استشارة ع غيار الريق كده

[لماضة مصرية جدا]

السلام عليكم و ورحمة الله و بركاته

هي حاجة حصلت من يومين و انا قاعدة ااقلب فيها زي الكورة الشراب

ليا احد الصديقات هنا عرضت عليا اني اكتب في مجلة "مش هنخع بقي و اقول حاجة جامدة" بس هي مجلة لمجموعة من الشوباب و الشابات هنا و هي لسه بتاخد طريقها وسط هيصة مجلات الازياء و العبايات و كده

الحقيقة انا مجربتش اكتب في اي حوتة في الدنيا غير مرتين: كشكول سلك لونه بمبي و عليه ورود....و اكيد كده خمنتوا كنت بتقندل بكتب فيه ايه.... :lol: و ده كان محصور علي افراد العصابة في مصر و مقرها ورا مبني المكتبات بالجامعة و عدد افرادها لا يزيد عن 5 و نص (اصل كان واحد فيهم قصير اوي9

و الكتابة هنا في المنتدي و اللي بشوفها انهاتشارك لوجهات النظر في موضوعات مختلفة ...و انا اصلا جيت المنتدي ده في الاول غلط...ما علينا

استفساري بقي..هقوله لوكشة واحدة:

1- انتو شايفين اني اجرب....انا بحب التجربة جدا بس كمان مبحبش حد يقعد يمصمص شفايفه...و يعمل فيها فلة (بكسر الفاااااااااء) و يتريق...(مع اني بتريق علي الخلايق كلها :lol: )

2- استخدم اسمي الحقيقي و لا احط اسم مستغطي كده

(زي مثلا المعذبة....لا بلاش ده....اسيرة الظلام....يووووه مين طفي النور.....و لا ايه)

3- احط صورتي الشخصية برضه...و لا استني شوية لما اتعرف اكتر علي القراء و هما يتعرفوا علي افكاري الاول من كلامي...(و ده طبعا علي اعتبار قال يعني هيبقي فيه قراء...و كده يعني)

4- تفتكروا بقي اكتب في ايه.....انا عرضت علي صاحبتي شوية حاجات هي عجبتها جدا...بس المشكلة انها مش عاجباني انا شخصيا

طب ايه بقي؟؟؟

5- طب هو ينفع آخد حاجة انا كتبتها هنا مثلا في المنتدي و ابني عليها؟؟؟ و ده يخليني اهرش في السؤال اللي بعده...هو فيه خاصية كده في المنتدي تجيب كل المشاركات اللي الواحد تجلي و ابدع و شنف آذان المستمعين بيها...ليلا و نهارا؟؟؟

لو عندكوا اجابة...اقتراح.....ساندوتش ميخسرشي برضه

ابعتوه و ابقي عاجزة عن الشكر بجد

اصلي عايزة اجرب....بس مش عارفة ابتدي منين...و مش عايزاها تبقي مضيعة وقت...

بس خلاص

صباحكم شاي باللبن.....و بسكوت مش راضي يمسك نفسه و باش في اللبن bv:-

فوتكم بعافية

(ألا صحيح ابقي احط فوتكم بعافية....و لا هتبقي بيئة أوي..... :D بس انا بحبها)

[عاشق الترحال]

بما أنك عضو في تنظيم ( زغاليل الحق ) فكان من الاجدر بك يا أخت لماضه أن تستأذتي أمير الجماعه بداية ثم نتشاور فيما بيننا بأمرك .

ويحك يا فتاه أخرجت عن طوع الجماعه ؟

عودي يا هااااااااااااااااااميس . :D

معك قلبا وقالبا يا لمض مض وأقولك سيري يا نورماندي على بركة الله

واياك تنسي فوتكم بعافيه دي bv:-

[se_ Elsyed]

هي مجلة على النت يعني ولا مجله حقيقية ؟

ويا ترى هاتاخدي كام .. قصدي هايبقى عمل تطوعي ولا بأجره ؟

لأ طبعاً خوضي التجربة وتبقى بداية كويسة لكاتبه واعده ( والنبي كلميهم عني يا ريهام .. أنا مستعد أكتب في الأزياء وأخر خطوط الموضه وهابقى ولا أمينه شلباية في زمانها ) .. واكتبي بطبيعتك يا لماضه في أي حاجه مفيده تيجي على بالك حتى لو حاجه داخلك إنت

وأكتبي بإسمك .. إيه المانع يعني

يا إما بقى تختاري لك إسم شبابي خليجي زي

المبرقعه

المسرقعه

العنود

حصه ( بس إوعي تكون الحصة السادسة عشان كانت بتبقى أغلس حصه في الأسبوع )

أو تكتبي بإسمك المفضل وهو " زغلوله الحق "

[hOuSsAm]

توكلى على الله واكتبى

اكتبى كل افكارك والحجات اللى انت بتحبيها

ويوم بعد يوم هتعلى فى الكتابة والاحترافية عندك هتزيد لانك هتحتكى برئيس تحرير وكتاب تانيين هيقروا مقالاتك وهيقولوا رايهم وايه الاضافات اللى ممكن تضفيها

(ليا واحد صحبى بردوا بدا يكتب فى مجلة فى كايرو اسمها إحنا ويوم عن يوم بدا يتطور ومستواه يعلى وكان بدا متطوع دلوقتى بداوا يعطوه فلوس واظن انه بدا يكتب فى اماكن تانية)

بالنسبة للتوقيع انا شايف انك توقع باسمك افضل عن نفسى مش بحب الاسماء المستعارة (شوفى الكتاب الكبار بيتصرفوا ازاى عمرى مشفت حد بيكتب تحت اسم مستعار)

بالنسبة للصورة الشخصية انا مش بفضلها فى الحالة دى عالاقل مؤقتا والسبب ان الهدف الكتابة وانك توصلى فكرة معينة للقارئ

طيب ايه فايدة الصورة فى الوضع ده . اظن انها مش هتضيف ليكى ولا للقارئ

وكمان متطلعيش كل مفاجاتك فى وقت واحد عشان دايما تخليهم مستنين الجديد منك

خليها واحدة واحدة

بالنسبة للحجات والمواضيع اللى تكتبيها مش لازم كل حاجة بتحبيها تنفع تتنشر ومش بالضرورة حاجة مش عجباكى متنفعش تتنشر

طالما ليكى كتابات اعرضيها على رئيس التحرير او حد ثقة بيفهم فى الكتابة والادب وهو هينصحك كويس تنشرى ايه وايه اللى تبداى بيه وايه قبل ايه وايه الاضافات اللى ممكن تعمليها

اتمنى لكى التوفيق والنجاح bv:-

[HanaaOsama]

1- انتو شايفين اني اجرب....انا بحب التجربة جدا بس كمان مبحبش حد يقعد يمصمص شفايفه...و يعمل فيها فلة (بكسر الفاااااااااء) و يتريق...(مع اني بتريق علي الخلايق كلها :D )

اكيد لازم تجربي و التجربه كمان جت في حاجه انت بتحبيها و ربنا يوفقك

2- استخدم اسمي الحقيقي و لا احط اسم مستغطي كده

(زي مثلا المعذبة....لا بلاش ده....اسيرة الظلام....يووووه مين طفي النور.....و لا ايه)

الاسم الحقيقي او المستعار افتكر الاتنين ممكن يمشوا

بس لما تشتهري بقي و تبقي من الكتاب المشهورين ( ان شاء الله )

هترجعي تقولي المعذبه دي يا جماعه هي ريهام

اكتبي اسمك الحقيقي عشان المستقبل بس :lol:

3- احط صورتي الشخصية برضه...و لا استني شوية لما اتعرف اكتر علي القراء و هما يتعرفوا علي افكاري الاول من كلامي...(و ده طبعا علي اعتبار قال يعني هيبقي فيه قراء...و كده يعني)

مش عارفه ليه من وجهه نظري دايما ان المفروض في عالم المنتديات او في اي مكان يكون في الكلام الي بيكتبه الانسان هو المقياس للشخصيه المفروض ميكونش في صوره

بحس الصوره بتعمل مشاكل مع الخيال ....

ما علينا شكلي هقول كلام مش مفهوم

متحطيش صوره و خلاص احسن :lol:

4- تفتكروا بقي اكتب في ايه.....انا عرضت علي صاحبتي شوية حاجات هي عجبتها جدا...بس المشكلة انها مش عاجباني انا شخصيا

طب ايه بقي؟؟؟

طب ما تقوللنا ايه الي عرضتيه علي صحبتك عشان نقولك رأينا فيه

5- طب هو ينفع آخد حاجة انا كتبتها هنا مثلا في المنتدي و ابني عليها؟؟؟ و ده يخليني اهرش في السؤال اللي بعده...هو فيه خاصية كده في المنتدي تجيب كل المشاركات اللي الواحد تجلي و ابدع و شنف آذان المستمعين بيها...ليلا و نهارا؟؟؟

اكيد ينفع هو مش انت الي كاتبه الكلام ده

و لو عايزه تجيبي كل مشاركاتك

اتفضلي 59 صفحه عيشي حياتك معاهم :)

فوتكم بعافية

(ألا صحيح ابقي احط فوتكم بعافية....و لا هتبقي بيئة أوي..... bv:- بس انا بحبها)

اكتبي الي بتجبيه لان ده هو انت

[اغابي]

بصراحة يا ريهام

دى فرصة كويسة اوى وانت موهوبة وذكية فى الكتابة وروحك جميلة وخفة الظل ف مشاركاتك بتشد اى حد ومن اول مرة ( تقدرى تعتبر نفسك الجاذبية الارضية :D )

ودى موهبة من عند ربنا مش اى حد عنده موهبة لفت انتباه الناس بكتاباته - ياما ناس بتكتب وبسببها اتقفلت منتديات ومجلات :lol:

المهم انا الخلاصة عاوزة اقولك - امسكى فى الفرصة دى بايديك ورجليك واسنانك وشعرك :lol:

وما تفوتيهاش ابدا -وادخلى باسمك الحقيقي لانك داه بيكون الوجه الصادق مع الاخرين - لازم تبدأى بصدق مع الناس .

وانا متاكدة انك حتنجحى - بالتوفيق

بس طلب اخير وحيات الغاليين يا شيخة بلاش تكتبي فوتكم بعافية - والملايا اللف اللى ماشية بيها اليوم كله فى المحاورات

لحسن تفضحينا بيها هناك :)

اغابي

bv:-

[sarmar]

احنا هنلم من بعضنا عشان نتحمل مصاريف دراستك وترجعيلنا بالشهادة الكبيرة وتفرحينا وتفرحى اهل الحارة وتمسكى انتى عصاية المايستروا حسب الله السبعمائة عشر

طبعا ماهو انتى بنت كل اهل الحارة وتهمينا كلنا روحى ربنا يوفقك خللى بالك وانتى بعيد عننا اوعى تنسينا لاننا لن ننساكى مش كدة ولا اية

[مغتربة]

و دى عايزه سؤال يا لموضه

طبعا يا بنتى خوضى التجربه

يعنى لو فشلت لا قدر الله ( و دا ماظنهوش بوتاتا ) ايه الى هيحصل

اكتبى الى انتى عايزه تكتبيه و ما دام صحبتك اساسا ليها فى الليله دى و قالتلك على الحاجات الى انتى كتباها جميله

هى اكيد فاهمه و عندها خبره ايه الى يصلح للنشر و ايه لا

بس بلاش و النبى حكايه الاسماء المستعاره دى

اسمك الحقيقى اجمل و هيدى انطباع احلى للقراء

و باقى الاسئله الاخوه الى سبقونى فى الاجابه افاضوا فى شرحها

فمعنديش اكتر من الى قالوه

بس بقى يا جميل ابقى قوللنا على اسم المجله علشان نتابعك فيها

[لماضة مصرية جدا]

السلام عليكم و رحمة الله و بركاته

و الله يا جودعان و يا جودعانات ما عارفين نشكركم إزاي و نخص بالذكر

استاذنا عاشق الترحال..

استاذي سين سين..

استاذ حسام..

استاذة هناء...

اغابي...

استاذ سار مار...

حبيبتي مغتربة...

و اناو انت و الناس الحلوة و سمعنا احلي سلام مربع

عايزة ارد عليكم كل واحد في مداخلته...بس خيبة مبعرفشي اعمل الاحتباس المتعدد ده...اللي فتفوتة هريتني بيه و هي بتعلمهولي بس برضه مش عارفة...و عشان كده استلقوا بقي...استحملوا...ماشي

[لماضة مصرية جدا]

بما أنك عضو في تنظيم ( زغاليل الحق ) فكان من الاجدر بك يا أخت لماضه أن تستأذتي أمير الجماعه بداية ثم نتشاور فيما بيننا بأمرك .

ويحك يا فتاه أخرجت عن طوع الجماعه ؟

عودي يا هااااااااااااااااااميس .

معك قلبا وقالبا يا لمض مض وأقولك سيري يا نورماندي على بركة الله

واياك تنسي فوتكم بعافيه دي

اموت و اعرف ايه اللي حدفني اصلا في تنظيم الزغاليل و لا البقاليل بتاعكم دهوت... يعني يا خوانا دول رجالة في بعضيهم كده...انا اللي اعرفه اني انقي زغلولة حلوة كده...انشها نبلة.....نحمرووها و ناكلوها و نحمدوووووه

تقولي بقي تنيظم و متنظمشي...هبيعكم....انا عيل جبان اصلا بخاف من رفعة الايد في الهوا

ع جنب بقي....

هاميس دي عضوة جديدة في التنظيم....بس مش هم الفراعنة كانوا من الكفار... :lol:

تسلم استاذي

و فوتك بعافية

[لماضة مصرية جدا]

هي مجلة على النت يعني ولا مجله حقيقية ؟

ويا ترى هاتاخدي كام .. قصدي هايبقى عمل تطوعي ولا بأجره ؟

لأ طبعاً خوضي التجربة وتبقى بداية كويسة لكاتبه واعده ( والنبي كلميهم عني يا ريهام .. أنا مستعد أكتب في الأزياء وأخر خطوط الموضه وهابقى ولا أمينه شلباية في زمانها ) .. واكتبي بطبيعتك يا لماضه في أي حاجه مفيده تيجي على بالك حتى لو حاجه داخلك إنت

وأكتبي بإسمك .. إيه المانع يعني

يا إما بقى تختاري لك إسم شبابي خليجي زي

المبرقعه

المسرقعه

العنود

حصه ( بس إوعي تكون الحصة السادسة عشان كانت بتبقى أغلس حصه في الأسبوع )

أو تكتبي بإسمك المفضل وهو " زغلوله الحق "

هي مجلة بيقوم بيها شباب الجالية المصرية هنا في ابو ظبي و دول فريق انا اتعرفت عليه من خلال المكتب الثقافي هنا

قعدت اقولهم عايزن نعبر..عايزن نعبر....و اسخن فيهم....لغاية ما جروا رجلي للمنكر....قصدي للحكاية دي

هينضم لينا بعض من اصحابنا الامارتين...بس الحقيقة هما شباب و بنات دماغهم مختلفة...مش خليجين بالمعني اللي احنا عارفينه

منهم مراد....اللي بيناكفني و مكرهني في حياتي....من كتر ما بيسالني اسئلة بتحسسني اني فعلا عبيطة...يمكن ده نموذج مختلف جدا عن اللي بنرسمه في دماغنا عن الشباب في الخليج المدلل.

اتعملت تجريبية ع النت و دلوقتي في طور انها تكون مطبوعة باذن الله

و بعدين يا استاذي ده حضرتك يتفتح ليك دار كتب بحالها

بالنوسبة للاسم.....حسيت ان اسم المسرقعة...هيسرقع اوي مع الجامهور...(وش مطرب شعبي لابس ببيون احمر... )

تسلم استاذي ع التشجيع

طب كنت احدفني معاهم طبق رز بلبن.....طبق ملوخية..بدل ما انا قاعدة اضرب اخماس في اسداس هتغدي ايه

[لماضة مصرية جدا]

توكلى على الله واكتبى

اكتبى كل افكارك والحجات اللى انت بتحبيها

ويوم بعد يوم هتعلى فى الكتابة والاحترافية عندك هتزيد لانك هتحتكى برئيس تحرير وكتاب تانيين هيقروا مقالاتك وهيقولوا رايهم وايه الاضافات اللى ممكن تضفيها

(ليا واحد صحبى بردوا بدا يكتب فى مجلة فى كايرو اسمها إحنا ويوم عن يوم بدا يتطور ومستواه يعلى وكان بدا متطوع دلوقتى بداوا يعطوه فلوس واظن انه بدا يكتب فى اماكن تانية)

بالنسبة للتوقيع انا شايف انك توقع باسمك افضل عن نفسى مش بحب الاسماء المستعارة (شوفى الكتاب الكبار بيتصرفوا ازاى عمرى مشفت حد بيكتب تحت اسم مستعار)

بالنسبة للصورة الشخصية انا مش بفضلها فى الحالة دى عالاقل مؤقتا والسبب ان الهدف الكتابة وانك توصلى فكرة معينة للقارئ

طيب ايه فايدة الصورة فى الوضع ده . اظن انها مش هتضيف ليكى ولا للقارئ

وكمان متطلعيش كل مفاجاتك فى وقت واحد عشان دايما تخليهم مستنين الجديد منك

خليها واحدة واحدة

بالنسبة للحجات والمواضيع اللى تكتبيها مش لازم كل حاجة بتحبيها تنفع تتنشر ومش بالضرورة حاجة مش عجباكى متنفعش تتنشر

طالما ليكى كتابات اعرضيها على رئيس التحرير او حد ثقة بيفهم فى الكتابة والادب وهو هينصحك كويس تنشرى ايه وايه اللى تبداى بيه وايه قبل ايه وايه الاضافات اللى ممكن تعمليها

اتمنى لكى التوفيق والنجاح

جزاك الله كل خير يا استاذ حسام.....و همشي علي نصايح حضرتك

ع جنب بقي:

يا استاذ حسام ...كتابات...ادب...حتة واحدة.....طب و الله ما ينفع.....احنا عيال صغيرين اوي يعني بنكتب اللي بنحسه يمكن علي رايك لسه الواحد محتاج شغل...بس بقول خبرة ظريفة اكيد هتبني فيا حاجة حلوة

تحياتي

[لماضة مصرية جدا]

1- انتو شايفين اني اجرب....انا بحب التجربة جدا بس كمان مبحبش حد يقعد يمصمص شفايفه...و يعمل فيها فلة (بكسر الفاااااااااء) و يتريق...(مع اني بتريق علي الخلايق كلها :lol: )

اكيد لازم تجربي و التجربه كمان جت في حاجه انت بتحبيها و ربنا يوفقك

2- استخدم اسمي الحقيقي و لا احط اسم مستغطي كده

(زي مثلا المعذبة....لا بلاش ده....اسيرة الظلام....يووووه مين طفي النور.....و لا ايه)

الاسم الحقيقي او المستعار افتكر الاتنين ممكن يمشوا

بس لما تشتهري بقي و تبقي من الكتاب المشهورين ( ان شاء الله )

هترجعي تقولي المعذبه دي يا جماعه هي ريهام

اكتبي اسمك الحقيقي عشان المستقبل بس

3- احط صورتي الشخصية برضه...و لا استني شوية لما اتعرف اكتر علي القراء و هما يتعرفوا علي افكاري الاول من كلامي...(و ده طبعا علي اعتبار قال يعني هيبقي فيه قراء...و كده يعني)

مش عارفه ليه من وجهه نظري دايما ان المفروض في عالم المنتديات او في اي مكان يكون في الكلام الي بيكتبه الانسان هو المقياس للشخصيه المفروض ميكونش في صوره

بحس الصوره بتعمل مشاكل مع الخيال ....

ما علينا شكلي هقول كلام مش مفهوم

متحطيش صوره و خلاص احسن :)

4- تفتكروا بقي اكتب في ايه.....انا عرضت علي صاحبتي شوية حاجات هي عجبتها جدا...بس المشكلة انها مش عاجباني انا شخصيا

طب ايه بقي؟؟؟

طب ما تقوللنا ايه الي عرضتيه علي صحبتك عشان نقولك رأينا فيه

5- طب هو ينفع آخد حاجة انا كتبتها هنا مثلا في المنتدي و ابني عليها؟؟؟ و ده يخليني اهرش في السؤال اللي بعده...هو فيه خاصية كده في المنتدي تجيب كل المشاركات اللي الواحد تجلي و ابدع و شنف آذان المستمعين بيها...ليلا و نهارا؟؟؟

اكيد ينفع هو مش انت الي كاتبه الكلام ده

و لو عايزه تجيبي كل مشاركاتك

اتفضلي 59 صفحه عيشي حياتك معاهم :)

فوتكم بعافية

(ألا صحيح ابقي احط فوتكم بعافية....و لا هتبقي بيئة أوي..... بس انا بحبها)

اكتبي الي بتجبيه لان ده هو انت

كلامك حضرتك....جووووووووووووون

و خصوصا في موضوع الصورة و كده...(و بعدين كمان عشان المعجبين....انا اصلا عارفة الب بالخلفية بتاعت الصورة اكتر مني....عااااااااادي برضه)

يا لهوي....يخربيت ام الرغي...انا جبت الكلام ده كله منين....(كان لازم يعني تحطي وصلة المشاركات....طب ابعتيهالي ع الخاص....ده سحر بقيو لا شعوذة....وش شهبورش....

بصي حضرتك احب جدا اني آخد رايكم فيها

بس مش عارفة احطها فين عشان ملخبطشي الدولاب بتاع المنتدي....و نبقي حطينا هدوم الخروج مع البيت

بس ممكن اشارك بالعناوين كده و لو تحبي تقوليلي انزل انهي واحدة

1- أنا كائن عشوائي جدا

2- خالف...تعرف

3- أنا و محمد

4- "تسريح بإحسان".

5- مساحات للصفح و البوح

اللي جاهزة و مكتوبة مرتبة يعني هي نمرة 5...و الباقيين الله يعزك....يا هتلاقيهم علي ورق زبالة.... يا هتلاقيهم علي جلدة كتاب كده يعني...اديني وقت و لو تحبي ابقي ابعتهم لحضرتك و يسعدني جدا رأيك.

مساااااكي مشاركات نشطة.....ايشي خيال يا ناس....(وش سنبل)

[لماضة مصرية جدا]

بصراحة يا ريهام

دى فرصة كويسة اوى وانت موهوبة وذكية فى الكتابة وروحك جميلة وخفة الظل ف مشاركاتك بتشد اى حد ومن اول مرة ( تقدرى تعتبر نفسك الجاذبية الارضية )

ودى موهبة من عند ربنا مش اى حد عنده موهبة لفت انتباه الناس بكتاباته - ياما ناس بتكتب وبسببها اتقفلت منتديات ومجلات :lol:

المهم انا الخلاصة عاوزة اقولك - امسكى فى الفرصة دى بايديك ورجليك واسنانك وشعرك

وما تفوتيهاش ابدا -وادخلى باسمك الحقيقي لانك داه بيكون الوجه الصادق مع الاخرين - لازم تبدأى بصدق مع الناس .

وانا متاكدة انك حتنجحى - بالتوفيق

بس طلب اخير وحيات الغاليين يا شيخة بلاش تكتبي فوتكم بعافية - والملايا اللف اللى ماشية بيها اليوم كله فى المحاورات

لحسن تفضحينا بيها هناك :)

اغابي

أغابي

فوتك بعافية

وش عيل عبيط....راح رن جرس الجيران و بعدين طلع يجري...(كنا بنحب نعملها اوي و احنا صغيرين)

و بعدين خدي هنا...و تعالي هناك.....مالها بقي الملاية اللف....انا اشجب و اعترض....و اعمل حاجات كتير....كله الا دي

ع جنب بقي

حلوة اوي موضوع الجاذبية الارضية....ايون يعني بشد الحاجات و البني آدمين لتحت.....(وش واحد شرير....و غالبا استفان روستم)

[لماضة مصرية جدا]

احنا هنلم من بعضنا عشان نتحمل مصاريف دراستك وترجعيلنا بالشهادة الكبيرة وتفرحينا وتفرحى اهل الحارة وتمسكى انتى عصاية المايستروا حسب الله السبعمائة عشر

طبعا ماهو انتى بنت كل اهل الحارة وتهمينا كلنا روحى ربنا يوفقك خللى بالك وانتى بعيد عننا اوعى تنسينا لاننا لن ننساكى مش كدة ولا اية

امسك عندك....الكلمة اللي فوق دي.....(وش اكتب يا حسين)

الله يسعد قلبك....ايه فكرتنا بحسب الله

و خصوصا.....حلة الملوخية لما اندلقت....."متبسطهااااااااش اكتر من كده"

ع جنب

هو حضرتك ليه حسستني اني ع سلم الطيارة.....ما انا قاعدة اهه زي القرد اللي بيفكر هياكل ايه بعد سوباطة الموز...يعني ان شاء الله انا موجودة في المحاورات...الا اذا يكونشي قصدي حضرتك....اني كفياني كده....

يا ندااااااااااااااااااااامة (وش اي ممثلة من بتوع الابيض و اسود)

دعواتك استاذي

[لماضة مصرية جدا]

و دى عايزه سؤال يا لموضه

طبعا يا بنتى خوضى التجربه

يعنى لو فشلت لا قدر الله ( و دا ماظنهوش بوتاتا ) ايه الى هيحصل

اكتبى الى انتى عايزه تكتبيه و ما دام صحبتك اساسا ليها فى الليله دى و قالتلك على الحاجات الى انتى كتباها جميله

هى اكيد فاهمه و عندها خبره ايه الى يصلح للنشر و ايه لا

بس بلاش و النبى حكايه الاسماء المستعاره دى

اسمك الحقيقى اجمل و هيدى انطباع احلى للقراء

و باقى الاسئله الاخوه الى سبقونى فى الاجابه افاضوا فى شرحها

فمعنديش اكتر من الى قالوه

بس بقى يا جميل ابقى قوللنا على اسم المجله علشان نتابعك فيها

هي صاحبتي يعني مش بالخبرة اللي انتي متخيلاها...هي بس قريتهم...و قالتلي احساسهم حلو و بيوصلوا بسرعة(و ده يمكن لاني لسه قبلها كنا ضاربين شاورما و انا اللي دافعة...عادي يعني...حتة مجاملة متخسرشي... )

و بعدين بقي انا لسه

هقول علي اسم البوتاعة

لا انا هظبطلك حتة ليكي انتي كده و اشوفيك بيها عند فرحات....

مساااكي حلا

[مغتربة]

لا انا هظبطلك حتة ليكي انتي كده و اشوفيك بيها عند فرحات....

تمام ده يا معلم

بس بلاش ايام الجمع و الاجازات الرسميه

لان اننا مش هنعرف نحط رجلنا فى بوابته اساسا

:lol:

[engmido]

لماضة افندى

اتفق مع الاخوة وجربى مش هتخسرى حاجة

من رايى اذا كانت هذه المجلة متعددة الابواب وليست متخصصة فى شئون معينة

انك تكتبى فى باب الكتابات الساخرة التى تعلق على الاوضاع سلبا وايجابا ( زى بلال فضل كده ) اعتقد كتاباتك تشبهه او فى نفس الاطار

هو كان حد يعرفه .......... دلوقتى بيكتب فى المصرى اليوم وفى مجلات اخرى ده غير الافلام اللى بيبعها والبلية لعبت معاه

وحتى لو نزلتى مصر تبقى تبعتلهم المقالات والكتابات با e-mail

والله ما بهزر باتكلم جد...........بس ابقى افتكرينى وفتحى مخك معايا وعندى ليكى افكار بس مش من ام بلاش ..هه فهمانى

-------------------------

خارج الموضوع بقى والله يا عمو س س

مقدرتش امسك نفسى من الضحك ع الحتة دى

والنبي كلميهم عني يا ريهام .. أنا مستعد أكتب في الأزياء وأخر خطوط الموضه وهابقى ولا أمينه شلباية

بجد انت افضل من بلال فضل بكتير لان اسلوبك افضل منه ومقنع جداااااااااااااا...بجد والله

[HanaaOsama]

بصي حضرتك احب جدا اني آخد رايكم فيها

بس مش عارفة احطها فين عشان ملخبطشي الدولاب بتاع المنتدي....و نبقي حطينا هدوم الخروج مع البيت

بس ممكن اشارك بالعناوين كده و لو تحبي تقوليلي انزل انهي واحدة

1- أنا كائن عشوائي جدا

2- خالف...تعرف

3- أنا و محمد

4- "تسريح بإحسان".

5- مساحات للصفح و البوح

اللي جاهزة و مكتوبة مرتبة يعني هي نمرة 5...و الباقيين الله يعزك....يا هتلاقيهم علي ورق زبالة.... يا هتلاقيهم علي جلدة كتاب كده يعني...اديني وقت و لو تحبي ابقي ابعتهم لحضرتك و يسعدني جدا رأيك.

مساااااكي مشاركات نشطة.....ايشي خيال يا ناس....(وش سنبل)

يا ريت تبعتي الي كتبتيه و من قبل ما اقرأ اكيد حلو

[fatfouta]

أنا موافقة يا ريرى ومع رأى الجميع لانك فعلا اسلوبك مميز

بس ابقى هاتيلنا اللى هاتكتبيه عشان نقرأه احنا كمان او توزعى بقى المجلة علينا كلنا عضو عضو

ربنا يوفقك