الغاز مع الكيان الصهيوني.

لن تصدق هذا الخبر فقد حصل الزمالك على الدوري من خصمه العنيد الاهلى بعد حرمان طويل.

دعك مما سبق فقد تقول أن هذا كلام جرائد ولكن دعني اصف لك حال الناس الذي تغير كثيرا رغم أن بين الحاليين اقل من ثلاث سنوات .

إذا رأيت المصريين في 2012 فلن تعرفهم فبعد السماح لهم بالتعبير عن آراءهم بحرية دب النشاط والحيوية في جميع أنشطتهم .

اختفى الحزن أخيرا من وجوه المصريين رغم أن الحالة الاقتصادية تقريبا على حالها في 2009 ولكن إحساسهم أن التحسن في أوضاعهم أصبح وشيكا وبعد معاقبة المفسدين الذين ترعرعوا في العصر السابق .

في الختام قد أكون أجبت عن بعض الأسئلة الحائرة التي تدور في ذهن ملايين المصريين المحرومين في عصركم من معرفة مستقبلهم ومستقبل أولادهم والاحساس بالامان على اموالهم وبيوتهم وهذا ابسط حقوقهم .

صديقك من العام 2012

حُررت في 3-6-2012

[eTiger]

طرح جميل وتصور رائع نتمنى جميعا تحقيقه.

بس بلاش مسألة محاكمة اللي قاموا بتعذيب الشعب لأن ده هيكون السبب الرئيسي في عدم التنازل عن الحكم لأي رئيس جديد :sad:

كمان إيه علاقة فوز الزمالك بتغيير النظام ؟؟ أعتقد إن وكسة الزمالك أبدية ومع أي نظام :happy:

تحياتي وفي انتظار باقي السيناريو الرائع .

[se_ Elsyed]

طب ابدأ ودوقنا كده

[لماضة مصرية جدا]

السلام عليكم و رحمة الله و بركاته

طب تصدق حضرتك عمري ما تخيلت مصر ابعد من 2010...مش معناها بعد الشر ان مصر مش هتعيش و لا اننا اضطرينا نضحي بالجنين عشان الممرضة تعيش

فعلا انا مش ملاحقة اتخيل المستقبل هيحصل فيه ايه...لاني في الواقع مصدومة.....معظم الوقت....من الناس قبل الاحداث

طول الوقت بحس اني فجأة كان بني آدم قاعد ع الجزيرة بتاعته و يمد ايده كده ياخد عنقود عنب...و يتعوج كده يلاقي كوباية لبن طازة.....

و اذ فجأتن قلبه وجعه كده و قلق منامه ووحشه حاجة بيقولوا عليها عليها الوطن.....راح بقي و هو لابس العيد...و فتح دراعاته ع الاخر

و هو بيجري.....بيجري.....و الهوا بيلفح في وشه......و يطير الكام شعرة اللي ملزقهم علي راسه

هوووووووووووووووووووووب

راح اختفي م ع الشاشة

ايون

وقع في بلاعة

المشكلة مش في البني آدم اللي ساب غطا البلاعة المفتوحة....و لا في البني آدم اللي كان لابس لبس العيد مع ان اغنية صفاء ابو السعود لسه منزلتش و لا العيد فرحة و لا اي حاجة

المشكلة ان م كتر التغييرات اللي بتحصل للواحد بسرعة البرق مبقاش عنده قدرة ع التخيل اكتر من كده......

او بقي عنده خيال زيادة عن اللزوم خلي رجليه ملمستش الارض و عرفت ان فيها مليون بلاعة غطاهم مفتوحين ع الاخر...دول حتي مش متواربين

ع جنب بقي

فكرة حضرتك تختلف ايه عن المطروح حاليا.....

و خصوصا انا من الناس اللي بلاقي مقالات عمر طاهر....بلال فضل.........ابراهيم عيسي......ممكن نختلف عليها او نتفق بس محدش ينكر انها بتقدم جرعة تخش الدماغ كده و تنخشش فيه

و لا ايه راي حضرتك؟؟؟؟؟؟

فوتكم بعافية

حد يبقي يجي يطلعني ....انا وقعت في بلاعة.....بس و ربنا لاطلع....و هشمر و ربنا المعبود لارجع البس لبس العيد......ربنا كريم (وش حنفي في مسرحية المتزوجون)

[Howayda Ismail]

السناريو اللى حضرتك وضعته مالوش غير وصفين الاول انه يكون احدث نكتة ظهرت على الساحة والثانى انه يكون كدب ابريل

(مش كدبة واحدة) لعشر سنين قدام بداية من 2012

[سكر]

ممكن كل الى فاتت يتحقق bv:-

لكن دى لا

لن تصدق هذا الخبر فقد حصل الزمالك على الدوري من خصمه العنيد الاهلى بعد حرمان طويل.

:D

[The Coder]

يا جماعه الموضوع سهل جدا و يا لماضه الناس كلها بتتكلم عن التغيير اللى ممكن يحصل فى المستقبل واحنا حتى لازم نفكر فى المستقبل ومش هنفضل على طول نبص على اللى احنا فيه وبس لازم نبص ايه اللى ممكن يحصل تابع للى احنا فيه دلوقتى

يا جماعه انا نفسى كل واحد يتخيل زى الجماعه بتوع بره قالو 2012 هتبقى نهاية العالم (لا يعلم الغيب الا الله) احنا كمان لازم نتخيل مصر هتبقى ازاى ونحاول نفكر فى الحلول حتى لو بطريقة كوميدية المهم اننا نتخيل عشان مااااااااااااانتصدمششش

[The Coder]

طيب اية رايكو لو فى الة زمن الواحد يدخل فيها وخير اللهم ما اجعله خير يقوم رايح حتى تانى (طبعا ده من غير ما يعمل دماغ)

المهم هيروح فى زمن تانى بس برده فى مصر وهنقول انه سنة 2020 الاسئلة الى بتفرض نفسها بقى

-برده الناس هتكون بتاكل فول و طعميه؟

-المصرى هيكون زى ما هوه فهلوى؟

-المصرى هيكون لسه مقتنع ان كوباية الشاى الصبح هى ديه اللى هتعدله دماغه

-هيكون الرئيس مباااااااارك لسه عايش ولسه رئيس

-هل هيكون فى لسه خناقات بين الراجل ومراته

-ممكن يكون فى كارثة ومصر برده مش هتتاثر زى الازمة العالمية

[The Coder]

سورى يا جماعه كنت مشغول الفترة اللى فاتت ديه انتوا عارفين بقى اصل انا حلمت والله مش اكتر من حلم انى بقيت رئيس جمهورية مصر العربية وطبعا اول ما صحيت من النوم قلت اعوذ بالله من الشيطان الرجيم 3 مرات ربنا يستر وجيت وانا رايح الشغل عديت من عند كوبرى الجامعه كده وعند السفارة الاسرائيلية فى بنك هناك بقبض منه المرتب رحت استعلم عن الرصيد .....

المكنة قلبت وحش و بلعت الكارت m8: فضلت واقف مستنى المكنة ترجع الكارت لقيت الظابط جاى و بيقولى خير يا بوب فى حاجة و طبعا انا مصدقتش انه بيقولى يا بوب قولتله عادى المكنه قلبت وحش و بلعت الكارت :angrycop: قاللى نعم يا خويا .... قولتله سورى

قاللى انت فى كلية ايه يا ميدو (طبعا انا استغربت انه عرف اسمى منين :D ) قلتله لا حضرتك انا شغال ... قاللى شغال فين يا حماده

طبعا انا مش متعود على الدلع ده كله (قلت فى نفسى شكله حاسس انى هبقى الريس بحق و حقيقى) فا قولتله انا شغال مخرج

قعد يضحك كتير ... قلتله هى الشغلانه ديه بتضحك .... قاللى وانت من انهى نوع فيهم .... قولتله التليفزيون المصرى smk:

قاللى (حضرتك يا فندم تدخل البنك وتقابل حد من خدمة العملاء وهما ان شاء الله هيشوفولك موضوع الكارت وهيصرفوا لحضرتك الفلوس وان شاء الله خير يعنى حضرتك ما تقلقش)

قلت فى نفسى امال لو الحلم اتحقق بجد هتعملوا ايه يا ولااااد ال تييييييييييييييييت smk:

الموضوع ده فعلا خلانى مقتنع مليون الميه انى لازم اعمل البرنامج اللى بحلم بيه , بس المشكلة ان طبعا زى ما نتوا عارفين البرنامج سياسى كوميدى فى مواضيع ما اتوافقش عليها

يعنى انا فكرة البرنامج ده برنامج كوميدى عادى بس فى سنة 2020 كنت هتكلم عن الحكم والبلد والحياه بس شكل تفاؤلى شوية يعنى اكيد مصر هتبقى احسن ان شاء الله وايه اللى هيحصل مثلا مش هيكون لامين الشرطة سلطة وهيبقى ممكن ان الواحد يشتكى من الظابط انه مكلمهوش بطريقة حلوة وكده حاجة نفسنا كلنا تحصل بس للاسف فى مواضيع كتيرة لو قربت منها (( هتحبس)) ده بجد مش هزار

معلش طولت عليكوا انا مستنى ردودكوا wst::