استشارة ع غيار الريق كده

[ساره احمد]

مساء الخير

اتوكلى علي الله ووافقي تكتبي لان ليكى اسلوب حلو ولذيذ في الكتابة ومش هتخسرك التجربة وان شاء الله ربنا يوفقك وتعملي حاجة كويسة ويمكن يعجبك اوى موضوع الكتابة دة وتدية وقت كبير من حياتك لان احلي حاجة ان الواحد يعمل حاجة بيحبها لانة هيديلها كتير اوى لحاد ماتبقي كويسة اوى مش هيزهق ويسيبها بسرعة وابقي ابعتى الحاجات اللي هتكتبيها عايزين نتفرج :blush2:

موفقة

[ذهبية]

اخيراااااااااا تحقق جلمى يا ريهام من ساعة ما قريت اسلوبك وانا كل شوية اقولك يا بنتى اكتبى يا نبتى انتى موهوبة جدا ومش حاسةةةة اوعى تكونى نسيتى

طبعا راى مش هيتختلف عن باقى الاخوات طبعا فرصة كويسة جدااااااااااااااا ليكى لانك كتلة من المشاعر الى اخيرا لقت سكتها

طبعا اكتبى باسمك بلاش مووضع الصورة

طيب المووضع بقى دة حسب الجريدة طابعها اية

يعنى شبابية خفيفة سياسية كوميدية و لا نسائية و موضة

قولى لينا اسلوبها اية و الطابع المميز ليها اية

وانا متاكدة انك فعلا هتكونى مميزة جدا فى وسطهم

انا اختار ليكى عنوان اسمة (((( يوميات ريهام الشقية ))))))او(((( عيش ايامك مع ريهام ))) او (((كل يوم حكاية )))

تبداى تحكى فيها عن ايامك العادية واللى بتصادفية من بشر على اختلاف انواعهم و تعليقاتك الشقية عليها

اعتقد ان دة قريب من شخصيتك جدااا لانك فى السرد و تذكر التفاصيل الدقيقة و سردها باسلوب ساخر كوميدى جدااا مميزة جدا جدااا

بالتوفيق يارب و تكونى نجمة فى سماء الكتابة

[kitkat]

وعليكم السلام ورحمة الله وبركاته

اكتبي وماله مش عيب :blink:

علي فكرة يا لماضة انا من أنصار مبدأ التجربة تفيد ولا تضر

كمان أسلوب حضرتك هزلي لاذع ومقبول في نفس ذات الوقت

يعني رأيي توكلي علي الله بس ابقي اذكري اسمي في احد مقالاتك لو سمحتي

سلام

[mekkawy]

شوفتي

يا بركة دعايا ليكي يا ريهام يا بنتي

كنت ناوي أول ما جيت م العمرة أقولك لما حاجة حلوة تحصلك قوليلي عشان هأكون أنا السبب فيها

يلا يا ستي .. قوليلي بأة .. يا بركة دعاك يابا .. بالاسم و الله يا فندمز

ألا مالقاش عندكو باب ليا أفتحه و أدخل منه و أقفل على نفسي جوة ؟؟

مكاوى .. سيري يا نورماندي

[doha]

اكتبي زي اي كاتب عمود مابيعمل .. شفتي انيس منصور او صلاح منتصر او عبد الوهاب مطاوع الله يرحمه في مجلة الشباب زمان ؟

كل واحد من دول بيكتب الي بيجي على باله لحظه كتابته ..

يعني مرة يكتب عن موقف حصل له وتداعيات هذا الموقف من ناحية شاف فيه ايه وتعلم منه ايه ..

مرة يكتب عن نصيحه جائت في باله او حاجه حابب يشكرها للناس او العكس حابب يحذرهم منها ويحكي قصة او اثنين او حكمه او قول ماثور في الحكايه دي

مرة تالته يكون في حدث شاغل الناس فيكتب عنه يجيبه من اوله لآخره ويلخصه ثم يقول رايه فيه

مرة رابعه ممكن يكتفي بس بتجميع اقوال وحكم زي مابيعمل انيس منصور كل يوم جمعه .. او يلخص قصة قراها او فيلم شاهده وخرج منه بفلسفه او رؤية جديده زي ماكان بيعمل عبد الوهاب مطاوع او يحكي عن كتاب ويلخص محتواه زي مابيقوم من وقت للتاني صلاح منتصر ..

وقيسي على ذلك ..

[صافى]

اولا مسائك عسل متغمس بلكريم شانتية معرفش ازاى اهى حاجة تسد الجوع الى انتى فية وخلاص

ثانيا نا اول مرة اعرف انك اسمك ريهام وانا بحب اسم ريهام جداااا فبشجعك انك تدخلى بية هينجحك ان شاء اللة :hi:

ثالثا ودا الاهم انتى لسة بتسالى تخوضى التجربة والا لا فطبعا بقولك اتكلى على اللة ونمى مواهبك المدفونة وابدعى يمكن نلاقى حد يرفع راس مصرررررر بعد الى حصل لها :hi: ونشاور عليكى ونقول اهى بنات مصرررر :ninja:

بلتوفيق ان شاء اللة لكى تحياتى وحبة من ورداتى :blink: wst:: :hi:

[لماضة مصرية جدا]

اولا مسائك عسل متغمس بلكريم شانتية معرفش ازاى اهى حاجة تسد الجوع الى انتى فية وخلاص :wub:

ثانيا نا اول مرة اعرف انك اسمك ريهام وانا بحب اسم ريهام جداااا فبشجعك انك تدخلى بية هينجحك ان شاء اللة ;)

ثالثا ودا الاهم انتى لسة بتسالى تخوضى التجربة والا لا فطبعا بقولك اتكلى على اللة ونمى مواهبك المدفونة وابدعى يمكن نلاقى حد يرفع راس مصرررررر بعد الى حصل لها :) ونشاور عليكى ونقول اهى بنات مصرررر :P

بلتوفيق ان شاء اللة لكى تحياتى وحبة من ورداتى :lol: :wub:

السلام عليكم و رحمة الله و بركاته

طب قولي و كتاب الله المجيد...بجد بتحبي الاسم ده...ليه بقي....وش عيل رخم و غتيت في نفس الوقت bv:-

ع فكرة انا كان فيه بنوتة زمان بحبها اوي لما عشت في جدة برضه اسمها صافي.....و دي من كتر ما كانت بتلعب بيا (اصلي كنت اشبه الكورة الكفر حضرتك ايام الطفولة الظريفة دي).....كانوا مفكرينها اختي الكبيرة..كل الصور تلاقينا طالعين مع بعض...هي طويلة اوي ماشاء الله عليها.... و انا كائن قصير جدا و مكلبظ جدا.... يالهوي...كانت صور نكتة الحقيقة

يسلملي تشجيعك

مسااااااااكي صافي اوي

[لماضة مصرية جدا]

اكتبي زي اي كاتب عمود مابيعمل .. شفتي انيس منصور او صلاح منتصر او عبد الوهاب مطاوع الله يرحمه في مجلة الشباب زمان ؟

كل واحد من دول بيكتب الي بيجي على باله لحظه كتابته ..

يعني مرة يكتب عن موقف حصل له وتداعيات هذا الموقف من ناحية شاف فيه ايه وتعلم منه ايه ..

مرة يكتب عن نصيحه جائت في باله او حاجه حابب يشكرها للناس او العكس حابب يحذرهم منها ويحكي قصة او اثنين او حكمه او قول ماثور في الحكايه دي

مرة تالته يكون في حدث شاغل الناس فيكتب عنه يجيبه من اوله لآخره ويلخصه ثم يقول رايه فيه

مرة رابعه ممكن يكتفي بس بتجميع اقوال وحكم زي مابيعمل انيس منصور كل يوم جمعه .. او يلخص قصة قراها او فيلم شاهده وخرج منه بفلسفه او رؤية جديده زي ماكان بيعمل عبد الوهاب مطاوع او يحكي عن كتاب ويلخص محتواه زي مابيقوم من وقت للتاني صلاح منتصر ..

وقيسي على ذلك ..

السلام عليكم و رحمة الله و بركاته

استاذتي الجميلة جد...ضحي

ده انتي كل اسم كتبتيه فوق....ده يخليني مكتبشي اصلا و لا افكر فيها

اضحكي بقي

انبارح...انا قولت بقي بس خلاص انا بجد هركز كده و اعمل جو كتابة و اكتب

روحت البلكونة و خليت واحدة صاحبتي تعملي قهوة....مع اني مبحبش القهوة اصلا...و اخدت حبة ورق نضيف كده مش جلدة الكتاب اللي هريتها كتابة (و دايما بكتب مش ع السطر...نازل يشرب)...و قعدت في البلكونة مع ان الجو كان رطوبة موت...و قولت بس يا بت يا فزيعة اتاملي كده و اكتبي

مكملتش نص دقيقة و كنت هموت علي نفس من الضحك.....لان اصلا البلكونة بتاعتي قدامها حيطة سد

و بعدين سمعت صوت واحد من الجيران (محمد عنده 10 سنين...نازل الشارع و بيزعق كالمعتاد.....احد افراد الجالية المصرية ذات الاصوات الامميزة جدا في السوبر ماركت و الباص و الشارع)...

قوم ايه دلدلت نفسي من البلكونة....ازيك يا غمازات (ده الاسم الحركي...عشان لما بيضحك عنده نوغزتين يجننوا)....هتنزل مصر امتي...طب ابعتلي معاك واحد ايس كريم الله يعزك....و متنساشي مناقيش الجبنة

لا بس هركز....و هربط راسي اوي عشان اطلع خلاصة المعرفة

و لا اقولك انا مش هركز...انا هسيبها كده و هي هتيجي لوحدها

تسلمي علي مرورك و تشجيعك و دعواتك يا رب

[لماضة مصرية جدا]

شوفتي

يا بركة دعايا ليكي يا ريهام يا بنتي

كنت ناوي أول ما جيت م العمرة أقولك لما حاجة حلوة تحصلك قوليلي عشان هأكون أنا السبب فيها

يلا يا ستي .. قوليلي بأة .. يا بركة دعاك يابا .. بالاسم و الله يا فندمز

ألا مالقاش عندكو باب ليا أفتحه و أدخل منه و أقفل على نفسي جوة ؟؟

مكاوى .. سيري يا نورماندي

من نورماندي الي عكاوي ......حول (اكيد يا عكاوي كنت بتلعب لعبة التلفون بكوبايات الزبادي...انا لعبتها انا و اخويا لما كرهت ابويا و امي في الزبادي علي اللبن علي البقر ع الكل كليلة.... :wub: )

ربنا يجازيك كل خير يا رب

و يا ريت تكمل جميلك و تفضل تدعيلي

بص يا عكاوي هو طبعا انا فرحانة بالحكاية دي اوي....مش عشان انا كائن رغاي بس..زعشان بحاول اركز اني بجد اكتب حاجة مفيدة و يا رب تكون العلم الصالح اللي ينتفع بيه باذن الله لما الواحد يموت

بس سبحان الله كل حتة حلوة لازم يبقي فيها حتة ملعبكة....الموضوع لسه بياخد وقته.....و امبارح اتعرفت علي المجموعة اكتر

الاقيلك ايه بقي يا مواطن

قدمولي.....الواد الجامد بتاعهم بقي....و ده اللي المفروض هيبقي النموذج اللي احطه ع الارض و امشي عليه...قصدي....الللي احطه في اللمبة و انور دماغي من نوره يعني

و طبعا الواد داخل علينا حاجة كده تقولشي مثلا "عبد الوهاب مطاوع بس من غير زلبطة"...المهم وزع علينا حاجة هو كاتبها

خلصنا ورشة العمل....و الاقيلك البنات بقي.....واااااااااو.....تجنن.....توحفة...تسلم ايدك

و انا ابص فيها و ااقول يا ربي انتوا قريتوا نفس اللي انا كنت بقراه و لا ايه

الواد سطحي اوي في افكاره (قصة شاب مش بيسمع الكلام...ابوه مات....مسار حياته اتغير...المعني حلو...بس هو متناولها بركاكة و بطريقة مباشرة جدا)

روحت انا معلقتش خالص

الاقيه بيقولي و انتي يا ريهام.....رايك ايه

سكتت...و قولتله لسه بكون فكرة

المفروض ده بقي

هيبقي البارتنر بتاعي

ربنا يستر

بس انا في اول قعدة هقوله حكمتي المفضلة

"وضعوني في اناء و قالوا لي تاقلم....و قد ضاق انائي بنموي فتحطم" يا فهم اني مش لازم اكون شبهه....يا انا عافرت شوية معاه عشان اظبطله دماغه......يا اتكلت علي الله و هدور في حتة تانية....بس هعافر شوية....شويتين كده يعني

ادعي بقي

و عايزاك تشمر كومامك يا شيخ مجاهد

ماشي

جزاك اله خيرا

[لماضة مصرية جدا]

وعليكم السلام ورحمة الله وبركاته

اكتبي وماله مش عيب :wub:

علي فكرة يا لماضة انا من أنصار مبدأ التجربة تفيد ولا تضر

كمان أسلوب حضرتك هزلي لاذع ومقبول في نفس ذات الوقت

يعني رأيي توكلي علي الله بس ابقي اذكري اسمي في احد مقالاتك لو سمحتي

سلام

السلام عليكم و رحمة الله وبركاته

مش عارفة انا ليه الكلمة اللي فوق ديت حسستني ان حضرتك هتتعكش...و تروح في توكر....قر بقي و اعترف....انت من انصار ايه؟؟؟ (وش مخبر لابس بالطون....و ماسك جورنان مخروم)

السؤال بقي اللي مينمنيش من انبارح

ايون اذكر اسم حضرتك فين

في باب الحلويات مثلا......مش حضرتك كيت كات برضه

و لا في باب وسائل المواصلات....مش انت اللي كتبت التوبيك....القاهرة..الرياض....نفر نفر...نفر...عبووووووووود

و لا في باب الفنون.....لاني بحب صور حضرتك جدا

طبعا دي كانت حبة رخامة.....بس اكيد و الله يسعدني اني اذكر اسم حضرتك بس ابقي قولي فين؟؟

جزاك الله كل خير

مساااااك اسامي بتعلم في البني آدم و مش ممكن ينساها

[لماضة مصرية جدا]

اخيراااااااااا تحقق جلمى يا ريهام من ساعة ما قريت اسلوبك وانا كل شوية اقولك يا بنتى اكتبى يا نبتى انتى موهوبة جدا ومش حاسةةةة اوعى تكونى نسيتى

طبعا راى مش هيتختلف عن باقى الاخوات طبعا فرصة كويسة جدااااااااااااااا ليكى لانك كتلة من المشاعر الى اخيرا لقت سكتها

طبعا اكتبى باسمك بلاش مووضع الصورة

طيب المووضع بقى دة حسب الجريدة طابعها اية

يعنى شبابية خفيفة سياسية كوميدية و لا نسائية و موضة

قولى لينا اسلوبها اية و الطابع المميز ليها اية

وانا متاكدة انك فعلا هتكونى مميزة جدا فى وسطهم

انا اختار ليكى عنوان اسمة (((( يوميات ريهام الشقية ))))))او(((( عيش ايامك مع ريهام ))) او (((كل يوم حكاية )))

تبداى تحكى فيها عن ايامك العادية واللى بتصادفية من بشر على اختلاف انواعهم و تعليقاتك الشقية عليها

اعتقد ان دة قريب من شخصيتك جدااا لانك فى السرد و تذكر التفاصيل الدقيقة و سردها باسلوب ساخر كوميدى جدااا مميزة جدا جدااا

بالتوفيق يارب و تكونى نجمة فى سماء الكتابة

يا ذهبية المشاعر وحشني كلامك كتير

انتي بطلتي تيجي علي القهوة ليه

انا عارفة انك مشغولة...ربنا ييسرلك حالك

بس مش هتفلتي منين لما تدألج علي مصر

مسااااااااااكي افتقاد...ليكي...اوي

[لماضة مصرية جدا]

مساء الخير

اتوكلى علي الله ووافقي تكتبي لان ليكى اسلوب حلو ولذيذ في الكتابة ومش هتخسرك التجربة وان شاء الله ربنا يوفقك وتعملي حاجة كويسة ويمكن يعجبك اوى موضوع الكتابة دة وتدية وقت كبير من حياتك لان احلي حاجة ان الواحد يعمل حاجة بيحبها لانة هيديلها كتير اوى لحاد ماتبقي كويسة اوى مش هيزهق ويسيبها بسرعة وابقي ابعتى الحاجات اللي هتكتبيها :P عايزين نتفرج :wub:

موفقة

السلام عليكم و رحمة الله و بركاته

تسلمي يا سيرو...و دعواتك....بس تعالي هنا...و بعدين ابقي روحي هناك.....ايه الكلمة اللي فوق ديت

نتفرج... يا دهوتي

يكونشي قصدك اني بعد ما اكتبهم اعملهم مسلسلات و كده يعني

ع فكرة بقي....من زمان و انا في فريق المسرح في المدرسة....اناشيد....و مسرحيات و حاجات نكتة جدا....حتي لما روحت السعودية....معندهمشي الليلة دي و الا كانوا اقاموا عليا الحد.....فضلت وراهم في المدرسة لغاية ما عملنا حاجتين ملبن خالص....

عملنا مسريحة شعرية و انا لعبت فيها دور النابغة الذبياني....و اوعي حد يتريق...الا و ربنا اعيط...(كده و كده يعني)

و بعدين عملنا مسرحية اسمها حول العالم...و انا اخدت دور كومبارس صامت...... تخيلي....انا كومبارس صامت....بس لاني كنت مألفة المسرحية فحبيت ادي فرصة للبنات من بتوع تالتة تاني انهم يشاركوا معانا و كده يعني

بس كده هتخليني ارجع للامجاد بقي (وش فردوس محمد و هي بتمصمص شفايفها علي ايه مش عارفة)

مساكي...ذكريات ملبن خالص

[لماضة مصرية جدا]

أنا موافقة يا ريرى ومع رأى الجميع لانك فعلا اسلوبك مميز

بس ابقى هاتيلنا اللى هاتكتبيه عشان نقرأه احنا كمان او توزعى بقى المجلة علينا كلنا عضو عضو :P

ربنا يوفقك :wub:

اهرام...اخبار...جامهورية

كان فيه فيلم لماجدة..باين بتقول فيه كده

تسلملي يا فتافيتو

و ادعيلي الله يكرمك و يكرمنا جميعا

[لماضة مصرية جدا]

لماضة افندى

اتفق مع الاخوة وجربى مش هتخسرى حاجة

من رايى اذا كانت هذه المجلة متعددة الابواب وليست متخصصة فى شئون معينة

انك تكتبى فى باب الكتابات الساخرة التى تعلق على الاوضاع سلبا وايجابا ( زى بلال فضل كده ) اعتقد كتاباتك تشبهه او فى نفس الاطار

هو كان حد يعرفه .......... دلوقتى بيكتب فى المصرى اليوم وفى مجلات اخرى ده غير الافلام اللى بيبعها والبلية لعبت معاه

وحتى لو نزلتى مصر تبقى تبعتلهم المقالات والكتابات با e-mail

والله ما بهزر باتكلم جد...........بس ابقى افتكرينى وفتحى مخك معايا وعندى ليكى افكار بس مش من ام بلاش ..هه فهمانى

-------------------------

خارج الموضوع بقى والله يا عمو س س

مقدرتش امسك نفسى من الضحك ع الحتة دى

والنبي كلميهم عني يا ريهام .. أنا مستعد أكتب في الأزياء وأخر خطوط الموضه وهابقى ولا أمينه شلباية

بجد انت افضل من بلال فضل بكتير لان اسلوبك افضل منه ومقنع جداااااااااااااا...بجد والله

جزاك الله كل خير استاذي

و نسالك صالح الدعاء

ع فكرة بقي...الحكاية دي من غير فلوس خالص....او يمكن تكون بفلوس؟؟؟

اتصدق انا مسالتش اصلا....و تقريبا مش هسال عشان انا مستمخية منها كده...و مش عايزة راس المال يفرض اي تحكمه عليا ...عايز اكتب بدماغي و بافكراي مهما اتطرفت او اختلف عليها حد

(وش الرفيقة ام عطيات الشغالة.... :wub: )

و بعدين هي خبرة تستحق في حد ذاتها...و عشان كده باذن الله هدوس فيها

كان معكم

لماضة...أفندي....عاوج الهوا طربوشه....... :P

[صافى]

اولا مسائك عسل متغمس بلكريم شانتية معرفش ازاى اهى حاجة تسد الجوع الى انتى فية وخلاص

ثانيا نا اول مرة اعرف انك اسمك ريهام وانا بحب اسم ريهام جداااا فبشجعك انك تدخلى بية هينجحك ان شاء اللة bv:-

ثالثا ودا الاهم انتى لسة بتسالى تخوضى التجربة والا لا فطبعا بقولك اتكلى على اللة ونمى مواهبك المدفونة وابدعى يمكن نلاقى حد يرفع راس مصرررررر بعد الى حصل لها :wub: ونشاور عليكى ونقول اهى بنات مصرررر

بلتوفيق ان شاء اللة لكى تحياتى وحبة من ورداتى wst:: :lol:

السلام عليكم و رحمة الله و بركاته

طب قولي و كتاب الله المجيد...بجد بتحبي الاسم ده...ليه بقي....وش عيل رخم و غتيت في نفس الوقت :lol:

ع فكرة انا كان فيه بنوتة زمان بحبها اوي لما عشت في جدة برضه اسمها صافي.....و دي من كتر ما كانت بتلعب بيا (اصلي كنت اشبه الكورة الكفر حضرتك ايام الطفولة الظريفة دي).....كانوا مفكرينها اختي الكبيرة..كل الصور تلاقينا طالعين مع بعض...هي طويلة اوي ماشاء الله عليها.... و انا كائن قصير جدا و مكلبظ جدا.... يالهوي...كانت صور نكتة الحقيقة

يسلملي تشجيعك

مسااااااااكي صافي اوي

مسائك منور بانوار القران

بصى يا حبيبتى هقولك عن حبى للاسم انا كان نفسى لما اخلف ولد اسمية سيف واما اخلف بنت اسميها ريهام مش عارفة لية الاسمين دول كانو معلقين معايا قوى من ساعة ما عينى عرفت الدنيااا بس يا خسارة لا تاتى السفن بما تشتهى الانفس

طبعا انا قبل ما اتجوز كنت مفكرة انى هسمى بقا براحتى لكن للاسف كان لازم حد تانى يكون مشاركنى اراى وطبعا الراى فى الاخر بيكون لية مهما اولول واهلل بنزل على مفيش وسمينا الولد على اسم حماية طبعا والبنت سبحان اللة كنت ناوية اسميها ريهام بس وانا فى البنج ولا وعى سالنى زوجى هتسمى بنتك اية نطقق فمى هسميها شهد وجت شهد للدنيا

وامنت بعدها فعلا بانا اريد وانت تريد واللة يفعل ما يريد wst:: ودى كانت قصة حبى لاسم ريهام ان شاء اللة لما ابنى يكبر ويتجوز لو لسة عايشة هخلية يسمى ريهام بنتى مقدرش اقررر بقا هتكون فى عصمة راجل يمكن ما يوفقش cr((: cr((

مساكى زى الفل يا ريهام

[pocy]

بتهرجى يا لمضمض اكتبي طبعا

اذا كان انا اللى مليش في الطور ولا فى الطحين هكتب هههههههههههههههه

الله يكون فى عون اللى هيقرالى

بس بجد من زمان وكلنا هنا بنقولك اكتبي يا بنتى واحنا وراكى اهه نشجعك

ده حتى عمورى الامورى بيقولك انا جاهز اهه بالورقه القلم ياروحى بس انتى ملينى واحده واحده اصلي لسه مش عارف الالف من كوز الذره ههههههههههههههههههه

ربنا يوفقك ويكرمك يارب اللهم امين

حماتك المستقبليه : بوسي (أم مهاود على رأى شيخنا الكبير سين سين)

[kitkat]

أنصار مبدأ التجربة تفيد ولا تضر

سلام

ايون اذكر اسم حضرتك فين

مساااااك اسامي بتعلم في البني آدم و مش ممكن ينساها

هههههههههههههههه

والله انتي شرباتة بكل المقاييس !

اذكري اسمي في خانة كبار المهاجرين ، مصريون قرروا أن يضعوا علم مصر علي صدورهم :)

تصوري سألت الهندي الي شغال في المكتبة ياعم الحاج عندك علم مصر صغنطط كده أحطه علي لبسي ؟ قالي فيه علم سعودية

قلتله أنا مصري ياد :ninja:

كان نفسي أدخل فنون تطبيقية قسم تصوير علي فكرة والكاميرا الي بأصور بيها حاليا مش مساعداني كاميرا تليفون 2 ميجا بيكسيل انما ايه : سوني !!

مساكي عسل وقرب من الي بتحبيهم دايم في سعادة مع شوية نكش مايضرش :rolleyes: