الخطوط السعوديه بقت تنزل فين؟

[fatfouta]

سؤال عاجل للحاج سين سين يسأل لنا الحاجه فتفوته والحاجه ام العيال .. انتم وانتم في المطار شفتم حاجه زي كده ؟ ركبوكم سير ولا حتى حلزونه ؟

يا ضحى انا قلت اللى عندى ومش هتكلم تانى فى الموضوع ده

وياريت ماحدش يذكر اسمى تانى فى الموضوع ده ولا يقول فتفوتة قالت وعادت.....ممكن؟؟

[engmido]

بلاش دى يعنى هى مدام فتفوتة ومدام س س قابضين مثلا عشلن يقولوا كده

[fatfouta]

يبقى اللي هيفصل بينا بأه من غير ما نسأل سواق الباص ولا كابتشن الطيارة ولا المضيفة هوا اننا نسأل الاخوة المسافرين سؤال محدد.. انتو لما خرجتو من الطيارة لقيتو ايه في وشكم؟ باص؟ ولا تيوب؟... لو باص يبقى نزلو في القديم, لو تيوب يبقى نزلو في الجديد أوي..

على فكرة أنا مستمتع جدا بالمناقشة الحامية جدا في الموضوع التافه ده

على فكرة يا اخ ياسر الموضوع اللى بالنسبة لحضرتك تافه ممكن يكون لناس تانية مهم جدااااا

ومعلش بقى اصلى انا جاهلة فـ عشان كده سالت سواق الباص والكابتششششين والمضيفة وعمال المطار.......ومعظم اللى فى الطيارة كانوا ذيى جهلاء وعشان كده برضوا سألوا

كلمة اخيرة هقولها فى الموضوع ده

الاحترام هو اللى متوفر بيننا هنا فياريت بلاش تريقة وتعدى على كلام الاخرين

وتحياتى ليكم كلكم وربنا يوصلكم بالسلامة

[fatfouta]

بلاش دى يعنى هى مدام فتفوتة ومدام س س قابضين مثلا عشلن يقولوا كده

وبعدين بقى....

[engmido]

هو ايه ده اللى وبعدين بقى؟؟؟؟؟؟؟

هو احنا لا سمح الله غلطنا

[hOuSsAm]

مدام ضحى

انتى استاذة :lol:

بجد بجد بجد متشكر ليكى جدا من بيتنا للمطار وكام كيلو زيادة

(انتى عارفة ليه......... لان والدتى كان ممكن تموت فيها لو ملقتنيش طالع من باب المطار او اتاخرت نص ساعة كمان والمشكللة انى مكنش معايا خط مصرى اتصل بيهم ................ انا طلعت لاقتهم واقفين عالباب)

انا يا جماعة نزلت فى المطار القديم صالة تلاتة

وهقولها بصوت عالى تانى القديم صالة تلاتة

اسمع يا اوزوز كويس الكديم هول ترى

(وللتاكيد انا كنت مسافر عالخطوط السعودية ) saudi arabia airline

ده مش الجديد ابدا وحتى مش نضيف زى الجديد (شكله كدة شبه مطار جيزان)

لعلمكوا وانا مسافر سافرت عالمطار الجديد يعنى عارف شكله كويز جدا

حتى المسافات البينية حوالين السير ضيقة

وفيه باص وصلنا من الطيارة لحد الصالة

يبقى كل الشواهد بتقول انه المطار القديم (وبكدة مدام ضحى تكسب) :wub: معلهش بقى يا سين سين (متجيب متين ريال اروح بيهم دريم بارك اتفسح واهيص وانا اغيرلك فى النتيجة بتاعة المباراة وسرك يا معلمى هيبقى فى بير)

--------------------

ودى كانت انطبعاتى عن الرحلة

1- مضيفات الطيارة كان معظمهم مصريات وكانوا شيك وزوق اوى ومحترمين وبيخدمونا بعيونهم وابتسامة حلوة على وشهم ........ بجد عجبونى اوى (بعكس الانطباع اللى انا واخده عن مضيفات مصر للطيران وده من حكاوى الناس وليس عن تجربة) مع انى كنت متعود ان مضيفات الطيران السعودى عرب او من جنوب شرق اسيا

2- الطيار كان كويس اوى ودى اول رحلة (الخطوط السعودية) استريح للطيار كانت طلعته هادية وبالراحة ونزلته كانت متوازنة وهادى وراسى ولا كان فيه اى خطورة ولا قلق

بجد كنت مستريح نفسيا اوى

3- عملت كارت الفرسان ونفعنى اوى بالاضافة ان الراجل اللى كان عالكونتر زوق ومحترم اوى وحجزلى كورسى عالشباك فى الدور اللى فوق (نصيحة اخونا ميكاوى)

وطبعا كارت الفرسان ظبطنى فى الوزن الزيادة وكان معايا جركن مية زمزم عشرة لتر ( المرة الجاية باذن الله هحاول يكونوا عشرين)

4- متنسوش تكتبوا اساميكوا عالحاجة حتى لو مية زمزم عشان شنط كتيرة شبه بعضها وكنت متلخبط فى شنطتى (مع انى كاتب اسمى)

5- انا متاسف عالملحوظة دى بس ضيقتنى اوى (ناس كتيرة اوى فى الطيارة قلعت هدومها عشان تنزل بالحجات اللى فوق الركبة والبادى md2: وحجات تانية استغفر الله العظيم وفضلت فى اخر نص ساعة فى الطريق تحط مكياج وقدام عيونى وعيون اجوزاهم .... هو معتش فيه اختشى) ربنا يسامحهم بقى بس انا مستاء من التصرف ده وبشجب وبندد :wub:

6- الظابط بتاع الجوازات كان محترم اوى حتى سالنى انت ليك طلبات؟ جاوبته بابتسامة رقيقة :) هو انا المفروض اطلب حاجة قالى عادى يمكن نفسك فى حاجة او عندك مشكلة اساعدك فيها

7- اخدت الشنط من عالسير ومفيش حد قالى اشيل عنك يا بيه ولا كل سنة وانت طيب ولا اى حاجة الناس كلها كانت بشوشة ونفسهم عفوفة

8- الضابط بتاع الجوازات بابتسامة جميلة :) قالى حمدلله عالسلامة انت اول مرة تنزل اجازة قولتله اه

قالى طب معاك حاجة تتجمرك قولتله لا (مع انى معرفش ايه يتجمرك وايه ميتجمركش)

قالى طب اتفضل وادانى الجواز

وحسيت انه بيطبطب عالناس وعايز يشلهم فوق راسه

بس لى ملحوظة بالنسبة للقصة دى انها مع انه ريحنى اوى ومقلييش افتح الشنط وسهلها عليا واختصر وقتى ومبهدلش الحاجة اللى معايا ومع انى قرات فتاوى كتيرة تحرم موضوع الجمارك ........ بس كدة هو مش بيطبق القانون وبيضيع فلوس كتيرة عالبلد ..... هو ايه اللى عرفه انى صادق ولا كداب......... انا مش عارف ايه الدافع اللى خلاهم يتبعوا النظام ده ولا هما اصلا لغوا الجمارك ولا ايه؟

طيب هل هو بياخد عينات او بعض الناس اللى بيشك فيهم يفحص شنطهم؟

التساهل عالناس حلو ....... بس مش تتفتح عالبحرى عشان فيه ناس تانية بتضر

9- طلعت من البوابة لاقيت والدى ووالدتى واخويا فى انتظارى :wub:

11- الباركنج كان بخمسة جنيه وانا شايف انه سعر ممتاز

12- القاهرة حلوة اوى والجو كان جميل جدا ومفيش عسكرى مرور وقفنا عشان حاجة كدة ولا كدة ولا حد طلب رشوة بالرغم ان السواق وابويا مكنوش رابطين الحزام حتى كان فيه تنظيم مرور نسبى عن مكنت سايب القاهرة (بس طبعا الانطباع ده ضعيف لان مش من مشوار واحد تتعمم التجربة)

13- الاسفلت بتاع الطريق من القاهرة للمنصورة كان جميل جدا مقارنة باللى كان موجود قبل كدة يعنى لو قارنته باسفلت جدة ممكن تكون جودته اعلى (انا مش خبير فى الحجات دى بس ده انطباعى) غير انه قليل جدا يقابلنا مطب بعكس ايام زمان

14- الناس فى السواقة كانوا عصبين اوى ومتهورين بغباء اكتر من زمان واخلاق السواقة حاسس انها اختفت (حتى السواقين بتوع البيجو اللى بيشغلوا ام كلثوم والحجات دى وبيخدوا المطب عالهادى بقوا متهورين اوى وبيخدوا المطبات عالسريع وبيعملوا نتشات خطر اوى) اعصابى تعبت منهم بالرغم انى كنت فاكر ان السواقة فى السعودية هى اللى متهورة طلعت انها حالة عامة

15- امى ....... حبيبة قلبى لاقيتها عاملة حاجة غريبة اوى :wub:

كنت زمان (سنتين او تلاتة مش بعيد اوى يعنى) ببوس ايديها عشان تشيل الموبيل اللى جبتهولها هدية وعشان تتعلم عليه ودى راسها والف سيف انه ملهوش لازمة معاها وهى مش بتحب الحجات دى ويبنى شيله انت ....... وتقول انا بعد مكبرت هرجع اشيل موبيلات واتعلم

الاقيها شايلة جهازين موبيل منهم واحد صينى بشرحتين يعنى معاها 3 خطوط واحد سعودى واتنين مصريين (قولتلها هى وصلت لكدة)mfb:

16- العربيات الجديدة فى مصر بقت منتشرة اوى محستش انى فى مكان بعيد عن جدة ........ الفرق الوحيد كان فى العربيات الكبيرة انى مشفتهاش............ يمكن لما انزل القاهرة واسكندرية يتغير الانطباع

17- ابويا مرفوع عليه قضية عشان بوظ الاسفلت اللى قدام البيت والمفروض يدفع غرامة (جاب ناس يصلحوا ماسورة مية) مع انها متلفة وفيها عيوب فى الوصف والتقييم الفنى بتاعها بس انا مبسوط انهم بيطبقوا قانون زى ده عشان مش كل من هب ودب يجى يحفر قدام بيته ويبوظ الشارع بسبب ومن غير سبب وفيه بردوا غرمات عالناس اللى بتعمل مطبات

انا متاسف اوى انى قولت حجات ملهاش علاقة بالموضوع بس قولت فرصة اقول انطبعات ممكن تفيد ناس تانية

تحياتى للجميع :wub:

[engmido]

براحتكم

[YaserK]

انا يا جماعة نزلت فى المطار القديم صالة تلاتة

وهقولها بصوت عالى تانى القديم صالة تلاتة

اسمع يا اوزوز كويس الكديم هول ترى

ينصر دينك يا استاذ نفيساااااااااااااااااااااا

[doha]

ملاحظه : انج ميدو . . ممكن اعرف مصدر معلوماتك ايه ؟ اصلي بصراحه وبيني وبينك من اول مشاركاتك في التوبيك ده وانا حاسه انك داخل بتضيع بس وبترد عند وخلاص ومش واخد بالك ان كلامك ممكن يلخبط ناس كتير .. اتمنى ميكونش احساسي ده صحيح وتكون بجد فاكر انها زي مابتقول ..

يا مدام ضحى هو انا عشان مقيم فى مصر يبقى ماسافرتش قبل كده

بلاش دى ما نعرفش حد بيسافر

ملناش قرايب فى المطار

واللا انتى بس اللى بتسافرى...هههه

ثم انا مش فاهم انتى معترضة على ايه؟؟؟؟

معليش هو حضرتك كده برضه مجاوبتش على سؤالي وسامحني لو هعتبر ده دليل انك فعلا مش داخل تقول معلومه موثقة وانما ( بتهدي النفوس )

يمكن حضرتك مش واخد بالك على اساس انك زي مابتقول في مصر ومسافرتش بس موضوع اهلنا يستنونا فين واحنا طالعين من المطار دي حاجه ( مصيريه ) عند البعض خاصه والدقيقة انتظار عند الي ر اجع من السفر بتعدي سنة .. عن نفسي من بعد مابختم جوازي وقبل حتى مايفتشوا شنطتي بكون عماله اتفحص وجوه الناس الي واقفة على الباب بعييييييد ادور على قرايبي الي مستنييني ايا كان القرايب دول ياترى اخواتي ولا زوجي ولا اي حد عزيز علي مهانش عليه ينتظرني لما ارجع البيت واصر يجي بنفسه ينتظر على الباب ..

ومتاكده معظم ان لم يكن كل المسافرين زيي كده ومعظمهم قلق عندهم ان ينزلوا في مكان واهلهم منتظرين في مكان تاني ..

على كل حال انا متابعه التوبيك من اوله وحضرتك الوحيد الي بتدخل ترمي كلمتين كل مايستقر الرأي على انه المطار القديم والناس تبدأ تقتنع حضرتك تدخل تؤكد انهم مقتنعين غلط بدون ماتجيب ادلة على كلامك او سبب لتاكيدك ده .. عن نفسي لما قلت رايي الي كونته نتيجه تجربتي الواقعيه ولقيت اصراركم على انه غلط قبل مااؤكد عليه رحت سالت الاول من ناس تانيه اعلم مني وتاكدت .. حضرتك مقلتليش ولا قلت للمتابعين ايه مصدر تاكيدك الي كل شويه تعيد وتزيد على معلومتك الا لو كنت فعلا بتشعللها لا اكتر ولا اقل ..

على فكره استاذ انج ميدو لو تخميني ده صح يبقى حضرتك مدين بالاعتذار للمتابعين معانا والمشاركين في الحوار كمان لان الموضوع جد مش تسليه زي مايمكن البعض فاكر

اما لو تخميني خطأ فانا بعتذر لك بس بجد اسلوبك لا يحتمل الا اني اظن فيك الظن ده ..

[doha]

مدام ضحى

انتى استاذة Thumbsup.gif

بجد بجد بجد متشكر ليكى جدا من بيتنا للمطار وكام كيلو زيادة

(انتى عارفة ليه......... لان والدتى كان ممكن تموت فيها لو ملقتنيش طالع من باب المطار او اتاخرت نص ساعة كمان والمشكللة انى مكنش معايا خط مصرى اتصل بيهم ................ انا طلعت لاقتهم واقفين عالباب)

انا يا جماعة نزلت فى المطار القديم صالة تلاتة

وهقولها بصوت عالى تانى القديم صالة تلاتة

اسمع يا اوزوز كويس الكديم هول ترى

:unsure: :blink: :blink:

:happy: :blush2: :unsure:

:blink: :sad: wst::

ازيك بقى ياعم الحج سين سين ؟؟

ايدك على خمسمية ريال اما الخمسمية التانيه فانا كنت وعدت بيها وحده حاجه معانا انها لما تجيب لنا الخبر اليقين لها نص الالف .. هي صحيح جابت الخبر بالشقلوب بس مشكلة لا يلام قط على المحاولة .. على مااذكر مكنتش متفقة معاها على محتويات الخبر قلت لها لك النص وخلاص على الي تجيبه يبقى حلال عليها .. طبعا انا مش هقول اسم الحاجه عشان الرقابة وعشان متجيبش خبري انا كمان لو قلت بس والله يااختي الفاضلة الموضوع هزار في هزار وكفايه عليكي راجعه بالشنط والعيال وكتر خيرك انك افتكرتي اصلا تسألي كمان اللخبطه الي حصلت كانت ممكن تحصل لاي حد فينا فعادي متاخذيش الموضوع على اعصابك كده او تزعلي لو حد جاب سيرتك في التحقيق .. تيك ات ايزي احنا في رحله يعني ..

بالمناسبة يااستاذ حسام الف حمد لله على السلامه ماشاء الله فرحة الاجازه الظاهرة مابين السطور ماشاء الله تبارك الله ربنا يتمها عليك بكل خير ..

[myusername]

السلام عليكم..

يا جماعة انتو محيرين نفسكم ليه.. و عاملين كل ده ليه؟ :blink:

المطار القديم بصراحة مارحتهوش قبل كده غير مرة واحدة بس... و مش عارف اذا كان فيه كذا صالة ولا لا.. لكن انا ركبت من المطار الجديد (رقم اتنين) و المطار النضيف (رقم تلاتة)

و اللى اعرفه.. ان الترمينال هو المطار.. و القاهرة فيها 3 مطارات.. القديم هو رقم واحد, و الجديد هو رقم اتنين.. و النضيف هو رقم 3...

و معروف لما نقول رقم تلاتة.. يعنى المطار النضيف خالص.. اللى هو اجدد حاجة.. اللى فيه السير بتقف عليه و يمشى بيك فى الارض توماتيكى توماتيكى..

اذ ربما يكون فيه كذا صالة فى المطار القديم... الله اعلم..

ملحوظة: معظم سواقين التاكسى مبيبقوش فاهمين فين واحد من تلاتة على فكرة.. و بيبقوا ماشيين بالبركة. (عن تجربة)

المطار القديم فيه 3 صالات بالإضافة إلى صالة رابعة خاصة بشركات البترول والـVIP بفلوس.. الحاجة المميزة في المطار القديم هوه انه الركاب بيركبو باص من وإلى الطيارة, مش التيوب.. التيوب كان موجود في المطار الجديد رقم 2, وموجود حاليا في المطار الجديد أوي رقم 3..

يبقى اللي هيفصل بينا بأه من غير ما نسأل سواق الباص ولا كابتشن الطيارة ولا المضيفة هوا اننا نسأل الاخوة المسافرين سؤال محدد.. انتو لما خرجتو من الطيارة لقيتو ايه في وشكم؟ باص؟ ولا تيوب؟... لو باص يبقى نزلو في القديم, لو تيوب يبقى نزلو في الجديد أوي..

على فكرة أنا مستمتع جدا بالمناقشة الحامية جدا في الموضوع التافه ده

استاذى الفاضل..

انا سافرت من المطار التالت.. و مكانش فيه تيوب.. و وصلت مصر عالمطار التالت.. و برضه مكانش فيه تيوب..

و لكن سافرت من سنتين السعودية عالخطوط السعودية فى المطار التانى.. و هو اللى كان فيه تيوب.

عموما انا عندى اقتراح جميل... انتو تقولوا للناس يستنوكم عند محطة الاتوبيس.. و اهو كده كده الباص الخارجى بتاع المطار بيلف عال3 مطارات و كمان بيعدى على محطة الاتوبيس بتاعت المطار.

[engmido]

ملاحظه : انج ميدو . . ممكن اعرف مصدر معلوماتك ايه ؟ اصلي بصراحه وبيني وبينك من اول مشاركاتك في التوبيك ده وانا حاسه انك داخل بتضيع بس وبترد عند وخلاص ومش واخد بالك ان كلامك ممكن يلخبط ناس كتير .. اتمنى ميكونش احساسي ده صحيح وتكون بجد فاكر انها زي مابتقول ..

يا مدام ضحى هو انا عشان مقيم فى مصر يبقى ماسافرتش قبل كده

بلاش دى ما نعرفش حد بيسافر

ملناش قرايب فى المطار

واللا انتى بس اللى بتسافرى...هههه

ثم انا مش فاهم انتى معترضة على ايه؟؟؟؟

معليش هو حضرتك كده برضه مجاوبتش على سؤالي وسامحني لو هعتبر ده دليل انك فعلا مش داخل تقول معلومه موثقة وانما ( بتهدي النفوس )

يمكن حضرتك مش واخد بالك على اساس انك زي مابتقول في مصر ومسافرتش بس موضوع اهلنا يستنونا فين واحنا طالعين من المطار دي حاجه ( مصيريه ) عند البعض خاصه والدقيقة انتظار عند الي ر اجع من السفر بتعدي سنة .. عن نفسي من بعد مابختم جوازي وقبل حتى مايفتشوا شنطتي بكون عماله اتفحص وجوه الناس الي واقفة على الباب بعييييييد ادور على قرايبي الي مستنييني ايا كان القرايب دول ياترى اخواتي ولا زوجي ولا اي حد عزيز علي مهانش عليه ينتظرني لما ارجع البيت واصر يجي بنفسه ينتظر على الباب ..

ومتاكده معظم ان لم يكن كل المسافرين زيي كده ومعظمهم قلق عندهم ان ينزلوا في مكان واهلهم منتظرين في مكان تاني ..

على كل حال انا متابعه التوبيك من اوله وحضرتك الوحيد الي بتدخل ترمي كلمتين كل مايستقر الرأي على انه المطار القديم والناس تبدأ تقتنع حضرتك تدخل تؤكد انهم مقتنعين غلط بدون ماتجيب ادلة على كلامك او سبب لتاكيدك ده .. عن نفسي لما قلت رايي الي كونته نتيجه تجربتي الواقعيه ولقيت اصراركم على انه غلط قبل مااؤكد عليه رحت سالت الاول من ناس تانيه اعلم مني وتاكدت .. حضرتك مقلتليش ولا قلت للمتابعين ايه مصدر تاكيدك الي كل شويه تعيد وتزيد على معلومتك الا لو كنت فعلا بتشعللها لا اكتر ولا اقل ..

على فكره استاذ انج ميدو لو تخميني ده صح يبقى حضرتك مدين بالاعتذار للمتابعين معانا والمشاركين في الحوار كمان لان الموضوع جد مش تسليه زي مايمكن البعض فاكر

اما لو تخميني خطأ فانا بعتذر لك بس بجد اسلوبك لا يحتمل الا اني اظن فيك الظن ده ..

الفاضلة ضحى

هناك مقولة تقول الحكم على الشىء فرع عن تصوره

ومن ثم فان اخذ القرار او ابداء الراى مبنى عن التصور والادراك لهذا الشىء

من ناحية اخرى كان كلامى هو نفسه كلام س س بغض النظر عن صحته من عدمه مبنيا على نفس الحجج والتصور

هذا بالاضافة الى ان واضح ان حضرتك متلخبطة اساسا فى الموضوع لان الموضوع بدا ان الخطوط السعودية بتنزل فين؟ كما هو واضح فى عنوان الموضوع

ثم جاء الرد بانها صالة 3 المطار القديم....ثم انقلب وتحور الموضوع الى هل صالة 3 مطار جديد او قديم

ومن هنا كان الخلاف.....وانا لازلت ارى ان الصالة رقم 3 الجديدة حديثة التشطيب هى مطار جديد الى ان يثبت العكس

وليس هناك تضليل ولا غيره...والموضوع ليس مصيريا كما تحبى ان تصوريه لان من يسأل ....فهو يسأل على صالة رقم كذا وليس مطار جديد وقديم

اظن كلامى واضح جدااااااااااااا.......

وانتى مدينة بالاعتذار وشكرااا

[engmido]

آه

نسيت اقولك حاجة

روحى يا شيخة ربنا يديكى على قد نيتك

[YaserK]

السلام عليكم..

يا جماعة انتو محيرين نفسكم ليه.. و عاملين كل ده ليه؟ :ninja:

المطار القديم بصراحة مارحتهوش قبل كده غير مرة واحدة بس... و مش عارف اذا كان فيه كذا صالة ولا لا.. لكن انا ركبت من المطار الجديد (رقم اتنين) و المطار النضيف (رقم تلاتة)

و اللى اعرفه.. ان الترمينال هو المطار.. و القاهرة فيها 3 مطارات.. القديم هو رقم واحد, و الجديد هو رقم اتنين.. و النضيف هو رقم 3...

و معروف لما نقول رقم تلاتة.. يعنى المطار النضيف خالص.. اللى هو اجدد حاجة.. اللى فيه السير بتقف عليه و يمشى بيك فى الارض توماتيكى توماتيكى..

اذ ربما يكون فيه كذا صالة فى المطار القديم... الله اعلم..

ملحوظة: معظم سواقين التاكسى مبيبقوش فاهمين فين واحد من تلاتة على فكرة.. و بيبقوا ماشيين بالبركة. (عن تجربة)

المطار القديم فيه 3 صالات بالإضافة إلى صالة رابعة خاصة بشركات البترول والـVIP بفلوس.. الحاجة المميزة في المطار القديم هوه انه الركاب بيركبو باص من وإلى الطيارة, مش التيوب.. التيوب كان موجود في المطار الجديد رقم 2, وموجود حاليا في المطار الجديد أوي رقم 3..

يبقى اللي هيفصل بينا بأه من غير ما نسأل سواق الباص ولا كابتشن الطيارة ولا المضيفة هوا اننا نسأل الاخوة المسافرين سؤال محدد.. انتو لما خرجتو من الطيارة لقيتو ايه في وشكم؟ باص؟ ولا تيوب؟... لو باص يبقى نزلو في القديم, لو تيوب يبقى نزلو في الجديد أوي..

على فكرة أنا مستمتع جدا بالمناقشة الحامية جدا في الموضوع التافه ده

استاذى الفاضل..

انا سافرت من المطار التالت.. و مكانش فيه تيوب.. و وصلت مصر عالمطار التالت.. و برضه مكانش فيه تيوب..

و لكن سافرت من سنتين السعودية عالخطوط السعودية فى المطار التانى.. و هو اللى كان فيه تيوب.

عموما انا عندى اقتراح جميل... انتو تقولوا للناس يستنوكم عند محطة الاتوبيس.. و اهو كده كده الباص الخارجى بتاع المطار بيلف عال3 مطارات و كمان بيعدى على محطة الاتوبيس بتاعت المطار.

أخي الفاضل

انت متفق معايا ان المطار الجديد رقم 2 فيه تيوب.. لكن كمان المطار الجديد أوي رقم 3 كمان فيه تيوب. جايز انت سافرت منه من فترة بعيدة شويه لكن حاليا فيه تيوب, ولو تحب تتأكد ممكن تشوف الصورة دي للمطار رقم 3 واضح فيها طيارات مصر للطيران والتيوب

http://en.wikipedia.org/wiki/File:Cairo_airport_t3.jpg

وشكرا على مشاركتك

تم تعديل 27 يونيو 2010 بواسطة YaserK

[myusername]

أخي الفاضل

انت متفق معايا ان المطار الجديد رقم 2 فيه تيوب.. لكن كمان المطار الجديد أوي رقم 3 كمان فيه تيوب. جايز انت سافرت منه من فترة بعيدة شويه لكن حاليا فيه تيوب, ولو تحب تتأكد ممكن تشوف الصورة دي للمطار رقم 3 واضح فيها طيارات مصر للطيران والتيوب

http://en.wikipedia.org/wiki/File:Cairo_airport_t3.jpg

وشكرا على مشاركتك

مش هنختلف :ninja: بس التيوب مش لكل الرحلات.. ده اللى انا عايز اوضحه...

انا سافرت طيران داخلى - من الغردقة للقاهرة و عديت من التيوب.. و سافرت بعديها فى سبتمبر من القاهرة لبرشلونة.. و ركبت اتوبيس و مكانش فيه تيوب.. و رجعت بعديها بفترة قصيرة من باريس للقاهرة و برضه ركبت اتوبيس و مكانش فيه تيوب... يعنى مش لكل الرحلات...

[pink rose]

ربنا يديكم الصحة :unsure:

تم تعديل 28 يونيو 2010 بواسطة remo

[engmido]

يااختي الفاضلة الموضوع هزار في هزار وكفايه عليكي راجعه بالشنط والعيال وكتر خيرك انك افتكرتي اصلا تسألي

وادى كمان تناقض يا مدام ضحى بالنسبة لى الموضوع حيوى ومصيبة ان الاهل يتشحتفوا على مش عارف ايه

انما بالنسبة للى بالى بالك عادى الموضوع هزار

انتى مدينة باعتذار .....ومش فى المحاورات ..لا فى جريدة الاهرام وفى الصفحة الاولى....ههه

[doha]

يااختي الفاضلة الموضوع هزار في هزار وكفايه عليكي راجعه بالشنط والعيال وكتر خيرك انك افتكرتي اصلا تسألي

وادى كمان تناقض يا مدام ضحى بالنسبة لى الموضوع حيوى ومصيبة ان الاهل يتشحتفوا على مش عارف ايه

انما بالنسبة للى بالى بالك عادى الموضوع هزار

انتى مدينة باعتذار .....ومش فى المحاورات ..لا فى جريدة الاهرام وفى الصفحة الاولى....ههه

سيدي الفاضل

الموضوع مابيني وبين الفاضلة فتفوته هزار في هزار وده بالتاكيد لن ينسحب على بقية الموضوع الي بالتاكيد مشاركة حضرتك فيه اكبر دليل على اني هتكلم فيه بجدية على الاقل في حواري معاك خاصه وانا متعودتش اهزر مع حد معرفوش او ميهمنيش ..

نيجي للجزء المهم والمصيري في الموضوع وهو الطيارة بتنزل فين ..

السؤال انسأل اساسا عشان الي لهم اهل هينتظروهم عند الباب يبقوا عارفين يقولوا لهم ينتظروا فين ..

من البدايه قلت انه المطار القديم صاله تلاته او صاله عشرة متفرقش معانا احنا الي راكبين الطيارة وانما هتفرق مع الي هيستنونا يعني لما يكون واحد بيوصي اهله مبيقولهمش انتظروني في صاله كذا وانما المطار الجديد او القديم .. كون حضرتك مش عاجبك التسميه او تفضل تسمي بالصالات فده امر راجع لك لكن السائقين والناس الي بتتنظر متعرفش بالصاله بتعرف بالمطار وعلى هذا الاساس الناس كانت بتسأل وعلى هذا كنا بنجاوب ..

حضرتك بتقول انك زيك زي سين سين بتجاوب زيه .. معليش ياسيدي الفاضل احنا مش في انتخابات كل واحد يصوت مع الي يعرفه .. سين سين جاوب مرة من واقع معلوماته ولما شارك تاني كان بسبب حصوله على معلومه جديده من وكالة السفر ولما رجع اشترك للمرة الثالثه كان السبب التاكيد الي وصل له من اهله لما سافروا . . وفي كل مرة كان بيجاوب كان بيقول حصلت على المعلومه من المصدر الفلاني زي ماانا بعمل وزي فتفوته وغيرها كلنا بنقول عرفنا مش نعتقد او نتصور .. حضرتك بقى معليش ممكن تقولي مشاركاتك الكتير في الموضوع ده وفي كل مرة بتأكد على معلومه ـ وغلط ـ بتاكد بناء على ايه ؟

سبق وسألتك عن مصدر معلوماتك وسبق واعذرني ـ تهربت ـ من الاجابة .. واعتقد اني مش مدينة لحضرتك باي اعتذارات بل على العكس بكرر للمرة الالف .. حضرتك بديت لي انك داخل تسخن الناس وتلخبطهم وخلاص وعامل الموضوع تسليه لانك لو حاسس باهميته مكنتش اخذته لعبه ترمي راي وتطلع لمجرد ان حضرتك شايف كده مش لان الواقع كده ..

بس ياسيدي الفاضل دي القضية والي بالتاكيد اخذت اكتر من حجمها وان كان لابد اعتذر يبقى للمتابعين معانا لو ضيعت وقتهم لاني فعلا فاضيه اليومين دول ومعنديش حاجه اعملها فطبيعي ادخل الموضوع ده حيث انه من انشط المواضيع في الفترة الاخيرة وطبيعي اني ارد براحة راحتي فيه خاصة وانا لسه جايه من السفر وحاسة قد ايه ممكن يكون مهم لناس بيمروا بتجربة مماثلة . . فمعليش لو الموضوع مش مستاهل ومع ذلك اخذ الردود دي كلها ...

ملاحظه : لو حد استفاد فعلا وعرف الطيارة بتنزل فين مينسانيش من دعوة حلوة وربنا يوصل الجميع بالف سلامه ..

[الطباخ]

على راى س س عمده المغتربين و المنتدى

القول الفصل فى المطار الجديد

مطار القاهره زمان كان مطار قديم عباره عن اربعه صالات مسماه بالارقام

صاله 1 سفر و صاله2 وصول و الاتنين دول كانوا موجودين فى صاله واحد الكبييييييره اللى قدام المسله

صاله تلاته وصول ....و دى الصاله بتاعه الوصول النضيفه اللى موجوده قدام المول

صاله 4 و دى صاله كانت تستعمل زمان فى الطيران الداخلى مصر للطيران و دلوقتى

للطيران الخاص و دى موجوده امام قريه البضائع من جهه الرجوع من المطار الى صلاح سالم

مدخلها امام مصر للطيران كاترينج

الطيران الخاص ده

يعنى للاشخاص اللى ربنا فرجها عليهم و ريجعوا من السعوديه و الكويت و اشتروا طياره بتاعتهم

و صاله 2 و دى صاله صغيره جدا جدا جدا سفر و وصول و مخصصه لشركات البترول سفر و وصول

و دى موجوده ما بين صاله واحد و صاله تلاته مدخلها قدام الجامع اللى هناك

و الجزء التانى من مطار القاهره المطار الجديد

وده على مسافه لا يمكن التحرك بينها مترجلين بينها و بين المطار القديم

و هو عباره عن صاله طويله بها سفر و وصول

و ملحق بها بوابت على شكل نصف دائره لدخول الطيارات

هذا المطار الجديد مغلق الان عشان التجديد لكان بعد الطائرات فى اخر ايامه تستخدم التيوب حسب حجم الطائره و هذا هو الحال دائما بالنسبه للتيوب على فكره فى مطار القاهره حتى الان و حتى ثاث سنوات قادمه

هذا كان حال المطار حتى مايو 2009

حتى تم افتتاح التيرمنال terminal الخاص بستار الليانس

تعريفات :-

تيرمينال :هو ما اعتاد المصريين تسميته بالمطار(جديد او قديم) و هو فعليا يحتوى على صالات سفر و وصول

ستار الليانس:هو تحالف 27 شركه طيران ليس له اى علاقه بالخدمه تماما او مستوى خطوط الطيران كما تدعى الشركه الوطنيه المصريه بل هو معتمد اساسا على كثافه طيران الشركه و ازدحامها بالركاب و ما يسمى نسبه الاشغال

بالبلدى الشركات اللى بتخدم اعداد كبيره من المسافرين

مايو 2009 و بعد مجهودات شركه المقاولات التركيه تاف

تم التشغيل الفعلى لاول طاره على مطار ستار الليانس بمصر

وضع المطار بعد مايو 2009

المكان الذى اسماه المصريون المطار القديم كما تم شرحه اعلى كما هوه و تم اطلاق عليه مسمى تيرمينال وان terminal 1

المكان الذى اطلق عليه المصرييت المطار الجديدكما هوه حتى غلقه من عده شهور و تم اطلاق اسم

تيرمنال تو terminal 2

المكان الذى تم افتتاحه فى مايو 2009 و هو يحتوى على صاله سفر و وصول دولى و طيران داخلى

و تم اطلاق اسم

تيرمينال 3 terminal 3

وتم نقل جميع رحلات السفر و الوصول لشركات الستار الليانس فقط و حط تحت فقط عشر خطوط

جيه و قت السوال

ايه الشركات اللى فى التحالف بتاع ستار الليانس ده

الجواب:-

هما كالاتى

دولهSlovenia

Adria Airways

دوله كندا

Air Canada Jazz

Air Canada Jetz

Air Georgian

دولهChina

Air China

Shanghai Airlines

دولهNew Zealand

Air New Zealand Link operated by

Air Nelson

Eagle Airways

Mount Cook Airline

دولهJapan

All Nippon Airways

دولهAustria

Austrian Airlines

دولهFinland

Blue1

دوله United Kingdom

BMIفقط حط تحت فقط عشر خطوط

دولهBelgium

Brussels Airlines

دولهUnited States

Continental Airlines[A]فقط حط تحت فقط عشر خطوط

دولهCroatia

Croatia Airlines

دولهEgypt

EgyptAir

دوله Poland

EuroLOT

دولهGermany

Lufthansa

دوله Singapore

Singapore Airlines

دولهSpain

Spanair

دولهDenmark

Norway

Sweden

طيران Scandinavian Airlines

دولهSouth Africa

South African Airways

دوله Switzerland

Swiss International Air Lines

دولهBrazil

TAM Airlines

دولهPortugal

TAP Portugal

دولهThailand

Thai Airways International

دولهTurkey

Turkish Airlines

دوله Greece

Aegean Airlines

Olympic Air

يتفضل شركات امريكيه لا تطير على القاهره و عددها 2

الان وضع مطار القاهره بعد غلق المطار الجديد كما تسميه العامه و ما يسمى ب تيرمنال تو عند المتخصصين

و ما سوف يسمى ب E فيما بعد

تيرمينال وان terminal one

يحتوى على اربعه صالات مختلفه

صاله واحد سفر و وصول و سوف تسمى بA و هى مخصصه للدولى

صاله 2 سفر و وصول بترول و سوف تسمى بB و هى مخصصه لشركات البترول و الطيران الخاص احيانا

صاله تلاته وصول دولى فقط و سوف تسمى ب C و هى مخصصه للوصول دولى

صاله اربعه سفر و وصول طيران خاص و سوف تسمى D

تيرمينال توterminal 2

يحتوى على صاله سفر و وصول دولى و ترمز له ب E انشاء الله بعد افتتاحه

و يوجد له مدخلين المدخل الخارجى على الشارع

و مدخل من داخل المناطق الجمركيه بعد الجوازات من داخل تيرمينال ثرى

تيرمينال ثرى terminal 3

و هو المطار الذى تم افتتاحه فىمايو 2009

و هو على شكل حرف U

و به سفر و وصول دولى ستار الليانس فقط و داخلى مصر الطيان فقط(يعنى اسوان الاقصر غردقه............)

و يرمز له ب F و هو الجهه اليسرى من المطار

و يرمز ب Gو هو الجهه اليمنى من المطار

و يرمز ب H للطيران الذى يستخدم الباص فى الوصول الى الطائره

و هذا المدخل موجود اسفل المطاعم الموجوده بلمنتصف حيث يوجد سلم و مصعد(اسانسير)

للنزول

السوال متى تستخدم شركات الطيران التيوب او الباص فى الوصول للطائره

الاجابه:-

حسب حجم الطاره و موقعها على البوبات و حجم مداخل و ملفات المطار

يعنى بلبلدى ممكن تكون عارف مثلا ان طيارتك بونج صغيره

و عارف مثلا ان المطار تيرمنال تلاته فيه تيوب للوصول للطائره

و يتم النقل بالباص

لسبب مثلا ان فى طياره ايرباص كبيره واقفه و مينفعش معاها عمليات التشغيل خلفها

و الاولويه دائما فى التيوب مع الطائرات اللى اعداد ركبها كتير

لتكلفه نقل اعداد الركاب بالبصات

[engmido]

يا مدام انا اقول تور تقولى احلبوه

انا كلامى واضح ومحدد وانا لا اتهرب من اجابات لانى لم ارتكب جرما حتى اتهرب

وبغض النظر عن اى تفاصيل.....مين قال اننا فى انتخابات ..هل كونى اتفق مع شخص او اختلف معه فى الرأى له علاقة بالانتخابات

ثم وما العائد على انا من هذا الجدال ان لم يكن رأى اصيل خاص بى ووجهة نظر ومعلومة

ثم يا سيدتى الفاضلة الانسان لديه دائما معلومات عامة

وللعلم انتى عمالة ترمى التهم جزافا.....وانتى اساسا مش واخدة بالك معانا ....اقرى التوبيك الاول

واذا كنتى فاضية ارجو الا ترمى التهم على الناس بالباطل لان احنا مش فاضيين

وواضح انك اتعودتى على جو السعودية ......ههههه.....

----------------------

ختاما انا لا اجد سببا وجيها لكل هذا الهجوم.....خصوصا انى احترمك واحترم ارائك

ولكن واضح انك لك بعض الشطحات الغير مفهومة

وشكرااااااااا