خالد محمد سعيد "شهيد الطوارئ

[fatfouta]

جاتلى الرسالة دى عالفيس بوك

الآن يتم تعذيب والإعتداء بوحشية سافره على الشباب والبنات المعتقلين داخل القسم والذين تم إعتقالهم من أمام قسم شرطة سيدي جابر بالأسكندرية ومنهم خالد العنانى عضو حملة دعم حمدين صباحى على خلفية مطالبتهم بمعرفة قتلة خالد محمد سعيد

أسماء المحتجزين

حمد جابر - محمود المنياوى - تم القبض عليهم و تم سحل إيمان ابراهيم بوحشية فى الشارع و القبض عليها

حسن مصطفى - ماهينور المصرى - خالد رفيق - خالد عنانى - احمد نصار

هذا وقد توجه فورا للقسم بعض المحامين السكندريين وفى مقدمتهم الأستاذ عبد الرحمن الجوهرى القيادى بالكرامة

ولما بحثت عن الخبر لقيته فى اماكن كتيرة ولما قريته قلبى اتقطع

شاب ذى الفل يعملوا كده فيه رجال الشرطة.......مهما ان كان عمل اييييييييه!!!! فيه حاجة اسمها قانون يا ناااااااااس.........والله حرام

ربنا يصبر اهله لما تدخلوا وتشوفه منظره مش هتصدقه شكله قبل وفاته وبعد التعذيب.....بعد الوفاة يعنى

اقرأو الخبر

تقدمت أسرة الشاب الراحل خالد سعيد ببلاغ للنيابة العامة حمل رقم 1545/ 2010 تختصم فيها وزارة الداخلية، للتحقيق فى ملابسات مصرع "خالد سعيد"، عقب خروجه من قسم شرطة سيدى جابر.

وكانت أسرة الشاب اتهمت بعض المخبرين والضباط بتعذيب الشاب داخل قسم الشرطة بعد القبض عليه أثناء جلوسه على أحد "الكافيهات"، مؤكدين تمسكهم بملاحقة الجناة أمام القضاء، وقال أحمد سعيد، شقيق المجنى عليه، إن نيابة الإسكندرية أمرت باستدعاء الطبيب الشرعى لمناقشته فى الواقعة وظروف الوفاة.

ومن ناحية أخرى أصدر مركز نصار لحقوق الإنسان بيانا استنكر فيه مصرع الشاب خالد محمد سعيد صبحى، (28 سنة)، مشيرا إلى أن المجنى عليه كان يجلس على "كافيه نت" بشارع بوباست، بمنطقة كليوباترا، التابعة لقسم شرطة سيدى جابر بالإسكندرية، وقام بعض المخبرين بتفتيش المتواجدين بالكافية، وعندما اعترض المجنى عليه على الطريقة التى تحدث بها أحد المخبرين قام أحدهم بصفعه على وجهه، ثم سحلوه إلى مدخل عقار مجاور للمقهى وانهالوا عليه بالضرب.

وأفاد شهود عيان أن أفراد الشرطة اقتادوا المجنى عليه معهم فى سيارة الشرطة، وعادوا بعد ساعات والقوه فى الشارع جثة هامدة.

المصدر

حسبى الله ونعم الوكيل

تم تعديل 12 يونيو 2010 بواسطة Salwa

[fatfouta]

هما المخبرين دول ايه؟؟؟ وحوش مفترسة لمجرد ان حد يتكلم معاهم بطريقة ماتعجبش يتعمل فيه كده؟

وبعدين انامش عارفة اذاى يعنى يا خدوه كده عالقسم بدون اى اذن ولا اى تهمة موجهة ليه ويعذبوه ويرجعوا بعد التعذيب يرموه فى الشارع ذى اى حاجة مالهاش لازمة ولا كانه حيوان

مخبران يسحلان شابا لاعتراضه على تعاملهما معه بهمجية

الخميس 10 يونيو 2010 11:54 م بتوقيت القاهرة

تجرى نيابة سيدي جابر برئاسة المستشار هاني شرف، تحقيقاتها الموسعة بشأن البلاغ المقدم من وليد سعيد محامي المجني عليه خالد محمد سعيد صبحي قاسم 28 سنة "صاحب شركة استيراد وتصدير"، يتهم فيه كلا من محمود الفلاح، وعوض الشهير باسم عوض المخبر، "مساعدين شرطة بقسم سيدي جابر"، بالتسبب في وفاته بسبب الاعتداء عليه بالضرب وسحله إلى القسم.

ترجع أحداث الواقعة إلى يوم الثلاثاء عندما كان المجني عليه يجلس داخل إحدى محلات الإنترنت الكائن بشارع بوباست بمنطقة كيلوباترا، حيث فوجئ بالمتهمين يقتحمان "الكافية نت" ويدخلان ويطلبان من المتواجدين إبراز تحقيق الشخصية بالتعرض وتفتيشهم بدون وجه حق تحت مسمى قانون الطوارئ، وعندما اعترض المجني عليه على طريقة تعامل المخبرين الهمجية والوحشية، قام المتهم الأول بتقييده من الخلف لشل حركته، وعندما حاول المجني عليه الخلاص منهما قاما بطرحه على الأرض وركله في البطن والصدر، واصطحابه إلى أحد المنازل المجاورة لمحل الإنترنت.

وواصل المتهمان الاعتداء عليه بالضرب المبرح والركل بأقدامهما في مختلف أنحاء جسده، مما جعله يفقد الوعي ونزف سيلا من الدماء من أنفه، واعتقد المتهمان أن هذه هي تمثيلية من المجني عليه، ثم حاول الثاني إفاقته بضرب رأسه في ترابزين سلالم العقار المشار إليه ما أدى لحدوث كسور بالجمجمة التي أودت بحياته.

وأكد عدد من شهود العيان لـ"الشروق"، أن واقعة الاعتداء كانت على مرأى ومسمع من الموجودين بالسيبر والمارة بالشوارع، مشيرين أن الضرب والاعتداء استمر لأكثر من 20 دقيقة متواصلة وسط توسلات واستغاثة ودموع المجني عليه.

وأضاف محمود علي موظف وأحد شهود الواقعة، أن المتهمين قاما باصطحاب المجني عليه وهو جثه هامدة إلى ديوان قسم شرطة سيدي جابر، ثم فوجئنا بعد أقل من 15 دقيقة بالمخبرين يعيدان جثته مرة أخرى إلى مكان الواقعة وتركوها مسجاة على الأرض، ثم قام أحدهما بالاتصال بسيارة الإسعاف لإخلاء مسئوليتهما، مؤكدا على وجود شاهد لتلك الواقعة سمع طبيب الإسعاف يقول إن: "واقعة الاعتداء تسببت في الوفاة وأنه لفظ أنفاسه الأخيرة نتيجة عمليه التعذيب الوحشي الذي تعرض شقيقه على أيديهما".

وفى ذات السياق أكد أحمد محمد سعيد شقيق المجني عليه – أمريكي الجنسية - في تصريحات خاصة لـ"الشروق" أنه علم من أصدقاء المجني أنه توفي إثر عمليه تعذيب تعرض لها على يد 2 من مخبري سيدي جابر، أثناء تواجده داخل "النت كافيه" على الفور ذهبت إلى المقدم عماد الدين عبد الظاهر رئيس مباحث قسم شرطة سيدي جابر للسؤال عن سبب القبض على شقيقي، أجابني أن شقيقي مدمن الأقراص المخدرة، وأرجع سبب الوفاة هو تناوله كمية كبيرة من الأقراص المخدرة داخل الحجز.

وأضاف في تصريحاته لـ "الشروق" أن أخي لم يتم حجزه في هذه الليلة بالتحديد داخل القسم أو غيرها، وأنه حسن السير والسلوك ويتمتع بسيرة طيبة بين جيرانه ومحبوب من جميع أصدقائه ومعارفه.

وأوضح شقيق المجني عليه قائلا: "عقب سماعي اتهام القسم لشقيقي توجهت على الفور إلى السفارة الأمريكية وأخطرتها بالواقعة بصفتي مواطن أمريكي قد يحميه الجواز الأمريكي بدلا من الجواز المصري الذي يهين أبنائه، مؤكدا إنني لن أتنازل عن حق شقيقي".

ووجه أحمد رسالة من خلال "الشروق"، إلى الرئيس محمد حسنى مبارك مطالبا فيها بصفته مواطن مصري وليس مواطن أمريكي بحق شقيقه المجني عليه الذي ضاعت حياته على يد مخبرين لا يملكون قدر من الرحمة والإنسانية، كما طالب اللواء حبيب العادلي وزير الداخلية أن يعاقب المخبرين المتسببين في الحادث، مؤكدا أن أمثال هؤلاء يحصدون كراهية الشعب لرجال الشرطة.

وقررت نيابة سيدي جابر أمس انتداب الطبيب الشرعي لتشريح جثة المتوفى وإعداد التقرير اللازم وصرحت بدفن الجثة.

ومن جانبها تجرى مديرية أمن الإسكندرية تحت إشراف اللواء محمد إبراهيم مدير الأمن تحقيقاتها الموسعة بشأن البلاغ المقدم من نجل المجني عليه ضد المخبرين حول الاتهامات الموجهة ضدهما.

تم تعديل 10 يونيو 2010 بواسطة fatfouta

[om marawan]

لا حول ولاقوة الا بالله

الله يرحمه ويغفر له ويصبر اهله يارب

ايه ده انا مصدومة والله بقا يفضلوا يضربوا فيه 20 دقيقة لغاية ماقتلوه ؟؟؟ ايه الوحوش دول

لا والناس كمان واقفة تتفرج وجاايين النهارده يقولوا انهم شهود عيان ... طب اللى ضربوه حيوانات واللى واقفين يتفرجوا دول ايه انا مش فاهمة

حسبى الله ونعم الوكيل فى اللى ضربوه وفى كل واحد وقف يتفرج ومافكرش يحميه او يحوش عنه

ربنا يرحمه برحمته يااااااااارب وينتقم من اللى كانوا السبب

تم تعديل 11 يونيو 2010 بواسطة om marawan

[hazemtara]

مفيش كلام نقدر نقولة غير حسبى الله ونعم الوكيل.

لكن لا يجب السكوت على تجاوز بهذا الشكل مهما كانت العقبات لازم هذا الشاب المُتوفى يأخذ حقة & المجرم يجب أن ينال جزاؤة ولو بعد حين.

[Howayda Ismail]

من ساعة ماشفت الصورة انطبعت فى خيالى لدرجة مش قادرة انام حاسة بقهر وذل وعجز نفسى اصرخ من اللى باشوفه كل يوم من

تجاوزات كلاب الحراسة مع الاهالى والمارة لكن النهاردة جوايا بركان بيغلى من بشاعة المنظر للاسف الحماية والامان للاجانب

والسياح والخوف والرعب لاهل البلد مش عارفة اكتب ايه من كتر اللى جوايا لكن حاسة انى كرهت كل حاجة من خنوع واستسلام .

من فترة صعب على حدثين صغار السن ضربوا فى الطريق العام بصورة وحشية من المخبرين وامناء شرطة والباشا واقف مستنى ياخد

الدور فى التلطيش قلبى وجعنى لكن انهاردة حاسة انى قلبى اتخلغ كأنه ابنى وخايفة يجى الدور على ابنى لانهم استوقفوه اكتر من

مرة فى اماكن مختلفة لانهم ببساطة ممكن يوقفوا اى وسيلة مواصلات وانزال الركاب وتفتيشهم خاصة الشباب ناس محترمة بتتفتش

زىالمجرمين رغم البلطجية ومروجى المخدرات تحت الحماية لانهم مرشدين للحكومة وبيساعدوها فى حفظ الا من فى الشارع

للاسف المحترم لم يعد له مكان لانه ببساطة معرض لامتهان كرامته التى فى طريقها للزوال .

اللهم ارفع غضبك ومقتك عنا

[Howayda Ismail]

لا حول ولاقوة الا بالله

الله يرحمه ويغفر له ويصبر اهله يارب

ايه ده انا مصدومة والله بقا يفضلوا يضربوا فيه 20 دقيقة لغاية ماقتلوه ؟؟؟ ايه الوحوش دول

لا والناس كمان واقفة تتفرج وجاايين النهارده يقولوا انهم شهود عيان ... طب اللى ضربوه حيوانات واللى واقفين يتفرجوا دول ايه انا مش فاهمة

حسبى الله ونعم الوكيل فى اللى ضربوه وفى كل واحد وقف يتفرج ومافكرش يحميه او يحوش عنه

ربنا يرحمه برحمته يااااااااارب وينتقم من اللى كانوا السبب

يا اخت ام مروان الصورة اصعب من اللى حضرتك شيفاه احنا من البلد و صعب اوصف لحضرتك ازاى مراكز القوى رجعت اكتر شراسة

من ايام الزفت شمس بدران الخوف لجمنا لايجرؤ احد انه يقترب من اناس فقدت ادنى معنى للانسانية والرحمة.

[herohero]

انالا اعمم لكن هؤلاء هم كلاب حراسةالنظام وبما ان النظام فاسد فماذا نتوقع من نتحدث عنهم هم مجموعه من الفشلة ، انا لدي نموذج ادام عيني انسان فاشل اخلاقيا وعلميا مش فالح ف حاجه

اهله خلص ثانوية عامة وبالواسطة دخل شرطة ده لما هيتخرج هيتعامل ازاي

فده طبيعي جدا لكن هؤلاء الاسود قطط وفيران ع الغرب والاجانب بالضبط زي ماكان ظاهر والرساله بتاعت فيلم عسل اسود ده حقيقه مرررررررررة

انا مش قادر ارد الا بكلمات اغنيه نورعبد الله بالورقه والقلم

خدتينى 100 ألم

انا شفت فيكى مرمطة وعرفت مين اللى اتظلم

ليه اللى جايلك اجنبى

عارفة عليه تطبطبى

وتركبى والش الخشب وعلى اللى منك تقلبى

عارفة سواد العسل

اهو ده اللى حالك ليه وصل

ازاى قوليلى مكملةوكل ده فيكى حصل

يا بلد معاندة نفسها

يا كل حاجة وعكسها

ازاى وانا صبرى انتهى لسة بشوف فيكى امل

طرداك وهى بتحضنك

وهو ده اللى يجننك

بلد ماتعرف لو ساكنها والا هى بتسكنك

بتسرقك وتسلفك

ظلماك وبرضه بتنصفك

ازاى فى حضنك ملمومين وانتى على حالك كده

[fatfouta]

دى الصفحة اللى عملوهاله عالفيس بوك

http://www.facebook.com/khaledkilled?v=wall

ادخلو شوفوا منظره بعد التعذيب وقبل الوفاة بدقائق والله انا مش مصدقة اللى انا شايفاه ده لو عمل حادثة بالعربية مش هيبقى شكله كده هما ضربوه بايه دول

واللى مجننى بقى انه كان بيضر ب ادام الناس والناس واقفة ساكتى قعدوا يضربوه 20 دقيقة مافيش حد اتدخل وقال حرام!!!!!!!! يعنى لو كانوا الناس اتجمعوا عااتنين المخبرين الوحشيين دول مش كانوا ضربوهم وخلصوا الولد من ايديهم؟؟؟!!!!!!!!!

انا مصدومة فعلا فى السلبية والخوف اللى وصلتله الناس للدرجة دى الولد اتضرب واتعذب ادامهم وهما ولا كأن وواقفين يتفرجوا؟ هى الناس اللى بتعذب روح وبتقتل نفس دى مش بتخاف ربنا وماعندهاش رحمة فى قلبها......ده الولد يا عينى شكله بعد التعذيب والله..........أنا والله ماقادرة اتكلم ومن امبارح مانمتش وكل ماروح فى مكان بيطاردنى منظره الاليم دوت.......وعلى طول افتكرت منظر الراجل اللى اتسحل فى لبنان برضو..........مافيش فرق كبير على فكرة

يارب انتقم منهم ورحمتك بينا........انتقم منهم ياااااااارب

[om marawan]

مش ممكن والله ياتوتة انا لسه كاتبة رد بنفس معنى كلامك بس الرد اتمسح :(

هند قالت

يا اخت ام مروان الصورة اصعب من اللى حضرتك شيفاه احنا من البلد و صعب اوصف لحضرتك ازاى مراكز القوى رجعت اكتر شراسة

من ايام الزفت شمس بدران الخوف لجمنا لايجرؤ احد انه يقترب من اناس فقدت ادنى معنى للانسانية والرحمة.

ماحدش من الشباب اللى فى الكافيه او معظم اللى موجودين يعرف اصلا مين شمس بدران واللى حصل مش سلوك طبيعى او متعارف عليه عشان الناس تشوفه وتسكت عليه

لكنهم فيهم اللى قال تلاقيه سوابق ولا احنا مالنا خلينا فى حالنا و ماحدش فكر ان ده ابنه ولا اخوه ولا حتى هو نفسه اللى مكان الولد وهو بيصرخ ويستنجد حد يرحمه من ايديهم طول التلت ساعة اللى انضرب فيها

زى مافتفوتة قالت كانوا اتلموا عليهم ونجدوه او حتى بكل سلبية واحد وقف يصورهم وجرى والله كانوا هيخافوا لكن سلبية بشعة ولو ده حالنا يبقا نستاهل اللى يحصلنا

ياسيدتى الفاضلة فرعون بكل جبروته وظلمه ماقدرش يحكم شعبه بالقوة لوحدها ورب العزة سبحانه وتعالى قال عنه وعنهم

((فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْماً فَاسِقِينَ)) (الزخرف:54) .

والله انا كمان فعلا جه فى بالى المصرى اللى اتقتل فى لبنان المشكلة برضه مش فى اللى قتلوه لوحدهم لكن كمان فى ال100 او ال 500 اللى وقفوا يتفرجوا وماحدش فيهم قال حتى كلمة

المفزع بقا انه على ماعتقد تهمة " ضرب افضى الى موت " ده لو اتهموهم بيها يعنى عقوبتها من 6 شهور ل 3 سنين سجن !!!!!

رحمه الله ورحم امواتنا جميعا وموتى المسلمين

[عبيد الله]

قال تعالى: "ولَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ"

والله إني لأكتب تعليقي هذا وأنا أذرف الدمع على ذلك المغدور.. ذلك الشاب المسكين الذي قتله المجرمون وشوهوه.. لم أستطع النوم البارحة بعد قراءة الخبر على موقع اليوم السابع:

http://youm7.com/News.asp?NewsID=239233

لا أجد كلمة أصف بها وزارة الداخلية والانحدار المهني والتعفن الأخلاقي الذي وصلت إليه.. أصبحت وزارة التعذيب والقتل.. وليست راعية للأمن وممثلة لدولة القانون..

حسبي الله ونعم الوكيل..

حسبي الله ونعم الوكيل..

حسبي الله ونعم الوكيل..

حسبي الله ونعم الوكيل..

حسبي الله ونعم الوكيل..

حسبي الله ونعم الوكيل..

حسبي الله ونعم الوكيل..

حسبي الله ونعم الوكيل..

تم تعديل 11 يونيو 2010 بواسطة عبيد الله

[fatfouta]

ربنا يظهر الجق ويصبر أمه ويقدر أهله انهم يا خدا حقه من اللى غدروا بيه

كل ساعة خبر وكل ساعة كلام جديد فى القضية دى

والدة شهيد الطوارئ تكشف سر مقتل أبنها

الجمعة 11 يونيو 2010 4:40 م بتوقيت القاهرة

كشفت السيدة ليلى مرزوق والدة خالد محمد سعيد (شهيد الطوارئ) للشروق، الأسباب الحقيقية وراء مقتل ابنها على يد ضابط شرطة ومخبرين اثنين، وقالت إنه "حصل على فيديو يحتوي على لقطات لأحد ضباط قسم سيدي جابر والمخبرين، وهم يقومون بالاتجار في الحشيش وقام بنشر الفيديو بين أصدقائه وذلك منذ حوالي شهر، وقال إنه سوف يدشن مدونة لفضح الضابط والمخبرين"، وتتابع والدة خالد "قمت بتحذيره أكثر من مره من نشر هذا الفيديو حتى لا يقوموا بإيذائه"، وأبدت دهشتها لأنهم "لم يهددوه قبل يوم الحادث إلا أنهم دخلوا عليه فجأة وانهالوا عليه ضربا".

وأضافت لم يصدر حتى الآن تقرير الطبيب الشرعي، ولكن ما صدر هو تقرير الإسعاف الذي قالوا فيه إن خالد انتحر نتيجة بلعه قطعة حشيش، وأن به عدة كدمات نتيجة عراكه مع المخبرين، وأشارت "المخبرين وبعض الشهود قالوا إنه عندما شاهد المخبرين قام ببلع قطعه حشيش واستنجد بالناس، وقام المخبرون بضربه، ولكن التقرير نفى أن تكون الوفاة نتيجة الضرب"، وتتابع بمرارة "خالد كان يجلس إمام الإنترنت 24 ساعة، فالإنترنت حياته وكان يجلس ساعات عديدة في النت كافيه".

من جانب آخر، تحدث جيران شهيد الطوارئ بالإسكندرية عن خالد سعيد، وأكدوا أنه كان مثالا للشاب المحترم، وأنه كان يعشق الموسيقى ولم تكن له علاقة بأي من أنواع المخدرات، وأضافوا أنه ينتمي لعائلة محترمة وميسورة الحال.

وروى صاحب مقهى الإنترنت الذي شهد الحادث تفاصيل سحل خالد، وأكد أن شهيد الطوارئ دخل المقهى كعادته إلى صديقه نبيل الذي كان يمارس نشاطه على الإنترنت، حيث فوجئ الجميع، بكل مخبر يدخل من باب مختلف للمقهى بحيث حاصراه ومنعا الخروج منه، ثم قاما بتكبيل خالد وأوسعاه ضربا، وحين حاول مقاومتهما ضربا رأسه برخام المحل، حاول صاحب المقهى التدخل لطرد المخبرين ظنا أنهما يحاولان اعتقاله، فسحبا خالد معهما للخارج بينما كان غائبا عن الوعي، وظلا يضربان رأسه بالبوابة الحديدة المجاورة لمقهى الإنترنت حتى لفظ أنفاسه الأخيرة، فألقيا به في سيارة الشرطة وابتعدوا لمدة عشر دقائق، قبل أن تعود السيارة محملة بعدد من أفراد الشرطة وتلقي المجني عليه في الشارع.

وأضاف شهود العيان أن سيارة إسعاف وصلت بعد قليل وحملت الجثة، لتكتب تقريرا تدعي فيه أن خالد سعيد توفي نتيجة جرعة مخدر زائدة، وأكد الشهود أن عدداً من معاوني الشرطة شددوا على أصحاب المقاهي المجاورة بعدم تقديم أي شهادة لوسيلة إعلامية، وإلا تعرضوا للاعتقال والتعذيب.

[لولا]

الى أين ؟؟

الى مزيد من الظلم ؟؟

الى مزيد من الفساد؟؟

الى مزيد من الدولة البوليسيه ؟؟

الى مزيد من الرشوه؟؟

الى مزيد من الفقر؟؟

الى مزيد من الحقوق المسلوبه؟؟

الى مزيد من اللآدميه؟؟

الى اين حقا ؟؟

الى اين سنصل ؟؟

الى اين يقودون بنا ؟؟

الى اى درجة من الرخص ستصل دماء ابنائك يا مصر فى قلب ارض يقولون لنا انها "وطن "!!!

الى جنات الخُلد خالد..

الى جنات الخُلد ..

اللهم اغفر له وارحمه وابدله دار خيرا من داره..

اللهم ارحمنا

اللهم ارحمنا يارب

اللهم ارحمنا يارب

اللهم ارحمنا يارب

ما هذا ؟؟؟

ما هذا فعلا ؟؟

ليخبرنى احدكم اى كابوس لا ينتهى هذا

عاجزه حقا عن قول المزيد الآن فقط اطلعت على الخبر والصور ولا شيء يمكن ان يمحى من ذاكرتى وجه هذا الشاب البرىء

قبل ان يسحلوه ويعذوبوه كلاب الحكومه المسعورين الفاسدين اتباع النظام الفاسد ذو الرئحه النتنه ..

كلاب .. واحقر من كلاب.

[mfarag]

فعلا

كلاب .. واحقر من كلاب

[مهندس ابو يوسف]

ربنا يظهر الجق ويصبر أمه ويقدر أهله انهم يا خدا حقه من اللى غدروا بيه

كل ساعة خبر وكل ساعة كلام جديد فى القضية دى

والدة شهيد الطوارئ تكشف سر مقتل أبنها

الجمعة 11 يونيو 2010 4:40 م بتوقيت القاهرة

كشفت السيدة ليلى مرزوق والدة خالد محمد سعيد (شهيد الطوارئ) للشروق، الأسباب الحقيقية وراء مقتل ابنها على يد ضابط شرطة ومخبرين اثنين، وقالت إنه "حصل على فيديو يحتوي على لقطات لأحد ضباط قسم سيدي جابر والمخبرين، وهم يقومون بالاتجار في الحشيش وقام بنشر الفيديو بين أصدقائه وذلك منذ حوالي شهر، وقال إنه سوف يدشن مدونة لفضح الضابط والمخبرين"، وتتابع والدة خالد "قمت بتحذيره أكثر من مره من نشر هذا الفيديو حتى لا يقوموا بإيذائه"، وأبدت دهشتها لأنهم "لم يهددوه قبل يوم الحادث إلا أنهم دخلوا عليه فجأة وانهالوا عليه ضربا".

وأضافت لم يصدر حتى الآن تقرير الطبيب الشرعي، ولكن ما صدر هو تقرير الإسعاف الذي قالوا فيه إن خالد انتحر نتيجة بلعه قطعة حشيش، وأن به عدة كدمات نتيجة عراكه مع المخبرين، وأشارت "المخبرين وبعض الشهود قالوا إنه عندما شاهد المخبرين قام ببلع قطعه حشيش واستنجد بالناس، وقام المخبرون بضربه، ولكن التقرير نفى أن تكون الوفاة نتيجة الضرب"، وتتابع بمرارة "خالد كان يجلس إمام الإنترنت 24 ساعة، فالإنترنت حياته وكان يجلس ساعات عديدة في النت كافيه".

من جانب آخر، تحدث جيران شهيد الطوارئ بالإسكندرية عن خالد سعيد، وأكدوا أنه كان مثالا للشاب المحترم، وأنه كان يعشق الموسيقى ولم تكن له علاقة بأي من أنواع المخدرات، وأضافوا أنه ينتمي لعائلة محترمة وميسورة الحال.

وروى صاحب مقهى الإنترنت الذي شهد الحادث تفاصيل سحل خالد، وأكد أن شهيد الطوارئ دخل المقهى كعادته إلى صديقه نبيل الذي كان يمارس نشاطه على الإنترنت، حيث فوجئ الجميع، بكل مخبر يدخل من باب مختلف للمقهى بحيث حاصراه ومنعا الخروج منه، ثم قاما بتكبيل خالد وأوسعاه ضربا، وحين حاول مقاومتهما ضربا رأسه برخام المحل، حاول صاحب المقهى التدخل لطرد المخبرين ظنا أنهما يحاولان اعتقاله، فسحبا خالد معهما للخارج بينما كان غائبا عن الوعي، وظلا يضربان رأسه بالبوابة الحديدة المجاورة لمقهى الإنترنت حتى لفظ أنفاسه الأخيرة، فألقيا به في سيارة الشرطة وابتعدوا لمدة عشر دقائق، قبل أن تعود السيارة محملة بعدد من أفراد الشرطة وتلقي المجني عليه في الشارع.

وأضاف شهود العيان أن سيارة إسعاف وصلت بعد قليل وحملت الجثة، لتكتب تقريرا تدعي فيه أن خالد سعيد توفي نتيجة جرعة مخدر زائدة، وأكد الشهود أن عدداً من معاوني الشرطة شددوا على أصحاب المقاهي المجاورة بعدم تقديم أي شهادة لوسيلة إعلامية، وإلا تعرضوا للاعتقال والتعذيب.

الساكت عن الحق شيطان اخرس

لابد من شهاده اصحاب المقاهي

ولو سكتنا عن الظلم سوف يتفشى ونصبح من سيء الى اسوء

وبذلك نشجع الظلم وهنصبح مذلوليين اكتر واكتر

اكييد في حد محترم هيقف معاهم

اكيد مش كلهم كده

بس هم لازم يشهدوا عشان النهارده خالد بكره مش عارفيين ميييييين؟؟؟؟؟

تحياتي

م /ابو يوسف

[مغتربة]

أخلت نيابة سيدى جابر بالإسكندرية سبيل الشرطيين المتهمين بقتل الشاب خالد سعيد (28 سنة) من سراياها.

كشفت تحقيقات النيابة، أنه أثناء مرور قوة من وحدة مباحث سيدى جابر بالإسكندرية لمتابعة الحالة الأمنية، شاهدت كلاً من خالد محمد سعيد "المتوفى" سابق اتهامه فى 4 قضايا سرقة وحيازة سلاح أبيض وتعرض لأنثى بالطريق العام وهروب من الخدمة العسكرية ومطلوب ضبطه فى حكمين بالحبس شهراً فى قضيتى حيازة سلاح أبيض وسرقة، وموظف بشركة بترول (26 سنة) سابق اتهامه فى إيصالات أمانة ومشهور عنهما الاتجار فى المواد المخدرة، وبحوزة الأول لفافة يشتبه أن يكون بها مادة مخدرة، وعند محاولة استيقافه فر هارباً، إلا أن شرطيين تمكنا من ضبطه وحاولا تحريز اللفافة التى معه، لكنه ابتلعها ليصاب بحالة إعياء شديدة نقلاه على إثرها بمساعدة بعض الأهالى للمستشفى الجامعى بسيارة إسعاف، إلا أنه كان فارق الحياة، وسؤال الموظف وشهود العيان أكدوا مضمون ما سبق، لتقرر النيابة إخلاء سبيل الشرطيين من سرايا النيابة.

وبمناقشة الطب الشرعى أرجع سبب الوفاة لإسفكسيا الخنق نتيجة امتداد القصبة الهوائية باللفافة التى ابتلعها الضحية، وهى عبارة عن ورقة مفضضة بداخلها كيس من البلاستيك يحوى نباتاً جافاً يشبه البانجو، تم استخراجها والتحفظ عليها وإرسالها للمعمل الجنائى لفحصها.

شوفتم لفافه البانجو بتشوه وش الى يبلعها ازاى

اللهم لك المشتكى

فحقا جاوز الظالمون المدى

[herohero]

يا سبحان الله ياه ايه ده ايه الحلاوة ده

لو بالمنظر ده كان زمانا بقى دلوقتي بقينا 30 مليون ع الاقل كان نص الشعب اتكسر ماهو البلد بقت كلها ف عداد الموتى لو افترضنا صحه الكلام وانا اشك

يعني تاجر مخدرات ومسجل خطر امال الاشكال الوسخه اللي الواحد بيشوفها ف الميكروباصات ده تبقى ايه لما ده بتاع مخدرات بصراحه الكدب برده بنفشل فيه كدب بايخ

[مغتربة]

لا دا مش كدب استاذى

دى بجاحه

[Howayda Ismail]

حسبنا الله ونعم الوكيل

[fatfouta]

أخلت نيابة سيدى جابر بالإسكندرية سبيل الشرطيين المتهمين بقتل الشاب خالد سعيد (28 سنة) من سراياها.

كشفت تحقيقات النيابة، أنه أثناء مرور قوة من وحدة مباحث سيدى جابر بالإسكندرية لمتابعة الحالة الأمنية، شاهدت كلاً من خالد محمد سعيد "المتوفى" سابق اتهامه فى 4 قضايا سرقة وحيازة سلاح أبيض وتعرض لأنثى بالطريق العام وهروب من الخدمة العسكرية ومطلوب ضبطه فى حكمين بالحبس شهراً فى قضيتى حيازة سلاح أبيض وسرقة، وموظف بشركة بترول (26 سنة) سابق اتهامه فى إيصالات أمانة ومشهور عنهما الاتجار فى المواد المخدرة، وبحوزة الأول لفافة يشتبه أن يكون بها مادة مخدرة، وعند محاولة استيقافه فر هارباً، إلا أن شرطيين تمكنا من ضبطه وحاولا تحريز اللفافة التى معه، لكنه ابتلعها ليصاب بحالة إعياء شديدة نقلاه على إثرها بمساعدة بعض الأهالى للمستشفى الجامعى بسيارة إسعاف، إلا أنه كان فارق الحياة، وسؤال الموظف وشهود العيان أكدوا مضمون ما سبق، لتقرر النيابة إخلاء سبيل الشرطيين من سرايا النيابة.

وبمناقشة الطب الشرعى أرجع سبب الوفاة لإسفكسيا الخنق نتيجة امتداد القصبة الهوائية باللفافة التى ابتلعها الضحية، وهى عبارة عن ورقة مفضضة بداخلها كيس من البلاستيك يحوى نباتاً جافاً يشبه البانجو، تم استخراجها والتحفظ عليها وإرسالها للمعمل الجنائى لفحصها.

شوفتم لفافه البانجو بتشوه وش الى يبلعها ازاى

اللهم لك المشتكى

فحقا جاوز الظالمون المدى

ده طب شرعى؟؟؟؟؟؟ لا ده طب لاااااااااااشرعى

هو الل بيموت اثر جرعة زيادة من المخدرات بيتشوه كده؟؟؟؟؟ طب لما هو كان واخد مخدرات هما بقى كانوا بيضربوه ليه بعد ماعرفه انه بيتعاط مخدرات؟؟؟؟؟؟؟

وكمان طلع عليه اربع قضايا بقدرة قااااادر.....ده ايه الظلم ده ماخلاص موتتوه عاوزين ايه تانى؟؟ يعنى القتلة طلعوا بالسلامة اهم ولا كأنهم عملوا حاجة وهو يا عينى دمه هيروح هدر؟؟؟؟؟؟؟؟؟؟ إلى أين بجد.............إلى أأأأأأأأأأأأأأييييييييييييييين؟؟؟؟؟؟؟؟؟؟؟؟

حسبى الله ونعم الوكيل

تم تعديل 11 يونيو 2010 بواسطة fatfouta

[om marawan]

قصة والدة خالد رحمه الله ممكن تكون أقرب للصواب لأن فعلا ازاى مخبرين داخلين يفتشوا الناس فى الكافيه لوحدهم كده وفين الظابط

الا لو كانوا فعلا متعمدين يدخلوا مخصوص عشان يتهجموا عليه ويضربوه ومايظهرش الظابط فى الصورة

مش هيقدروا يلفقوا حكاية لفافة البانجو طب كانوا قالوا اتوبيس خبطه كانت تبقا الكدبة أشيك شوية

لكن على رأى مغتربة هى بجاحة اللى هو ده بقا اللى عندنا وان كان عاجبكم ومش بعيد يقولوا انها سكتة قلبية !!!!!

انا مع كل السوداوية اللى فى الحادث الا انى لا اتوقع ابدا سكوت النائب أو رقابة الشرطة عليهم بالعكس أعتقد فى ظروف البلد الحالية انهم يخلوهم مثال على حماية المواطن بما ان الموضوع وصل للصحافة بالشكل ده

او يمكن اكون باتمنى ان ده اللى يحصل

حسبي الله ونعم الوكيل