الخطوط السعوديه بقت تنزل فين؟

[ozoozo]

زي مانتم عارفين ان المطار بيطوروه وهايكسروا السيراميك وبعد تلات سنين هايسلموه بسيراميك جديد خالص غير الاولاني

المهم انا مش فاهم دلوقتي يعني الخطوط السعوديه بقت تنزل فين دلوقتي ؟زي زمان في المطار الجديد ولا بقت تنزل في القديم ولا هاتنزلني علي ميدان الخلفاوي علي طول ولا ايه؟

ياريت اللي نزل مصر قريب يقولنا هي بتنزل في اي مكان بالظبط

هو التذكره مكتوب فيها صاله 2 بس انا عارف ان دي بيجددوها

[fatfouta]

انا كمان كنت عاوزة أسأل السؤال ده يا ozoozo

كان نفسى احجز مصر للطيران مش بحب الطيران السعودى بصراحة خالص......بحس ان مصر للطيران الرحلة عليها بتبقى funny فى كل حاجة والعيال بيحبوا قوى يركبوا الباص اللى بيودى للطيارة وينزلو من الطيارة يلاقوه ويركبوه مش بيحبه البالون الكئيب ده

لكن صحيح هينزلونا فين يعنى....عشان نبلغ اللى هيستقبلنا؟؟؟ وماحدش يقولى صالة 2........يعنى مطار جديد ولا قديم؟؟؟

تم تعديل 9 يونيو 2010 بواسطة fatfouta

[doha]

المطار القديم صالة 3

[engmido]

على حد معلوماتى

المطار القديم صالة 1 و 2

المطار الجديد صالة 3

[hOuSsAm]

المطار القديم صالة 3

انتى متاكدة انه المطار القديم

انا معرفهم فى البيت انه الجديد عشان انا مسافر من المطار الجديد

بالله عليكوا اتاكدوا يا جماعة الخطوط السعودية بتنزل فين؟

كدة هبدلهم معايا بين المطارات bv:- والشاطر يلاقينى بقى :D

[se_ Elsyed]

إديها ما ترحمهاش

والله إنتو زي العسل

بقى المطار القديم بقى 3 .. والجديد بقى 5 .. وكله على كله ..

هو إحسن حل إن اللي جاي ينتظركم .. يقف في ميدان التحرير عند المتحف ... وإنتو تاخدوا تاكس وتروحوا له أفضل ...

-----------

المطار القديم هو صالة 1 يا جماعة اللي كانت مصر للطيران بتنزل فيه ونركب الأتوبيس ونشوف الناس وهي بتشاور وكدهوت ....

والمطار الجديد هو صالة 2 .. وكانت الخطوط السعودية بتنزل فيها .. وفيها التيوب اللي بيوصل لحد الطيارة ..

وبعد كده عملوا صالة 3 وكانت الأول مخصصة للخطط الأجنبية فقط ( أوروبية وأمريكية وغيرها ) ...

وبعدين شوية شوية نقلوا مصر للطيران فيها ....

ودلوقت تم إغلاق صالة 2 تماماً لتحديثها وتوسيعها وجعلها زي صالة 3 ...

وبقت الخطوط السعودية والمصرية دلوقت بينزلوا في صالة 3 الجديدة ....

[رعد]

يا جماعة ببساطة جداااااااااااا

لو اي حد تعب نفسة وبص في التذكرة بتاعتة هيلاقي كلمة terminal 1 or 2 or 3

دي معناها صالة 1 او 2 او 3

ويخللي اللي هيستقبلة ييجي علي نفس الاسم اللي موجود

وربنا يوصلنا جميعا بالسلامة

[herohero]

يا جماعة ببساطة جداااااااااااا

لو اي حد تعب نفسة وبص في التذكرة بتاعتة هيلاقي كلمة terminal 1 or 2 or 3

دي معناها صالة 1 او 2 او 3

ويخللي اللي هيستقبلة ييجي علي نفس الاسم اللي موجود

وربنا يوصلنا جميعا بالسلامة

ماهو المشكلة فين صاله 1و2و3

احنا متعودين ع المطار القديم والجديد

[خالد شحاته]

الان الكل بينزل في صاله 3 وتعتبر ان الصاله من اجمل الصالات المصريه ومرتاحه جدااااااااااااااااا شي غير عادي في مطار القاهره الدولي وباذات صاله 3

[hOuSsAm]

مكتوب فى التذكرة عندى الكلمة دى

NON STOP TERMINAL 2 TERMINAL SV DURATION 2:10

الكلمة اللى بالاحمر دى معناها انها صالة اتنين ولا انا فاهم غلط

طيب حسب كلام سين سين دلوقتى مفيش صالة اتنين

يعنى كدة الطيارة بتاعتى مش هتعرف ننزل :lol:

طيب ينفع ننزل فى الاهرامات انا عايز ازور ابو الهول bv:-

او لو يدوا لكل واحد برشوت الواحد يحلق فى سماء القاهرة

عايز اجابة مختصرة انا حاجز عالخطوط السعودية اقول لاهلى يجوا ياخدونى من فين بدل مبويا يتوه ويحلف ميدخلنى باب البيت :lol:

وكدة هشوف حد من المحاوراتية يستضفنى عنده قيمة سنتين تلاتة :D

[ozoozo]

معلش ياجماعه واحده واحده عليا انا برضه مافههمتش حاجه

يعني ايه الاجابه

القديم

ولا

الجديد

[خالد شحاته]

معلش ياجماعه واحده واحده عليا انا برضه مافههمتش حاجه

يعني ايه الاجابه

القديم

ولا

الجديد

صاله 3 في المطار الجديد علي اليمين وانت داخل المطار

[ozoozo]

معلش ياجماعه واحده واحده عليا انا برضه مافههمتش حاجه

يعني ايه الاجابه

القديم

ولا

الجديد

صاله 3 في المطار الجديد علي اليمين وانت داخل المطار

شكرا علي ردك ياستاذ خالد

[engmido]

يا اخوانن زى ما قال س س

صالة 3 دى احدث صالة فى المطار

يبقى الجديد ع اليمين زى ما قال خالد شحاتة

ده كمان على ما افتكر فى صالة الطيران الداخلى تقريبا 2 او 4

[fatfouta]

يا اخوانن زى ما قال س س

صالة 3 دى احدث صالة فى المطار

يبقى الجديد ع اليمين زى ما قال خالد شحاتة

ده كمان على ما افتكر فى صالة الطيران الداخلى تقريبا 2 او 4

ايوه يعنى مطار جديد ولا قديم ؟؟؟

اقولهم |أيييييييييه؟؟

[herohero]

صالة 3 هي المطار القديم وعموما اللوحات متعدلة ومكتوب عيها صاله 1 او صاله 2 او صاله 3

من بره خالص باين ع الطريق سواء من مصر الجديدة او من طريق الاتوستراد

[doha]

منا قلت لكم صاله 3 المطار القديم

انا لسه جايه من يومين على الخطوط السعوديه واول ماوصلت الطيارة تفاجات بالناس بتقول لبعضها اننا هننزل في المطار القديم طبعا كنا قايلين للي هيستقبلونا اننا كما العاده في المطار الجديد .. سألت الناس الي حوالي في الطياره كل واحد قال اجابة شكل سألت المضيف بذات نفسه قال والله ماعندي فكرة هسال وارد عليكم .. راح سأل ورجع قال لنا الاكيد انها المطار القديم صاله 3

نزلنا واكتشفنا ان الناس الي هتستقبلنا برضه وهي رايحه على الجديد عرفوا في الطريق من اللوحات ومن كل حاجه حوليهم في الدنيا ان الخطوط السعوديه دلوقت بتنزل في المطار الجديد فعرفوا يوصلوا لنا عادي ..

من الآخر يعني ارتاحوا الي هيستقبلوكم هيعرفوا يتصرفوا وهيوصلوا لمكانكم متخافوش .. انتم قولوا لهم بس انكم جايين على الخطوط السعوديه والي يسأل ميتوهش ..

[engmido]

يا اخواننا اموت نفسى

صالة 3 المطار الجديد

واحتياطى ابقى اسألوا الخطوط الفلانية هتنزل فين

ولو حد بيعرف يقرا انجليزى هيلاقيها على شاشة كبيرة ارقام واسماء الرحلات القادمة فى صالة الوصول ايا كانت

[fatfouta]

يا اخواننا اموت نفسى

صالة 3 المطار الجديد

واحتياطى ابقى اسألوا الخطوط الفلانية هتنزل فين

ولو حد بيعرف يقرا انجليزى هيلاقيها على شاشة كبيرة ارقام واسماء الرحلات القادمة فى صالة الوصول ايا كانت

طب بس ماتعصبش نفسك

مكتوب فى التذكرة صالة 2

صالة 2 دى بقى مطار جديد ولا قديم؟؟؟؟؟؟؟؟؟؟ ولا مقفولة دلوقتى وهننزل صالة 3؟؟؟؟؟؟؟؟؟؟؟؟

معلش فهمى على ادى

مش بحب انا الاجابات المبهمة دى

[doha]

يا اخواننا اموت نفسى

صالة 3 المطار الجديد

واحتياطى ابقى اسألوا الخطوط الفلانية هتنزل فين

ولو حد بيعرف يقرا انجليزى هيلاقيها على شاشة كبيرة ارقام واسماء الرحلات القادمة فى صالة الوصول ايا كانت

طب بس ماتعصبش نفسك

مكتوب فى التذكرة صالة 2

صالة 2 دى بقى مطار جديد ولا قديم؟؟؟؟؟؟؟؟؟؟ ولا مقفولة دلوقتى وهننزل صالة 3؟؟؟؟؟؟؟؟؟؟؟؟

معلش فهمى على ادى

مش بحب انا الاجابات المبهمة دى

امرك لله ياانج ميدو موت نفسك وخلاص هتعمل ايه بس مقدامكش غير كده ..

على ضمانتي يافتفوته هو المطار القديم صاله 3 انا لسه واصله مصر من يومين على الخطوط السعوديه ونزلنا هناك .. وعلى كل حال هم هيوجهوهم في المطار للمكان الي انتم فيه بس هم يقولوا لهم الخطوط السعوديه وهيعرفوهم نازله فين بالظبط ..

تم تعديل 11 يونيو 2010 بواسطة doha