توفي الزوج تاركاً ولد وبنت

[بنت الشاطئ1]

توفي الزوج تاركاً ولد وبنت

كانوا يعيشون في منزل العائلة الكبير

أعمام الولد والبنت لهم في المنزل وكذلك عماتهم

الولد والبنت لهم في البنك مائة ألف جنيه فقط

هناك من يقترح أن يترك الأعمام المنزل وياخدوا نصيبهم من أراضي مثلاً

طيب لو الأعمام مش موافقين يعملوا إيه أنا عايزة اساعدهم لأنهم صغار السن

مامتهم مش بتعرف تتصرف حتى الفلوس إللي في البنك بتقول هتخلي الفلوس في البنك وتعيش من ارباحهم طبعاً مش صح كدة مع العلم أن جوزها الله يرحمه كان تارك الفلوس في البنك منذ ١٥ سنة وعايش من ارباحهم يعني كفاية مخاسر واللا إيه

[se_ Elsyed]

عاوزين تفاصيل اكتر .. شخصياً ما فهمتش حاجه

[صافى]

توفي الزوج تاركاً ولد وبنت

كانوا يعيشون في منزل العائلة الكبير

أعمام الولد والبنت لهم في المنزل وكذلك عماتهم

الولد والبنت لهم في البنك مائة ألف جنيه فقط

هناك من يقترح أن يترك الأعمام المنزل وياخدوا نصيبهم من أراضي مثلاً

طيب لو الأعمام مش موافقين يعملوا إيه أنا عايزة اساعدهم لأنهم صغار السن

مامتهم مش بتعرف تتصرف حتى الفلوس إللي في البنك بتقول هتخلي الفلوس في البنك وتعيش من ارباحهم طبعاً مش صح كدة مع العلم أن جوزها الله يرحمه كان تارك الفلوس في البنك منذ ١٥ سنة وعايش من ارباحهم يعني كفاية مخاسر

انت تقصدى مخاسر بسبب ان الارباح حرام والا اية قصدك :happy: بب

[بنت الشاطئ1]

يعني هما كل اللي حيلتهم منزل لهم شركاء أعمام وعمات

اعمامهم عايزين الورث بتاعهم مع أن هذه الاسرة ليس لهم مكان سوى هذا المنزل

في أيضاً أراضي مشتركة للرجل المتوفي مع اخواته

هناك من يقترح أن يترك الأعمام هذا المنزل لهذه الاسرة و يعني يقدروا نصيبهم في البيت وياخدوا بدله أرض

أمهم لا تعرف ماذا تفعل :: هي وزوجها واولادهم كانو يعيشون من أرباح المئة ألف منذ ١٥ عاماً

كل ما أراها أقول لها الفلوس بتقل قيمتها لازم تعملوا مشروع لكن لم تفعل مع العلم أنها لها حرية التصرف في الفلوس لأن زوجها كان قعيد

والأن تريد أن تظل تعيش من أرباح الفلوس ونة بقول لها كفاية مخاسر لان الفلوس ده لو كانت أستثمرتهم من ١٥ سنة كان عرفت تعمل بهم مشروع جيد

[ابوهنا]

الله يكرمك بلاش قصة المشاريع ديه

لانى اعرف ايتام كتير اتخر بيتهم من قصة المشاريع

خليها تيب الفلوس فى البنك وتصرف من ارباحهم

وايكى تسمعى كلام اى شيخ يقولك حرام

ده مال ايتام

ولو استحرمنا البنك هياخدهم خالهم او عمهم ويعملهم مشروع ويخسروا الفلوس كلها

[لماضة مصرية جدا]

السلام عليكم و رحمة الله و بركاته

البقاء لله

مع عدم علمي بالتفاصيل كلها بس افضل لو الام معندهاش اي خبرة تخلي الفلوس في البنك...لانك بتقولي انهم صغيرين و ده مبلغ ممكن يجيب ارباح كويسة متهيالي كل شهر

ممكن سؤال: هو ليه الاقتراح ان العيلة دي تطلع من بيت العيلة الكبير؟؟؟

معاملة الاعمام كويسة...بالعكس لازم الاسرة دي تفضل موجودة في بيت العيلة.....اللي اعرفه ان لو فيه مصيبة زي كده محدش هيقف جنبي آد اخواتي و اخواتي هم اللي هيشيلوا عني ولادي

و لو فيه ارض ....اللي اعرفه رايي المتواضع....لما بيكون الميراث فيه ارض زراعية او حتي بور لا يمكن تتباع و الجد او العم الكبير هو اللي بيتولي شئون الارض و بيجيب الدخل السنوي للمحصول للولاد و امهم...لكن الارض مينفعشي تتباع باي شكل...ده العرف عندنا في الصعيد

و سامحيني علي رايي المتواضع....بس ده اللي استشفيته من كلام حضرتك

و ربنا مش هينساهم و هييسرلهم امورهم بكرمه

في امان الله

[Howayda Ismail]

بلاش اقتراح المشروع لان حالة الركود والضرائب اكثر اثنين فى فشل انجح المشاريع واقوى خبرة البنك اضمن شئ الان لهم ثانيا حال اهل والدهم شكله ايه مع الاولاد وامهم اهل مساعدة وسند للاولاد ولا مثل بعض الاهالى طماعين ودون عون لو الاولى يبقى وجودهم افضل مع الاولاد فى البيت ويساعدوا الام فى تربية الاولاد لو كانوا الثانية على الام البحث عن اهل ثقة وامانة من اقاربها او حتى محامى ذو ضمير يثمن لهم الارض بعيدا عن اهل الزوج ويدفع لهم مقابل ورثهم فى البيت ويتركوا البيت خاصا للام واولادها والله يقويها ويعنيها على تربية اولادها

[ozoozo]

الارض والبيت يتباعوا ويتقسم المال بينهم او تقدر الارض والبيت ويتم بالتبادل او بتم رفع قضيه تسمي فرز وتجنيب وتتدخل المحكمه لبيع الارض والبيت وتقسيم المال او بالاتفاق اللي معاه فلوس يشيل نصيب التاني بعد انتداب مثمن من المحكمه

[fatfouta]

اومال انتى عاوزاهم يعملوا ايه الفلوس يا بنت الشاطئ؟؟ مش هينفع تطلعهم من البنك لان مهما كان المبلغ انتى متخيلة انه كبير لكن ممكن مايربيش اطفال على مدار العمر طلما مافيش دخل تانى....

لان خد مالتل يختل

وبعدين ماتخليهم فى البيت مع اعمامهم اذا ماكنش فيه مشاكل لكن لو فيه مشاكل يبقى بالتراضى واعتقد الاعمام مش هيرضوا يسيبوا البيت لان ده بيت العيلة ذى مابتقولى يعنى هيقولوا هنسيب بيتنا عشان تقعد فيه مرات اخونا واحنا نمشى!!! هما ممكن لو هما كويسين يدوهم نصيبهم فى البيت ويسيبوهم يقعدوا لوحدهم مع مامتهم فى شقة لوحدهم

وكمان فيه نقطة انا مش فاهماها المفروض الفلوس دى لو بإسم الأب بتدخل المجلس الحسبى والام بتبقى هى الواصية عليهم او حد من اعمامهم لو الام رضيت بكده......

والأم بتصرف منها لو عاوزة حاجة ذى مصاريف مدارس وخلافه لكن ده بيكون بحكم محكمة وكل مرة بتعوز فلوس بيبقى فيه جلسه والقاضى بيسألها عاوزاهم ليه ومش بيبقى بالبؤ كده لأ دى لازم تجيب ايصال مصاريف المدرسة مثلا او الجامعات عشان يرضى يطلع لها فلوس

وبتتقسم الفلوس لكل ابن وابنه وبتفضل فى المحكمة لغايت ما بيكملوا 21 سنة ويقدروا يروحوا بحكم انهاء الوصاية يطلعوهم من البنك وياخدوهم

لكن اعتقد ان الام بتاخد نصيبها بمجرد مابتعمل الاعلام الشرعى

لكن لو مادخلوش المجلس الحسبى يبقى برضو التريث مطلوب لان المبلغ مش كبير قوى على طفلين لسه هيتربوا ومدارس وكليات واكل وشرب ولبس ومصاريف ياما

بس ياريت تشوفى او توضحى الفلوس باسم مين وعملوا اعلام شرعى ولا لأ.......كل دى حاجات لازم تتعمل عشان توثيق حق الاطفال

على فكرة الاعلام الشرعى بتاعهم هما غير بتاع جدهم اللى على أساسه هيقسمه الاعمام كل واحد نصيبه.....لكن لازم هى تعمل اعلام شرعى ليها هى وولادها عشان مايضيعش حقوقهم من جوزها نفسه الله يرحمه وتشوف محامى يعملها الكلام ده

والحق مافيهوش زعل معلش....وربنا معاهم ويحنن قلب اهلهم عليهم يارب

[بنت الشاطئ1]

اومال انتى عاوزاهم يعملوا ايه الفلوس يا بنت الشاطئ؟؟ مش هينفع تطلعهم من البنك لان مهما كان المبلغ انتى متخيلة انه كبير لكن ممكن مايربيش اطفال على مدار العمر طلما مافيش دخل تانى....

لان خد مالتل يختل

وبعدين ماتخليهم فى البيت مع اعمامهم اذا ماكنش فيه مشاكل لكن لو فيه مشاكل يبقى بالتراضى واعتقد الاعمام مش هيرضوا يسيبوا البيت لان ده بيت العيلة ذى مابتقولى يعنى هيقولوا هنسيب بيتنا عشان تقعد فيه مرات اخونا واحنا نمشى!!! هما ممكن لو هما كويسين يدوهم نصيبهم فى البيت ويسيبوهم يقعدوا لوحدهم مع مامتهم فى شقة لوحدهم

وكمان فيه نقطة انا مش فاهماها المفروض الفلوس دى لو بإسم الأب بتدخل المجلس الحسبى والام بتبقى هى الواصية عليهم او حد من اعمامهم لو الام رضيت بكده......

والأم بتصرف منها لو عاوزة حاجة ذى مصاريف مدارس وخلافه لكن ده بيكون بحكم محكمة وكل مرة بتعوز فلوس بيبقى فيه جلسه والقاضى بيسألها عاوزاهم ليه ومش بيبقى بالبؤ كده لأ دى لازم تجيب ايصال مصاريف المدرسة مثلا او الجامعات عشان يرضى يطلع لها فلوس

وبتتقسم الفلوس لكل ابن وابنه وبتفضل فى المحكمة لغايت ما بيكملوا 21 سنة ويقدروا يروحوا بحكم انهاء الوصاية يطلعوهم من البنك وياخدوهم

لكن اعتقد ان الام بتاخد نصيبها بمجرد مابتعمل الاعلام الشرعى

لكن لو مادخلوش المجلس الحسبى يبقى برضو التريث مطلوب لان المبلغ مش كبير قوى على طفلين لسه هيتربوا ومدارس وكليات واكل وشرب ولبس ومصاريف ياما

بس ياريت تشوفى او توضحى الفلوس باسم مين وعملوا اعلام شرعى ولا لأ.......كل دى حاجات لازم تتعمل عشان توثيق حق الاطفال

على فكرة الاعلام الشرعى بتاعهم هما غير بتاع جدهم اللى على أساسه هيقسمه الاعمام كل واحد نصيبه.....لكن لازم هى تعمل اعلام شرعى ليها هى وولادها عشان مايضيعش حقوقهم من جوزها نفسه الله يرحمه وتشوف محامى يعملها الكلام ده

والحق مافيهوش زعل معلش....وربنا معاهم ويحنن قلب اهلهم عليهم يارب

أولاً الفلوس ده كان ممكن يعملوا بها حاجات كتير من ١٥ سنة لكن الأن ملهاش قيمة

هما ارباحهم ١٢٠٠ جنيه شهرين متتالين وشهر مفيش

يعني ٢٤٠٠ المفترض يكفوهم ثلاث أشهر واضح كدة لو قسمنا ٢٤٠٠ على الثلاث أشهر المفروض يسرفوا في الشهر ٨٠٠ جنيه طبعاً لا يكفي

كانت تشتكي أن الفلوس مش بتكفي

الولد في سنة ثالثة ثانوي لكن لا يتحمل مسؤلية والبنت في أولى ثانوي

الفلوس كنت باسم الزوج